تعالوا نحلم بقعده هنيه في ظلال الارزه اللبنانيه [الأرشيف]

ماماحميدة

04-02-2006, 08:07 PM

بسم الله الرحمن الرحيم

والسلام عليكم ورحمة الله وبركاته

لبنان يا قطعه سماء ,,من لا يحب لبنان ويتمنى يزوره ويتعرف اليه ,,فما بالكم بحبيبات قلبى
الصبايا الغاليات الي وحشهن الوطن نفسهم يحلموا ويعبروا عن شعورهن تجاه البلد الام وطلب
مني ان افتتح الموضوع ,,ورغم ظروفي لن اخيب ظنهن
تكرم عيون الامل الجميل وياسمينه الشام وام اسامه وغيرهن الي حبوا يلتقوا هناويعبروا عن اشتياقهم
للوطن ونفسهم يكرموه ويوطدوا علاقتهن ويتقربوا من بعضهن

ومن ثمالموضوع يجمعهن ويكون نقطة انطلاق ليتعرفوا الاخوات على بعضهن ,,بامل اللقاء بلبنان باقرب وقت
ادعوا لي وضعي يسمح لاكون معكم ونقضي وقت ممتع ما بس بالارز بل في الجبل وزحله
عروس البقاع وبعلبك بعواميدها وقلعتها رزق الله على الحفلات ببعلبك
ومن ثم ننتقل لاهدن وزغرتا وغيرهم ,,فلبنان البقعة الصغيرة على خريطة العالم يضم اروع
الاراضي الخضراء والمياة من انهار وشلالات تبهر النظر ولا ننسى مغارة جعيتا وحريصا
احبائي اتمنى ان تقضوا اوقات ممتعه بربوع بلدنا الحبيب
وساتغيب لبعض الوقت ,واو ممكن اطل عليكم ولكن مافي وقت لاقدم صورةومعلومات همتكن يا صبايا
ووعد ارجع انشط واقوى ان الله اكرمني وذالت الغمامه الي امر بها
ومااضيق العيش لولا فسحة الامل ,,والدعوة للجميع لمشاركه فاهلا بكن والف سهلا
وماتنسوني من دعواتكن ما هون بالصلاة :)
ونلتقي دائما بمحبه الله والوطن الغالي W:

الامل الجميل

08-02-2006, 04:09 AM

السلام عليكم

وربي لولا ياسمينه جزاها الله ما كنت عرفت ان الموضوع نزل
جزاك الله خيرا حبيبتي ماما حميده وربي يستجيب دعواتك ودعواتنا يا رب ويشفي زوجك

لبنان يا غالي شو بدي قول لو بجمع كل الشوق الي بقلبي ما بخلص

نبداء بالعلم \ الي هو رمز شجر الارز الشامخ بجباله والاحمر هو دم الشهداءالي سقطوا لدفاع عن ارضه ولازالوا بيسقطوا واحد وراء التاني لتبقى هل الارزه عاليه
http://up3.w6w.net/upload//

بتمنى كل البنانيه الموجودين بهذا المنتدى الطيب يعرفونا عن حالهم :) يلله وخليينا نتعرف ونفضفض ونتذكر ايامنا الحلوه بربوع الوطن والاكل والكبه النيه على قولت ياسمينه والتبوله
ولعيونك يا احلى ياسمينه الشام هل الاطباق الحلوه من المقبلات
http://up3.w6w.net/upload/08-02-2006/w6w_20060208040610647b3baa.jpg

يلله الميكروفون للي بعدي
وان شاء الله يبقى هل الموضوع مستمر ويديم المعروف بينا
سلام

um bader

08-02-2006, 04:36 AM

إن شاء الله على طول نجى لعندك يا ماما حميدة و إنت بالفرح و السرور والعافية يارب...

شو هالصور الحلوة يا أمول,,, شهيتينا حرام عليك...

يالله بانتظار إبداعكن لسماع تراث لبنان العريق...

moon light 2

08-02-2006, 05:02 AM

شكرا يا ماما حميدة على استضافتنا
وهذا ليس بالغريب على الخلق العربي
الأصيل . فالشعوب العربية عرفت بالكرم
وحسن الضيافة .
بارك الله فيكي ومتعك بالصحة والعافية.:-D

ماماحميدة

08-02-2006, 07:47 AM

شكرا يا ماما حميدة على استضافتنا
وهذا ليس بالغريب على الخلق العربي
الأصيل . فالشعوب العربية عرفت بالكرم
وحسن الضيافة .
بارك الله فيكي ومتعك بالصحة والعافية.:-D

اهلا وسهلا بمشرفتنا الغاليه لوز

انت صاحبة الدار والوطن العربي متل ماتفضلت مشهور بحب الضيف
ويارب نجتمع عندي بلبنان ان الله راد

هلا باموله حبيبة القلب

توقعت انك مشغوله ,ووبارك الله لك علىالدعاء اللهم اميين ,وشكراعلى هالاصناف
الشهيه عقبال ما نجتمع مع الاحباب والاخوات البنانيات ويلا همتكم
لنتعرف على الجميع تصدقي بنظري كلنا وطن عربي كبير بتبقى الذكريات للوطن
الام والله كريم وبشوفك بلبنان شي زوجي يتعافى ويقوم بالسلامه

ياهلا الغاليه ام بدر

الله يسمع منك اللهم اميين وشوفكم عندي واقدر قوم بواجب الضيافة
والله يوم السعد شي بتشرف بمعرفتكم عن قرب
مع العلم انتوا بالقلب ونعم الاخوات والبنات ياربي يخليلي ياكم
ونلتقى دوما بمحبه الله

ياسمينة ..

08-02-2006, 04:21 PM

و عليكم السلام و رحمة الله و بركاته

تسلم إيديكِ يا ست الكل ماما حميدة
الله يفرج همك و ييسر أمرك يا رب..

بتمنى كل اللبنانيه الموجودين بهذا المنتدى الطيب يعرفونا عن حالهم إظهر و بان عليك الأمان :cool:

تسلملي عيونك أمولة.. اللبنة و الزيتون الأخضر :K) بتعرفي تذكرت مطاعم زحلة على نهرالبردوني، قد ما المقبلات طيييييبة، بشبع قبل ما تجي الوجبة الرئيسية :p
فيه فرع لمطعم مروش بلندن ( مع اني ولا مرة رايحة على مروش لبنان :p) لما نروح على لندن، مبااااشرة على مروش .. يا حرام شوفي زوجي شو بيخجل و هو عم يطلب، 2 لبنة 2 ورق عنب 2 تبولة 2 كل شي مقبلات .. و واحد بس مشاوي :) لأن قد ما بكون مشتاقة للخبز اللبناني و الحمص و التبولة، ما بيبقى مكان لغير شي، و طبعا ما برضى ما كمل الأكل يللي طلبته لأن رح يروح عالنفايات و يسألني عنه ربي يوم القيامة.. و هنا همسة للجميع : عندما تتركين بقايا طعام في الطبق في المطعم، فأنتِ مسؤولة عن رمي هذه النعمة، حتى و لو لم ترميها بيدك.. ( مفكرة حالي بروضة السعداء ws:-) )

طيب، شو بدنا نخبركم عن لبنان .. أحلى شي بلبنان إنه رغم صغره، فيه ما يرضي جميع الأذواق - من طبيعة و خدمة و أجواء.. يعني المتدين بيقدر بسهولة يلاقي جو مناسب في لبنان ( مدارس و نشاطات و أماكن ترفيه محافظة)، و الغير متدين ممكن يلاقي ما يريد أيضا في أماكن مستقلة..
للأسف الصورة التي يعكسها الإعلام اللبناني، إنما هي صورة لشريحة محدودة من الشعب اللبناني فقط، و لكن البعض يعممها :(
لذلككككك...

