ورشه بلوزه تريكو حيرت الكل (تعالي ياهنهن ياغاليه)

[زهرة82]

ربنا يوفقكم ان شاء الله هاحاول ابقي معاكم

[ليلى حسين حسيب]

بعد التحية والسلام على السادة الكرام كيف لى الانضمام لكم لتنفيذ هذه البلوزة فانا فعلا احب التريكو والكروشية والتطريز وكل الاشغال اليدوية الفنية واحب اهديها لابنة اخى فهى عروس حديثة

[أم قسمت]

نفسي اكون معاكم بس شكلها صعب مرررررررررررة ان شاء الله اتابع البداية لو فهمت امشي فيها ان شاء الله

ولو ما فهمت ؟؟؟؟؟؟؟؟؟ تنحت بعيد عنك........... فيكفيني اني تشرفت بالمرور على موضوعك يا استاذتي الغالية

جزاك الله خير يارب

اهلا بالحبايب اللي واحشيني خالص
لا كده حاتزعليني
ازاي بقي ماتعرفيش تعمليها
حبيبتي انتي شطوره والله
حاولي كده وباذن الله تنجحي

ست الكل ام قسمت:

اولا حبيت اصبح عليك واقول لك صباحك ورد وفل وياسيمن


انا ما رح اعملها معاكم لكن دوما اتابع مواضيعك واستفيد من الكثير منها رغم اني اتابع بصمت لكن يشهد الله باني ادعي لك وللكثير من الاخوات الخيرات اللاتي يبذلن جهدهن ويقدمن من وقتهن وصحتهن ومالهن لتعليمنا ونحن ارواح هائمه ومخلوقات مجهوله في عالم النت..

الله يسعده ويعطيك الصحه والعافيه ويجعلك ممن يحبهم الله ويتقبل منهم صالح اعمالهم

وهالكلام لكل اخت في الله تبذل جهدها لاجلنا وتعلم بدون منة او اذى ولا تنتظر جزاء ولا شكورا

دمتي بود

بجد ربنا يخليكي يارب ويسعدك ويفرحك زي مااسعدتيني
والله ماتتصوري ق ايه كلامك نزل علي قلبي زي البلسم والله وهون علي كل التعب
وخليكي معانا وماتتابعيش من بعيد وباذن الله حاتكوني علم من اعلام النت
وصباحك لبن حليب باذن الله

صباح الخير على أحلى وردة في الدنيا،،
ماما أم قسمت المفروض يغيروا اسمك الى ام الخير،،
لأنك بجد ما تقصري مع الكل،،
طبعا انا معكم بس ان شاء الله بشتغل بس ببطئ اوك،،

تسلمي لي يااجمل حوراء
والله اسم جميل وماله نفكر برضه
ربنا يخليكي ياغاليه
وكمان احلي ورده لا داكتير علي والله

يارب دائما منورة المنتدى بورشك الممتعة والمفيدة ست الكل
وشكراا لك حبيبة قلبى لتعبك معايا ودية بعض صور للبلوزة

تسلمي لي ياهنهونتي
وطبعا انتي معايا في الورشه دي وتفيدي البنات بتجربتك الجميله فيها

[هنهن2007]

تسلمي لي ياهنهونتي
وطبعا انتي معايا في الورشه دي وتفيدي البنات بتجربتك الجميله فيها[/QUOTE]
والله لولاكى حبيبة قلبى ماكنتش عرفت اروح ولا اجى
وربنا يسهل بس البنات يستعدوا

[أم قسمت]

صباحك خير وطاعه ياانشط ماما بالكون
البلوزة قمه بالرووووووووووووووووعه
كان بنفسي اشتغلها بس الابر ماعندي
واني التريكو صعب شويه عليه
الله يوفقكم يااااارب وتعملوا احلى بلوزات
وبلوزتك عجبتني موووووووت
الله يعطيك الف عافيه ياااارب

تسلمي لي يارب يااحلي ساره في الدنيا وفعلا اسم علي مسمي
لؤلؤه وانتي لؤلؤه ياحبيبتي
وجربي كه تتعلمي تريكو وشوفي
علي العموم فاضل 4 ايام والحظر يتفك وترجعي للكروشيه ياقمر

يا سلام عملتيها ياست الكل بارك الله فيك نحن معك

الله يبارك في عمرك يانورفتي ويطمنا عليكي يارب

سلامي لاغلى واعز واطيب ناس ابلة ام قسمت واستاذة هنهن دعواتكم لاختكم وتلميذتكم الكسولة شاوي دعوة بظهر الغيب لاتنسوني احبكم في الله

شوشو ياحبيبتي انتي فيييين
ووالله انتي تلميذه شطوره ونجيبه جدا
شوشو ربنا يهدي لك الاحوال ويسلمك ويحميكي من كل شر ومن كل سوء يارب
طمنيني عليكي ياغاليه

