احنا قضينا فتره طويله مع بعضنا قضيناها علم وتعلم ومشاكل وحل وطبعا الاكيد اننا حبينا بعضنا فى الله
وانا فكرت فى حاجه تانيه نعمليها فى الركن ونزود بيها العلم والتعلم
انا باذن الله داخله على امتحان IQ وهى اختصار Intelligent questions

دعواتكم ليا بالتوفيق امتحانى يوم الثلاثاء(11/8/2009) اللى هو بعد بكره

وبذاكر وبستعد الان وخطرت لى فكره انى اعمل زى استراحه لنا هنا فى الركن
خاصه بينا زى الانقلابات العسكريه كدا ونخلى الركن هنا انتاج ذاتى


ومستقل بذاته وفيه انشطته التعليميه والفكريه والعقليه

علم IQ مطبق فى الدول الغربيه بكثره وانا امتحنته مرتين ودى التالته
وانا بصراحه بحب العلم دا جدا لانه بينشط الدماغ وبيشغل العقل

واحنا بدأنا هنا مع بعضنا العلم والتعلم وتنشيط العقل
واستكمالا للمسيره دى
هنبدأها بكل يوم احط سؤال ذكاء من الكتب العالميه اللى معايا
وبعدها اللى يحب يفكر ويجاوب يتفضل
وتانى يوم انزل الاجابه الصحيحه والسؤال الجديد

دا هيكون فى المده الحاليه اللى قبل بدء رمضان
وبعدها هنقلبه الى سباق وتنافس فى الطاعات

ونتفق على جدول نعمله ونتسابق فيه لانى فى رمضان هوقف الدروس
وكلنا هنتفرغ للطاعات

ايه رايكم فى استراحتنا ؟؟؟

اذا عجبتكم انا هبدأ فيها ونخلى دى استراحتنا احنا الخاصه بينا نطمن على بعض فيها وتحلوا اسئله الذكاء
ونتسابق على الطاعات
بانتظار رايكم؟؟