الحل الوحيد هو إنكم تجوا تزورونا بلبنان و منعرفكم عليه و بتحكموا بأنفسكم :-M

( و سمعت إنو أمولة شاطرة بالحلويات ((K)))

يلله أترككم الآن في أمان الله :)

ماماحميدة

08-02-2006, 04:57 PM

السلام عليكم ورحمة اله وبركاته

يااهلا وسهلا بياسمينه الشام

كيفك يااحلى ياسمينه ,,منورة ووصفك ذكرني باماكن عزيزة على قلبى ولاني بزور لبنان بالشتاء
هروب من التلج والبرد فما بشوف هالمناطق الحلوة رزق الله ريتها تنعاد
ومنتمنى نلتقي بيوم ونستعيد احلى الذكريات ,,الله كريم يمكن تصدف واتعرف عليكم بربوع الوطن
قولي ياااااااارب

للأسف الصورة التي يعكسها الإعلام اللبناني، إنما هي صورة لشريحة محدودة من الشعب اللبناني فقط، و لكن البعض يعممها
لذلككككك...

شوفي ياسمنيه ذكرتينى بقصه كان يرويها والدي رحمه الله ,,هناك رجل عجوز جمع ابنائه التلاته
وواعطى لكل شاب منهم مبلغ من المال وقلهم بتسافروا البلد الفلاني وبتقضوا تلات شهور هناك وبترجعوا
وبتخبروني شو شفتوا باي شي مشهورة هالبلد
وبالفعل سافروا وقضوا تلات شهور ولمن رجعوا طلبمقابله كل منهم على حدا ,وبداء يسئلهم شو الي شافوه
وباي شي هالبلد مشهورة,الاول قلهياابي بلد رائع وحلوة كلها جوامع وقضيتها عباده
والولد التاني لمن سئله ابوة ,جاوبوا هالبلد كلها بلاد تصلح فيهاالتجارة وممكن اعمل شغل مربح لو عشت فيها
وجاء دور الولد التالت ,ووتفاجئ الاب لما ذكر ابنه ,وخبره هالبلد كلها كازينوهات وملاهي
وفن وطرب ,,ووو والخلاصة ترمز الروايه بكل بلد فيها الصالح والطالح ,,والي بيدور على شي بيوجده ,,ولبنان
متل اي بلد اهله طيبين ولكن للكسب المادي والاعلام الخاص يظهر الجانب الي تعرفوه
ولكن ما شاء الله نسبه التدين مرتفعة وخاصة من الجيل الجديد شئ يفرح القلب حتىالمغتربات منا معظهن
ملتزمات والحمد لله والله يزيد ويبارك وينصر امه الاسلام ويقويها
طولت عليكن ولكن لتوضيح ما ذكرت حبيبة قلبى ياسمينه ,, الله كريم لي عودة لروق شوي والبركه بالصبايه
يخبروك المزيد والله يجمعنا فيكن بلبدان وبجنه الخلد
ونلتقي دائما بمحبه الله

الامل الجميل

08-02-2006, 06:00 PM

طلوا حبابنا طلو نسم يا هوا بلادي

ميت اهلين وسهلين بالغاليات زهرات لبنان
كيف هل مقدمه الغير شكل http://www.3z.cc/sml/3/000.gif (http://www.3z.cc/sml)

اهلين بام بدر من وين من لبنان يالله كل وحده تقول من ويننننننننن خلي المستخبي يبان

شو هالصور الحلوة يا أمول,,, شهيتينا حرام عليك
هههههههههه الاتي اعظم لكننننننننن لزم شتهي شوي ونتزكر مطاعم لبنان والله مافي اطيب من مقبلاتنا

وبخصوص التراث يلله ان شاء الله منضيف منعملكم كزدوره حلوه منذكركم بالجو اللبناني وانت بعاد عنه
http://www.3z.cc/sml/19/27bd01b9daead83ce0a2dc20db7a8f45.gif (http://www.3z.cc/sml)

هلا بلوز نورتي بين ربوع وطنا الغالي
ماما حميده كيفك حبيبتي وكيف زوجك الله يشفيه يا رب ويريح بالك

ياسمينة الشام لك يا مرحبا يا مرحبا
تسلملي عيونك أمولة.. اللبنة و الزيتون الأخضر بتعرفي تذكرت مطاعم زحلة على نهرالبردوني، قد ما المقبلات طيييييبة، بشبع قبل ما تجي الوجبة الرئيسية
الله يسلمك يا رب
اخخخخخخخخخ على مطاعم زحله ياعيني القعده شو حلوه والهويات وصوت الماي
والكبه النيه لالالالالالا كله كوم وصحن الخضرا كوم
وبتعرفي تذكرت مطعم على طرق زحله وشتوره اسمه الهبر يا عينننننننننننننن كنت اطلب لبنه بتوم ونعنع يا الله على هيديك الايام

وكيفففففففففففف محلات القريشه على الطريق واللبن ومحل والله ما ذكره اسمه بيعمل كفته بالخبز ومحمصه مع لبن عيران هههههههههه يا عين

ما برضى ما كمل الأكل يللي طلبته
والله انا هون بالرغم انه مافي عنا محلات عربي بنطر بس انزل على ساو بولو وبلششششششششش اكل شورما دجاج وكبه وحمص صراحهههههه بخجل قد مابكون مشتهيه وكيف بحس الناس كلها عم تراقبني على اللقمه وانو لعمىىىىىى اكلت الصحن كله يعني حبيبتي ما تخافي كلنا بالهوا سوا ههههههههههههه

لبان والله اجمل شئ فيه انه بيتميز بقرب الجبل من البحر يعني فيك بنفس اليوم تلفي لبنان من شماله لجنوبه (شو حضرتي عم سمع جغرافيا والله بعدني حافظه ايام المدرسه ههههههههههه)

ومتل ما قالت ياسمينة الشام فيه ما يرضي جميع الأذواق
صحيح يعني كل شئ فيه متوفر
http://3ssom.com/uploader/uploads11/Jounieh%20bay%20seen%20from%20Harissa%202.jpg

وهذه البلدhttp://3ssom.com/uploader/uploads11/Picture%20from%20Downtown%20Beirut.jpg

http://3ssom.com/uploader/uploads11/Place%20de%20l_etoile%20beirut%202.jpg

وهيدا الثلج لهواة التزلج
http://3ssom.com/uploader/uploads11/Ski%20in%20Lebanon.jpg

هول بعض الصور وان شاء الله باللقاء التاني نضيف وكل وحده عندها صور يا ريت تضيفهم

انا لبنانيه من بيروت مغتربه بالبرازيل
سلام

ماماحميدة

09-02-2006, 03:51 PM

ياهلا بالامل الجميل

صباحك ورد وياسمين ,,فرصة حلوة تخلينا نستعيد ذكرى حلوة ,,على فكرة الحلم الجميل
ماعبشوفها بالمنتدى ,,
سبق وسافرت لبنان ياريت ان بتعرفي شي عنها تطمنيناعنها,,, اموله نفسي اتعرف على
ام اسامه وهل هي مغتربه
الله كريم منتعرف على كل صبايا المنتدى ,,مابس من لبنان من اي منطقة بالوطن العربي
المهم يعرفونا من اي منطقه ولوتعرفوا نفسي شوف الكل واتعرف عليهم عن قرب
امل زوج بانتظار يقرروا ان في جراحة ,,اليوم عنا موعد عند جراح بيقولوا اهم واحد لنشوف
شو بيقول ,وربك ماعنده لا الخير وبيجرب عبده الصابر
الله لا يضرني فييه وبفضل الله ودعائكم متفائله خير ,,رغم كل مخاوفي عليه وانا وزوجي مندعي
للكل بان الله يجزيهم كل خير لدعواتهم له ويجعله بميزان حسناتهم
دمتوا جميعا ابناء واخوات ونلتقي بمحبه الله
:-D

