ركن الحلويات المغربية

[nana1970]

افتتح على بركة الله ركن الحلويات المغربية واتمنى ان تكون المشاركات بكترة
حلوى باللوز والشكلاط
عجينة اللوز
250غرام لوز مسلوق ومنقي ونشف
125سكر صقيل مطحون مع قشر حامضة
التزين
شوكلاط اسود و ابيض
نطحن اللوز ناعما ونضيف السكر السقيل المنسم بقشر الحامض
نصنع منه قضبان
تحط القضبان على كيس بلاستك وتداب الشكلاط مع الزيت وتطلى بها القضبان من الوجهين
نصنع بوق من الورقSULFERISEE ونديب الشكلاط الأبيض ونرسم خطوط رقيقة على القضبان نقطعها بعد ان تبرد

[nana1970]

او غير سمحو ليا الصورة جات فلو

[nana1970]

شكون بغات حلوة الميلفاي

[-samra-]

شكرا حبيبة علي لحلوا

انا بغا حلوة الميلفاي الى ممكن::L::

[.. Rahf ..]

شكلها لزيز
تسلم يدك
وبا انتظار وصفاتك الحلوه

[ام ايمن و سارة]

السلام عليكم واش حلوة ميل فوي هي الرخامة ولا واحدة اخرى

[caramel]

:ss:
ارجوكم اخواتي ادراج طريقة كيف احط الورة مع الوصفة انا عندي الصور ولكني لا ادري كيف ادرجها
:S:

[nana1970]

ام ايمن اضن ان حلوة الرخامة هي كاطو ماربري gateau marbreانا كنتكلم على millle feuilles

[nana1970]

كرميا عملي افتح صفحة الرد وسري لتحت (ادارة المرفقات) كلكي على ارفاق صورة ومن بعد عملي باركورير وقلبي على الصورة في الجهاز ديالك وعملي تحميل والا مابغاتش تجي صغريها شويا حيت ماخصهاش تكون اكتر من 50كل

[halloula]

عتقينا نانا بميل فوي

[nana1970]

الميل فوي
عجين مورق
كريم باتسيير(بودرة تحضير الكريم باتسييير+1/2لتر حليب +سكر تحط على النار وتقلب حتى تعقاد)
سكر كلاصي
ملعقة من الحامض
قليل من الشكلاط السود
يبسط العجين المورق ويقسم الى 3 مستطيلات متساوية يوضع في صينية ويتك بالشوكة
نضع فوقه ورقة ونتقاو بشحاجة تقيلة صينية اخرى متلا
مين يطيب العجين نحضر الكريم نحط الطبقة من العجين المورق فوقها كريم ساخن تم التانية تم الكريم تم التالتة
نخلط السكر كلاص مع الحامض وقليل من الماء حتى يصبح عجينة سائلة شيئا ما نغطي به وجه الحلوى نديب الشكلاط وبواسطة بوق مصنوع من الورق نضع خطوط متوازية فوق الكلاساج وبواسطة راس سكين نرسم خطوط في التجاه المعاكس للحصول على زواقة د الميلفوي نخليوها تيبس
ونقطعها بسكين حاد مستطيلات صغيرة

[شمسية قمرية]

السلام عليكم اختي الحلوة جميلة جدا الوصفة

[nana1970]

شكرا شمسية على المرور

[hananrami]

تبارك الله على نانا وخلاصو اللع بعطيك الصحة

[hananrami]

نانا واش هاد الركن نشاركو فيه معاك و لا لا ههههههههههws:-) ws:-)
عندي واحد الاقتراح باش ايبانو الوصقات حينت غادي يكثارو ان شاء الله يمكن لينا نكتبو الوصفة بشي لون مغير على الردود و التعليقات الا عجباتك الفكرة اختاري لينا شي لون لي كلشي يكتب بيه غير الوصفة اوكي و سمحي ليا ;) ;) ;) ;)

[ام ايمن و سارة]

شكرا أنا عملتها زوج المرات ولكن كنلقى صعوبة في تقطاعها لأن كريم باتسيير كيخرج من الجناب

[nana1970]

حنان عندك الصح يا لله بداي انت كتبي لينا بالأحمر لون الحب والله فكرة عبقرية ماعمري فكرت فيها
مرحبا بالكل ولكن الوصفات خاص تكون مجربة ما ضحكوش علينا رجالنا

[nana1970]

ام ايمن خاص الموس يكون ماضي والحلوة باردة في التلاجة او غير جربي هاد المرة غتنجحي وصيفتي لينا الصور

[hananrami]

اوكي الحبيبة انا راه من صباح و انا كنقلب عليكم حتى طحت في حلوى ديال donut عرفتي من شحال هدي و انا كنقلب على الوصفة حينت كنشريها لذيييييييييييذة بزاف انا غدا عنجربها ان شاء الله

[hananrami]

ام ايمن خاص الموص يكون ديال الخبز لي فيه سنينات بحال المنشار

[nana1970]

او مادبيك تصوريها لينا الى قدرتي

[hananrami]

ان شاء الله اختي نانا انا دابا غادي نبدا بواحد الحوى ساهلة

كويرا ديال اللوز و الشكلاط كتجي لذيذة نتمنى تعجبكم

المقادير
1علبة حليب مركز محلى (مطبوخ=كراميل)
125 غرام لوز مطحون
2/1 بكية بسكوت عادي مطحون
شكلاط مذوب في حمام مريم
كوك = جوز الهند مبشور

الطريقة
تجمع جميع المقادير و نعملها على شكل كويرات و نمررها في الشكلاط او جوز الهند المبشور او لوز مهروش او حبيبات للتزيين حسب الذوق

[nana1970]

شكرا حنان علي الوصفة باينا زوينة لكن بلاش الكوك حيت كيتلف مداق اللوز اوللا انا نفضل نخليها غير هكداك او ندورها في الكورن فليكس تجي ياك ميرسي غنجربها في العيد ونصورها ليك

[hananrami]

اياه داكشي علاش حتى انا كتبت او اللوز مهرمش حتى هو يجي لذيذ بيني و بينك ما كيعجبنيش الكوك كنفضل ندير اللوز مهرمش ههههههه

[nana1970]

او شفتي بحالي حتى انا مكيعجبنيش
هاكي واحد الوصفة د الكيك
5ملاعق فورص مغربل
4معالق سكر
3معالق حليب ساخن
2 معالق زيت
1بيض
1/2 خمارة
بيض+سكر ضربي مزيان +زيت+حليب+طحين+خميرة
دهني المول بالزبدة ورشيه بالطحين وحطي العجين
هادي مقادير بيضة زممكن تعملي 2 او 3 او4 وكل مرة تزيدي المقادير الخرى

[halloula]

ووووووووووووووووووووووووووواو برافو عليكم ا لبنات و الله الا حادكات خمسة و خميس عليكم
انا غدي نعطيكم الوصفة ديال جبان
1 كيلو سنيدة
نصف لتر ماء
نصف معلقة شبة مطحونة
100 غرام لوز
شوي مسكة حرة
2 معالق كبار ديال ماء الزهر
فوق النار يوضع الماء في الطنجرة + السكر و المسكة و الشبة و الزهرثم يرفع من النار قبل ان يلون تخليه حتى يبرد و يبقى شوية دافىء يخفق بياض البيض و يخلط مع الخليط الاول ثم يوضع في الثلاجة بعدما تضعيه في كويغطات و ترشيه بلوز مقلي و مهرمش و بالصحو و العافية

[nana1970]

اشنو هاد الشي اهالولة والله يعطيك الصحة شحال وانا كنقلب على هاد الوصفة كتجي بحال نوكا ياك

[ام عبد الرحمان0]

اوا شوفو انا جبت ليكم واحد الوصفة تلفات الامة في مكة والمدينة والبيضاء
هي كيك هش بالقهوة والشكلاط...والسر هو الكلاساج لي فيه...خودو معايا المقادير

مقادير الكيك
العبار هو كاس ديال اتاي مغريبي

2بيضات
نصف كاس زيت
كاس قهوة سائلة===(طيبي القهوة وصفيها وعبري منها كاس) مديريش نسكفيه راه كتجي مرة
كاس سنيدة
2كيسان فورص
2خمارات
نص بكية كاوبيل او 3ملاعق من اي بودرة شكلاط
==نخلط الكل ونصبوه في مول دائري

مقادير الكلاساج

خودي كسرونة حطيها على النار حطي فيها =كاس قهوة سائلة >ملعقة كبيرة زبدة>كاس سنيدة> نصف بكية كاوبيل او 3ملاعق كبيرة من اي شكلاط بودر

===خلي هاد الخليط على النار حتى يعقد مزيان بحيث تكبيه على الحلوى ومتشربوش....هاد الامر مهم خليه يطبخ مزيان حتى يتقال ويختار عاد صبيه على الكيكة وسرحي بالزربة حيت كيتجمع بسرعة...دخلي حلوتك تبرد في الثلاجة...وقدميها مع اتاي في المغرب ومع القهوة العربية في الخليج

[halloula]

نانا هدي النوكة و لكن كان تايجي مولاها الى باب المدرسة وحنا صغار داك اللي عندو العصا طويلة و فيها جابان كولوبان كيقطع لك شوييييييييييييييييية و تبقاي جبد فيا نجبد فيك هدي هشة و فيها اللوز ديال الدار زووووووووووووينة
ام عبد الرحمن الله يعطيك الصحة

[hananrami]

نانا هدي النوكة و لكن كان تايجي مولاها الى باب المدرسة وحنا صغار داك اللي عندو العصا طويلة و فيها جابان كولوبان كيقطع لك شوييييييييييييييييية و تبقاي جبد فيا نجبد فيك هدي هشة و فيها اللوز ديال الدار زووووووووووووينة
ام عبد الرحمن الله يعطيك الصحة

