مغربية لبنانية% 100%

[mama sousou]

اليوم جبتلكم اكلة لبنانية كتيييييييييييييييييييييييييييير طيبة واكيد اللبنانية بيعرفوها

اولا

المقادير :

عجين المغربية نصف كيلو وهو بيجي متل الحمص الحب بس لونه ابيض وحجمه اصغر وهذا بتلاقوه عند الرفاعي او المهباج في السعودية او عند اللي بيبيعوا بقوليات متل العدس والحمص وهو بيكون قاسي ونحن سنقوم بسلقه بشكل تستوي الحبة بس تفضل زي ما هي شكلها ما تهتري اي تتفتت


الحمص ربع كيلو يعني الحمص بيكون ربع كمية المغربية
ننقعه قبل يوم ثم نسلقه ايضا نسلقه بشكل تحافظ الحبة على شكلها من دون ما تتفتت وتهتري

ملعقة بهار حلو اسود

ملعقتين قرفة


3 حبات بصل كبيرة نقطعها نصفين ونسلقها بالماء

سمنة

6 قطع صدور دجاج مسلوقة ومفصفصة يعني مفتتة


مرقة الدجاج اللي بيتسلق فيها الدجاج طبعا

واخيرا ملح


ثانيا

الطريقة:

شوفوا يا سيداتي

بعد ما نسلق العجين ونصفيه نقوم بفرده في قدر كبير اي صينية مسطحة حتى تنشف الحبات ولا تتفتت

وبعدها كل شوي نحركها على الخفيف حتى لا يلتصق حبات العجين ببعض

وبعد ما تنشف منكون سلقنا الحمص كما قلت سابقا وايض نصفيه


ثم تبدأ الطبخة

نقطع البصل اللي سلقناه ونقليه في السمنة حتى يبدأ لونه بالتغيير ثم بعدها نضيف حبات عجين المغربية وبعدها الحمص المسلوق ونزيد الملح حسب الذوق والقرفة والبهار الحلو

ويجب ان تكون كمية السمنة كبيرة تغمر البصل لأن هذه السمنة ستقوم بتقلاية المغربية ايضا

ثم نتركها على النار مدة ربع ساعة مع التقليب كل شوي

لحد الآآآآآآآآآن فينا نقول انو المغربية المقلاة خلصت وصار فينا ناكلها وبجانبها مخلل اللفت

ونحنا هيك مناكلها اكتر شي بشهر رمضان او عالعشاء

لكن لتصير اكلة رسمية ونسميها مغربية عدجاج شو منعمل؟؟؟

نفصفص الدجاج بعد ما استوت المغربية ونزيدها فوقها ثم نزيد مرق الدجاج حتى تغمرها

ونتركها على نار هادئة مع التحريك كل شوي حتى تتشبك الدجاج مع المغربية وتستوي جيدا وتنشف ماء السلق وبعدها

الف صحة وهنا وفينا ناكل جنبها لبن او لفت مخلل

الاتنين طيبييييييييييين معها


اترككم مع الصور

هذا حبات العجين بعد السلق


http://www.a7bk-a-up.com/pic/VpO23167.jpg (http://www.a7bk-a-up.com/)


هذا الحمص لكن انا شوي راحت القشرة شكله نوعية الحمص اللي شاريتها هالمرة مش كويسة كتير
بس هو لازم تبقى الحبة متل ما هي


http://www.a7bk-a-up.com/pic/hma22354.jpg (http://www.a7bk-a-up.com/)


هنا البصل بعد السلق وانا اقليه

http://www.a7bk-a-up.com/pic/Lgu22500.jpg (http://www.a7bk-a-up.com/)


هنا بعد ما زدت الحمص والمغربية على البصل مع القرفة والبهار وقليتهم وهنا جاهزين للأكل

http://www.a7bk-a-up.com/pic/Miz22573.jpg (http://www.a7bk-a-up.com/)


الدجاج المسلوق والمقطع


http://www.a7bk-a-up.com/pic/MdA22665.jpg (http://www.a7bk-a-up.com/)


هنا بعد بعد ما وضعت الدجاج ومرق الدجاج فوق المغربية


http://www.a7bk-a-up.com/pic/iUc22715.jpg (http://www.a7bk-a-up.com/)


