تعالو شوفو الغدا الي عملتو امبارح + تحلاية من تأليفي :::بالصور المفصلة كمان
السلام عليكم و رحمة الله وبركاته
كيف الصبايا
اليوم جبت الكو الغدا الي عملتو امبارح + حلو من اختراعي
نيجي للغدا اول شي عملت سلطة مشوية اشكر الاخت om habash اخدت الفكرة منها
اول شي حطيت الخضار (بندورة فلفل رومي وفلفل اخضر برحق وتوم) بصينية تيفال حطيت فيها زيت زيتون وكمان رشيت عالخضار وهي الصورة :::
وبتخليهم بالفرن لغاية ما يصيرو مشويين هيك :::
بعدين بتخليهم يبردو وبتقشريهم وبتهرسيهم وبتضيفي ملح و فلفل اسود و زيت زيتون عالوش وهي شكل اول طبق صار عنا السلطة :::
********************
الان صنية الكفتة المشوية وهاي كنت اعملها ببيت اهلي وكان اخوتي يحبوها كتير وانا اخدت من طريقة roza طريقة اضافة الخبز انا بعرفها بس كانت رايحة عن بالي هية بتزكي الكفتة كتير وبتخليها طريقة
المهم جبت كفة وبشرت بصلة وبليت خبزة وخلطتها واضفت البهارات والملح والفلفل واللازم منو وحاولت اعمل الكفتة اصابع ومالقيت الا اعملهم بالشوكة وطلعو زابطين
هلأ جبت الصينية وصفيت الكفتة فيهم والي عملتو اني قطعت خضار بندورة وبصل وفلفل حلو وحراق وحطيتهم عالصنية يعني بين الجوانب تعت الكفتة و حواليها ورشيت شوية ملح وفلفل عليهم
بهالطريقة بطلعو ماخدين من طعم الكفتة :::
طبعا حطيتهم بالفرن لغاية مااستوو وبالاخر قبل التحمير رشيت شوية زيت زيتون عالوش عشان الطراوة والطعم
وهي الشكل النهائي :::
**********************************
الان انا عملت بطاطا اسمها اظن بطاطا الويدجز اخدتها زمان من المنتدى وهاي كتير سهلة وصحية كمان
بتجيب بطاطا زي مبدك وبتغسليها منيح كتير وبتقطعيها اجنحة بهالشكل:::
بعدين بتحطي في صنينية زيت زيتون وبتحطي البطاطا عليها وبترشي عالبطاطا كمان زيت زيتون وبعدين ملح وفلفل اسود وبكون شكلها هيك :::
بتشويها عالفرن وبتستوي وبطلع هيك شكلها النهائي :::
وهيك خلصت الغدا وطبعا قدمت مع الاكل لبن عشان ببرد عالمعدة وهي شكل المائدة :::
*********************************
اما الحلو انا اخترعتو يعني حكيت بدي اخبص واشوف والي عملتو هوة التالي :::
جبت المكونات التالية :::نسكافيه - حبة مانجو - تانج بطعم المانجو- شوكلاتة جالاكسي سادة - كاكاو - سوس رول - حبتين جبنة كيري -حليب سائل - حليب بودرة - ظرفين كريمة - علبة قشطة - حليب مكثف
كيس جلي النكهة الي عمزاجك :::
المهم هلأ انا شو المكونات تعت الكريمة ::: اول شي انا بالاول كنت حاطة شغلات بمقادير حسب تأليفي بعدين زدت عليهم لغاية مازبط الوضع والي هما :::علبة قشطة + 5 ملاعق حليب مكثف
+ حبتين جبنة كيري + كيسين الكريمة + نص فنجان حليب سائل + 5 ملاعق حليب بودرة حطيتهم عالغلاط لغاية ماصار لزجين زي الكريمة وهي شكلها وطعمها مممممم :::
هلأ قسمي الكريمة 3 اقسام وسيبي شوي عجنب للتزيين وهلأ حيصير عندك تلات اطعام اول شي بتضيعي للطبق الاول كاكاو و بتقطعي لوح الشوكلاتة مربعات وبتخلطيهم سوا وهي شكلها:::
بعدين بتجيبي الصحن التاني بتخلطي معاه مسحوق تانج وبتقطعي المانجو قطع صغيرة وبتحطي معههم وصار عنا نكهة مانجو :::
وبعدين الصحن الاخير بتحطي فيه نسكافيه وبتخلطي منيح وصار عنا نكهة نسكافيه :::
وهلأ جبت صحنين في كل واحد منهم عمل التالي اول شي حطيت طبقة من السويس رول بعد مقطعتو شرايح :::
بعدين جبت حطيت طبقة شوكلاتة وفوقيها طبقة مانجو وهي الشكل :::
بعدين حطيت كمان طبقة سويس رول :::
بعدين كمان طبقة نسكافيه :::
بعدين بتجيبي الجيلي وبتعمليه بالطريقة المعتادة وبتحطي فوق اخر طبقة ، في نقطة يا بنات انا ماخليت الطبق كتير بالتلاجة يعني القصد ماتتلجت الطبقة الخارجية كتي لهيك لما حطيت الجلي وهوة سائل
راح فات جوة الطبق ودخل جوة باقي الطبقات يعني ماعمل طبقة مستقل لحالي ، اناكنت بدي يكون طبقة لحال بس عموما اعتقد انو هيك برضو بيعطي رطوبة للطبقات الي جوة وبصير هيك
الز و انو طري كتير ...اعتقد لو خليتو يجمد ويتتلج كان مافات الجلي لتحت او انا يمكن الطبقات مش كتير سميكة بالتالي في فراغات عموما هي الشكل الي طلع معي :::
وزينتو بالكريمة :::
ملاحظة ::: هية دسمة كتير بس لزيزة الكريمة كتير
طبعا ممكن تألفو اطعام تانية
عموما انا والله امبارح عملتها لكن للان مااكلناها انا وزوجي لانو تعشينا متاخر
يعني مش عارفة طعمها لسة
بس اعتقد انو زاكية كتير حتطلع مبين عليها من المقادير والطريقة صح؟؟؟
اليوم بناكلها إن شاء الله وبرجع اقلكو كيف الطعم وراي زوجي شو...
اتمنى تجربو الاكلات وطريقة الحلو هاي بتطلع زاكية كتير الكريمة زاكية بس شو دسمة امبارح كنت كل مااعمل طبقة ادوق يعني طعم الكريمة كيف
دوقة من هون ودوقة من هون رحت والله شبعت ... نفسي اروح اكلها واشوف طعم الاختراع كيف
ياترى هل استحق موضوع متميز؟؟؟
شو رايكو يابنات بالنسبة للاطباق انتظر الردود
وصحة وعافية على قلب الجميع يارب
رد مع الاستدلال
الروابط المفضلة