الخياطه بعد الولاده

[سوكون]

السلام عليكم يا بنات انا نفاس ليه 25 يوم ولين هلحين الخياطه ما تعافت ابغى اسأل وش استخدم ويخليها تتعافا بسرعة وهل البخور مهم او غير مهم ارجوكم ردو عليه لان تعبانه مره

[سـلامات]

و عليكم السلام ورحمة الله تعالى و بركاته
بصراحة يأختي أنا لم أجربها ،، و ليس لي معلومات في هذا الموضوع ،، لكن ماهي النصائح التي أعطتكِ إياها القابلة أو الطبيبة ؟؟

أتمنى من المجربات أن يفيدوكي ..

[lubnam]

مش عارفة هو انتي والدة طبيعي ولا ايه
لو طبيعي و فيه خياطه ينصح بانك تقعدي في ماء و ملح (أو مطهر مخفف)
جارتي كانت بتشتكي و لما راحت للدكتورة قامت شالت لها الخيط و خلاص هي دلوقت كويسه
انا صراحه ما اشوف ان في فايده للبخور انا شخصيا ما تبخرت ابدا و الحمد لله الخيط بعد لحاله خلال اسبوع (طبعا بيختلف من واحده لاخرى)

[اسى]

انصحك بالذهاب للطبيبة يمكن ملتهبة الخياطة لتطمئني عزيزتي..
وزي ماقال الاخت لبنى بعض الاحيان تشيل الطبيبة الخياطة وترتاحين الله ييسر امورك..

[حلاوة2007]

السلام عليكم يا بنات انا نفاس ليه 25 يوم ولين هلحين الخياطه ما تعافت ابغى اسأل وش استخدم ويخليها تتعافا بسرعة وهل البخور مهم او غير مهم ارجوكم ردو عليه لان تعبانه مره
مرحبا اختى سكووووون ابى انصحج نصيحه لا تشيلى الخياطه لانى انا شلتها بعد ماكنت امووووووت من الوجع ولا اقدر امشى ولا انام وصارلى شهر ويوم رحت دكتور نفسه بخشمه وقالى اوخر الخياط وترتاحييييين لما اشييييله انا على طول وافقت بس بعد تقريبا شهرين حسيت باللحم مو ملتحم مع بعض ولما يصير جما----- احس بوجع واروح اشوف الال شكله مقزز ومنتفخ واحس كان لحم من داخل يطلع وبعد يوم يرجع وتوهقت حتى احس انى متوسعه يعنى ما التحم معاى ولا شفيييت والحين بعد حملى هذا قرت اسوى تجمييل وازيدج بعد حماتى صار معاها نفسج ويوم راحت للدكتوورة وشاطره بالامور انصحتها انها ماتشيله وقالت تحملى تشيليينه هو راحيلتحم ويطييييح الخياط وعطتها مهدى وبخاخ وناسيه بالضبط وتدرررين قالت اذا شلته يمكن ماانجبر والتحم وبعد كم شهر بتتوسع المنطقه وتتوهقييين --------------- انتى روحى وشوفى اهم شى مو ملتهب وكل شى اوكى وتعطيكىى مهدى والدوا المناسب لج بس نصيييييحه وانتى كيفج انا اللى جربت وار فينى الشى وحبيت كل وحده تنتبه للموضووووووع

[rosary]

احب افيدك اني زيك والله ضقت الموت في جراحتي ماقدر اجلس ولا اتحرك زي الناس ولمى رحت الدكتوره امي خايفه لاتكون ملتهبه الخياطه بس الحمد الله مو ملتهبه بس الي خيطتني خلت لخيوط طويله وصارت قاسيه وجرحتني وصرت اتالم من الخيط مو من الجراحه ورحت لها مره ثانيه تقريبا بعد شهر قامت تهاوش فيني تقولي لحد الحين ماطبتي لانك ماتاكلي الحوم الحمرا

لاني اول ماولدت ولدي اتنوم في المستشفى وانا طلعت والله نفسيتي صارت زفت وماشتهي اكل وكان اول بيبي لي


الخلاصه( اهم شي تاكلين لحم )لاتكثرين من الرز
أن شاءلله اكون افدتك اختي وانصحك تروحين لدكتوره في اسرع وقت

[سحايب 1]

انا انصحك تتغسلين بالمرة معروفه للجروح مره حلوه

[ام البنوته]

تغسلي بماء دافئ وسفلون وان شاء الله بتصيرين بخير...............

