امهات دار سلوي حياكم

[NoOoRtY]

http://150.jeeran.com/علم%20الكويت.jpg


يالله بينا يالله

نقرق شوي يالله :)

[ملاك لبنان]

ههههههههههههههههههههههههه

انا ناطرة الموضوع الجديد على احر من الجمر يا نورتي

اول شي مبروك الموضوع الجديد جعله ربي فاتحة خير عالجميع

ثاني شيء انا ضليت اقرأ صفحة صفحة من الموضوع القديم لحد ما دخلت ام سهيل واغلقته وما قدرت ارد

ثالث شي شو معني دار سلوى ؟؟ لاني دخلت الموضوع من باب الصدفة وما كنت عارفة ان هو الجزي التالي لموضوع الكويتيين !!!

رابع شي وهو الاهم ::
ان زعلااااااااااااااااااااااانة منكم كتيييييييييييير كتيييييييييييييييير :(
يعني اغيب والموضوع يصير 32 صفحة وماحد يفتقدني او يسأل عني :(
عنجد زعلانة منكم اهئ اهئ اهئ

عالعموم انا غيبتي كانت بسبب ان تعبت وغبت يوم عن الدوام اللي هو الاربعا ويوم الخميس داومت بس ما قدرت ارد كتير بالمنتدى لان راسي كان رح يفقع ووقتها قفلت المنتدى وبعدها كان في عطلة ( الويك اند )

بس بسيطة :(

[...القنوعه...]

أنا داخلة على الموضوع "لقافة" ---على قولت أخواتنا الخليجيات----ههههههههههههههههههههههههههههههه
بس حبيت أسلم عليكم ،،،، مع إني مش من الكويت و مش من الخليج أصلا بس حبيت أمرّ و أسلّم على أخواتي الغاليات :)

[فاطمة الزهراء10]

اتمنى ليكم صحة جيدة و عيدكم يلقاكم فرحانين يارب وسعادة قولو امين

[NoOoRtY]

يا يحياتي يا ملاك لبنان انا بعد محد يسأل عني شاطره بس ابطل المواضيع ههههههههههههههههههههههههههه

والنت عندي صار له اسبوووع يخرف لوع جبدي :(


دار سلوي او اسم بيت صاحب السمو الامير صباح الاحمد الصباح :) الله يطول بعمره

لما تمرين ع البحر بين البدع وسلوي تشوفينه :)



تائهه حيااااااااااااااج الله يا قلبي نور الموضوع بوجودج والله زدتينا شرف يالغاليه :)

[NoOoRtY]

مشكور يا اختي فاطمة الزهراء وجزاج الله خير وعسي ربي يسعدج اللهم امين

[ملاك لبنان]

اهاا نوورتي هلا فهمت شو يعني دار سلوى :)

[ملاك لبنان]

حبيبتي تائهة انتي تشرفي وتنوري وين ما كنتي
ولو بتيجي عالكويت احلى واحلى كمان :)

[* ام شهد]

مين دار سلوي .. ووين الموضوع


معلش ممكن افهم الحاصل .. بايني بره الشبكه كالعاده هههههههههه

[NoOoRtY]

ياي عليكم

دار سلوي

هو

اسم معلم من معالم الكويت :)

دار سلوي هو بيت امير دوله الكويت

وحطيته عنوان لموضوع امهات الكويت للدردشه

[بندولة]

السلام عليكم

اشلونكم بنات و شخباركم

الف مروك الموضوع اليديد

[chowchow 81]

السلاااااااام عليكم ،،،، بنات ديرتي ،،،، ما شاء الله وااايد نقرق هههه ،،، مبرووووووك الجزء الثالث من الدردشة

[NoOoRtY]

وعليكم السلااااااااااااااااام هلا وغلااااااااااااااااااااااا

[حنونةq8]

noorty:>
يعطيج الف عافيه يا الغاليه وماقصرتي على الموضوع والاسم عجييب تسلميين ونخدمج بالافراح والليالي الملاح ان شاءالله:)
__________________________________________________ _________________

ملاك:)
حبيبتي والله انتي الخيير والبركه والله وسامحينا صج احنا مقصرين معاج.
__________________________________________________ ________________

بندولة:)
اشلونج وشخبارج؟
__________________________________________________ __________________

chowchow:)
هلا والله اشلونج وشخبارج؟
مو حريم لازم نقرق لو فتحنا مليوون موضوع ماتخلص سوالفنا هههههههههههههههه
-__________________________________________________ ___________________

صباح الورد والجو الحلو للجميع:)

[ملاك لبنان]

صباح الخير حنونة
كيفك وكيف البيبي ان شاء الله بخير

لا يا قلبي انا بس عمبتدلع وانا ما بزعل منكم ابدا ابدا :)

[سمورة الكويت]

ملوكة شلونج وشخبارج يقولون مريضة سلامات وما تشوفين شر يالغالية

[سمورة الكويت]