ااااااااي يا هلولة قكرتيني في ايمها كنت كنعطيها دقة كتحمقني فيها نسمة ديال الما زهر نشريو و نكولو ليه الفابور مممممممممممممممممممممممممم

[nana1970]

في وجدة كنضن اسمها غزل البنات

[ام ايمن و سارة]

تبارك الله عليكم البنات

[nana1970]

ام ايمن حتى انت تباركالله عليك

[ام ايمن و سارة]

الى الأخت نانا بغيت مقادير (كاران) لاني نسيتهم من بعد ما رجعت لمراكش وشكرا

[nana1970]

كران
كاس كبير دقيق الحمص (دوزيه في الغربال 2 مرات)
1/2 كاس زيت
بيضة ملح
1لتر من الماء
خلطي مزيان وعمليها في صني الى الفرن ساخن
خليها طيب مزيان وبصحة والراحة
قدميها في وسط الخبز الساخن مع ملحة وكامون وشوي سودانية

[caramel]

هذه فقط تجربة

[caramel]

:-s الله يجزاكي الجنة و الله التجربة هي هاديك تبارك الله عليك اختي:-s

[nana1970]

او برافو عليك كراميل دبا بغينا صور الوصفات

[ام ايمن و سارة]

شكرا بزززااااف أختي نانا يا رب غير القى الحمص مطحون هنايا

[nana1970]

لا شكر على واجب ام ايمن

[nana1970]

فقاص مالح بالكاشير
125غرام زبدة اوماركرين
ملح
1/4 كاس صغير ماء
دقيق حسب الخليط
يخلط الكل ويبسط العجين نحكو فوق منو الكشير ونلويو بحال بيسكوي غولي
نحطها في التلاجة تبرد ونقطعها رقيق والى الفرن تتحمر شوي

[ام ايمن و سارة]

واش مافيه لا خماره ولابيض

[nana1970]

مافيهش عامل بحال لبات بريزي

[ام ايمن و سارة]

شكرا على الرد

[nana1970]

العفو

[aroub]

الله يعطيكم الصحة الميغربيات
كلشي زوين تبارك الله عليكم

[nana1970]

شكرا اروب او اعطينا شي وصفة رباطية نوجدوها قبل العيد

[nana1970]

كوكيز
500 غرام زبدة
7 معالق سكر كلاصي
7 معالق زيت
7 معالق ماء الزهر
زبيب مقطع رقيق
كركاع مقطع
دقيق حسب الخليط
خمارة الزا
تخدم الزبدة جيدا حتي تصبح لينة(نخرجها مسبقا من التلاجة)+الزيت + السكر+ماء الزهر+الكركاع+
الزبيب + الدقيق و الخميرة
تشكل كور و يضغط عليها بالشوكة او المرشم الخاص وتدخل الى الفرن الساخن
تفند وهي ساخنة في السكر الصقيل وبصحة
يمكن استبدال الزبيب و الكركاع بقطع صغيرة من الشكلاط

[خطيره الملامح]

مشكوره على الوصفات اللذيذه


بس ياليت تكتبين لي وصفه حلى عندكم بالمغرب بالسمسم تعجن وتقطع اشكال ثم تقلى صراحه ذقتها مره وانجنيت عليها ولااعرف طريقتها .

بسررررررررررررعه.

[ام ايمن و سارة]

شكرا نانا على الكوكيز

[halloula]

صباح الخير لبنات و مرحبا بالجدد و شكرا نانا على الكوكيز واعرالله يعطيك الف صحة
عاد قريت الصفحات الاخرين راكي يا نانا حادكة خمسة و خميس عليك

[aroub]

ان شاء الله

[ام ايمن و سارة]

السلام عليكم البنات وافينك انانا شفتك غابرة هاد النهار

[sara111]

http://www.7mml.com/uploads/cf2fd6f454.jpg (http://www.7mml.com)

- 250 زبدة
- كاس كبير كوكو مطحون
- كاس كبير سكر
- 4/3 كاس زيت
- 4 بيضات
- 2 اكياس خميرة
- 1 كيس فانيلا
- الدقيق حتى تجمع العجين
يجب ان تكون رخوة

الطريقة

نخلط جميع المقادير و نصنع كرات صغيرة ثم نضعها في خليط كوكو + سكر خشن + فانيلا

و نضعها في صينية للفرن و نضغط عليها بالطابع و تطهى

لما تبرد يمكن تزيينها بخطوط من الشكولاطة

[hananrami]

مشكوره على الوصفات اللذيذه


بس ياليت تكتبين لي وصفه حلى عندكم بالمغرب بالسمسم تعجن وتقطع اشكال ثم تقلى صراحه ذقتها مره وانجنيت عليها ولااعرف طريقتها .

بسررررررررررررعه.

السلام عليك اختي خطيرة الملامح و هدي الوصفة الي طلبتي

حلوى الجلجلان (السمسم)
المقادير
500غ من الدقيق
250غرام من الجلجلان (السمسم)
بيضة مخفوقة
نصف كأس شاي من ماء الزهر
كيس خميرة كيماوية
2معلقتان من الزبدة الملينة
125 غرام لوز مقشر و مقلي في الزيت

الطريقة
ينخل الدقيق في قصعة و يجوف في الوسط و يضاف اليه الجلجلان, الخميرة, ماء الزهر,و البيضة المخفوقة ,و الزبدة الملينة,و قليلا من الماء الفاتر حتى الحصول على عجينة لينة تشبه الخبز

تمدد هده العجينة فوق المائدةمدهونةبالزيت و تقطع دوائر صغيرة شيئا ما بمجواب مستديرة . تؤخدالواحدة تلو الاخرى و تعمل على شكل قرطاس تقلى في الزيت و تغمس مباشرة في العسل و توضع لوزة في فم كل قرطاس و هكدا الى نهاية الحلوى
و حطيها مع الشاي المغربي :) هههههههههههههههه
و بالصحة و العافية

[nana1970]

حنان حتى انتي تبارك الله عليك والله يعطيك الصحة على حلوة لبلغات
ام ايمن شكرا على مرورك
سارة111حلوى بسيطة وباين عليها لديدة شكرا

[ام ايمن و سارة]

شكرا أخت سارة أنا كندير هده الحلوى كتخي بنينة وهشيشة
و شكرا أخت حنان على البليغات أول مرة كنسمع بيهم و لكن غنجربهم ان شاء الله
لاشكرا على واجب اخت نانا

[nana1970]

ام ايمن غير جربهم كيجيو فنين انا مجرباهم

[halloula]

تبارك الله عليكم البنات كلكم حادكات دوك لحليوات زوينين

[ام ايمن و سارة]

السلام عليكم اهلولة ما بغيتيش تنعسي

[yassmine78]

تبارك الله عليكم الحلوات كلهم زوينين الله يحلي ايامكم
اما انتي ا ختي هلولة الى صدق لي جبان راه عمري ننسى خيرك متصوريش شحال عزيز علي من ابام الطفولة
بغيت نسولك واش ابيض البيض نطلعوه بحال الثلج؟

[halloula]

ايه طربيه حتى يولي ثلج ولا بغيتي تخلطي معاه اللوز مهرمش و لا كاوكاو ولا زبيب و الا بسطاش انت عينيك ميزانك

[halloula]

ام ايمن والله كسقولها لي راجلي كيكون في البيت ناعس ويبدا يعيط واش بقي ما بغيتي تنعسي كندرانجيه بالضوء

[yassmine78]

شكرا اختي هلولة لهلا يخطيك

[ام ايمن و سارة]

حتى أنا غير كنعس أيمن وسارة كننسى راسي مع هاد القزديرة اللي خليتيها

[ام ايمن و سارة]

فينكم البنات نانا بغيت شي مقادير ديال الكعك الوجدي يكون مجربين

[nana1970]

على الراس والعين هادي الطريقة انتاعي
2 بيضات+كاس زيت صغير+كاس ماركرين (لابريري)+2كيسان سنيدة+1/2كاس ماء الزهر ) زهر+كاس حليب +ملعقة نافع+ملعقة حبة حلاوة+ملعقة شنان (يمكن الأستغناء عنه)+نصف كاس جلجلان(الكل مدقوق غير شوي) +خنيشة الزا +قليل خميرة الخبز يغلط الكل جيدا يضاف الدقيق شوي شوي حتى الحصول على عجينة متمتسكة تشكل الى قضبان تقطع بالمقص من الجوانب وتدورها كيف الحلقة عمليها في الصينية ودهنيها بالبيض الا بغيتي ودخليها لفرن ساخن جدا

[ام ايمن و سارة]

شكرا بزاف لهلا يخطيك
عندي سؤال واش ماركرين دايبة و شناهو الشنان

[nana1970]

ماركرين دايبا ايه والشنان هو واحد الزريعة مدورة بحال زريعة القصبر ولكن فيه الريحة زوينة كانت جدتي كتعملو في الغاسول سولي العطار والا مالقتيش ماعليش غير النافع وحبة حلاوة كافيين

[ام ايمن و سارة]

صافي غنسول العطار
عرفتي راجلي هو اللي قالي نسولك على الكعك كيحماق عليه

[امــ الرحمن ــة]

تسلمووووووووووووووووووووووووووووووووو

[halloula]

كنت غنسول على الشنان عمري ما سمعت به و سبقتني اختي النشيطة ام ايمن و سارة
اهلا امة الرحمن نورت

[nana1970]

ام ايمن يمكلك تزيدي في الكعك حتى قشرة البرتقال يابسة ومصحونة كتجي عاطيا واحد النسمة زوينة بزاف او برعي راجلك بالكعك راه ساهل واقتصادي

[nana1970]

حلوي من بقايا الحلويات
بقايا حلويات(حلوي بالوز يبسات او بقايا الفقاص اي كاطو بقاليك في راسك)
قليل من الكركاع
كونفتير
شكلاط اسود وقليل من الأبيض
طحني الحلوي مزيان +الكركاع مطحون+ المربي حتي تجمع
حطيها بين 2 ميكات بويض وطلقيها بالدلاك
قطعيها بالمرشم الي بغيي مدور او مقرطة او مربع
دوبي الشكلاط ودوزي الحلوى من فيق ومن تحي حطيها فوق ميكا وخليها تبرد
زوقيها بالشكلاط الأبييض حسب الدوق

[ام ايمن و سارة]

الله يعطيك الصحة انانا هدي حلوى من حلوى

[nana1970]

ايه حتى حاجة ماضيع

[ela]

je suis nouvelle et j'aimerai bien savoire plus sur les gateau marocaine. Et ce gateau je l'ai deja manger il est supére merci bcp .

