تعالوا شوفونا و إحنا كاشتين "قصة "

[المتميزة 1]

بسم الله الرحمن الرحيم....
السلام عليكم ورحمة الله وبركاته ...

الحلقة الاولى :

الجو خيااااااااااااااال روووووووووووووعة ما شاء الله لذلك قلت خليني اكتب قصة نتخيل فيها
إننا طالعين للبر ..... ونااااااااااااااسة ....

نبدأ بسم الله على بركة الله :
صحت فسفس " الفيلسـوفة " من النوم الظهر وعيونها متورمة والشوشة منفوشة وحالتها حالة المهم نزلت علشان تشرب الشاهي وتصحصح المهم كانت طفشانة قالت خليني أشغل شريط كشتات أوسع صدري شوي " كشتات برنامج كان يعرض في قناة المجد "
وبينما كانت تشاهده رن الجوال وجري على المطبخ المتصل الفراشة المضيئة (فروشة ) يااااااااااااي من زمان عنها ...
فسفس : الو فروشة وينك يا القاطعة ؟
فروشة : الناس يقولون السلام عليكم ..
فسفس : السلام عليكم ..
فروشة : وعليكم السلام وش أخبارك ؟
فسفس : الحمد لله تمام ... قاعدة أشوف كشتات ...
فروشة : أنا طفشانه خلينا نسولف شوي ...
فسفس : وش رايك بالجو ؟ خطييييييييييييييير ...
فروشة : يا زين البر هالوقت تصدقين جيراننا مخيمين بالبر لهم أسبوع !
فسفس : ماشاء الله عليهم أنا نفسي أطلع للبر من زمان ما طلعنا ..
فروشة : تخيلي لو نطلع للبر كلنا يا بنات لكِ !
فسفس : يا سلاااااااااااااام فكرة روووووووووعة ليش ما نسويها ؟
فروشة : معقولة أهالينا يوافقون !
فسفس : سهلة .... نستأجر مخيم بالثمامة .... واحد لنا وواحد للشباب ...
فروشة : وش قصدك بالشباب ؟
فسفس : كل وحده فينا راح يوديها أخوها وإلا زوجها نستأجر مخيم لهم, فرصة حتى يتعرفون على بعض ....
فروشة : حليتيها ما شاء الله عليك !...
فسفس : شفتي .... المهم شاوري أهلك وأنا ابشاور أهلي إذا وافقوا نقول للبنات ...
فروشة : خلاص أرد عليك إذا شاورتهم ... والحين مع السلامة .
فسفس : مع السلامة .. سلمي لي على الأهل ...

ياااي لو نسويها يا رب يوافقون أهالينا ....
وجري على غرفة ماما .....
فسفس : يمه وش رايك ................ "الحديث مشفر "
المهم النتيجة ماما وبابا .......

وافقوا ..... يا سلاااااااام الحمد لله ...

الساعة الآن العاشرة والنصف ليلاً وفسفس قاعدة تقرأ كتاب رجال من التاريخ للشيخ علي الطنطاوي رحمه الله ... قصة عالم عامل ...
فسفس فسفس فسفس الجوااااااااااااال الحقي قبل ما ينقطع بسرررعة ...
جري على مصدر الصوت وينه ؟ عطوني إياه بسرعة منتظرة مكالمة ...
فسفس : الو هاه وش صار ...
المتصل : ما لقيت ينفع أجيب جالكسي بالكراميل ؟..
فسفس : الله يأخذ عدوك روعتني لا ما ينفع .. أقولك جب لي سنكرس خلاااااااص !..
المتصل : كان قلتي من أول ...
فسفس : مع السلامة ...
"المتصل أخو فسفس مرسلته يجيب لها فلوتات علشان تسهر عليها "
فسفس : يااااي وينك يا فروشة ؟ تأخرتِ علي أكيد أهلها ما وافقوا .. الله يستر بس ..
وترجع فسفس تكمل قرأتها ....
ماما فسفس : فسفس تعالي العشاء ...
فسفس : وش المناسبة مهب عادتنا نتعشى ؟ !
ماما فسفس : أقول تعالي لا يكثر الهرج عجلي ...
فسفس : ما أبغى ... شبعانه ..
ماما فسفس : غريبة مهب عادتك آآآآآآآآآه علشان فروشة ما أتصلت !!
.................................................. .................................................. ...........
الساعة الثانية عشر وفروشة ما أتصلت ..
فسفس : خليني أدق عليها بس شكلها مو متصلة !
فسفس تأخذ الجوال فروشة فروشة وينك ؟
فسفس :............ ليش ما ترد ؟
فروشة : الو مين فسفس أهلين وش عندك ؟
فسفس : اللي يده في النار مو زي اللي يده بالماء ..
فروشة : خير ؟
فسفس : أحّر ما عندي أبرد ما عندك .. وش صار على أهلك ؟
فروشة : تصدقين نسيت أرد عليك على العموم ما وافقوا ...
فسفس : أقول رفعتي ضغطي ببرودك ... مع السلامة ..
فروشة : مع السلامة ...