مبروك عليكم الموضوع الثالث وخوووووووووووووووووووووش عنوان تسلمين يا نورتي انتي تفتحين مواضيع وما نشوفج واااااااااااااااااااااااااايد

[ملاك لبنان]

هلا حبيبتي سمورة انا بخير الحمدلله بس ما بعرف ليش تعبانة هاليومين والله زايد عندي الاستفراغ مع اني ما كنت استفرغ طوال فترة وحامي
صارلي بس فترة معينة يمكن قرابة اسبوع استفرغ :(

ربي يهونها

انتي طمنيني كيفك وكيف البيبي ان شاء الله بخير

[حنونةq8]

هلا ملوكه والله انا تمام والبيبي بعد بخيير

سموره شخبارج؟

[سمورة الكويت]

ما تشوفين شر حبيبتي بس شربي ماي لقاح شوي عالريج علشان يخف الاستفراغ
انا بخير الحمدالله بس الضغط ذابحني كله احس بدوخة وكله ضغطي نازل ان شاء الله عقب العيد اروح حق الدكتور

_______________________________________________

هلا بقلبي يا حنونة انا بخير دامكم بخير حياتي انتي شلونج وشخبارج

[ملاك لبنان]

حبيبتي سمورة انا بعرف ماي اللقاح بس اللي ما بعرفه طريقة شربه !!!
يعني لازم اخففه بماي ولا اشربه مثل ما هو ؟؟ وكم الكمية اللي اشربها ؟؟

والف سلامة عليكي حاولي تطمني من الدكتورة عالتليفون

[gucciya]

السلما بنوتات شلونكم ..

انشاءالله تكونوا بخير والبيبيهات اللي ببطونكم بخير ..
حبيت أقولكم جميعا .. كل عام وانتوا بخير وعيدكم مبارك..

انا ما عندي نت بالبيت توني نقلت بيت يديد .. بس من الدوام .. عشان جذي راح اغيب عنكم عطلة العيد 6 أيام ..

[NoOoRtY]

هااااااااااااااااااااااااااااااااااااااااااااااااا ااااااااااااااي

[UM YOYO]

مشاء الله ماشاء الله

عيني باردة عليكم بنات ديرتي

لحقتو تملون صفحتين ونص

الله يحفظكم يا رب وعيدكم مبا رك مقدماً

[UM YOYO]

كالعادة

لما أكون موجودة ما ألقى أحد :[]L

[NoOoRtY]

ليييييييييييييييييييييش :( انا هني

[UM YOYO]

الحمد لله لقيت أحد

أشلونك نورتي وأشلون الحمل معاك ؟

[NoOoRtY]

بخير الله يسلمج حبيبه قلبي بس حاسه بشوي ثقل الحين كل يوم احس بثقل غير :(

الله يسهل علينا

[UM YOYO]

يا رب يسهل عليك وعلى كل حامل

ومعليش يا حبيبتي هانت إنشاء الله

راح الكثير وبكرة لما تشوفي النونو بين إيدك راح تنسين كل هالتعب .

[ملاك لبنان]

هلا جوسيا حبيبتي وانتي بالف خير يارب
بس انتي وينك من زمان ما بينتي ؟؟؟؟ ومبروك عليكي البيت الجديد ان شاء الله قدم السعد يارب

هلا نورتي حبيتي كيفك وشو اخبارك معلش اتحملي هانت كلها ان شاء الله شهر وشوي وتشوفي البيبي بحضنك وتفرحي فيه وينسيكي كل التعب يارب وربي يهون عليكي وعلينا جميعا

هلا ام يويو كيفك وشو اخبارك وينك من زمان ؟؟ بتعرفي احنا التنتين اقرب شي لبعض وحنضل اخر شي بس برضه انتي بتخلصي قبلي ان شاء الله

[UM YOYO]

هلا جوسيا حبيبتي وانتي بالف خير يارب
بس انتي وينك من زمان ما بينتي ؟؟؟؟ ومبروك عليكي البيت الجديد ان شاء الله قدم السعد يارب

هلا نورتي حبيتي كيفك وشو اخبارك معلش اتحملي هانت كلها ان شاء الله شهر وشوي وتشوفي البيبي بحضنك وتفرحي فيه وينسيكي كل التعب يارب وربي يهون عليكي وعلينا جميعا

هلا ام يويو كيفك وشو اخبارك وينك من زمان ؟؟ بتعرفي احنا التنتين اقرب شي لبعض وحنضل اخر شي بس برضه انتي بتخلصي قبلي ان شاء الله

الله يتمم للكل بالسلامة يا رب أنا كل ما أدخل ما ألقى أحد

إنتي أشلونك وأشلون البيبي معاك

[UM YOYO]

