طبخة سهههههههلة لمن ليست لديها وقت!

[إيمان علي]

علمتني صديقتي اليوم طبخة بسيطة وجديدة ولذيذة، غيرت فيها لكن أعطت نفس النتيجة.
صراحة كانت رائعة جداً وقلت لا يمكن أن أنسى صديقاتي في المنتدى :)
كنت سأصور لكن النتائج، ولكن زوجي الجائع لم يصبر، فالتهم الطعام وضاعت الصورة، ولكن خيالكن واسع وسترين الصورة واضحة ;)


تحتاجين إلى:

* حوالي ثلاثة صدور دجاج مقطعة مكعبات.
* 4 فصوص من الثوم، مهروسة.
* حوالي نصف إلى 3/4 كوب من الكزبرة الخضراء المفرومة.
* القليل من الزيت للقلي.
* ملح وبهارات.
* نصف كوب حامض.

الطريقة:
- قلبي قطع الدجاج في الزيت على نار متوسطة حتى يتغير لونه ويبدو أنه قارب على النضج.
- ضعي فوقه الثوم والملح والبهارات وقلبيه على نار هادئة.
- عندما ينضج تقريباً ضعي الكزبرة وقلبي، واتركيه ينضج تماماً حتى ترين أن الماء من الدجاج قارب أن يجف.
- ضعي كوب الحامض واتركيه يغلي لثوان.
- انتهت الطبخة.

والآن للقسم الثاني من الطبخة، وهي البطاطا المقلية، ولكن بطريقة جديدة ذكرتها سابقاً.

* بطاطا حسب الرغبة.

- قشريها وقطعي كل حبة بطاطا إلى أربعة أو خمسة أقسام طولية.
- ملحيها.
- في زيت حامي اقليها حتى تبدأ تصفر.
- انقليها من الزيت وضعيها في طبق فيه منديل ورقي ليمتص الزيت.
- بهذا تكون البطاطا نضجت ولكنها تحتاج للاحمرار.
- اتركيها حتى وقت تضييف الطعام.
- عندما تجهزين الطاولة سخني الزيت من جديد.
- ضعي البطاطا التي لم تحمر بعد في الزيت الساخن.
- بدقيقة ستحمر وتنقليها من المقلاة، وستكون مقرمشة لفترة طويلة وقلبها مهروس بطريقة لذييييذة...

** ملاحظة: هذه هي طريقة قلي البطاطا على أصولها لتبقى مقرمشة طوال الوجبة حتى بعد أن تبرد. وبهذا تتفادين أخذ الكثير من الوقت في قلي البطاطا والجميع يأكل :rolleyes:

والآن إلى طريقة التضييف:

- خذي طبق كبير مثل القارب.
- ضعي على جانبه الدجاج، والجانب الأخر البطاطا المقلية.
- ضعي مرق الحامض فوق الدجاج.
- سيسيل المرق تحت البطاطا أيضاً، وهنا الخطة الرائعة والطعم المتميز.
- ستصبح البطاطا مقرمشة ومهروسة من الداخل ونكهتها بالثوم والكزبرة والحامض.

** جربيها ولن تندمي :)


*** ملاحظة: إذا أحببتي طريقة مختلفة في طبخ الدجاج: اقلي الثوم والكزبرة معاً، ثم أضيفي الدجاج والبهارات. غطي الإناء على أن تحركي كل كم دقيقة. وعندما ينضج أضيفي الحامض واتركيه دقيقتين واطفئي النار :)

وصحتين وعوافي.

[ام النوادر]

ما شاء الله هذة كثير كويسة وعلطول بعملها وامانة تحتم على اقول للبنات جربوها
وما تستنوا الصورة كثير طيبة والجديد اليوم تعلمت تحمير البطاطس يعنى قصدك على مرتين
وبدون ملح ؟؟

[عروس الشام]

لك يسلمو إديك ياإيمانو على هي الطبخة السهلة وأكيد طيبة لأنها من إديك

عروس الشام

[أم حديجان]

جــــــــــزاك الله خيــــــــرا أختي ايمان ...

[قطعة سكره]

يعطيكِ العافية أختي إيمان على الطبق السريع
وخاصة طريقة البطاطا

[إيمان علي]

تسلمي أم النوادر.. بالنسبة للبطاطا، ملحيها وهي نية. وبعدين اقليها ثلاث أرباع قلية، يعني حتى تبدأ تصفر فقط. شيليها على طبق حتى وقت الأكل.. حتى لو كان الأكل ثاني يوم!! وقت التحضير حمي الزيت واقليها من جديد ما رح تاخذ منك أي وقت.


