اريد رايكم في اختيار غرفة نوم لاني محتارة انتظركم

[79nana]

مساء الخير اخواتي الغاليات

ان شاء الله كلكم بصحة وسلامة يارب

اخواتي انا اريد مساعدتكم

في شراء غرفة نوم

انتم تعرفو اني في الغربة وعايشة في بيت ايجار ولان البيت ايجار فمعرضين ننتقلو في اي وقت حسب عمل زوجي
فقررت اني اخد غرفة نوم متينة
وخشبها صلب وبسعر معقول

وطبعا بعد جهد جهيد تحصلت على هده الغرف الي هي سعرها معقول وبمواصفات المطلوبة خشببببببها جيد بادن الله

فاخترت منهم هده المجموعة وياريت تساعدوني في الاختيار
ولكم مني جدزيل الشكر

وياريت لما تقولوي شن اخترتو تقولولي معاها اي الالوان افضل للاكسسوارات
متل غطاء السرير بالدات ؟؟
وجزاكم الله الف خير

انا بانتظار ردودكم لاني اتق في دوقكم كتييييييييييييييييرا
تحياتي لكم
1
http://cornerartfurnishing.com/images/IDCM7570C.jpg
2
http://cornerartfurnishing.com/images/IDCM7024.jpg
3
http://i207.photobucket.com/albums/bb55/cornerartgallery/bedroom/F9066.jpg
4
http://i207.photobucket.com/albums/bb55/cornerartgallery/bedroom/F9132.jpg

انتظر ردودكم
وشكرا لكم

[79nana]

يا الله يا البنات 5 دخلتوووووووووووووووووو ولو حتى رد يا سيدي ولو حتى ماعجبكم شي انا حابة اراءكم ولو حتى مافيش قبول يعني مافييييييييييش مشكل ابدا ابدا بس ياريت تردو انا في الانتظااااااااااااااااااااااااار

تحياتي

[nhnh]

اهلا بك غاليتى
موفقه ان شاء الله
انا اختار الغرفه الاخيره رقم 4
وبالنسبه لغطاء السرير
طاما الغرفه من اللون البنى سيناسبها مجموعه كبيره من الالوان
البيج وتدرجاته واللون السكرى
http://www.shams.co.il/photos/news_design/1201701676shams.jpg

http://upsarab.com/uploads/70d2178f53.jpg

يمكنك استخدام الرمادى مع نقوش بنى

http://www.l-ro.com/vb/imgcache/ff379257b5aac6edd3fa2cd755a3303c.jpg

او اللون النبيتى مع تداخلات اورانج
http://buy.overstock.com/images/products/L413112.jpg

او البنى مع الاورانج
http://www.neimanmarcus.com/products/ap/S3-022C_ap.jpg

او الاخضر التفاحى فهو متماشى جدا جدا مع البنى
http://www.bokra.net/images/news/200609141143403.jpg


وبالنسبه لالوان الحائط
يمكنك اخيارها من تدرجات البيج
http://up.graaam.com/up1/pic2/92fd5d2f01.jpg

او تدرجات اللون االخضر التفاحى
http://www.sanjosefurniture.com/sitebuilder/images/598-1b-480x378.jpg

http://www.sanjosefurniture.com/sitebuilder/images/588P-1_b-525x405.jpg
موفقه

[79nana]

اختي نهنه جزاااك الله خير وبارك الله فيك على اسعادكي بردك الحلو
ويارب مايحرمنا من مشرفاتنا الغاليات

جزاك الله الف خير

وانتظر اراء اخواتي الباقيت بارك الله لهم

[79nana]

سبحان الله سبحان الله سبحان الله
لا اله الا الله وحده لا شريك له له الملك وله الحمد وهو على كل شي قدير

للرفععععععععععععععع

[ماما الاء]

نانا حبيبتي مبروك عليك الدويرة مقدما ويا رب تتهني فيها
الحق يا ربي دار النوم نحبها فاتحة فعجبتني الثانية اكثر اقل تخربيش واكثر جادبية
وعجبوني اليرغانات اللي حاطتهم nhnh ابداع والله في الاختيار واكثر شئ نميل ليه اللون النبيدي اللي في هذي الصورة

http://buy.overstock.com/images/products/L413112.jpg


وهني لقطة عرايس تهبل


http://www.shams.co.il/photos/news_design/1201701676shams.jpg

وحتى الموديل هذا حلو بس لو كان على بيج يكون احلى ويفتح الدار او حتى فيه خشات على روز يكون يهبل

http://baitok.hawahome.com/archfoto/arch22.jpg

واحلى مافي الدار البني يطلع عليها كل شئ واي لون اللي تبيه انتي يركب بي تحاولي تفتحي في لون الجدران والسجاد (الحيوط والبساط هههههه)

