شريتي للعيد ؟؟؟ أنا اشتريت تعالي أقولك من وين ... لبنات الشرقية [الأرشيف]

View Full Version : شريتي للعيد ؟؟؟ أنا اشتريت تعالي أقولك من وين ... لبنات الشرقية

lemo

25-10-2005, 05:43 AM

السلام عليكم و رحمة الله وبركاته

كل عام و أنتم بألف خير

تقبل الله منا و منكم صالح الأعمال

طبعا الحين صارت فترة مشتروات العيد

عندي نصيحة مهمة

أنا ابتديت اشتري للعيد من اخر شهر في الاجازة الصيفية

في شغلات ما تستاهل تخليها لوقت الزحمة عشان تشتريها

المهم

اليوم كنت بالسوق و اشتريت من محل اسمه همسة طقم نعوم مرررررة

و لا هو بغالي .. اخذته ب 150 ريال بس و اشتريت لاختي واحد مثله بعد

أنا من الدمام و المحل اللي اشتريت منه بسوق الحب مقابل صراف بنك الرياض

عنده أطقم كثير حلوة و ساترة

و اشتريت من أسبوعين من كياباي اللي بمجمع الظهران ( جيان )

عبايتي أخذتها من الصالح للعبايات اللي بسوق الحب بعد بشارع باسكن روبنز

مقابله في محل ربيع بيروت عنده سبورتات حلوة و نعومة

جنب الصالح للعبايات في المليحة للملابس

أحيانا ممكن تحصلي عندهم شي رائع

بس بصراحة المرة هذي ما لحقت أشوف وش عنده

المهم في نافذ جنب المليحة اذا دخلتي فيه بتحصلي غرائب الاسبوارت

للين يحبون يلبسون شغلات سبور راح يلاقوا عنده تشكيلة حلوة

للأمانة برضك ما دخلته هل يومين

وين بعد ؟؟؟

كل ما رحت مجمع أو سوق و حصلت شي ينفعكم ببلغكم على طول

في محل السعر المنافس مقابل مخابز درة الارياف << بعد الحياة بلازا

بدل الصغار عنده روعة

و البجامات و ملابس البيت حلوة بعد

وسط تسوقكم ما بيصير شي لو اشتريتوا ألعاب من بو ريال و ريالين و أرسلتوها للجمعية

تفرحوا فيها قلب طفل صغير

بنات .. اللي اشترت من الدمام أو الخبر تقولنا من وين خل نفيد و نستفيد

روح الوفا

25-10-2005, 07:39 AM

محل كاريزما في مجمع ابن خلدون

روووووووووووعه

اختــــك/ روح الوفا ...

فاطر على بصله

25-10-2005, 08:53 AM

مشكووووره حبيبتي على الأفاده

أم لينا97

25-10-2005, 08:39 PM

السلام عليكم ورحمة الله وبركاته كل عام وانتم بخير اولا
ملابس العيد من كل بحر قطره
فيه في الخبر مجمع طابا كبير جدا وفيه كل الي تحتاجينه انتي والاسره
وفيه مجمع ابن حلدون اشياء روعه
وبعد الدمام الحياه بلازاء اغراض حلوه اسمه السعر المناسب .الصبحي
وبعد فيه مجل علي امتداد الشارع اشيائه جدا روعه واسعاره معقوله جدا ومناسبه
وعساني ماطولت عليكم وشكرا :ss: :ss: :-Y :-Y

روح الوفا

26-10-2005, 02:43 AM

بنااااااااااااااااااااااات وينكم ؟؟؟؟؟؟؟؟

معقوله مابديتوا تقضوا للعيد!!!!!!!!!

يالله بنات اتحركوا خلونا نستفيد من بعض........زز

انا اليوم رحت لمجمع مارينا مول فيه شغلات حلوه بس الاسعااااااااار نااااااااااااااااااااار :[]:

لسه جايه وحييييييييل تعبانه انشاالله بوقت ثاني اقولكم وش صار معي............