الله يسلمك يا عروس الشام.. صحة وعوافي :)


وإياكم أم حديجان :)


الله يعافيك يا قطعة سكرة.. :)

بتعرفوا البطاطا المجمدة المقلية الجاهزة؟ اللي بنشتريها من السوبر ماركت مقطعة ومقلية؟ هذه مثلاً لما تقليها بتطلع روعة وبتقرمش حتى لما تبرد.. وهذا لأنهم قلوها، وبردوها وفرزوها. وبعدين نحنا بنشتريها وبنقليها، وبتاخذ لحظات وبتحمر. وهذا هو السر ;)

[أم البنتين]

تسلم ايدك اختي الغالية
والله شكلها تشهي ورح اجربها في اقرب وقت

[إيمان علي]

الله يسلمك يا أم البنتين الحلوتين :)

[ورقة ليمونة]

يعطيك العافية ياامونة طبق لذيذ وسهل

[- asma -]

شكلها لذيذة


راح اجربها بكرة انشاء الله



يعطيك العافية :)

[um samer]

يميميييييممممممميي يممممممميييييي كثير طيبة ،، يسلمو إيديك أنا بعملها بس من غير الحامض وبعملها كمان بشرايح الستيك وبضيف مشروم ( شكلها صارت أكله ثانية ) بس معلش بلأخير كله طاير

[إيمان علي]

الله يعافيك يا ليمونة :)


بانتظار نتائجك يا صدى، وصحتين وهنا مقدماً :)


لازم تجربي الحامض يا سينو، لأنه النكهة خيالية بتصير... صدقيني أطيب من الأكل اللي بلعناه اليوم في المكان اياه!! :rolleyes: يالله بانتظار نتائجك أنت أيضاً وصحة وهنا :)

[وسام]

طريقه حلوة وسهله ولذيذه كمان :) ;)
يعطيك العافيه يا امونه

[إيمان علي]

الله يعافيك يا وسام :)

[estrellas]

عزيزتي ايمان تسلم ايديك انت وصديقتك
وانا قد وضعت طبخة مشابهة مسبقا هذه وصلتها اذا احببت

http://www.lakii.com/vb/showthread.php?s=&threadid=25335

[أميرة القلوب]

الله يسلمك يا ايمان على الطبخه الحلوة وشكلها سريعه ما تحتاج وقت كثير يعني تنقذنا وقت الازمات

[إيمان علي]

الله يسلمك استرياس، فعلاً الإسم مشابه مع وجود بعض الاختلافات، تبعتك مشهية جداً أيضاً :)


تسلمي أميرة، فعلاً هي منقذة في الأزمات :)

[Marea Mohammed]

تسلمي يا ايمان وانا باعمل البطاطا بنفس ما ذكرتي وفعلا تطلع مقرمشة

[إيمان علي]

الله يسلمك يا ماريا :)

[جورى]

تسلم الايادى والله انك انقذتينى فيها

الظاهر ايمان انى راح اعزم نفسى على الاكلات الحلوه............

ايوه يا عم ابو العيال فرحان بهذه الاكلات ,,,,,,,,,, عليه بالعافية

[إيمان علي]

صحتين وعوافي يا جوري :D

[noshe]

http://smilies.sofrayt.com/%5E/w/thumbs.gif عاشت ايديكى يا امونه يا استاذه حل الازمات السريعه
http://smilies.sofrayt.com/%5E/g0/claps.gif

[إيمان علي]

تسلمي يا نوش :D

[الامل الجميل]

يسلموا ايديكي يا امونه
وطريقة البطاطا رااااااااااائعه انا دايما اتبعها
مشكوره يا امون

[farahr]

يسلمو ايديك وبارك الله فيكي

[إيمان علي]

الله يسلمكما الأمل الجميل وفرح :)

[ام مودي]

يسلمووو هالديااات يااا رب..شكلها ...اممم اححححح...شي بيعئد...
انا هيك بستنتج يا امون انكم مغرمين بالتوم و الليمون و الكزبرة..متليييي:D:D:D..
ماا في اطيب من هييييك

[نورلينة]

أمووووووووووون;)


الطريقة هذي أنا بعملها من زمااااااااااااااااان "K)( "K)( "K)(

بس مع هذا تسلمي على الوصفه:)

[إيمان علي]

أي والله يا أم مودي، ما في أطيب من الكزبرة والثوم والحامض، يمي يمي يميم

الله يسلمك يا نور :)

[شمس بازغة]

شكرا لك اختي الحبيبة امونة

لكن سؤال واحد

ما نوع البهارات؟ يعني ايش مثلا اخلي كمون ... كاري...؟؟
ارجو منك ان تعلميني انواعها
لاني مبتدئة جدااااااا بالطبخ








والعريس المسكين يحب الاكل الطيب
وانا بحاول...........مرات يضبط الاكل ومرات!!!!!!!!!!!!!!!!!!!!!!!!!!!!!!!!!!1