[(بنت الأحرار)]

أنا تغرزت وقالت لي الدكتوره كل ما قعدتي في ماء وملح أو ماء البحر
كل ما تعفى أكثر وبسرعه تنزل الخيوط

أختي كسلت عن هذا وجلست 35 يوم لما ذهبت الخيوط

ربنا يوفقك

[*شمووع*]

انا لسى ماولدت وولادتي قريبه وخايفه كثير من الخياطه بس تسلمو على المعلومات الحلوة وطمنتوني كثير ...انشاء الله اسوي بنصايحكم....

[rosary]

صحيح بنت الاحرار كل ماجلستي في الماي الدافئ والملح كل ماكانت المده الي اتطيح الخيوط اقصر

[حلاوة2007]

الملح اهو ملح الخشن مل الطبخ او ملح ثانى ؟؟؟؟؟ ابى اعرف لو سمحتوا ياحلوات

[أم عبودي1402]

اختي حلاوة ملح خشن او ملح طبخ عادي اي شي

[أم عبودي1402]

اخت سكون

انا مريت نفس تجربتك انا لسه مجربه الخياطه لي شهرين تقريبا من ولدت
وتعبت مع الخياطه تعب شديد لين الحين اعاني

والسبب تهاونت بنصايح الدكتوره قالت لي جلسي جلسه صحيحه على شي قاسي وقالت لا تتربعين او تجلسين مايله
بس لان وقتها كانت تالمني مره كنت مجلس جلسه صحيحه لان عباره اجلس عليها كنت اجلس مايله وهذا غلط كبير وكنت لما احاول ارضع ولدي اتربع وحطه بحضني وهذا غلط غلط كبر

رحت لها الزياره اللي بعد الولاده هزئتني قالت الخيوط متمزقه وبعضها طايح وهمال وشوي وبداية التهاب

وقالت اهمتي وهم ماهتميت شصار؟؟؟لتحمت على بره أول ماتحسستها فكرتها دمامل طلع لا الحم ملتحم على بره من جلساتي الغلط

كنت 45يوم تغريبا وعشان التحم بره جابت لي ماي الفضه الظاهر حاره وحرقت الزايد زي اللي ذوبته
ولي جلسه ثانيه وخايفه والله مارحت لسه لان تالم


عشان كذا انصحك جلسي صح ودايم تنقعي بماي دافي ومطهر والمره ممتازه والملح بعد عشان يجفف الجرح مايخليه رطب بعدين يلتهب على قولة الدكتوره

وماتشوفين شر

[ام+احمد]

حبيبتي شوفي جربي طريقتي وانشاء الله ترتاحين اولا تغسلين مكان الخياط بالماء وبعدين تيبين ابريج وتحطين فيه ملعقتين ملح خشن مع ماء شبة حار وتصبينه شوي شوي على مكان الخياط وبعدين تيبين زيت الزيتون وتحطين شوي مكان الخياط وعلى الفوطة الصحية قليلمن زيت الزيتون لانه راح يخليج تتحركين بسهوله ولين مكان الخياط انا جربت هذي الوصفة ثلاث حملات وكان الخياط يطيح بعد اسبوع من الولادة جربي وادعيلي

[من الماضي]

أختي الملح الخشن مع الماء الحار وقشر الرمان المجفف يغلى مع الماء ودهن مكان الخياطة بزيت الزيتون انا مجرباها مرة كويسة وروحي كمان للدكتورة لأنه فيه بخاخ ينشف الخياطةمرة كويس ...... ودايما بعد الولادة يعطوا مرهم ماادري ايش اسمه يلين الخياطة ويخليها ماتنفك بسرعه هذا مو كويس..