اختـــــك/ روح الوفا ...

مطيوره

26-10-2005, 09:55 PM

انا بقولكم ..

في محل عبايات في الخبر للعبايات رخييص .. اسمه لمسات ..

سوى لي عبايه وشيله وفيهم فصوص وخياط وكل هاي بـ 300 وقماشه روعه ..

M@N@L

26-10-2005, 10:47 PM

مرحبا قموره يعيطك العافية حبيبتي :)

انا ما اشتريت للعيــد هالسنــه ... لأني بعيــد برا السعوديــة بس مع هذا لفيت اسواق الدمام والخبر واحد واحد لأني صارلي فتره ادور جنزات ... وبلايز طويله للسفر .....

للي يحبو الجلابيات الخليجية الرسميــة ...

اقولهم الحقــو على " السعفــة" بمجمع الراشد عامل تخفيضات كل قطعة يبيعها بنصف السعر يعني الي بالفين بألف والي بألف بـ 500 ... جلابياته خطيــرة تنفع لجمعات نهار العيـــد ... جداً انيقــه .... و" كشخـــه"
واول مره اشوفهم عاملين تخفيضات

ـــ

ولـ البنوتات الي يحبو الستايل الأنيــق والـ " سمبــل " ...

انصحــهم يروحو " ريفر ايسلاند " & " توب شوب " & " دورثي بيركنز "

هذولي اروع المحلات عندي على الأطلااق لأني احب الملابس لأنيقة الي فيها قصات خفيفه بعيد عن الزحمة ..
والستايل المزعج ...
اسعارهم معقوله ...... ولسى واصلهم اشياء جديدة ..... كله نيو ارايف ... :)
توب شوب التنانير عنده روووووعه
وريفر البلايز .. خيال ....
^_^
الثلاث محلات موجودين في مجمع الراشد الدور الثاني .....
ولهم بوابه خاصه .... من عند بي اتش اس ... تطلعين فوق تلقينهم مع بعض ... :)
برضو موجودين في مجمع الظهــران .... والكولكشن الموجود بالظهران اكبــر واحلىىى لأن كل واحد منهم مستقل بمحل لحاله مو زي الراشد مجتمعين مع بعض :)

كمان محل " اويسيس " في الراشد مقابل ناين ويست :) الدور الأول

تـــــ

وللبنات الي يحــبو الكاجول ... والسبور لوك ...

يروحو ديزل بالراشد " جينزات".... ودكني برضو بالراشد << منزل فساتين نعومه للعيد بألوان انيقة وروعه :)
وكمان دكني عامل تخفيض 70% على الشنط .... والجزم " اكرمكم الله "

برضو فية كذا محل منزل شغلات حلوه ...
فيرو مودا
برومود
مانجو
ميس سلفريج < اكرهه هالمحل ... بس مؤخرا نزل شغلات حلوووه كثير ... بـ " ستايل غجري"
دبنهامز ... < منزل شغلات تناسب السيدات بشكل كبيــر ... وبقصات ناعمة ... انيقة ..

ــــــ

الإكسســــوارت ..

اغلب البنات لما يبغو يشترو اكسسوار للعيد يروحو اكسسورايز + كليرز ..
بالنسبة لكسسورايز ... عنده اشياء حلوه بس عيبة انك تلاقنها على كثير بنات :(
اما كليرز احسه ستايل مراهقات ... حلو للبنات الي بين (10_16)سنة

انصحك تروحي تشوفي اكسسوارات

توب شوي ... وريفر ايسلاند ..." الدو " ... وفية كذا محل في مجمع الظهران ...
منزلين اكسسوارات رهيــبة .....
وتتميزي فيها عن غيرك
:)

الشنـــط والجــــزم

نانن وست ... + ... بالي + جفنشي

لقيت انهم الأفضل هالعيـــد ..... ومنزلين اشياء جديده ....

