صباح الخير على الحلوين كلهم اليوم جبتلكم بعد الغيبه كيكه عجيبه تحفه >>>دعايه للكيكه ...لاوالله الصراحه مهما اقول عنها قليل فيها وفكرتها غريبه والى يشوفها يقول تعبانه فيها وهي سهله وصورتها لكم بالخطوات عشان تسهل عليكم
ندخل في الموضوع >>كل هذا وما دخلنا

المقادير ...
علبه كيك بيتي كروكر

علبه قشطه بوك (والله مو دعايه للقشطه بس احبها )

ثلاث ارباع كوب حليب سائل (يعني علبه حليب السعوديه ابو ريال)

فنجان قهوه سكر (فنجان قهوتنا مو التركيه)

3 ملاعق طعام حليب بودره

ملعقة طعام نسكافيه الى مايحبها بلاش

واحد جالكسي ابو ريالين ساده

الطريقه ...
جيبي صينيه التشيز كيك طبعا بتكون صغيره اصغر من الصينيه الى تسوين فيها الكيك دائما وادهنيها بالزيت ورشيها بالدقيق وسوي الكيكه بنفس الطريقه المكتوبه في العلبه ودخليها الفرن بس تكون النار صغيره شوي لأن صينية التشيز تكون رقيقه مو زي التيفال سميكه وخليها لمن تستوي وهي في الفرن جيبي الخلاط وحطي باقي المقادير فيه وكسري الجالكسي ولاتخلطين على طول اصبري شوي يذوب الجالكسي وبعد ماتستوي الكيكه طلعيها من الفرن وقربي الخلاط جنبك >>>شفتوا الدقه يعنى اذا الخلاط بعيد تخرب الكيكه اخخخخخ جيبي ملعقه وشيلي من وسط الكيكه بس لاتوصلين اسفل الصينيه يعني خلي قاعده رقيقه شوي شوفوا الصوره وتفهمون



والكيك الى تشيلينه على الخلاط مع الخلطه الى اول واخلطي على دفعات وشيلي واخلطي وكذا حتي تخلصين ويكون الخليط كريمي يعني زي الكريمه ما فيه كلاكيع اذا ماتحرك لك بسهوله حركي بالملعقه وشغلي الخلاط بعد ماينخلط تمام صبيه داخل الكيكه وساوي السطح او المناخ اخخخخخخ شربت مويه على الريق بعد ماتساوين السطح بالملعقه لو كانت الحواف مرتفعه شوي عن الوسط بشويش بالملعقه اضغطي عليها شوفوا الصوره من الجنب كيف بعد ما بردت



بعد ماتخلصين دخليها الثلاجه لمدة ست ساعات بعدين زينيها طبعا من حظي كل ماابغى ازينها مايتوفر لي كل شئ مره باللوز المبشور ومره سويت فن وسرقت حلويات بنتي وزينت بها الى هو فليك ابيض فتفته في الكيس ورشيته عليها وشوي حركات بدموع هرشي وعمود كهرب قصدي اصابع رينجو بس رجاااااااء لاحد يضحك عل التزييين والا ماعاد انزل لكم شئ تفضلوا آخر الصور لايغركم كثرة الكلام تراها سهله ورزه عند الناس يحسبونها جاهزه اكشخوا بها وبعلمكم على طريقه للقهوه تخلي الكل يسألك عن قهوتك بس اصبروا لمن اعّرف الأنفردد وانزل لكم الصور تونا مفرمتين الجهاز وحوسه وترى لي اسبوع ابنزل الموضوع بس ماأعرف احمل الا من المنتدى وتوه انحلت المشكله
>>>كني طولتها