بسم الله الرحمن الرحيم والصلاة والسلام على رسول الله محمد وعلى اله وصحبه وسلم
سؤال طرحته الاخت متفائله في الزمن الاغبر المتنيل على عينه تقول فيه فاكس فاكس ياناس ياهوه فاكس ابغى فاكس
ولان هذا الامر من ابسط الامور ومن افضلها فائده فقد احببت وتنزيله في موضوع خاص
وهو كيف تحولين كمبيوترك الي فاكس يرسل ويستقبل بدون حاجه لجهاز فاكس خاص بهذا الامر
اهم شرط لنجاح هذي التجربه هي وجوب كون الوندوز عندك هي وندوز xp لان فيها خدمه مباشررررره للفاكس
واذا كانت وندوز اخرى ففيه برنامج خاص يساعد على كذا
وماراح اتطرق لهذي النقطه الان الا اذا جاء طلب عليها لانها قديمه ومغبره
والحين راح احاول اشرح الطريقه ببساطه وسرعه لان وراي عشى ابغى الحق عليه<< عازمه نفسي محد عزمني عليه
اولا
قبل ما اشرح لك طريقه تحويل جهازك لفاكس اول
نروح مثلا لبرناج كتابي مثل الوورد <<تخيلوا لا تروحون من جد
نكتب اي كلام
ثم نطلع فوق باعلى الصفحه
ملف
بنشوف من ضمن خيارات ملف خيار( مخلل يابعض الناس )اسمه طباعه
صح؟
اكيد صح
طيب
لما نضغط عليه راح تظهر لنا نافذه صغيره مكتوب فيها
طباعه
ثم اسم الطابعه
هنا نوقففففففففففففففففففففففففففففففففففففف
فرامل شوي
فرامل = بريك
راح تجدين امام كلمة الطابعه في المستطيل الصغير اذا ضغطت عليه كل الطابعات المنزله بجهازك ومن ضمنها
هذا الي ابلشنا بعيشتنا الي اسمه
فاكس
وبس خلصنا
روحو بيوتكم انتهى الموضوع
لقينا فاكس ماله داعي اشرح لكم
لكن
واللكن هذي خاصه بالمتفائله وعام للجميع
اذا لم يوجد فاكس
الحل!!!!!!
اقولك
اضغطي على ابدأ
ثم
كافة البرامج
ثم
البرامج الملحقه
ثم
الاتصالات
ثممممممممممممممممممممممممممممم
الفاكس
وهون حطنا الجمال يامتفائله
بتظهر لك 3 خيارات
الخيار المخلل الاول هو ياسلوفه
ارسال رسالة فاكس
الخيار الثاني وهو برضو مخلل
محرر صفحة الفاكس
اما الخيار الاخير الي ماله طعم فهو
وحده تحكم الفاكس
ولا يهمك من هذي الخيارات الا الاول
اضغطيه
وبعدها بتفتح لك نافذه اعداد معالج ارسال الفاكس
تابعي تدوين خيارات
مثلا تبغينه يرد مباشره من اول تلفون ولا يعطيهم ركبه
تبغينه يرسل قبل كل رسالة فاكس ورقه تسمى غطاء او كفر للفاكس وهي تظهر بياناتك ومعلومات عنك للمتلقي؟(هذي مو مهمه )
واكتبي كل شي تبغينه من رقم الشخص واسمه والكلام الي تبغينه يروح له
وفيه ايضا خيارات كثيييييييييييييييره ومتنوعه جدااااااااااااااااااااااااااااا ماعليك الا فتح كل الخيارات الثلاثه والاطلاع عليها لانها ماتحتاج شرح
عموما بمجرد تثبيت الفاكس عندك تقدرين ترسلين اي شي وتتلقين اي شي
ومثل ماقلت لك من روحي (انا اسوي كذا دائمااا)لبرنامج الوورد وافتحيه واكتبي الي تبغينه او ضعي الصوره الي تبغين ترسلينها كفاكس
اي شييييييييييييييييييييي
ثم اضغطي من ملف على طباعه واختاري الطابعه الي هي فاكس ومباشره راح يوديك لمعالج الفاكس السابق الذكر مره ثاينه وبتكتبين بيانات المتلقي لفاكس
هذا الطريقه الاولى
وفيه طريقه تثبيت الفاكس من خلال لوحة التحكم لكن هذي باشرحها اذا احد طلبها
<< وحده زوله ماتبغى احد يطلب
وبكذا تقدرين ترسلين فاكسك بكل بساطه وسهوله بدون حاجه لاحد او جهاز خاص به
لكن فيه ملاحظتين مهمتين وهم
اولا
بيطلب منك اعداد ملف تخزني فيه كل الفاكسات الصادره والوارده
فجهزي لك مجلد بمكان واضح تروح له الفاكسات مباشره علشان ماتحتاجين سيارة اجره تدلك عليه لان الكمبويتر كله دعاويس
ترجمه دعاويس = سكك وطرق ضيقه = يعني ملهوش اخر<< قلبنا مصري
هذا اولا
ثانيا حاولي تجربه ارسال فاكس مباشره علشان تتاكدين من نجاحك
كيف؟ ومين الي يبغى منك فاكس ولا فاضي لك حتى؟
انا اقول لك طريقتي المزعجه (لهم مو لي )
وهي
دوري حولك في اي جريده او كتاب او حتى بالمطبخ
دوري فيه رقم فاكس لهم( اي احد )
(ولا مو احد خليه ثلاثاء)
خخخخخخخخخخخخخ<<بايخه مالها داعي
نكمل
انا دائما اخذ من الجرائد
يعني خذي رقم الجريده مثلا واكتبي في الفاكس كلمة (((((((تجربه )))))))) ثم ارسليه لهم
لان مثل هذي الاماكن الفاكس فيها شغال اون لاين 24 ساعه لك ولامثالك
وبس
سلامتكم
لكن بكل اسف
اقولكم
العشى برد
لكن
حاكله يعني حاكله <<<سمير غانم في مسرحية المتزوجون
المتزوجون!!!!!غبااااااااااااااااااااااار طلع صح؟
يالله الحق عليه قبل ياكله احد بعد
وبيكون ساعتها مو موت وبس لا
موت وخراب ديار
يارا البارد عشائها بسبتكم
3-4-1424هـ
الرياض
الروابط المفضلة