وهنا بعد ما نشفت ماء السلق وسكبتها ان شاء الله تعجبكم


http://www.a7bk-a-up.com/pic/Fkq22776.jpg (http://www.a7bk-a-up.com/)

http://www.a7bk-a-up.com/pic/mG822817.jpg (http://www.a7bk-a-up.com/)


شوفوا كيف الدجاج مشبك تشبيك بالمغربية مممم لذيذة

http://www.a7bk-a-up.com/pic/v9h22859.jpg (http://www.a7bk-a-up.com/)


يلا جربوها وادعولي بالحمل واي استفسار انا جاهزة

[majida 74]

ما شاء الله , يسلمو عزيزتي والله يباركلك ويرزقك بالذرية الصالحة عن قريب

[mama sousou]

اللهم آمييييييييييييييييين

الله يسلمك شكرا لردك الرائع

[لبنان وحبايبه]

يسلموا دياتك غاليتي...
مع اني لبنانية بس طريقتي كتير مختلفة..
شكراً على طريقتك الحلوة وان شاء الله يا رب ييسر لك حملك عاجلاً ليس آجلاً...

[تغريد2007]

مثل المفتول حبيبتى صح
الف شكررررررررررر ويسلمووووووووووووو هالديات يا قمرررررررررررررررر

[mama sousou]

لبنان وحبايبه

بتعرفي الاكلات بتختلف من منطقة لأخرى داخل لبنان

شكرا الك حبيبتي

[mama sousou]

والله يا تغريد ما بعرف شي عن المفتول

وشكرا لمرورك وين بجي انا قدام اكلاتك الروعة واناملك الذهبية

[لبنان وحبايبه]

لبنان وحبايبه

بتعرفي الاكلات بتختلف من منطقة لأخرى داخل لبنان

شكرا الك حبيبتي


بعرف حبيبتي ولهيك عم قولك طريقتك حلوة ويسلموا دياتك وينولك مرادك بالذرية الصالحة يا رب ...

[mama sousou]

يلا لكن جربي طريقتي ومن ايديكي ما شاء الله اكيد بتطلع غير شكل

تغريد بعتقد انو المفتول غير المغربية

[mama sousou]

ممممممممممم

[sarah b]

شكلها يشهي تسلم الايادي يارب

[yehia2007]

تسلم ايدك

[Rowaida]

عنجد طبقك بشهي
مثل ما قالت الاخت تغريد
هاي العجينة احنا منعملها بالبيت
واهل فلسطين بسموها مفتول

[mama sousou]

شكرا لمروركم الرائع

رويدا احنا بلبنان منسميها مغربية ويمكن طريقة طبخها بتختلف عن المفتول عندكم

دائما الطبخات بتختلف من بلد لبلد بس جربيها كتييييييييييييير طيبة وشرفني مرورك

[amal250]

تسلم الاياددددددددددددى
ماشاءالله عليكى

[mama sousou]

http://www.upload2world.com/pic90/upload2world_c0e37.jpg (http://www.upload2world.com)



http://www.upload2world.com/pic90/upload2world_cf7c9.jpg (http://www.upload2world.com)



http://www.upload2world.com/pic90/upload2world_7027d.jpg (http://www.upload2world.com)


http://www.upload2world.com/pic90/upload2world_09e30.jpg (http://www.upload2world.com)


http://www.upload2world.com/pic90/upload2world_23d2d.jpg (http://www.upload2world.com)


http://www.upload2world.com/pic90/upload2world_77cc5.jpg (http://www.upload2world.com)



http://www.upload2world.com/pic90/upload2world_7e782.jpg (http://www.upload2world.com)


http://www.upload2world.com/pic90/upload2world_d6845.jpg (http://www.upload2world.com)


http://www.upload2world.com/pic90/upload2world_38f1f.jpg (http://www.upload2world.com)


انا رجعت حملت الصور من جديد لأنها انحذفت من مركز التحميل شكله في مشكلة

اسفة

[mama sousou]

شكرا لردودكم واتمنى تعجبكم الوصفة

[أم أحمد 2007]

يسلمو إيديكي يارب
والله يرزقك يارب بالذرية الصالحة إن شاء الله

[نـور الدرب]

يسلمو هالإيدين يا رب ،، بتشهي وخصوصا المخلللللللللللل ممممممممممممممممم ،،،، الله يرزقك بالذرية الصالحة يا رب آمين ،،