الراجل ده هايجننى

[yara.yara]

السلام عليكم ورحمة الله وبركاته
زوجى ده ناوى يجننى
انا دايما اسمع ان فيه اكلات بتتعمل لوحدها بدون اى شئ بجانبها
واليوم انا عملت مسقعه باللحمه المفرومه حطيت فيها فلفل اخضر وبطاطس
وكنت اول مره اعملها لزوجى
وبعد مارتبت وغسلت وقليت وطبخت
جه من الشغل وقدمت له المسقعه وحطيت طبق به مخلل وطبق به لايز بطعم الملح وعيش متحمص
راح قاللى عملتى ايه كمان قولتله المسقعه اهى قاللى بس????!!!!!!!!
قولتله اومال عايز ايه تانى قاللى امى كانت بتعملنا بجانبها حاجه يعنى كباب حله او فراخ مع مكرونه او ارز
بالزمه حد عمره سمع عن كده
عموما اهى المسقعه اللى اول مره اعملها
شوفوها وقولولى رأيكم
ولو حد بيقدم معاها حاجه يقوللى

http://www.lakii.com/img/all/Dec08/hPdB7912131241.jpg

[egy roony]

والله انا سمعت ان فى رجالة كدة كتير
بس تسلم ايدك وربنا يهديه عليكى

[amal250]

تسلم الايادى الجميلة

شكلها رائع بالصحة والهنا يارب

وبعدين معلش يااختنا يالصحة والعافية على قلوبكم يارب ممكن تعملى جانبها اسكلوب للفراخ او اللحم

او من الممكن تزيدى فى كمية اللحمة المفرومة وتعملى طبق كفتة فى الفرن

[لالي لافندر]

تسلم ايديك على المسقعة الشهية

يعطيك الف عافية

[roza1]

المسقعة شكلها رائع تسلم ايدك
بس ياريت تصغري الصورة

اما زوجك فهو عنده حق اذا كان متعود على كدة على الأقل يكون في رز
أولادي بيحبوها بالرز وانا أحبها بالعيش يعني الناس أذواق

[ام ملك وادهم]

والله يا اختي الرجاله كلهم كده
مبيعجبهمش العجب
انتي كلي وانبسطي وهو لما يجوع هياكل
وتسلم ايديكي الاكله شكلها يفتح النفس

[nnnnn_nora]

انا عن نفسي احبهااااااا بالعيش لكن مفيش مانع انك تعمليله معاها حاجه تانيه طالما ده غرضه

[جنة الطيور 2]

ههههههههههههه
والله ضحكتيني لان الحال من بعضو
انا بعمل جنبها فراخ محمرة
تسلم الايادي يا قمر

[ازهارعبدالرحمن]

السلام عليكم ورحمة الله وبركاته

تسلم الايادى المسقعة شكلها هى الا تجنن

انا ساعات بعمل جنبها مكرونة اسباجتى باللحمة المفرومة او مكرونة باشاميل

ومشكوووووووووووووورة

[nesrena]

بصراحة انا بعملها لوحدها لانها فيها كل حاجة
يعنى جنبها عيش وسلطة وبسسسسس
وبيبقى يوم راحة نسبيا من الطبخ
ولو ان انها برضة مش سهلة اوى
لكن معلشى خليليها عليكى وعملى جنبها
حاجة تانية وتسلم ايدك على الجمال دة واللة فتحتى نفسى

[ام هيا وحارث]

والله ضحكتيني لان الحال من بعضه طبق لوحده مش كفاية هههههههه
و بعد الشر عليكي من الجنان ولا تزعلي نفسك تسلم ايدك عالمسقعة الشهية انا باعمل معاها دايما ارز ابيض اما المسقعة العادية المشطشطة بناكلها بالخبز وسلطة وزبادي عشان تطفي نار الشطةههههههههه

[te te faro]

مسقعة روعة تسلم الايااااااااادى
وربنا يعينك والمرة الجاية تعلمى معاه كل اللى يحبه زوجك
ربنا يخليكوا لبعض

[wbaby]

معلش وكمان هوه قلك انه متعود يبقى جنبها حاجه
ومن شب على شيء شاب عليه
عموما انا بعمل جنبها سلطه وعيش
وتسلم ايديك ياغاليه

[om moundir]

الله يسلم الايادي

[عذوبة]

تسلم الأيادي
ولاتزعلي في المرة القادمة اعملي معاها مايحب طويل العمر فرضاه يسعدك والله يهديكم لبعض

[لا تحزنين]

تسلم ايديكي حبيبتي
مسقعة روووعة
بس برضو انا بعمل جنبها رز ابيض
وسلطة
ومتبل باذنجان

تشكري حبيبتي

[أم مــــالــــك]

ههههههههههههه معلش ربنا يكون بالعون
وفعلا الرجال دائما لازم يقولوا انه في حاجه ناقصه
انا بس اعمل المسقعه بعمل جنبها رز بالشعيريه وبس
يعني الي عاوز يكلها بخبز موجود والي عاوز رز موجود
وهي فيها لحمه لزوم الفراج والكباب ايه ؟؟
تسلم ايدك اختي شكلها يشهي