شوفو الحين صرت لازم أطلع


غصب عني والله ما ودي أخليكم بس لازم أروح أجيب بنتي من المدرسة

أرجع لكم العصر ويا رب ألقى أحد

[مشتاقة لبغداد]

اني مو كوتيتة بس حبيت اسلم عليكم

ان شاء الله داركم معمورة دائما

[ملاك لبنان]

هلا حبيبتي ام يويو انا بخير الحمدلله والبيبي بخير الله يحفظه

واحنا موجودين بس باوقات مختلفة ههههههه ان شاء الله ترجعي وتحصلينا :)

[ملاك لبنان]

هلا حبيبتي مشتاقة
ربي يرزقك وتنضمي لقافلة الحوامل يارب

[chowchow 81]

السلااااام عليكم ،،، اشلونكم أمهات الكويت العنونات ،،، واشلونكم الكتاكيت :) ،،، ؟؟؟

من زمااااان ما سولفت ويااااكم ،،، فقدتوووونيييييي ؟؟؟؟؟ http://www.hawahome.com/MySmiles/Smiles/2006-10-19-06_00_53009.gif

كل عاااااااام و أنتو بخيييييييييييرhttp://www.lakii.com/modules/4nAlbum/album/bless/aead35.gif

[سمورة الكويت]

اهلا اهلا بكل المموجودين شلونكم وشخباركم وحدة وحدة :)

شوشو هلا بالغالية وينج انتي ليش ما تبينين ؟

ملوكة حطي ماي لقاح باستكانة تقريبا ربعها وشربي على طول وبعدين شربي شويه ماي فوقه وان شاء الله تصيرين زينة :)

مشتاقة بغداد هلا فيج معانا انتي اختنا حاج الله يا قلبي


تحياتي لكم

[ملاك لبنان]

مشكووووووووووورة حبيبتي سمورة ورح اجرب ان شاء الله ارتاح والله يعين عالصيام بكرة

هلا شوشو وينك افتقدناكي كيفك ان شاء الله بخير انتي والبيبي ؟؟

[chowchow 81]

هلاااااا خواتي ،،، هلا سمورة و ملوكه ،،، ان شاء الله ما تفقدون غالي ،،، أنا طوول العطلة كنت بالشاليه وما عندي انتر نت هناك وحتى بالعيد بنروح بس بنعيّد أول يوم ،،، شسوي لازم أتبع زوووجي ،، والله ولهت عليكم وعلى سوالفكم ،،، وشـــــــــوق الحمد لله بخييييييييييير ،،،

مو شنه الجو قص علينا !!!! صار حر اشوي ما يندرى متى بييي الشتا ،، أنا جهزت أقطان حق شوشو ،،، أخاف يفاجأنا الشتا متأخر ويكون الجو بارد في مارس !!! اتهقووووون ؟؟؟؟ ،،، بصراحه أمس رحت مذركير وخذيت جم بيجامه شتوية للضرورة ،،،، ا لجو غريب لا مطر ولا شي بس غيم ،،، ادعووووووو ينزل المطر ،،، غضب من ربي علينا ،،،

[سمورة الكويت]

يا حظكم راح تصومون انا ما اقدر كلش لاني اول ما اقعد من النوم اذا ما كليت شي احس بدوخه واحس جني بطيح غشيانة فما اقدر بس ما عليه ابي اللي تصوم تدعيلي بان الله يحقق لي مرادي :)

[سمورة الكويت]

اي والله صاجة يا شوشو الجو ما ادري شفيه طول اليوم غيم بس مافي مطر الله كريم ان شاء الله يرزقنا بالخير وراح نفقدج يا حلوة بالعيد :)

[chowchow 81]

الله يحقق لج الي في باااااالج ياااارب يا سمورة

[سمورة الكويت]

مشكورة يا شوشو والله يسمع منج يا قلبي

هاااا اليوم وين بتروحين ولا قاعدة في البيت ؟

[chowchow 81]

اليووووم شكلي بقعد بالبيت ،،، ما لي خلق طلعات ،،لأني صايرة أتعب بسرعه ،،، فما أستانس كلش ،،، وأطلع للضرورة ،،،، والله اذا زوجي أهوا بيطلعني ما أقول لأ :) المهم مو أنا الي أسوق ههههه صج حريم

[سمورة الكويت]

اي والله حريم نحب احد ودينا وويييبنا :)
ههههههههههههههه

[UM YOYO]

أنا رجعت

في أحد واللا أقلب ويهي

[سمورة الكويت]

هلا هلا حياج يا حلوة انا موجودة

[UM YOYO]

هلا والله سمورة أشلونك يا قلبي واشلون الحمل معاك

[سمورة الكويت]

والله الحمدالله ماشي الحال
انتي شلونج وشلون البيبي؟

[UM YOYO]

الحمد لله بكرة إنشاء الله أروح آخذ جرعة المغذي

بعد الفطور وبالمرة أطمن على المعرس

إلا ما قلتي خلصتي من أغراض العيد واللا بعد

[شذى عمرو]

