زوجي يريد ان احمل و يجلب لي موانع الحمل

[بندولة]

السلام عليكم و رحمة الله و بركاته

بغيت اناقشكم في مشكلتي و اتمنى تفيدوني

انا عندي بنت عمرها سنتين و نص و كنت حامل و طرحت في شهر 10 - 2006 زوجي يتمنى اني احمل و لكنه كل نهاية دورة يشتريلي حبوب منع الحمل و لما الحيت بالسؤال فهمت منه انه خايف اني احمل و اجيب بنت فالبنت تجر بنت

و هالخوف بسبب ان اهله كلهم عندهم 7 بنات و بعدها ولد واحد

مادري ااشلون اقنعه حاولت معاه ماكو فايدة


ادعوله يابنات

و الي تقدر تساعدني لا تبخل علي

يعطيكم العافية

[مسافرهـ]

والله مادري شقولج بندوله حبيبتي بس نفرض انج فعلا جبتي بنت هذا كله من الله واللي كاتبه بيصير
يعني انتي شنو بيدج تسوين؟!!

بس حبيبتي انتي اخذي بالاسباب

يعني استخدمي الجداول الي تحدد لج ايام الجماع عشان يحصل ولد اذا كانت دورتج منتظمه واذا تبين اعطيج الجدول قولي لي
وقللي من منتجات الاجبان والالبان.. الخ(حمية غذائيه) قبل لاتحملين
واستخدمي غسول بيكربونات الصوديوم ..
وانشالله الله يرزقج على قد نيتج

وبقولج شغله بعد ..انا سمعت انه في ناس اذا يبون ولد.. اذا حملو ينذرون انه اذا كان اصبي يسمونه محمد وماشالله صج يجي لهم ولد
وخلي الباقي على ربج وتوكلي عليه

يلا عشان انا وياج نحمل هاالشهر نسو سبااق :) كخخخ

[ام الاولد]

حبيبتي الله معاك وادخلي هذا الرابط يمكن تستفيدي
http://www.lakii.com/vb/showthread.php?t=267776

[إيمان علي]

هو في أحلى من البنات بالدنيا؟؟ سبحان الله، الرجال ما بيعرفوا قيمة البنت أبداً!
ما بيعرفوا أنهن سبيلهم للجنة..
ما بيعرفوا حنيتهم وحنانهم واهتمامهم بأهلهم لما يكبروا الأهل..
مسكين اللي ما بيحب البنات..
بابا كان دائماً يقول: لما بتبشر أنه زوجتي جابت بنت، قلبي بيرقص..
فيه قصص كثيرة وعبر كثيرة عن الناس اللي ما بتنجب أصلاً..
الله يرزقك بالذرية الصالحة ان شاء الله :)

[عراقيه مغتربه]

الله يرزقج الولد الصالح ان شاء الله

[بندولة]

هلا مسافرة مشكورة حبيبتي

و الله كريم

بس بيكربونات الصوديوم من وين القاه؟ و ابي الجدول اذا ماعليج امر حبيبتي

و الله كريم

[بندولة]

ام الاولاد مشكورة حبيبتي




ايمان علي ----- المشكلة انه يعرف قصص وايد و اهو اللي يقولي عنها بس الله كريم هذا طبع الرجال






عراقية الله يسمع منج يارب

[جروح2]

استغفر الله العظيم ايش هذا الكلام
وانت ماتقصي عليه القصص اللي فيها عبر لكل من يكره البنات
كان فيه رجل بدوي( طبعا جاهل )مرته في كل مره تحمل تجيبله بنت يوم
حملت المره الاخيره قال لهااذا جبتي بنت راح أقطع يدها
لما ولدت جابت ولد (مو بنت) وكان بدون ايد
يا سبحان الله الله جاب له ولد وقطع له ايده
لازم يا اختي تخوفيه من الله مو من اهله والا من الناس
والله ان البنات بركتهم اكثر من الاولاد
اللحين البنت تتوظف وتنفع ابوها وامها واخوها وزوجها واولادها
من يقول غير هالكلام.. هم اصلا كانوا يقولون هذا الكلام لما كانت
البنت ماتتعلم وينفق عليها وبعدين تروح بيت زوجها بارده مبرده
ما كنت متوقعه انه لحد اللحين فيه احد يفكر كذا
الله يهدي زوجك ويسخره لك ويبعد عنه كل هذي الافكار
معليش أختي انا احس اني قسيت في الرد سامحيني
اصلي انا انفعلت زياده عن اللزوم

[مسافرهـ]

هلا بندوله ..
اوكي عطيني اخر ثلاث تورايخ لدورتج
وطول دورتج ان كانت منتظمه لانه باذن الله بيضبط معاج ان كانت دورتج منتظمه
وانا بضبطه لج وادزه :)

و بيكربونات الصودويوم تلقينه بالجمعيه سالي عنه
وتسوين منه محلول ماي دافي وملعقه بيكربونات وتغسلين فيها قبل ال(...)

