القرية العالمية [الأرشيف]

المزيونة2000

26-01-2003, 04:03 PM

أهلين خواتي شحالكم

:)

بغيت أسأل إلي راحوا القرية العالمية .

ممكن تدلوني على أحسن الأجنحة في القرية العالمية
وشو الشغلات النسائية الحلوة اللي شفتوها
بروح هاليومين .. وما بطول في دبي
فأريد أختصر الوقت وأروح الأماكن الحلوة على طول

فرجاء حار ساعدوني

:)

- نواعس دامعة -

27-01-2003, 06:55 AM

وين اهل الامارات ساعدوا المزيونةةة ياينوتاات الإمارات :)

تحياتي

Reem1

27-01-2003, 09:13 AM

أنا رحت القرية العالمية وما خليت قرية إلا ورحتها حتى ريولي تنفخت.

المهم القرى الحلوه الكويتيه فيها عود وعطور وايد حلوة.

القرية الأردنيه والسورية كريمات للبشرة وأشياء وايد.

القريه اللبنانية جلابيات حلوة الصراحة ونوع القماش وايد حلو بس الله يخلي الحريم اللي طايحين عليهم إنشاء الله تلحقين على شيء إذا ما حصلتي روحي القرية المصرية.

القرية الإيرانيه فيها حلويات لذيذة و المكسرات.

القرية التايلاندية والفلبينيه فيها نباتات وألعاب بس كانت زحمه والناس تتدافع كنت راح أموت عشان جذيه ما شفت فيها أشياء وايد وقلت أفلت بسرعه.

في قرية دخلتها عندهم جاكيتات وشنط وايد حلوة كلها جلد وعلى الجاكيت فرو وايد يخبل.... بس ما أتذكر أي قرية المهم راح تشوفين المحل أول ما تدخلين على أيدج اليسار على ما أضن القرية التركية.

لا تروحين القرية الهندية مو حلوة الأغراض نفس كل سنه الجلابيات الي عندهم مب زينه.

شو بعد خليني أتذكر............

عجبني قسم المجوهرات والألماس بس روحي على طول عند داماس هم عندم أحلى الأنواع الباقين أشياء مب حلوة عند داماس عا ملين خصومات على الذهب الأبيض.

والحين أنتي أختاري وين تروحين وإذا عندج سؤال تراني حاضره.

الحبيبة

27-01-2003, 04:41 PM

سلااام عليكم

رحت امس القرية العالمية بس ماطولت..اول ماشفت القرية السعودية قلت خليني

اشوف فاشكول اللي يتكلموا عنه البنات وحصلته الحمد لله..واشتريت سدر من القرية

اليمنية وبس..وسلامتكم :)

أم سارونا الحلوة

28-01-2003, 01:45 AM

فيدونا بعد لاني انشاء الله كلها عشرة ايام وجايه على دبي يالله شدو حيلكم وخبروني بالأماكن الزينه .

طـــيـــــف

28-01-2003, 02:07 AM

مراحب
القريه العالميه تجنن تجنن تجنن هالسنه القريه المصريه فيها جلابيات من القطن المصري روعه هذي اكثر قريه عجبتني و القريه السعوديه بعد حلوه وفيها العطور والدخون وايد حلو وعجبني في القريه الكويتيه اكلاتهم الطيبه ودشيت قريات ثانيه بس ما اذكرهم الحين
وبعد شارع الرقه والمرقبات والسيف في فعاليات وايد حلوه
ولا تنسون تروحون القريه التراثيه فيها اكلات وشغلات من تراث الامارات وانا متاكده انكم بتستانسون بالمهرجان هالسنه لانه احلى من السنه الماضيه
هذي الاماكن اللي رحتها وعجبتني اكثر
باي باي W: W:

شاني

28-01-2003, 05:03 PM

عنــي أنــا حبيت القريه الصــينيه ... عندهم القماش الصيني وأغطية السرير صدق روووووووووعه ...

القريه الهنــــدية بس ديكورات البيت ..
التــايلاندية روووووووووووووووووووووعه ..
المصريـــه الجلابيات في محل أسمــه خليفــه جلابياته رووووعه نفس جلابيات لندن .
المغـــــربيه +الســوريه .... أكيــــد الجلابيات ولاسعارok .
الايــــرانية الحلويات + اللوح ..
اليمنيـــه اللبان والفضــه والمـــــــــــــــــــرة .
الكويتيـــــــه تنانير تهبــــــــــــــل..
كــــــــــل شيء فيها حلو ..
عن الشنط التقليد الله ايخلي القرية المصرية ....سر يلانكـــــــــا عندج الفكس لا تنسي روحي شربي الشاي حليـــــــــــب ...

مجروحه

28-01-2003, 09:04 PM

sid sid تدرون بنات انا اليوم راجعه من دبي وقعدت فيها اسبوع بس القهر اني رحت القريه العالميه مرتين ومادخلت الها، من الزحمه ماقدرنا نحصل موقف قريب للسياره عشان حرمة اخوي حامل وماتقدرتمشي برا وترجع تمشي داخل تدرون حامل وتتعب بسرعه......انا كل سنه اروح لها والسنه هذي شفتها في التلفزيون وكنت متحمسه وااااااااااااايد وكلامكم عنهاالحين زادني حماااااس بس ربك ومايريد...يالله الجايات اكثر من الرايحات...
بس المهرجان روعه وخصوصا لوكانت الرحله لمه بتكون جمعه حلوه..:p ومواقف احلى...W:

المزيونة2000

29-01-2003, 12:52 PM

مشكوورييين خواتي

:)

حناين

31-01-2003, 09:45 PM

انا عجبتني القرية المصرية والسورية ..
القرية السورية عندهم الاكسسوارات روعة وجميلة .. وغير اغراض الاطفال حلوة وااايد ..