احنا منتظرينك بس بسرعة حبيبتى كل سنة وانتم بخير

[ملاك لبنان]

اي والله صدقتو الجو غرييييييييييب مو مفهوم شتا ولا صيف ولا خريف خخخخخخ
عالعموم الحمدلله على كل حال وربي يجيب الخير

سمورة الله يحققلك اللي ببالك والله انا نفسك حاسة نفسي بكرة رح اتعب عالصيام بس رح اجرب واذا تعبت بفطر وامري لله

[UM YOYO]

اي والله صدقتو الجو غرييييييييييب مو مفهوم شتا ولا صيف ولا خريف خخخخخخ
عالعموم الحمدلله على كل حال وربي يجيب الخير

سمورة الله يحققلك اللي ببالك والله انا نفسك حاسة نفسي بكرة رح اتعب عالصيام بس رح اجرب واذا تعبت بفطر وامري لله

الله يعين الجميع وعلى العموم لازم نتوكل على الله وربكم يسهل والحمد لله إنه المغرب يأذن مبكر

[ملاك لبنان]

اي والله هذا احسن شي

للاسف احنا الشركة ما رضيت الاجازة بكرة يعني لازم نداوم وبصراحة كتير صيام مع 9 ساعات دوام من 8-5 :(
فانا طلبت ممن المدير عالاقل يعمل لنا بكرة نص دوام ونروح الساعة 1 وان شاء الله يقبلو

[UM YOYO]

اي والله هذا احسن شي

للاسف احنا الشركة ما رضيت الاجازة بكرة يعني لازم نداوم وبصراحة كتير صيام مع 9 ساعات دوام من 8-5 :(
فانا طلبت ممن المدير عالاقل يعمل لنا بكرة نص دوام ونروح الساعة 1 وان شاء الله يقبلو

لله يعينكم والله فعلاً وقت طويل بس حبيبتي إذا حسيتي إنك تعبانه فطري ما كلف الله نفساً إلا وسعها
ا

[ملاك لبنان]

انا هيك رح اسوي ام يويو رح انوي واصوم وربي يقدرني لولو ما قدرت رح افطر
بس لو عملوا دوامنا نص دوام ساعتها اخلص وارجع انام ويروح نص التعب عالاقل بس صعبة 9 ساعات دوام وصيام :(

[UM YOYO]

الله يكتب اللي فيه الخير يا رب

[سمورة الكويت]

ام يويو اي والله الحمدالله خلصت اغراض العيد بس باقي باجر بالليل اودي بنتي الصالون علشان اسوي شعرها للعيد :)

[chowchow 81]

مسااااء الخير ،، أنا يييييييييت ،،،

الله يعينج يا ملاك على الدوام ،،، الله يقدرج ان شاء الله على الصيام

اشلووووونكم جميعا ؟؟؟

[شذى عمرو]

هلا حبيبتى مشكورة
وربنا يوفق يااااااااااااااااااااااااااااااااااااااااااااااااا اااااارب

[سمورة الكويت]

اهلين شوشو احنا بخير دامج بخير انتي شخبارج يا قلبي


شذى شلونج

[Karezmatia]

مساء الخير على الكل ،،

شلوووونكم ؟؟؟

ماشالله غبت بس أمس ورديت اليوم ولا الموضوع تسكر :) وفتحتوا موضوع يديد :)

يالله خنسكره قبل العيد هههههههههههههه

[سمورة الكويت]

اهلين كاريزماتيه
اي والله حتى غبت نص يوم ولا الموضوع اتسكر ما شاء الله تدرين بنات الكويت فيهم قرقه زايدة ما شاء الله
شخبارج

[Karezmatia]

لووول

الحمدلله بخير .. انتي شخبارج ؟؟

وشلون الحمال معاج ؟؟

ما تدرين شنوفيج ؟؟

بنوووته ولا ولد ؟؟

[سمورة الكويت]

يا حياتي حتى انتي تحاتين
لا مادري بس ان شاء الله عقب العيد ابشركم باللي فيني عقب ما راوح للدكتور

[Karezmatia]

لوووول

الله يتمم عليج انشالله ويرزقج باللي انتي تتمنينه ..

هذا اول حمال لج ؟؟

[Karezmatia]

اسحب سؤالي

توني اقرا ام لطفل وطفله

ههههههههههههههه


الله يخليهم لج انشالله :)

[سمورة الكويت]

لا عادي حبيبتي اخذي راحتج يا قلبي وانتي اول حمال ولا عندج بيبيات ؟

[Karezmatia]

انا اول حمل لي ..