شوفي الوديل البكستاني هذا نموت فيه جابوه عندنا في المعرص تحفة يا روحي تحفة

http://photos.azyya.com/store/up1/080622225141qeXc.jpg

http://www.hawahome.com/vb/files/upload_files/6/maf.jpg

وفي يرغانات اني واخدة منهم ليا ولماما يهبلو هما بالكروشيه ومخدومات بالنسترو في الوسط ورد ورد حاجة تحفة والله لو قدرت نصورهولك حنصوره عندي في الحوش,,, هكي قراب لهذو بس الكروشيه على الجناب والورد في النص

http://lh6.google.com/isabela333e/RzVrPMjwEAI/AAAAAAAAEVA/0_5A6cjdAd4/dddCama035.jpg?imgmax=512 (http://lh6.google.com/isabela333e/RzVrPMjwEAI/AAAAAAAAEVA/0_5A6cjdAd4/dddCama035.jpg?imgmax=512)

نفس الوردة هذي بالزبط

http://shop.indiainfo.com/v1/product_images/ar1464_large.jpg

http://ec1.images-amazon.com/images/I/5124A6GVX8L._SS500_.jpg


والستار على حسب الدار اللي عندك وحجمها والاضاءة اللي فيها
تقدري تبسطيها زي ما تبي وتقدري تشعليها نار حميمية اكثر يعني
وبما انها دار نوم نحب الحق الستار يكون ثقيل شوي للخصوصية يعني ولما تطلع الشمس تعطس لونه على المراة والجدران ويعطي لون غريب للدار وكانك كل يوم تغيري في لون الجدران
تقدري تخليها بسيطة زي هكي وطبعا نتكلم على نوعية الستار وحطانه وانتي تلعبي بالالوان

http://farm1.static.flickr.com/128/357277391_efbcb2ef23.jpg (http://farm1.static.flickr.com/128/357277391_efbcb2ef23.jpg)

http://www.housetohome.co.uk/imageBank/i/IH0501-40.jpg

http://www.vancouverfurnishedrental.com/images/d_4Mtr%20Bedroom%20Curtains%202LR.jpg

http://images.esellerpro.com/2199/I/288/93/shiraz-curtains.jpg

http://www.curtains.interiordezine.com/images/made_to_measure_hotel_curta.jpg

او اديريها موديل كلاسيك والحق يطلع على الدار
وزي ما اني نحب نتخيل فيها هكي بثلاثة تدريجات (العنابي والقهوي والبيج على ذهبي وكانها من الف ليلة وليلة يعني لقطة اسطورية تجنن)زي الالوان اللي في الصورة اهيا

http://ponteuf.typepad.com/southbound/images/2008/05/31/curtains.gif (http://ponteuf.typepad.com/.shared/image.html?/photos/uncategorized/2008/05/31/curtains.gif)

وتقدري تشكليهم يز ما تبي وعجبوني اني القصص هذو بس الوان مختلفة

http://www.gharexpert.com/mid/5272008111731.jpg

http://www.gharexpert.com/mid/2272009124351.jpg

الحق اني مع البساطة يعني الستار خليه عادي من غير تعقيدات وحركي الدار بمخاد صغيرة لوحيهم تحت الستار او السرير وجمعيهم مع بعض تدريجات الوان وحطي شموع واكسسوارات عادية خصوصا لو كرستال على العنابي يطلع تحفة يا روحي وتوة تشوفي الدار كيف تولي

http://images.esellerpro.com/2199/I/447/15/charlotte-red-1.jpg

http://images.esellerpro.com/2199/I/291/46/motiz---choco.jpg

http://shopping.zeenews.com/v1/product_images/ar1468_large.jpg


http://www.windowfashionindia.com/pcat-gifs/products-small/cushions8.jpg

http://www.guardianecostore.co.uk/images/newproducts/15890-00.jpg?104053209

http://shopping.boloji.com/v1/product_images/ar1455_large.jpg

,,, حسني لخبطتك هههههههههه
وربي يهنيكم مع بعض ومبروكة مسعودة عليكم

[79nana]