الامل الجميل

09-02-2006, 04:27 PM

احلى صباح لاحلى ماما حميده
,,على فكرة الحلم الجميل ماعبشوفها بالمنتدى ,
والله معك حق وانا كمان لاحظت غيابها ممكن تكون مسافره ؟؟؟؟؟؟؟؟؟؟
ان شاء الله منطمن عنها بالقريب وعسى المانع خير

,,, اموله نفسي اتعرف على ام اسامه وهل هي مغتربه
لك تكرم عينك بتتعرفي الحق علي والله انا بعد ما خبرتها انه تم الافتتاح لتشرف لهون
بس ان شاء الله ليوم بتزورنا
ام اسومه لالالالا مش مغتربه بلبنان صامده ههههههههههه عايشه ببشامون اكيد بتعرفيها للمنطقه
وهي بس تجي ان شاء الله بتعرفك عن نفسها اكتر

ولوتعرفوا نفسي شوف الكل واتعرف عليهم عن قرب
والله وانا كمان كتيرررررررر حابه لان هيك بس تتعرفي وترجعي على الاغتراب بكون الوضع مختلف لان الاخت التي عم تراسليها بتكوني تعلرفتي عليها امر مختلف كليا

امل زوج بانتظار يقرروا ان في جراحة ,,اليوم عنا موعد عند جراح بيقولوا اهم واحد لنشوف
شو بيقول ,وربك ماعنده لا الخير وبيجرب عبده الصابر
الله كريم ان شاء الله ما بقول غير الخير

الله لا يضرني فييه وبفضل الله ودعائكم متفائله خير ,,رغم كل مخاوفي عليه وانا وزوجي مندعي
للكل بان الله يجزيهم كل خير لدعواتهم له ويجعله بميزان حسناتهم
امين ربي ما يضرك فيه ويشفيه ويشفي كل مريض
ولازم تتفائلي يا غاليه لان ما عند الله ليس موجود عند العبد
وربك مافي اكرم منه وان شاء الله بيتعافى وربي يكلله بتوب الصحه والعافيه

ما تنسي حبيبتي طمنينا
بامان الله

ياسمينة ..

10-02-2006, 02:29 AM

http://www.asmilies.com/smiliespic/flags_Asia/Lebanon.gif

وقــــــوف

كلنـا للوطـن للعـلى للعـلم

ملئ عين الزّمن سـيفنا والقـلم

سهلنا والجبـل منبت للرجـال

قولنا والعمـل في سبيل الكمال

كلنا للوطن للعلى للعلم

كلّنا للوطن

شيخنـا والفتـى عنـد صـوت الوطن

أسـد غـاب متى سـاورتنا الفــتن

شــرقنـا قلبـه أبــداً لبـنان

صانه ربه لمدى الأزمان

كلنا للوطن للعلى للعلم

كلنا للوطن

بحـره بــرّه درّة الشرقين

رِفـدُهّ بــرّهُ مالئ القطبين

إسمـه عـزّه منذ كان الجدود

مجــدُهُ أرزُهُ رمزُهُ للخلود

كلّنا للوطن للعلى للعلم

كلّنا للوطن

::

ماما حميدة
الله يسر قلبك و خاطرك بشفاء زوجك بالقريب العاجل..

أمولة.. ذكرتيني بأيام الطفولة.. مطعم هبر هيدا بشتورة صح؟ لونه بني من برا :p كنت إفرح كتير لما شوفه و نحن مسافرين على سوريا، لأن قربنا نوصل.. في هونيك أبناء جابر جابر، بيعملوا ساندويش لبنة.. يا ماما يا ماما..

بانتظار مراسلتنا من بيروت : أم أسامة :cool:

الامل الجميل

10-02-2006, 03:31 AM

اسعدتم اوقاتا ..............

تبداء الان نشرة الاخبار من مراسلة الجزيره من البرازيل

يا سمينه هههههههههه مظبوت لونه بني
وابناء حابر جابر يا عينيييييييييييييي على لبنتهن لالالالا وكمان سندويشة القريشه وعسل مع مرقوق غير شكللللللللل

لك يبدي اسالك ياسمينه كيفك بالمصايف يعني وين كنت تصيفي مع اهلك انا كنت صيف ببحمدون وبعدين نقلنا صرنا نصيف بمنطقة الاقليم او اقليم الخروب في مناطق هونيك حلوه كتيررررررررررر

وبعدين انا الولده من طرابلس اي سؤال عن طرابلس وعن حلاوة الجبن والمفروكه والحلاب انا حاضرههههههههههه

ام اسامه لك وينك اذا حتضل هيك همتك بقل التفاصيل والوقائع لحنطر ناخد بحققك التدابير اللازمه

ياسمينه معقول بس هل قد في لبنانيه ؟؟؟؟؟؟؟؟؟؟؟؟؟؟؟؟؟؟ انا مش مصدقه ؟؟؟؟؟؟؟؟؟

كانت معكم الامل الجميل الجزيره برازيل
(ما مصدقه حالها انو عطوها ميكروفون وقالولها احكي )هههههههههه
سلام

ماماحميدة

10-02-2006, 07:15 AM

um Usama

10-02-2006, 08:50 AM

بسم الله الرحمن الرحيم
الحمد لله رب العالمين
والصلاة والسلام على نبينا محمد صلى الله عليه وسلم وعلى آله وصحبه اجمعين

اما بعد ....

اخواتي في الله ......ما شاء الله عليكن يعني حرارة الشوق شويتني من شاشة الكمبيوتر !!!!!!http://www.lakii.com/vb/smile/7_14.gif (http://www.lakii.com/vb/uploader/smilies.php)
يعني خلليتوني اشتاق للبنان وانا فيه ...!!!!

ماما حميدة اللي الشرف والله اتعرف عليكي ، بارك الله بك ودمتي لنا وشفى الله زوجك وعفاه يا رب
عزيزتي انا من بيروت سكان بشامون كما ذكرت الله يبارك فيها الاخت الامل الجميل ... وكلامكم عن بلدنا خلاني اعرف قيمته اكتر!!
وكلامك يا ماما حميدة كلو درر وقصة الرجل العجوز واولاده الثلاثة عجبتني كتير وبمحلها والله !!!!
ما تغيبي عنا بكلامك الحلو ........

بس من امبارح صباحا شفت المنتدى وما كان فيه هذا الموضوع الجميل وبالعادة برجع بالليل بعد ما يناموا الاولاد بس كان عندي زوار يطمنوا على ابني اسامة كان والله تعبان كتير بالكريب وابر وادوية بس الحمد لله الان احسن بكتير فنمت بكير وبتفاجأ اليوم .... بهمة الصبايا اللي كلها نشاط ما شاء الله قلت متى لحقوا يكتبوا http://www.lakii.com/vb/smile/21_175.gif (http://www.lakii.com/vb/uploader/smilies.php)... بس الغربة بتخللي الواحد يتعلق بكل شي من ريحة وطنو (مع اني ما دقتها مباشرة!!! ............ للغربة!!!!)