كل شي اول مره .. وقاعده احاتي الولاده .. ادري السهاله من الله .. بس مادري وايد احاتي

[سمورة الكويت]

حبيبتي لا تحاتين كل شي عادي الالم مثل الاام الدورة او اكثر بشوي بس انتي لا تخترعين خليج ريلاكس عادي :) و اي شي انا حاضرة يالغالية

[سمورة الكويت]

خلصتي للعيد وافتكيتي ولا بعد ؟

[Karezmatia]

مشكوووره يالغاليه ما تقصرين ..

ودي والله اني ما احاتي وافكر . . حتى كل ما تتطري السالفه على بالي احاول افكر بشي ثاني بسرعه مابي اشغل نفسي بهالسالفه ..

خصلت افتكيت .. عاد السوق صاير يلوع الجبد :(

[سمورة الكويت]

اي قطيعه الهدوم صايرة وانتي كرامة زباله ماكو شي حلو الله يعين اللي ما خلص والله

[Karezmatia]

عاد استغفر الله عيد الاضحى ما يشد الواحد ان يجهزله كثر عيد الفطر ..

وانا صايره كله مالي خلق ..

صارلي جم يوم جنه راشيني فليت كله دايخه ومالي خلق شي ،، حتى امس واليوم ما داومت :(

[سمورة الكويت]

ويييييييييييي سلامات سلامات ما تشوفين شر ومن شنو هالدوخه
اي والله وانتي الصاجة عيد الاضحى مو نفس عيد الفطر

[chowchow 81]

مسااااء الخير

سمورة ،، أنا بخير والحمد لله :)

كاريزماتية اشلونج ،،، من زمان ما سولفت ويااااج :)

شذى اشلوووونج :)

بالنسبة حق العيد أنا ما شرييييييت :) عندي بدله حلوة وبلبسها و خلاص ،،، خو هذا عيد حجاج مثل ما يقولون ومااااااااالي خلق حق فرارة السوووووق

رحت اليوم طيبة كلينك وسويت السونار الرباعي وشفت ابنيتي يا حلووووها

بس طلعت أنا بالأسبوع 29 ويومين يعني ماكو فرق وايد بيني وبينج كاريزماتية وقالي الدكتور 1 / 3 ولادتج !!!!

[Karezmatia]

الله يسلمج سموووره ..

مادري شفيني :)

-------------------
أهلييييييييييييييييين شوشو شلوونج ؟؟

اي والله من زمان ما قرقنا لووول

امس ما شبكت كنت مشغوله ..

صج سويتي السونار ؟؟
شلوونها بنوتج ؟؟ انشالله بخير ؟؟

تعالاي انا اللي اعرفه ان ما يسوون السونار الرباعي من تدخل الوحده السابع ؟؟

انتي عند د.شيرين عدل ؟؟

[chowchow 81]

لأ أنا رحت لهم بس حق السونار الرباعي ،، أنا دكتورتي دلال السالم ،،، بس سونارهم عجييييب ويحركه على البطن كله ،،،والدكتور الي سوالي اياه شاطر ما شاء الله عليه طمني عليها الله يطمن قلبه والله ،،،، يشوووووف كل شي حتى في شغلات اطلعت مع الصور أحمر وأزرق وسألته قالي هذي الأوعيه الدموية سبحااااااااااان الله ،،، والله وااااايد تطمنت انها بخيييييير وجدا دقيق ما خلى شي وما شافه ويعطيج تقرير كاااااااامل عن البيبي والماي وأس أسبوع ووزنها ،،، وباااااااااجر باخذ الصور والسي دي ،،، يضحكني يقولي انتي اختاري الصور وحانعملها فيديو كليب هههههه :) ياح لووووهم مرة تضحك ومرة تتثااااوب وأعتقد تشبه أبوها ماخذه خشمه هههههه

وبعدين أحسن وقت للسونار الرباعي في الشهر السابع ،،، هذا كلام دكتورتي وقريت في أحد المواقع ان أفضل وقت هو ما بين الأسبوع 26 - 30 ،،، لأن بعدين لما يكبر البيبي ما تبين ملامحه بسبب قله الماي ،،،

[سمورة الكويت]

اهم شي انج تطمنتي على بنتج العنونة وباقي تقريبا شهرين على ولادتج يا شوشو عسى جهزتي وخلصتي

[سمورة الكويت]

شوشو
بجم سووو السونار علشان اذا وصلت الاسبوع 26 اروح اسوي سونار رباعي ؟

[Karezmatia]

الحمد لله ..

