طريقة عمل الشراشيب بطول واحد لعيون حبيبتى نسمات الصباح

[ام ميارويمنى]

السلام عليكم يا حبيباتى
انا كنت نزلت شيلان لبناتى وكانت اختى نسمات الصباح عايزة تعرف ازاى تعمل الشراشيب بطول واحد
والطريقة اهيه
نبدأ باس الله الرحمن الرحيم
1-فكى حتة من الخيط بالطول اللى انتى عايزاه من غير ما تقصى الخيط
2- اثنى الخيط على 2 ثم اثنيه على 2 مرة اخرى بحيث يكون فى طرف من الطرفين على شكل عروة
3-اعملى تجربة بانك تدخلى الطرف اللى على شكل عروة فى الفتحة اللى انتى عايزة تعملى فيها شرشوبة بحيث يكون الادخال من فوق لتحت يعنى من اعلى الشغل لاسفل يعنى يكون الجزء الللى على شكل عروة اسفل الشغل وباقى الخيط اعلى الشغل
5-ادخلى الجزء اللى فوق فى العروة اللى تحت وشدى كويس الخيط
6-اذا لقيتى طول الشرشوبة مناسب فكي الخيط على الطول اللى طلعتيه قبل ما تتنى الخيط وقصى على الطول دة
6-قيسى بطول الخيط اللى قصتيه على باقى الوحدات بحيث يكونوا كلهم نفس الطول واعملى باقى الفتحات
7-امشكى كل شرشوبة بايد والايد التانية فيها المقص وقصى التنيات اللى لسة مش مقصوصة من تحت
8- بالمقص برده وساوى اطراف كل واحدة بحيث يكون طولها زى اللى جنبها على اد ما تقدرى
ملحوظة :لما تساوى طول الشرشوبة قصى كل الخيوط مرة واحدة بانك تشديها لتحت وتقصى حتة صغيرة من الطرف
ويارب اكون قدرت اوصل المعلومة واى سؤال احنا فى الخدمة

[فنانة مصرية]

تسلم ايدك حبيبتى
شرحك وافى جدا

[الروح الهائمه]

مشكورة اختى ام ميار ويمنى
الله يبارك لك فيهم يارب
ويسعدهم
سلمت اناملك:-s

[دعوة للتفاؤل]

جزاك الله كل الخير

الشرح واضح

[rosse]

الشرح واظح يا عسل
وانا عملت نفس الشيء لبونشو بنتي.....

[ام ميارويمنى]

الف الف شكر على التشجيع يا حبيباتى
تسلموااااااااااااااااااااااااااااا

[عاشقهـ حبيبها]

عذرااا اختي تراا ما نفهم كذاااا ؟؟؟


نبي صووووووووور

[ام ميارويمنى]

حبيبت عاشقة انا اسفة يا حبيبتى انى مش هاقدر انزل الصور لانى معنديش كاميرا والصور اللى نزلتها للشيلان كانت بكاميرا الموبايل بتاع زوجى وانا قليل قوى لما اقدر اخده منه

[ريماز الشقيه]

تسلم ايدك شرح واضح جدا

[سمراء الكون]

يعطيك العافية يا ام ميار

حاجة جميلة جدااااا,,,,,,,,,,,,

[نهى احمد]

اعطيك طريقة اخرى تاخذي كارتون اومقوى وتقصيه بطول الذي ترغبين وبعرض لايتعدى 10 سم ثم تلفين الخيط على طول الكارتون ثم تقصين الخيوط من جهة واحدة وتوزعيها بالتساوي حسب مسافات الشال اوالحاجة التي لديك (مجرد اضافة) وشكرا

[ام ميارويمنى]

اعطيك طريقة اخرى تاخذي كارتون اومقوى وتقصيه بطول الذي ترغبين وبعرض لايتعدى 10 سم ثم تلفين الخيط على طول الكارتون ثم تقصين الخيوط من جهة واحدة وتوزعيها بالتساوي حسب مسافات الشال اوالحاجة التي لديك (مجرد اضافة) وشكرا
يا حياة قلبى يا نهى
فكرتك تجنن وسهلة قوى هاتوفر الوقت والمجهود
الف شكر على الاضافة والله اسعدتينى وافدتينى