ارجوا المساعده من الاخت درواشيه وجميع الاخوات فى فت التريكو

[غزال الاحزان]

السلام عليكم ورحمه الله وبركاته
انا اختكم فالله غزال انضميت لكن فى رحاب منتدي لك
ولى طلب عندك ياليت تساعدونى فيه بدى طريقه عمل الجوانتى (الوقفازات)
انا بعرف اشتغل بالابررتين العاديتين وجبت أبره دائريه لكن ما اعرف اشتغل عليها فياليت اللى يعرف طريقه عمل الجونتى بالتريكو يشرحها لى وجزاكن الله خير الدنيا والأخره
أحبكم جميعا فالله

[أم قسمت]

اهلا بيكي
شوفي ياستي
http://www.kaanz.com/vb/up/uploads/dd082af6fc.jpg

ابدئي 40 غرزه علي 4 ابر بالتساوي كل ابره 10 غرز وابدئي الشغل بالابره الخامسه
http://www.kaanz.com/vb/up/uploads/e600c05b0b.jpg
الخطوه الثانيه
نشتغل عده سطور بغرزه البليسيه



الخطوة الثالثة
ننتقل للشغل سطر عدل وسطر مقلوب ونشتغل حوالي 5سم
http://www.kaanz.com/vb/up/uploads/4eac23d4f5.jpg
الخطوة الرابعة
نضع عدد من الغرز (لعمل الابهام) على دبوس ونكمل الشغل بباقي الغرز لارتفاع 4سم ثم نضع الغرز على دبوسين تمهيداً لشغل باقي الأصابع

الخطوة الخامسة
ننقل عدد من الغرز الى 4 أابر لعمل أحد الاصابع

http://www.kaanz.com/vb/up/uploads/75ec8c5684.jpg

الخطوة السادسة
نشتغل غرز الخطوة الخامسة سطر عدل وسطر مقلوب حوالي 6سم أو حسب الطول الذي ترغبينه

الخطوة السابعة
نختم جميع الغرز
ثم نكمل شغل باقي الأصابع
http://www.kaanz.com/vb/up/uploads/a37a4b0ccc.jpg


الخطوة الثامنة
نرجع للغرز اللي تركناها لعمل الابهام ونشتغلها مثل باقي الأصابع
http://www.kaanz.com/vb/up/uploads/c97bb242b4.jpg

وده شكله بعد مايخلص

[غزال الاحزان]

سلم يدك يا ام قسمت
بس للاسف انا ما بعرف اشتغل على الاربع ابر
جزاكى الله خير

[أم قسمت]

الشغل سهل بس انتي ابتدي وانا معاكي

[غزال الاحزان]

صعب واله ما بعرف اشتغل على اربعه فى طريقه للجوانتى على الابر الدائريه او بأبرتين لو تعرفى ياليت تشرحيها لى وجزاكى الله خير على الرد والاهتمام

[دراوشة]

اهلا بيكي اختي معانا
الاخت ام قسمت كفت ووفت الله بجزاها الخير
انت جربي طريقتها
انا ولا مرة شغلت جوانتي
بس طريقة ام قسمت سهلة

[غزال الاحزان]

هلا وغلا فيكى اختى الحبيبه
وان شاء الله اذا ما حد شرح لى الطرقه التانيه اجرب هذى والله المستعان

[وردة لبنان]

تسلم ايديك الطريقة سهلة ان شاء الله اجربها نفعنا الله بك ودمتي لنا بكل الخير

[غزال الاحزان]

والله حاولت بالاربع ابر لكنها صعبه ياليت حد يشرح الطريقه التانيه وجزاكن الله خير
دمتم سالمين آمنيين مطمئنيين

[أم قسمت]

طريقة الجوانتى


ابدائى بابرة رقم( 3,5-) 36 غرزة واشتغلى المسافة المرغوبة للبليسية اى الطول للى تحبية

