البطاطا المسلوقة بصلصة الطحينة

[سندريللا]

الطبق هادا جدا رائع امبارح عملته وصورته بس طبعا ما بعرف انزل صور المهم حندخل على المقادير وجربوه وأكيد راح يعجبكم جدا جدا

المقادير:

6 حبات بطاطا مسلوقة
عدد (1) ضمة بقدونس
2 فص ثوم مقشر ومدقوق مع ملعقة صغيرة ملح
ربع كوب ماء
نص كوب ليمون
نص كوب طحينة (هردة)

الطريقة:

بعد سلق البطاطا نقوم بتقطيعها الى مكعبات صغيرة
نقوم بخلط الليمون مع الطحينية ( الهردة) والثوم والماء والبقدونس

من ثم نقوم بإضافة الخليط السابق على البطاطا المسلوقة ويخلط جيدا ، ثم نقوم بسكبها في طبق التقديم ويزين الطبق في زيت الزيتون والبقدونس (أو ممكن شوية نعنع طازج كمان)

أنا متأكدة انه حيعجبكم انشاء الله

وصحتين وهنا على قلوبكم مقدما

[ام حكم]

هلا سندريلا

كيفك يا قمر

انا بعمل هالوصفة هاي كتييييييييير
وطريقتك نفس طريقتي بالضبط حبيبتي

يسلموا ايديك يا ام خالد :)

[كيندة]

يسلموا ايديكي عزيزتي
بس أنا ما فهمت شو الطحينة الهردة؟؟؟
بارك الله فيكي

[ام حكم]

بس أنا ما فهمت شو الطحينة الهردة؟؟؟



الطحينية هي الراشي عصارة حب السمسم

وتضاف إلى السلطات أو الحمص بالطحينة

[وعود الخير]

هلا والله بالغالية ام خالد
عاش من شافك يا قمر
طبعا الطبق مش محتاج تعليق
تسلمي وتسلم مجايبك.

الاخت كندة الهردة كما اوضحت الاخت ام حكم هي الطحينة التي تضاف للحمص.

[أم فئ]

مشكورة يعطيك الف عافية:eek:

[سندريللا]

هلا سندريلا

كيفك يا قمر

انا بعمل هالوصفة هاي كتييييييييير
وطريقتك نفس طريقتي بالضبط حبيبتي

يسلموا ايديك يا ام خالد :)


أهلين وسهلين بأحلى ام الحكم الله يسعدك نورتي بمرورك يا حلوة

[سندريللا]

يسلموا ايديكي عزيزتي
بس أنا ما فهمت شو الطحينة الهردة؟؟؟
بارك الله فيكي


كيندة حبيبتى الطحينية في ناس بيسموها الهردة بس بصراحة انا هادا الاسم اللى بعرفه الها بس شوفي هيه بيستعملوها مع الحمص والفول والسلطة احيانا (سلطة طحينة)

انشاء الله اكون افدتك حبيبتى

[سندريللا]

هلا والله بالغالية ام خالد
عاش من شافك يا قمر
طبعا الطبق مش محتاج تعليق
تسلمي وتسلم مجايبك.

الاخت كندة الهردة كما اوضحت الاخت ام حكم هي الطحينة التي تضاف للحمص.


وعووووود الله يسعدلي هالطلة يا حلوة والله انا اشتأتلكم كثير بس المشاغل كثيرة

تسلميلي يا حلوة

[سندريللا]

مشكورة يعطيك الف عافية:eek:


الله يعافيكي حبيبتى ، شكرا على مرورك

[طيـــف]

ام خلوووووود

شو شكله الوحام فاتح نفسك عنا:) على المقبلات
يسلمو ايديكِ على الوصفه حبيبتي

[سندريللا]

ام خلوووووود

شو شكله الوحام فاتح نفسك عنا:) على المقبلات
يسلمو ايديكِ على الوصفه حبيبتي





الله يسعدلي هالطلة هلأ نوّر الموضوع

شو وين هالغيبة يا حلوة

اسمعي جربيها وادعيلي ( عادي حتى لو بتعملي رجيم مش مشكلة البطاطا مسلوقة) يا اما تعالي عندي وانا بعملك اياها بس نورينى يا حلوة

[طيـــف]

ساندريلا نورك ياقمر
الله يسعدك ويحميكِ يارب

طيب فهمنيني بطاطا مسلوقه عادي

بس الطحيينه فيها كتير سعرات

بتعرفي اليوم خطرتي ع بالي مابعرف لي
يمكن لانه مها كانت بتشكي لي من الاطفال وهي عم تدربهم وتتتنفخ من المدرسه
قلت وين راحت ساندريلا ليكون سافرت قبل الهنا بسنا:D