سؤال للي بتعمل الزيتون ببيتها ارجو الإفاده

**ROZALENDA** · 14-10-2005, 12:28 PM

السلام عليكم ورحمة الله وبركاته
بنات الشام اللي بتعمل الزيتون ببيتها ياريت تقلي شو بتضيفي على الزيتون الأخضر قبل ما تكبسيه
عملت الزيتون الأسود وحطيت عليه ليمون مقطع وزعتر اخضر وطلع كتير لذيذ بس ماعندي فكره عن الأخضر عم فكر ليمون وفليفله وياترى بينفع اكبسه بمي وملح وعالوش بس زيت متل الأسود ولا كله زيت ؟
اللي عندها فكره ياريت تفيدني
وكل عام وانتم بخير

**bichebicha1** · 14-10-2005, 02:03 PM

السلام عليك

بالنسبة للزيتون الأخضر عندنا نرقده بالماء و الملح
و نغيره من فترة لأخرى يعني نجدد الماء .

**هنلي** · 14-10-2005, 03:30 PM

اختي ممكن ماء وملح وعلى وجه البرطمان شويه زيت علشان ما يصير تاكسد
وفي اشي بيضيف قطع ليمون واشي فلفل علشان يصير حار واشي بيخلط ثلث ماء وملح وثلث عصير ليمون وثلث زيت زيتون

اما عادي ممكن تعمليه مع ماء ولح وكم شريحه ليمون

**ام البنات ** · 14-10-2005, 03:37 PM

انا جربت هذه الطريقة و الزيتون طلع اممممم

يغسل الزيتون جيدا و يشق 2ـ3 شقات بالسكين و يوضع في في دلو و يغطى بالماء و يغلق و نغير الماء كل يوم حتى تختفي مرارة الزيتون بعده نضيف عصير الحامض و الملح بعض اعواد البسباس و يغلق ***انا لستعملت ربع لتر عصير الحامض في 5 او 6 كيلو زيتون و نفس مقدار الملح***و لا تنسين ان تضيفي الماء حتى يغطي ا لزيتون

ارجو ان اكون افدتك

**طيـــف** · 14-10-2005, 08:26 PM

روزا ليندا حبيبتي
مشاءالله هنوله ماقصرت
بس بشوف اختي ساعات بتضيق قطع الليمون والفلف الحار والفلفل الحلو وقطع جزر
وبعدين بتقول مشان النكهه بيعطي طعم طيب
بس انا بصراحه مش صحبه مع الزيتون والمخلللات مابكلها

**وعود الخير** · 15-10-2005, 10:02 AM

اضافة لطريقة هنلي ممكن تضيفي كم عرق شبنت اخضر بيعطي نكهة طيبة

**ROZALENDA** · 15-10-2005, 12:56 PM

أخت bichebicha
ياالله شو اسمك بياخد وقت معي بالكتابه لك اهلا وسهلا بهالطله لو بعرف حتشرفي موضوعي كنت سألت عن الزيتون من زماااااااان شكرا حبيبتي على المعلومه بس الزيتون اللي عندي محلى خالص
أخت هنلي
شكرا كتير عالإفاده فكرة عصير الليمون كتير عجبتني بدي طبقها ان شاءالله ما خطرت على بالي جزاك الله خيرا حبيبتي
أخت ام البنات
اكيد افدتيني والمعايير كتبتتها عندي تسلم ايدك يارب وجزاك الله خيرا
أخت طيف
ياسلام عليكي هييييييييي هيه وانا عم قول كنت اكله عند وحده صاحبتي من ادلب الله يذكرها بالخير وطعمته بتجنن وبتذكر انه كان في الوان واني كنت اتذكر شو هيه الالوان اتاري الجزر والفلفل لما قريت ردك ضحكت والله لأني صرلي شي شهرين عم اعصر دماغي وما تذكرت انه الجزر مع انه كل ما بفتح البراد بلاقي كيس الجزر بوشي تسلم ايدك عالإفاده ورمضان مبارك عليكي
أخت وعود الخير
جديده عليي عروق الشبت بس انا بحب الشبت حجربها تسلم الإيد اللي كتبت وجزاك الله خير
عن جد انبسطت كتير يابنات لما قريت ردودكم وحسيت اني قاعده بين اخواتي مره ثانيه جزاكم الله خير والله لا يحرمني منكم

**lanloon** · 15-10-2005, 04:34 PM

حبيبتي مين من داق الزيتون الاخضر عندي اللا و سألني شووووووووووووو السر؟؟؟

طبعا انا ما ببخل على حد و خاصه حبيباتي بنات لكِ

اول شئ انت بتحبي مدقوق ولا مجرح؟؟
في الحالتين انا بستخدم نفس الطريقه بس مدة السوى هي اللي بتفرق ... في المجرح بطول اكتر شوي يعني ممكن تخلي هاد للتخزين و المدقوق للاكل السريع

المهم بعد ما اجرحه و ادقه بنقعه بالملح و الليمون ليله و يوم و كل شوي بحركه
ثاني يوم بكون مجهزه المرطبانات اللي بدي اكبسها فيها

برجع بفرح الزيتون في الليمون و الملح اللي فيه و بحطه في المرطبانات و بحط في كل مرطبات من الليمون و الملح اللي كان فيه ... بقطع ليمون جديد و بضيفه للزيتون و بضيف قرن او قرنين فلفل و بحط شوية زيت على الوجه و بصب الماء و الملح لحد ما بغمر الزيتون و برجع بحط شوية زيت زيتون و بسكره و خلصنا

اذا عندك ورق زيتون اغسليه و حطي على ا لوجه بعطي نكهه كتير طيبه

ادعي لي

**MOSLEMA** · 16-10-2005, 07:16 PM

يعطيك العافية اختى على الطريقة

**طيـــف** · 17-10-2005, 12:28 AM

ولايهمك ياروزا

دايما في البال والذاكره

صحتين يارب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: سؤال للي بتعمل الزيتون ببيتها ارجو الإفاده

أدوات الموضوع

العرض