[nana1970]

مرحبا بيك ايلا وانشاء الله تعرفينا على الحلويات السويس هما معروفين بالشكلاط

[halloula]

ايلا مرحبا بك
نانا تبارك الله عليك هده الحلوى بحال واحد الحلوى عندي
كتخدي الخبز بقى كارم عندك كتدخليه للفرن حتى يتكرمل و يتحمر كتحطيه في شي طبك مفرش بمنديل و كتدقيه بيد المهراز لما يبقى فتافت صغيرة دوزيه من الماكنة 1 2 3 و حطيه في اناؤ و اضيفي عليه اللوز مفرشش و شوية ماء الزهر و عجنيه اما بكونتور او نستلي المركز و عملي كويرات و حطيهم في كويغطات و صبي عليهم شكلاط مدوب و بالصحة و الراحة

[oumimad]

حتى حاجة ماضيع
تبارك الله

[hananrami]

السلام عليكم البنات الحلاويات هنا جبت ليكم واحد الحلوى انا شخصيا مفضلة عندي كانحماق عليها

حلوى ديال جلجلان حلوى سوداء

لمفادير

1/2 كيلو جلجلان محمر و مطحون
1/2 كوك مطحون
3 بيض
علبة صغيرة شكلاط بودرة (كاوبيل)
2 خميرة الحلوى
2 كيسان سكر بدرة
2/1 كاس زيت

الطريقة

يخلط الكل جيدا و تخرجيه بالبوق على شكل وردة و لما طيب 15دقيقة تقريبا ملي برد لصقي وحدة مع وحدة [/SIZE]بالكريم مممممممممممممممممممم[/COLOR]
كاتجي لذيذة بزااااااااف

[nana1970]

هالولة الله يعطيك الصحة وخا يكون خبز الدار د القمح الكامل
حنان تبارك الله عليك واش السكر بودرة هو سكر كلاصي واش يمكن نعوض كاوبيل بنيسكويك هاهاها ما ضحكين على السؤال البليد

[nana1970]

ام عماد ليه علاش حسابلك راحنا مجتمعين غير الأقتصاد ولا للتبدير

[hananrami]

هالولة الله يعطيك الصحة وخا يكون خبز الدار د القمح الكامل
حنان تبارك الله عليك واش السكر بودرة هو سكر كلاصي واش يمكن نعوض كاوبيل بنيسكويك هاهاها ما ضحكين على السؤال البليد

سلام نانا اه سكر بودرة هو كلاصي هههه راه حتى كتبت بلغتنا و بدلت على قبل الاخوات الي كايدخلو من البلدان الاخرى كنت كاتبة بكية الشكلاط بدلتها بعلبة ههههههههههه طبعا يمكن ليك تبدليها بنسكويك انا حطيتو غير مثل

[nana1970]

شكرا حنان غنجربها غدا ونرد عليك

[hananrami]

لا شكرا على واجب اختي نانا راها ساهلة و لذيذة ههههههههههه زعمة كنشكر في حلوتي ههههههههههههههه

[ام ايمن و سارة]

شكرا على الحلويات هلولة وحنان رامي

[nana1970]

شكون بغات وصفة لي بينيي

[yassmine78]

السلام عليكم بغيت اختي هلولة نسولك على جبان شحال من ابيض البيض ؟:[MM

[halloula]

5 ديال ابيض البيض اختي
الخبز وخا يكون ديال الزرع ممكن تستعملينه
الله يعطيكم الصحة

[oumimad]

غريبة اللوز
اللوزمطحون بقشوره250g
150gسكار كلاصي
3اصفر البيض كبار او 4متوسطين او 5 اصفر البيض ادا كان البيض صغير
4/1خمارة الحلوة
نخلط كل المقادير ونكورها كور مبزطة حسب الدوق ونفندوها في سكر كلاصي
وتدخلوها الفران بالصحة
ممكن نبدل اللوز بكوكاو مع زيادة 2/1كاس صغير زبدة

[nana1970]

ام عماد الله يعطيك الصحة ويشفي زوجك اجي معانا في ركن الأيخاء والترحيب
هالولة شكرا على الرد

[ام ايمن و سارة]

السلام عليكم شكرا على الغريبة
شكون البنات اللي كتعرف شي مقادير مظبوطين ديال مادلين اللي في الكويغطات

[nana1970]

انا كنعمل نفس المقادير د الملدلين العادي الي كندير في المول لكبير

[yassmine78]

شكرا اختي هلولة لهلا يخطيك

[yassmine78]

جيبتلكم البنات رابط تحميل كتاب الحلويات ديال شميشة

http://www.lakii.com/img/all/Dec06/Ngh4SG12061919.jpg

اضعط على هد الرابط http://www.badongo.net/fr/file/1042205
وبعد التحميل ولفتح الملف كلمة السر هي:


www.bramjnet.com

((K)) بصحتكم

[خطيره الملامح]

مشكوره اختي على اهتمامك بس الخميره الكيماويه وش المقصود فيها ؟

["أحلم بالجنة"]

دخلت أختي على هدا الربط ما وجدت فيه أي شيء عن شميسة هدا بالنسبة للربط الأول أما بالنسبة للربط الثلني فوجدت فيه منتدى آخر إسمه الغروب

[ام ايمن و سارة]

السلام عليكم شكرا أخت ياسمين
و الخميرة الكيماوية هي البكين باودر

[hananrami]

جيبتلكم البنات رابط تحميل كتاب الحلويات ديال شميشة

http://www.lakii.com/img/all/Dec06/Ngh4SG12061919.jpg

اضعط على هد الرابط http://www.badongo.net/fr/file/1042205
وبعد التحميل ولفتح الملف كلمة السر هي:


www.bramjnet.com

((K)) بصحتكم

merci yassmine شكرا بزاف بزاف على الموقع رائع

[yassmine78]

السلام عليكم بالنسبة للرابط الاول انزلي لاخر الصفحة راه تلاقي مكتوب هده العبارة
: chomicha.rar
Filesize: 2MB
Downloads: 811
Description: chomicha
Direct Link: http://www.badongo.com/fr/file/1042205
من بعدانتظري شوية يعطيك كلمة ويطلب منك تكتبيها فخانةEnter the text above:
بعد متكتبي الحروف اللي عطاك صحيحة قومي بانزال الملف عندك بعد الانتهاء من التسجيل افتحيه سيطلب منك كلمة السر لفتح الملف اكتبي www.bramjnet.com يعني هدا كلمة سر وليس رابط للدخول
الموضوع منقول
ادا واجهتك مشكلة راسليني واللي ما اتمكن من انزاله يراسلني على الخاص وانا ابعثلو الكتاب

[nana1970]

شكرا ياسمين على الرابط الله يعطيك الصحة

["أحلم بالجنة"]

أنا والوا اكتب لي WINDOWS NE PEUT PAS OUVRIR CE FICHIERشنو غدي نعمل

[oumimad]

اختي"أحلم بالجنة المفروض ت telecharger rar est 1logiciel بش يتحل لك الكتاب بسهولة

[yassmine78]

السلام عليكم ان شاء الله تكونوا توفقتو في الحصول على الوصفات
اما انت اختي احلم بالجنة ضروري يكون عندك WINRAR الى ملقتهش راسليني ونصيفظليك الكتاب فيشيي WORD

[nana1970]

ياسمين شكرااااااااااااااااا على المجهود ات المبدولة وفي انتضار المزيد هاهاها طماعين ياك

[yassmine78]

على الراس والعين اختي نانا :D

عندي واحد الفقاص كيجي روعة وبنين مكنعطيه غير للحباب

فقاص بالتمر

المقادير :-r
العجينة :
125 غ زبدة + 3 م كبار سكر كلاصي (سكر بودرة) + 300غ طحين 1/2 كاس ماء زهر

الحشو او العقدة:
1/2 كيلو تمر مفور ومطحون ( مطبوخ على البخار) مضاف اليه1م ونصف سكر كلاصي + 2م قرفة + 1/2 م مسكة حرة (مستكة)+ 2 م كبيرة زنجلان محمر وصحيح (سمسم)

الطريقة :نعجنو مقادير العجينة تم نقصموها الى 4 كويرات نطلقوها مزيان بالدلاك حتي تصبح رقيقة تم ندهن الوجه بعقدة التمر ونلوي العجين للحصول على شكل كوميرة ندخلهم يطيبوا في فرن ساخن على نار مهيلة اي ننقص من درجة الفران منين ندخلوهم الى (160°)
منين نخرجهم من الفران نطليوهم بالشكلاط مدوب ونمرمدوهم في اللوز ايفيلي محمر في الفران ومهرمش شوية او كوكو او (vermicelle) ندخلوهم للتلاجة ببردو من بعد نقطعوهم بموس حاد على شكل دائري او منحرف و بالف صحة وعافيية ((K))

[nana1970]

واو واعر ياسمين الله يعطيك الصحة غنجربو مين يقرب العيد

[yassmine78]