ناين وست .. < لسى عارض بضاعة رهييييبة وكلاسيك ...
جفنشي < عامل تخفيضات على الشنط ماتوقعتها .. التخفيضات كانت قبل اسبوع مدري انتهت ولا لا .. :)
بالي < رسمي ... حلو للسيدات .... وعاشقات البلاك :)

للبنوتات .... شنط اكسسورايز حلوه مش بطاله

اما الي عيــدهم ... خارج المملكة ... وحيرانين بالملابس ...

انصحهم يروحو لمجمع الواحة بالدمام ... منزل بلايز طويلة ... جايبها من الكويت ..خطيــــرة نزلها وطارت كلها خلال اسبوع ويوم الخميس هذا " يعني بكرا" قال بجيب بضاعة جديدة ... لا تفوتكم :)

اما للبناطلين الجينز ..... والحريرية ....

افضل شي وبدون ماتدورين .... روحي لـ بلو جينز ... في مجمع الراشد الدور الثاني ... عامل تخفيضات على الجينزات 70% المحل كله جينزااات .... رهيب اخذ منه خمس بناطيل .. وكلهم روووعه

برضو فيه جينزات ستايل .. ورهيبه عند ... توب شوب ... ودورثي بيركنز ...
اسعارها بين (180 و 300 ) لكنها متميزه وبقصات روعه على الجسم ..

:)

بالنسبة للحجابات ... عندكم كذا كشك في مارينا مول يبيع الحجابات على ثلاثين ريال بس ... وبأقمشة والوان خياليه ... اخذت ربع المحل من روعتهم ..... بس ما ادري وينهم بالضبظ عموما مارينا ومجمع الظهران
فيهم محلات حجابات كثيره وبأسعار مغرية :)

صارلي اسبوعين احوس من سوق لسوق .... عشان السفر ..
هذي اخبار السوق خلال الثلاث ايام الأخير ... يعني كلهااا طازجة ....
ولو رحت حصلت شي ببلغكم ... ;)

اتمنى اكون افدت الجميــــ ع .... تحيتي لكم ولبنات الشرقيه خاصة :)
:)

lemo

27-10-2005, 05:17 AM

حجابات و شالات روعة تحصلونها في مجمع ابن خلدون بلازا في الدور الأرضي من ناحية زارا
على ثلاثين و عشرين

أنا شريت منهم يجنون و يتحملون و شكلهم روعة

جزم و صنادل في بمجمع مارينا مول في الدور الأول

على طول و أنتي طالعة لفوق من السلم الكهربائي الرئيسي

محل اسمه viss

جزمه و صنادله و أسعاره رووووووعة و عنده شنط كمان

بالنسبة للاكسسوار أنصحكم يا بنات بسوق الحب

في مبنى اسمه سوق راشد مليان اكسسوارات و شنط و قطنيات داخلية و للصغار

و فيه محلات جزم و ألعاب و ملابس نسائية

و ساعات و لوازم شعر و عطور

المهم يا بنات في محل اسمه تيا للاكسسوار عنده اثنين بنفس السوق

( هذا السوق ( سوق راشد ) كأنه مجمع صغير هو مبنى في سوق الحب بس شغلاته روعة )

اثنينهم عندهم نفس البضاعة بس من كثر الاقبال عليهم فاتحين محل ثاني

مدخل سوق راشد من ناحية المسجد

في محل شنط جنب محل تيا للاكسسوار

عنده شنط روووووعة و حلوووووة و أسعارها خيالية

شريت 18 شنطة و 13 ساعة و محفظة و ما دفعت

غير 450 ريال

<<< هدايا العيد << أختي كانت تقولي روحي ابسطي بالمنتدى بيعيهم :D

وين بعد يا ليمو ؟؟؟

اييييييييييه

شوفوا أنا أعشق الحلويات و التوزيعات

بعلمكم من وين اشتري أغراضي

المدخل الجانبي لسوق راشد في وجهه على طول

مكسرات غدير << اشتري المكسرات و الحلويات من هناك أو من فرعهم الثاني عالم الحلويات

