دردشة من نوع آخر يا أمهات

[البشرى]

السلام عليكم ورحمة الله وبركاته
ياليت كل وحدة تذكر طريقتها بالعناية الخارجية للطفل



مثل ما نعرف ان العناية بالطفل من الناحية الجمالية مطلوب
ومن باب ان الله جميل يحب الجمال كل أخت تعطينا برنامجها بعنايتها باطفالها خاصة البنوتات
يعني ما ذا تستخدمين لبشرتهم من لوشنات؟
والمرطب ايضاً الي تستخدمينه لاجسامهم؟ والغذا الي تحسين انه يحليهم؟
انا عندي بنتي الثانية كثير ما تصير بشرتها شاحبة مع اني حللتلها تحليل دم وطلعت سليمة الحمد لله
وايضاً بالنسبة للعناية بالشعر

[أم وعـد]

السلام عليكم

انه عندي بنت عمرها 3 سنوات

واستخدم لها كريمات ولواشن

ان شاء الله راح اسجل اسمائهم واعطيج وياهم ):K

خيو بغيت اسألج اذا عندج ايميل او اي شي ممكن اتواصل معاج ..؟؟ الام المثالية :-p~

في أمان الله

[خزامى الجنوب]

افضل شئ للبنات زيت الزيتون عندي بنتي بشرتها متعبه مانفعها الا هو اوخذي فازلين

[البشرى]

وانا بانتظارك يا ام وعد
وتقدرين ترسلين لي على الخاص
او ترسلين لاحد المشرفات تمررها لي
حياك الله

[البشرى]

خزامى الجنوب
والله غريبة زيت زيتون!
طيب مايسمر؟
وباي وقت تحطينه ؟وايش لاحظتي على بشرة بنتك بعد ما حطيتيه؟

[ام سهيل]

اهلين يالبشرى كيف الحال ياغالية وكيف العرايس والعرسان ؟

انا عن نفسي بعد مايغسلوا اياديهم ادهنهم فازلين .
ولما احس انه شفايفها متشققة هي واظافرها اخليها تاكل مشمش مجفف ممتاز للجلد والاظافر .

للشعر ادهن شعرهم زيت نارجيل مع لوز مع سمسم يعني اعمل خلطات من عندي .

امممممممممممم ايش كمان ااكلهم جزر وخيار وقت الطفش .
اعطيهم حبوب زيت السمك .

[البشرى]

يا هلى والله بام سهيل
وينك ياشيخة؟ والله افتقدتك

الشباب بخير ولله الحمد

طيب الفازلين مايسمر؟

[سـلامات]

و عليكم السلام ورحمة الله
أنا عندي ولد عمره سنة و أربع أشهر
ما أستخدم معاه إلا زيت الأطفال
و لما أحممه في الحمام أقوم آخر شيء-يعني بعد ما أغسله بجل الحمام و الخالي من الصابون و شطفه- أعمل له في الماء الزيت الخاص بالحمام
أما شعره زيت زيتون على روؤس أصابعي أدعكها في فروة رأسه

هذه تجربتي :)
جسمه يفضل رطب لمدة يومين و شعره ينمو و ناعم و لامع و الحمد لله

[أم الولاء]

أنا بنتي عمرها خمسة شهور
وأكيد ما استخدم الا مجموعة جونسون من شامبووكريم وبودرة وزيت
.............. الخ
وعشان التهابات الحفاضات استعمل سودو كريم
عند كل تغيير للحفاض
والحمد لله ممتاز بدرجة رائعة
وبس

[إيمان علي]

وعليكم السلام ورحمة الله
لما كانوا بناتي صغار كنت كل يوم الصبح أغسل لهم وأحط بيبي لوشن..
الآن صاروا كبار بعدهم بيستخدموه لأنه مناسب لبشرة الأطفال حتى يكبروا.
لكن ما بيستخدموه يومياً فقط لما يتذكروا :)

[البشرى]

ماشاء الله ياسلامات
فكرة جميلة
انا اضع له الزيت على جسمه مباشرة
الي فهمته انك تحطين الزيت في الماء
راح اجربها ان شاءالله
يعطيك العافية

[البشرى]

يعطيك العافية يا ام الولاء

بنوتك صغيرة الله يحفظها
انا اتكلم عن الي تغيرت بشراتهم من الجو والشمس
بس يعطيك العافية على الاهتمام

[البشرى]

حياك الله يا ايمان
بيبي لوشن جيد لكن مع جونا الصحراوي
وتعرض الاطفال للشمس والهواء في المدرسة يصير البيبي لوشن مايسوي شيء

[حمرة الورد]

لما كنت صغيرة كنت أخلص علب الفازلين وحدة ورا التانية ..

واكتشفت انه افضل شي للبشرة ...

الزيوت تطلع شعر في الجسم ..وبنتي مهي ناقصة ..بالمناسبة في شي يقلل الشعر؟ يعني كريم والا شاهي والا بابونج اي شي اغسلها جسمها ويقلل الشعر في الجسم ؟

والشعر احط لها حنة بين فترة وفترة وزيوت اشكل بس كل واحد لوحده .. وهي اصلاً شعرها حلو طالعة لجدها الله يرحمه ..

أنا شعري دهيان قليل وبني وهي شعرها اسود مرة ..

اشتري لها مرطب شفايف لانه بشرتها جافة جفاف رهيب .. ولوشن فازلين .. بس مهي مستمرة الله يصلحها .. لو تستمر يصير جسمها صافي زي المرايا ....