والله قهر يا ليتهم وافقوا ... لا حول ولا قوة إلا بالله ... أروح أنام أحسن لي ....
الله يعين على شماتة إخواني بس ...

.................................................. .................................................. ........

الساعة الواحدة ظهراَ
فسفس قومي صلي عجلي تأخر الوقت ...
فسفس : صحيت هذاني قمت ...
وتقوم الأخت وتصلي وتدعي الله وتنزل تتغدا ... وبعد الغدا ......
يدق الجوال ... فسفس : هذي فروشة غريبة وش عندها ؟
فسفس : الو ..
فروشة : السلام عليكم ..
فسفس : وعليكم السلام .. خير وش عندك ؟
فروشة : شكلك زعلانه !..
فسفس : يعني نوعاً ما ..
فروشة : المهم افتحي الرسائل الخاصة وشوفي ...
فسفس : ليش ؟
فروشة : مع السلامة ..
فسفس : الو فروشة ......... سكّرت !!!
نفتح وش ورانا..
فسفس جري على الجهاز ...... وبسرعة تفتح الرسائل وتقرأ وتفرك عيونها معقولة ؟
أحلام الطفولة "حلومة" , حلى قهوة " حلولو " , عاشقة الشكولاته " عشوقة " ,
أم أحلى البنوتات , كيتكات , أم قتيبة , المها السعودية " مهاوي " , مملكة الفهد "ملوكة "
خجوولة , وضووحة , كرتون مناديل "كرتونه " , طيف الظل "طيوفه " , أورفي , عنودة قطر , فرولاية جدة "فوفو " ,كنافة بالقشطة " كنوفة " البحر المكنون الخنساء "خنوسة , العين الخضراء "عيونه " .....
كل هذولا أهاليهم موافقين !!.. أكيد هذا مقلب من فروشة .. خليني أرسل لها ...
هذا نص الرسالة :

فروشة كذا تلعبين بأعصابي كل أمس ترسلين و أنا يا مسيكينة محترق رزي ! أهون عليك ؟
"ودمتم على طاعة الله "

وبعد دقيقة واحدة .. يجي الرد :
وش رايك بالمفاجأة ؟ عاد الباقين عليك ...

وتقعد أختنا في الله ترسّل لبنات الركن الترفيهي كلهم ....
.................................................. .................................................. ....................
المغرب :
فسفس : خليني أشوف ردود البنات ...
وتفتح اللي أعتذرت واللي ما تقدر والحمد لله الكثير منهم أهاليهم وافقوا ...
باتفاق من الجميع حدّدوا الاربعاء والخميس ... وطبعاً الكل يقط "يدفع " ...
تكفلت عشوقة بإستجار المخيم والفلوس زي ما قلت قطيه "الكل يدفع "
.................................................. .................................................. ........................
اليوم السبت لازم نستعد من الآن .... الجوال يرن .....
فسفس : هذي عشوقة الو مرحبا .
عشوقة : السلام عليكم .
فسفس : وعليكم السلام . هاه بشري وش الأخبار ؟
عشوقة : الحمد لله زي ما قلت عمي عنده مخيم والحمد لله حجزنا مخيم كبير إن شاء الله يكفينا ...
فسفس : الله يبشرك بالخير معليش تعبناك معنا ..
عشوقة : وش دعوه كلنا نبي نطلع مهب بس أنت ...
فسفس : أجل أرسلي للبنات وخبريهم ... أنا باأطلع الحين أبغى اشتري صحون وملاعق وسمط " سفرة الأكل " و كيسان بلاستك للرحلة ... و أبغى أمر على المكسرات والفصفص
للبنات مع إني ما أحبه ... بس علشان البنات يستاهلون ..
عشوقة : المفروض نتفق كل مجموعة عليهم شي وإلا وش رايك ؟..
فسفس : عين الصواب صدقتي .
عشوقة : أجل أتفق معهم ...
فسفس : ايه الله يعافيك ... ما تقصرين والله ..
عشوقة : الحين مع السلامة خليني الحق على البنات هذا وقت الذروة بالركن ..
فسفس : مع السلامة الله يجزاك خير ...
وفسفس تلبس عبايتها وعلى محلات البلاستك ........