شوقتييييييييييييينييييييييييييييييييي ودي اسويه :)

د.محمد صلاح سواه لج ؟؟

[chowchow 81]

تقريبا خلصت أغراض البيبي بس في شغلات ناقصة وان شاء الله أخلصها ،،، المشكلة ما جهزت روحي ( يعني أغراضي الشخصية ) مادري من وييين أبدي ووين أروح ؟؟؟ عطينا من خبراتج سمورة ،،،

[chowchow 81]

اسمه صلاح الدين السعيد عليوة

[سمورة الكويت]

قصدج قمصان النوم (الستان ) ؟

[chowchow 81]

أنا ودي أخذ أقطان من أنور والطهر اشرايج ،،، أحس وااايد حار الستن ،،، عندي واحد شريته من وحده يايبتهم من برة وبخليه حق أول يوووم ،،، بس قصدي الأقطان والبيجامات الي حق البيت لأن وااايد خرعوني ويقولون مو زين الانفسه تاخذ برد !!!! صج ؟؟؟؟؟

[Karezmatia]

انا قبل لا احمل كانت عندي مراجعات عند د. محمد صلاح الدين ..

يا حلوه جنج انا زهبت حق البيبي ونسيت عمري ولاااااااااااااا شي شريت حق نفسي :(

قالولي عند النصار قمصان نووم " الستان " حلوين عنده ..

[سمورة الكويت]

اي صح مو زين البرد على الانفسه بس فيه انا شاريه ستان من بره ومن داخل قطن هذا وااايد زين وذرب
تلقينه بمجمع السندس اللي بحولي ومجمع الايوب ومجمع بيروت والمهلب
حتى مو بس دراريع حتى البيجامات ستان تلقين واااايد حلوين

[Karezmatia]

لااااااااااااااااااا انور يلووووووووووووووووووووووووووووووع الجبد رحت شفته خواااااااااااااره مافيه شي ..

قالولي عند النصار وبالنقره اول ما تدشين في محل .. وهم انا قلت بروح الفنار باخذلي على الاقل 3 قمصان نوم كشخه .. حق المستشفى ولما احد اييني حلوين وراقيين .. عرفتوه المحل بالفنار ؟؟

[سمورة الكويت]

لا شنو اسمه ؟

[Karezmatia]

الستان اللي داخله قطن لقيت بس واحد بانور ويلوع الجبد ..

انا قايله باخذلي هالنوعيه ستان وداخله قطن .. بس من اماكن ثانيه

[chowchow 81]

والله وااايد تمدحون مجمع السندس ولا مرة رحت له ،،، وحتى عيد النصار أنا رحتله وخذيت شغلات للبيبي وما طليت على القمصان ،،، شكلي بروح بالثامن مجمع السندس شوقتوني عليه ،،، بس خل نعرف الجو اشلون قايل علشان انعرف اشناخذ ،، مو جذي ؟؟؟

[Karezmatia]

والله ما اعرف اسمه..

بس بالميزانين .. اللي يصير عالزاويه ..

[سمورة الكويت]

ما ادري انا انور محد مدحلي اياه غالي على الطل وهدومه مو حلوة

[سمورة الكويت]

اي نطري على ما يتعدل الجو اللي مو عارفين راسه من كرياسه :)

[chowchow 81]

انزين اشرايكم بالسوالف الي تشد البطن ،،، أخذ من الصيدلية من الحين ؟؟؟؟

[Karezmatia]

اي والله الجو معلقنا لي الحين ما ندري ..

عاد تبين الصج .. ما ودي ايينا البرد .. ابي اوولد بالسلامه انشالله والجو جذي لأن ما احب البس اشياء حيل ثقيله .. وهم ماقدر اقعد جذي عشان لا تحوشني سخونه النفاس .. فخل الجو يظل جذي :)

[Karezmatia]

تصدقين انا اخاف من هالسوالف اللي تشد البطن .. انا ذاك اليوم شفت في مذركير شغله تشد البطن بعد الولاده ..

بس هم اخاف مادري ليش :(

[سمورة الكويت]

اي اخذي من الحين واهم شي هالسوالف اصلا انا قبل لا اولد راح اشتري هالسوالف علشان ما اخلص الاربعين الا جسمي حلو وكل شي بمكانه

[chowchow 81]

أنا ما أبي البرد لأن امجهزة حق ابنيتي أقطااااااااااااااااااااان ،،، ومن قريت كلامكم أمس عن الملابس الشتوية والله رحت وشريت جم بيجامه من مذركير شتوية للاحتياط ،،، حق الطلعات السريعة و الضرورية ،،، تطعيم ما تطعيم

[chowchow 81]

كاريزماتية ،،،، أظن عادي هالشغلات ما تضر حتى لو ما نفعت ،،، أنا بجرب ،،، لأني أبي أرد مثل قبل

سمورة شنو أشتري ومن وين أبي شي زين

[Karezmatia]

لووووووووووووووووووووووووووووووووول

شيشتج عالبجاماتن :)

انزين خذيتي البجامه الورديه الفاتحه والمخططه بالفوشي ..؟؟

[سمورة الكويت]

انا جربت السنة اللي فاتت كريم كانو يحطون دعايته بالتلفزيون اسمه روك وااااااااااااااااايد زين وصج ضعفت منه احطه على بطني وفخذي

[Karezmatia]

مادري اخاف ..

