كانيبو [الأرشيف] - منتدى لكِ

هيونه

08-02-2003, 03:24 PM

السلام عليكم ورحمه الله وبركاته
ششششخباركم بنات ,, وكل عام وانتم بخير
في وحدهى منكم سمعت بكريم اساس كانيبو لان في وايد بنات يمدحونه وحبيت اخذ رايكم فيه

ام ريماس

08-02-2003, 03:51 PM

انا سمعت باماركه اسمها نيبو بس كانيبو اول مره0

وراح ا سأل عنما ان لقيتها قلتلك 0

باي0

دلوعة أبوها

08-02-2003, 04:02 PM

للاسف ماعندي فكرة

لكن حبيت اسلم عليك ام ريماس

ولك مني اجمل تحية

أم غانم

08-02-2003, 07:40 PM

فعلا هذه الماركة ممتازه جدا وخاصه البودره ....واخصائيه المكياج هند الاميري تنصح فيها دائما لو رجعتىللمقابله معها فى ركن المواضيع المميزة بتلاحظين ذلك ...

هيونه

09-02-2003, 11:47 PM

اشكركم ريماس وسلامه وام غانم
عزيزتي ام غانم جربتي هذى الماركه ولا لا؟؟؟؟

ريم الخليج

10-02-2003, 12:08 AM

انا شفت مع زوجة حماي كريم كانيبو وتمدحه لانها من قطر.....اما احنا في الكويت ما سمعنا فيه ...
نسمع عن نيبو.........

همس الغلا

10-02-2003, 01:02 AM

للاسف مااعرفه بس حبيت اسلم على ام ريماس وارحب فيها
واقولها اهلين فيك بمنتدى لكِ الرائع

صحاري

10-02-2003, 02:26 AM

هلا اختى هيونه حبيت اضيف انه هالكريم تستخدمه المذيعه البحرينيه ناهد الشيخ والممثله الكويتيه سماح وعلى مااعتقد زينب العسكرى همن قالولي انها تستخدمه وعندنا بالكويت شكثر يستخدمونه بس يمدحون بودرته اكثر لان كريمه طبيعي حييييييييييييل لازم تخلطين معاه كريم ثاني افتح فانصحج ببودرته المضغوطه فعلالا حلوة شايفتهاا على رفيجتي و اعجبنى فعلالا وله محل بسمه وهو محل كانيبو ومحلات بيوتي بالاس وشكرااا
صحــــــــــــــ الكويت ــــــــــــاري

كويتية صغيرة

10-02-2003, 12:31 PM

أنا توني شارية بودرة كانيبو
شكلها لابأس بها لكن ثقيلة شوى على الوجه
يعني تكون طبقة عازلة
اختي صحاري:
شنو هذا الكريم اللي تقولين عنه مال الممثلات ، شنو اسمه و هل هو كريم أساس و كيف يستخدم؟
منتظرتك

هيونه

10-02-2003, 02:59 PM

هلا عزيزتي صحاري اعتقد ان في لونين واحد اصفر والثاني وردي بشنو تنصحيني بالاصفر ولا الوردي ؟؟
عزيزتي كويتيه صغيره ترا في نوعين واحد حقق الصباح ويكون خفيف والثاني حق السهرات ويكون ثقيل وانا اعتقد انج خذتي مال السهرات الثقيل

دارينو الحلوة

10-02-2003, 07:10 PM

اذا تقصدين نيبو فهي بودره عندنا
نستخدمها بكثررررررررررررة
ويجي منها نوعين وردي وبيج
من ناحيه حلوة على البشرة تهبلللللللللل
اما كانيبو لا والله ماسمعت عنهاااااااااا

انااا سمعت عن
دارينوووووووووووووووووووووو خخخخخخخخخخخ

هيونه

10-02-2003, 11:01 PM

عزيزتي دارينو قصدي كانيبو وهي ماركه مو تقليد

فروووحه

11-02-2003, 12:06 AM

بسررررررررعه الحقوني باسمه انا بالسعوديه بليييييييز شفتوا سماح شصارت وكمان زينب ولا تدرون الزين زين بس ولو لاياس مع الحياه خخخخخخخخخخخخخخخخخخ ووين احصله يالله يا الربع اختكم طالعه من النفاس وتبي اي شي للبشره وللشعر اخلصوا علي لا اتوهق واطيح بكبد اهلي وربي احبكم ووحشتوووووووووني في فتره نفاسي

dana

11-02-2003, 12:43 AM

يا ترى الاقيه في امريكا واريد الاسم با الانجليزي

نمارق

11-02-2003, 06:20 AM

اخواتي وين ممكن الاقيه بالسعودية

سكرةهانم

11-02-2003, 08:08 PM

يا بنات هذا الكيرم موجود بالرياض
في مجمع الموسى بس والله ما اتذكر اسم المحل

نمارق

12-02-2003, 04:18 AM

اخواتي في جده مافي وحدة تعرف من فين احصلها

سكرةهانم

12-02-2003, 01:03 PM

ليش ما تروحو محلات وجوه والتجميل عموموا وتسالو
بس انا ان شاء الله اذا رحت وعرفت بعلمككم

