من مطبخي أليكم السمك"مقلي..مشوي..صياديه..سنجاري..بالصلصه..وبالزيت والليمون".أتفضلوا.. [الأرشيف]

still_here

17-04-2009, 09:29 PM

...بسم الله نبدأ..

http://www.lakii.net/images/Oct08/hanan_log2.gif

**السمك بالزيت والليمون:
..المقادير:
-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم

..الطريقه:
-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..

http://dc01.arabsh.com/i/00088/emy3umnxpxw7.jpg

http://dc01.arabsh.com/i/00088/07cohv4p1x8w.jpg

http://dc01.arabsh.com/i/00088/05h352gtx8bv.jpg

http://www.lakii.com/img/all/Apr09/OoCZme04171224.jpg

**السمك الصياديه:
...المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
- ربع ك عصير طماطم(أكلتي لفردين فقط)
-ليمونه
-ملح وكمون وشطه

..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج .

http://dc01.arabsh.com/i/00089/qs1o7is933ms.jpg

http://dc01.arabsh.com/i/00089/0pb62nk4m3cr.jpg

http://dc01.arabsh.com/i/00089/9t9133bub9od.jpg

http://www.lakii.com/img/all/Apr09/KlWNFx04171227.jpg
رجاء عدم الرد حتي ينتهي الموضوع....

amal250

17-04-2009, 09:36 PM

بسم الله ماشاءالله عليكى ياغالية

still_here

17-04-2009, 09:47 PM

**السمك السنجاري:
..المقادير:
- سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون

..الطريقه
-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر

http://dc01.arabsh.com/i/00089/i9c353vx714d.jpg

http://dc01.arabsh.com/i/00089/qbnid6ehopee.jpg

http://dc01.arabsh.com/i/00089/lbj9wcteeg9u.jpg

http://www.lakii.com/img/all/Apr09/RAjxUM04171242.jpg

**السمك المشوي:
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله

..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا

http://www.lakii.com/img/all/Apr09/Ph0nJ604171245.jpg
رجاء عدم الرد حتي يكتمل الموضوع...

wbaby

17-04-2009, 09:49 PM

سامحيني بعد السمك الجامد مقدرش استنى الباقي
سامحيني

still_here

17-04-2009, 10:16 PM

**السمك المقلي:
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو

..المقادير:
-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر

..الطريقه:
-يتبل السمك ثم يترك ساعه علي الأقل ثم يغطي بالدقيق ثم يدخل الثلاجه من نص ساعه لساعه ثم يحمر في زيت غذير
http://dc01.arabsh.com/i/00089/ifz7giop1nlr.JPG
http://dc01.arabsh.com/i/00089/tuk07le4g29w.JPG

**صينيه السمك بالصلصه:
..المقادير:
-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم

..الطريقه:
-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير

http://dc01.arabsh.com/i/00089/qblm3bvunlst.JPG

http://dc01.arabsh.com/i/00089/03u1cbe78kai.JPG

http://dc01.arabsh.com/i/00089/fv8as4b5tsd5.JPG
http://www.lakii.com/img/all/Apr09/DnO2pg04171315.jpg

...أتمني تعجبكم الطرق وتنال رضاكم ....وأرجو ألا تنسوني بدعوه صادقه أن يرزقني الله الذريه الصالحه...

...وده رابط لموضوع الجمبري عهلشان اللي تحب تاخد فكره أو يكون عندها عزومه سمك يبقي كل الطرق أن شاء الله متوفره...

10 طـــــــــرق لطهي الجمــــــــــــــــبري..من مطبخي وبالصـــور...
http://www.lakii.com/vb/showthread.php?t=508904

amal250

17-04-2009, 10:18 PM

الله اكبر عليكى وخمسة وخمسة عليكى

شوفى انا رحت حجزت التزاكر وجية على طول قبل ما اكل مايبرد

تسلم الايادى الجميلة ودةبيدل على نفس حلوة فى الاكل

نور خلى ماما تبخرك تبارك الله عليكى ياغالية

شوية سمك اية اللى هما

اةةةةةةةةةةة على مين يناولنى طبق من كل نوع

تسلمى ياعمرى وبالهنا والعافية على قلوبكم يارب

http://www.lakii.com/img/all/Apr09/KlWNFx04171227.jpg

http://www.lakii.com/img/all/Apr09/Ph0nJ604171245.jpg

هقولك حاجة كمان الطبق دة كمان ميمنعش انى اخدة

تسلم الايادى الجميلة ياعمرى وقلب طنط

http://dc01.arabsh.com/i/00089/odswebz9sxav.JPG

still_here

17-04-2009, 10:22 PM

وأخيراااااااا السردين المملح... ويارب المشرفه تسامحني عليه لأني كنت هنزله فركن المقبلات وكنت هحط اللينك فالموضوع بس للأسف كل صور الخطوات أتمسحت مفضلش غير صور النتيجه النهائيه قلت هعمل موضوع مخصوص علشان صوره يتيمه والطريقه كالاتي :