انا بالنفاس انشالله .. بشتري شاي اكتف وطول فتره النفاس بستخدمه .. وحده اعرفها سوت جذي امبييييه شي مو طبيعي ..

اهي اخذت حسو وهالسوالف كلها بس هم عشان لا تمتن استخدمت اكتف .. وسالت الدكتور قالها ما يضرج بشي لأنه شاي اخضر واعشاب .. المهم البنت ضعفت ومافي بطن كلش ماشالله ..

[Karezmatia]

انا روك ما سوالي شي كلللللللللللللش :(

[سمورة الكويت]

زين قلتلينا علشان نشتري شاي اكتف بعد
ما تسوى على علينا جسمنا يصير مو حلو انا عندي اهم شي الجسم ما يخترب لاني اموت على الهدوم

[سمورة الكويت]

من صجج والله ضعفت عليه يمكن كل وحدة وجسمها ما تدرين بس انتي روحي الصيدلية وسأليهم لان يكون في كريمات يديدة نازلة وقوليلنا على اللي تاخذينه

[Karezmatia]

لا جربي اكتف ..

عاد مو تنشرين هالسالفه ولما اولد ولا الشااااااي خاااااااااااااااااااااالص :)

[chowchow 81]

ايييييه شيشتييييييييييييييييني زيييييييييييييييييين هههههههه ،،، والله خفت على ابنيتي
خذيت وحده وردية فاتحه عليها دوائر ملونه ،،، وهم خذين شغلات لونها ودري ،،، وعرفت البيجامه الي امخططه بس ما لقيت منها شكلج خاصتيها من السوووووق ههههههه ،،،، اتصدقين بس خذيت 4 بيجامات ،،، ما دري شنه اشوية !!!!!!!!!!!!! ياربي ما أدري اشصاااير مع هالجو م عارفه شنو اشتري

[Karezmatia]

سموره لازم نكون update لين موعد ولادتنا ..

ويالله انا اول وحده بعطيكم الاخبار .. لأن انشالله بعد العيد بروح اشتريلي قمصان نوم " حق النفاس " وببلش اجهز حق نفسي .. عاد اعطيكم الأخبار اول باول ..

[chowchow 81]

ما احب أشرب هالسواااااالف ،،، الله يستر مادري اشلون باكل أكل النفاس

[سمورة الكويت]

تخيلي تطلبين هالشاي لما تولدين ويقولوج خالص عاد انا ابيع عليكم :)

[سمورة الكويت]

اكيد يا قلبي يا كارزماتية

شوشو الله يعينج عاد اول بيبي غصبن عليج تاكلين سوالف الانفسه انا اشوا بس اول بيبي والثاني يعني مو وااااايد بس الثالث عاد على حسب كيفي انا ومزاجي :)

[Karezmatia]

ههههههههههههههههههههههههه

انا شريت 3 بجامات .. بس هذيل ماراح تلبسينها البيبي بالبيت .. إلا لما تطلعين من البيت موديتها الطبيب حق التطعيم او مشوار جذي .. حق البيت لا ماراح تلبسينها ياهم ثقال حيل ..

[Karezmatia]

منو يحب هالسوالف .. بس في سبيل النظافه والرشاقه نقول نعععععععععععععم لهالسوالف :)

[سمورة الكويت]

حبايبي كارزماتية شوشو

انا استأذن الحين اخليكم واشوفكم على خير باجر الصبح اذا الله احيانا

تصبحون على خيرواحلام سعيدة

[Karezmatia]

وانتي من اهل الخير حبيبتي ..

وانا استأذن بقوم اسوي عشا حق زوجي الحين على وصول :)

اشوفكم على خير ..

[chowchow 81]

http://www.hawahome.com/MySmiles/Smiles/2006-10-15-03_16_01e020.gif اذنج معاج حيبتي ،،، وانتي من أهله

[النائيه]

السلااااام عليكم...
شلونكم...... مع الزحمه

[ام غزلان]

السلام عليكم
شلونكم شخباركم
يابنات اللي تتوحم الشهر هذا شوفي هالبنوته يمكن تطلع نفسها
http://www.m5zn.com/uploads/8743d245d1.jpg

[UM YOYO]

تجنن بسم الله عليها

أنا فيني ولد بإذن الله بس يا رب يطلع شبهَا

[ام غزلان]

ام يويو ما اوصجيج اكلي عدل علشان يطلع متبتب مو مثلي مااكلت وطلعت بنتي ضعيفه وليما الحين واهيا ضعيفه
وشوفي هالصبي واتوحمي عليه
http://www3.0zz0.com/2007/05/18/23/70988905.jpg

[UM YOYO]

واااي يسلم لي قلبة يا رب يا رب ترزقني مثلة يا رب

[UM YOYO]