[ام اسامه لك وينك اذا حتضل هيك همتك بقل التفاصيل والوقائع لحنطر ناخد بحققك التدابير اللازمه
امول الجمول !!!! سامحيني حبيبتي شرحت سبب تأخري والله غصب عني وما بقى عيدها ... شو يعني بدك غنيلك توبة ما بقى عيدها!!!http://www.lakii.com/vb/smile/7_9.gif (http://www.lakii.com/vb/uploader/smilies.php) بس انا ما بسمع اغاني !!

بانتظار مراسلتنا من بيروت : أم أسامة
هههههههههههههههههههه ضحكتيني والله ....... شبيكي لبيكي ام اسامة بين ايديكي ... بأمرك انا !!!
اشتقنا يا ياسمينة سألت عنك كتير كيفك وكيف صحتك ؟؟؟؟

يللا وين اللبنانيات؟؟؟؟؟؟؟؟؟؟؟؟؟؟؟؟؟؟؟؟؟؟؟؟http://www.lakii.com/vb/smile/21_60.gif (http://www.lakii.com/vb/uploader/smilies.php)

وطبعا مرحب بغير اللبنانيات اللي زارت لبنان وتعطينا رايها بالمناطق اللي زارتها او اللي تحب تزوره .........

بحفظ الرحمن

الامل الجميل

10-02-2006, 03:36 PM

وعليكم السلام ورحمة الله وبركاته

كيفكم يا غاليات والله هل جمعه مافي احاى منها
الله يجمعنا مع الحبيب المصطفى امين

ماما حميده كيفك حبيبتي وشو صار معكم عند الحكيم ان شاء الله خير
الله يكلل زوجك بالشفاء ويشفى المسلمين ويعافيهم من كل مرض

ياسمينه لك وينكككككككككككك تعي شهينا شوي بكم محل على كم مطعممممممممم على كم اكله وكيفوا عبوديك
زلغطي عبودي رايح على المدرسه الاثنين ليليشششششششششششش من غير شر رجعنا للمدرسههههههه وخلصت العطل

ام اسامه سلامة قلب اسومه والله الطقس كتير برد عندكم كل ما بحكي الاهل بقولوا برد زمهريررررررررررر ههههههههه
بس والله حلو انا بحب هل طقس كتير وكستنا وبطاطا حلوه وجمعه بالبيت ومخلوطه من عند الحلبي او الرفاعي يا عيني ويللهههههههههه

لك يا لبنانياتتتتتتتتتتتتتتت اظهر وبان عليك الامان
كل وحده بتعرف انو في لبنانيه بهل منتدى تبلغ السلطات الرسميه ونحنا منتصرفففففففف لالقاء القبض عليها وادخالها في هذا الموضوع

سلاممممممممممممممممممم

um Usama

10-02-2006, 10:48 PM

بسم الله الرحمن الرحيم

كيفكم يا صبايا ؟؟ وينكم يا صبايا ؟؟؟

امول كيفك ؟؟ فهمت منك انو عندك عبودي ما شاء الله والله يخلليه لكم ويخلليكم له وشو عندك كمان اولاد ؟ انا عندي يمنى 6 سنين ونصف واسامة بيطبق ال5 سنين بعد 3 اشهر ان شاء الله

ام اسامه سلامة قلب اسومه والله الطقس كتير برد عندكم كل ما بحكي الاهل بقولوا برد زمهريررررررررررر ههههههههه
بس والله حلو انا بحب هل طقس كتير وكستنا وبطاطا حلوه وجمعه بالبيت ومخلوطه من عند الحلبي او الرفاعي يا عيني ويللهههههههههه
ايه والله الطقس بارد والجو كلو كريب ببيروت يعني ما في بيت الا في حدا مكرب اذا مش الكلhttp://www.lakii.com/vb/smile/7_93.gif (http://www.lakii.com/vb/uploader/smilies.php)
بس شو بدك شي بيجنن هوا وبرد وانت بالبيت والمنقل عارم ومتل ما قلتي كستناء وبطاطا حلوة ومفتقة وشو مفتقة عملتلكم يا صبايا لاول مرة .... واخر مرة هههههه .........عم امزح لا عجبت الكل والله .... ودعو علي .. قصدي دعولي ..http://www.lakii.com/vb/smile/7_94.gif (http://www.lakii.com/vb/uploader/smilies.php)..ما تفهموني غلط بلييييزززز (رجعنا للعنطظة!!!)

ماما حميده كيفك حبيبتي وشو صار معكم عند الحكيم ان شاء الله خير
الله يكلل زوجك بالشفاء ويشفى المسلمين ويعافيهم من كل مرض

آمين يا رب العالمين

لك يا لبنانياتتتتتتتتتتتتتتت اظهر وبان عليك الامان
كل وحده بتعرف انو في لبنانيه بهل منتدى تبلغ السلطات الرسميه ونحنا منتصرفففففففف لالقاء القبض عليها وادخالها في هذا الموضوع

لا اله الا الله ما هيك يا امول خللينا نحضر القهوة لهم والشاي لنا والاراجيل العجمي والتركي والنكهة ومنعزمهم نحنا هيك منحب القيمة يللا بنات!!! http://www.lakii.com/vb/smile/7_49.gif (http://www.lakii.com/vb/uploader/smilies.php) ناطرينكم!!! امول شعلي عالفحم!!!! http://www.lakii.com/vb/smile/7_48.gif (http://www.lakii.com/vb/uploader/smilies.php)

ماماحميدة

11-02-2006, 12:09 AM

السلام عليكم ورحمة الله وبركاته

ياهلا وسهلا بام اسامه ,وعبقول منووووورة اليوم سلامة قلبه ابنك ومعافى باذن الله
هالسنه الشتويه كلها رشوحات وفيرووس وعنا الاحفاد مر عليهم الدوور
شي خبرتنى اموله نفسكم بموضوع وتتلاقوا فييه ,,قلت يا خير البر عاجله وهيداالي صار
فيارب جمعه على خير للجميع متل ما قلت من حب الكل يشاركوا بابداء رائيهم عن زيارتهم
للبنان او اي فكرة بيحبوا يستوضحوها عن بلدنا الله يجعله عامر بالخير والحب والبركه

اموله ياهلا فيك وبهمتك يا حلوة الله يخليلك عبودي واخواته :-A ماعرفت وش عندك ولاد :p
فان عندك خبرينا شو اعمارهم وان لاء بيكون فال خير

سئلتوني شو قال الدكتور ,,في جراحة وحدد وقت مبدئي بعد اسبوعين ,,الجراحة منها سهلة
فواللهي كتير عتلانين هم وبدنا نستشير بعد اكتر من دكتور ونشتخير الله
لانه الشافي والمعافي ,,ولا يضر مع اسمه شيئ ببقى بطمنكم ,,
ويمكن اتاخر بالمشاركه الى يروق بالي بتصفح ةبطمن عن اخباركم يارب موفثقين
وافتكروني بقعدتكن الحلوة ,,على فكرة انا تركت تدخين الارجيله من سنتين ولهيت حالي بالمطالعه
على النت والي شجعني زوجي الله يخليلى ياه لانه بيحب المطالعه بشكل رهيب يعني مابدخل معكم الان
الا ليكون عبيقرا بايده كتاب او يتابع الاخبار ,,فنصيحة التدخين عمل لي حساسية وشي تركت اليوم ا
لحمد لله خفيت وصرت افضل بفضل الله
عامله مرشدةاجتماعيه ):K يللا المهم ماتتعلقوا فيها هيك ابني وكنتى حبيب قلبهم بالويك اند يحضره
الارجيله بيعزموني بقلهم نووااي هيك اريح بكتير وهلق سلام وبطل ان قدرت وسمحت ظروفي
بشوفكم بالف خير :-D

um Usama

11-02-2006, 08:10 AM

وعليكم السلام ورحمة الله وبركاته

ياهلا وسهلا بام اسامه ,وعبقول منووووورة اليوم
منورة بوجودك ماما حميدة وبكل الصبايا الله يخليكي يا رب
وان شاء الله اللي في خير الله يقدموا بخصوص عملية زوجك الكريم ومتل ما قلتي ماما حميدة الاستخارة افضل شي والخيرة فيما اختاره الله عز وجل ..