بالتووفيق ان شاء الله

تسلمي لي ياقمر ونورتينا

نفسى اكون معاكم ام قسمت بس انا هعملها لبنتى اربع سنوات
ياترى تاخد خيط اد ايه وممكن الابر العاديه ولا لازم الدائريه
ردى عليه عشان اشترى الادوات وابدا معاكى انشاء الله

ربنا يخلي لك بنوتك يارب ويبارك فيها وتعيشي وتعملي لها
اعتق لو حاتعملي زي بتاعي ممكن 150 جرام يكفوا
وياريت تعملي بالابر الدائريه علشان بتساعدك تظبطي المقاس

[أم قسمت]

ماشاء الله يا ماما تسلم ايدكي الجاكت رررروعه ولونه يجنن
مبروك علي صحبته

تسلمي لي ياغاليه
والله يبارك في عمرك ويسلم لي ذوقك

تسلمي يامليكتي ياقمر ووحشتيني والله
هه مش عايزه تدخلي معانا التحدي

نفسى اعمل معاكى حاجه يا ماما بس بصراحه بحتاس فى الغرز التقيله دى
بص لو حتشرحى واحده واحده وتعيدى وتزيدى يبقى ابداء معاكى والله المستعان

ياررررررررررررررب بارك لنا فيها واديها الصحه يارب

ماتخافيش ياقمر والله انا وام سامح حانكون معاكي
وام سامح والله فهمتها ماشاء الله عليها وحاتكون معاكي

السلام عليكم نفسى اعملة معاكم وفى ايديى شغل كتير بس عايزة اتعلم الجاكت انا معاكم انشاء اللة ولو بالمتابعة بس ماعنديش ابردائرية لان ابرى اتكسرت ممكن اشتغل بابر عادية جزاك اللة خير اخت ام قسمت البلوزة دى عايزة صبر علشان تسرحيها

ايوه ياوتو
ماام حاتعمليه مفتوح ممكن ابر مستقيمه
هي الابر الذائريه بس احسن في انك تعرفي انك ماشيه صح
تعرفي وانا في الاول كنت باقفل الغرز خالص واقيسه الاقيه ضيق افك واوسع وعلي كده لعايه مااتظبط
لاني باشتغل بابر مستقيمه مش دائريه

تسلمى يا احلى ماما بالمنتدى على اهتمامك بينا ربنا يكرمك يا رب وان شاء الله تطلع احلى ورشة ويطلع احلى شغل
والله فرحت جدا لما لاقيت رابط الورشة ربنا ييسر لنا الامر
بس يا ريت لو حضرتك تنزلى الرابط الجديد فى الموضوع القديم علشان الكل يستفيد

تسلمي لي ياياسمين
ووالله انا عملت الورشه علشان خاطرك
وطبعا ام سامح قعدت تزق فيه لغايه مااتحركت هههههه
ربنا يكرمها يارب
وباذن الله ننزل الرابط حااااضر

ماشاء الله لبلوزة روووووعة
تسلم ايديكِ

تسلمي ياجوجو
انتي فين ووصلتي لغايه ايه في الدوره

حبيبتي أم قسمت و أخيرا عملت الورشة
جزاك الله خيرا على كل تعبك معنا
شوفي يا ستي أنا خلصت ظفيرة الصدر و خيطتها و في انتظار شرحك
أنا ماعنديش إبر دائرية كبيرة و لهذا سأشتغل الأمام و الخلف منفصلين عن بعض
أنا عملت 100 غرزة للخلف أنا شايفتها مليحة
لكن أشرحيلي طريقة عمل الباترون من الأول
الموديل اللي سأعمله هو مثل موديل هنهن( مغلق )

اهلا بيكي ياام اسامه ياعسل

بعد اذنك ياام سامح لو ممكن تنزلي لها التقسيم بتاع الضهر والصدر
معلش بقي ياحبيبتي ده شغلك وانتي اقدر مني علي الرد

[افنان المصرية]

ازيك يا احلى ماما اخبارك اية البلوزةعجباااانى جدا بس لما يبدا الشرح ححاول اكون معاكى بس ياااارب اعرف اشتغل انا عندى ابر دائرية بس عمرى ما اشتغلت عليها واحس انى ابدا عليها تكون صعبة فهل ينفع ابدا على ابر عادية وانقلهم على الدائرية

[أم قسمت]

