ايماااااااااااااان ممكن سؤال .. مهم للجميع

[الشهد]

عزيزتي ايمان:

الاحظ انك ماشاء الله تحاولي انك توفقي بين بيتك واطفالك وزوجك وابداعاتك

وفوق هذا كله النت ولك بالاخص

فكيف تنظمين وقتك ؟؟
وكيف توفقي بينهم ؟؟

سؤال بصراحة مهم جدا لانه الواحد ممكن يعطي في مجال الكثير لكن في المقابل يقصر وبشدة في مجال اخر

بل قد يعد فاشلا فيه ..

فهلا افدتينا من خبرتك بارك الله فيك ونفع بك .

[إيمان علي]

عزيزتي الشهد...
الحمد لله رب العالمين، أشعر أن الله مبارك في وقتي.
أصحو باكراً وهذا أهم شيء.
ابنتي اصبحتا في عمر الاعتماد على النفس في كثير من الأمور، فلا يتطلبان مني الكثير، فهما خير عون لي عند الحاجة الحمد لله... غير أنهما في المدرسة.
وبصحوي باكراً، آخذهما إلى المدرسة...وبعد عودتي يكون لدي بلال، وهو ليس متطلباً الحمد لله.
عندي النت متصل باستمرار، والكمبيوتر لاستعمالي الشخصي، وهو في غرفة جلوسي، وصفحة المنتدى أمامي طوال النهار.
أقوم بأعمالي المنزلية وواجباتي تجاه ربي، وأعود للمنتدى بعض الوقت.
ثم أقوم لألعب مع ابني وقتاً وأعود للمنتدى مجدداً.
وهكذا نهاري حتى تأتي ابنتي من المدرسة، ويكون العمل في المنتدى أصعب لأنها شريكة معي في الكمبيوتر :rolleyes:
عادة أقوم بعمل حلويات يوماً بعد يوم، وهذا يستغرق من نهاري 3 ساعات.
باختصار، لا أجلس على الكمبيوتر وقت طويل، ولكنه متقطع، ولكن بعد نوم أطفالي أجلس فترة طويلة حتى النوم :)
سبب البركة في وقتي الحمد لله، أنني لا أؤجل عمل اليوم إلى الغد، وبالتالي تسهل أعمالي، كما أنني سريعة في العمل الحمد لله، فلا يأخذني الشيء مدة طويلة، وآخر سبب، أنني آخذ الأمور ببساااااااااطة وهدوء، فلا أكبر الأمر إن كان لدي الكثير من الأعمال، بل أبدأ بلا تفكير وعمل يجر آخراً :)

أرجو أن أكون قد أجبتك على استفساراتك..

[الشهد]

فعلا جزاك الله خير وبارك فيك وفي وقتك وعملك


اتمنى من باقي الاخوات اذا عندهم افادة انهم يفيدونا

يعني نجعله موضوع للنقاش ليستفيد الجميع باذن الله

[samara95]

السلام عليكم ورحمة الله وبركاته
انا تقريبا وضعي متل الاخت ايمان
اصحو باكرا اوصل اولادي المدرسة واعود ارتب البيت واضع الطبخة عالنار
اكيد اكون محضرتها قبل بيوم يعني بكون عارفة شو بدي اطبخ
اولا لا اقوم بزيارات بل افضل الجلوس بالبيت
بعد ما اخلص شغل وطبخ اعمل فنجان قهوة واجلس عالنت فترات متقطعة
حتى يحين وقت رجوع الاولاد من المدرسة اروح اجيبهم واغديهم واذهب لعملي
انا اعلم عربي بس بعد الظهر ساعتان فقط عندما اعود يكون حان وقت عودة زوجي من عمله نتعشى وانيم الاولاد واجلس فترة عالنت حتى يحين وقت نومي
اظن انو هون الرجل يقضي تقريبا كل نهارو بالعمل غير البلدان العربية
وهذا يعطي المراة وقت اكتر
W: W: W:

[إيمان علي]

كلامك صحيح يا سمارة، بس تخيلي، زوجي عمله داخل البيت :D
وفعلاً انشغال الرجل بعمله طول النهار بيقلل طلباته وبيكثر عندك الوقت.
وشيء آخر ذكرتيني فيه، إني من يوم المنتدى وأنا زياراتي وخروجي من البيت قل بشكل ملحوظ، وهذا خلى يومي وساعاتي أطول.