بالصحة والراحة احبيبة ):K عندي اقتراح للبنات كلهم انه كل وحدة فينا تكتب الحلوات اللي كتديرهوم دائما او كتميز بيهم سواء تقليديين او عصريين اشنو رايكم؟((K))

[ام ايمن و سارة]

شكرا ياسمين ان شاء الله

[nana1970]

ياسمين فكرة ممتازة غير كتبي الوصفات بالحمرومن الحسن مع الصور الا ممكن

[oumimad]

ياسمين الله يعطيك الصحة
ياسمين انا عندي نفس المقادير ولكن الطريقة مختلفة نطلقوالعجينة مزيان بالدلاكونحطو اللوزعلى شكل اصابع غلاظ ونلوي العجين عليها يعني تتغلف ونحصتو على كوميرات
ندهن بالبيض الكوميرات من كل جهة ونفندهم مزيان في الزنجلان
كنديرهم في frigoحتى يقساحوا
ويتقطع مثل الفقاص بشرط نستفوهم في طبسيل الفران واقفين باش ملصقش الثمر في الطبسيل كتجي رائعة المنظر و المداق

[ام ايمن و سارة]

السلام عليكم واقيلة كتكلمي oumimad على فقاص الملوك أنا كنديرو كايجي غزال ولكن ماكندهنوش بالبيض كنخليه عادي

[oumimad]

كنعرفو بالفقاسالتمر
جربي دهنيه وفنديه في الزنجلان كيجي رائع

[nana1970]

ام عماد الله يعطيك الصحة

[halloula]

شكرا ياسمين و ام عماد ان شاء الله نجرب في العيد الله يعطيك الصحة نانا على الورقة

[nana1970]

كيف جاتكم هاد الحلوى

[nana1970]

لتحضير العجين المورق اليكن هدا الرابط http://http://www.lakii.com/vb/showthread.php?t=240548

[hananrami]

السلام عليكم و تبارك الله عليكم نانا الحبيبة فين غبرتي
شكون لي بغات حلوى المصابان سبيسياليتي ديال اسفي راه شمشة ملي جات الاسفي حماقت عليها http://www.lakii.com/vb/smile/21_232.gif (http://www.lakii.com/vb/uploader/smilies.php)http://www.lakii.com/vb/smile/21_62.gif (http://www.lakii.com/vb/uploader/smilies.php)

[hananrami]

السلام عليكم هادي طريقة اخىر من حلوى ديال الجلجلان

المقادير
1كيلو جلجلان (سمسم) محمر و مطحون
5 بيضات
2 علب صغار ديال شكلاط بدرة
1 خميرة كيماوية (بيكن بودر)
1 سكر فانيلا لتنسيم
2/1 كيلو سكر سنيدة
2/1 كاس ماء الزهر

الطريقة

يخلط الكل جيدا و يخرج بالبوق من بعد ما تخرج من الفرن تلسق وحدة مع اخرى بالحليب نستلي طايب مثل الكراميل

[hananrami]

هادي طريقة اخرى هههههههههههههههه غاديين تقولو هادي مالها حطت لينا على حلوى غريبة ديال الجلجلان بالشكلاط ههههههههه و لكن هي المحببة عندي http://www.lakii.com/vb/smile/21_133.gif (http://www.lakii.com/vb/uploader/smilies.php)

المقادير:-r
1 كيلو جلجلان محمر و مطحون
3 بيضات
ملعقة قرفة
كاس زبدة مدوبة
2 ونص خميرة الكيماوية
للتزيين
ماء الزهر
و السكر بودرة يعني سكر كلاصي (ههههه)

الطريفة
يخلط الكل جيدا و يعمل على شكل كويرات و يمرر في ماء الزهر و السكر بودرة (كلااااااااصي) و يرص في طاوة مدهونة بالزيت وتدخل للفرن

[halloula]

حنان رامي واش مفيهش الدقيق

[hananrami]

لا الحبيبة ديالي ما فيهاش دقيق كاينة وصفة اخرى بحالها غير هي فيها النخالة ههههههههههههههههه

[ام ايمن و سارة]

شكرا بزاف بزاف أ حنان راني قريت الرسالة ان شاء الله غادي نجربهم بزوج

[nana1970]

شكرا على الوصفات دجلجلان و الشكلاط من دب زنجلان ماباقي يكلس في الدار

[hananrami]

بالصحة و الراحة انانا الى بغيتي نزيدك شي وصفة اخرى مزيدك ههههههههههه

[ام ايمن و سارة]

المشكلة اجا ما ينقي لينا الزنجلان

[ام ايمن و سارة]

المشكلة اجا ما ينقي لينا الزنجلان:eek:

[hananrami]

شديه و غسليه مزيان و عمري عليه الما و غادي يطلع الفوق و الحجر يبقا التحت و هزيه بيدك غير من الفوق و نشفيه هكدا غادي يجيك ساااااااااهل في التنقية

[ام ايمن و سارة]

شكرا راني كندير هاد الطريقة ولكن أنا مشكاكة كنقي الحبة وختها
ننتظر المزيد ولكن باركة من زنجلان ههههااااا غير كنضحك معاك :-M
كلشي مزيان

[hananrami]

واقيلة تكهمتي نقلبوها لوز هههههههههههههههه

[nana1970]

ام ايمن حتي انا ختك كنعطيه غير للوالدة تنقيه بالحق دبا مابقاتش تقشع مزيان المشكل انا حتي العطرية كنقيها ونطحنها في الدار خصوصا الكروية والكامون او غير خليها على الله وخلاص
حنان غير كتبي كلشي اللي عندك وانا نختار بالحق غير لمجربين ياك

[nana1970]

حنان حرام عليك اللوز غالي ولكن ماعليش نصاوبو غير شوية او فين المصبان

[hananrami]

هههههههه نانا المصبان حتى هو فيه غير اللوز و ما ادراكة ما اللوز

[ام ايمن و سارة]

شوفي بغيت شي حاجة الكوكاو حيت عندي محمر ومنقي

[nana1970]

ماعليش حنان ندير غير رابعا ونكتر السكر (الغش ياك)

[nana1970]

ام ايمن عملي بيه بقلاوة

[ام ايمن و سارة]

طلعت لي في الراس البقلاوة
بغيت شي حاجة جديدة

[hananrami]

صباح الخير الحلويات ام ايمن و سارة هانا جبت ليك واحد الحلوى زويييينة ديال كاوكاو و هادشي لي كانعطيكم راه كلهم مجربين و ديال الجلجلان يالله كي كليت واحد الثلاثة كانو في الثلاجة ههههههههههه
حلوى الكاوكاو بالموغانك

المقادير

1 كيلو كاوكاو مقلي و منقي و مطحون
6 بيضات
وقية زبدة
3 كيسان سكر
كاس زيت
شوية ماء الزهر للتنسيم
1 خميرة الكيماوية
1 ساشي فاني

الطريقة

تتخلط جكيع العناصر جيدا و تخرجيه بالبوق على شكل وردة و تزين بالموغانك

[ام ايمن و سارة]

حنان شكرا أش هي وقية

[hananrami]

حنان شكرا أش هي وقية
لا شكرا على واجب اختي حنان
وقية = 50 غرام gramme

[ام ايمن و سارة]

شكرا حنونة دابا عرفت :-M
وفينكم البنات:confused:

[omyassin]

thank you

[omyassin]

ana omyassin mina sweden min fikom ta3rif halawiyat magribia?

[ام ايمن و سارة]

السلام عليكم واش المورانغ كنزوقوه وهي خضرة ولا حتى الطيب
و مني كتكون الطيب ما كتديعش
أرجو الجواب حنان

[oumimad]

marhbabik omyassin

[ام ايمن و سارة]

السلام عليكم وفبنكم البنات
ومرحبا بأم ياسين

["أحلم بالجنة"]

- 250 زبدة
- كاس كبير كوكو مطحون
- كاس كبير سكر
- 4/3 كاس زيت
- 4 بيضات
- 2 اكياس خميرة
- 1 كيس فانيلا
- الدقيق حتى تجمع العجين
يجب ان تكون رخوة

الطريقة

نخلط جميع المقادير و نصنع كرات صغيرة ثم نضعها في خليط كوكو + سكر خشن + فانيلا

و نضعها في صينية للفرن و نضغط عليها بالطابع و تطهى

لما تبرد يمكن تزيينها بخطوط من الشكولاطة

أختي شكرا على هده الحلوة اللي باين عليها لديدة، المشكل أني جيت نصاوبها البارح ما فهمتش واش

غدي نخلط المقادير اللي دكرت كلها حتى الكوكو، حيتاش نتي ما دكرتيش مقادير التزيين بحدها جاوبيني من فضلك

["أحلم بالجنة"]

إدا جات على خاطركم الحدكـات بغيت مقادير الحلوى ديال التمر بالحق تكونوا مجربينها حيتاش أنا

عندي كتاب صنع الحلويات و ما كنتقشي نصاوب منوا

إوا ما تعطلوش عليا أصحباتي راه الضياف جيين عندي لweek end المجي غير خلوها على الله

[nana1970]

على الراس والعين اختي نانا :D

عندي واحد الفقاص كيجي روعة وبنين مكنعطيه غير للحباب

فقاص بالتمر

المقادير :-r
العجينة :
125 غ زبدة + 3 م كبار سكر كلاصي (سكر بودرة) + 300غ طحين 1/2 كاس ماء زهر

الحشو او العقدة:
1/2 كيلو تمر مفور ومطحون ( مطبوخ على البخار) مضاف اليه1م ونصف سكر كلاصي + 2م قرفة + 1/2 م مسكة حرة (مستكة)+ 2 م كبيرة زنجلان محمر وصحيح (سمسم)