[نفيلة]

اختي بندولة انا بس حبيت اوضح لك حاجة ممكن ترخي زوجك و ما يضاقك بمسالة البنت و الولد

ترا الي يحدد جنس الطفل هو الرجال مش الحرمة يعني الحيوانات المنوية هي الي تحدد الجنس يعني انت مالك ذنب لو جبتي بنت بالعكس هو السبب فاذا هو قانع ببنت وحدة ريحي بالك مصيره حيشتاق للاطفال و حيرضى سواء كانت بنت او ولد

[مسافرهـ]

بندوله سالت لج عن البيكربونات

بيكربونات الصوديوم هذه دش مهبلي تستخدم قبل الجماع بنصف ساعة تقريبا وفيه انواع كثيره بالصيدليات واشهرها ((فيميتا)) وهو عبارة عن كرتونه تحتوي على علبتين تكفيك وحده من هالعلبتين ..
بس الأهم هو الترصد ليوم الأباضة

انشالله افدتج

[اسماء المغرب]

ربنا يرزقك بالولدالصالح المعافى اميين خدي بالاسباب لتحديد جنس المولود وماشاء الله البنات ماقصرو معك وفقك الله

[green mile]

ربنا يعطيكي اللي تممنيه يا كريم

[كيرلي]

ربنا يرزقك الذرية الصالحة حبيبتي :)

[...القنوعه...]

الله يخفف عنك غاليتي...هكذا هم معظم الرجال يكرهون أن ينجبوا البنات ..
أبوي دائما يقول أن البنت تسوى 10 أولاد...
حناين...يعتنوا بأهلهم ...يساعدون الأم و اللأب و أخوانهم...رايقين و مثل ما قالت أخت من الأخوات هم سبيل الأهل إلى الجنة
أسأل الله أنه يهدي زوجك و يريحك من هذا الموضوع لأنه فعلا يدايق المرأة و يشغل بالها

كن مع الله و لا تبالي

[بندولة]

اختي جروح تسلمين حبيبتي و تمونين

المشكلو انه اهو اللي يقولي هالقصص و بعدين يقولي عادي اذا جبتي بنت و فجاة اعرف من كلامه انه مايبيني احمل خايف انه دايما يصير عنده بنات لاني مثل ما قلت عايلتهم اغلبها بنات و الثامن او السابع بنت و اهو خايف انه يصير معاه نفس الشي

و اهو طبعا فاهم ان البنت احسن من الولد بس هذي عقدة الرياييل

[بندولة]

مسافرة حبيبتي مشكورة و تسلمين

بس انا الحين ابلع حبوب و الحين علي الدورة و زوجي مصمم اخذ مانع حمل و انا مابي اخالفه قلت هالشهر اخذ مانع و اللي بعده بحاول اقنعه

بس انا دورتي كل 28 يوم انشاء الله
اذا هديت الحبوب باذن الله تكون منتظمة

و الله لا يحرمني منكم

[بندولة]

مسافرة حبيبتي مشكورة و تسلمين

بس انا الحين ابلع حبوب و الحين علي الدورة و زوجي مصمم اخذ مانع حمل و انا مابي اخالفه قلت هالشهر اخذ مانع و اللي بعده بحاول اقنعه

بس انا دورتي كل 28 يوم انشاء الله
اذا هديت الحبوب باذن الله تكون منتظمة

على فكرة انا سمعت ان الدش المهبلي موزين ؟؟؟ و الله اعلم
بسال فيها

و الله لا يحرمني منكم

[بندولة]

اهلا نفيلة

اهو عارف هالكلام بس يحاتي وااايد و اكثر من اللازم و خلاني اعيش في توتر و تفكير

و الله ودي اتخلص من هالتفكير مع اني عندي بنت وحدة و اهو معيشني ان عندي 10 بنات

حياج الله

[بندولة]

و يعطيكم الف عافية حبيباتي

و الله يسمع منكم و يرزقكم اللي تنمنونه

[مسافرهـ]

بندولة ..

مدام انه دورتج منتظمه 28 يوم .. خلاص معروفه انه يوم التبويض 14 وعشان يصير ولد باذن الله يكون الجماع من هاليوم الي بعده اما الايام الي قبل تمنعين

[mano83]

موضوع الاخت آية اللي حطته لك الاخت أم الأولد مره واضحه فكرته ومفيد ..

حاولي تطبيقين منه هالشهر لين تقنعين زوجك .. وعسى أن تكرهوا شيئا وهو خير لكم :)

[بندولة]

يعطيج العافية مسافرة و الله لا يحرمني من طلتج البهية :)
و ادعيلي حبيبتي



مانو تسلمين حبيبتي
الله كريم