ياسللللللللللللللللللمها ياربي رووووووووووعة يالولو والله حسني ماصارليش من الشري خخخخخخ ماهو من كتر ما حليتيلي الحاجات قدام عيوني انحس في روحي الي حصلتهم بعد جهد جهيد اخييييييييييييي ايهي ايهي ايهي .
ربي يسهل والله ماني عارفة شن اندير يا لولو تي ماهو اني مزنوقة في الفلوس وانت تعرفي الغربة وعمايلها وبصراحة مستخسرة نشري حويجة في هالغربة نتمناها في حويشي في بلادي لاكن اعيت من دار نومي وهي علي قولتك فاتح ولنها وتعبني في التنظيف هلللللللللبة والحكاية كلها بيج في بيج فقررت اني ناخد لون داكن ولو اني من محبي اللون الفاتح ولاكن اتبهدلت في جرته ولاكن ممكن نقعد متبهدلة ونرجعله من كتر ماعجبوني اليارغانات والله روعةروعة

وشوقتيني في اليرغانات الي الشريتيهم لو قدرتي صوريلي حتى الغلاف بس
ويارب اتفرشيهم في دويرة نومك يااااااااارب
الله يارب يسعدك ويباركلك يارب
وضحكتييييييييييييييييني في قولتك
ههههههههههههههههه (الحيوط والبساط هههههه) هههههههههه
يعطيك الصحة والسلامة ويارب يطمنك علي وبيك يااارب

[ماما الاء]

ماهو اني قلت حسني لخبطتك ههههههههههه
شوفي يا روحي مدام هيا غربة غربة خلي دويرتك زي ما هيا والله حرام تشري وبعدين ما تعرفيش كيف تروحي بيها ومادامك تبي تغيري ومليتي دخلي عليها يرغان ومخاد واكسسوارات هذا كله تقدري تروحي بيه عادي ،، مع انه مرت عمي جابت معاها مطبخها قالت حرام ههههههههه واني نسمع ساهل يبيعو الاثاث المستعمل غادي وبقيمته
بعدين بشوية بالشوية كل شئ يصير يا روحي
تعرفي لينا اربعة سنين ساكنين وماما توة بس كيف شرت يرغان لدارها اني خذيته ليها من مصر هههههههه مش تعرفي مجايبي بس
ولا يهمك يا روحي توة نصوره ليك بس الحق لازم انزله ونفرشه لان ما فيشي صور
وان شاء الله نشوفوك منورة ليبيا عن قررررررررررررررريب

[79nana]

اييييييييييييه يا الو اشبح امتى نرجع للبلاد تبيلك سنين لين الواحد يبني ويدير حويش وهدا انت تعرفي مواله قلت الواحد قداش بيصبر على الاقل دويرة النوم واهو علي قد لاحفك مد رجليك قلت مادام فلوسها مش هلبة اوه نغير دويرة النوم ولما انشاء الله ربي يفرجها نروح للبلاد ونشري الي نبيه في بلادي
اما عن بيع المستعمل بصراحة هني رووووووووووعة تعرفي مرات حاجات جديدة ولاكن صاحبها يبي يحول ولا شي يبيعها برخص التراب روعة بصراحة لاكن اني عندي مش كل شي الواحد يقدر يشريه مستعمل كان اكترونات ولا تحيفات ممكن لاكن دار النوم ولا اماعين المطبخ ولا بساطات بصراحة مستحيل نشريهم مستعمل تعرفي الامريكان كفر وماتقدريش تاخدي منهم اي شي في المستعمل
ونقدر نستعملها وبعدين انبيعها لو نبي ولا نبيدها لييييييييييييين نقلق منها وبعدين ساهل ...خلاص لما تفضي وكان حصلتي وقت صوريلي وكان مدكوكة ومدسوسة معليش كاني شفتها ولا لما انجي للبلاد نجي نتفرج عليها في حويشك مفرشة يا الو

اما مرت عمك عندها الحق كان حاجة باهي والله مانفلتها بصراحة عندهم حاجات تجننننننننننننن
وياربي يحفظك لميمتك وتشريلها بعرقك يارب كل شي ويحفظهم ليك ياربي
وان شاء الله تبيديها بعرق العافية ياربي

[نقاء الوجدان]

كلها حلوه

[فرنسيه مصريه]

والله انا عجبتني الغرفه رقم 3 بتكون عمليه واسهل في التفكيك وتستحمل
واظن ان الوان كتير تمشي عليها مثلاhttp://baitok.hawahome.com/archfoto/arch22.jpghttp://www.neimanmarcus.com/products/ap/S3-022C_ap.jpghttp://www.bokra.net/images/news/200609141143403.jpg

[79nana]

