شعار₪طبق متميز₪ منسف اردني من مطبخي بالصور حياكم الله ...............

[ام أيهم]

http://www.lakii.com/img/all/Dec07/uWbtMr12120101.gif





بسم الله الرحمن الرحيم
مسا الخير على الجميع
اليوم جبتلكم منسف اردني على كيف كيفكم وهاد اقل شي اقدملكم اياه بهالمنتدى الرائع
وهاد اقل من واجبكم يا جماعه بس تفضلوا على المقسوم
اول شي راح ابدأ بالمقادير:
لحمه خروف قطع والافضل تكون كبيره
كيلو لبن نعاج
لبن مخيض لتر
بصله مفرومه ناعم
كيلو ارز صنوايت
سمنه عربيه
بهارات منسف
هيل مطحون
بقدونس مفروم
مكسرات صنوبر ولور او حسب الرغبه بس الصنوبر ضروري
وملح

وهسه بدي اشرحلكم طريقة تخضير المنسف
اول شي بدنا نسلق اللحمه بنقوم بغسل اللحمه ووضعها بالطنجره على النار ثم اضافة البصله المفرومه وتركها تغلي
ثم نزيل الرغوه على الوجه عند اول غليه
وتركها لمدة ساعتين على نار هاديه
في هذه الاثناء راح ننقع الارز بالماء الدافئ
ونبدا بتحضير اللبن اللي راح يحتاج انا نضع علبة اللبن بالخلاط مع بيضه نيه وشوية ملح
ونخلطها بالخلاط جيدا لمدة 3 دقائق ثم نضعها بطنجره على الغاز مع اللبن المخيض وبنشغل النار على الحامي
ونقوم بتحريك اللبن المخلوط مع المخيض بملعقه على النار بشكل دائري لحد الغليان حتى اللبن ما يخرب
يعني هون مو لازم نترك اللبن بدون تحريك لانه راح يخرب ويفرط
بعد الغليان نبعده عن النار ونراعي انه اللحمه تكون استوت والمرقه كمان تغلى ونبداباضافة مرق اللحم شوي شوي
على اللبن لحد ما يكون سمكه جيد يعني انتوا لاحطوا انه ما يكون خفيف ونضيف اللحمه والملح ونتركه على النار المتوسطة لمدة10 دقائق مع ملاحظة عدم وضع غطاء على الطنجره
واخيرا نضيف بهارات المنسف او شوية هيل مع شوية كركم علشان اللي بحب يغير اللون وملعقتين سمن عربي
وهيك صار اللبن جاهز
صار دور الارز اللي بده شوية سمنه ونصفي الارز من ماء النقع ونغسله
ونضيفه للطنجره ونحركه من السمنه يعني بدنا نخلي كل حبه يوصلها السمنه وبعدين بنضيف الملح والكركم واخيرا نضيف الماء على ارز حتى يزيد عن ارتفاع الارز بمقدار 3 سم ونغطي الارز ونخليه يغلى شوي بعدين نخفف النار على الارز ونتركه لينضج لمدة ثلث ساعه
وهسه بدنا نصكب المنسف طبعا للسكب كمان طريقه لانه لازم نحضر الخبز العربي ونفرده في الصدر ونسكب عليه من اللبن اللي حضرناه وبعدين نفرد الارز على الصدر زي ما انتوا شايفين بالصوره

http://www.lakii.com/img/all/Feb08/s8SL1o02031625.jpg


وهسه راح ننشل اللحمه من اللبن ونضعها على الارز
http://www.lakii.com/img/all/Feb08/jRYmSL02031630.jpg


وهسه بدنا نزين الصدر بالصنوبر وازا بتحبوا لوز كمان شوية بقدونس مفروم
http://www.lakii.com/img/all/Feb08/Zxp4SP02031637.jpg

وهاي صورة اللبن

http://www.lakii.com/img/all/Feb08/r8JCm602031632.jpg

وهاي كمان صوره للمنسف

http://www.lakii.com/img/all/Feb08/vk4GqW02031634.jpg
وصحتين وعاااااااافيه
واي سؤال انا حااااضره