و في المتجر العربي للوازم الخياطة على اليمين

و على اليسار يكون محل الصدير للوازم الخياطة

طبعا هذا غير محلات الزامل بالخبر

و مشوار للهدايا في السويكت

و دنيا صغيرة و عالم الاحلام في الدمام

يعني اللي تبي تسوي شغلات للعيد لحلاوة العيد تدور في ذيك المحلات و بتلقى شغلات كثيرة تعجبها

<<< أسوي دعاية لركن الحفلات ;)

lemo

27-10-2005, 05:22 AM

نسيت اقولكم

و ين تحصلون سوق راشد

هو مقابل صراف بنك الرياض في السوق

يعني اللي تدخل السوق من الشارع الرئيسي اللي هو عند مريول الحر و بوتيك نسرين ما ادري حسام

للمواليد << على فكرة عندهم هناك باول هذا الشارع محلات روعة لهدايا المواليد و تجهيزات غرف

الأم الوالد بطقم نفس حق النونو

المهم تكمل لاخر الشارع بتلقى في مسجد صغير و لفة على اليمين تودي المواقف اللي بالساعة

سوق راشد جنب المسجد ما يفصلهم غير الشارع الصغير اللي يودي للمواقف

ان شاء الله تكونوا فهمتوا علي :K)

روح الوفا

27-10-2005, 05:34 AM

يسلمووووووووووووووووا بنات

هذا العشم في بنات الشرقيه....................

حلوييييييين و بحبكـــــــــم

اختــــك/ روح الوفا ...

lemo

27-10-2005, 05:41 AM

الله يسلمك أختي

هههههههه

يعني لهذي الدرجة مشتروات بنات الشرقية عاملة أزمة ؟؟؟؟

أنا بصراحة أول مرة أغلط في العنوان و أكتب هنا باستثناء مرة سألت فيها عن منتج بالصيف

عندي خبرة بسوق الحب و بعض المجمعات قلت أشارك خواتي بالمنتدى فيها

و الحمد الله أني قدرت أساعدكم

روح الوفا

27-10-2005, 05:49 AM

لا اختي مو قضية ازمه لوحدها !!!!!

لكن زحمة الاسواق هالايام تكرهك نفسك

عشان كذا بدل مانلف كل هالاسواق اللي كل يوم فاتح واحد جديد

نختصر على بعض احلى البضائع وييييييييييييييييييييييييين؟؟؟؟؟؟؟؟؟؟؟؟؟؟؟؟؟؟؟؟

بس هذي كل ما في الموضوع......................

lemo

27-10-2005, 05:58 AM

ما هنا الأزمة

مداخل الدمام كلها تصليحات

و الخبر و الظهران ما سلموا منها

و لما تتعبين و توصلين حدك و أخيرا توصلين السوق اللي تبينه

قعدي دوري لك على موقف للسيارة .... يمكن تلقين و يمكن لا

و بعدين لا دخلتي السوق

تدورين و تدورين و اخرتها يمكن ما تحصلين غير محل و الا اثنين هم الحلوين و الباقي غيرهم أحلى

و تطالعين الساعة الا ما في وقت تروحين سوق غيره و تخرب عليك الطلعة

الله يكون بالعون و نفتك من ذا البلشة ( التصليحات )

على فكرة أنا صرت أروح المحلات اللي أعرف أن بضاعتها حلوة و مرتبة و بكذا صرت أوفر على

حالي التعب و الدوارة على الفاضي

و بعدين أن قدرتي تنزلي السوق في النهار ( قصدي من الساعة 1 و طالع ) أحسن لك و أزين

يكون السوق أروق و أهون

و يصير في الليل تتفرغين للصلاة والعبادة

بعيد عن الزحمة و القرف

روح الوفا

27-10-2005, 06:08 AM

بالنهاااااااااااااااااااااااااار؟؟؟؟؟؟؟؟؟!!!!!!!!!

فكره حلوه بس صعب تنفيذها !!!!!!

