حلويات قليلة الدسم .. وخفيفة..

**أم أيموني** · 30-06-2005, 10:49 AM

السلام عليكم ورحمة الله وبركاته

خواتي المشرفات.. أنا أقترحت موضوع ملف الوصفات القليلة الدسم المالحة .. وكمان بقترح نعمل ملف حلويات قليلة الدسم وخفيفة .. كمان للي عاملين ريجيم ..

شو رأيكم ؟؟ وإذا تحمستو للموضوع راح أكون أول المشاركات!!

في الإنتظار!!

**albt00l** · 30-06-2005, 02:15 PM

عليك السلام أختي ،،،
ولله فكره حلوه أتفق معك أختي

**عبير القدس** · 30-06-2005, 03:45 PM

يا ريت يا صبايا نحن عنجد بحاجة لحلويات و وجبات اساسية خفيفة قليلة الدسم (كالوري فليل) و انا بشجعك

**شعنونة المنتدى** · 30-06-2005, 03:55 PM

و أنا كمان أشجع .. خصوصا فصل الصيف بتكتر فيه اللمات و الجمعات و طبعا الحلويات شيء أساسي ..

يللا بلشوا و الله معكم

**أم أيموني** · 03-07-2005, 12:37 PM

شكراً يا صبايا على التشجيع ..
هلأ .. لما بدنا نعمل أكلة حلو نحاول نستخدم المكونات القليلة الدسم .. مثل.. الجبنة تكون قليلة الدسم .. السكر .. سكر بني .. او سكر الفواكه ..أو حتى نصف الكمية الأساسية .. الزيت .. استخدام نص الكمية الأساسية .. ويكون زيت عباد الشمس (أولايت) بصراحة خفيف لدرجة كأنك مش حاطة زيت أو البخاخ (بيكون 0% fat free) أو الزبدة قليلة الدسم .. الحليب .. يكون خالي الدسم .. سواء سائل أو بودرة .. وممكن بديل الجلي في الحلويات .. الجلاتين وهيك .. سهل علينا نعمل أكلة حلوة خفيفة .. وحتى الطحين ممكن نستعمل الأسمر حتى في المعجنات والله إنو كتييييييييييير طيب .. (عملت فيه مرة البيتزا) .. وحتى ما بينفخ مثل الأبيض.
طيب في مكونات مثل الدريم ويب .. والقطر وغيرو .. بس إحنا هيك لما بنخفف إشي على الأقل أهون ما إنها تكون كاملة الدسم .. صح ولا لأ ..
هلأ .. طبعاً في أكلات حلو لازم تنعمل بالسمنة .. ساعتها لا حول ولا قوة ..
أمثلة للأكلات اللي بعملها خفيفة ..
الشيز كيك، الكنافة الكذابة، كيكة التمر، التارت، كيكة التفاح وفي كتير وصفات من منتدانا العزيز .. مثل كيكة الأخت لبلبة اللي هي http://www.lakii.com/vb/showthread.php?t=106715
أنا استخدمت روب خالي الدسم .. وزيت عباد الشمس( أولايت).. السكر حطيت ربع كوب لأني أعتمدت على حلاوة الحليب المركز حتى الحليب المركز أستخدمتة لايت .. وهيك قديش خففنا بالسعرات الحرارية ..
ومثلاً وصفة الأخت لبنى http://www.lakii.com/vb/showthread.php?t=120378
ممكن نستخدم حليب خالي الدسم -كمية السكر اقل- مربى خالي من السكر-وممكن نشويها بالفرن بدل أن نقليها - ونرشها بالسكر البني أو البودرة أو سكر الفواكه .
يعني هاي بعض الأمثلة ..

يلا اللي بتتحمس تفوت وتشارك عشان بدنا كتير وصفات .. وحتى أكتبلكم بعض الوصفات اللي عندي ..

**أم أيموني** · 06-07-2005, 12:05 PM

الشيزكيك (القليل الدسم) ....

المقادير :

- نص علبة بسكوت دايجستف لايت (حسب حجم الصينية)
- زبدة قليلة الدسم
- 2 باكيت كبير جبنة فلادلفيا أو 3
- 2 ظرف دريم ويب
- 2 جلي ليمون
- ربع كوب ماء ساخن ونص كوب ماء بارد .. (أو أقل عشان يكون الخليط جامد)
- نص ملعقة صغيرة قرفة
- توبنغ التوت البري (خالي من السكر)

الطريقة: الطريقة المعتادة ..

- نكسر الشيزكيك داخل كيس ونكسرة بمطرقة الثوم .. ما يكون ناعم على الآخر ويكون فيه حبات كبيرة شوي .. نعجنو مع الزبدة والقرفة حتة يتماسك .. نفرد عجينة البسكوت في بايركس ونضعها في الفريزر ..

- نضع في الخلاط .. الدريم ويب/الجبنة/الجلي/الماء ونخلطهم جيداً

- نضع الخليط فوق عجينة البسكوت

- ونضعها في الثلاجة حتى تتماسك

- نضع عليها التوبنغ ونضعها في الثلاجة حتى تبرد وتقدم ...

وشوفي الطعم اللذيذ والخفيف ..

**marocaine** · 06-07-2005, 12:15 PM

رووووووعة اختي تسلمي لي

**أم أيموني** · 07-07-2005, 09:42 AM

الكنافة الكذابة .. (القليلة الدسم)

المقادير..

- 5 أو 6 حبات توست أسمر (ممكن تستعملي الصمون الأسمر أو خبز الهمبرجر الأسمر)
- زبدة قليلة الدسم
- 3 أكواب حليب خالي الدسم
- 2 ملعقة سميد
- 1 ملعقة صغيرة ماء زهر
- كيس جبنة موزيريلا المبشورة
- قطر (شيرة) بالطريقة العادية
- فستق مطحون

الطريقة..

يطحن الخبز ويضاف عليه الزبد (حسب كمية الخبز) ويعجنو مع بعض حتى يتماسك الخبز ثم نرصة في بايركس ..
نضع على النار الحليب حتى يسخن ثم نضع السيمد (إذا حسيتيها ما مسكت ضيفي كمان ملعقة سميد) حتى يتماسك الحليط .. ثم نضيف ماء الزهر ونحرك قليلاً ثم تصب الخليط فوق الخبز ونرش عليها بالكامل جبنة موزيريلا ..
نضعها بالفرن ونراقبها حتى تحمر الأطراف ويحمر الخبز قليلاً (يعني تقريباً نص ساعة) ثم نخرجها من الفرن .. ونقلبها على صينية أكبر من حجم البايركس (حتى يصير الخبز من فوق) ..
نصب عليها الشيرة ونزينها بالفسق .. وطبعاً تتاكل سخنة حتى الجبنة تمطمط ..

وصحة وألف وهنا ..

(طبعا أنا بتمنى يكون في موزيريلا قليلة الدسم حتى يكون الطبق أخف ) .

**marocaine** · 07-07-2005, 12:26 PM

رووووووعة اختي تسلمي لي

**عبير القدس** · 07-07-2005, 01:05 PM

تسلم هالانامل يا رب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: حلويات قليلة الدسم .. وخفيفة..

أدوات الموضوع

العرض