[سواد العيون]

يا عمي على الناس المعدله
منسف يا رووووز
انا اليوم كنت طابخه منسف
فعلا انه بيشهي
يسلموو روز يا فنانه
يارب اكون اول رد
علشان اخد الصدر كله
يسلموووووووووووو

[layan232]

الله يسلموا على هالصدر اللي بشهي
مع اني متغديه من شوي بس شهيتيني على المنسف
وبما اني الرد التاني الصدر رح يكون بيني وبين سي سي ههههههههه

[miss yemen]

واااااااااااو
شكلو لزيز جدا
تسلم ايدك
ام الأيهم
علي هذة الطبخة الرائعة والمشهية
الله يعطيكي العافية

[ضوء القمر2]

تسلم يديك على المنسف انا من عشاقة بصراحه اول مره عملته لي صديقتي اردنية وطعمه يهبل لكن انا ماني عارفة فين الاقي الجميد بس اقدر استعمل بداله جبن ابيض المالح والا ايش رايك

[ام أيهم]

يا عمي على الناس المعدله
منسف يا رووووز
انا اليوم كنت طابخه منسف
فعلا انه بيشهي
يسلموو روز يا فنانه
يارب اكون اول رد
علشان اخد الصدر كله
يسلموووووووووووو

هلا والله سيسي نورتي حبيبتي
وانتي اكيد اول رد صحتي على قلبك

الله يسلموا على هالصدر اللي بشهي
مع اني متغديه من شوي بس شهيتيني على المنسف
وبما اني الرد التاني الصدر رح يكون بيني وبين سي سي ههههههههه

ليان هلا يا قمر نورتي المنتدى
وبعدين عيار الشبعان اربعين لقمه
واكيد سيسي راح تطميكي معها
ههههههههههههههههههه نورتوا

واااااااااااو
شكلو لزيز جدا
تسلم ايدك
ام الأيهم
علي هذة الطبخة الرائعة والمشهية
الله يعطيكي العافية

ميمونه هلا فيكي يا قمر
نورتي بردك حبيبتي

تسلم يديك على المنسف انا من عشاقة بصراحه اول مره عملته لي صديقتي اردنية وطعمه يهبل لكن انا ماني عارفة فين الاقي الجميد بس اقدر استعمل بداله جبن ابيض المالح والا ايش رايك
حبيبتي ضوء القمر
انا ما عندي هون بالمانيا جميد
وازا قراتي الطريقه تبعتبي بالوصفه
راح تلاقي انه انا بستعمل لبن النعاج مع المخيض
واي سؤال انا حاضره هلا فيكي

[* بريق الامل *]

ماشاء الله ...
رائع ...
الله يعطيك العافيه أختي ...

[حنان(البحرين)]

روووووووعه ماشاء الله عليكِ عزيزتي أم أيهم على المنسف الشهي تسلم يدكِ

[thoraya78]

يميييييييييييييييييي شهيتيني عليه يا ام ايهم خلص سي سي حبيبتي اكيد خبتلي صحن هههههههههه
يسلموووووووووووو يا عسل

[لالي لافندر]

http://www.lakii.com/img/all/Feb08/HHixVF02020650.gif

[ام أيهم]

ماشاء الله ...
رائع ...
الله يعطيك العافيه أختي ...

بريق الامل يا هلا فيكي يا الغاليه
والله يعافيكي

روووووووعه ماشاء الله عليكِ عزيزتي أم أيهم على المنسف الشهي تسلم يدكِ

حنوووون يا ميت هلا فيكي
والله يسلمك يا عسل

[ام أيهم]

يميييييييييييييييييي شهيتيني عليه يا ام ايهم خلص سي سي حبيبتي اكيد خبتلي صحن هههههههههه
يسلموووووووووووو يا عسل

ثريا يا هلا حبيبتي سيسي ما بتقصر
خدي حصتك على السريع ههههههههههههههه
http://www.lakii.com/img/all/Feb08/HHixVF02020650.gif
لالي يا ميت هلا نورتي يا قمر

