>>>>في ضيـــافة أم أيمــوني<<<<< [الأرشيف]

وعود الخير

18-10-2006, 12:38 PM

السلام عليكم ورحمةالله وبركاته

مضيفتنا اليوم
مضيافة
مشهورة باطباقها
بصراحة احياناً يدي تمتد محاولة لخطف بعضا منها
نصفها سوري ..لذا سنستمتع ببعض الأطباق السورية الشهية

اطلت الحديث ...
لكن.....
مضيفتنا بانتظارنا

أم أيموني......
نحن على وصول...
و
السلام عليكم ورحمة الله وبركاته.

memo83

18-10-2006, 01:00 PM

بالانتظار يا ام ايموني

دموع مـهـ جرــا

18-10-2006, 01:28 PM

يلا نحن في الانتضار

وعود الخير

18-10-2006, 02:43 PM

الصبر يا اخواتي
فام ايموني تعد لنا سفرة معتبرة

العربية المسلمة

18-10-2006, 05:44 PM

في الانتظار .

أم أيموني

18-10-2006, 09:00 PM

أهلا وسهلا بضيوفي الكرام .. راح تشرفوني اليوم ..بس يارب سفرتي البسيطة والمتواضعة تعجبكم وتنال على رضاكم ..

بعرف إني جوعتكم .. بس معلش عشان أحلل سفرتي ..

شرفتوني كمان مرة ويلا ع السفرة قبل ما يبرد الأكل ..

هاي شكل السفرة ..

http://www.lakii.com/img/all/Oct06/7SnpHE10181112.jpg

طبعاً لازم أول إشي يكون ع السفرة التمر .. وهاد نوع التمر إحنا بنعشقوا لأنو طري وطيب وبيقولو معسل (بيطلع منو دبس) وعليه سمسم محمص ويانسون ..

http://www.lakii.com/img/all/Oct06/pm1kZM10181113.jpg

وثاني شي مافي بعد عصير قمر الدين على سفرة رمضان.. وأنا بعملو إما بجيب قمر الدين الشرحات الجاهز وبنقعو أو بنقع حبات مشمش وبعملها عصير قمر الدين ..

طبعاً بنقعوا قبل بيوم في ماء ساخن وبحط معو نص ملعقة سكر كبيرة وثاني يوم بضربو بالخلاط حتى يتجانس إذا بدو ماء بزيد وبحط عليه ملعقة صغيرة ماء الزهر بيعطي نكهة طيبة ..

http://www.lakii.com/img/all/Oct06/Nl0i6L10181113.jpg

المقبلات .. طبعاً السمبوسة والسمبوسك والسبرنغ رولز ....إلخ دايما لازم يكونو مزينين السفرة.. وهاي السمبوسك شغل إيديا وحياة عينيا وبالشام بيقولولها برك .. عاملة منها باللحمة والجبنة والبطاطا المهروسة ..

http://www.lakii.com/img/all/Oct06/n7DrK210181111.jpg

مقادير العجينة:
3 أكواب طحين - 3 ملاعق كبيرة زيت ذرة أو دوار الشمس - رشة ملح - نص ملعقة بيكنج باودر - نص ملعقة صغيرة بودرة الثوم - 1 بيضة - كوب (مش مليان ماء فاتر)

الطريقة :
تعجني المقادير كلها مع بعض كتير منيح .. ثم تقطيعها عدة قطع وتكوريها كور وتبلشي ترقي كل كورة بالشوبك وبالقطاعة (يعني يكون حجمها وسط) قطعي وحطي الحشوة وسكريها زي القطايف وممكن تعمليها زي الصورة أو تسكري أطرافها بالشوكة ..

الحشوات:
1- باللحمة (بصل مفروم /لحمة مفرومة/بهارات -ملح-مكعب ماجي-فلفل أسمر/ صنوبر مقلي ويعصجو على النار )
2- جبنة فيتا ( الجبنة مع زعتر (تبع الأكل اللي معو سمسم) مع شوية سماق ورشة زيت زيتون)
3- البطاطا ( بطاطا مسلوقة ومهروسة تقلب مع بصلة على النار وشوية كزبرة ناشفة وملح وفلفل أسمر وكمون ولازم طعم الكمون يكون ظاهر)..

