جاكم المسخن الفلسطيني بالصور خطوة خطوة

[وعود الخير]

أه يام زيد .. بدي طابون علشان الرظف والخبز إياه..

احاسيس .. الخبز الايراني ممكن نستعمله بدل خبز الطابون..
والطحين الأحمر بيكون رائع لو اضفناه مع الطحين الأبيض..

[Em zaid]

اه يا وعود اكيد ريحة خبز الطابون وطعمه غير شكل
لكن هاد بوفي الغرض احنا اعملنا هون هيك وطلع طيب

قوليلي في غزة ما في خبز طابون!!!!!!!!

[وعود الخير]

لو بتقصدي خبز الطابون اللي في جنين .
لا ما في هون منه..
علشان هيك انا باعمل زيك باحط الرظف في الصنية .. بس باعمل خبز فلاحي اصلي ..

[Em zaid]

طيب لمى تفضي واذا ما فيها غلبة تكتبي طريقتك بالخبز الفلاحي

[وعود الخير]

آه يا ام زيد..
شوفي يا ستي..
ولا اسهل ..
العجين عادي مية وملح وطحين (مخلوط طحين أحمر+ طحين ابيض)
بس الفرق انك بتخلي العجينة طرية..
وبعد ما تخمر بتقطعيها كور وبترقي في صينية فيها طحين وبعدين بتاخذيها على ايدك وبنتقليها من ايد للثانية زي عجينة البيتزا
وبعدين بترميها على الرظف وبتدخلي الصينية الفرن وبس تستوي بتحمريها ..
الشغلة صعبة شوية بس بعد كم مرة راح تزبطيها..
الله على ايام الطابون وريحة خبز الطابون خاصة في أيام الشتا..
فكرك ترجع هذيك الأيام . والا الناس اللي هناك نسيوا الطابون....

[Em zaid]

تسلمي يا زوق على الخبز
واحنا صغار لمى كنا ننزل كل الناس ماخده خبزها ورايحة تخبز بالطوابين و ريحة الطوابين معبية الشوارع بعد اربع سنين اتغير كل شي وعود
الطوابين سكرت الناس بتجييب خبز عادي متل خبز عمان
وكل سنة بتتغير بس ما في جد متل ايام زمان
ما بعرف اذا في نصيب ارجع ازورها مرة تانية
بس الحمد الله اني مواطتة

[وعود الخير]

نيالك.. يعني عندك أمل تزوريها في يوم..
شو اقول انا ...
اللي عايشة في غزة.. ومش قادرة اوصل جنين..

[Em zaid]

انا ما بعرف الصراحة انه ما بخلوا اهل غزة يروحوا الضفة
بس ولا يهمك اذا رحتها بجيبلك من اترابها بس من تراب السيلة
جد بحب انا الناس الوطنيين كتير
وان شاء الله اتزوريها عاجل غير اجل

[احاسيس مرهفة]

اختي نور الزهراء
-----------------

ياهلا ومرحبا فيج حبيبتي

جربيها وخبريني النتايج واذا كان ولابد صينية عشان اتأكد انك عملتيها صح

في انتظارك عزيزتي


وعووووووووود
---------------

اكيد الخبز الإيراني ينفع لكن انا عشان آخذ المسألة بحذافيرها

خليت زوجي يجيب من هذا النوع الخفيف

هذا بتسموه شريك مو هيك

طيب وشو وجه الشبة بين خبز الطابون والخبز الإيراني والخبز اللي عملت منه انا ؟؟

[وعود الخير]

هو وجه الشبه ان الأنواع الثلاث اغلبها طحين بر (قمح)
وطبعا لما ما بيتوفر خبز الطابون بنلجأ للخبز الايراني . وان ما توفر
ما في غير خبز الصاج (الشراك)

ام زيد .. قبل الانتفاضة كان ممكن اهل غزة يزورا الضفة بتصريح بس انا ما معي هوية
يعني مخالفة.. علشان هيك ما فيني اتحرك خارج نطاق غزة.