مهندسة ديكور .....تفضلي.... [الأرشيف]

View Full Version : مهندسة ديكور .....تفضلي....

انفال

16-07-2002, 04:56 PM

السلام عليكم ورحمة الله.......
اختي العزيزه مهندسة ديكور اتمنى انك بخير وعافيه....
انا عندي سؤال محيرني......وبصراحه تعبت...وماني عارفه ايش لختار مفرش سرير لغرفتي
اولا انا السرير عندي فيه قاعده يعني لازم تتلبس كشكش او كسرات.....من نفس قماش الديباج....
المهم انا ما ني عارفه هني عندنا بالكويت..بالظبط الاقي اللي ابيه ....
والصور راح توضحلك اللي ابيه شنو.......
http://www.homevisions.com/hvprod/assets/product_images/1612_f.jpg
http://www.homevisions.com/hvprod/prod_display1.asp?product=8154&PID=385&partner=
يعني مو مشكله اروح افصل ...لكن وين القى اللي يضبط هالشغلات.؟؟؟؟
وبعدين انا رحت نور الجنان ....وماعجبني شئ....
هذا سؤالي واتمنى انك تردين علي بأقرب وقت..........والله يعطيك العافيه......W:

أسيرة الغربة

16-07-2002, 06:06 PM

عندي في المكان الي انا فيه اشكال روعة بس ياليتك قريبه علي .....:(
طيب ممكن إذا نزلتي للسعودية تلقين هناك اشكال روعة والوان حلوة .
طيب وش رايك بهذا مو مناسب مع غرفتك :
http://images.targetco.net/product/70676-1-e_lw.jpg

انفال

16-07-2002, 07:21 PM

الله يعطيك العافيه يا اسيرة .....
وما تقصرين خلاص مافي مشكله..انا جايه السعوديه الأسبوع الجاي انشاء الله....
ياليت تدليني....بارك الله فيك....واللي بالصوره حلو ونفس النظام اللي ابيه.......
...الله يجزاك خير....

جورى

17-07-2002, 12:38 AM

انفال روحى مجمع الرحاب فيه مثلهم بس غالى و ترى في بجيسى بنى وسيرز........ وانا اختى تركب الطقم تاخذ الكشكش بروح وسادة والشرشف مشير والكفرات متروسة الديرة؟

انفال

17-07-2002, 02:42 AM

ياهلا يا جوري.....حياك الرحمن..
انتي تقصدين جي سي بيني اللي بالعثمان والا في غيره...؟؟؟
يعني يجي الطقم فيه (عشرين الف مخده)...اقصد كذا مخده.. هههههه مع تلبيس القاعده والديباج..؟؟
وحلوه فكرة انك تركبين طقم بنفسك ...لكن هذه يبيلها معابل .....يبيلها وحده فاضيه على الأخير ........المهم انك ما قصرتي الله يعطيك العافيه.......ونورتي الموضوع...

أسيرة الغربة

17-07-2002, 04:29 AM

هلا انفال ... بالنسبة للمفرش ان مشتريه مثله بس مو من السعوديه يعني مسافة قصيره كلها كم محيط :D
وفي السعودية تلقين المفارش الحلوة وتكون كاملة من إلى وروعة عند محل اسمه الفراج في اسواق المجد في الدائري الشرقي في الرياض ....
واتذكر ان قريبتي اشترت مفرش من عندهم فيه 12 قطعة بس روعه ...
وفي هالوصلة محلات :
http://www.lakii.com/vb/showthread.php?&threadid=25120

انفال

17-07-2002, 12:10 PM

:p مو مشكله نقطع هالحيطان ......والسهول والجبال.....هههههههه..المهم نلقى اللي نبي..(حريم):p ......

طيب يا اسوره الله يعطيك العافيه.......لكن ما تعرفين بالشرقيه...الفراج لهم فرع والا لا...؟؟
اوتعطيني رقم المحل.... وانا اسألهم...;)
الله يبارك فيك ما قصرتي.....W:

أسيرة الغربة

19-07-2002, 05:31 PM

هلا انفال وعذرا على التأخير بالنسبة للرقم والله مو عندي ان شاء الله البنات الي في الرياض يجيبونه لك وابرسل لك رسالة على الخاص فيها بعض التوضيحات .

انفال

20-07-2002, 03:15 AM

وانا في انتظارك.........الله يعطيك العافيه.....

مهندسة ديكور

20-07-2002, 10:05 AM

سوري نفوله على التاخير
شوفي مثل ما قالت جوري جيسي بني ومحل ثاني بالفنار المحل ( لورا اشلي ) كفراته حلوة وتلاقين الخام الاسعار من 200 وفوق
المهم انا نازله بيت يديد تدرين شنو سويت اخذت الخام من محلات انور كاكولي طلع لي كذا شكل من النقشات الي نسميهم تخريجات الخام واخذت صور للكفرات الي ابيهم ووديهم لمحل اسمه الدرجه الاولي الي بالبلوكات يخيط لك المخدات والكوشيات مع الاهداب
اما الكفر وديه لمحل الي تنجدين عنده الاطقم مالتك
ونفس الكفر سوي تخريجه ثانيه للستارة والصوفا الي بالغرفه ونفس التخريجه على الميز تواليت والالكمدينو مع الاهداب الحلو الاسبانيه ( من محل البللوكات اسمه العثمان او الدرجه الاولى )وياريت تدخلين اللتشجيرة نفسها بالحمام
يعني تلبسين الممرايا مالت الحمام نفس الخام مع المرحاض عزك الله مكان السيفون لبسيه الخام
دور مدار المنغلسه خام بكسرؤا البليسه
الطاوله الصغيره الي تحطينين عليها اكريمات التنظيف والتونك الي بالحمام وعلبه الكلينكيس والزباله

انفال

20-07-2002, 12:39 PM

الله يعطيك الف الف الف عافيه يا مهندسه بارك الله فيك......وما قصرتي....
فرتك رائعه.......تصدقين ما خطر ببالي آخذ خام للسرير......لأن عندي طقم قعده صغير لغرفة النوم راح انجده مثل الستاره.....وانتي عطيتيني فكرة الديباج والمفارش .... والله يجزيك خير
ومبروك المنزل انشاء الله.........

دندون

22-07-2002, 07:28 PM

اخت انفال......
انا سمعت مشكلتك عن السرير.....
وعندي الحل لك؟
شوفي في الدمام محل في سوق الحب يسوي تفصيل لحافات واغطيه من كل شكل ونوع
ومره حلو وشغله ممتاز حتى الستاير يسويها واسعاره معقوله مقارنه بغيره
وانا مجربه شغله.
اذا ودك علمتك اسم المحل..........

انفال

22-07-2002, 07:37 PM

مشكوره يا دندون.........ما تقصرين...
اذا ما في تكليف عطيني اسم المحل وعنوانه....لأني رايحه الشرقيه قريب......