حبيباتي الغاليين في أحلى منتدى أنا من زمن مش بنزل أي وصفاتي في ركن الحلويات بالرغم إن أنا من عشاق هذا الركن بس أنا على قدي قوي في الحاويات فبستمتع اغلب الوقت باني أتفرج على إبداعاتكم.
أنا عاملة تارت الفراولة بتاعي وهو مختلف تماما عن أي تارت فراولة عادي لآني بعمله بالكريم شانتيه وصوص الفراولة بتاعي المميز جدا جدا جدا وبيبقى طعمه فعلا خيال والحكم ليكم بعد ما تشوفوا لآني للأسف مش ليه تقل على الباستري كريم فغيرت الطريقة عشان تناسبني وحطيت كمان صوص الفراولة بتاعي اللي دايما بستعمله في تشيز كيك الفراولة بتاعي لغاية ما طلعت النتيجة زي ما هتشوفوا دلوقتي.
أولا: نبدأ بعجينة التارت وأنا صراحة استخدمت عجينة الغالية أم نور لانني اعتمدتها خلاص في الحلو و الحادق لان نتايجها روعة وممتازة فوق الخيال، ربنا يعطيكي ألف صحة وعافية يا أم نور يا غالية ويبارك لنا فيكي وفي وصفاتك القيمة دائما ويحفظلك أسرتك الكريمة، وده رابط أم نور للعجينة بالتفاصيل أنا استخدمت نصف 1/2 المقادير لصينية واحدة والرابط كالتالي:
http://www.lakii.com/vb/showthread.php?t=530273
دي صورة السكر والدقيق والملح بعد النخل وعليهم مكعبات الزبدة بحرارة الغرفة.
وده بعد ما تجانس الخليط جيدا وتفتت وبعدها يغطى ربع ساعة.
ودي صورة العجينة بعد ما أضفت الصفار والماء البارد بالمعلقة وفقا للاحتياج وغلفتها في كيس نايلون وحطيتها في الثلاجة نصف ساعة قبل الاستخدام.
قبل ما اخرج العجينة من الثلاجة بربع ساعة شغلت الفرن وبعد كده خرجت العجينة وفردتها بالنشابة على رخامة مرشوشة بالدقيق.
وضعت الصينية على العجينة وقطعتها اكبر من الصينية لتغطية الجوانب.
وضعت العجينة بالصينية مع تغطية الجوانب وأزلت الزوائد بالنشابة
دخلت الصينية في فرن حرارته 200 لمدة 20 دقيقة ثم أخرجتها وتركتها لتبرد للاستخدام.
ثانيا: صوص الفراولة ( مقدار يكفي لصينية)
1/2 نصف كيلو فراولة مقطعة انصاص
1معلقة كبيرة بودرة جيلي احمر فراولة
3ملعقة كبيرة سكر
1/2 نصف كوب ماء مغلي
1ملعقة كبيرة نشا مذابة في قليل من الماء البارد
الطريقة:
تضاف كل هذه المقادير سويا باستثناء النشا وترفع على النار حتى الغليان
ونتركها 3 أو 4 دقائق ثم نهرس الفراولة بالشوكة جيدا وبعد ذلك نصفيها بس أنا بصفيها لما بستخدمها للتشيز كيك أو للايس كريم بس في الوصفة دي مش بفضل انك تصفيها وأنا مش صفيتها فعلاعشان كده احلى مع التارت.
ثم نضيف النشا ونقلب ونرفعها على النار ثانية حتي يصير صوص كثيف ونتركه على جانب ليهدأ قليلا ويكون جاهز للاستخدام فيما بعد
ثالثا: الكريم شانتيه استخدمت كيسين دريم ويب وعملتهم زي ما مكتوب على العلبة وتركته في الثلاجة للاستخدام فيما بعد.
للتزيين: فراولة انصاص وجيلي تلميع شفاف
دي الكريمة بعد فردها على الصينية بعدما بردت العجينة.
بعد اضافة صوص الفراولة
وده بقى بعد التزيين بالكريمة والفراولة انا على قدي في التزيين فمعلش ادينا بنحاول
ودي بعد اضافة جيلي التلميع الشفاف للمحافظة على الفراولة
ودي بقى قطعة لاول واحلى رد وبالهنا والشفا
اسفة على الاطالةويا رب تكون عجبتكم وبالهنا والشفا
✿* حلى الأسبوع*✿تارت الفراولة بالكريم شانتيه وصوص الفراولة اللذيذ من مطبخ رضوى
رد مع الاستدلال
كتبت بواسطة amal250
ا
[
الروابط المفضلة