يطلع ................................
روعة


:D

[سموح]

روعه ايمان شهيتيني ...
بأعملها بأذن الله...تسلمين:p

[إيمان علي]

الله يكون في عونك يا شمس :D

عزيزتي، كل طبخة لها أنواع معينة من البهارات التي تحتاجها لتجعلها ناجحة... ولكن بما أنك مبتدئة بالطبخ سأسهل عليك الأمر، اشتري البهار المسمى بالبهارات السبعة أو allspice... هذا يحوي أهم 7 بهارات. استخدميه مع الملح في أكثر الطبخات وسيكفيك، وبالتدريج ستصبحين فنانة :) ولكن لا تكثري بشدة، بل أضيفي وتذوقي حتى تحصلي على النكهة اللذيذة.


أهلاً يا سموح، اعمليها وخبريني :)

[ضوءالقمر]

انا كتير بحب شرحات الدجاج
وشكرا امون على الوصفه اللذيذه

[إيمان علي]

العفو يا ضوء القمر :)

[mannora]

طبه لذيذه راح اسويها قريبا لكن عندي اضافه بالنسبه للبطاطا المقليه إللي يحبها بنكهة الثوم قبل القلي تنقع البطاطا مع فص ثوم مدقوق ناعم ثم تصفى من الماء جيدا حتى لا تحصل مصيبه وقت القلي :D

[إيمان علي]

فكرة رائعة يا منورة، شكراً لك، إن شاء الله رح أجرب فكرتك أول ما أقلي بطاطا :)

[*وردالخال*]

الله يسلمك يا ايمان على الطبخه الحلوة وشكلها سريعه
بموت بالكزبرة والثوم يعني عز الطلب

[إيمان علي]

تسلمي يا ورد الخال.. صحتين وهنا مقدماً :)

[نـانـا]

بتعرفي يا ايمان
انا دائما بحط على البطاطا المقلية حامض , وما بحب الكاتشب معها
والحمدلله طلعت شغلة الليمون معروفة و مو طفرة جينية متل ما بيتهموني معارفي و اهلي
يسلمو ايديكي ,, :)

[نجوان سليمان]

تسلم ايدك يا ايمى والله شكلها يجنن انا بموت فى اى شيئ فيه ثوم وكسبرة وبالنسبة للبطاطا منك نستفيد طريقتك اسهل من اللى كنت بعمله كنت اسلق البطاطا الأول وقبل تقديم الأكل احمرها علشان تطلع بالنتيجة المطلوبة لكن الشيبسى العادى اضعه فى ماء وملح وخل قبل القلى بساعة بيطلع مقرمش وجميل حتى لو بات يوم وتسلم ايديك يا قمر مرة تانية W:

[إيمان علي]

الله يسلمك يا جنين، كل الاختراعات الطيبة كانت طفرات جينية، وصارت في الكتب :D

الله يسلمك يا نجوان، وفكرة حلوة اللي كتبتيها... شهيتيني :)

[أم العبادله]

تسلم أيدك يا أيمى ...
وفعلا أكلة سريعة وسهلة ....

[إيمان علي]

الله يسلمك يا أم العبادلة :)

[اليس]

الف شكر ايمان
بس يعني الحامض تقصدي اني اعصر ليمونه؟؟
او اللي بيجي في السوبرماركت زي الخل؟
وهل ينفع اعمل الدجاج من بدري مث لو عندي عشاء بالليل اعمله من المغرب او العصر واسخنه بس بالليل ؟؟؟

[إيمان علي]

أي نعم عزيزتي، أقصد اعصري ليمون حامض، مش خل..

هذه الأكلة ما بتاخذ وقت كثير، يعني بتقدري تحضريها قبل بنصف ساعة من مجيء الضيوف حتى تضل طازجة. أو أنك تطبخيها نصف طبخة وتكمليها قبل حضور الضيوف بعشر دقائق.
هي لذيذة حتى ثاني يوم، يعني اعملي اللي بريحك وما تخافي :)

[ام سهيل]

تسلم الايادي
وبصراحة اشتهيت اعمله وان شاء الله راح اعمله بس لازم القارب راح استعيره منك ايمانوووو
ممكن من شان المنظر بس
تسلمي يالطعمة .

[أم العبادله]

أم سهيل أشتقت لك كثيرا كيف حالك يا عزيزتى ؟؟

أعملى هذا الطبق لأنى فعلا جربته منذ يومين وطلع لذييييييييييذ جدا ..

تسلمى يا ايمى ... مرة تانيه ..

[إيمان علي]

يالله يا أم سهيل، بلا ما تشتهي واشتغلي، القارب عبارة عن صحن كبير طويل وبس :)


صحتين وألف عافية يا أم العبادلة :)