[*وردالخال*]

موضوع حلو يا الشهد
انا بالنسبه لي ما في عندي اولاد في المدرسة لسه حبيباتي اصغار عندي بنتي الكبيرة سنتين ونصف والصغيرة سبع شهور .. طبعا ببلاش يومي من الساعة الثامنة تقريبا ومرات ابكر حسب وقت استيقاظ البنات اول ما اصحى ببلش في البنات من غيار ولبس وتغسيل وفطور وغيره حوالي الساعة وبعد هيك الكبيرة على الرسوم المتحركة والصغيرة هيك وهيك حسب المزاج تبعها (بحط قدامها كوم العاب تلتهي فيهم)بعد هيك بفتح النت وبجهز فنجان القهوة (اساسي)للتنشيط ومع سندويش سريع وبتصفح النت بشكل سريع وخاصة لك طبعا :)
وبعد هيك ببلش برنامجي الرياضي حوالي الساعتين متواصل وبعد هيك بقوم بشوف شغل بيتي واهم شئ تكون الوحدة متابعة لشغل البيت اول بأول....هيك لا ياخذ وقت معها بالتنظيف .... وبقرر شو بدي اطبخ ....طبعا الطبيخ متاخر لانة زوجي ساعات شغلة طويلة (على راحتي)وكل هذا ياخذ معي قريب الساعتين طبعا لانك بتصحي :o بلاقي وقت كثير وبستغله بالثانيه ...طبعا بعد هيك بكون وقت دخول الصلاة وبجهز نفسي لاخذ وقتي الكافي في الصلاة والعبادة وبعد هيك برجع على النت لتصفح حتى موعد الغداء ومتابعة طلبات البنات من اكل وشرب ولعب وغيره ه ه ه ه ه ه
وطبعا اثناء نوم الصغيره استغل الوقت على النت والدراسة لاني كمان بدرس في الجامعة الامريكية المفتوحة عن طريق الدراسة عن بعد (طبعا بدرس علوم اسلامية وشريعة وان شاء الله ما بكون مقصرة بديني وعبادتي لله سبحانة وتعالى)والدرسة تاخذ معي مرات النصف ساعة ومرات الساعتين بسبب انشغالي بعض الوقت على التلفون (لازم اطمئن على اخواتي وصديقاتي الاحبه وانتو عارفين النسوان والحكي على التلفون) (K):"وبعد هيك يا ستي العزيزة ببلش مشروع الطبيخ وتحضيره وصراحه انا سريعة جدا جدا في الطبيخ وشغل البيت وهذا اللي بساعداني القى وقتوبعد هيك بدخل زوجي البيت وبكون كل شئ جاهز ومحضر على الطاولة وبعد هيك الوقت بروح بسرعة بين طلبات البنات وابو البنات حتى الساعة السابعة بحط البنات في التخت وبرجع على النت ودراستي حتى ساعة متاخرة احيانا ....:o
الملخص:
يعني وقتي على الجلوس على النت متقطع ما بين الاولاد والبيت والطبيخ والنفيخ والراغي على التلفون والدراسه والرياضة وطلبات ابو البنات يعني ما بيجي اخر النهار بكون هيك :K)
طبعا بتحكوا المسكينة لا بتروح ولا بتيجي دائما في البيت...طلعاتي خفيفة لانة ما عندي اولاد في المدرسة اولا وثانيا الجو حاليا في كندا تجمدددددددد بمعنى الكلمة والوقت اللي بطلع فيه لازم الجو يكون معتدل علشان البنات الله يحماهم
وهذه هي قصة حياتي خرج تنعمل مسلسل نأسف على الإطالة انتوا اللي جيبتوه لأنفسكمW:

[الكروان غنى]

فعلا عدم وجود الزوج فى البيت يعطينا وقت كبير للنت فانا كنت مجرد متصفحة لغاية الشهر الماضى زوجى ذهب فى دورة خارج البلد ولايأتى الا يومى الخميس والجمعة

لذا وجدت وقت كافى جدا للنت وخصوصا فى وجود شغالة شاطرة جدا


بصراحة انا غير راضية عن نفسى اشعر بأنى وصلت لمرحلة الادمان واصبحت لااطيق الخروج من المنزل والحديث فى الهاتف مع صديقاتى

[إيمان علي]

لا عاد يا كركر، ما نزيدها كمان :)
يعني حلو المنتدى ما بين أعمالك ومخططاتك اليومية، لكن ما نرمي كل حياتنا ونقعد على النت ;)

[الشهد]