غرزة البليسية (غرزة عدل -غرزة مقلوب) او ( 2 ع - 2 م) ع = عدل م = مقلوب

اختارى الغرزة للى تعجبك فى الاثنين


بعد ما تخلصى البليسية اشتغلى بالابرة رقم 4 هكذا

( 1) كلة عدل


(2) كلة مقلوب

كررى السطرين مرتين كمان ثم ابدائى فى اصبع الابهام

ملحوظة التزويد فى الاسطر العدل


الابهام

اشتغلى 19 غرزة عدل ثم زودى غرزة عدل ثم اشتغلى 2 غرزة عدل ثم زودى غرزة ثم اشتغلى 15 غرزة عدل


السطر الثانى كلة مقلوب وجمبع الاسطر الزوجية

( 3 ) 19 ع - زودى غ - 4ع -زودى غرزة -15 ع

( 5) 19 ع - زودى غ - 6ع - زودى غرزة - 15 ع

( 7 ) 19 ع-زودى غ - 8ع - زودى غ - 15 ع


9 ) اشتغلى 29 غ ع وارجعى زيدى غرزة فى بداية السطر واشتغلى 11 غرزة م من ال29 غرزة طبعا الغرزة


الزائدة فى اول السطر حتكون ضمن العدد 11 يعنى اشتغل 11 واترك على الابرة اليمين 19 غرزة والابرة الشمال 15

غرزة واشتغل على ال11 غرزة هكذا

زودى غرزة فى بداية ال11غرزة فاصبحوا 12 غرزة عدل ثم اشتغلى على ال12 غرزة فقط 6 اسطر بالغرزة المتبعة

ثم سطرين بليسية واقفلى الاصبع كدة يكون خلصنا الابهام

ووجة الشغل لك اشبكى الخيط والقطى غرتين فى اول اخر الابهام واشتغليهم عدل واكملى باقى السطر عدل

كدة اصبح معك على الابرة اليمين 19 + 2 الزيادة + 15 اشتغليهم جميعا 7 اسطر بالغرزة المتبعة


ثم نبدا بتشكيل باقى الاصابع

الاصبع الاول

اشتغلى 23 غرزة عدل وارجعى

( 2 ) زيدى غرزة بالبداية واشتغلى 11 غرزة مقلوب وارجعى

( 3 ) زيدى غرزة بالبداية واشتغلى 12 غرزة عدل وارجعى

( 4 ) على ال12 غرزة اشتغلى 10 اسطر ثم سطرين البليسية واقفلى الاصبع

الاصبع الثانى

ووجة الشغل لك اشبكى الخيط وزيدى 2 غرزة فى بداية ونهاية الاصبع الاول ثم اشتغلى 4 عدل ثم ارجعى


(2 ) زيدى غرزة فى بداية السطر واشتغلى 12 غرزة عدل وارجعى

( 3 ) اشتغلى ال12 غرزة 13 سطر ثم سطرين بليسية واقفلى الاصبع

الاصبع الثالث

مثل الاصبع الثانى مع شغل 10 اسطر بدلا من 13 سطر


الاصبع الرابع

ووجة الشغل لك اشبكى الخيط وزيدى غرزتين فى بداية ونهاية الاصبع الثالث ثم اشتغلى 5 غرز عدل


السطر التالى اشتغلى 12 غرزة مقلوب ثم 6 اسطر واقفلى الشغل


كدة نكون خلصنا البد اليمنى

اليد اليسرى عكس اليد اليمنى يعنى ابتدى الشغل بال15 غرزة بدلا من ال19 غرزة واشتغلى الباقى مثل اليد اليمنى


اشتغلى وادعيلى

انا لقيت الطريقه دي نقلتها وجبتهالك

[جيكو]

حبيبه قلبى ام قسمت عملت لينا دوره تريكو تابعى معانا وهتبقى خبيره

[سمراء الكون]

جميل بس شغله كثير صعب

يعطيك العافية يام قسمت على معلوماتك القيمة.........