السردين المملح:
..سردين يضاف له كميه مناسبه من الملح والشطه ويخلط جيدا جدااااااااا ويوضع في كيس نايلون ويغلق جيدا لمده من 5 أيام لأسبوع
بعد كده تزال القشره ويتبل بالليمون وزيت خفيف ومعاهم الشبت والبصل والطماطم وبالهنا أحلي طبق سردين...

http://dc01.arabsh.com/i/00089/odswebz9sxav.JPG

el-haboba

17-04-2009, 10:26 PM

تسلم الايادى اختى still here ودايمن عامر غاليتى
وان شاء الله بالصحة والعافية لكل من اكل
رووووووووووووووووووووعة كل الطرق احلى من بعض

still_here

17-04-2009, 10:28 PM

طنط أمل...ربنا يخليكي يا طنط والله أحرجتيني بكلامك ولو ينفع أجيبهولك للبيت متأخرش...أن شاء الله تيجي بالسلامه قريب وتاكلي أحلي سمك ...مره تانيه بكرر شكري ليكي وعلي تشجيعك ليا دايما

أم الحلوييييييييييييين...يا حبيبتي أنتي تيجي فالوقت اللي يعجبك وتخشي علطول عالموضوع ...متحرمش منك أبدا ياقمر..ويارب الطرق تكون عجبتك

asmaatolpa

17-04-2009, 10:44 PM

تسلم ايديكى كلهم جنان بس احلى حاجة السردين المملح
بحبه قوى

frfozo

17-04-2009, 10:50 PM

ما شاء الله تبارك الله اليوم كان غدانا سمك مقلي

سلمت يداكي يالغاليه

nnnnn_nora

17-04-2009, 10:54 PM

ماشاء الله ياستيل هير ايه الروعه دي
دي حفلة سمك
هههههههههههه
بس ماشاء الله ولا قدوره زات نفسه يعرف يعمل الحاجات الجميله دي
ماشاء الله حبيبتي يارب يهنيك دايما ويبعد عنك كل شر وسوء يارب يارب يارب
وبالف هنا وشفا وكنت تمني اكون معاك في الحفله الجميله دي
الله اكبر الله اكبر الله اكبر عليك ياجميل
الله يحميك

high wave

17-04-2009, 11:02 PM

ايه الجمال دا يا استيل بجد تسلم ايدك روعه ما شاء الله وربنا يا رب يرزقك بلذريه الصالحه يا رب

أم مــــالــــك

17-04-2009, 11:08 PM

تسلم ايدك يارب
كل وصفه احلى من الي قبلها
بارك الله فيكي يا غاليه
وبالعافيه عليكم يارب

لؤلؤة فلسطين

17-04-2009, 11:13 PM

يسلمو مجهود رائع

wbaby

18-04-2009, 12:17 AM

http://www.lakii.com/img/all/Apr09/RAjxUM04171242.jpg
حرام عليك كده انا بعشق السم وهنا فالقاهرة
معندناش بحر
انا بحبه وهوه طالع كده من الميه حاجه تانيه خالص

وباين عليك طباخه سمك درجه اولى
بجد ياستيل الاطباق تحفه مش مجامله والله
تسلم ايدك بجد
ربنا يباركلك ويبعتلك بنوته شاطرة تعلميها الطبيخ واجوزها لابني
هاتي اتنين علشان الواد التاني حرام

تورتاية بالكريز

18-04-2009, 12:21 AM

تسلم ايدك ستيل ياجميلة حمد لله ع السلاااااااااااامة فينك وحشتينا انا حاخد البربوني بتاعي واجري ياقمر
طرق راااااااائعة فتحت نفسي ع السمك والله تسلم ايدك ع الشغل الجميل جدا بارك الله فيك وجعله بميزان حسناتك موضوع اكتر من رائع ومتميز

ام اسيل وايه

18-04-2009, 01:16 AM

بسم الله ماشاء الله
كل طبق احلي من التاني نسلم ايدك يارب

نووودى

18-04-2009, 01:30 AM

ما شاء الله لا قوة الا بالله

ايه الشطاره دى كلها....كل يوم تورينا مواهب اكتر من اللى قبلها

ربنا يباركلك و يفرح قلبك بالذريه الصالحه يارب

تسلم ايدك يا عسل مع انى معرفش كل انواع السمك دى بصراحه

لكن لفت انتباهى انك بتشوى السمك فى البيت...دى شطاره وخطوه جريئه بردو

اما بقى موضوع الجمبرى فجناااان هروح اقعد فيه شويه واذاكر الوصفات

بعتلك اوف لاين يا ترى وصلك ولا لا؟ و عايزه اشوفك قريب على الماسنجر

Touraya

18-04-2009, 01:43 AM

مممممم
والله شهتيني للسمك
خصوصا اني بموت عليه
يسلموووووو

الدكتورة ماما

18-04-2009, 02:30 AM

تسلم الايادى ياقمر ماشاء الله انا كمان من عشاق السمك والجمبرى دايما عامر حبيبتى وربنا يرزقك بالذريه الصالحه يارب عن قريب

lolo habeby

18-04-2009, 03:35 AM

ايوووووووووووة اية الجمال دة ياستيل انا بموت فى السمك تسلم ايدك يا قمر ماشاء الله اية الحاجات الجامدة دية يا قمر جميل جميل ربنا يجعلة عامر يا رب طبعا المشوى دا حجى