وتبدأ عشوقة وترسل على البنات ...
وهكذا الاتفاق : حلومة وفروشة و حلولو و طيوفه و فسفس وعشوقة ومهاوي عليهم اللحم
كنوفة و أم قتيبة و أم أحلى البنوتات وكرتونه وملوكة و خنوسة عليهم المواعين ..
عنودة وكيتكات و البحر المكنون و فوفو و أورفي و وضووحة عليهم الخضروات والفاكهة
فسفس و خجوولة و مايلين وعيونه عليهم البلاستك ...
مع العلم بأن الكل سيدفع قيمة المخيم ويحضر معه الماء و الأكل الذي يريده ...


وهكذا تم الاتفاق المبدئي ......... وهناك حلقات أخرى هل أعجبتكم القصة حتى نكمل مع العلم بأن الذين لم أذكر أسمائهم سنتطرق إليهم في الحلقات القادمة ...

ملاحظة : شخصيات القصة فرضنا إنهم موجودين في الرياض ...

إذا أعجبتكم ردوا عليّ وإلا أقلب وجهي ؟!!

أعرف إنه في قصص عنكم بس هذي غير من تأليفي ...


فائدة : لا تنسوا ذكر الله ...

"ودمتم على طاعة الله "

[lemo]

و عليكم السلام و رحمة الله و بركاته


هيهيهيهيهيهيه


بانتظار الحلقة الثانية

:ss:

[المتميزة 1]

جزاك الله خيرا أختي ......
يا رب أنت الشافي إشفي أمها و أحفظها لها ..
أسأل الله العظيم رب العرش العظيم أن يشفي والدتك ...
اللهم آمين ..

"ودمتم على طاعة الله "

[كنافه بالقشطه]

جميله خالص يا فسفس



انا كمان بانتظار الحلقه التانيه

[صرخة نملة]

اههههههههههههي والله امينة مشاء الله عليه اوصل الرسايل للبنات اخخخخخخخخخخخ
مشكورة فسفوسة

[وضووحه]

ههههههههههههه

يسلمو فسفس الصرااحه روووووووعه

ثانكس :)

[ام احلى بنوتات]

جميله يا فسفس







وانتظر الحلقه التانيه



وشكرا ليكى انك افتكرتينى مع الاعضاء

[خطيره مره]

يسلمووووووووووووووو

الصرااحه روووووووعه

بانتظار الحلقه التانيه

[عبقرية زمانها]

مشكورة مرة ..... على الموضوع الروعة

ونبي نشوف الحلقات الجية يلا بسرعة :ss:

[المتميزة 1]

بسم الله الرحمن الرحيم
السلام عليكم ورحمة الله وبركاته ....

الحلقة الثانية :
وبعد ما رجعت فسفس من محلات البلاستك ... على طووووول ترمي عبايتها و تجري تستحم ........ وتنزل بسرررررررعة على الجهاز وتفتح الرسائل الخاصة يوووووووووه هذي رسايل جديدة خلينا نقراها هذي من نسمة الخريف " نسومة " :
أفااااااااااااااااا يا فسفس كذا تنسوني ! هذي آخرتها ما حد يعزمني ...
عموماً أنا عازمة نفسي و أبقط لا تخافون ....
بس من أي مجموعة أنا ؟ .... بسررعة ردي لاني ابطلع الساعة عشر و نص ابروح لابو ريالين اشتري لإخواني أقلام و خرابيط مدارس علشان قبل الزحمة ...
فسفس لازم أرد عليها قبل ما تطلع ...
أهلين نسومة وش دعوة إحنا ما ننسى الحبايب بس كنت مشغولة مره وأرسلت لبعض البنات واليوم اكمل الباقين ... وبعدين هي مهب عزيمة الكشته لكل البنات بس لازم تقطين ههههههههههه أنت من مجموعة المواعين هاه وش رايك والا تبغين تغيرين ؟ المهم لا تزعلين علينا ...
"ودمتم على طاعة الله "