الحمص..

كتير طيب ع الفطور وإحنا كتير منفضل يكون ع السفرة .. وعندنا مطعم مشهور كتير بيعملو وبيحط معو بصل وزيتون . فأنا بحاول أعمل زيو بس يمكن الشكل نفس الشي بس الطعم مش ممكن يطلع زيو من كتر ماهو زاكي ..

http://www.lakii.com/img/all/Oct06/jMibuV10181110.jpg

والبصل لازم يكون مع الحمص وإلا ما ينبلع..

http://www.lakii.com/img/all/Oct06/smnFPD10181112.jpg

مقادير الحمص:
كوب حمص منقوع ليلة كاملة مع نص ملعقة صغيرة بيكربونات الصوديوم
ربع كوب طحينة
ملعقة كبيرة أو أكثر عصير ليمون (حسب ما تحبو حموضتها)
فص أو 2 ثوم مدقوق
شوية ملح - شوية كمون
ماء (عشان تطري الحمص)

الطريقة:
نسلق الحمص مع شوية ملح حتى يستوي منيح ونحتفظ بشوية من مية الحمص
هلأ بالخلاط نهرس الحمص مع الثوم والليمون والملح والطحينية ومية الحمص وكمون حتى يصير قوامة متماسك (انا بحبو شوي طري) ..يقدم مزين بحبات الحمص وزيت الزيتون..

الفتوش..

سيد السفرة الرمضانية .. كتير إحنا منفضلو عن باقي السلطات وأنا بعملو بطريقة كتيييييييييير طيبة وبتشهي وبصراحة .. مميزة

http://www.lakii.com/img/all/Oct06/dopqJF10181112.jpg

يمكن يكون الشكل عادي بس المكونات رهيبة.. وهي

المقادير: (إنت على كيفك وحسب الكمية)

بقدونس - نعناع- بقلة - فليفلة حمرا/برتقالي/صفرا/خضرا - خيار - خس إفرنجي (وهاي أول ميزة) - رمان مفروط (وهاي تاني ميزة) - شيري توميتو (البندورة الصغيرة) وهاي ثالث ميزة - فجل - بصل أخضر ..

الصلصة :
ثوم مدوق - دبس رمان - ملح - كمون - سماق - زيت زيتون (حركيهم منيح وحطيهم على الفتوش) ورشيه الخبز المقلي ..

الشوربة..

شوربة خضار مع دجاج وشوفان.. بصراحة نصها شفتو مرة والباقي من عندي (يعني عملت عليها إضافات كتير)

http://www.lakii.com/img/all/Oct06/tdSGP810181110.jpg

مقاديرها:
زبدة - بصل مفروم - بروكلي مقطع صغير - حبات فطر مقطعة صغيرة - ذرة مفروطة - شوفان -دجاج مسلوق ومنتف- مرق الدجاج المسلوق - حليب وكريمة - ملح - فلفل أسمر - أعشاب عطرية (حبق-ريحان-زعتر-روزماري) - عصير ليمونة

الطريقة:
نحمي الزبدة في طنجرة صغيرة ونحط عليها البصل والبروكلي والفطر والذرة ونقلبهم .. ثم مرق الدجاج والحليب والكريمة ونتركهم يغلو شوي بعدين الدجاج والشوفان وآخر شي الأعشاب العطرية .. ونحط الليمون ونتركها تغلي غلوة ونطفي النار عليها ...

أم أيموني

18-10-2006, 09:21 PM

الطبق الرئيسي ( اللي قبل كلو كان نقرشة)..

فتة الدجاج ..

