يا ناس يا هو ده ينفع !

[نسمات الصباح]

يا ناس يا هوه ده ينفع ولالا ؟
عندي بلوفرات كتيييير منها اللي مش بيلبس لانه مش على الموضه او مليت منه المهم بلوفرات والسلام
وطالبه منكم كيف نعيد الاستفاده منها وروني الهمة
وسلالالالالالالالالالام سلمولي

[فنانة مصرية]

على مهلك بس علينا نسمات
ممكن لو حريمى تحطى عليها ورد او تزخرفيها بالخرز او تشتغلى اطرافها بالكروشيه
وممكن الاخوات يدلوكى على طرق تانية

[ام هباااااش]

ممكن تفتقيها و تعيدي شغلها من تا ني

[دعوة للتفاؤل]

انا راي من الفكرتين

لو شغلهم يدوي ممكن تفكي وتشتغلي موديل تاني يعجبك

او تحطي عليهم ورد وتعملي عليهم شغل كروشيه

[نسمات الصباح]

لا حبيبتي هم شغل ماكينة بس الخيط جميل وعموما اتشكر لكم انكم تفكرون معي انا ودي استفاد منهم جد وافكاركم دايما مفيدة
ساعدوني وانا حسمع الكلام

[bosy_md]

حبيبتى نسمات
انا كان عندى تونيك و قديم فكيته و عملت منه بلوزة و اماكن وصل الخيط داريتها جوه الشغل
لانه كان شغل ماكينة بردو

[nonatota2006]

زوجى كان عنده بلوفر تريكو شغل ماكينة وكان صعب جدا انه يتفك
وكان فيه ثقب سيجارة
وضعت عليها تى شيرت لابنى ورسمته وخيطته على الماكينة الاول وبعد كده قصيته بالمقص وتركت مسافة وعملت له اوفرلوك على الماكينة
ثم رسمت حردات الرقبة وعملتها بالاوفر ايضا وكذلك الاكمام
وشبكت الخيط عند الرقبةواشتغلت بالتريكو باندة للرقبة
بس الكلام ده كان من اكثر من سنتين لو كان عندى صوره كنت عرضتها

[نسمات الصباح]

والله بتشكر لكم دايما انكم تفكرون معايه بس انا نفسي استفاد في افكار غير الثياب اقصد مثلا ليه مش اعمل دبدوب مثلا او اشياء زينة او اكسسوار بالبيت مش عارف باه بس صعبان عليه كل سنه اجمعهم للشتاء الي بعده ولا بالبسهم فس الشتاء ولا بخرج بيهم وكل شيء فيه عيب وعندي بناطيل جينز بفكر استعل ده مع ده ماغي اتلخبطت والله بس انتوا معايه باه اروح اخلص وجبات العيال وبالليل اشوفكم ان شاء الله