لالي لافندر

18-04-2009, 03:58 AM

ماشاء الله عليك يا قمر ابدعت
وصفات سمك رائعة

http://img519.imageshack.us/img519/838/df960bc9d81wm2.gif

Manoula Markech

18-04-2009, 04:31 AM

يسلموا والله يعطيكي الصحه و يفرح قلبك بالذريه الصالحه اللهم امين

cliopatra

18-04-2009, 05:22 AM

الله عليكي يا استيل شوية سمك يستاهلوا بقي انا
بصراحة كله تحفة
بما اني باحب البوري المشوي والسردين المملح ابعتي لي طبقين
انا مش طماعة هههههههههههههههه
تسلم لي الايدين الحلوة دي وربنا يرزقك بالذرية الصالحة عاجل غير اجل
اميييييييييييين اميييييييييييييين اميييييييييييين

koky 2008

18-04-2009, 05:45 AM

يا جماعه أنا مش فاهمه حاجه. هى فين الوصفه؟

*عاشقة الاقصى*

18-04-2009, 10:21 AM

الله يعطيكي العافية

حنان(البحرين)

18-04-2009, 11:50 AM

سلمت يداكِ عزيزتي على الأطباق الشهيه والرائعه

still_here

18-04-2009, 10:06 PM

تسلم الايادى اختى still here ودايمن عامر غاليتى
وان شاء الله بالصحة والعافية لكل من اكل
رووووووووووووووووووووعة كل الطرق احلى من بعض

تسلمي يا حبوبه نورتيني الموضوع يا قمر 000

تسلم ايديكى كلهم جنان بس احلى حاجة السردين المملح
بحبه قوى

تسلمي يا أسماء متحرمش منك يا جميل

ما شاء الله تبارك الله اليوم كان غدانا سمك مقلي

سلمت يداكي يالغاليه

بألف هنا وعافيه يارب تسلمي علي مروروك

ماشاء الله ياستيل هير ايه الروعه دي
دي حفلة سمك
هههههههههههه
بس ماشاء الله ولا قدوره زات نفسه يعرف يعمل الحاجات الجميله دي
ماشاء الله حبيبتي يارب يهنيك دايما ويبعد عنك كل شر وسوء يارب يارب يارب
وبالف هنا وشفا وكنت تمني اكون معاك في الحفله الجميله دي
الله اكبر الله اكبر الله اكبر عليك ياجميل
الله يحميك

ربنا ما يحرمني منك يا نوران كلك ذوق يا حبيبتي..قدوره وحياتك عليه سنجاري تحفه وهو اللي أكلت عنده السنجاري بالطريقه دي وعجبني جداااا..يارب نفرح بيكي قريب يا نوران ونعملك عزومه سمك من هنا لعندك ..قلتي أيه بقي

ايه الجمال دا يا استيل بجد تسلم ايدك روعه ما شاء الله وربنا يا رب يرزقك بلذريه الصالحه يا رب

تسلمي يا نوننه يارب ربنا ينولك اللي فبالك ونفرج بيكي قريب

تسلم ايدك يارب
كل وصفه احلى من الي قبلها
بارك الله فيكي يا غاليه
وبالعافيه عليكم يارب

ربنا يبارك فيكي يا أم مالك تسلمي يا جميل علي مروروك وردك

جنى 23

18-04-2009, 11:07 PM

ما شاء الله عليكى دايما مبدعة
بجد سمك روعة شكله يفتح النفس
الف هنا وشفا يا قمر وتتهنى دايما وتسعدى جوزك دايما بالاكل الحلو ده
يا باخته بيكى
ويارب يزرقك الذرية الصالحة عاجلا غير احلا يارب العالمين

جنى 23

18-04-2009, 11:10 PM

بس ممكن سؤال
الرز الاصفر اللى فى الصورة عملاه ازاى
على فكرة انا كنت عملت الرز بالبسلة والجزر كان حلو اوى
عملته بطريقتك والمرة اللى بعدها زودت عليه حاجة بصلة حمرتها فى الاول والاتنين حلوين اوى
تسلم ايديكى

ابله فضيله

18-04-2009, 11:44 PM

http://www.lakii.com/vb/smile/32_307.gif (http://www.lakii.com/vb/smiles/index.php)