[أم ياسين]

الله يشفيكي اختي
انا نصحتني الدكتورة بالجلوس الصحيح وكمان انظف نفسي كويس وأحوط البتادين كل ما أتوظئ بس كمان عملت بنصيحة أمي لما أتوظئ بدهن مكان الخياطة بالزيت الزيتون وبتكون حامية شوية بالقطن والله بحس بالراحة حالولي كل ما تروحين الحمام اغسلي وحطي الزيت حامية شوي مو كثير حامية q) :[]L والله يشفيكي يا رب

[laydayrhaf]

الأخت العزيزة سوكون
خوذي الكلام من مجربة مشكلتي يوم ولدت زي مشكلتك وحلها سهل
المرة وبس وحتى ماتاخذ 3 أيام نقعيها بماء وبعدين مسحي مكان الخياط بقطعة قطن وبس
أتمنى لك الشفاء العاجل

[aliotang]

السلام عليكم ورحمة الله وبركاته انا اختي جربت الخياطة مرتين والدكتور وصفلي مضاد حيوي لمنع التهاب الجرح وهو امن حتى مع الرضاعة ووصفلي مطهر بيتادين للعناية بالجرح كنت اول ما اغسل بالماء الدافىء امسح بمنديل قطن وليس مناديل ورقية لانها تتفتت وتلتسق بالخياطة وتعمل التهاب وبعدين اجفف المكان بمجفف اللشعر لان المكان كلما كان جاف خف بسرعة والتام الجرح ومنع الالتهاب وافضل شيء فادني دواء يشبه الغبار الابيض يرش على الخياطة مباشرة بعد التجفيف والتعقيم بالبيتادين واسمه pulvo وهو ممتاز انا الحمد لله زالت الخياطة في حملي الثاني من اليوم السابع واستطعت الجلوس في اليوم الثالت وماحسيت انو عندي خياطة لكن اقوم بعملية التعقيم والتجفيف بالمجفف كلما دخلت الحمام او حسيت انو الجرح مبلول المهم الاهتمام بالجرح في الايام الاولى لانها اهم اما الان فانصحك بالتجفيف الدائم واستعمال الدواء الي كتبتو لك لو وجدتيه لانو كل الي عندهم خياطة يوصفلهم الطبيب اتمنى اكون افدتك والله يكمل نفاسك بخير

[ام شرووق]

سلامات وانشاء الله تقومين بالعفية انا بولادتي الولى قالتلي الدكتورة رشي علية بموية دافية وملح والحمدالل هو 27 يوم بس ونزلت الخياطة

[حواء الشرقيه]

حبيبتي انا بعد الخياطه نست جزء بسيط بدون خياطه وضليت شهرين ما اعرف امشي وما عندي خبره اول ولد وانا صغيره لين ما جاني التهاب وتنومت في المستشفى وحطولي دم لاني نزفت كثير وفي النهايه عطوني كريم موضعي على الجرح يخدر المنطقه ويعافيها بسرعه فعلا نقدني بس مو ذاكره اسمه..
والله يعافيك انشاء الله

[أم اليمامه]

فكره الماء الساخن والملح امي خبرتني عليها وتضيف معها زعتر مطحون يكون عباره عن معقم والحمد لله فكره الزيت الزيتون بعد حلوه وراح اجربها عند ولداتي ان شاء الله والله المعين ويشفيكي يا اختي

[أحلام ذهبية]

الحل بسيط اختي سوكون فقط استخدمي مفاطس الماء مع الملح (ليس تشطيف وانما تجلسي فيه 5 دقائق على الاقل والاحسن اكثر من مرة باليوم يشفى بسرعة ولا تستخدمي كريمات ابدا",..............

[ريناد مصر]

السلام على من اتبع الهدى
يا اختى انصحك تقعدى فى مطهر بيتادين مخفف بميه دافيه انا رغم ان حروحى لا تلتئم بسهوله خفيت بعد عشر ايام وربنا يخفف عنك

[أم حمود 2006]

السلام عليكم ورحمة الله وبركاتة ......
أستعملي الماء الدافي مع الملح مثل ماقالوا الأخوات و كذلك عشبة أسمة
( الخوا جوا) تلقينة عند العطار تطحن وبحيث تكون مثل البودرة وتوضع مع زيت الزيتون على النار5 ددقايق وتدهنين الخيوط لانة تمنع الشمم ويلتئم الجرح وتخفف الألم خلال 8 - 10 ايام ممتازة ومجربة .