اختي نقاء الوجدان بارك الله فيك على مرورك وكللللللللللللك دوووووووق الله يهنيك
بس ياريت تختاري اييييي وحدة اقربلك عشان تقدر تساعدني في الاختيار
وجزاك الله الف خير على مرورك الكريم

اختي مصرية فرنسية باارك الله فيك الله يسعدك ويهنيك انشاء الله انتظر المزيد من الاراء عشان اعرف اقررررر
وتسلمي على الدوق الحلو الله يهنيك يارب ويوفقك

تحياتي لكم

[79nana]

اختي فرنسية مصرية صوتيلي رقم 3 في التصويت عشان يتم التصويت
وبوركتي

[79nana]

سبحان الله وبحمده سبحان الله العظيم

سبوح قدوس ربنا رب الملائكة والروح
سبوح قدوس ربنا رب الملائكة والروح
سبوح قدوس ربنا رب الملائكة والروح

[فرنسيه مصريه]

تم التصويت حبيبتي وربنا يوفقك في الاختيار

[ام السنفور]

شوفي انى صوتت للاولى عجبتنى
بس نصيحة بما انك مش مستقرة فا تاخدى دار نوم تقيله اتعبك في الانتقاله بس لوكنتى مستقرة في مكان الاولى حلوة نحسها تبي دار نوم واسعه

http://www.reidslinen.co.uk/shop_images/Pure%20Opulence%20&%20Humming%20Bird%20Images%20006.jpg

لان لونها داكن حسيت لو يكون اليرغان لونه يكون خفيف افضل


اهو هادو عمليات على الاخر
http://content.next.co.uk/co-uk/images/trans.gif

http://content.next.co.uk/co-uk/images/trans.gif


هادا صيفي وعملى بس مش عارفه يركب على اللون او لا نحسه يركب

http://content.next.co.uk/co-uk/images/trans.gif

http://content.next.co.uk/co-uk/images/trans.gif

http://content.next.co.uk/co-uk/images/trans.gif


هادا يمشي معاها هلبه
وتحسيه راقي وعملى

http://content.next.co.uk/co-uk/images/trans.gif


الاحمر هادا يعجبنى عملى جدا وحلو ويركب علي هلبه الوان
http://content.next.co.uk/co-uk/images/trans.gif


وحتى هادا

http://content.next.co.uk/co-uk/images/trans.gif

http://content.next.co.uk/co-uk/images/trans.gifhttp://content.next.co.uk/co-uk/images/trans.gif

http://content.next.co.uk/co-uk/images/trans.gif

http://content.next.co.uk/co-uk/images/trans.gif

http://content.next.co.uk/co-uk/images/trans.gif

http://content.next.co.uk/co-uk/images/trans.gif

[79nana]

سللللللللللمها ام السنيفير كيف حالك انشاء الله بخير وامورك طيبة اني كانت اكتر حاجة عاجبتني هي الاولى حسيتها دافية هكي وعملية ولوحها امتييييييييييين تحسيه
لاكن علي قولتك متردد علي خاطر النقل
ربي يسهل توا انشوف كل الاختيارات وبعدين انشاور الشنبير وربي يسهل

صحيتي علي مرورك الله يبارك فيك ويسعدك يارب

[ام السنفور]

ان شاء الله ماشورتيش مازال ههههههههههههه

ربي يصخرلك اللي فيها الخيرة

[79nana]

ان شاء الله ماشورتيش مازال ههههههههههههه

ربي يصخرلك اللي فيها الخيرة
ههههههههههههه ريتيني ريتيني باش اتشوفي المعزة شاورتكم قبل راجلي ههههههه

تي ماهو قلت انقوللكم الاول ولما نرسي علي بر معاكم قلت انقوله اختار من هادم خخخخخ رغم اني لو شاورت راجلي ممكن ياخدلي احسن واغلى من هادم لاكن بصراحة قلت خلي انوفر شوية فليسات للزمان خير ولا لا ؟؟

انشاء الله خير هههههه

[meme28]

شوفى حبيبتى نانا انى عجبتنى الثانية والثالثة حلوة الصراحة بس نصيحة ليك خودى ديما اللون الفاتح على شان النقل والخدش ما يبانش فيه واجد وهما غادى عندهم ديار نازكات وحلوات والا الاخرى الى فها حديد مشبك حلوة بكل وجديدة والورغان الاحسن تديرى اللون الدمى حلوة مع الستارة والفرش او البيخ وانتى ودوقك باللون ان شاء الله يعجبك رايى

[79nana]