كوكي2005

19-04-2009, 12:50 AM

http://up.stop55.com/upfiles/eBT84910.gif (http://up.stop55.com/)

ما شاء الله عليكي

nnnnn_nora

19-04-2009, 04:18 AM

تسلميلي انتي يااحلي استيل ياقمر انا اطوووووووووووول اكل من ايدك الحلوين دول
شفتي بقي دبستك في عزومه ليه خخخخخخخخخخخخخ
شدي حيللك بقي

نمارق النرجسية

19-04-2009, 11:04 AM

ما شاء الله روعة يسلم ايديك على السمك الاكثر من رائع

هندام يوسف

20-04-2009, 03:03 PM

تسلم ايدك ياستا

حبيبة قلب امها

20-04-2009, 04:01 PM

ماشاء الله ماشاء الله
اختار ايه ولا ايه ياخواتى
يااااااااااااااااااااااااااااااه انا بحب السمك قوى قوى
بس لما يكون بالشكل ده ومن الايدين دى يتحب اكتر طبعا
تسلم ايدك ياقمر

sumayya

20-04-2009, 04:11 PM

ماشاء الله لا قوة الا بالله

te te faro

20-04-2009, 04:17 PM

ماشاء الله لاقوة الا بالله
فعلاوصفات رااااااائعة هجربها كلها ان شاء الله
تسلم ايديك ياقمر
ربنا يرزقك بالذرية الصالحة ان شاء الله

أم شادى

20-04-2009, 04:27 PM

بسم الله ما شاء الله
ايه الجمال و الحلاوه دى كلها
والله فتحتى نفسى اعمل سمك النهارده
تسلم اديكى و عنيكى حبيبتى و تتحرم على النار
كل الاصناف جميله و مشهيه الله اكبر
ربنا يعطيكى الصحه و العافيه و برزقك الذريه الصالحه باذن الله

لبوه6666

20-04-2009, 09:05 PM

الله يعطيك العافيه بس بسؤل عن تتبيله السميك عادي اضيف عليه بعض التوابل مثل الشبت والنعناع والبقدونس المفرومه وملح الليمون ...
وطريقه مع الرز مثل المكبوس كيف الطريقه الله يعافيك ..

still_here

21-04-2009, 12:20 AM

يسلمو مجهود رائع

مرورك الأروع لؤلؤه

حرام عليك كده انا بعشق السم وهنا فالقاهرة
معندناش بحر
انا بحبه وهوه طالع كده من الميه حاجه تانيه خالص

وباين عليك طباخه سمك درجه اولى
بجد ياستيل الاطباق تحفه مش مجامله والله
تسلم ايدك بجد
ربنا يباركلك ويبعتلك بنوته شاطرة تعلميها الطبيخ واجوزها لابني
هاتي اتنين علشان الواد التاني حرام

ههههههه والله ضحكتيني يا بيبي طب وأنا أطول ليكي عليا بأذن ومشيئه الله أجيب 3 بنات..أهه نبقي عملنا حسابنا للمستقبل برضه ولا أييييييه....

تسلم ايدك ستيل ياجميلة حمد لله ع السلاااااااااااامة فينك وحشتينا انا حاخد البربوني بتاعي واجري ياقمر
طرق راااااااائعة فتحت نفسي ع السمك والله تسلم ايدك ع الشغل الجميل جدا بارك الله فيك وجعله بميزان حسناتك موضوع اكتر من رائع ومتميز

متحرمش منك يا أم ياسمين كلك ذوق والله...وماشاء الله البربوني فعلا رائع مش مجامله والله...قوليلي كنتي هنا أنهارده ولا رحتي فين؟؟؟

بسم الله ماشاء الله
كل طبق احلي من التاني نسلم ايدك يارب

تسلمي حبيبتي نورتيني

ما شاء الله لا قوة الا بالله

ايه الشطاره دى كلها....كل يوم تورينا مواهب اكتر من اللى قبلها

ربنا يباركلك و يفرح قلبك بالذريه الصالحه يارب

تسلم ايدك يا عسل مع انى معرفش كل انواع السمك دى بصراحه

لكن لفت انتباهى انك بتشوى السمك فى البيت...دى شطاره وخطوه جريئه بردو

اما بقى موضوع الجمبرى فجناااان هروح اقعد فيه شويه واذاكر الوصفات

بعتلك اوف لاين يا ترى وصلك ولا لا؟ و عايزه اشوفك قريب على الماسنجر

ربنا يباركلك يارب يا نوودي ويحفظك من كل سوء ...أيوه كده عاوزاكي تركزي علشان الواد يطلع شيف تمام ولو بنت تبقي أستاذه علشان أبقي حماتها ولا حماته...<<<أم الحلوين هتخنقني دلوقتي..هههههههه
مممممم
والله شهتيني للسمك
خصوصا اني بموت عليه
يسلموووووو