وهذي الرسالة من سارونا :
أنا ماما ما وافقت لان عندنا زواج يوم الخميس وتقول ما ينفع تطلعين للبر و تخرب البشرة وتسمرين .... قولي لي وش أسوي ؟
والحين أرد على سارونا :
مرحبا ألف بسارونا كيف الحال ؟ لازم تجين نبي نجتمع ونشوف بعض ما تدرين يمكن هالفرصة ما تتكرر و قولي لمامتك الدعوه سهلة ما قصروا أخترعوا واقي للشمس وبالنسبة لرجلينك علشان ما يطلع به شطوب "تشققات القدمين " البسي شراب "جوارب " ودهنيهن بفازلين و فيكس وتعالي الأربعاء وارجعي بنفس اليوم مهب لازم تنامين معنا والا نامي وارجعي الصبح هاه وش رايك ؟ وقولي لماما ما أطلع من الخيمة و إذا تبين نريحك ما نخليك تشتغلين وش تبين أكثر من كذا ؟ .......
"ودمتم على طاعة الله "

وهذي الرسالة من عبقرية زمانها " عبقرينو " :
السلاااااااااااام وش آخر أخباركم سمعت إنكم تبي تكشتون ممكن أعزم نفسي ؟..... وترى العصيرات علي إغراء ههههههههههه ...

وهذا الرد : وعليكم السلام هلا وغلا بعبقرينو والله إنك عبقرية بسالفة العصيرات ...... وإحنا نرحب فيك " مهب علشانك علشان العصيرات ههههههه" " ودمتم على طاعة الله "

الحين لازم أرسل لسنيورايتا و ساندي بل 3 و النملة المبرقعة "نمولة " و بغداااد ...
السلام عليكم .......
قررنا نحن أعضاء الركن الترفيهي بأن نذهب رحلة برية إلى الثمامة ونخيم الأربعاء والخميس و يسرنا لو أنضممتِ لنا .... مع العلم بأن الكل سيدفع و نرجو منكم الرد بسرعة و لمعرفة المزيد من التفاصيل أرسلي لفسفس أو فروشة أو عشوقة .... نحن بانتظارك "ودمتم على طاعة الله "

هذا رد من نسومة :
يا سلام عليك أنا مع المواعين و أنت مع اللحم ... ههههههههه
عموماً أنا موافقة ... وشكرا ً

فسفس يا حليلها نسومة خليني أرد عليها :
أنا يا حلوة مع اللحم و البلاستك و أبجيب معي مواعين علشان أنا فرحااانه مرررره بالجمعة ... "ودمتم على طاعة الله "
ماما فسفس تدخل عليها ...
ماما فسفس : فسفس وراك ما شريتي مناديل ؟ مهب عادتك أخبرك من عشاق المناديل !!
فسفس : ايه صح نسيت اروح بكره إن شاء الله و أجيب .. والا أقولك خليها على كرتونه ...
ماما فسفس : بكيفكم أنتم بنات تتفاهمون مع بعضكم ..
فسفس : كرتونه كانت من جماعة اللحم لا أظنها مع المواعين ... خليني أرسل لها ...
الرسالة :
كرتونة وش أخبارك مع الزكمة الله يعين عليك شكلك راح تعدينا المهم تم إعفاؤك من المواعين كل اللي عليك جيبي منااااديل لفة وعادية وكثري
المشكلة أخاف إنك تخلصينها أنت علشان كذا لازم نخلي وحده ثانية معك ...
"ودمتم على طاعة الله "

هذي رسالة من سارونا يا رب تكون ماماها وافقت ...

الرسالة : فسفس الله يجزاك خير خليتي ماما توافق يوم قرت ردك قعدت تضحك وتقول ما أبغي أفشلها ..... هاه من أي مجموعة أنا ؟

فسفس الحمد لله وافقت خليني أعطيها المناديل مع كرتونه :
وأخيراً وافقت ما بغينا المهم أنت ما عليك إلا المناديل اللفه والعادية
ولا تنسين الفكس والفازلين وحطي واقي وجيبيه معك والبسي شراب ......
بعدين تفشلينا مع ماما مع السلامة ... "ودمتم على طاعة الله "

هذي رسالة من المغتربة :
خسارة كان نفسي أكون معكم بس زي ما تعرفون أنا ثقيلة ما أقدر أدعوا لي أقوم بالسلامة ... الله يوفقكم .