شوفى حبيبتى نانا انى عجبتنى الثانية والثالثة حلوة الصراحة بس نصيحة ليك خودى ديما اللون الفاتح على شان النقل والخدش ما يبانش فيه واجد وهما غادى عندهم ديار نازكات وحلوات والا الاخرى الى فها حديد مشبك حلوة بكل وجديدة والورغان الاحسن تديرى اللون الدمى حلوة مع الستارة والفرش او البيخ وانتى ودوقك باللون ان شاء الله يعجبك رايى
ميمي اهلين بيك ياوخيتي والله فكرتك عجبتني صح اني نقول مرات اللون الفاتح نوليله خير لاكن قوليلي اني اتبهدلبت في التنضيف اتحسي تبي ديمة اتنضفي وتمسحي زعمة شن رايك نتبهدل في التنضيف خيرلي من لون غامق يغم الدار ولا لا؟؟؟

ياريت تفيديني بالك نتشجع
وبارك الله فيك علي مرورك

[ام مريم84]

ربنا يوفقك الي الخير اولا استخيري ربك قبل ما تشتري دويره نومك

وانا اخترت رقم 3 بسيطه ونعمه وسهله وعلي فكره دويره نومك اول مره

اسمعها بس عجبتني الكلمه اوي وربنا يبارك في اهل ليبيا ويوفقك للخير

[manshooo]

حبيبتى انا اخترت رقم 1 غرفة رائعة لكن لو انتى المساحة عندك صغيرة انصحك برقم 3
اما بالنسبة الغطاء فيليق معاها الفواتح الفستقى الفاتح و السكرى و البيج الفاتح و الروز

[ام فصوولي2007]

عندك واحد واثنين روووووووووووووووعه

الباقي نااااااااعمه

[DAHUBA14]

http://cornerartfurnishing.com/images/IDCM7570C.jpg


غاليتي انا اخترت لك هذه الغرفه تشبه لحد كبير غرفتي خخخخخخخخ

ومعها المفارش باللون العنابي جدا رائعه ...

و الغرفه رقم 4 ايضا جميله و متينه .... نصيحتي لك اختاري

الشراشف الداخليه باللون السكري و الخارجيه باللون العنابي

مع الستائر من نفس درجة اللون .

بتوفيق ان شاء الله .

[79nana]

ربنا يوفقك الي الخير اولا استخيري ربك قبل ما تشتري دويره نومك

وانا اخترت رقم 3 بسيطه ونعمه وسهله وعلي فكره دويره نومك اول مره

اسمعها بس عجبتني الكلمه اوي وربنا يبارك في اهل ليبيا ويوفقك للخير
الله يهنيك يا اختي ام مريم وتشرفت بيك ياربي
بالنسبة لكلمة دويرة نومي هدا اسم دلع لغرفة النوم وهده اكتر شي سكان اهل طرابلس تلقيهم بيصغور ويدلعو في كل كلمة

متلا الخبز بنقولولها خبيزة والزيتون بنقولولها زويتينة والماء بنقولولها اميهة ههههه وغرفة النوم بنقولولها دار وفي الدلع دويرة ههههه شيس عجيب
اشكرك كتير على الدعوات وربي يهنيك

حبيبتى انا اخترت رقم 1 غرفة رائعة لكن لو انتى المساحة عندك صغيرة انصحك برقم 3
اما بالنسبة الغطاء فيليق معاها الفواتح الفستقى الفاتح و السكرى و البيج الفاتح و الروز
الله يبارك فيك اخني على هده المعلومة القيمة وانشاء الله ربي سخر الي فيها خيرتي تسلمي يااارب

عندك واحد واثنين روووووووووووووووعه

الباقي نااااااااعمه

بارك الله فيك اختي ام فصوووووووووولي وياربي يحفظلك فيصل يارب

http://cornerartfurnishing.com/images/IDCM7570C.jpg


غاليتي انا اخترت لك هذه الغرفه تشبه لحد كبير غرفتي خخخخخخخخ

ومعها المفارش باللون العنابي جدا رائعه ...

و الغرفه رقم 4 ايضا جميله و متينه .... نصيحتي لك اختاري

الشراشف الداخليه باللون السكري و الخارجيه باللون العنابي

مع الستائر من نفس درجة اللون .

بتوفيق ان شاء الله .


ياعيني ياعيني على الدوق تعرفي اني هده اول حاجة شفتها وعجبتني وكنت امقررة نشريها بس بعدين لقيت عروض اخرى بنفس السعر فاحترت فقررت اشارك الينات معاي في الراي وانشاء الله يكون زوجي معاي في هدا الرائ

تسلمو يا البنات جمييييييييعا