ألف هنا وعافيه حبيبتي نورتيني

still_here

21-04-2009, 12:32 AM

تسلم الايادى ياقمر ماشاء الله انا كمان من عشاق السمك والجمبرى دايما عامر حبيبتى وربنا يرزقك بالذريه الصالحه يارب عن قريب

اللهم أميييييين..ربنا يكرمك يارب ...نورتي الموضوع حبيبتي متحرمش منك

ايوووووووووووة اية الجمال دة ياستيل انا بموت فى السمك تسلم ايدك يا قمر ماشاء الله اية الحاجات الجامدة دية يا قمر جميل جميل ربنا يجعلة عامر يا رب طبعا المشوى دا حجى
أوبااااااا ...لولو طلعت أسكندرانيه ..صح ولا بيتهيألي...نورتيني يا لولو تسلميلي يا قمر

ماشاء الله عليك يا قمر ابدعت
وصفات سمك رائعة

http://img519.imageshack.us/img519/838/df960bc9d81wm2.gif

ربنا يبارك فيكي يا لالي متحرمش من طلتك يا جميل
يسلموا والله يعطيكي الصحه و يفرح قلبك بالذريه الصالحه اللهم امين

اللهم أمييييين تسلمي حبيبتي ولك بالمثل من صالح الدعاء

الله عليكي يا استيل شوية سمك يستاهلوا بقي انا
بصراحة كله تحفة
بما اني باحب البوري المشوي والسردين المملح ابعتي لي طبقين
انا مش طماعة هههههههههههههههه
تسلم لي الايدين الحلوة دي وربنا يرزقك بالذرية الصالحة عاجل غير اجل
اميييييييييييين اميييييييييييييين اميييييييييييين

والله يستاهلو بقك يا كليو ولا يغلو عليكي يا ست الكل...وبعدين أنا أبعتلك طبقين تلاته كلهم تحت أمرك....تسلمي علي دعوتك الحلوه ولك بالمثل من صالح الدعاء

يا جماعه أنا مش فاهمه حاجه. هى فين الوصفه؟
كوكي الوصفه فالصفحه الأولي ...

الله يعطيكي العافية

الله يعطيكي ألف عافيه حبيبتي...نورتي الموضوع

سلمت يداكِ عزيزتي على الأطباق الشهيه والرائعه

تسلمي يا مشرفتنا الغاليه نورتيني حبيبتي

ما شاء الله عليكى دايما مبدعة
بجد سمك روعة شكله يفتح النفس
الف هنا وشفا يا قمر وتتهنى دايما وتسعدى جوزك دايما بالاكل الحلو ده
يا باخته بيكى
ويارب يزرقك الذرية الصالحة عاجلا غير احلا يارب العالمين

متحرمش منك أبدا يا جني ولا من كلامك الحلو...ربنا يكرمك يارب علشان أنتي بنت حلال وتستاهلي كل خير ...

الرز الأصفر يا دندن عملاه عادي خالص يدوب بس قلبت الجمبري فالزيت وبعدين حطيت الرز والكركم وفلفل وكمون وملح ...وبس

وأنا مبسوطه أن الرز بالقرنفل عجبك وأنا حسه أن بالبصل كمان يبقي لذيذ أن شاء الله المره الجايه أعمله بتعديلك الجميل ده...

nancyvip

21-04-2009, 03:36 AM

ماشاء الله عليكى .. اطباق راااائعه
تسلم ايدك

عصفورايه

21-04-2009, 05:02 AM

midodo

21-04-2009, 03:04 PM

تسلم ايديكي انا بمووووووووووووووووووت في السمك

whietangel

21-04-2009, 04:26 PM

تسلم ايدك فعلا احلى سمك وصوانى ومقلى ومشوى ما شائء الله

الحياه2009

22-04-2009, 11:39 AM

تسلم ايدك بس ياريت تقوليلى كمية الملح اد اية علشان مش بعرف ازبطة وخايفة يملح منى وشكرا

السردين الممملح

noorelhoda

22-04-2009, 12:15 PM

ابه الروائع دى با ستبل
ماشاء الله علبكى كل طربقه الى من التانى وعجبنى اوى السمك بالصلصه
ونفسى اكل اللى بالرده لان جوزى مش ببحبه مشوى ولذلك مش بعمله كتبر
تسلمى ربنا برزقك بالذربه الصالحه عالا ولبس اجلا
اللهم امبن

فرقونه2009

22-04-2009, 01:18 PM

تسلم الايادي

شحباء

22-04-2009, 10:11 PM

شلم ايديكي على الاطباق الحلوة

roza1

22-04-2009, 10:51 PM

طبعا يا أهل دمياط غلبتوا الأسكندرانية في أكلات السمك
خلاص ضمنا عزومة سمك واحنا بنشتري العفش الجديد , بس انا مش باحب الدنيس
أكتر نوع باحبه البلطي والبوري لو سنجاري بس ومش باحب الباربون ( شايفة الإمارة) كنتي فكراني طيبة

عهد الأماني

23-04-2009, 12:48 AM

دا انتى طبااااااااااااااااااااااااااااااخه ماهرة وانا مش عارفه

مش ممكن الحلاوة والطعامة دى يا ستل بجد جنااااااااااااااان

ما شاء الله تسلم الايادى

مـiـى

25-04-2009, 08:27 PM

ملف مميز و اسلوب جميل في التقديم , استفدت منه ..