فسفس : يا ليتها تقدر المهم لازم أرد عليها ..
كنا نتمنى إنك تكوني معنا بس الشكوى لله يارب تقومها بالسلامة ...
"ودمتم على طاعة الله "

وهذي ردود من نمولة وساندي بل 3 و بغداااد و سنيورايتا ...
كلهم موافقين الحمد لله ...
نخليهم من مجموعة البهارات والبيض وهالحاجات هذي ...
نرسل لهم : سعدنا بموافقتك ونرحب بانضمامك لنا يا مرحبا وأنت من أهل الدار المهم أنتم يا بغداااد وساندي بل 3 ونمولة وسنيورايتا عليكم البهارات والبيض وهالحاجات هذي ... واتفقوا مع بعض ..."ودمتم على طاعة الله "
ياااااااااه تعبت اروح أنام وراي شغل الله يعين ....
والى السرير .......
وأختكم الكريمة قعدت تتخيل أشكال البنات وهم حوسة و ناااااااااااااسة
وبسابع نووووووووووووووومة ....
.................................................. .................................................. ..........

وفي يوم الأحد الظهر :
بعد ما غسلت الاخت مواعين الغدا جري على الكمبيوتر وتلاقي أختها تسولف بالتليفون ...
فسفس : ممكن تسكرين عندي شغل بسرررررعة عجلي ..
أخت فسفس :طيب اصبري شوي ...
فسفس : فيه أحد يسولف الظهر يالله صباح خير !!..
أخت فسفس : مع السلامة ..
هذا جزاي أسأل لك عن طريقة الحلى اللي صلحته خالتي يوم العزيمة !
فسفس : أصلاً الحلى مهب من اختصاصي الحلى على حلولو ... والحين أنا أبدخل و أشوف وش صار على البنات ؟....
أخت فسفس : أقول أروح أنام أحسن لي ...
فسفس : الحين لازم نتفق على الحلى والأكلات الحلوة و المكسرات و........
لازم أنزل موضوع بالمنتدى ...
هذا النص :...
أهلا وسهلاً بالكشافة وش أخباركم ؟ إن شاء الله تمام !
المهم نبغى نعرف من سيتولى الآتي :
الحلى , الأكلات الشعبية , المكسرات " أنا اشتريت بس ابغى وحده ثانية معي " , الشكولاتات , ..........
ويجب على الجميع إرتداء قمصان علشان نحس بالبساطة ..واللي ما عندها تشتري ...
نريد بنات متخصصات بالالعاب وكل وحده قبل ما تجي تجّمع سواليف علشان ما نقعد نناظر بعض .... والشباب خبروهم إننا غير مسؤلين عنهم " يعني كأنهم كاشتين لحالهم بس مجرد محرم و علشان يحرسونا "
واللي عندها إضافات ترد على نفس الموضوع ....
"ودمتم على طاعة الله "


وجاءت الردود كتالي :
عشوقة : أنا عليّ الشكولاته .. من معي .

حلولو : أنا الحلى من معي ؟....

أم قتيبة : أنا المواعين من معي ههههههه ؟... الموضوع




مو مكرر ... ههههههههههه

عنودة : أنا مع حلولو .. و الخضار والفواكه ...

مهاوي : أنا المكسرات مع فسفس ....

حلومة : أنا الشكولاته ... مع عشوقة ..

فروشة : أنا من لجنة المسابقات ... من تساعدني ؟...

وضووحه : أنا من لجنة السواليف ههههههههه من معي ؟

كيتكات : أهلين يا بنات يا عانسات ... وش أخباركم ؟.......
أنا راح أزودكم بالكيتكات وش تبون أكثر من هالكرم ؟! ههههههه

كنوفة : أنا عليّ الكنافة بالقشطة والبسبوسة كمان ...
مشكورين على الفكرة الحلوة ...

نسومة : أنا مع أم قتيبة المواعين وبس والله يعين على الحوسه ..

