ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

[ماما الاء]

هبلتوني بجديات
الكيلوات اللي نقصتهم قبل رمضان بنردهم توة

كيتي راه ما نستيش الحلم هي قولي شنو القصة

سنفوووورة شنو بدي الموضوع ذكريات ههههه وعاد مع كلمة شنبيري ما نحكيلكش الذكريات تسترسل ليه ليه خصوصا لما شفت امس معتز في بابا الحارة وتقوله عمتك خيرية تاج راسي خخخخخخخخخخخخخ يا الله على ايام زمانات
وتوة اعطيني طريقة عجينة القوارب الجديدة شكلها تهبل
ربي يخليلك حنينتك

حنونة مصلي على النبي شنو هالسفرة العرمرمية يارب ديما الخير كاثر عندك
على فكرة اني عقلي ورق العنب وانتي مدايرتيه بالصالصة يا سلاام تحفففففففة يسلمووو الاياااادي

ام سومااا خشيت توة على الكاروهات ويا عيني على الكاروهات اه يا قلبي اه

اريناااس مرحبتين واهلين بيك وبالكفتة الذهبية سلم ايدياتك يا رب

[انوار بكره]

السلام عليكم متاااابعه بصمت
ماشاء الله سلمت الايداي
لو وحده منكم تعرف طريقه خبزه الكسكاس وبالمقادير تنزلها
وبارك الله في الجميع

[اريناس]

حنون ووووووووووووووووو سفيره تهبل وجوعتينى

نحن المغرؤب ماازال 5 ساعات وربع

يصبرنى ربى ههههههههههههههههههههه

[فو1كه]

فكرة روعه
100 شكر لك
وكل عام وانتم بخير


لا اله الا الله ...

[ماما الاء]

مساء الخيرات
صحة فطوركم يا صبايا الحوش اللي في ليبيا وخارجها

انوار بكرة مرحبتين بيك وباللي متابعين بصمت

هذي خبزة الكسكاس منزلتها المصراتية بس الصور هربو ابصر وين هههه

http://www.lakii.com/vb/showthread.php?t=509644

وهني رابط كيتي الحبوبة

http://www.lakii.com/vb/showthread.php?t=432138

وهني بحشو جديد
http://www.lakii.com/vb/showthread.php?t=589694

حقا كيتي نشوف فيك من فريق صيفنا ابداع قوليلي في اي ركن تخدمي خلي نتبعو مواضيعك

[ماما الاء]

اهو يا حبوبة لقيت الصور من كيتي

هنا الخبزة مقطعة إلى دوائر



و هنا كيفية وضعها على الكسكاس و منظرها عندما ترتفع و هي دلالة على نضجها لأنه رقيقة







و هذا شكلها بعد النضج




و هذا شكلها بعد ما حشيتها بالحشوة ... اي حشوة تفضلينها

[نوسة*]

السلام عليكم
ما شاء الله عليكم يا بنات كل صفرة احلى من التانية
ربي يسلم ايدياتكم و يزيدكم من نعيمة
و الله قعدت نتحشم انزل صور فطوري قدام ابدعاتكم
عيني عليكم باردة
اليوم قلت انزل فطوري لان درت حاجتين اول مرة انديرهم
فطوري كان عبارة عن شربة عربية طبعا
محاشي طيبتهم في الفرن زي ما نصحتني الاخت سويت
و طعمتهم الصراحة فضيييعة احلى من الكسكاس
و الحاجتين اللي اول مرة انديرهم هما كفتة الخضرة
و ناجيت الدجاج الذهبي خديتهم من كتاب منال العالم

و هذا فطوري المتواضع



هاذي كفتة الخضرة



و هاذي المحاشي



و هذا ناجيت الدجاج الذهبي معاه هريسة عربية

[نوسة*]

نسيت الحلو اللي هو البسبوسة صورتها و هي في طاجينها
ما لحقتش نصورها في الصونية نسيتها

[شهد77]

مشالله انشالله صحة فطوركم ..............نبى نسالكم على الدبلة فى طرق فيها الدحية كاملة وفيه لى بياض بس... اما احسن فى الطعمة..؟؟؟

[ام تدليل]

الله يانوسة صفرة تحل العين المغمضة بسم الله ماشاء الله وعلاش تتحشمي والله حتي انتي ماشاء الله ست بيت حقانية وماكلتك وتنسيقك فنانة بدون مجاملة

[ام تدليل]

نوسة نبي ننشدك المحاشي في الفرن قداش ياخدو بش ايطيبو لان شكلهم ماشاء الله يتاكلو بالصونية

[نوسة*]

ام تدليل بارك الله فيك احرجتيني بكلامك المحشي نخليه تقريبا ساعة و ربع
بالزايد و يجي طايب زيين جربيه اكيد رح يعجبك

[شهد77]

مشالله انشالله صحة فطوركم ..............نبى نسالكم على الدبلة فى طرق فيها الدحية كاملة وفيه لى بياض بس... اما احسن فى الطعمة..؟؟؟

لى عنده خبرة فى الدبلة ابقولى ؟؟؟؟؟؟؟؟؟؟؟

[ميلا]

السلام عليكم جميعاً
صحة شربتكم


ماشاءالله عليكم جميعا وربي يعطيكم الصحة

سفرة احلى من الأخرى ربات بيوت ناجحات ابداع بصراحة

حنونة ياريت تعطينا طريقة معجنات الرسائل الباين عليها روعة


اليوم درنا فطورنا شربة وبراك ومحشي وبيتزاء وبوريك مقلي وسلايط وبس

[انوار بكره]

مااااما االا بااااااااااااااارك الله فيك وجزاك الله خير الجزاء
مشكوره حبيبتي كلك ذوق