أهلا رمضان

[ام خليفه]

السلام عليكم ورحمة الله وبركاته

أخواتي اتمنى تساعدوني بأفكاركم ..

باجر ان شاء الله ولدي عنده حفله في المدرسه وعنوان الحفل أهلا رمضان .. فا بغيت شي ارسله مع ابني للأطفال بمناسبة الحفله .. يعني كل طفل لازم يشارك بشي معين .. فا مب عارفه شو اسوي لولدي .. وابني في اول روضة..

انا فكرت اشتريت مطويات عن رمضان واشرطه وألفها مثل هديه يهديها الأطفال لأمهاتهم..

و افرح الأطفال بالفوانيس .. بس مب عارفه وين بحصل الفوانيس :( وانا من دبي

ساعدوني الحفله باكر...

[كيرلي]

وعليكم السلام اختي ام خليفه..
للأسف ماعندي فكرة عن مكان بيع فوانيس رمضان في دبي.. انا جديد ساكنة بالشارقة ومن يومين مرينا من منطقة الرولة وشفت فوانيس معروضة.. ان شاء الله تتوفقي..

[ام خليفه]

مشكورة اختي كيرلي وحياك الله في الإمارات