معجنات تقليدية من كل البلاد العربية **المسابقة انتهت انتظرونا قريبابحفل التكريم**

[**ام البنات **]

خييير انا جيت نووووور
بما انك قلتي ام عصاية اجيد فيه حاجات حلوة ارووووح اجيب عصايتي آجي

[**ام البنات **]

[شخبط شخبيط]

حمد الله على السلامه ام البنات
الصفحه كانت ظلالالالالام بسبب غيابك
نور الهدى كانت بدور عليكى شكلها عاوزة
تنزل اطباااااااااااااااق حلوووووووة
بس شكلها جابت منادى وبدوررررر لسه

[noorelhoda]

السلام عليكم ورحمه الله وبركاته
وحشتووووووووووووونى كتيييييييييييييييييييييييييير يا جميلات وفنانات المعجنات
اسفه انى مردتش على وصفاتكم الرائعه اعذرونى
اليوم رجعت ومعايا بعض الوصفات من المطبخ المصرى يارب تعجبكم
قدمت لكم من قبل العيش البلدى والشامى والفينو واليوم اقدم لكم
العيش المرحرح
طبعا ده عيش مشهور جدا عند الفلاحين ومكوناته بسيطه لكن طريقه خبزه بتتطلب بعض الاشياء حقولكم عليها
المقادير اولا
3 كوب دقيق عادى
1 كوب دقيق قمح
كوب الا ربع لبن وممكن ماء لكن يفضل لبن بيعطيه طراوه
ملعقه كبيره خميره
ربع كوب زيت
ملعقه صغيره سكر
ملح
الطريقه
نذوب الخميره فى اللبن والسكر ونتركها جانبا
ننخل الدقيق العادى والقمح معا ونضيف لهم اللبن المذاب فيه الخميره
نعجن بايدنا او العجانه

وبعد عشر دقائق عجن نضيف فى الاخر الزيت ونتركها تخمر ساعه ونصف

هنا بعد الاختمار

نبدا بتقطيعها كور على حسب الحجم اللى عاوزينه وبعدين نفردها على سطح مرشوش بدقيق القمح

وبعد فردها ناخذها على راحه اليد ونلفها بكف اليد الى ان تتسع دائره الرغيف

رجاء عدم الرد

[noorelhoda]

[center]بعد ذلك نترك العيش يخمر حوالى نصف ساعه اخرى

وبعدين نبدأ فى الخبز

طبعا خبزه بيتطلب الفرن الفلاحى وبيوضع داخل الفرن حصى وزلط ويوضع العيش فوقه

طبعا لم تتوافر لى هذه الاشياء

فخبزته فى فرن الغاز العادى على حراره 300 لمده ربع ساعه تقريبا وبعدين فتحت عليه من فوق ليحمر

طبعا النتيجه بتكون افضل من كده لو عملناه فى الفرن الفلاحى لكن ما باليد حيله

ناتى هنا لنوع اخر من العيش الفلاحى وده عيش بسيط جدا جدا مكوناته سهله وبدون خميره وبيسموه عيش الازمات يعنى لو طب عليهم ضيوف بيسووه بسرعه بسرعه كما قلت لانه لا يحتاج لتخمير ولا لفرن
العيش الفلاحى العادى
2 كوب ونصف دقيق
نصف كوب ماء
ملح
الطريقه
نضع المقادير فى العجانه
نعجن عشر دقائق

وده شكلها بعد العجن

نفرد العجين على سطح مرشوش بالدقيق
نجهز ارغفه العيش
نسخن قلايه او صاج
نضع الخبز

وعندما يبدأ ينتفخ نقلبه الوجه الاخر

رجاء عدم الرد

[noorelhoda]

وده شكل العيش بعد الانتهاء من خبزه عالقلايه يارب يعجبكم

نأتى بعد ذلك الى وصفه جميله جدا ومشهوره فى مصر اسمها

البوريك المصرى
طبعا مشهور فى مصر جدا ودائما نجده مع الباعه المتجولين لكن الافضل طبعا عمله فى المنزل واليكم المقادير
3 كوب ونصف دقيق
2 بيض
نصف كوب حليب
ملعقه كبيره ممسوحه خميره
ملعقه صغيره سكر
ربع كوب زبده
ذره ملح
ذره فلفل اسمر

الطريقه
نذوب الخميره فى اللبن والسكر وبنتركها جانبا خمس دقائق ثم نضيف اللبن على الدقيق ونعجن
وبعد خمس دقائق عجن نضيف البيض

نضيف الزبده فى الاخر ونراعى ان تكون طريه لا متجمده ولا سائله ونعجن الى ان تتكون العجينه هكذا

نتركها ساعه ونصف تختمر جيدا وهذا شكلها بعد تمام الاختمار

[noorelhoda]

نبدأ فى تحضير الحشوه
وده طبعا اختيارى
انا استخدمت جبنه ونعناع
وتمر وقرفه
ومننساش بيض للتزين وسمسم وحبه البركه