والا اتمنى اني اقدر اتسوق في اي وقت مافيه زحمه

لكن ترجع لظروووووووووف.....

اختـــك/ روح الوفا ...

أسيرة الغربة

27-10-2005, 02:41 PM

موضوع رائع وفكرته ممتازة وراح يريح الاخوات من مشكلة الدوارة بالاسوق ...
بالنسبة لي العيد عندنا ثلاث أيام يعني كل يوم لبس شكل اليوم الاول جبته من سفرتي في الصيف واليوم الثاني اخذت بلوزه وبدي من محل اسمه Origem في الظهران مول قريب من برمود واخذت التنورة من Camaieu
وكنت اتمنى انزل للسوكيت لأني القى فيه شغلات ماهي على الناس ومرتبه ...بس مافيه وقت :(
بالنسبة للاكسسورات كان لايف ستايل عامل تخفيض حلو في شعبان واخذت منه مجموعه :)

ليمو ماشاء الله عليك فتحتي عيوني على محلات ما اعرفها ابدا الله يجزاك خير انت وجميع الاخوات والله لا يحرمنا منكم :)

[[ فــهــده ]]

27-10-2005, 02:56 PM

تسلميييييييييييييييييين حبيبتي
وماقصرتي

أختك
فهده

روح الوفا

27-10-2005, 06:56 PM

بنات ابي اكسسوارات خصوصا خواتم

ابغى تكون شغلات جديده وراقيه لاتقولون اكسسواريز ؟؟؟

لانه اظن مافيه بنت بالشرقيه الا ولابسه منه!!!

ابي شي جدييييييييييييييد حبيباتي......................

اختـــــك/ روح الوفا ...

مسلمه وافتخر

28-10-2005, 03:37 PM

مشكوووووووووووووووووووووره

روح الوفا

28-10-2005, 06:15 PM

بنات وينكم؟؟؟؟؟؟؟؟؟؟؟؟؟؟مابقى شي على العيد يالله تحركوا وقولوا وييييييييين شريتوا احتياجاتكم؟؟؟؟؟

اختـــك/ روح الوفا ...

M@N@L

28-10-2005, 06:39 PM

^
^
فيه محل كنت اشتري منه خواتم لما اروح الرياض .... كان موجود بالفيصلية .. وهو الحين فتح في مجمع الظهران ..
بس للأسف اسمه طار من بالي ... محل صغير كله شنط واكسسوار ..
اسمه قريب من " فاروتي او فرونتي مدري بس شي قريب من هالمسميات"
المحل روعه ومكتوب اسمه بالرمادي بالإنجلش
حاولت اساعدك قد مقدر خيتوووو
ويحيك ربي

روح الوفا

28-10-2005, 06:46 PM

يسلموووووووووووووا منال

الله يعيني على تشحيط عيوني فووووووووق المحلات ادور عليه!!!!! ws:-)

مره ثانيه يسلمووووووووووووووووووووووا

اختــــك/ روح الوفا ...

ذهب نادر

28-10-2005, 07:13 PM

يسلمووووووووووو اختي

القلم الوردي

28-10-2005, 08:30 PM

لي عودة يابنااات ..

بس حبيت أسأل من ويـن ألاقي جكيتات حلوة وسعرها معقوول ..؟؟؟
يعني غريبة وحلوة.. بالدمام أو الخبـــر ..

روح الوفا

28-10-2005, 08:39 PM

احنا بنتظارك.........