وأعتقد مافي حدا هلأ ما بيعرف فتة الدجاج لكن تختلف طريقتها من شخص لآخر ..

http://www.lakii.com/img/all/Oct06/peKLIw10181110.jpg

المقادير:
دجاجتين مسلوقين وعليهم جميع بهارات السلق (قرفة/ورق غار/الحبة الحلوة/مسمار/هيل /يانسون/فلفل حب/ملح /ماجي مكعبين ) مشيول عنهم الجلد والعظم
2 كوب أرز بسمتي مغسول ومنقوع ومطبوخ مع بصلة صغيرة ومرق الدجاج المسلوق ..
رغيفين خبز مقطع مكعبات ومقلي
5 علب لبن زبادي أو 1 كيلو
3 فصوص ثوم كبيرة
1 عصير ليمونه
3 ملعقة كبيرة طحينية
مكسرات مقلية (كاجو-لوز-صنوبر)
بقدونس مفروم
كوب من مرق الدجاج المسلوق

الطريقة:

في الخلاط نضع اللبن والثوم والليمون والطحينية وشوية ملح ونضربهم منيح حتى يصير عندنا زي عصير اللبن ..
هلأ في جاط التقديم بتحطي الخبز المقلي و بتسقيه بماء الدجاج.. ثم نضع فوقه الرز الأبيض المطبوخ مع بصلة وبتصبي عليه اللبن بحيث إنو يغطي الزر ويبلبلو منيح .. هلأ صفي الدجاج فوق الأرز وزينية بالمكسرات والبقدونس .. وبس كتيرسهلة .. صح !!

الكفتة..

عشان السيد أيموني ما بحب طبخات اللبن عملتلو كفته عشان الأفندي ياكل .. والله جيل آخر زمن

http://www.lakii.com/img/all/Oct06/ApfYdX10181111.jpg

مقاديرها..
1 كيلو لحمة مفرومة - 2 حبة بصل وسط مفرومة ع الناعم ع الآخر - 2 حبة ثوم مدقوق - نص ضمة بقدونس مفروم - شوية كزبرة مفرومة - ملح /فلفل/بهارات/كمون/قرفة - بندورة مقطعة دوائر ..

الطريقة :
نخلط جميعاً ما عدا البندورة ونرصها في صينية ونحط عليها البندورة كزينة ونضعها بالفرن حتى تنضج وتنشف ميتها (بس هون نشفت ميتها كتير ..الكفته نفسها نشفت شوي) ...

شو ... لهلأ كيف سفرتي .. شبعتو ولا لسه .. يلا خلو مكان للحلو والقهوة......

أم أيموني

18-10-2006, 09:38 PM

ريتو صحة وألف هنا ياربي .. يلا إتفضلو على الصالون حتى نتقهوى ونتحلى ..

بالعادة بحب أعمل قهوة الهيل العربية .. بس القهوة التركية أوجه .. وبعدين هاي قهوتي واصلتني فرش من سوريا وقلت لازم اشربها لحبايبي بنات لك ..

وشوفو كيف لسه بخارها بيطلع .. حتى دولة القهوة (ركوة القهوة) من الشام .. عليها طعم للقهوة مش طبيعي وعن جد غير باقي الركوات حتى زوجي ما صدق إلا لما ذاقها وعن جد حس بفرق الطعم ..

http://www.lakii.com/img/all/Oct06/vCD96T10181116.jpg

وهاي الحلو يا حلواااااااااااااااااااات .. عيش السرايا .. طريقة هنودة مع إحترامي لطريقتها بس انا هون غيرت شوي ..حطيت التوست كامل بس حمصتو وسقسقتو بالقطر .. وعلى الوجه حطيت قرفة مع المكسرات.. وخليط القشطة حطيت بدال النشا طحين.. وشوية ماء زهر....

http://www.lakii.com/img/all/Oct06/5uWc4X10181228.jpg

وهاي مع القهوة ..

http://www.lakii.com/img/all/Oct06/GScrbV10181115.jpg

وهاي بعد التقطيع وشو كيف طرف التوست مبين .. ويلا يا حلوات هاي قطعتها والبيت بيتكم إنت مش غرب كل وحدة تقوم وتاخد صحنها مع قهوتها...

http://www.lakii.com/img/all/Oct06/06Ea6U10181117.jpg

وهاد رابط الطريقة للغالية هند..

http://www.lakii.com/vb/showthread.php?t=153397&page=4&highlight=%C7%E1%D3%D1%C7%ED%C7

وريتو ألف عافية .. آنستوني وشرفتوني .. وبالله عليكم اتعيدوها .. ويا مليون أهلا وسهلا ..