*كـراميل*

01-02-2003, 06:27 PM

السلام عليكم

القريه العالميه حلوه من فتره 2 ظهرا الين 6 المغرب بس
وبالايام المفتوحه الهنود ما يخلون مكان للنفس
فانصحكم بايام السبت والثلاثاء عائلات
والاثنين نساء ((زحمه وايد))
المهم

القريه المصريه جلابيات
القريه الصينيه اللوح الفنيه للديكور ولا ارخص والساعات ضخمه ورخيصه ورائعه
السوريه جلابيات والملابس الداخليه القطنيه للرجال والنساء رااااائعه
اليمنيه للفضه الاصيله والحنا
تايلاند للذهب المقلد ((بس رائع تقولون ذهب)) + تقليد ماركات + اكسسوارات للبيت
الهند عجبتنى الاكسسوارات الهنديه
سيريلانكا ((الشاي بالحليب )) لؤؤؤل
اللبنانيه الاكسسوارات راااااااااااااااااااااااااااااااائعه جدا جدا لا تطوفكم خصوصا
الاشياء النحاسيه + غابات لبنان زيوت للشعر + ماسكرا خروع للرموش
من ناحيه الاكل والمطاعم لا تشترون ابدا منها
غاليه نار وطعام رديء اتعشوا برع فى مطاعم اروع وارخص
الاكل اللبنانى فى شوارع الرقه والمرقبات
الايرانى فى مطعم كيش والاوتوماتيكي و
انصحكم بزياره مطعم صــــدف الرائه بشهاده الجميع ((اشتهيته))
والقريه العالميه العابها خطيره وغاليه فما انصح احد يدش ركن الالعاب

المصليات والحمامات متوفره
فى ركن لتأجير عربات الاطفال وعرابانات للاغراض كمان
الساعه ب 10 دراهم

وشو كمان...

اها بالنسبه للى عندهم عيال كثير
يروحون ويآخذون نفس الاشاره يحطون
فيها الاسم ورقم التلفون على معصم كل طفل
خدمه مقدمه ورائعه تحسبا للظروف :)

اللى يريد طريق مختصر للقريه
يسلك طريق الصحرا الامارات
ويدش على لفت الراشديه ويروح للقريه
من خلال الراشديه اقرب له :)

تحياتى وحياكم الله

أم سارونا الحلوة

02-02-2003, 12:10 AM

كرمييييلو تسلم ايدك روووووووعه انشاء الله بجي الامارات يوم الثلاثاء او الاربعاء الاسبوع هذا .

المزيونة2000

02-02-2003, 07:00 AM

هلا خواتي ومشكورات وااايد

وإذا عندكم المزيد لا تبخلون علينا

:)

شاني

02-02-2003, 07:24 PM

خــــــواتي في واحد في القرية الهندية يبيع أعشاب ومن ضمن هذي الاعشاب شريت أعشاب مطحونه للـــــــــــــــــوجه ينضف ويشد ويسد الامسامات صدق رووووووعه أنا من 3 أيام استخدمه وسعره 15 درهم ..

وفي القرية السريلانكيه زيت للشعر خالتي جربته تقول زين ...

واذا شيء يديد بقولكم ...

MISS_CHEF

02-02-2003, 08:21 PM

السلام عليكم

انا زرت القرية بس كانت لفة سريعة جدا

العراق - خذت منهم حلوى المن والسلوى
الصيني - الفراش عنده حلووووو للسرير \
بيجامات للاطفال روووووعه
نعال جوتي لبنات اختى
وهيلا هوب للبنات اختى ودلاغ سبيادر مان

جربت العصير الطازج لجوز الهند ما عجبني .....طعمة غريب
كلت الوافلز ........اول مرة اجربة روووووعة المحلات منتشرة لبيعة
كلت الفطير المشلتت بالجبن من المصري يجننننننننننن

البحريني ---الرهش بالشوكولاتة والبهارات
وعندهم جبنة بيضاء اسمها غادة تجننن

الكويتي ...عطورات حماد حلووووووة

زميلتي في الشغل قالت
القسم السورى عندهم بقلاوة صغيرة الحجم حلوة
القسم البحريني حرمة تبيع آتشار يمدحونها
القسم السيرلانكي يقولون عندهم جلابيات حلوووووة

اخلاص

02-02-2003, 08:36 PM

الصراحة انا كل سنة اكون امداومة في القرية العالمية
والصراحة هالسنة
وااااااااااااايد حلوة
كل القريات حلوة
بس
اذا بغيت اغراض نسائية
في القرية السعودية اغراضهم حلوة

LeEn

03-02-2003, 12:03 AM

شاني عزيزتي شو اسم الكريم لو سمحتي
لانو بشرتي دهنية ومساماتي مرعبة
وهل فادك؟؟؟
اشربو شاي حامض في الجناح العراقي اوكي؟

شاني

03-02-2003, 08:07 PM

مـــــرحبا أختي ..

والله جربته صدق ok بس يوم تحطينه تحسين بحراره يعني الدواء ياخذ مفعوله ينظف من خاطرة لين مايجف وبعدين أغسليه ..

اسمــــــــــــــه

( SUNDER LEP (a herbal face pack

بتحصلين عنده أشياء وايــــد انشاء الله بجرب عنده مبيض الاسنان ..

LeEn

03-02-2003, 10:05 PM

مليون شكرا الله يوقك بالي اشتريتيه:)