ودي واحد من عيالي تطلع عيونه ملونه عليّ

لأنه بناتي الثنتين الله يحفظهم عيونهم سود وأخوي

اللي عيونه سود وهم مرته عيونها سود أولادهم الأثنين ماشاء الله

طلعوا عيونهم ملونه .... شفتي النصيب

[ام غزلان]

حتى انا تمنيت اني بنتي تطلع عيونها ملونه مع انه ريلي عيونه عسليه ويدها ابو ابها عيونه عسليه بس طلعت عيونها علي بنيه تمنيت تصير رماديه ازرق اي شي البسها عدسات لما تكبر

[UM YOYO]

لأ والغريب بالسالفة إنه عيال أخوي الأولاد الأثنين بيض وشعورهم فاتحة وعيونهم ملونة والبنت طلعت سمرة وشعرها أسود وعيونها سود
يالله حكمت الله ما نقدر نعترض

[ام غزلان]

انا بيضا وريلي ابيض بنتي طلعت سمرا لا تستغربين عادي ولا فيها وحمه فوق شفايفها بعد وحمه حمرا

[UM YOYO]

الله يحفضها يا رب

أهم شيء الصحة والعافية وإنهم يكونون صالحين يا رب

هذا المهم

[ام غزلان]

اكيد
والله يقومج بالسلامع وتيبين لنا المعرس

[UM YOYO]

تسلمين يا قلبي وربي ينولك مرادك يا رب ويحفظ لك بنتك


عن إذنك الحين أستأذن لأني حدي داااااااااااايخة

نلتقي باكر بإذن الله

تصبحين على خير

[NoOoRtY]

هلوووووووووووووووووووو

[فاطمة الزهراء10]

http://mohamed.milyani.com/wp-content/uploads/2007/10/icards.jpg

[chowchow 81]

السلاااااااااام عليكم ،،، خواتي اشلونكم ،،، ان شاء الله صيّام ؟؟؟؟ ،،، الله يقدّرنا على صيام هاليوم ان شاء الله ،،،، وعيدكم مبارك مقدما

[ملاك لبنان]

صباااااااااااااااااااااااااح الخير يا حلوين
كيفكم وكيف البيبيات ان شاء الله بخير
كل عام وانتو بخير وربي يتقبل طاعة زصيام ودعاء الجميع ويسهل علينا جميعا يارب
وربي يحقق منى ومراد كل امة محمد يارب

طمنوني شو الاخبار ؟؟

ما شاء الله من مبارح بعد ما خلصت دوام لليوم اكثر من 10 صفحات خخخخخخخخخ
والله انكم عسل يا بنات الكويت :)

[chowchow 81]

ملووووووكه اشلونج اختي ،،، واشلون الصيام معاج ؟؟؟؟ شوفي اذا ما طلعك المدير استأذني منه وطلعي انتي معذورة حامل

[ملاك لبنان]

هلا شوشو حبيبتي كيفك انتي انا بخير الحمدلله
والصيام تمام بس للاسف عطشااااااااااااااااااانة والحمدلله رب العالمين كله بأجره ان شاء الله
وبصراحة كلمته اليوم الصبح اني اطلع الساعة 1 لان ما رح اقدر اضل اكتر من هيك وربي ييسر

[chowchow 81]

نفس الحالة ،،، حدي عطشاااانه ،،، تدرين ليش لأني صايرة أحرم روحي بليل من المااااااااي ،،،، لأني أتأذى بلييييييييل من القعدة كل ساعة ،،،، فهمتيني هههههه ؟؟؟

[ملاك لبنان]

هههههههههههههه
فهمتك وللاسف حتى انا نفس الشي
بس انا ما بحرم حالي من الماي لان اصلا من غير ما اشرب بقوم كل ساعة
وطبعا قالولي هذا شي طبيعي ببداية الحمل وبيخف عالرابع ان شاء الله

[chowchow 81]

هههههههه لاااا حبيبتي ،،، ما راح يخف ،،، أنا صريحه معااااج ،،،، أنا صايرة صحبة مع هالمكااااااان ههههه حتى بالدواااااااااااام ،،، ما شاء الله البيبي يضغط بشكل مو طبيعي اسم الله عليها ،،، حتى لو تشربين اشوية بس على طول على هالمكان

ملوكه ان شاء الله مديرك رضى تستأذنين ؟؟؟؟

[ملاك لبنان]

ههههههههه يا عليكي ضحكتيني لان حتى انا صايرة مداومة بهالمكان خخخخ بالبيت وبالشغل وحتى اذا طلعنا برة وصح كلامك حتى اذا شربتي شوي وانا لو ما شربت اضل اروح :(

قالي رح احاول اخليكي تروحي بس لسه الاكيد عالساعة 12.30 بسأله وباخد موافقته
لان مديري مدير مالي للشركة واصحاب الشركة بصراحة لئيمين بهالموضوع وعندهم انك تفطري ولا تستأذني ( يعني مافي شي