ان شاء الله الف هنا على هل السمكات كنتي عزمتيني :)

عاشقة أبوها

25-04-2009, 09:31 PM

الله يجزيك الخير ويرزقك الزوج الصالح والذرية الصالحه آمين يارب العالمين

نايس1

25-04-2009, 10:39 PM

جريتي ريقي بجد
انا حاسه اني قاعده في مطعم سمك فاخر
حفظ عالجهاز فورا
اه ياااااااااااني
تسلم الايادي بجد بجد

يسرا اللوزى

27-04-2009, 01:05 AM

http://www.lakii.com/vb/smile/32_308.gif (http://www.lakii.com/vb/smiles/index.php)

الشيماء2009

27-04-2009, 07:22 PM

اممممممممممممم
بيشهي يسلم إيدك ياستيل

نَو...نَو

27-04-2009, 07:50 PM

ماشاء الله
سلم ايدك
شغل ممتاز
ربنا يزيدك كمان وكمان
إن شاء الله اجرب كل وصفك الحلوة دي
http://www.lakii.com/vb/smile/6_172.gif (http://www.lakii.com/vb/smiles/index.php)
ععايزة السنجاري لا المقلي لا لمشوى كلهم بقى

ريتالى

27-04-2009, 08:02 PM

ماشاء الله اكلات ولا اروع منها
بجد تسلم الايادى ومنك نتعلم يا قمر

still_here

28-04-2009, 12:40 PM

http://www.lakii.com/vb/smile/32_307.gif (http://www.lakii.com/vb/smiles/index.php)
ربنا يبارك فيكي وكل الشكر لمرورك الطيب

http://up.stop55.com/upfiles/eBT84910.gif (http://up.stop55.com/)

ما شاء الله عليكي

ميرسي يا كوكي نورتي الموضوع بردك الجميل
تسلميلي انتي يااحلي استيل ياقمر انا اطوووووووووووول اكل من ايدك الحلوين دول
شفتي بقي دبستك في عزومه ليه خخخخخخخخخخخخخ
شدي حيللك بقي

يا ستي دبسي زي ما أنتي عاوزه بس أتشطري أنتي بس وتعالي<<مين بيدبس مييين ههههههههه

ما شاء الله روعة يسلم ايديك على السمك الاكثر من رائع

الأروع مروروك يا قمر تسلميلي

تسلم ايدك ياستا
تسلمي يا هندام..مشكووووره

ماشاء الله ماشاء الله
اختار ايه ولا ايه ياخواتى
يااااااااااااااااااااااااااااااه انا بحب السمك قوى قوى
بس لما يكون بالشكل ده ومن الايدين دى يتحب اكتر طبعا
تسلم ايدك ياقمر

منوره يا حبيبه متحرمش منك أبدا ولا من كلامك كلك ذوق والله

ماشاء الله لا قوة الا بالله

ربنا يجازيكي كل خير يا سميه ونورتي الموضوع بمرورك

ماشاء الله لاقوة الا بالله
فعلاوصفات رااااااائعة هجربها كلها ان شاء الله
تسلم ايديك ياقمر
ربنا يرزقك بالذرية الصالحة ان شاء الله

ربنا يكرمك يا رب يا تيتي وأنا مبسوطه أوي أن الموضوع عجبك وأن شاء الله تعجبك الوصفات لما تطبقيها

بسم الله ما شاء الله
ايه الجمال و الحلاوه دى كلها
والله فتحتى نفسى اعمل سمك النهارده
تسلم اديكى و عنيكى حبيبتى و تتحرم على النار
كل الاصناف جميله و مشهيه الله اكبر
ربنا يعطيكى الصحه و العافيه و برزقك الذريه الصالحه باذن الله

أنا كده بقي خدت الشهاده الكبيره:-s..http://www.lakii.com/vb/images/icons/icon10.gif...والله يا طنط كون أني فتحت نفسك ده فحد ذاته نجاح لوحده....دعوتك حلوه أوي أوي أوي...ربنا يحفظك يارب ويباركلك فبيتك ووقتك ويرزقك من حيث لا تحتسبي

still_here

28-04-2009, 12:46 PM

الله يعطيك العافيه بس بسؤل عن تتبيله السميك عادي اضيف عليه بعض التوابل مثل الشبت والنعناع والبقدونس المفرومه وملح الليمون ...
وطريقه مع الرز مثل المكبوس كيف الطريقه الله يعافيك ..