كيف كندا معك وقديش صارلك عايشة هناك والله زوجي اجت فترة قال بدو يقدم طلب هجرة عكندا وانا يجن جنوني لاني مابعرف حدا وبحكم اني محجبة وبلبس شرعي قول بدي ضل مزروبة بالبيت وبخاف كتير عأولادي و سبحان الله ما بعت الطلب ما في نصيب..

ويمكن اتاخر بالمشاركه الى يروق بالي بتصفح ةبطمن عن اخباركم يارب موفثقين
وافتكروني بقعدتكن الحلوة ,,على فكرة انا تركت تدخين الارجيله من سنتين ولهيت حالي بالمطالعه
على النت والي شجعني زوجي الله يخليلى ياه لانه بيحب المطالعه بشكل رهيب يعني مابدخل معكم الان
الا ليكون عبيقرا بايده كتاب او يتابع الاخبار ,,فنصيحة التدخين عمل لي حساسية وشي تركت اليوم ا
لحمد لله خفيت وصرت افضل بفضل الله
عامله مرشدةاجتماعيه يللا المهم ماتتعلقوا فيها هيك ابني وكنتى حبيب قلبهم بالويك اند يحضره
الارجيله بيعزموني بقلهم نووااي هيك اريح بكتير وهلق سلام وبطل ان قدرت وسمحت ظروفي
بشوفكم بالف خير

ماما حميدة ما تعطلي هم وان شاء الله كل شي بيتيسر متل ما الله بريد وابقى طمنينا كل ما سنحت لك الفرصة ... بخصوص الاركيلة ونحن كمان مش شريبين انا بالبرية بالصيف بس اذا في جمعة الاهل بس كنت عم اعمل اغراءات للبنانيات حتى يجوا وان شاء الله منجتمع كلنا سوا...

واذا بتقبلي مني ماما حميدة عن رسول الله صلى الله عليه وسلم :

"الصدقة تسد سبعين بابا من السوء" رواه الطبراني
"حصنوا اموالكم بالزكاة، وداووا مرضاكم بالصدقة، واعدوا للبلاء الدعاء" الطبراني

وصلى اللهم على سيدنا محمد وعلى اله وصحبه اجمعين

ياسمينة ..

11-02-2006, 03:16 PM

صباح الخيرات و الليرات ... كيف الحلوات :)

ماما حميدة.. الله ييسر لكم يااا رب.. طبعا إستشيروا جراح تاني... الله يختار الخير.. و متل ما قالت أم أسامة، الصدقة، خاصة صدقة الفجر.. الله يشفيه و يرده إليكم سليم معافى بالقريب العاجل..
سلامة قلب أسامة كمان :(

شو يا صبايا، شو أرجيلة ما أرجيلة :(*): شو بدكن بهالشغلة يا عمّي، شبهة دينية و ضرر صحي ، و ما فيها أي أنوثة :S: ديدّيه كخ كخ ( معلش آخدة عالحكي مع عبودي ws:-)

أمولة.. ليليلييش عقبال عند عبودي تبعي :p
تصييف، كنا نصيف بسوريا كل سنة لأن ماي مازر إز سيريان :cool:

أم أسامة.. الله يخليلك يمنى و أسامة، بأي مدرسة يمنى ؟ لسه ما عرفتِ مدرسة البشائر مدري الجواهر :[MM طيب بتعرفي بيادر عرمون :)

مستعدين نلتقي بشهر 6 ، شو رأيكم مبدئيا ؟ فترة تسجيل أسماء :-P :)

بالنسبة للبنانيات في المنتدى، نحن بالفعل مش كتار.. الحلم الجميل شفتها بموضوع دردشة الفلسطينيات بركن الإخاء ( عم بِندَس :D)

الامل الجميل

11-02-2006, 04:17 PM

السلام عليكمممممممم
كيفكم لك معقولللللللللللللل وين ردي انا كتبت جريده طويله عريضه كتبت فيها قصت حياتي معقوللللللل لا بدي اتشكى (بلشنا ما دايما هيك في عود اعوج مدسوسه انا لاعمل فتنه ههههههههههه)
جد والله ام اسامه انا فكرت نزل ردي ورديت عليك وعلى ماما حميده شو القصه يعني انتو معكن واسطه ههههههههه كل شئ بلبنان بواسطه حتى هونننننننننننننن

المهم منعيد وامرنا لله

انا بس عندي عبد الرحمن الله يخليلك يمنى واسامه ويشفيلك اسامه ويشفي كل مريض
وربي يشفي يا رب زوجك يا ماما حميده ويلبسوا توب العافيه

عمر عبودي سنتين و8 شهور

شو يا صبايا، شو أرجيلة ما أرجيلة شو بدكن بهالشغلة يا عمّي، شبهة دينية و ضرر صحي ، و ما فيها أي أنوثة ديدّيه كخ كخ ( معلش آخدة عالحكي مع عبودي
يا اختي ما منشرب كل الي قلنا انو وقت كنا صبايا يعني ايام العززززززززززز كنا ننفخ مع رفقاتنا ايام الجهل بس هلق الحمد لله بحححححححححححححح

أم أسامة.. الله يخليلك يمنى و أسامة، بأي مدرسة يمنى ؟ لسه ما عرفتِ مدرسة البشائر مدري الجواهر طيب بتعرفي بيادر عرمون
ماتقولي مقاصد بزت حالي من عن التخت(قال شو عم هدد يعني هههههههههه بس موته شنيعه )
انا بقول الشويفات
او ممكن الاتصال بصديق او حذف اجابتين \(متاثره بمن سيربح المليون 2)

انا متل ما قلتلك يمكن لحقك ويمكن لا يا ست ياسمينه لان حضرتك ما نزله دغري على لبنان انا ان شاء الله بطلع من هون 2 نيسان بوصل ب 3نيسان فتفضلي جربي تنزلي اول شهر 6 اخر خمسه للحق شوفك قبل ما سافر

وانا مسجله الحضور

بعدين الحلم الجميل شفتها بموضوع دردشة الفلسطينيات بركن الإخاء ( عم بِندَس
ليش مجبتيها بتكون ما عارفه
انا رايحه جيبها
وبدي اسالكم
ايمان علي مش لبنانيه ولى انا غلطانه لزم نستضيفها ولى شوووووووووووووووو

ياسمينة ..

11-02-2006, 05:00 PM

أمولة أنا شهر 6 من أوله بلبنان إنشالله..
و لا لا مش مقاصد :p الجواهر و البشئر فروع لمدرسة البيادر.. بس أنا ناسية كل واحد بأي منطقة..