الطريقة :نعجنو مقادير العجينة تم نقصموها الى 4 كويرات نطلقوها مزيان بالدلاك حتي تصبح رقيقة تم ندهن الوجه بعقدة التمر ونلوي العجين للحصول على شكل كوميرة ندخلهم يطيبوا في فرن ساخن على نار مهيلة اي ننقص من درجة الفران منين ندخلوهم الى (160°)
منين نخرجهم من الفران نطليوهم بالشكلاط مدوب ونمرمدوهم في اللوز ايفيلي محمر في الفران ومهرمش شوية او كوكو او (vermicelle) ندخلوهم للتلاجة ببردو من بعد نقطعوهم بموس حاد على شكل دائري او منحرف و بالف صحة وعافيية ((K))
ها هو واحد الفقاص بالتمر يجي زوين من اقتراح ياسمين78ويمكلك تاخدي نفس العجين وطلقيه وتعملي دوائرتعمري كل دائرة بالتمر وتطوي للحصول على نصف دائر ة طيبيها ومن تخرج من الفرن لويها في السكر كلاص

[nana1970]

وهادي وحدة اخرى تجي بحال الكيك
3بيضات +كاس سكر يخفق مزيان بالضراب الكهربائي حتي يبياض ويتقال+نصف كاس زيت+كاس حليب سخون وانتي غير كضربي +قليل من القرفة ++ فورص مغربل+ 2 خمارة الزا(فورص زيدي غير شوي شوي حتي الحصوا على عجينة بحال نتاع الكيك)+زلافة من قطع التمر والكركاعمقطع رقيق جدا
دهني صينية من الحسن مستطيلة او مربعة 30/40حيت خاصها تكون رقيقة عاد غدي تطلع شوي
ورشيها بالطحين
حطيها في فرن ساخن ونقصي النار من الطيب دهنيلها الوجه بالشكلاط وقطعيها معينات وحطيها في كويغطات وبصحة

[ام ايمن و سارة]

باينة زوينة المشكلة الطراب خاسر ليq)
واش ضروري الطراب:[MM

["أحلم بالجنة"]

سيري يا nana1970الله يعطيك ما نويا في بالك

[nana1970]

ام ايمن الا ماعمدكش الضراب ضربي غير بالباتر العادي غير هو شوي صعيب خاصك الجهد عملي علاش قديتي )بحال مسكوتة وخلاص)
احلم بالجنة شكرا على الدعاء حتى انت الله يحمر وجهك مع ضيافك

[hananrami]

السلام عليكم واش المورانغ كنزوقوه وهي خضرة ولا حتى الطيب
و مني كتكون الطيب ما كتديعش
أرجو الجواب حنان
السلام ام ايمن و سارة اش خبارك الحبيبة سمحي ليا تعطلت عليك راه جاو عندنا دياف هاد السبت و الاحد ايوا راكي عارفة مع توجاد و الحلاوي بالزربة

المورانغ كايدار فوقها قبل ما دخل الفران حيت حتى هو كايطيب معاها

[yassmine78]

السلام عليكم الحادكات وتبارك الله عليك ا حنان رامي و نانا لكيكة باينة زوينة حتى انا عندي وحدة كتجي كتحمق و كتزداق واخ بالعينين مغمضين ((K))
اما اختي اأحلم بالجنة عندي ليك حليوات ساهلين وبنينين والاهم اقتصاديين وكيخرجوا بزاف وكلهم كنديرهم يعني ماشي ديال الكتوب
باسم الله :

غريبة كوكو

250غ زبدة + زلافة زيت (2 كيسان العنبة)
3 فاني +3 خمارات +1 كاس ونصف سكر + 250غ كوكو + طحين حسب الخليط
كتخدمي الزبدة مع السكر نضيف الزيت الفاني الكوكو الخمارة الطحين شوية بشوية حتى تجمع نديروها على شكل غريبة تم نديرو الوجه في السكر كلاصي فقط اي بدون اي سائل ندخلوها للفران وتطهى من فوق اولا لمدة 15د تم من تحت .من الاحسن ديري نصف المقادير حيت كتخرج بزاف و خاصها العوين
نصيحة : داءما الغريبة نطيبوها من فوق اولا باش كتفكع وكتطيب مزيان )

http://www.lakii.com/vb/smile/1_13.gif (http://www.lakii.com/vb/uploader/smilies.php) حلوة التمر
العجينة 250 غ زبدة +1كاس سكر سنيدة+1بيضة+ الطحين حسب الخليط
العقدة التمر مفور +اصفر بيضة+ 1م ك قرفة+ 1/4 كاس ماء زهر +1م ك زبدة + 1/4م قرنفل + راس م مسكة حرة + شوية زنجلان محمر ومطحون +شوية كاوكاو محمر ومنقي ومطحون (يمكن تعويضه باللوز)
نخلطو المقادير ونعملو منهم حريبلات
نطلقو العجين ونقطعوها بفم كاس على شكل دائري نضع العقدة وسط الدائرة ونتنيها للحصول على نصف دائرة نزقها بالنقاش وندخلوها للفران بمجرد خروجها نديروها في السكر كلاصي
(الا بغيتي يجيك السكر كلاصي كوش قاصحة فوق منها بمجرة متخرج الحلوى وهي سخونة غطسيها كلها فماء الزهر تم في السكر كلاصي)

حلوة كاوكاو

125 غ زبدة
1 كاس سكر سنيدة
1 خمارة ونصف
1 كاس زيت
500غ كاوكاو محمر منقي ومطحون
3م ك قرفة
الطحين حسي الخليط
نخدمو مزيان الزبدة والسكر نضيف الزيت الكاوكاو القرفة الخمارة تم الطحين شوية بشوية حلى تجمع نديروها على شكل غريبة ندخلوها للفران بمجرد متخرج نديروها في السكر كلاصي كتجي هشيشة وبنننننننييييييييييييييييييييينة
http://www.lakii.com/vb/smile/1_31.gif (http://www.lakii.com/vb/uploader/smilies.php)

[halloula]

ههههههههههههههههههههههههه ما بقيتش قدا عليكم الله يعطيكم الصحة وخلاص
بزو بزو عليكم

[yassmine78]

http://www.lakii.com/vb/smile/1_75.gif (http://www.lakii.com/vb/uploader/smilies.php) سمحولي نسيت الكيكة

كيكة الحامض

2 بيضات
1كاس صغير زيت
1كاس صغير سكر
1/4 كاس عصير حامض
2 خمارات
قشور حامضة محكوكة
7 معالق طحين

بالباطور اليدوي اي الفوي ماشي الكهربائي نطربو البيض السكر الزيت الحامض اتم نديرو 1م طحين ونخلطو تم2 ونخلطو وهكدا حتى نديرو7 ونخلطو في الاخير نضيف الخمارة ونخلطو ونديروها في مول مدهون بالزبدة ومرشوش بالطحين
وندخلوهل للفران على درجة 160° لمدة 15 د

للتزيين
1كاس عصير حامض
1/2 كاس ماء
قشور حامضة محكوكة
5م سكر حسب الدوق
1م ونصف طحين
نخلطوهم مزيان بالطراب اليدوي ونديروهم فوق بوطة مهيلة مع التحريك حتى يعقد الكريم نزولوه من فوق العافية ونخليواة يبرد شوية

2) نطربو بالطراب الكهربائي 1 ابيض البيض مع 1م خل +2م ك سكر كلاصي +حامض محكوك +قيصة ملح
( باش ميضعلكش اصفر البيض تقدي تزيديه مع مقادير الكيكة ومتضيفي حتى حاجة اخرى)

منين تطيب الكيكة ديري فوق منها الكريم ديال الحامض تم طبقة من المورانغ زوقي بقشور الحامض معسلين ورجعيها للفران لمدة 10د وقدميها بالصحة والراحة

[nana1970]

ياسمين شكرا علي الوصفات بالنسبة للكيكة د الحامض في لاكريم انا في بلاسط الدقيق كنعمل ملعقة مايزينا

[hananrami]

تبارك الله عليك حتى نتي 78 yassmine الله يعطيك الصحة انا كنحماق على نسمة الحامض ان شاء الله نجربها

[yassmine78]

ياسمين شكرا علي الوصفات بالنسبة للكيكة د الحامض في لاكريم انا في بلاسط الدقيق كنعمل ملعقة مايزينا

بالنسبة للمايزينة او الطحين كيعطيو نتيجة وحدة بجوج مكيبنوش غير كيعقدو لاكريم

[yassmine78]

تبارك الله عليك حتى نتي 78 yassmine الله يعطيك الصحة انا كنحماق على نسمة الحامض ان شاء الله نجربها


غير جربيها حبيبة ومغديش تبقاي تستغني عليها من الدار انا راني تبليت بيها ومرة كنعوض الحامض بالليمون -البرتقال-- بنفس الطريقة غير مكديريش 1/2 كاس ديال الماء وبلاصت اامورانغ كندير الشكلاط مدوب مع شوية ديال الماء كيجي بحال لفيه الجيلاتين- ولكن باش يزداقليك ديري الماء منين يكون الشكلاط مزال بارد اي قبل ميقيس العافية ):K

[زهرة الكاميليا 2007]

تسم الايادي
مع انو بعض المصطلحات مااعرفها

["أحلم بالجنة"]

السلام عليكم و رحمة الله و بركاته

أختي ياسمينة 78 شكرا جزيلا ألحدكة ديالنا، لهلا يخطيك علينا، مقصرتيش من جهدك، أنا والو سوقي

خاوي من ناحية الحدكة، ما عندي ما نخبي عليكم المرأة اللي خدامة هي هدي كن ما كانش المنتدى الله

يجزي الناس اللي فيه بالخير ما كنت نلقى ما نوجد لراجلي. :K)

غير عندي واحد المشكلة من نصاوب الكيكة كطلعلي من فوق و كتبقى مضقصى من تحت ما عرفتشي علاش واش المول ديال الزجاج هو السبب

[halloula]

احلم بالجنة حتى المول له دور استعملي اللي متقوب من الوسط الو الطويل ديال طيفال و حطيه من الفوق

["أحلم بالجنة"]

ان شاء الله اختي نانا انا دابا غادي نبدا بواحد الحوى ساهلة

كويرا ديال اللوز و الشكلاط كتجي لذيذة نتمنى تعجبكم

المقادير
1علبة حليب مركز محلى (مطبوخ=كراميل)
125 غرام لوز مطحون
2/1 بكية بسكوت عادي مطحون
شكلاط مذوب في حمام مريم
كوك = جوز الهند مبشور

الطريقة
تجمع جميع المقادير و نعملها على شكل كويرات و نمررها في الشكلاط او جوز الهند المبشور او لوز مهروش او حبيبات للتزيين حسب الذوق

أختي ما قلتلناش اللوز واش محمر أو مصلوق و شكرا

[sali330]

مرسي اختي نانا اناجربت الكيك ساهل وكيجي لذيذ زدت عليه غير شويا الليمون محكوك جا غزال
الله يعطيك الصحة.

