اسكندريه رايح جاي؟؟؟؟؟؟ طلب خاص من الاخوات المصريات السكندريات

[دعوة للتفاؤل]

:-D السلام عليكم ورحمه الله وبركاته:-D

انا ليا طلب صغير ياجماعه منكم اللي تعرف حد بيبع كتب الاشغال اليدويه في اسكندريه ومش شرط

تكون جديده طبعا يعني:[]L

بس ياريت تعرفوني العنوان او الشارع اللي تعرفه:-D

ولكم جزيل الشكر مني وميحرمنيش منكم يارب :-M

انا طلبت من النبات اسكندريه لاني مش بروح القاهره خالص :[]L

يارررررررررررب تردوا عليا :ss:

[دعوة للتفاؤل]

16 زياره ومفيش ولارد عليا
طيب قولولي ربنا يوفقك
اي حاجه شجعوني مش تسبوني كده
انا زعلاننننننننننننننننننننه

[ريحانة عربية]

أوعى تزعلى حبيبة قلبى ...أنا عندى فكرة لو عندكم مكتبة مبارك ومشتركة فيها أو أحد من أقاربك ممكن تستعيرى منها كتب كتيرة كتب بتجنن من كثرة الأعمال اللى موجودة فيها أو شوفى أى مكتبة تكون غنية بالكتب الفنية وأستعيرى منها ..أتمنى ان أكون أفدتك

[أم عبد الرحمن2]

في شارع النبي دانيال عند البائعين اللي فارشين بالكتب القديمه
عند اللكياني اللي بيبيع خيوط أوعند واحد في شارع اللاجتييه في الأبراهيمية أمام كاربتسيتي

[دعوة للتفاؤل]

الاخت ريحانه
انا مش زعلانه ومش اقدر ازعل منكم هي كانت ساعه زهق وخلاص راحت لحالها
بس لاسف انا مش مشتركه في مكتبه مبارك وهي مش موجوده عندنا
شكرا علي الردك الكريم يا حبيبتي

[دعوة للتفاؤل]

الاخت ام عبد الرحمن
شكرا علي الرد وجزاكي الله كل الخير
شارع النبي دانيال انا عارفها وعارفين البايعين اللي هناك بس مش اشتريت اي حاجه منهم
اما بخصوص شارع لاجيته في الابراهيميه انا عارفه بس مش عارفه فين كاربت سيتي ده
انا اعرف الشارع وفيه واحد بياع كتب بس عند سنتر مينا
ومين بقي اللكياني اللي بيبيع خيوط
انا اللي اعرفهم هناك في المنشيه وزنقه الستات مكاني المفضل وسط محل الخيوط
شكرا ليكي جداااااااااااااااا
واكون شاكره لو وضحتي ليا استفساراتي
جزاكي الله كل الخير وربنا يخلي ليكي عبد الرحمن

[مرات اجمل زوج]

دعوةللتفاؤل بصى ياحببتى فى محل فى جرين بلازا شوفت عندة كتب اشغال منزلية كتير
وكمان فى المول الجديد الى فى سان ستيفانو تعالى واوديكى
سلام ياقمر اسكندرية

[rory2006]

عارفه كمان فين يا اختى فى محطه الرمل عند بتوع الكتب اللى فى شارع صفيه زغلول

[rory2006]

عارفه كمان فين يا اختى فى محطه الرمل عند بتوع الكتب اللى فى شارع صفيه زغلول

[دعوة للتفاؤل]

الاخت العزيزه مرات اجمل زوج
شكرا ليكي علي ردك
جرين بلازا انا اعرفه واعرف مكانه بس الصراحه مش دخلته
وكمان ستيفانو شوفته برده بس كل ما اشوفه اقول هو كبير كده ليه؟هههههههه
انا متشكره جداااااااا لكلام الحلو ده
طبعا اسكندريه اجمل واجدع ناس
شكرا ليكي بس انا مش اسكندريه بس بروح هناك كتيرررررررررررررررر
وانت اللي قمر اسكندريه

[دعوة للتفاؤل]