الله يعطيكي كل العافيه حبيبتي...أولا أنا أسفه لتأخري فالرد بس كان عندي ظروف والله...بصي التتبيله ممكن تضيفيلها اللي أنتي تحبيه لكن أنا بفضل أنها تكون لوحدها لأن الثوم هو اللي بيدي النكهه والنعناع والشبت والبقدونس نكهتهم قويه وأكيد هتغير الطعم...بالنسبه للطريقه زي الأرز المكبوس أنتي ممكن تتبلي السمك بس يكون سمك فيليه أو مخلي من العظم وبعد التتبيل تحمريه فالزيت وتطبخي الرز بالكركم أو صياديه وتضيفيله الشبت والبهارات اللي تحبيها وبعد النضج ضيفيله بقدونس مفروم وقلبيه فيه كويس وبعدين قدميه ورصي عليه السمك....
وأي أستفسار تاني أنا حاضره

عيون المها83

28-04-2009, 06:56 PM

http://www.lakii.com/vb/smile/32_201.gifيسلموا ايديكي انا اعشقالسمك متل روحي واكتر وزاد عشقي الو من وصفاتك الجميلهوالاطباق الي بتشهي صحتين على قلبكم

still_here

17-05-2009, 12:31 PM

:-Xايه الحلاوه دى يا نونه
مش ممكن الجمال ده مش ممكن مش ممكن
تسلم ايدك بجد ):K
بس قوليلى السمك ده لسه عندك فالبيت :[MM
انا هسيف الصفحه دى واقعد اتفرج عليها كل ما احب اجوع:-M
بصراحه تستاهلى4 شهادات تقدير:-s:-s:-s:-s

متحرمش منك يا نوننه أبدا..ربنا يطمنا عليكي ويسمعنا عنك كل خير ومعلش علي تأخيري فالرد كان عندي ظروف والله

farahr

17-05-2009, 07:36 PM

السلام عليكم ورحمة الله وبركاته
يسلموا ايديك وصفه روعه ان شاء الله اجربه قريبا

ام مغرم

17-05-2009, 08:49 PM

ما شاء اللة ولاقوة الاباللة بالهنا والشفا موسوعة فى السمك لا واية بالصور التفصيلية نقلت الطرق
فى الاجندة وقلت لازم اشكرك على مجهودك وربنا يبارك فيكى ويرزقك الذرية الصالحة ويبارك لك فى زوجك
وشكراااا جدا ليكى والة بدعيلك من قلبى وربنا يستجيب

misha_misha

17-05-2009, 11:59 PM

ماشاء الله يسلموا الايادي

ام مغرم

18-05-2009, 02:10 PM

لى سؤال لو سمحتى بما انك خبيرة فى السمك ازاى اقدر اشوى السمك فى الفرن
واية هى الطريقة بالظبط يعنى التكنيك ازاى على الصاجة بتاعة الفرن واسيب الفرن مفتوح والا
مقفول وعلى الشواية والا ممكن على الفرن عادى وشكرااا لمجهودك

still_here

24-05-2009, 12:57 PM

تسلم ايديكي انا بمووووووووووووووووووت في السمك
تسلمي يا قمر ..وهو بيموت فيكي ..http://www.lakii.com/vb/smiles/images/subcats/1_14.jpg (http://www.lakii.com/vb/smiles/index.php?doWhat=si&catid=29&start=0)

تسلم ايدك بس ياريت تقوليلى كمية الملح اد اية علشان مش بعرف ازبطة وخايفة يملح منى وشكرا

السردين الممملح
أولا أنا بعتذر عن التأخير فالرد..بس أنا بعمله بالنظر والله يعني مش بقي عارفه المقدار..بس المهم يغطي السمكه من النحيتين كويس ومن الخياشيم
تسلم ايدك فعلا احلى سمك وصوانى ومقلى ومشوى ما شائء الله

تسلمي علي مروروك يا قمر نورتي الموضوع

ابه الروائع دى با ستبل
ماشاء الله علبكى كل طربقه الى من التانى وعجبنى اوى السمك بالصلصه
ونفسى اكل اللى بالرده لان جوزى مش ببحبه مشوى ولذلك مش بعمله كتبر
تسلمى ربنا برزقك بالذربه الصالحه عالا ولبس اجلا
اللهم امبن

مشكوره يا أم نور..تسلمي علي ردك وعلي دعوتك الحلوه..واللي بالرده حقيقي جميل جدااا وأنا شخصيا بفضله جدااااا..

تسلم الايادي

تسلمي حبيبتي

still_here

24-05-2009, 01:11 PM

شلم ايديكي على الاطباق الحلوة

تسلمي يا قمر

ملف مميز و اسلوب جميل في التقديم , استفدت منه ..