[nana1970]

سالي بالصحة والراحة مليح الي زدتي فيه اليمون راه غير نسيتو حيت كينسم مزيان هو والسكر فانيي

[sali330]

ها واحد الحليوة ساهلة انا كنقدمها فالفطور

حلوى 3 في 3

3 النيضات - 3 كؤوس الزيت - 3 كؤوس سنيدة - 3 خميرة - 1 فاني والطحين حسب الخليط
نخلطو المقاذير كلها ونعملوها كويرات وندخلوها القرن حتي تطيب.
بمكن نعملو في الخليط
- شويا الكوك
- او الزنجلان مهرمش
- او اللوز مطحون
- او قشورالليمون او الحامض
باش ننسمو العجين

كتجي لديدة
جربوها و ردوا عليا الخبار

[nana1970]

وهادي وحدا اخرى لكن بالبيض مسلوق
250غرام زبدة رطبة بحال البوماض
4 صفار البيض مسلوق
125سكر صقيل
1الزا
2فاني+قشور الحامض محكوك ا
الطحين حسب الخليط
قبصة ملح
يغلط الكل ويعمل كويرات مين يطيب نعملوه في الشكلاط مدوب ونزوقوه برقايق اللوز
يجي رائع

[nana1970]

سالي وعلاش ماشي 3فاني هاهاها الله يعطيك الصحة

[sali330]

سالي وعلاش ماشي 3فاني هاهاها الله يعطيك الصحة

3 فاني و زيدي عليهم ختى3 البوسات
مواح مواح مواح
حتى انتي الله يعطيك الصحة وهد الحلوة بالبيض مصلوق غدا نجربها ولكن غير بنصف المقادير حيت عندي الفران صغيور

[hananrami]

اختي احلم بالجنة اللوز تسلقيه و تنقيه(تفسخيه) من بعد قليه في الزيت و طحنيه

[yassmine78]

تسم الايادي
مع انو بعض المصطلحات مااعرفها
سلام عليكم مرحبا بك اختي معنا واي مصطلح غير واضح اطلبي شرحه بكل سرور :)

[yassmine78]

):K العفو اختي احلم بالجنة حنا هنا باش نفيدو ونستفدو من بعضيتنا واي حاجة بغيتيها متترديش الله يدوم محبتنا بالنسبة الكيكة اما السبب من المول او من الفران او كتسخنيه بزاف مكتطيبش علىخاطرها* دائما الكيكة متفوتش 160 درجة ومتحليش عليها الا بعد مرور 15 د.جربي الكيكة اللي كتبت راه كتزداق100 % ;و ردي عليا الخبار

[yassmine78]

((K)) تبارك الله على سالي ونانا على الوصفات. :[MM اول مرة كنسمع بحلوي بالبيض مسلوق الاكيد غديا نجربها ان شاء الله شكرا نانا على الاكتشاف الجديد

["أحلم بالجنة"]

اختي احلم بالجنة اللوز تسلقيه و تنقيه(تفسخيه) من بعد قليه في الزيت و طحنيه

شكرا أختي hananrami

["أحلم بالجنة"]

واخا أللا yassmine 78، لهلا يخطيك علينا ها أنا غدي نجربها و نرد علك الخبر، غدي

نبدل المول و نسخن الفران ب160° و نشوف النتيجة إدا ما اعطتنيش نصيفطها الفران ديال الزنقة

بحال والوا الفران ديال الضو مكطلعشي فيه، سعداتكم كلسين فديوركم و كيبقالكم الوقت فين تجربوا

الوصفات( الله يسعدكم و يدوم عليكم و يرزقم من خير رزقه يارب)

[halloula]

ارجوك احلم بالجنة انت وين لان دنيا تنعدم فيه الثقة بغيت نعرف فين سمحي لي بزاف
و تبارك الله على لحليوات الزوينات

[sali330]

lمساء الخير يا الحادكات.
بغيت مقادير ديال كرواصة
"petit pain au chocolat ou croissant"
الى عندكم الله يخليكم.

مرسي

["أحلم بالجنة"]

أختي halloula أنا من شمال المغرب، "أما عن الدنيا التي تنعدم فيها الثقة".

فيا حبيبتي، فالدنيا التي نعيش فيها لا ثقة فيها، من جهة أن الله قال عليها أنها متاع غرور

و من جهة أخرى، ما نصادفه من صدمات و مواقف لا سواء من الأحباب أو من الأغرباء ( الله يخلص

كلها على قد نيته)

و شكرا أختي الغالية على اهتمامك.

[hananrami]

lمساء الخير يا الحادكات.
بغيت مقادير ديال كرواصة
"petit pain au chocolat ou croissant"
الى عندكم الله يخليكم.

مرسي

السلام عليكم هناك انواع عديدة للكرواصة

I ) كرواصة petit pain au chocolat ou croissant
المقادير
2/1 كيلو دقيق
100 غرام زبدة
1 بيضة
50 غرام سكر(سنيدة)
شوية ملح
2/1 كاس ماء
2/1 لتر حليب
15 غرام خميرة معجونة
للتزيين
2بيضات
شكلاط

الطريقة
1) ناخد ربع مقدار الدقيق في سلطانية(زلافة) +الخميرة+ماء دافيء و نعملها على شكل عجين =نغطيها و نتركها تخمر جيدا.

2) ناخد باقي الدقيق+سكر+شوية ملح و نجمعها بالحليب الدفئ حتى نحصل على عجين +نضيف عليه الخليط الاول( 1)(العجين المتخمر في الزلافة) و نعجن الكل جيدا

3) و نعمل بها طريقة العجين المورق بالزبدة نطلق العجين و نطع قطع الزبدة في الوسط و نطويها على ثلاث طيات و ندخلها الثلاجة 20دقيقة تم نعيد الكرة 4مرات على الاقل 6مرات على الاكثر

و من بعد نعملها على شكل مثلثات صغيرة نضع وسطها قطعة شكلاطة و نلفها على شكل هلالية
او نعملوها على شكل مربعات و نضع الشكلاط في الوسط و نطويها . ترصها في طاوة للفرن +نغطيها و نتركها تخمر جيدا في مكان دافئ لما تخمر ندهنها بالبيض من الفوق و ندخلعا للفرن

["أحلم بالجنة"]

أنقديني halloula ما معنى الدقيق المنخول، واش بالنخالة أو محمر ما

فهامتش جاوبيني راني بغيت نصاوب واح الحليوة هاد العشية و لقيت

فيها دقيق منخول :K)

و شكرا حبيبتي

[nana1970]

الدقيق المنخول هو الدقيق المغربل يعني خدي الغربال وغربليه باش الحلوة تجيك خفيفة وخا حتى كون نقي غربليه من الأحسن2 مرات

["أحلم بالجنة"]

للا NANA1970على سلامتك دخلت المنتدى، نغربلهم بغربال رقيق ياك

شكرا حبيبتي

[oumimad]

حلوة السانوج ديال شميشة

100غ زبدة
200غ دقيق
بيضة صغيرة الحجم
2/1 ملعقة صغيرة ملح
ملعقة كبيرة ماء بارد
ملعقة كبيرة حبة البركة (السانوج)

طريقة التحضير

*يغربل الدقيق مع الملح نضيف اليه الزبدة و يخدم الكل بأطراف الاصابع حتى نحصل على خليط مرمل
*يضاف اليه السانوج. البيضة المطربة و الماء و يعجن الكل جيدا حتى الحصول على عجين منسجم و أملس
*يلف العجين في البلاستيك الغذائي و يدخل للثلاجة لمدة 30 دقيقة
*يخرج العجين من الثلاجة. يمدد فوق طاولة مرشوشة بالدقيق و يقطع بقطاعة صغيرة بأشكال مختلفة
*يصفف البسكويت في صفيحة مغطاة بالورق السيلفيريزي
*تدخل الصفيحة للفرن المسخن على درجة حرارة 180° c لمدة 15 دقيقة
*يخرج البسكويت من الفرن و يوضع ليبرد

كتجي زوينة بالصحة

[nana1970]

ام عماد شكرا الله يشافي زوجك

[halloula]

متشرفين بمعرفتك اختي احلم بالجنة
حبيبتي هو الدقيق المغربل بالغربال او باي شبكة و بالصحة الحليوة اختي
كيف ما كان الغربال عرفتي علاش غير ماش يكون الهوا بين حبيبات الدقيق و ما يتكورش لك
البنيات واش معندناش في السوق الاقماع شفت شي حليوات عند الشرقيات يلوو العجينة على اقماع يعني شي قصيرات بحال الكرني ديال لا كلاص و كيحطوهم في الفرن عاد كيعمروهم اما كيكونو مالحين تعمريهم بالمالح او حلوين تعمريهم بالحلو و الصورة ها هيhttp://www.9m.com/upload/15-12-2006/0.5911801166186113.jpg

[nana1970]

هالولة ويلي مالكي ماكتخرجيش راهم غير هما في السوق غير 10 دريال لواحد انا شريت40 غير سيري عند الي كيبيعو لمراشم د الحلوى

[hananrami]

هلولا الحبيبة راه مجوووووودين عندنا بزاف عند هادوةك لي كيبيعو لي مول et l'emporte pièceو كيتعمرو حتى بالكركاع وكاتجي غزااالة .

