قررت البس عبايه فوق الراس ؟

[froo7t13]

مرحبا بنات شحالكم
أنا بمشيائه الله قررت إني البس عبايه الرأس ومتلعوزة مب عارفه من وين احصلها
في ابوظبي واي المحلات الا تبيعها واي نوع الا اختارة وشو القماش :(:(:(
لان سألت ومحد عطاني المكان المناسب وسرت محل اسمه المتحجبه بس جلت ما بتسرع
بالاختيار لاني ابي عبايه ما تلعوزني ولا تتكرفس مع الجلسه
والا ادلني لها اجر من الله ....... شو من الحسنات الا بتاخذوها لانكم بتساعدوني
وممكن الا عندها صور تحطلي اياهم

[عروس الصيف]

انشاء البنات يساعدوكي

[همسات ليالي]

حبيبتي انا بعد البس عباية راس بس انا من الكويت والمحلات العبي عندهم النوعين عباية راس وعباية كتف


ما ادري عنكم بالامارت شلوووووووووووون

والله يوفقج

[froo7t13]

انشاء البنات يساعدوكي

هلا أختي عروس الصيف أسعدني مرورك
وبأذن الله البنات ما بيقصرو
هلا فيش مرة ثانيه

[froo7t13]

حبيبتي انا بعد البس عباية راس بس انا من الكويت والمحلات العبي عندهم النوعين عباية راس وعباية كتف


ما ادري عنكم بالامارت شلوووووووووووون

والله يوفقج

هلا حبيبتي همسات ليالي
تسلمي على الرد وانا ودي البس العبايه الا فوق الراس ، لكن اريد اسماء المحلات الا في بوظبي علشان افصل النوعيه الاحسن وما ارجع افصل غيرها ،
لكن عندي سؤال لما تلبسي العبايه كيف الطريقه إلا تلبسي معاها النقاب او الغشوة وشو القماش الزين

[همسات ليالي]

لا والله انا اكتفي بعبايه الراس والشيلة بدون النقاب ولا البوشيه ولكن اختاري خام العباية خفيف الوزن لانك تحتاجين وقت على ما تتعودين على مسكتها وارقى خام واهو موضه الان هو خام الدمعه ما ادري شنو اسمه عندكم بس اهو به لمعه خفيفه وحلوة


موفقة

[Lojain]

اشوف الاخت همسات افادتك و اتمنى انه بنات ابو ظبي يفيدوك اكثر :)

[froo7t13]

لا والله انا اكتفي بعبايه الراس والشيلة بدون النقاب ولا البوشيه ولكن اختاري خام العباية خفيف الوزن لانك تحتاجين وقت على ما تتعودين على مسكتها وارقى خام واهو موضه الان هو خام الدمعه ما ادري شنو اسمه عندكم بس اهو به لمعه خفيفه وحلوة


موفقة
هلا همسات ليالي
احنا عندنا عادة في عائلتنا ممنوع اي وحدة تطلع من دون غشوة او نقاب وعلشان كذا انا ما استغنا عنهم صلرت تعودت عليهم :D وانا بسأل عن اسم الخامه الا جلتي عنها لكن اريد من البنات يشدو همتهم ويعطوني اسماء محلات خيطو عندهم تسلمي أختي علي الرد

[froo7t13]

اشوف الاخت همسات افادتك و اتمنى انه بنات ابو ظبي يفيدوك اكثر :)
هلا الغاليه Lojain
ماء شاء الله عليها ما قصرت وزود همسات ليالي واتمني من بنات بوظبي يفيدوني
وتسلمي الغاليه على الرد

[أخت دنيا]

السلام عليكم أنا أختكم وحابه أسلم عليكم وأنا جديده في المنتدى بقراطيسي هاها

[froo7t13]

هلا الغاليه ممكن تشاركينا برايش شو احسن مكان اشتري منه عبايه الراس اذا عندش خبرة

[همسات ليالي]

حبيبتي ارقئ خام الحين خااااااااااااااااااااااااااااااااام الدمعه

وللاسف ما ادري شنو اسمه عندكم

[froo7t13]

إن شاء الله راح اشوفه بسال عليه وتسلمي يا همسات علي حضورك الدائم

[أم ثاني]

السلام عليكم خواتي
أختي للاسف اني لقيت الموضوع بالصدفه يعني متاخر
بس اتمنى انك ما غيرتي رايج بخصوص لبس عباة الراس
انا من سنتين تقريبا لبست عباة الراس و واااااااايد مرتاحه منها
بس العباة مالتي قصيره يعني مثل طول الخمار و تحتها عباة مسكره(مثل الجلابيه)
اتمنى اني عرفت اوصف
المهم تحت عباة الراس البس الكاب قطن إللي شكله مثل حجاب الاندونيسيات و عليه نقاب
اذا اتحبين انا مستعده اطرش لج وحده على الارامكس
من عندي هديه
و اذا حابه راح احاول اصورها لج
اسمحيلي تراني في الشرح ميييييييييييييييح بس ان شاء الله قدرت اوصل لج الفكره

[القتاصة]

السلام عليكم
الله يثبتك يا اخية على كل ما يرضي الله .. احنا عندنا بالسعودية انواع في عباية جديدة على الراس طلعت هي عباية على الكتف ومخيط فيها عند الكتف زي القبعه بس طبعا كبيره يعني لما تحطيها على راسك تصير كلها كانها عباية على الراس قطعه واحده واحسها مريحه خاصة للي في البداية ارسلي لي طولك و عرض كتوفك ومقاس عبايتك اللي على الكتف وعنوانك لاني ابخيطلي ولك هدية معي .. لا ترديني اعجبتك كويس وان ما اعجبتك عطيها احد واخيط لك ثانية الى ان تصلح لك وبعدها وري الخياطين عندكم يخيطون لك زيها ...
واذا ما تقدرين ترسلين خاص هذا ايميلي s.m.a-88@hotmail.com
او كلميني على الهاتف شوفيه عندي يوزري

[ملكة الأبتسامة]

ربنا يوفقك


وتلاقي الي يساعدك


والله يهدينا اجمعين