مرحبا يا حلوييييين كيفكووووون اليوم...عملت اليوم طبق جانبي و طلع كتير لذيييذ..صورته لكم عشان تعملوه عبارة عن بطاطا(يا حبي للبطاطا)
المهميييييييم..المقادير المطلوبة...5 حبات بطاطا مسلوقة..ملعقة صغير زنجبيل طازج مدقوق..2 معلقة صغيرة ثوم مدقوق...1 معلقة صغيرة كمون بودرة...2-4 ملاعق صغير عصير ليمون...2 ملاعق كبيرة كزبرة خضراء(انا ما حطيت ما كان عندي فحطيت ناشفة بس طبعا الاخضرة اطيب)...ملعقة و نص صغيرة فلفل احمر بودرة حسب الرغبة...و ملح
للتغميس بنستعمل ثمان ملاعق كبيرة من دقيق الحمص..انا ما كان عندي استعملت دقيق عادي...ملعقة صغيرة كركم..2 م.ص فلفل احمر بودرة..2 ملعقة صغيرة ملح..كمية من الماء تكفي لعمل خليط كثيف نوع ما زي خليط الكيك..
الطريقة تقشر البطاطا
تهرس
نضيف لها للثوم و الزنجبيل و البهارات و اليمون و الملح
و تخلط جيدا
نكور البطاطا..و نبلل اليدين بالماء اثناء التكوير حتى لا تلتصق باليد..و ممكن تصغري الكور انا عالسرعة عملتهم كبار شوي كتير
نجهز خليط التغميس تخلط المواد الجافة و من ثم الماء بالتدريج مع الخفق بالمضرب السلك.
نضع كرات البطاطا في الخليط و تقلب و تغطى بالخليط من جميع الجهات..
نقليها بالزيت حيث يكون الزيت حامي و ثم يخفف و تقلى على نار هادية..
ثم تقدم و تاكل و بالهنا و العافية..
طيبة كتير و خاصة طعم الثوم و الزنجبيل فيها امممممممممم و لو كانت الكزبرة كماان كان كملت..المرة الجاية ان شاءالله
تحياتي
الروابط المفضلة