[nana1970]

شكون تعطيني شي وصفة دالغريبة داللوز بالحق مجربة هداراه اللوز عنداكو هاهاهاه

[oumimad]

ام عماد شكرا الله يشافي زوجك
يارب امين شكرا اختي لهلا خطيك

[halloula]

نانا و حنان رامي والله اختي ما كنخرج الا للحاجة و زيدون كنمشو لمرجان كنقضي كلشي و كنجي ما بقيتش كنخرج بزاف و هنا في فاس ما بنوش ليا

[sali330]

شكون تعطيني شي وصفة دالغريبة داللوز بالحق مجربة هداراه اللوز عنداكو هاهاهاه

ها هي يا اختي هذه الوصفة ديال ماما"فاسية" و كتجي ديال لهبال

غريبة اللوز

- كيلو اللوز مطحون مع 4 معالق سنيذة
-12 اصفر البيض
- 2معالق الزبذة
-2 خميرة
-2 فاني
-قشرة الحامض محكوك
- 12 معلقة سكر كلاصي
- السكر كلاصي للتفنيد
خلطي السكر كلاصي معالبيض +الزبدة + فاني+ قشرةالحامض عاد زيدي اللوز وفي الأخير الخميرة
عملي منها كويرات و فنديهم في السكر كلاصي و عمليهم في الفرن متوسط الحرارة حتي يطيبو
و بالصحة والراحة
(جربيها غير بنصف المقادير وردي عليا)

[sali330]

شكرا اختي حنان رامي علي الوصفة ديال كرواصة
ميرسي

[sali330]

halloula تبارك الله عليك قولي ليا كاين شي برد في فاس

[halloula]

الموت ماشي البرد شوفي غير النشرة الجوية تعطيك الاخبار البارح راه كانت غير 4 درجات

[halloula]

غريبة باللوز
المقادير :
1كلغ من اللوز
400 غ من السكر القالب المسحوق(تخلط بيها عقدة اللوز)
200 غ اخرى يخلط بيها البيض
2 اكياس خميرة الحلوة
نصف كأس شاي من الزبدة المدابة
ملعقتين صغيرتين من مبشور الحامض
8 بيضات (6 الأصفر فقط 2 كاملتين)
نصف كأس شاي من ماء الزهر
500 غ من سكر كلاصي -قليل من المسكة الحرة
طريقة التحضير :
-يقشر اللوز وينظف تم يخلط ب 400 غ من السكر ويطحن في مطحنة اللوز
-يخفق البيظ مع 200 غ من السكر ويمكن استعمال الخلاط الكهربائي ليتمازج الكل جيدا
-يخلط البيض بالخميرة والمسكة الحرة والحامض المبشور مع عقدة اللوز المطحون للحصول على عجينة متماسكة ومتوسطة الليونة
-تدهن اليدان بماء الزهر ويبدأ العمل بصنع كويرات صغيرة بحجم الجوزة وتفند بالسكر كلاصي
-توضع مسطحة قليلا في صفيحة مدهونة بالزبدة ومرشوشة بالطحين
-تطهى في فرن دافئ وتخرج بعد 20 دقيقة دون ان يتغير لو السكر الأبيض
*وتقدم بالصحة والراحة

[mesnana2006]

مباركة عوشركم

اخوتي شكون منكم تقدر تعطيني مقادير ديال الفقاص المالح وانا في الحقيقة لا اعرف اسمه بضبط

المهم عبارة عن طحين و زعتر وسوداني وزيت ويقطع صغير ويدخل الفرن والله يجازيكم الخير

مبار

[nana1970]

سالي وهلولة شكرا على الوصفة
ميسنانا هاد الوصفة عندي سايني غير نقلبلك عليها

[hananrami]

تبارك الله على هلولة الله يعطيك الصحة

[mesnana2006]

شكرا نانا انا في الانتظار

[hananrami]

mesnana2006 ها هي
مقادير الفقاص المالح

المقادير

2بيضات
بصلة (مشلظة بدون الماء)
4/1 زبدة
شوية ديال الفلفل الحار (لهريسة)
150غرام فروماج محكوك(مبشور)
2 معالق قزبر ومعدنوس
الدقيق حسب الخليط

الطريقة

يجمع الكل و تعمل على شكل عصي رقيقة تقريبا عرضها 1سم وندخلها الثلاجة حتى تقصاح ونخرجوها ندهنوها بالبيض و نقدعوها دوائر وندخلوها الفرن

مجرباها

[mesnana2006]

شكرا اختي الله يعطيك الصحة

[تاجرة موبيليا]

تبارك الله على نانا وخلاصو اللع بعطيك الصحة

[halloula]

mrahba bi tajerat mobilia we mesnana 20065
hanan rami we nana alaafw shabati

[mesnana2006]

اختي حنان هذا الفقاص ما فيه خميرة لا زيت زعما ما يكونش يابس

هلولا شكرا على ترحيبك

[hananrami]

اختي حنان هذا الفقاص ما فيه خميرة لا زيت زعما ما يكونش يابس


اختي mesnana راه فيه الزبدة اش بغيتي زيت و الخميرة بكية و نص (انا ملي جربتها ما درتش لخميرة و جات زوينة ههههههههههههه) و نسيت ليك الملح حسب الدوق بطبيعة الحال لانه فقاص مالح.

[sali330]

مساء الخير يا الحادكات ها واحد الوصفة

فقاص بالزعتر على شكل بالميpalmier

-500 غ دقيق
-200غ الزبدة
-الملح
-ضامةالبنة
- 1 كيري
-50غفروماج محكوك
- نصف كاس الماء
- الزعتر
نخلطو الدقيق مع الزبدة و الملح . نضيف ضامةالبنة -كيري الفروماج محكوك و الماء . تدلك جيدا للحصول على عجين لين و متماسك. يوضعقي الثلاجة 30 دقيقة . يخرج و يورق الى ورقة رقيقة ثم يرش بالزعتر. تلف الورقة المرشوشة للحصول على قضبان . تلف في ورق بلاستيك وتوضع في المجمد لمدة ساعة.
تعد اخراج القضبان من المجمد تقطع الى قطع رقيقةو توضع في صفيحة مزيتة وتطهى في الفرن مدة 15 دقيقة حتى تتحمر.
و بالصحة و الراحة
بمكن تعويض الزعتر بكاشير محكوك او الفروماج محكوك

[mesnana2006]

شكرا اختي حنان واختي سالي علي الفقاص وربي ما يحرمني منكم و نزدكم راني وضعت في قسم الحلويات وحد الكيكة بحرى عملتها سهلة وخفيفة وبالصور

[nana1970]

تاجرة موبيليا ربي يخليك اشنو كاين شي موبيليا
مرحبا بيك اختي

[nana1970]

اختي مسانة راهم الحادكات سبقوني وعطاوك الوصفة تبارك الله عليهم انا الوصفة انتاعي بحال ديال سالي غير كنزيد الموتارد ملعقة ونحيد دامة دالبنة ونزيد السودانية تجي زوينة

[oumimad]

حلوى بالعسل

المقادير

250 غ زبدة +1/2كاس سكر كلاصي +2 بيض+خميرة الحلوى ولافاني +رشة ملح+1كاس كوكو +1كاس كاوكاو مطحون+دقيق
للتزيين : عسل + لوز اوكاوكاو مكسر+ 1او 2 بياض بيضة+ فواكه

الطريقة

نمزج مقادير العجينة كالعادة ونشكلها كويرات نذهنها ببياض البيض ونرشها باللوز ونزينها بالفواكه وتدخل الفرن حتى تستوي ....
لما تخرج نعسلها ونضعها في كواغط الحلوى ........وبالصحة

[hananrami]

تاجرة موبيليا ربي يخليك اشنو كاين شي موبيليا
مرحبا بيك اختي
هههههههههههههههه نانا اختي تلفاتك الموبيليا و تأتيت الدار http://www.lakii.com/vb/smile/21_219.gif (http://www.lakii.com/vb/uploader/smilies.php)

[oumimad]

حلوة باللوز و العسل

--------------------------------------------------------------------------------

المقادير
1كغ من اللوز نصف مطحون و النصف الاخر مطحون خشنة للتزيين
8صفار البيض و يترك بياض البيض للتزيين
500غ من الزبدة ليست ذائبة
18 ملعقة اكل من السكر
خميرة كيميائية مقدار ملعقة اكل واحدة ملعقة صغيرة فانيلا
قشور الليمون
كاس كبير من جوز الهند
ملعقتين من مايزينة
طحين
و عسل للتزيين
كليفية التحضير
يخلط الزبدة مع السكر +صفار البيض+زائد كل المقادير الاخرى و بعدها اضيفي الطحين شيئا فشيئا حتى تحصلي على عجينة متماسكة
شكلي بعدها كريات صغيرة بحجم حبة الجوز تم اغمسيها في بياض البيض و بعدها في اللوز المطحون خشن تم ضعيها في الفرن متوسط مدة 20 دقيقة بعد ذلك اخرجيها من الفرن و دعيها تبرد قليلا و اغمسيها في العسل و بعد اخراجها منه قدميها في صحون و شهية طيبة

ملاحظة صينية لي تضعيها في الفرن افرشيها بالالمنيوم

[nana1970]

شكرا ام عمادعلى الوصفات
حنان قتلتيني بالضحك الله يحفضك

[halloula]