دموع مـهـ جرــا

18-10-2006, 10:49 PM

ما شاء الله على سفرتك يا أم أيموني

كل اكلاتك طيبه وزاكيه

ويجعلها سفرة دائما عامرة

الامل الجميل

18-10-2006, 10:50 PM

ما شاء الله تبارك الله سفره معتبره الله يديمها دايما
اكل طعامكم الابرار وصلت عليكم الملائكه وذكركم الله فيمن معه
ما شاء الله روعه وان شاء الله بدي اساوي البرك لان بجد ما بنسى طعمتهم لان كل نزله على سوريا لازم اكل منهم
وبعدين مره صديقتي عزمتني على مطعم مشهور بالحميديه اكلت فته عنده يا سلاممممممممم
مابعرف اذا بتعرفي من زمان
بس سفرتك روعه والصحون بجننووووووو

* ام اشرف *

18-10-2006, 11:06 PM

سفرة دايما ان شاء الله

ماشاء الله عليك اختي ام ايموني

كل الاطباق روووووووووعة بارك الله فيك

تسلم ايديك يارب

وكل عام وانتي بخير

النظرة الواعية

18-10-2006, 11:12 PM

ما شاء الله السفرة جميلة كثيييييييييييييييييييييييييييييييييييييير و تسلم ايديكي اختي
الله يبارك فيك و في عيالك و في بيتك و يحفظك يا رب

RAWAD

18-10-2006, 11:17 PM

ما شاء الله
تسلم ايديك يا ام امونى ..
سفرة بتشهى
كل الاصتاف رائع
و الاكل الشامى لا يعلى عليه (هذا كلام زوجى )

اكل طعامكم الابرار وصلت عليكم الملائكه وذكركم الله فيمن معه
مشكورة يا غاليه

ماماحميدة

18-10-2006, 11:40 PM

بسم الله الرحمن الرحيم

سلام عليكم ورحمة الله وبركاته
الله ما اشهي هالروائح الزاكية ام ايمون لو بتعرفي قديش بحب اكل السوري
وهلق حضرت الدجاج وقايمة اعمل الفته للافطار :)
وسفرتك ماااااااشاء خلص كل يوم بحضر نوع زمان وبدي طريقة الاكل السوري
البرك وفته البتنجان والاوزة بروح خصوص عسوريا
قد مابحب اهلها وطبخهم الطيب واستقبالهم المميزةوالعزيمة الي من القلب
على فكرة الي اهل ومعارف كتير بزورهم وبيزوروني شي بنزل لبنان واكتر مرة انبسطت
من سنتين قضيت تلات تيام برمضان من العمر مابنساهم ,,
اكل طعامكم الابرا وصليت عليكم الملائكة وذكركم الله فيمن عنده

وكل رمضان وانتي سالمة

أم فئ

19-10-2006, 12:54 AM

يسلمو ويعطيك العافية :)

juri

19-10-2006, 12:55 AM

ما شاء الله
فعلا الكل الشامي لا يعلى عليه
تسلم الايادي
وان شاء اله سفره ديما

om ayoub

19-10-2006, 06:35 AM

ماشاء الله عليك اختي ام ايموني

كل الاطباق روووووووووعة بارك الله فيك

تسلم ايديك يارب

وكل عام وانتي بخير

fantasy

19-10-2006, 07:53 AM

ماشاءالله اطباق رائعة وسفرة دايمة يا رب على طول
ممكن سؤال في طبق فتة الجاج شي هية الحبة الحلوة ما فهمت
تسلم يديكي وكل عام وانتي بخير:)