[randd]

روووووووعه ما شاء الله يا عسل

انا راحت حصتى هههههه بس الافكار متواردة اليوم نزلت تطبيق منسف لام موسى

دائما مميزة حبيبتى والشكل بفتح النفس

جزاك الله كل خير

[neveen323]

عنجد منسف 100_100ما في عليه كلام مزبوط وممتاز شغل معدلات .بس اقولك انا بعمل المنسف بالجميد (وبقدحلو تومة) يمكن تستغربي بس هيك العادة عنا وانا اصلا بموووووووووووت بطعم الثوم

[Tulippe]

الله يسلم ايديكي

[ضوء القمر2]

حبيبتي انا بالسعودية ايش اقدر استعمل يعني ماني عارفه ايش قصدك لبن مخيض ولبن النعاج يعني لو ماتوفرت عندي ايش اقدر استعمل مافيه حاجه بديله
ماجاوبتيني ينفع جبن مالح اذوبه مع الماء لان وحده قالت تنفع هالطريقه بليز جاوبيني بموت واعرف اعمل هالاكله احبببببببهههههها

[*عاشقة الاقصى*]

سبحان الله وانا اليوم كمان كنت طابخة منسف بيشهي
يسلموا هالايدين حبيبتي شكله المسف راااااائع

[nouni2008]

يسلمووووووووووووو

[ام أيهم]

روووووووعه ما شاء الله يا عسل

انا راحت حصتى هههههه بس الافكار متواردة اليوم نزلت تطبيق منسف لام موسى

دائما مميزة حبيبتى والشكل بفتح النفس

جزاك الله كل خير

رنوود هلا فيكي يا عسوله
وبعدين ازا هاي الحصه راحت الك احلى حصه على اسمك
ههههه ولا يهمك يا رنوووووووود غالي والطلب رخيص
وبعدين انا شفت منسفك يسلم ايديكي وايدين ام موسى يا رب
شي بفتح النفس والله
يعطيكي الف عافيه ويسعدلي هالمره يااارب

عنجد منسف 100_100ما في عليه كلام مزبوط وممتاز شغل معدلات .بس اقولك انا بعمل المنسف بالجميد (وبقدحلو تومة) يمكن تستغربي بس هيك العادة عنا وانا اصلا بموووووووووووت بطعم الثوم

نيفين نورتي يا قمر
ويا ريت عندي جميد واسويه مع جميد بس شو بدنا نسوي
خلص بس اسافر على الاردن راح اجيب معي جميد
اما بالنسبه للتومه انا بقدحها بس مو عالمنسف بقدحها على الششبرك
اللبن تبع المنزلات عرفتي بس المنسف لا
والصراحه الناس اذواق وصحتين على قلبك

الله يسلم ايديكي
شكرا على المرور حبيبتي

[ام أيهم]

الله يسلم ايديكي

الله يسلمك حبيبتي

حبيبتي انا بالسعودية ايش اقدر استعمل يعني ماني عارفه ايش قصدك لبن مخيض ولبن النعاج يعني لو ماتوفرت عندي ايش اقدر استعمل مافيه حاجه بديله
ماجاوبتيني ينفع جبن مالح اذوبه مع الماء لان وحده قالت تنفع هالطريقه بليز جاوبيني بموت واعرف اعمل هالاكله احبببببببهههههها

ضوء القمر انا راح اساعدك لاخر نفس ولا يهمك وراح اخليكي تطبخي احسن منسف شو في انتي بالسعوديه يعني اكيد عندك لبن المخيض اللي هو اللبن تبع المراعي السائل اللي بنشربه وبيكون طعمه مالح شوي عرفتيه
واللبن العادي اللي بناكله يعني لبن الزبادي او الروب عرفتيه
جيبي كيلو لبن روب ولتر لبن مخيض او المراعي اوكي واخلطيهم بالخلاط مع بيضه
واغليهم على النار ولا تشيلي ايدك وانتي تحكي بالمره لحد ما يغلى وبعدين ضيفي المرق بس بدك تراعي ما يكون اللبن خفيف يعني ضيفي المرق مو كله
ضيفيه شوي شوي وشوفيه وسوي الطريقه اللي بالوصفه
وسلامتك
اي شي بدك تسالي عنه احكيلي ولا تستحي احنا خوات