بصوا يابنات البلوزه اسلوب شغلها كالتالي
الرسم ده مبين اتجاهات الشغل تبع الاسهم
يعني بتعملي الاول الضفيره اللي بالعرض وتكون بقياس محيط الاكتاف مع الصدر
وبعدين تعلمي مكان الاكمام وتلقطي للصدر وتنزلي به وبعدين الضهر باتجاه السهم النازل وبعدين الاكمام برضه في اتجاه السهم
وبعدين تلقطي من فوق وتعملي السفره بالهاي كول

دي فكره الشغل عامه
يعني حانبدا بالضفيره اللي بالعرض
وده باترونها او باترون من باتروناتها
يعني ممكن تعملي الضفيره بالرسمه اللي انتي عايزاها ويكون العرض في حدود 11سم وممكن تزيد عن كده شويه
باترون الضفيره اهه









وشرح الرموز اهه
فيه عندنا
غرزه عدل =المربع اللي فيه شرطه بالطول
غرزه مقلوب=المربع الفاضي
ضفيره اماميه\\\> علي 4غرز= بنعملها باننا بناخد ال3غرز عدل علي ابره اضافيه ونتركهم امام الشغل ثم نشنغل الغرزه المقلوب التاليه لهم ثم نشتغل ال3غرز العدل من الابره الاضافيه
ضفيره خلفيه علي 4غرز</// =الثلاث شرط المايله اللي في السطر 2 الي اليسار ومعاهم الرمز ده < ودي بنعملها باننا بناخد الغرزه المقلوب علي ابره اضافيه ونسيبها خلف الشغل ثم نشتغل 3غرز عدل ثم نشتغل الغرزه اللي علي الابره الاضافيه مقلوب
فيه ضفيره اماميه علي 6غرز ودي في منتصف السطر 6
=بتاخدي 3غرز عدل علي ابره اضافيه وتتركيهم امام الشغل ثم تشتغلي 3غرز عدل ثم تشتغلي ال3غرز من الابره الاضافيه عدل
ضفيره خلفيه علي 6غرز ودول الضفيرتين اللي في السطر 10= بتاخدي 3غرز علي ابره اضافيه وتتركيهم خلف الشغل ثم تشتغلي 3غرز عدل ثم ال3غرز من الابره الاضافيه عدل
وخلاص ده الدايجرام والرموز
بتشتغلي علي 20 غرزه وتنفذي الدايجرام
ممكن تزودي عن 20 غرزه
يعني انا زودت ضفيرتين علي الجنبين
معلش في الاول باحب اسيب لكوا الخيار علشان تكملوا علي اساسه
ونسيت اقول ان السطور الخلفيه اللي هي 1و3و5 بتنفذي الغرز كما تظهر لك
السطور علي الوجه الامامي هي السطور الزوجيه

[أم قسمت]

نبدا الشرح بسم الله الرحمن الرحيم

السطر 1- 1عدل- 3مقلوب- 3عدل- 6مقلوب- 3عدل- 3مقلوب- 1عدل
السطر 2- 1مقلوب- ضفيره اماميه علي 4غرز- 2مقلوب- 6عدل- 2مقلوب- ضفيره خلفيه علي 4غرز- 1مقلوب
السطر 3- 2عدل- 3مقلوب- 2عدل- 6مقلوب- 2عدل- 3مقلوب- 2عدل
السطر 4- 2مقلوب- ضفيره اماميه علي 4غرز- 1مقلوب- 6عدل- 1مقلوب- ضفيره خلفيه علي 4غرز- 2مقلوب
السطر 5- 3عدل- 3مقلوب- 1عدل- 6مقلوب- 1عدل- 3مقلوب-3عدل
السطر 6- 3مقلوب- ضفيره اماميه علي 4غرز- ضفيره اماميه علي 6غرز- ضفيره خلفيه علي 4غرز- 3مقلوبالسطر 7- 4عدل- 12مقلوب- 4عدل
السطر 8- 4مقلوب- 12عدل- 4مقلوب-
السطر 9- كرري السطر 7
السطر 10- 4مقلوب- ضفيره خلفيه علي 6غرز – ضفيره خلفيه علي 6غرز- 4مقلوب
السطر 11- كرري السطر 7
السطر 12- كرري السطر 8
السطر 13- كرري السطر 7
السطر 14- 3مقلوب- ضفيره خلفيه علي 4غرز- ضفيره اماميه علي 6غرز- ضفيره اماميه علي 4غرز- 3مقلوب
ومفروض لو بنتك مقاس من 38 الي 42 بتعملي 12 تكرار للضفيره
يعني طول تقريبا 118 سم
وه فيديو منزلاه ام سامح ربنا يبارك لها للضفيره اماميه وخلفيه
http://vimeo.com/4962422

[توتو 2005]

البلوزة هتكون مقاس قد اية يعنى مفاس بنتى 15 سنة او مقاس 42 عرض الضفيرة هيكون مناسب والابر مفاس كام اللى شغالة بيهم