غزل_m

19-10-2006, 08:19 AM

الله يعطكي العافية سفرة رائعة

#جاردينيا#

19-10-2006, 01:19 PM

مشكورة ام ايموني سفرة دائمة ان شاء الله

جوانا @

19-10-2006, 01:35 PM

يسلموا اختى على السفرة الطيبة
والله الاكل مشهى وشكل شغلك نظيف .........وانا اموت فى المطبخ السورى
من اول وصفة للاخر ................. وخصوصا القهوة التركى والحلى
يااااى الله يعطيك العافية
وكمان الشرح كان .........توب
ووافى
ان شاء الله بطبق الوصفات وحده ور ا التانية
ويسلمو

أم أيموني

19-10-2006, 07:18 PM

ما شاء الله على سفرتك يا أم أيموني

كل اكلاتك طيبه وزاكيه

ويجعلها سفرة دائما عامرة

تسلمي ياربي هاد من ذوقك .. ويا 100 أهلا وسهلا..

أم أيموني

19-10-2006, 07:22 PM

ما شاء الله تبارك الله سفره معتبره الله يديمها دايما
اكل طعامكم الابرار وصلت عليكم الملائكه وذكركم الله فيمن معه
ما شاء الله روعه وان شاء الله بدي اساوي البرك لان بجد ما بنسى طعمتهم لان كل نزله على سوريا لازم اكل منهم
وبعدين مره صديقتي عزمتني على مطعم مشهور بالحميديه اكلت فته عنده يا سلاممممممممم
مابعرف اذا بتعرفي من زمان
بس سفرتك روعه والصحون بجننووووووو

الله يديمك ويحفظك .. وعن جد البرك بالشام لا يعلي عليها .. ومافي ولا مطعم بيخلى منها ..

إن ما خاب ظني إنت رحت على مطعم أبو العز ... جلستو بتاخذ العقل .. وهو كتير مشهور .. ومافي حدا ما بيعرفو

وياستي السفرة والصحون وصاحبتهم على حسابك.. ونورتيني ..

أم أيموني

19-10-2006, 07:24 PM

سفرة دايما ان شاء الله

ماشاء الله عليك اختي ام ايموني

كل الاطباق روووووووووعة بارك الله فيك

تسلم ايديك يارب

وكل عام وانتي بخير

دايمة بوجودكم عزيزتي .. والمهم إنها عجبتكم.. وبارك الله فيك ويسلمك .. و100 هلا.. وإنت والأمة الإسلامية بألف ومليون خير

أم أيموني

19-10-2006, 07:27 PM

ما شاء الله السفرة جميلة كثيييييييييييييييييييييييييييييييييييييير و تسلم ايديكي اختي
الله يبارك فيك و في عيالك و في بيتك و يحفظك يا رب

أهلا وسهلا عزيزتي.. الله يسلمك ويسعدك يارب.. ويبارلك إنت كمان ويوفقك ..

أم أيموني

19-10-2006, 07:33 PM

ما شاء الله
تسلم ايديك يا ام امونى ..
سفرة بتشهى
كل الاصتاف رائع
و الاكل الشامى لا يعلى عليه (هذا كلام زوجى )

اكل طعامكم الابرار وصلت عليكم الملائكه وذكركم الله فيمن معه
مشكورة يا غاليه

وإيديك عزيزتي ..وريتو 100 صحة وهنا وعافية .. والمهم إنها عجبتكم .. وعارفة كل بلد مميزة بأطباقها بس الشام غير .. عن جد أكلها ونكهتو غير .. والعفو حبيبة قلبي ..

أم أيموني

19-10-2006, 07:42 PM

بسم الله الرحمن الرحيم

سلام عليكم ورحمة الله وبركاته
الله ما اشهي هالروائح الزاكية ام ايمون لو بتعرفي قديش بحب اكل السوري
وهلق حضرت الدجاج وقايمة اعمل الفته للافطار :)
وسفرتك ماااااااشاء خلص كل يوم بحضر نوع زمان وبدي طريقة الاكل السوري
البرك وفته البتنجان والاوزة بروح خصوص عسوريا
قد مابحب اهلها وطبخهم الطيب واستقبالهم المميزةوالعزيمة الي من القلب
على فكرة الي اهل ومعارف كتير بزورهم وبيزوروني شي بنزل لبنان واكتر مرة انبسطت
من سنتين قضيت تلات تيام برمضان من العمر مابنساهم ,,
اكل طعامكم الابرا وصليت عليكم الملائكة وذكركم الله فيمن عنده

