تكفون بنتي عمرها سنه وشعرها حييييييل خفـــــــيف

[سموالاميره]

السلام عليكم ورحمة الله وبركاته


يالغاليات انا بنتي عمرها سنه وشعرها حيل خفيف وشويه خشن مع العلم اني مع ابوها شعرنا ناعم

ومره بالصدفه لقيت حرمه في المستوصف لما كنت ابي اودي بنتي لانها كانت فيها انفلونزا

كلمتني الحرمه وقالت بنتك شعرها خفيف حطي على شعرها الكريم الاحمر قصدها بلكريم حطيه

الصبح وبالليل حطيلها دهن الحل اللي عليه رسمت نخله ولون العلبه بنفسجي وانا ماادري اللي

عندها طريقه تقولي بس اماااااااااااااااااااااااااااااانه تكون مجربه ولها نتايج زينه.


تحياتيW:

[ام ريماس]

واللة ياعمري ودي افيدك لكن ماقدرت افيد بنتي انا بنتي الثانية عمرها سنة ونفس الحالة خفيف وخشن وانا وبوها وحتى اختها الكبيرة ريماس شعرنا ناعم 000
انا استعملت لها زيت السمسم وماشفت اي نتيجة وحاليآ استخدم لها زيت الزيتون واللي عندها شي من الاخوات انشاء اللة تفيدنا 000

[um hamda]

انا بنتي حلقتها وعمرها 40 يوم وما طلع شعرها الا بعد 7اشهر ولما طلع كان وايد خفيف حتى الشباصه ما اقدر احطيها ليهاوكان وايد املولو كأنه اسبجتي وبعدين خالة زوجي قالت لي بنتك دائما قصي شعرها مدرج وحني بحنة البيت وبعد ما اسبحينها في كل مره حطي عاى شعرها كريم بس طبقه خفيفه ومشطيه وهو مبلول بس لا تربطينه لان الشعر اذا ما اتمشط بعد السباحه يستوي خشن والحين بنتي شعرها لين نص ظهرها وناعم وغليض

[Asrar]

مرحبا اختي,

احسن شيء اسوين انك تدهنين شعر بنتك بزيوت مختلطة مثل زيت الخروع وزيت جوز الهند او اي زيت عندك, وتخلينه مثلا ساعتين او ساعة وبعدين تغسلين شعرها..

اتصدقين كان شعري خفيف لدرجة فظيعة:eek: فعلا هذه الزيوت غلظت شعري واستوى احسن عن قبل..

او تستعملين زيت التاج وهو مكون من العسل والاعشاب لجميع افراد العائلة وهوالصراحة ممتاز ورووعة انصحك انك تستخدمينه وموجود في الجمعية والسوبرماركت..


اتمنى اني ساعدكW:

والبنات مايقصرون معاك

[ام لو لو]

اختى قريت مرة والله مانى فاكرة اذا فى هذا المنتدى او لاانه وحده تقول المحلب مع زيت الخروع ينبت الشعر ويكثفهوالطريقه هى انك تجيبى الزيت وتسخنيه على النار الى مايصير دافى شويه يعنى مو ساخنوتجيبين فنجال محلب مطحون وتحطينه معاه وترفعينه من على النار فورا وتحركينه حتى يتجانس الخليط وتدهنين شعر بنوتتك فيه وتتركينه الى بكرة يعنى لازم البنت تنام فيه او مو لازم النوم اهم شى يقعد اطول فترة ممكنه عشر ساعات مثلا المهم تغسلينه عادى وتسوين له تدليك لفروة الراسولازم تدليك مهم جدا لمده عشر اوعشرين دقيقةيوميا على هالحال وصاحبه الموضوع تقسم بالله ان النتائج تبين فى اقل من اسبوع واحد انا الى الان ماسويتها لبنتى انما بسويها ان شاء الله بس اروح لاهلى لان المحلب معروف للشعر ومامنه اى ضرر ان شاء الله وكمان صاحبه الموضوع اتاكد على ان الكميه هذى حقه يوم لوحده يعنى لاتسوين كميه وتشيلين اللى يبقى منها لبكرة خلى كل يوم بيومه ونسيت اقول الزيت ماحددت كميته قالت على حسب الشعر قولى امين يارب شعر بنتى وبنتك يزيينن وشعر كل وحده مو راضيه عن شعرها0اااااااامين

[سموالاميره]

ماقصرتوا على المساعده وتسلمون لممروركم.......
وياااااااااااااااااااااااارب يام لولو

تحياتيW:

[السلفية]

وعليكم السلام ورحمة الله وبركاته ..
حياك الله أختي سمو الأميرة ..
وطالما إنت من الكويت .. روحي لعسل العويد تلاقين عنده زيت الشعر لوقف التساقط وتكثيف الشعر .. ما شاء الله ممتاز ومنتجات عسل العويد ثقة .. وحتى هو رخيص ما هو غالي تقريباً بـ 6 دنانير ..

أو ..

تروحين لمستشفى الأحمدي ( شركة النفط ) إذا كان زوجك أحد موظفي هذه الشركة .. تروحين هناك راح يعطونك خلطة طبيعية 100% هذه الخلطة عبارة عن خلطة زيوت .. وما شاء الله رائعة هذه الخلطة .. واللي مسوي الخطلة هذه هو دكتور للجلدية ..

أنصحك إما تشترين زيت العويد أو الزيت اللي عند مستشفى الأحمدي ..

والله يحفظك ..

[سموالاميره]

اختي السلفيه تسلمين على المداخله والله يجزاك خير على النصيحه والحمد لله زوجي من احد الموضفين بهذي الشركه ودام انك مجربه عيادة الجلديه هل تنصحيني اروح هناك السبب ان خواصري عقب الولاده صار فيهم مثل الجفاف والجلد الميت وانتي شرايك.

تحياتي للجميعW:

[لـــمـــووو]

اهلين اختي

جربي كريم بارشوت بجوز الهند للشعر الجاف مررررررررررررة ممتاز( يباع في الصيدلية او سوبر ماركت)

بنت اختي شعرها خفيف وطاير (كشة) هههههههههه
وجربنا لها الكريم ما شااااااااااااااااااااااااء الله نفع معها

كثرالشعر ولمعااااااااان وحتى الملمس صار ناعم

[سموالاميره]

تسلمين على المرور اختي لموووووو:)

وشكلي بجرب في بنتي كل شي:D

تحياتي للجميعW:

[very_pink]

اختي العزيزة

اهتمي بتغذيتها و ذلك سوف يحسن من نوعية شعرها
خاصة البيض المسلوق و الحليب و اللحوم و عصائر الفاكهة الطبيعية
و ايضا المكسرات و الاسماك

اتمنى ان اكون قد افدتك و لو بالقليل

[الف ليله]

انا افضل ان تقصى شعرها دائما تقريبا قريب للولد صدقيني هذا يخلي شعرها يتحسن كثير المهم كل ماطول شويه قصيه لها