إيمان علي إنترناشيونال، ملك الجميع :):) هي فلسطينية لبنانية

um Usama

11-02-2006, 11:31 PM

السلام عليكم يا امامير كيفكم ؟؟؟

يا هلا بياسمينة كيفو عبودي وما قلتيلنا اذا عندك ولاد غير الله يسلملك ياه عبودي

أم أسامة.. الله يخليلك يمنى و أسامة، بأي مدرسة يمنى ؟ لسه ما عرفتِ مدرسة البشائر مدري الجواهر طيب بتعرفي بيادر عرمون
ان شاء الله تسلميلي يا حق (ما تقوليلي دعوة بيروتية اوح!) - اهههها الان عرفت قصدت الجواهر كانت بعرمون قبل فتح البيادر عرمون وبعدين سكرت واكييييييد بعرف بيادر عرمون مدرسة بتجنن والله حطيت يمنى فيها اول سنتين وصار في ظروف وميس اندرستاندينغ خخخخخخخ فحولت يمنى واسامة الى مدرسة اللبنانية العالمية على طريق المطار وطبعا اسلامية وبمستوى البيادر..... والحمدلله للان ما في مشاكل يمنى الان بالاول اساسي واسامة روضة اولى وبيادر بيروت ما بعرف شو اسمها بركي البشائر؟؟؟؟

مستعدين نلتقي بشهر 6 ، شو رأيكم مبدئيا ؟ فترة تسجيل أسماء من ناحيتي انا مستعدة .. بفتكر ماعندي شي ..سجليني لو سمحتي ....::JH::

دعاء من القلب لماما حميدة الله يكون معك بهالمحنة

امول يا امول كيفكم لك معقولللللللللللللل وين ردي انا كتبت جريده طويله عريضه كتبت فيها قصت حياتي معقوللللللل لا بدي اتشكى (بلشنا ما دايما هيك في عود اعوج مدسوسه انا لاعمل فتنه ههههههههههه)
جد والله ام اسامه انا فكرت نزل ردي ورديت عليك وعلى ماما حميده شو القصه يعني انتو معكن واسطه ههههههههه كل شئ بلبنان بواسطه حتى هونننننننننننننن

روقي حبيبتي روقي ما في شي حرزان فداك ..وبعدين شو واسطة ما واسطة لالالالا انا ما عندي هالشغلات ...لا واسطة ولا من يحزنون :K) :K) وحتى زوجي ما عندو واسطة:confused: (عم امزح!!)

إلنا رب العالمين وبس ما بدنا اكتر من هيك

الله يخلليلك عبد الرحمن وتفرحي فيه هالاسم عزيز علي كتير لانو اسم البابا الله يرحمه !!

انا بقول الشويفات
او ممكن الاتصال بصديق او حذف اجابتين \(متاثره بمن سيربح المليون 2)

كنت قريبة من الاجابة بس للاسف تسرعتي !! بس لانك مهضومة ح اعطيكي فرصة تانية!!! مين بتعرف مسجد السلطان وين موقعو؟؟؟

سلام يا حلوبن

ماماحميدة

12-02-2006, 01:29 AM

وعليكم السلام ورحمة الله وبركاته

منورة بوجودك ماما حميدة وبكل الصبايا الله يخليكي يا رب
وان شاء الله اللي في خير الله يقدموا بخصوص عملية زوجك الكريم ومتل ما قلتي ماما حميدة الاستخارة افضل شي والخيرة فيما اختاره الله عز وجل ..

كيف كندا معك وقديش صارلك عايشة هناك والله زوجي اجت فترة قال بدو يقدم طلب هجرة عكندا وانا يجن جنوني لاني مابعرف حدا وبحكم اني محجبة وبلبس شرعي قول بدي ضل مزروبة بالبيت وبخاف كتير عأولادي و سبحان الله ما بعت الطلب ما في نصيب..

ماما حميدة ما تعطلي هم وان شاء الله كل شي بيتيسر متل ما الله بريد وابقى طمنينا كل ما سنحت لك الفرصة ... بخصوص الاركيلة ونحن كمان مش شريبين انا بالبرية بالصيف بس اذا في جمعة الاهل بس كنت عم اعمل اغراءات للبنانيات حتى يجوا وان شاء الله منجتمع كلنا سوا...

واذا بتقبلي مني ماما حميدة عن رسول الله صلى الله عليه وسلم :

"الصدقة تسد سبعين بابا من السوء" رواه الطبراني
"حصنوا اموالكم بالزكاة، وداووا مرضاكم بالصدقة، واعدوا للبلاء الدعاء" الطبراني

وصلى اللهم على سيدنا محمد وعلى اله وصحبه اجمعين

اهلا بام اوسامة

ياعمري هيدا نوور الله ونوركم يا صبايا ,,والله انا عبستمد القوة من الايمان باله وزجي مسلمها لالله
والي مقدره بده يوصل مالنا الا الدعاء ونعمل لاخرتنا والحمد لله من هالناحيه الله لا يجعلنا من المقصرين
ويقدرنا ربناعلى طاعته وحسن عبادته ,,وبالصدقة الجاريه وخاصة لعجزه والايتام
وربك عليم ومابقبل الا ببلدنا نتصدق ,,لان الاقربون اولى بالمعروف ,,وبيضل فييه ناس ما الهم عين يطلبوا
ولو مها انضاقوا وعلمت ولادي يسئلوا ويمشوا علىطريقتناا انا وابوهم حتى كنتى ياحبيبتى متلنا
يعني الباقي شغل ربك وفي حكمة وراضيين بحكمه ,,هلق الوضع مستقر وهو بالف خير ,,
ولكن الجراحة قال ضروريه من باب الجزر مايرجع النزيف بالمعدة ,,الله يلهماالخير ويد الله قبل يدهم
وكل يوم بصلي الفجر وبدعي وبقرا سورة البقرة واايات الشفاء جبتها من النت ,,والمقدرمن الله بده يوصل
واللهم صلي على سيدنا محمد وعلىاله وصحبه اجمعين

سئلتينى امتى جينا كندا من 13 سنه ,,ولادي سبقونا قبل بتلات سنين وعملولنا جمع شملو,والله الي عنده ولاد
وجامعات ,,اوحتى اطفال بنصحه بهاالبلد لان متل منك شايفة مابعبتروق ببلادنا العربيه
وبيضل الواحد هون بيلاقي شغل وبيعيش مستور والعلم والطب مامن ,,بيقى البعد عن الوطن بيتعود مع الوقت
ومتل ما بلاحظ هون متمسكين بالدين اكتر من قبل ما نحنا وبس كل العرب الي بعرفهم مافي اجتماعيات تلهيك عن ذكر الله والعبادة وتربيه الولاد ,,او ولادهم متلي ,,,
يعني ان زوجك عنده رغبه الاوان لسا ما فات جربوا وان الكم قسمه بيصير خير من شهر سمعت من شب بلبنان انهم فتحوا اباب الهجرة بتورنتوا ,,واله اعلم لان الشاب سمعته عند دكتور السنان شي كنت بلبنان
فما عندي تفاصيل بدكم تسئلوا ,,طولت عليكم بالحديث للتوضيح ويارب تضلوا بخير
يااحلى واغلى اعضاء
قبل ماترك وين الصبايا مابس اللبنانيات ,,,كل بنات المنتدى مدعويين عند ماما حميدة
وبناتها الي هنا انتوا يللا وينكم انا متكلي على الله وعليكم
ودمتوا بالف خير

ياسمينة ..