وكل رمضان وانتي سالمة

وعليك مالسلام ورحمة الله وبركاته .. شو هالكلام الحلو يا ماما حميدة .. وريتو صحة وألف هنا يارب .. وعن جد الأكل السوري كتير طيب ومافي مطعم بروح عليه بالشام إلا وأكلو أطيب من التاني .. ويلا أنا بإنتظار أشوف الفتة .. وأي أكلة سورية بتيجي على بالك أنا وبنات المنتدى تحت أمرك .. وكرمال عيونك هاد صدر فريكة مع رز ولحم خاروف سوري ..

http://www.lakii.com/img/all/Oct06/KO3H0W10150307.jpg

وهاد الرابط لو حابة طريقتو ..

http://www.lakii.com/vb/showthread.php?t=231727

و100 مليون أهلا وسهلا .. وأنت سالمة غانمة يارب ..

أم أيموني

19-10-2006, 07:44 PM

يسلمو ويعطيك العافية :)

الله يسلمك ويسعدك ويعافيك يارب ..

أم أيموني

19-10-2006, 07:45 PM

ما شاء الله
فعلا الكل الشامي لا يعلى عليه
تسلم الايادي
وان شاء اله سفره ديما

دايمة بوجودكم وأهلا وسهلا .. وربي يسلمك ويحفظك .. وشرفتوني ..

أم أيموني

19-10-2006, 07:46 PM

ماشاء الله عليك اختي ام ايموني

كل الاطباق روووووووووعة بارك الله فيك

تسلم ايديك يارب

وكل عام وانتي بخير

وإنت بألف ومليون خير وصحة وعافية .. وفيك وبأولادك يارب .. ويسلمك .. و100 هلا ..

أم أيموني

19-10-2006, 07:50 PM

ماشاءالله اطباق رائعة وسفرة دايمة يا رب على طول
ممكن سؤال في طبق فتة الجاج شي هية الحبة الحلوة ما فهمت
تسلم يديكي وكل عام وانتي بخير:)

يارب .. وسفرتي دايمه بوجودكم .. ويسلملي إيديك وإنت بألف خير وصحة وعافية ..

حبيبتي الحبة الحلوة شكلها زي اليانسون بس أكبر شوي وأطول .. وعلى فكرة الحبة الحلوة إذا بتغليها وبتشربيها زي الشاي والأعشاب بتنزل الوزن ..

وآنستوني وشرفتوني ..

أم أيموني

19-10-2006, 07:51 PM

الله يعطكي العافية سفرة رائعة

الله يعافيك يارب .. وسفرتي رائعة بوجودكم .. وأهلا ويا سهلا..

أم أيموني

19-10-2006, 07:52 PM

مشكورة ام ايموني سفرة دائمة ان شاء الله

العفو حبيبتي .. دايمة وعامرة فيكم .. بإذن الله .. نورتو ..

أم أيموني

19-10-2006, 07:54 PM

يسلموا اختى على السفرة الطيبة
والله الاكل مشهى وشكل شغلك نظيف .........وانا اموت فى المطبخ السورى
من اول وصفة للاخر ................. وخصوصا القهوة التركى والحلى
يااااى الله يعطيك العافية
وكمان الشرح كان .........توب
ووافى
ان شاء الله بطبق الوصفات وحده ور ا التانية
ويسلمو

الله يسلمك هاي عيونك الحلوة .. وشكراً كتير على كلامك الحلو.. وتسلميلي يارب ..ويلا حبيبة قلبي بإنتظار تطبيقك .. و ويا 100أهلا وسهلا ومرحبا ..