تلقين جكيتات في محل كيابي في مجمع بن خلدون بالدمام

وفيه محلات كثييييره في مجمع الظهران منها (دبنهامز ** ماركس&سبنسر )

اختــــك/ روح الوفا ...

lemo

29-10-2005, 07:34 AM

هلا بالبنات

الاكسسوار في سوق راشد

جاكيتات في ب سيتي بلازا

بناااااااات لا أحد يروح زارا ما عنده شي يستاهل المزاحم وسط العالم

مانجو ما عنده غير تيشرتات قطنية للي تبي شي سبور

كياباي صراحة صاير في القمة السنة هذي ... حصلت من عنده شغلات كثيرة

كامامايو في شغلات بس سعره ناااااااار

تيرانوفا منزل شتويات أكثر من اللازم و عنده تيشرتات حليوة على 39 ريال

تيشرتات مانجو الصيفية من 39 الى 69

رحت مجمع الظهران قبل يومين و ما استفدت غير من كياباي

و سيتي بلازا ... بس سيتي بلازا أسعاره نار على التيشرتات

أحسن ما عنده الجنزات و البدل الرياضية

اخر فرصة اشترت من عنده جارتي ... أمس شفت ملابسها شي جنان من قلب

شرت تنانير على جنز و اللي تجي مخططه منها و فيها

الوحدة على 39 ريال بس شي خيالي مرة يجنون و للكد

بس ما أنصح أحد يشتري من قطنياتهم للعيال لأنها غسيل يد و تخرب بالغسالة

روح الوفا

29-10-2005, 07:49 AM

هلا اختي ليمو وحيييييييييييييييييييياك.......

تسلمين على هالمعلومات الحلوه...

يارب في يومنا المبارك هذا يشفي والدتك ويعافيها ويخليها لكم ياااااااااااارب

اختـــك/ روح الوفا ...

MiSs.MsHMsH

29-10-2005, 08:46 AM

السلام عليكم ورحمة الله وبركاته
لوووووووووووووووووووووووول
ماشريت شي
:) سلام

القلم الوردي

29-10-2005, 03:36 PM

أنا اشتريت من كياباي تنورة وبلوزه ..

وفصــلت عباية الفراشة الي على الراس..
صاايره مرتبــة .. في الحياة بـلازا .. في محل اسمه نسنسـة ..

أمـا الإكسسوارات في محل خيااااااااااااااااااال .. في الجمعة سنتـر ..
في الدور الثاني جنب مورني .. شريت منــه قباضات للشعر غريييبة .. وحلووة ..
وأساور .. أما الحلقان اشتريته من محل هنــدي فيه حلقان هنديــة ..

أما الجزمة الله يكرمكم .. شريتها من ابن خلدون .. فيه محل جنب جينيفير ..
والله ما أذكر اسمـه .. المهم هو مسوي تخفيضات .. الي كانت بالميات صارت
في الستينات والخمسينات .. شريت منه جزمة ليمونيــة .. مفتوحة من ورى ..
وشريت بعــد جزمة سوداء فيها صورة فرائة وورده .. وحده بعـد لونها موووف ..
رووووعـة .. وكلها بـ 60 ريال وبسسس .. بس ما أدري للحين التخفيضات ولا عشان العيـد
قرب جابو بضاعات جديـده .. لأني أنا شريتها في رمضان الأسبوع الثالث ..

تصدقون يابنات اني اتصلت على مشغل الأندلس .. أبي وحده اسمها جوسي
تجي لبيتي .. بس رفضوو .. لأن ماعندهم كوفيرات والعيـد زحمممة .. وتقول صاحبة المشغل
إذا جت تجي بـ 500 ريــال .. هذا غير الدفــع لها لما تسوي شغلها ..

ياليت تخبروني عن وحده تجي للبيت ونظيقة وشغلها زين وأسعارها معقوووووولة ..

شفق

29-10-2005, 07:29 PM

هلا بنوتات

أنا من الامارات بس المحلات اللي شريت منها ملابس العيد
موجوده عندكم

المهم
شريت تنووره روووعه من ميكس
& قميص (بلوزه) من ماركس سبنسر

والشنطه & الاكسسوارات من محل في سيتي سنتر دبي اسمه اكسسواريز (Accessorize )

:D

ضاوية الشرقية

29-10-2005, 08:32 PM

فيه محل اسمه تراديفاريوس اموووووووووت فيه بالظهران مول
مكتوب بالانجليزي المشربك(يعني الحروف ملصقه ببعض) شريت منه بلوزه cut تجنن
وتنورة حلوه

روح الوفا

30-10-2005, 06:26 AM

تسلموووووووووووووون بنات على هالتجاوب..........