12-02-2006, 03:26 PM

أهلين ببنات البلد :)

أنا باخد السؤال ، ضويلي مربع :p
جامع السلطان بين تلة الخياط و مار الياس، بأصعب مكان ممكن تلاقي فيه صفة للسيارة :)

ما تقولي قصدك LIS ؟؟؟؟؟؟ هيدي كانت مدرستي بالابتدائي و كان إلي فيها أحلى الذكريات.. تركتها بالحرب سنة ال90 و نقلت عالIC . بعدين بيادر بيروت بعدين ختامها في الروضة ( مجربة كل الأشكال و الأنواع :))
على أيامي LIS كانت تحت إدارة واحد أجنبي إسمه فرانك ريد، و كانت المدرسة بعرمون، بعدين انتقلت عالأوزاعي ، بعدين هلأ صارت عالمطار و أسلمت :) صارت إدارتها إسلامية ما شاءالله شي بيرفع الراس.. في ردة دينية بالبلد يا جماعة ما شاءالله.. كل سنة بزور بيروت بلاحظ زيادة انتشار الحجاب و محلات الملابس الإسلامية و المدارس الإسلامية و ما شابه، مش ملاحظين متلي؟

أنا عندي عبدالله عمره سنة و شهر و بس :) مجننيييييي

والله أنا ما بتفق معك يا ماما حميدة بموضوع الغربة.. فيه مثل يقول : نيّال يللي عنده مرقد عنزة بلبنان..
يعني طالما عايشين مستورين، كنوز الدنيا ما بتعوض عن العيشة بالوطن. و أد ما تعود الواحد عالغربة، في فراغ بالقلب عمره ما بيملى.. شو الواحد كام مرة بيعيش كرمال يعيش متغرب... طبعا هالحكي بالنسبة للقادر يعيش بلبنان بس عم يفكر بالاغتراب لتحسين المستوى المعيشي..

سلام هلأ :)

الامل الجميل

12-02-2006, 03:31 PM

السلام عليكم يا غاليات والله انو هل قعده فشت خلق لالنا

ياسوووووووووو(هيدا دلع اسمك ياسمينة الشام كيفففففففف ان شاء الله على ذوقك)
أمولة أنا شهر 6 من أوله بلبنان إنشالله..
ان شاء الله باذن الله النا الشرف يا ست ام عبد

إيمان علي إنترناشيونال، ملك الجميع هي فلسطينية لبنانية
صح وانا بس دخلت ركن القعده الفلسطينيه اكتشفت ما شاء الله نسبه كبيره من البنات من فلسطين الحبيبه
وايمان علي فلسطينيه لبناننيه والحلم الجميل كمان
كل هيدا ما بقدم ولا باخر المهم اننا كلنا منقول لا اله الا الله محمد رسول الله وكلنا عرب
(كيفففففففففف؟؟؟؟؟؟؟؟؟؟؟؟)

روقي حبيبتي روقي ما في شي حرزان فداك ..وبعدين شو واسطة ما واسطة لالالالا انا ما عندي هالشغلات ...لا واسطة ولا من يحزنون وحتى زوجي ما عندو واسطة (عم امزح!!)
لك وانا عم امزح ولووووووو ان شاء الله صدقتي؟؟؟؟؟؟؟؟؟؟
من كلامك فهمت انك بتشتغلي ؟؟؟؟؟؟؟؟؟؟؟ شو بتشتغلي ؟؟؟هيدا اذا مافي مانع

الله يخلليلك عبد الرحمن وتفرحي فيه هالاسم عزيز علي كتير لانو اسم البابا الله يرحمه !!
الله يسلمك تفرحي من يمنى واسامه يارب ويرحم والدك وينور قبره يا رب ويغفروا

مين بتعرف مسجد السلطان وين موقعو؟؟؟
هيدا مش بعرومون ؟؟؟؟؟؟؟؟ولا انا غلطانه عم اخلط شعبان برمضان

ماما حميده كيفك يا غاليه ليوم وكيف زوجك الله يا رب يشفيه ويخليلكم ياه ويشفي كل مرض

بتعرفي اول مرره بسم وحده بتقول البلد الي هي فيها منيحه يعني لقلك مين ما سالت اني انتقل للعيش بغير بلد يعني غير البرازيل للفحش الي فيها (اللهم عافينا )وعدم توفر المساجد ولا جاليه عربيه متمسكه بدينها
وربي ما حدن نصحني مع اني ممكن ادخل كندا وامريكا بسهوله لحصولنا على البسبور البرازيلي بس للاسف كل الي سالتهم عارضوا
ههههههه فسبحان الله حتى بهذه الامور انت مميزه وبتعطي امل الله يديم عليك يا رب هل الروح الي عندك ويحبب خلقه فيك لان من محبت الله للعبد ان يحبب فيه خلقه فالله يديم عليك هل نعمه ويشفي زوجك يا رب

الامل الجميل

12-02-2006, 03:45 PM

الغاء

الامل الجميل

12-02-2006, 03:53 PM

ياسوووووووووو
والله برافو عليكه أنا باخد السؤال ، ضويلي مربع
جامع السلطان بين تلة الخياط و مار الياس، بأصعب مكان ممكن تلاقي فيه صفة للسيارة
صحححححححح وقبل ما توصليلو في نزله قويه
ومن فتره خلص على الاخر صحححححححححححححح

بلاحظ زيادة انتشار الحجاب و محلات الملابس الإسلامية و المدارس الإسلامية و ما شابه، مش ملاحظين متلي؟
والله شي بيفرح كتير معك حق يعني الله يزيدهم
بس في بيناتهم لبسهم بيلفت النظر اكتر من الي مش متحجبه يعني انا صرت اطلع عليهم كيف الشباب ؟؟؟؟؟؟؟؟
يعني بكون اللبس ضيق والسنه الماضيه جنيت وحده محجبه بس لبسه تنوره تحت الركبه بفشخه انا قلتلهم شو هاي قال محجبه هون صعقتتتتتتتتتتت لان ارجله كلهم مبينين بس مخبايه شعرها وهيدا غلط الله يهدي الجميع يا رب

يعني طالما عايشين مستورين، كنوز الدنيا ما بتعوض عن العيشة بالوطن. و أد ما تعود الواحد عالغربة، في فراغ بالقلب عمره ما بيملى.. شو الواحد كام مرة بيعيش كرمال يعيش متغرب... طبعا هالحكي بالنسبة للقادر يعيش بلبنان بس عم يفكر بالاغتراب لتحسين المستوى المعيشي..
ايه والله هل الفراغ قاتلنييييييييييي يعني والله بقول كل سنه ما بدي انزل لكبر التكلف بس ما بقدر ما انزل شو الاهل والوطن بجن يعني الي بجمعه بسنه بصرفه بنزله على لبنان وبقول طب شو عايشه بغربه وعمري عم يمرق وما شوف اهلي ووطني صعبه وهيدا الشي الي مجنني
بقوليولي قعدي 6 7 سنين ونزلي لتامني حالك بقلن الي ما عايش بالغربه وداقها بعمره ما يقول قعدي 6 او 7 سنين

بس بعتقد انا بالنسبه الي ان لو كانت الجاليه الاسلاميه هون متل غيلر دول يعني متكاتفه بالاعياد بالمساجد بالدروس الاسلاميه والعربيه الوضع ممكن شوي يتغير بتحسي في شي من ريحة بلدك مش متل هون ما بشوف غير الفلتين والكفر اللهم عافينا يا رب وردنا لبلادنا سالمين غانمين

فيه مثل يقول : نيّال يللي عنده مرقد عنزة بلبنان..
هيدا صح ميه بالميه والله انا دايما بقول انا وزوجي لو عنا بيت ملك الملك لله والله ما كنا فكرنا نغترب لان بقول الواحد بابك مسكر عليم شو ما صار الله ما بيقطع
سلام

ياسمينة ..