سبحان الله وانا اليوم كمان كنت طابخة منسف بيشهي
يسلموا هالايدين حبيبتي شكله المسف راااااائع

يسلمووووووووووووو

ام سوسو تسلملي هالطله الحلوه يااااارب

[ضوء القمر2]

حبيبتي اسفه ازعجتك بالاسئلة بس انتي تقصدين لبن المراعي اللي بالسوبر ماركت اللي تبع شركة المراعي او حاجه ثانيه اذا كان هو انا اشوف طعمه عادي مافيه ملوحه

[yola]

تسلم ايديكي

[ام أيهم]

حبيبتي اسفه ازعجتك بالاسئلة بس انتي تقصدين لبن المراعي اللي بالسوبر ماركت اللي تبع شركة المراعي او حاجه ثانيه اذا كان هو انا اشوف طعمه عادي مافيه ملوحه

ضوء القمر يا هلا حبيبتي
وبعدين عيب تحكي هيك احنا خوات
بالنسبه للبن المخيض انا اقصد اللبن اللي تشربوه شوب مع الاكل والسعوديين كتير بستخدموه على العموم انا راح اسالك وحده بعرفها واردلك خبر اوكي


تسلم ايديكي
الله يسلمك حبيبتي

[ام أيهم]

حبيبتي اسفه ازعجتك بالاسئلة بس انتي تقصدين لبن المراعي اللي بالسوبر ماركت اللي تبع شركة المراعي او حاجه ثانيه اذا كان هو انا اشوف طعمه عادي مافيه ملوحه


عزيزتي ضوء القمر اللبن السائل هو اللي اقصده بالزبط
بغض النطر عن الاسم هو اللبن السائل اللي نشربه مع الاكل
عرفتيه
ان شاء الله اكون افدتك وخبريني شو بيصير معك

[ضوء القمر2]

ام ايهم مشكورة حبيبتي الحين عرفت قصدك وانا اجرب اعمله واقولك بالنتيجه مشكورة مره تانيه ماقصرتي

[RIMA-DZ]

ماشاء الله ...راااااااااااااااااااااائع ...

الله يعطيك العافيه http://www.ch75.com/vb/images/threadbag/3losh4.gif

بس شو هو المخيض ؟؟؟؟اول مرة اسمع فيه

[لبنان وحبايبه]

بسم الله ما شاء الله...

أم أيهم حبيبتي...الصورة راح تحكي بعد شوي... واللبن منظره لا يقاوم..

تسلم يداك ويعطيك الصحة والقوة يا رب ....

طبق روووووووعة!!!

[ام أيهم]

ام ايهم مشكورة حبيبتي الحين عرفت قصدك وانا اجرب اعمله واقولك بالنتيجه مشكورة مره تانيه ماقصرتي

ضوء القمر يا ميت هلا فيكي
وان شاء الله تخبريني شو صار معك

ماشاء الله ...راااااااااااااااااااااائع ...

الله يعطيك العافيه http://www.ch75.com/vb/images/threadbag/3losh4.gif

بس شو هو المخيض ؟؟؟؟اول مرة اسمع فيه


جزائريه يا هلا حبيبتي
المخيض انا شرحت بالردود السابقه انه عباره عن اللبن الشائل اللي نشربه شرب
ان شاء الله تكوني عرفتيه

بسم الله ما شاء الله...

أم أيهم حبيبتي...الصورة راح تحكي بعد شوي... واللبن منظره لا يقاوم..

تسلم يداك ويعطيك الصحة والقوة يا رب ....

طبق روووووووعة!!!

ام اللول يا ميت هلا
وشكرا على هالرد الحلو متلك يا زوق