نفرد العجينه ونضع الحشوه اعذرونى نسيت اصور الخطوه دى وبعدين نقطع العجين مثلثات او على شكل المنين او القطايف
اى شكل انتوا تحبوه ونرصه فى صينيه الفرن وندهنه بالبيض والسمسم وحبه البركه

نتركه حوالى ربع ساعه على حراره 200 وبعدين نشغل الشوايه من فوق علشان ياخذ لون
وده شكله بعد الخبز يارب يعجبكم

رجاء عدم الرد

[noorelhoda]

الكسكسى المصرى
هنا حقدم لكم الكسكسى المصرى بالدقيق وطريقه جدتى كانت صعبه جدا جدا وكان ليه طقوس خاصه هو الاستيقاظ مبكرا والتحضير لعمله والعيله كلها كانت تتجمع يوم الكسكسى وغالبا بيبقى يوم الجمعه
زى ماقلتلكم الطريقه صعبه لكن مع تقدم العلم طبعا اصبح الصعب سهل
هههههههههههههههه
لان فى اختراع اسمه فوود بروسيسور اه لو كان موجود ايام جدتى
اكيد كان حيريح لها ايدها كتير لانها كانت بتتعبها بعد عمل الكسكسى لما يتطلبه من مجهود فائق لفرك العجين
المقادير تكفى ل 3 اشخاص
3 كوب دقيق
ربع كوب ماء فقط
زبده او سمن بلدى
الطريقه
فى طبق عميق ننخل الدقيق وبعدين نرش عليه ربع كوب الماء
خدوا بالكم رش وليس وضعه مره مره واحده
نقلب الخليط معا وفى الكبه او الفوود بروسيسور نضع كميه كميه ونطحن

ثانيه ونتوقف وثانيه اخرى ونتوقف
الى ان يكون شكل الدقيق عباره عن حبيبات هكذا وارجوكم لا تكثروا من مقدار الماء

لو عندك حله الكسكسى استخدميها ولو مفيش زى حلاتى يبقى نضع ماء فى حله ونضع فوقها مصفاه المكرونه او منخل سلك ونضع قطعه قماش نضيفه ونضع الكسكسى هكذا

ونغلق الشاشه تماما تماما ونتركه عالنار نصف ساعه

بعد مرور ربع ساعه نفتح عليه ونقلبه بملعقه خشبيه ونغلق القماش مره اخرى

رجاء عدم الرد يتبع

[noorelhoda]

بعد مرور نصف ساعه ننزله من عالنار ونضع الكسكسى فى المنخل السلك وطبعا تحته طبق عميق
ونفرك باليد هكذا لكى تنزل الحبيبات الصغيره من فتحه المنخل

طبعا حيكون فيه حبيبات كبيره لم تنزل من المنخل ودى نفركها براحه الكفين ونتاكد انه لا يوجد اى تكتلات فى الكسكسى ويكون بهذا الشكل

نعيده مره اخرى عالنار بنفس طريقه القماشه وايضا نص ساعه وبعدها ننزله من عالنار ونضيف الزبده او السمنه البلدى حوالى كوب الا ربع للكميه المذكوره ونفرك الزبده بالكسكسى براحه اليد شوفوا لونه تحول للذهبى نتيجه للزبده

هنا يكون جاهز للتقديم ممكن مع بط او فراخ وطبعا اخواتنا المغربيات والتونسيات بيعملوه بالخضار بس ياريت يقولولى عالطريقه

وممكن نضع عليه سكر بودره ويزين بالمكسرات والقرفه

ملحوظه
ممكن نعمل كميه ونضعها فى الفريزر شهر او اتنين ولكن بدون زبده وعند الاستخدام نسخنه ونضيف الزبده
رجاء عدم الرد

[noorelhoda]

دلوقتى حقدم لكم اكله غريبه شويه او شويتين هى مصريه اصيله لكن قليل جدا جدا اللى يعرفها
لماذا
لانها تقريبا بنفس طعم الغريبه لكن تختلف عنها فى التزيين
وحنشوف طريقتها مع بعض
الوصفه اسمها
العدليه
المقادير
2 ونصف كوب دقيق
كوب زبدة طرى وليس سائل بدرجه حراره الغرفه
كوب سكر بودره (مهم يكون بودره )
بياض بيضتان
فانيليا
3 ملاعق كاكاو (اختيارى)
نصف معلقة بيكنج بودر
للتزيين
سمسم -حبه البركه- مكسرات
الطريقه
ننخل الدقيق مع البيكنج باودر ونضعه جانبا
نضع فى العجانه(او باستخدام المضرب الكهربائى) الزبده والسكر

نضرب بالسلاح السلك الشبيه بالمضرب

الى ان يتحول الخليط الى الشكل الكريمى هكذا

نضيف بياض البيض والفانيليا ونضرب مره اخرى وبعدين نضيف الدقيق على مراحل الى ان تتكون عجينه بهذا الشكل

نقسم العجينه قسمين وده اختيارى ممكن جزء نتركه ابيض والاخر نضيف عليه الكاكاو هكذا



رجاء عدم الرد