12-02-2006, 04:08 PM

كل هيدا ما بقدم ولا باخر المهم اننا كلنا منقول لا اله الا الله محمد رسول الله وكلنا عرب
(كيفففففففففف؟؟؟؟؟؟؟؟؟؟؟؟)
الله أكبر الله أكبر :D

شو جامع السلطان بعرمون :eek:

ماماحميدة

12-02-2006, 06:19 PM

أهلين ببنات البلد :)

أنا عندي عبدالله عمره سنة و شهر و بس :) مجننيييييي

والله أنا ما بتفق معك يا ماما حميدة بموضوع الغربة.. فيه مثل يقول : نيّال يللي عنده مرقد عنزة بلبنان..
يعني طالما عايشين مستورين، كنوز الدنيا ما بتعوض عن العيشة بالوطن. و أد ما تعود الواحد عالغربة، في فراغ بالقلب عمره ما بيملى.. شو الواحد كام مرة بيعيش كرمال يعيش متغرب... طبعا هالحكي بالنسبة للقادر يعيش بلبنان بس عم يفكر بالاغتراب لتحسين المستوى المعيشي..

ياهالا ياسمينه الله يحميلك عبد الله هلق عذ شقاوته بدك تردي وراه ,,وبده يستكشف كل شي,انا عندي ابن بنت عمر حبيب قلبي ما شاء الله مابيهدا شي بيوصل عندىبضب منه كل شي ,,وحاطت راسه بالزريعة بده ينتفها,,فالله يخليهم بدهم تضلي وراهم لان بتخافي يحطوا شي بتمهم :[]L

ياعمري مافي متل الوطن ,,بس للضرورة الناس عبتضحي وتتغرب من غلبهم لان العين بصيرةوالايد قصيرة
وامتى بيشعروا بهالشي شي يكبرواالولاد ويدخلوا جامعات بكندا الطالب بيطلب قرد مالي ليتعلم
والشيخوخة مؤمن وخاصة الاستشفاء بلدنا ليدخلوا مريض المستشفى بيذلوا ان ايده ما طايله بعرف شخص عبال
ماامنت مرته المبلغ التامين لتدخلة ساءت حالته وراح فيها قبل ما يسعفوه :confused:
شايفه ليه صار الواحد يتحمل الغربه ,,الانسان هون اله قيمه بتلون زغير ل911 حتى المقطوع من شجرة بيهتموا فييه وبيعملوااللازم ,,فكري فيها بتلاقي الفرق شاسع يابنتى,,

الامل الجميل

12-02-2006, 06:28 PM

ياسووووووو
شو جامع السلطان بعرمون
شكلوا مخيييييي بدو تزيت لك صلحنا الغلط

ماماحميدة

12-02-2006, 06:39 PM

السلام عليكم يا غاليات والله انو هل قعده فشت خلق لالنا

ماما حميده كيفك يا غاليه ليوم وكيف زوجك الله يا رب يشفيه ويخليلكم ياه ويشفي كل مرض

بتعرفي اول مرره بسم وحده بتقول البلد الي هي فيها منيحه يعني لقلك مين ما سالت اني انتقل للعيش بغير بلد يعني غير البرازيل للفحش الي فيها (اللهم عافينا )وعدم توفر المساجد ولا جاليه عربيه متمسكه بدينها
وربي ما حدن نصحني مع اني ممكن ادخل كندا وامريكا بسهوله لحصولنا على البسبور البرازيلي بس للاسف كل الي سالتهم عارضوا
ههههههه فسبحان الله حتى بهذه الامور انت مميزه وبتعطي امل الله يديم عليك يا رب هل الروح الي عندك ويحبب خلقه فيك لان من محبت الله للعبد ان يحبب فيه خلقه فالله يديم عليك هل نعمه ويشفي زوجك يا رب

اهلا اموله تسلمي حبيبتى
والله يخليلك عبودي وزوجك واهلك ويحميهم ,,ويسمع منك ربي اللهم اميين يشفي مرضانى ومرض المسلمين
ولا شفاء الا بامره وشفائه

شوفي حسب كلامك كندا ارحم من غيرها وبلاحظ الفرق بينها وبين اميركا ابن اختى عايش فيهاوبيت عمي
الفرق كبير بكندا بكل منطق في مسجد او مصلي ويوم الجمعة بيصلوا نساء ورجال بالمسجد الا الي ظروفه
بتمنعه من الوصول ايام التلج ,,حتى بالاشغال بيامنوا غرفة ولادنا وبيصلوا والكل بيحترمهم مابيدخلوا ولا بينظروا النا الا بتقدير ,,وبناتى محجبات وعبيترقوا بشغلهم وقليل ماتلاقي رئيس عمل متعصب بيلتقى ,,,بس قانونيا ممنوع
يظهر هالسي بينخرب بيته ان بيضايق موظف يعني مرغم اخوك لا بطل بدهم يعاملونا بحق الله

وبالنسبه للفحش والمناظر ,,الله يبعدنا عنهم هنا بحالهم ونحنا بحالنا وعمنعلم بناتتنا وشبابنا ,وا ديننا غير عنهم
ومتفهمين هالشي والحمد لله لابك ساترها معنا وهيدا كرم ورضى من الله

ومشكورة ياعمري على كلامك الحلو وهيدا من لطفك ياحلوة ,,والحمد لله انا بحب الناس وهالشي متبادل متلنا بهالمنتدى هيدا الحياة يابنتي اخد وعطا يديمه نعمه علينا ويخليلي ياكن يا احلى صبايا:)

um Usama

13-02-2006, 08:31 AM

بسم الله الرحمن الرحيم وبه نستعين
ولا حول ولا قوة الا بالله العزيز الحميد

اخواتي في الله السلام عليكم ورحمة الله وبركاته

معكم مراسلتكم من لبنان الحبيب ام اسامة ، تقرير اليوم : يوم الاثنين الساعة السادسة والنصف صباحا وبعد ذهاب اولادي حماهم الله الى المدرسة (من غير الشر!!!:(*): ) في هوا بارد وفي غيوم متجمعة الله اعلم اذا اليوم في شتا ام لا ، لبنان متل العادة سياسيا في مشاحنات وجو من التوتر، بس طلعت الحميضة وورد البابونج والخبيزة يعني منظر حلو والله ....

ماما حميدة تسلميلي يا رب والله يهديليك بالك بأقرب وقت!!
يعني ان زوجك عنده رغبه الاوان لسا ما فات جربوا وان الكم قسمه بيصير خير من شهر سمعت من شب بلبنان انهم فتحوا اباب الهجرة بتورنتوا هي الفكرة طرات على بال زوجي عندما تأزم الوضع مؤخرا في لبنان من سنة وقالوا رجعت الحرب ..صاحب زوجي معه الجنسية الكندية فما كان من الدولة الكندية غير انها ارسلت رسالة تطلب منه العودة الى كندا خوفة عليه كونه مواطن كندي وكل شي مؤمن له يعني متل ما قلتي ماما حميدة حس زوجي ان الانسان له قيمة وفي مين يدعمه معنويا او ماديا اذا لزم الامر ..... وكل كلامك عن انو كل شي مؤمن العلم والطبابة وقصة الشيخوخة معك حق