الاختrory2006
شكرا ليكي تصدقي مجاش في بالي شارع صفيه ومحطه الرمل
علي العموم شكرا انك فكرتني يا عسوله

[دعوة للتفاؤل]

نسيت اقولكم مش شرط اللي من اسكندريه هو بس اللي يرد يعني
المهم اللي يعرف اي مكان

[أم عبد الرحمن2]

:confused: في شارع النبي دانيال عندبياعين الكتب القديمة
:[]L في شارع اللاجتييه واحد فارش بكتب ومجلات امام كاربت سيتي

[أم عبد الرحمن2]

كاربت سيتي على اليمين وانت جايه من الترام امام السوق الصيني
اللكيان في المنشيه بس بعيد عن الزنقه خالص افتكر انه عند الشارع اللي يباع فيه الستائر

[دعوة للتفاؤل]

جزاكي الله خيرا
يا ام عبد الرحمن

[rory2006]

جزانا واياكى يا قمرانتى اللى عسل

[دعوة للتفاؤل]

والله ياام عبد الرحمن انا مش عارفه اقولك ايه بس جزاكي الله كل الخير

[جيهان كمال]

لليكيان فيه فرعين واحد فى شارع فرنسا و الثانى فى صلاح سالم و اعتقد انك حتلاقى فى لليكيان اللى فى شارع صلاح سالم و الاكثر حتلاقى عند بتوع الجرايد اللى فى محطة الرمل امام بتاع الفشار

[دعوة للتفاؤل]

الاخت جيهان كمال
جزاكي الله كل الخير

[egbareya]

السلام عليكم

معلش حبيبتى انا ما قريت موضوعك الا الان وان شاء الله أفيدك ..............

بصى بقى فى شارع الاجتيه عند المول ح تلاقى واحد بتاع جرايد ده عنده مجلات للكوريشيه وسعرها كويس

أما فى النبى دانيال ممكن تلاقى بس مش اكيد لكن أعملى محاوله .....................

أما فى سعد زغلول مكتبه دار المعارف ودى الكتب بتعاتها غاليه شويه ..............

لكن فيه دار الكتب المصريه أمام دار المعارف على الرصيف اللى فيه محل كوان دور

ده فيه كتب كتتتتتتتتتتتتتتتتتتتتتتتتبر أوى وح تعجبك وسعرها كويس ..............

أما لوحبه ألوان وادوات للاشغال اليدويه ففيه مكتبه برضه فى سعد زغلول لكن وأنتى راحيه على سنترال

المنشيه وأسمها( جادو ) دى بتبيع أدوات كثثثثثثثثثثثثثثثيره جدا بتاعه الاشغال اليدويه

أما لو كنت من محرم بك زى .................

ففبه مكتبه أسمها السعدونى دى بقى وانتى راحيه على محطه مصر فى شارع محرم بك
اللى فيه التروماى ................

وأن شاء الله أكون أفتك........................

[دعوة للتفاؤل]

جزاكي الله كل الخير يا اختegbareya
انت فعلا افداتني جداااااااا

[nour_ymohamed]

بصراحه انا من البلد دي بس معرفش حاجه
اسفه مش عارفه افيدك

[دعوة للتفاؤل]

الاخت nour_ymohamed
شكرا علي مرروك وردك

[جدتى]

حتلاقى كل اللى عاوزاه عند ليلكيان اللى فى شارع صلاح سالم سواء كتب ومجلات او خامات

[bosy_md]

السلام عليكم ورحمه الله وبركاته
شكرا ليكي يا اخت جدتي
بس انا مش اعرف شارع صلاح سالم
ياريت تعرفوني اوصل ليه ازاي؟
وجزاكم الله كل الخير

[دعوة للتفاؤل]

جزاكي الله كل الخير يا اخت جدتي
بس المشكله اني مش اعرف شارع صلاح سالم
علي العموم ميرسي

[دعوة للتفاؤل]

السلام عليكم

للرفع

[دعوة للتفاؤل]

للرفع يمكن حد من اسكنرده يفتكر حاجه
او حد سجل جديد