حبيبتي إذا المشكلة مو من المدرسة فرأيي تصبري عليه ..
يعني احتمال يبغى اهتمام اكثر منك او من ابوه .. وبالمقابل انتي شجعيه ودايما قولي له ان المعلمه مدحت فيه والمدرسة مبسوطين من طلته البهيه عليهم .. ولما يرجع كافئيه بشيء بسيط وقولي له انك فخوره بانه راح اليوم .. تراني احكي لك من واقع تجربتي مع ولدي مثل ولدك كل يوم يصحى ويفطر ويلبس ولما نوصل لباب المدرسة ما يرضى يدخل وعرفت ان السبب في مناظر الأطفال اللي يبكون بعضهم يرمي نفسه بالأرض ويصارخ .. فبلغت مشرفة رياض الأطفال وهي بدورها صارت تفصل الأطفال اللي يصيحون تخليهم عندها بالمكتب ..لغاية وقت الطابور والحين لي يومين يدخل عادي ..وولدي مثل ولدك ثاني اسبوع له..
بس لازم تعرفي ايش السبب.. زميلتي مثلاً طلع ولدها ما يحب الـ TV Room في المدرسة لأن الفلبينيه اللي تراقبهم هناك دفشه ولو يبغى ولدها يروح الحمام تدفه دف تخيلي.. وبلغت الإدارة وانحلت المشكله والحين ولدها يروح وهو مطمئن..
وعلى ما يقولون إذا عرف السبب بطل العجب..
والمشرفة نصحتني بالأول انه استمر اجيبه كل يوم وأودعه ويفهم اني حامشي يعني مو اطلع وهو غافل عني .. ولما سويت اللي قالت لي اياه مشي الحال..
أتمنى اكون افدتك اختي الكريمه ..
الروابط المفضلة