والله اذكر لما كنت صغيرة حتى لون جسمي واحد وجلدي ناعم مرة مو زي دحين صار احمر وازرق .. وصرت اقرف احط فالزين احسه زفر :D

مدري كيف كنت احطه في مكة في الحر .. حتى مرة ايام كنت 13 شفت خالتي تلبس صندل في البيت وايامها مافي كان احد يلبس صندل في البيت ولا سألتها قالت انه رجها تسود من المشي حافية .. شكله والله اعلم من الغبار وبشرتها حساسة تعرفي غبرة مكة كيف ..

المهم قلت لها جربي الفازلين وبعد اسبوع جات قالت لي مرة نفع حتى السواد راح وصرت ماألبس الصندل في البيت .. بس مشكلته انه حر ..

[حمرة الورد]

تذكرت شي معاذ احط له مغلي بابونج على شعره زي الجل يعني ابل شعره بالبابونج وبعدين يمشط ..

وأنا اشطف شعري بشاي مر بعد ما اخلص الحمام ..

معين مافي شي معين وميس عشان شعرها طوليل استخدم لها مكيف (بلسم) شعر ..

كل عفشنا من دوف الشامبو والمكيف

[عاشقة الحلويات]

أضع لابني زيت مغذي للشعر

أصرب عصفورين بحجر لأصفف له شعره وأجعل شكله يلمع وثانياً لتغذية شعره

[البشرى]

يا حليلنا يوم كنا صغار مشققين اعمارنا عنايةws:-)

بس الفازلين مايسمر ياحمرة؟ مش ناقصين سمار
بناتي لونهم اصلاً يميل للسمار ومع المدارس والشمس مسمرين زيادة
علشان كذا ابي تتوحد الوان بشرتهم وتروح آثار الشمس
وبالنسبة

لشعورهم ناعمة وجميلة الحمد لله واحاول باستمرار احنيها علشان تخفف من دهنيتها وتعطيها لمعة


طيب وش فايدة الشاي المر:[MM

وشامبو دوف ناسب شعري الحمد لله لكن عمري ما استخدمت المكيف
بس راح اجربه ان شاء الله

[البشرى]

هلا بعاشقة الحلويات

اش الزيت المغذي الي تستخدمينه لابنك وايش نوعية شعره؟

[حمرة الورد]

أحس الفازلين يودي السواد .. ما أعتقد يسمر .. إذا يسوي شي يمكن يبيض .. أصلاً طبيعتنا مخلطين فينا الاسمر وفينا الابيض ولازم يجو بناتنا آخر تخليط ..

حتى الابيض فينا مصفر ولاتحسي بياضه صافي سبحان الله ..

الشاي المر ينشف الدهون ويلمع الشعر ويفتح لونه. ونفس الشي مغلي البابونج ..

المكيف حق دوف بس ميس تستخدمه عشان شعرها طويل ومعقد في بعضه طول اليوم ..

[ام سهيل]

لزوم الاجازة السفر .
سافرت هذه الاجازة مرة على لبنان ومرة على الرياض .

وجت سفراتي وراء بعض يعني ادوب ارتب ونرجع ناقلم نفسنا ارجع اجهز للسفر مرة تانية .
خلاص جات المدارس تحبسنا .

الفازلين مايسمر عندي سهيل بشرته حلوة ماشاء الله بس من الشمس يسمر فاقول له بعد ماترجع من المدرسة اغسل وجهك وادهن فازلين.

[ام سمية]

بالنسبة لي عزيزتي انا لا استعمل اي شي لبشرة البنات..والحمد لله ما في عندي مشاكل ..بس عندما كانوا صغار كنت بعد الحمام ادهنهن بالوشن ..بس الان كبروا ..
بالنسبة للشعر ..نور ابنتي شعرها جاف وبه جعدة وكثيف ولونه بني غامق..وكان مغلبني بس حاليا ارتحت من هذا العناء حيث اني كل اسبوع اعمل لها حمام زيت (جاهز اشتريه) ثم اسشورة وادهنه بكريم مرطب..ويظل طول الاسبوع مرتب وجميل وتستطيع هي تمشيطه لوحدها كل يوم دون الرجوع لي ..وعندما تتحمم وسط الاسبوع لا تبله فقط تغسل جسمها بالصابون والماء اما شعرها كما ذكرت تربطه فلا يأتيه ماء ..لان كثرة غسل الشعر هي عدوة الشعر الجاف ..لان الشعر الجاف سريع التقصف ..والحمد لله شعرها ممتاز الان مع الحمام الزيت المنتظم واثر السشوار الضار قليل جدا عليها ..اما ابنتي الصغرى سمية فشعرها ناعم وان كان به جعدة خفيفة ولكنها جميلة لان شعرها بني فاتح على شقار لا يحتاج لشي ..اغسله مع كل حمام وادهنه ببريل كريم وامشطه ..

[البشرى]

حمرة الورد الحمد لله على حسن الخلق

انا عيالي لونهم حنطي مثل مايقولون مثل لون اكثر اهل الخليج
ويسمرون زيادة مع الشمس وجو المدرسة
علشان كذا احرص ان لونهم يكون صافي وموحد
وبالنسبة للشاهي المر فكرة جديدة وراح اسويها لبناتي لان شعورهم ناااااعمة ودهنية بشكل

يعطيك العافية ام معاذ

[البشرى]

الحمد لله على سلامتك يا ام سهيل

وشلون السفر مع الاطفال ؟خاصة ربى الكتكوتة وش سويتي معها؟

خلاص اقنعتوني بالفازلين راح اجربه ان شاء الله

[البشرى]

ماشاء الله يا ام سمية الله يحفظهم ويخليهم لك
انا العكس شعور بناتي جميلة جدا وناعمة ولو انها دهنية لكن احممهم باستمرار واحنيهم
لان الحناء يجفف الشعر ويعطيه لمعة

لكن بشرتهم مثل ماذكرت حنطية ومع جونا الحار والمشمس يتئثر بسرعة