حنانرامي و نانا ضحكتوني نانا خارجين عنيها على الموبيليا لهلا يحوجك اختي

[halloula]

الفقاص بالزبيب و اللوز
5 بيضات كبار
250g من السكر
200g من اللوز
200 g من الزبيب
ملعقة كبيرة قشور الحامض المبشور
1,5 كوب صغير من الزيت
كيلو من الطحين
2 خنيشلت ديال الخميرة
الطريقة:
يخفق البيض مع 250g من السكر _ يقشر 200g من اللوز ويقلى ثم يهرمش _ يضاف اللوز الى البيض والسكر ونضيف ايضا كل من : 200 g من الزبيب _ ملعقة كبيرة من قشور الحامض المبشور _ كاس صغير من الزيت _ ثم كيلو من الطحين_ ثم الخميرة لما نحصل على عجينة لينة نقسمها الى كويرات بحجم الليمونة وتحول الى قضبان توضع على طاوة مدهونة الى ان تتخمر وترتفع ثم توضع في الفرن نصف طهي ...بعد ان تبرد تقطع بالطول على شكل فقاص رقيق وتحمر في الفرن .
و بالصحة و العافية يا لبنيات

[nana1970]

خلية النحل
500غرام فورص ممتاز+قليل من الملح
2بيضات
نصف كاس صغير زيت
نصف كاس سكر
قشور الحامض محكوك
1/2 لترحليب نقص منو كاس صغير
خميرة الخبز
1خمارة كيماوية
يخلط الكل ماعدا الحليب
نضيف الحليب الدافئ حتي الحصول على عجينة قاصحة
نتركها تتخمر ونضيف اليها الحليب وندلكها تم تتخمر وندلكها مرة تالتة مع اضافة الحليب حتي الحصول على عجينة رخوة بحال السفنج خليها تخمر
ندهن صينية دائرية كبيرة -40سنتمر في القطر-
نحط كور صغيرة من العجين متقاربة شيئا ما من تخمر تلسق وتعطي شكل خلية نتركها تتخمر مزيان ندهنها بصفار بيض ونرش فوقها السكر والفانليا ونطيبها في فرن ساخن وبصحة والراحة

[amanarre]

تبارك الله على نانا الله يعطيك الصحة

[nana1970]

شكرا اختي امنار الله يسلمك ويخليك

[mesnana2006]

السلام عيكم يا البنات كيفكم مع البرد غير سمحلي فعوض ما اضع ثلاث معالق زيت في كيكي الاجاص وضعت مقياس زيت ذ وحد كيكة اخرة وغير سمحلي ركم عارف شن تيوقع مل كتكتب و دراري فوق راسك

[halloula]

خليتك زوينةشكرررررررررررررررررررران
و انا عندي الخلية في شكل اخر

[nana1970]

اوفينا هي الخلية انتاعك هالولة ياك ما عامرا نحل عطينا غير العسل والله يهنيك بالشهد

[halloula]

الشهد هو كلشي نانا راك سخية ههههههههههههههههههههههههه

[sali330]

تبارك الله عليكم با الحادكات انا واقيلا ما بقيتش غندخل لركن الحلويات والا مشي غدي نغلاظ غدي نولي غـــــــــــــولـــــــة هاهاهاهاهاها

["أحلم بالجنة"]

الحدكـات: هلولة، نانا، سالي، ياسمين،.........إيوا العيد قرب فينهم شهيوات العيد، يالله اجتهدوا، و أنا نعاونكم، قولولي بياش غدي تعاونين غدي نقولكم بأسئلتي الكثيرة هههههههههههه

[mesnana2006]

http://img12.picsplace.to/img12/1/Image041_000.jpg

[mesnana2006]

كيف جاكوم تطبيقي للفقاص المالح انا صراحة اعجبني المداق بزاف ولهدا كنشكر جميع الاخوات لاني اخدت من كل المشاركات وطبقت و جا رائع
السلام عليكم

[halloula]

مسنانا ولكن هدا اللي في الصورة غليض ماشي رقيق خصو يكون رقيق

["أحلم بالجنة"]

عندها الحق الأخت هلولة هو كيجي قد المربعات ديال البارشي (لعبة يلعبها الرجال هل عرفتها)

[mesnana2006]

اختي هلولة اناحاولت نقطع صغير لكن هو تنفخ في الفران اضافة الى انه فيالطبيعة كيضهر صغير من هاكاك ومتنسش راه اول مرة كنصوبه وشكرا على الملاحظة

[oumimad]

bravo allah ya3tek assaha

[mesnana2006]

يشفي
شكرا اختي الله يشفي زوجك ومرضى المسلمين كافة اجمعين

[oumimad]

شكرا اختي

[nana1970]

ميسنانا الفقاص ديالك خاصو شوي اللون انا اقترح تزيدي شوي تحميرة اومطيشة د الحك

[nana1970]

اختي سالي غير سالي على خاطرك حيت حتى ابالسؤال يمكلك تساهمي على الأقل كتفكرينا الا كنا ناسيين شي وصفة

[mesnana2006]

اختي نانا اللون اللون كان مبهش هذك غير الكاميرازايدة الضو اخواتي هل شي واحد سبقله قدم هذا الوصفة فالمنتدي ولا لا حتاش بزاف ديال الاخوات مكيدخلش لهذا الركن وبغيت الفائدة تعم على الجميع خصوصا اذا كتبت بالعربية

[sali330]

اختي نانا انا راني ديما هنا

[sali330]

mesnana راه كاينين الوصفات ديال الفقاص فيالصفحات الاولى ديال هذا الركن

[oum rim]

جيبتلكم البنات رابط تحميل كتاب الحلويات ديال شميشة

http://www.lakii.com/img/all/Dec06/Ngh4SG12061919.jpg

اضعط على هد الرابط http://www.badongo.net/fr/file/1042205
وبعد التحميل ولفتح الملف كلمة السر هي:


www.bramjnet.com

((K)) بصحتكم
شكرا لك على الربط ولكن مع الاسف لم اجد شئ هلا شرحت الطريقة بوضوح اكثر

[oum rim]

كيف جاتكم هاد الحلوى
راعة الله يعطيك الصحة ولكن هلا شرفتنا بالمقادير والكيفية

ولك مني الف شكر

[halloula]

هلا هلا بام ريم نورت الركن اختي و مرحبا بك
عندي بنت اخوية اسمها ريم حلوة حلوة و كنبغيها

[halloula]

شوفي مسنانا تبارك الله عليك مللي اول مرة و لكن تاني مرة غدي يكون احسن انا ما قريتش كيف درت و لكن جاني بحال الى عملتيه في الثلاجة حتى قصاح عاد قطعتيه هديك الطريقة خايبة انصح البنات يطيبوه نصف طهو و خليه يتنفخ على خاطرو و لما يبرد نقطعو رقيق و عاد نحمرو كيجي غزال
انا زعمة هي السيدة ليلى تعقلو عليها اللي كانت في الراديو كتعطي نصائح هههههههههههههههههههه

[nana1970]

السيدة ليلى اه سمحيلي هالولة الله يعطيك الصحة ويخليك لينا ديما تعطينا النصائح

[nana1970]

ام ريم مرحبا بك
الحلوى عبارة عن عجين مورق يبسط حتى يصبح سمكه1سنتم يقطع دوائر لما ينضج يترك حتى يبرد وتلصق واحدة مع الأخرى بالكريما الطرية مخفوقة مع السكر والفانليا

[halloula]

برافو عليك نانا انت و الله من القلب كنقولك انك كوردون بلو (حادكة ) و تبارك الله عليك كون تشوفي خوتي مساكن واخدين غير المعكزة على ختها كيبقاو حتى ليلة العيد و يمشيو يشريو الحلوى من الباتسري
شوفي خمسة و خميس عليك

[mesnana2006]

هالولة عندك صح فحال لقلت احسن يطيب نص طياب عاد نقطعه باش يكون تقطاع سهل ونقدر نتحكم في الحجم

[nana1970]

اووووه ياهلولة انا تهرقت شكوون غيجمعني


شكرا هالولة انا ختك اختك الكوزنا عندي في الدم ادمان وحتى بعد المرات مين نمشي نشري كيأنبني الضمير كنقول في راسي مالني معوقة ناكل هاد الشي دسوق يعلم الله شكون كيخدمو وفين كيحدي هاهاها انا عندي نوطتي استادة جامعية وعمرها ماشرات شي حاجة من السوق
حتى انت هالولة باينا عليك حادكا والا ماكنتيش دخلتي لهاد الركن لمرا خاصها تكون جايبا راسها من كل حاجة كان كنت كنت في بلاسط خوتك كان جريت عليهم شنو هاد الزواج مين الراجل ما يكلش ميدين مراتو قليهالهم بالحق الله يعطينا زهر الخايبات

[lolla_82]

السلام عليكم أ الحادكات
سبحان الله بحرا أول مرة دخلت لهاد الركن وتلاقيت مشكلة فl'informatique تابعاني خخخخخخخخ
تبارك الله عليكم وصافي

شكرا لك على الربط ولكن مع الاسف لم اجد شئ هلا شرحت الطريقة بوضوح اكثر
أختي oum rim
مني تدخلي بداك الرابط غادي تلقاي واحد البلاصة لتحت بحال هاد الصورة
http://karouach.googlepages.com/Sanstitre-1.jpg
غادي تكتبي هادوك الحروف لي غايبانو ليك بحال فهاد المثال
PDPG
من بعد كليكي على Download Your File Here
وراه غايبدا téléchargement
مني يسالي غاتمشي للملف لي تيليشارجيتي من بعد غادي تفكي الضغط عليه
خاص يكون عندك Winrar
غادي يطلب منك mot de passe
كتبي ليه www.bramjnet.com (http://www.bramjnet.com/)
صافي وغادي يمكن ليك تقراي الكتاب