RAWAD

19-10-2006, 11:16 PM

ام ايمونى .. احب اشكرك جدا
اليوم على الافطار درت :فته الدجاج , و هادى اول مرة نديرها بهالشكل .. قبل اندير فيها بالبادنجان .
و درت الفتوش و الحمص
.. بصراحه عجبنى الاكل انا و زوجى جدا
تسلم ايديك ياغاليه مرة تانيه

العربية المسلمة

20-10-2006, 01:47 AM

ماشاء الله
سفرة شكلها طيب
تسلم يدك اختي ام ايموني
وربنا يجعلها عامرة بأهلها ان شاء الله .

اديم السماء

20-10-2006, 02:35 AM

ا الله ما اروع هذا الباب من منتدى لك لو تعلموا كم انا فرحة لتصفحي هذا المنتدى

وعود الخير

20-10-2006, 02:04 PM

وفعلا ختامها مسك
الم اقل يا صبايا ان ام ايموني تعد لنا سفرة معتبرة

أم أيمون لو سمحت العنوان من تاني
علشان بدي ظل زروك من وقت للتاني .
يعني بندردش على الهوا وباشرب شي فنجانين قهوة من قهوتك الشامية
ووعد ما راح أطول إيدي أبد
ما راح آخذ غير يللي نفسك بتسمح فيه
وباعرفك كريمة وانا باستاهل ..

وعود الخير

20-10-2006, 02:05 PM

اديم السماء
هل افهم من كلامك انك سوف تواظبين على التواجد معنا ... يا ميت اهلا وسهلا

نيهومة

20-10-2006, 03:39 PM

ماشاء الله اختي والله انا بموت ي الاكل الشامي حتى عندي جارات لبنانيات وفلسطينيات يقولو انتي شامية اكتر مننا ..

أم أيموني

21-10-2006, 06:35 PM

ام ايمونى .. احب اشكرك جدا
اليوم على الافطار درت :فته الدجاج , و هادى اول مرة نديرها بهالشكل .. قبل اندير فيها بالبادنجان .
و درت الفتوش و الحمص
.. بصراحه عجبنى الاكل انا و زوجى جدا
تسلم ايديك ياغاليه مرة تانيه

واو .. عن جد.. ريتو صحة وألف هنا ياربي ومطرح مايسري يمري .. الله يسلمك ويعزك ويسعدك ..

أم أيموني

21-10-2006, 06:36 PM

ماشاء الله
سفرة شكلها طيب
تسلم يدك اختي ام ايموني
وربنا يجعلها عامرة بأهلها ان شاء الله .

الله يسلمك ويسعدك يارب.. وربي يعمر بيتكم ويوفقكم ...

أم أيموني

21-10-2006, 06:37 PM

ا الله ما اروع هذا الباب من منتدى لك لو تعلموا كم انا فرحة لتصفحي هذا المنتدى

أهلا وسهلا فيك عزيزتي في منتدانا الغالي ..

أم أيموني

21-10-2006, 06:41 PM

وفعلا ختامها مسك
الم اقل يا صبايا ان ام ايموني تعد لنا سفرة معتبرة

أم أيمون لو سمحت العنوان من تاني
علشان بدي ظل زروك من وقت للتاني .
يعني بندردش على الهوا وباشرب شي فنجانين قهوة من قهوتك الشامية
ووعد ما راح أطول إيدي أبد
ما راح آخذ غير يللي نفسك بتسمح فيه
وباعرفك كريمة وانا باستاهل ..

والله إنت المسك والعنبر .. ويارب أكون بيضت وجهي قدامكم .. ويا مليون أهلا وسهلاً ولعيونك أحلى قهوة شامية معتبرة .. ههههههههههههههههههه وإنت أهل الكرم والجود وعلى حسابك كل وصفاتي .. ونفسي سامحتلك بكلو .. وتسلميلي يارب ..

أم أيموني

21-10-2006, 06:43 PM

ماشاء الله اختي والله انا بموت ي الاكل الشامي حتى عندي جارات لبنانيات وفلسطينيات يقولو انتي شامية اكتر مننا ..

يا عزيزتي الأكل كلو نعمة وبركة بس الشامي نكهتو مميزة مو لأني نصي شامي طيب ما نصي التاني صفدي .. وشكراً عزيزتي ..