[فراولة24]

شكلها رووووووووووعة والله انا طول عمري امي بتعملهالنا لوحدها مع الخبز ولما اتجوزت برضو بعملها لوحدها مش عارفة ازاي تتاكل مع الرز او المكرونة بصراحة!!!!!!!كمان هي اصلا فيها لحمة

[yehia2007]

تسلم ايدك على المسقعه الجميله
معلش متزعليش نفسك
انا بعمل جمبها رز بشعريه وسلطه

[tmother]

أنا مدمنه مسقعه
بس خاليكى ناصحه
اعملى رز وسلطه جنبه
وشوربه لسان عصفور
وهو هيقولك ياست الهوانم ايه الجمال ده

[ام اسيل وايه]

شكلها جميله جدا
وبالعافيه عليكم

[فرح1983]

تسلم ايدك يا قمر، هما فيه رجالة كدة انا جوزي في اول جوزانا كان كدة يحب السفرة مليانة حتى لو مش هياكل منها كلها كان متعود كدة في بيت اهله حاجات بايتة مالهاش علاقة ببعض رز ومكرونة وطبيخ وحتة فراخ مع شوية لحمة، انا الاول كنت بعمل ايه كنت بحط مقبلات كتيرة مع الاكل وسلطة وشوربة وكدة عشان انا مش بحب العك اللي كان بيحصل دة، وشوية بشوية هو اتعود على كدة، وبقى مش بيدق قوي .
اما بالنسبة للسمقعة انا باعمل معاها بابا غنوج من نالبتنجان بما انه موجود ، وممكن سلطة زبادي عشان تطفي النار شوية، وعيش اوقات بغطيها بطبقة خفيفة من البشاميل وسلطة وخلاص.

[ريم الشرق]

الله يهديه ويهدي كل الرجال
كان ممكن تعملي جنبها رز في ناس بحبو جنبها رز انا وزوجي بنحبها بخبز
بس يعني الوحده تطبخ اكتر من طبخه باليوم كتير
بس شكلها كتير لزيز

[مســك الختـــام]

لابد مايكون معها رز او شيء تاني

[randd]

يسلموووووووووو هههههههههه عادى لازم يجننك

و مرة ثانيه بلاش مسقعه واعملها فرخه محشيه يمكن يطلب المسقعه ههههههههههههه

بس شكلها بشهى يا قمر

جزاك الله كل خير

[الملكة العقربه]

تسلم يدينك

بس المسقعه ما تشبع لوحدها

لازم طبق ثاني جنبها,,أو أقلها رز عشان تشبع :)

[سوبر ماما]

تسلم ايدك عالمسقعة الحلوة
تعرفي المثل الي يقول
أقرب طريق الى فلب الرجل معدته
من خلال تجربتي وجدت انه صحيح
طبعا مو كل الرجال زي بعض
بس أنا لازم اسوي مع المسقعة رز
طبعا ولازم فيه يوميا عالسفرة السلطة والشوربة أحيانا
الله يوفقك مع زوجك ويوفق الجميع

[yara.yara]

مشكورين حبايبى على النصائح دى
وان شاء الله المره اللى جايه هابقى اسأله الأول تحب تاكل ايه
عشان مافضلش انا فى حيره لأن التفكير فى موضوع الأكل ده كل يوم حاجه صعبه وممله

[بنوتة لبنان]

والله يا اختي الرجاله كلهم كده
مبيعجبهمش العجب
انتي كلي وانبسطي وهو لما يجوع هياكل
وتسلم ايديكي الاكله شكلها يفتح النفس



ههههههههههههههههههه قوية قوية ((K))((K))


والله معاها حق اختنا ملك روحي W:W:


هما بيحبو يتعبونا بس مش اكتر لا متعودين ولا حاجة:K):K)

[ام يوسف77]

بصراحة زوجك عنده حق يعنى كان ممكن تعملى شوية رز او شوية كفتة محمرة لان فيه رجالة متعرفش تأكل من غير صنف لحوم على الترابيزة .

[om noorceen]

ما شاء الله طبق جميل ويتاكل لوحده انا عن نفسي احب اكلها بالعيش والمخلل والجرجير وواضح ان كتير من الرجاله كده انا كمان جوزي مياكلش اي حاجه غير وجنبها رز او مكرونه ومفيش مانه من قطعة لحمه اوصدر فرخه كده عالماشي يالله ربنا يهديهم

[أم المقدام]

تسلم يدك ومعليش مشيها وابقي اعمليلو حاجه تانيه جمبها خفيفه مثلا شوربه اومعجنات بف باستري

[ام رقيةوعبودي]

والله يا اختي الرجاله كلهم كده
مبيعجبهمش العجب
انتي كلي وانبسطي وهو لما يجوع هياكل
وتسلم ايديكي الاكله شكلها يفتح النفس
هههههههههههههههههههههههههههههههههههههههههه
ضحكتيني اوووووووووووووووووووووووووووي
انا شفت موقعك واسمك قلت دايبه في زوجها دوب اتريه هو اللي مغلوب علي امره
ربنا يسعدك:)