بس معقوووووووله بنات الشرقيه قليل بهالمنتدى؟؟؟؟؟؟؟؟؟؟!!!!!!!!!!

وييييييييييييييينكم صباااايييييييييييييييييييا؟؟؟؟؟؟؟؟

اختـــك/ روح الوفا ...

الأمل الموجود

01-11-2005, 02:31 AM

معكم الأمل الحساويه

انا شريت بلوزة وتنوره من برمود خياااااااااااااااااااااااااال
وشريت من واي باي بلوزه
ومن المشاط ( في الرياض) تنوره
ومن زارا تنوره وبلوزه

ومن الدانه ( ملابس داخليه )

وعلى فكره ماشريت ولا شي من الحسا اغراضهم السنه دماااااااااااااااااااااااااااااااااااار

رمــــــــــــــــــــــــ كريم ــــضان

أناناسه

01-11-2005, 02:54 AM

انا من شوي واصله من الراشد وبصراحه بضاعة زارا رهييييييييبه

انا دايم اخذ منه ومن برمود وهم محل في ابن خلدون بريشكا حلوه بضاعته مرره

القلم الوردي

02-11-2005, 03:26 AM

أناناســه

صحيح انه بضاعة برومود وزارا حلووة ..
بس إذا شريتيها ولبستيها كل النــاس زيــك ..

على فكره يابنااات رحــت مشغل ميود الخليـج شليت ..
عندهم نقش حنا حلوو .. وتنظيف بشره .. بس المشكلة
زحمة وبس وحده الي تشتغــل ..

عالعموم خلاص ماباقي شي عالعيــد .. خلاص أنــا خلصت
وكل عام وانتم بخير وعساكم من عواده

شمووخ همّه

03-11-2005, 11:33 PM

السلام عليكم ورحمة الله وبركاااتة

ياسلام عليكي ياليمو والله حركات

تسلم يدينك

بنات الرياض ياحليلكم تبغون فزعة عطوني خبر >>> بدري خلص العيد

لا من جد فكرة اكثر من روعة ليمو الله يسعدك ياعسل

LoOo LoOo

08-11-2005, 10:41 PM

خلااااااااااااااص العيد خلص على خير

وكل عام وانتم طيبين :D

lemo

12-12-2005, 06:39 AM

http://www.lakii.com/vb/images/icons/icon17.gif

همتكم يا بنات العيد قرب

اللي تروح مجمعات و أسواق اليومين هذي تقول لنا من وين شرت

أنا رحت مجمع الظهران قبل عشر أيام

لقيتهم منزلين الأسعار و عاملين تصفيات رهيبة في أكثر المحلات

اللي عندهم بنات صغار لاسنزا girl عندهم لبس شتوي فخم و روووووووووووعة

شرينا لأختي من هناك

و في لبس للعيال الصغار عند مذركير رهييييييييييييب

هذول بس اللي لمحتهم لأني بصراحة قضيت أغلب وقتي بجيان <<< عندهم بنطلونات قطنية سنعة حق

البرد و الرياضة تجنننننننن

اللي يحبون يسون حركات للعيد حفلات و هدايا
رحت محلات الزامل في الخبر ... منزلين شغلات مرة حلوووووووووووة

روح الوفا

12-12-2005, 07:15 AM

واااااااااااااااااااااااااااااو ليمو

والله تو كنت افكر اني ارجع للموضوع وافتحه من جديد

الحين صار وقته

مشكووووووووره ليمو............

روح الوفا

19-12-2005, 01:51 AM

بناااااااااااااااااااااااااااااااااااااااااااااااا اات وينكم #R#R #R#R #R#R

أكـــابـر

19-12-2005, 04:34 AM

ليمووووووووو ان امعكم جاهزززززززززه اصبري انزل الخميس والجمعه هذي وانقل لكم مباشرره احداث السوووووق