رائع جزاكم الله خير


مازلنا ننتظر الاخريات لتعم الفائدة باذن الله

[زهر البنفسج]

مشكورة يا الشهد على هذا الموضوع ... وعندي سؤال للأخت إيمان انت وباقي الخوات بتلقوا
وقت كافي في غياب أزواجكم بتقضوا فيه كل أشغالكم ..لكن اللي زي حالاتي زوجها دوامه كله بالبيت والله انه يصلي ويقضي الأشياء الناقصه للبيت ويرجع ما يطلع من البيت بالمره وفوق كذا
لازم أكون ملازمة له ووجهي في وجهه 24 ساعة .
علشان كذا ما بخلص ولا ربع اشغالي والله المعين

[إيمان علي]

يا زهر أنا زوجي بيشتغل أيضاً من البيت، بس طبعاً شغل شغل، يعني ما بشوفه كثير.
لكن هل زوجك طالب منك تقعدي أمامه وما تخلصي شغلك؟
زوجك عزيزتي مش ضيف تلازميه، اشتغلي شغلك وخلصي واقعدي معه :)
وبعدين إذا حابب تكوني أمامه طول الوقت، خليه يشتغل معك :D
وبهيك بتخلصي شغلك بسرعة وبتستمتعوا بالقعدة مع بعض :)

[الشهد]

فعلا كثير من الزوجات تعاني مما تعاني منه الاخت زهر البنفسج
حيث ان ازواجهم لا يغادرون منازلهم الا في النادر ويطالبون زوجاتهم بالمكوث طوال الوقت معهم والامر طبعا جدا صعب اعانهم الله

[Mimi]

عن نفسي وقتي على الكمبيوتر متقطع غالبا الصباح لما بيروح ابني المدرسه واخواته لسه نايمين اشيك على ايميلاتي واقرأ الاخبار واشوف الجديد في المنتدى لكن لو حابه ارد على احد اخليه في الليل بعد مايناموا الآطفال لآن الصباح يكون بالي مشغول في شغل البيت وبعدها في الطبيخ ومشوار المدرسه وبعدين في العصر يكون جلستي على الكمبيوتر متقطعه يعني خطافي في الليل اقعد فتره طويله
انا في رايي ان الدخول لللآنترنت يسهله طريقة الاشتراك لآن هنا عندي دائما مشبوك ولا بيتطلب تيليفون ينشغل او غيره بستسهل الشغله اما لما كنت في زياره لآهلي كنت اعمل حساب خط التيليفون راح ينشغل والسرعه جدا بطيئه هناك مقارنه بهنا فما كان ليه بال او مزاج مثل هنا مع اني كنت فاضيه لا عندي مسؤليات بيت ولا غيره

سؤال لللاخت ورد الخال ماهي الجامعه اللي تدرسي فيها واين موقعها وهل ممكن تعطيني اللنك لها لو سمحتي وهل يتطلب حضور للآمتحانات النهائيه ارجوا ان ما اكون اثقلت عليكي ولكي تحياتي W: W:

[*وردالخال*]

اختي هذا هو الموقع للجامعة

http://www.open-university.edu/
الجامعة الأمريكية المفتوحة مؤسسة تعليمية تربوية مستقلة غير ربحية، تدّرس العلوم الشرعية بطريقة التعليم عن بعد، استنادا إلى القرآن والسنة، في إطار منهج أهل السنة والجماعة
مقرها عاصمة الولايات المتحدة الأمريكية
ولا يتطلب الحضور للامتحان النهائي
ولا فيها ثقل ولا شئ عزيزتي ارجو ان اكون قد افادتك

[Mimi]

الله يجزاكي خير ياورد الخال كفيتي ووفيتي
والله يوفقكي انشاء الله في دراستك وتنالي ماتريدين

[البشرى]

جزاك الله خير اختي الشهد على الموضوع
وانا اقول ربة البيت الي تصحى بدري ستجد متسع من الوقت بأذن الله
بالنسبه لي اجعل دخولي للمنتدى كمكافأة لي
اكافاء نفسي بها عندما انتهي من جميع واجباتي

[الشهد]

تسلم هذي الكلمات الحلوة

اهلا فيك اختي ام وريحانة

تعرفي حكمتك رهيبة ( تعتبري دخولك المنتدى مكافاة ) ويا محلاها من مكافاة


فعلا اسوب جميل جدا ويخلينا غصب نخلص اشغالنا حتى ننعم باحلى مكافاة