ان شاء الله الف هنا على هل السمكات كنتي عزمتيني :)

أشكرك ياقمر نورتيني وأنا كمان بستفيد من مواضيعك جدااااا..وأنوي بس أنتي عالعزومه وأنا أجهز

طبعا يا أهل دمياط غلبتوا الأسكندرانية في أكلات السمك
خلاص ضمنا عزومة سمك واحنا بنشتري العفش الجديد , بس انا مش باحب الدنيس
أكتر نوع باحبه البلطي والبوري لو سنجاري بس ومش باحب الباربون ( شايفة الإمارة) كنتي فكراني طيبة

هههههههههههه..أيوه يا فافي أيه الأماره دي صحيح..يلا أنوي وشدي الرحال علشان نعمل معاكي الواجب فالسمك والعفش كمان..

دا انتى طبااااااااااااااااااااااااااااااخه ماهرة وانا مش عارفه

مش ممكن الحلاوة والطعامة دى يا ستل بجد جنااااااااااااااان

ما شاء الله تسلم الايادى

ميرسي يا عهد ده بس من ذوقك يا قمر..نورتيني وشرفتيني
الله يجزيك الخير ويرزقك الزوج الصالح والذرية الصالحه آمين يارب العالمين

الله يجازيكي كل الخير حبيبتي ولا يحرمك من ابوكي

http://www.lakii.com/vb/smile/32_308.gif (http://www.lakii.com/vb/smiles/index.php)

يعطيكي الف عافيه

جريتي ريقي بجد
انا حاسه اني قاعده في مطعم سمك فاخر
حفظ عالجهاز فورا
اه ياااااااااااني
تسلم الايادي بجد بجد
والله أنتي سو نايس يا نايس..أن شاء الله تجربي الوصفات ويعجبوكي كلهم

ماشاء الله
سلم ايدك
شغل ممتاز
ربنا يزيدك كمان وكمان
إن شاء الله اجرب كل وصفك الحلوة دي
http://www.lakii.com/vb/smile/6_172.gif (http://www.lakii.com/vb/smiles/index.php)
ععايزة السنجاري لا المقلي لا لمشوى كلهم بقى

ميرسي يا قمر علي ذوقك أن شاء الله يعجبوكي

اممممممممممممم
بيشهي يسلم إيدك ياستيل

تسلمي يا شيماء ربنا يطمنا عليكي عن قريب

ماشاء الله اكلات ولا اروع منها
بجد تسلم الايادى ومنك نتعلم يا قمر

تسلمي ويسلم مروروك يا قمر نورتيني حبيبتي

still_here

24-05-2009, 01:18 PM

http://www.lakii.com/vb/smile/32_201.gifيسلموا ايديكي انا اعشقالسمك متل روحي واكتر وزاد عشقي الو من وصفاتك الجميلهوالاطباق الي بتشهي صحتين على قلبكم

أشكرك حبيبتي كلك ذوق وأن شاء الله يعجبوكي الوصفات وبالف هنا مقدما

السلام عليكم ورحمة الله وبركاته
يسلموا ايديك وصفه روعه ان شاء الله اجربه قريبا

وعليكم السلام ورحمه الله وبركاته,,تسلمي فرح علي مرورو وردك الجميل

ما شاء اللة ولاقوة الاباللة بالهنا والشفا موسوعة فى السمك لا واية بالصور التفصيلية نقلت الطرق
فى الاجندة وقلت لازم اشكرك على مجهودك وربنا يبارك فيكى ويرزقك الذرية الصالحة ويبارك لك فى زوجك
وشكراااا جدا ليكى والة بدعيلك من قلبى وربنا يستجيب
تسلمي أم مغرم علي ذوقك وربنا يتقبل ويجعلي من دعواتك نصيب..الشكر لله وحده حبيبتي..أنا بعتذرلك عن تأخري فالرد ..
بالنسبه لشوي السمك وأعتقد أنتي تقصدي اللي بالرده بتشويه علي صاجه داخل الفرن وبيكون الفرن حامي وبابا الفرن مفتوح..وحطي الصاجه علي صاج الفرن السفلي مباشره علشان الحراراه تتنقل ليه بسرعه لأن لو الفرن بارد السمك بيلزق فالفرن..وأي أستفسار تاني أنا تحت أمرك

توتا القطوطه

30-05-2009, 08:42 PM

still_here

02-06-2009, 11:10 PM

ماشاء الله ولاحول ولا قوه الا بالله

ماشاء الله يا " ستيل"

انا بمووووووت في السمك بس للاسف السمك هنا مش حلو خالص بس لما بنزل مصر بقي بهيييص
يالا ربنا يهووون الايام وارجع واشوفك يا بلدي

تسلم ايديك يااارب من كل سوء
ويسعدك ويهنيك باذن الله
تقبلي مروري
تحيااااتي
***********

أزيك يا توتا أخبارك أيه يا قمر يارب تكوني بخير يارب..متحرمش من ذوقك أبداااا وأن شاء الله ترجعي قريب بالسلامه وتاكلي سمك وتزقططي..ربنا يكرمك يارب ويباركلك في توتا وميرو