كويتية صغيرة

12-02-2003, 10:14 PM

بس علشان
قالوا الممثلة الفلانية تستخدمه
الكل انهبل عليه
يا جماعة ترى البودرة مالته عادية جدا مثل ماركات التجميل الأخرى

هيونه

13-02-2003, 12:50 AM

فرووووحه الحمدلله عالسلامه ومبروك ما جاج
كويتيه صغيره انتي اي واحد تستخدمين الاصفر ولا الوردي

وهج

13-02-2003, 03:42 PM

اختي نمارق انتي من جده تحصلينه في سوق حراء الدولي على مااعتقد بوابه 6 عند محل لازورد للتجميل

شوقه

13-02-2003, 07:03 PM

السلام عليكم بنات
ماركة كانيبو هذي عجيبه امي صارلها 3 سنين تستخدم و حلوه حييل حييييييييييل و ماشاء الله وجها تغير
اهي ماركه يابانيه و تستخدم خلاصة اعشاب و شي من الطيور ما اذكر شنو و اهي حلوه بجد و الاساس مالهم عجيب بس اهي غاليه شوي يعني ممكن يكون الكريم مال الاساس 15 دينار كويتي بس يستاهل و البودره المضغوطه تينن عجيبه بس شوي ثقيله صح كلامكم
و اسمه بالانجليزيkanebo بتلاقونه بمحلات الماركات العالميه مثل بيضون و هذول

صحاري

14-02-2003, 04:34 AM

انا اسفه تاخرت عليكم بس تعرفوون يعني معيديين
<<كلللش عاد مو مخليه محل مو طابته!!
اختي كويتيه صغيروونه.. انا اقصد كريم كانيبو اهو اللي يستخدمونه الممثلات اللي قلتلكم عنهم اصلالا انا ماعرفته غير لما قريت مقابلاتهم وهم قايلينه وبعدين شفته على رفيجتي بس رفيجتي تستخدم المضغوط.
ويااختى هيونه ارجو انج تعذريني على تاخيري عالعموم.. انتي سالتي عن البيج او الوردي وانا اقولج حسب ماسمعت من خبيرات التجميل ان بنات منطقه الخليج مايصلحلهم الكريم او البودرة الورديه يعني يستخدمون البيج احسن.. مع ان المعتقد السائد قبل ان الوردي يكون طبيعي اكثر صح؟؟ ودمتم

مثــــــايل

14-02-2003, 01:19 PM

مساء الخير

يسرني اني اكون اخت بينكم 000 وهذي اول مشاركه لي بهالقسم 000

يابنات انا استخدم كانيبوا من كم سنه 000 وافيدكم انه رائع رائع

ويا بنات لكويت افيدكم علم انه ينباع بمجمع المثنى وبجمعية الروضه وبجمعية الشاميه و بعشر دنانير
وبالبحرين يباع بمحلات الحواج بمجمع السيف بـ 12 ديتار

وترى احمر الشفايف فضيععععع

تقبلوا تحيااااااتي

http://www.patswebgraphics.com/lace/purplelaceflwrule.gif

سكرةهانم

14-02-2003, 03:19 PM

لبنات الرياض
الماركة موجودة في دبنهامز مملكتها عند استاند ايستي لاودر وكيلينك اسلو عليها بتلاقوها

هيونه

14-02-2003, 03:33 PM

اشكرج عزيتي صحاري
وعلى فكره كان عندنا عرس قبل فتره ورحت تمكيجت في صالون وحطت لي كانيبو مع اني وديت لها كريم الاساس اللي استخدمه (جفنشي ) وقالت لي اللي عندي وايد حلوو قصدها على كانيبو والصراحه طلع واييييييد حلوووووو مع اني مجربه ماركه ديور وجفنشي

الريم

14-02-2003, 03:34 PM

هلا خواتي000
كانيبو لقيتها عند المصباح في مجمع فؤاد سنتر بالخبر
وهي ماركة يابانية00وغالية اغلى من الماركات الفرنسية وما أدري ليه0
بس يمدحونها 00وشجعتوني اجربها

miss_tarchyah

14-02-2003, 04:03 PM

انا اعرفه لان وحدة من البنات بالكويت تستخدمه واااايد حلو

سندس الشرق

19-02-2003, 01:19 AM

السلام عليكم

انا مجربة البودرة المضغوطه من كانيبو وهي ماركة يابانيه أما نيبو فهي تقليد لكانيبو

وكانيبو ترى غاليه

بس ممتاااااازة

دندون

19-02-2003, 01:54 AM

صراحه من كثر ما مدحتوه بجربه وانشا الله يصير زين
تنفعون تسون دعايهhttp://smilies.sofrayt.com/%5E/c0/lol.gif
ويعطيكم العافيه