عبقرينو : أنا علي ّ العصيرات وبس ...

أم أحلى البنوتات : أنا عليّ شنطة الإسعافات الأولية ممكن أجيب معي الاء وهاجر والا ممنوع اصطحاب الأطفال ؟.........
أحبكم في الله ..

بحوره "البحر المكنون ": أنا عليّ الببسي والسفن أب واللي تبون ..

ساندي بل 3 : أنا مع الحلى ...

نمولة : أنا ابجيب لكم معمول وكليجا جارتنا قصيمية تبيع معمول وكليجا روووووعة ...

الردود :
أهلين بالحلوات وين الباقين ؟
أم أحلى بنوتات ما شاء الله عليك الله يجزاك خير فعلاً الشنطة مهمة كيف نسيتها ما أدري ونرحب فيك و بالاء وهاجر
كيف بر و ممنوع اصطحاب الأطفال ... . الله يهديك بس !

بحوره : لا البيبسي مضر بالصحة ... بس إذا تبغون ما فيه مانع ...

و بإنتظار البقية .......
"ودمتم على طاعة الله "





وانتهت الحلقة الثانية أتمنى إنها أعجبتكم !
وانتظروا البنات ومرمططة الأسواق وكيف إستعدداتهم للرحلة .......

فائدة : ألا بذكر الله تطمئن القلوب ... :ss:

[حلى قهوه]

هههههههههههههههههههههههههههه


خطيييييييييييييييييييييييييييييييييييييييره يا فسفس



يللا شدي حيلك بالجزء الثالث

[المتميزة 1]

أشكر اللي ردوا
وين الباقين ما اعجبتكم جاملوا على الاقل !! :( :( :(

"ودمتم على طاعة الله "

[ام احلى بنوتات]

جميله يا فسفس

صدقتى يوم لما سميتى نفسك فيلسوفه
بانتظار الجزء الثالث

[lemo]

بالانتظار

يسلموا عزيزتي

[المتميزة 1]

بسم الله الرحمن الرحيم
السلام عليكم ورحمة الله وبركاته .....
الحلقة الثالثة :
بعد ما أذن العصر قامت فسفس تصلي ...
الساعة الرابعة والنصف :
فسفس : وين الجوال ؟ نسيت وين حطيته ... يمه ما شفتي جوالي ؟...
ماما فسفس : لا .. دوريه "ابحثي عنه " بالمطبخ ..
فسفس : ما لقيته ...
أخت فسفس تدخل ...
فسفس : ما شفتي الجوال ؟
أخت فسفس : شوفيه بالمجلس ... عقبك يومنك تنظفينه ...
وجرررررررررررري على المجلس ...
وتأخذ الجوال ........ مكالمات لم يرد عليها خطيرة مره "خطورة " ..
وهذا مسج من مريوومة الحلوة ...
فسفس أعتذر عن تأخري بالرد بس الجهاز كان مخبط والجوال انتهى الحد الاتماني ويوم سددت الفاتورة أرسلت لك أهلي موافقين وأنا عليّ الحلى ..

والحين خليني أدق على خطورة ...
فسفس : السلام عليكم .
خطورة : وعليكم السلام أهلين ......
فسفس : هاه وش الأخبار ليش ما رديتي عليّ ... كل ما أدق مقفل وش عندك ؟...
خطورة : معليه كنا مسافرين نأخذ عمرة و أنا إذا سافرت أقفل جوالي ما استخدمه الا للضرورة ..
فسفس : مقبول سعيك .. الحين أنت وين ؟
خطورة : رجعنا للرياض ... أبشرك الأهل ما عندهم مانع . بس أنا وش علي ؟
فسفس : اختاري : المسابقات , الحلى , الشكولاتات , العصيرات , لوازم الطبخ .. الأكلات الشعبية , خرابيط الشاهي .. اللي تبغين .
خطورة : خلاص أنا عليّ الحنيني " أكله شعبية من التمر والدقيق والسمن لذيذه " ...
فسفس : الله يجزاك خير .... ما أطول عليك أبدق على فروشة ...
خطورة : خلاص حجزتوا ؟..
فسفس : إيه بالثمامة .. ذكرتيني خليني أدق على عشوقة تعلمنا الموقع بالضبط ..
خطورة : اشغلتك ..
فسفس : خذي راحتك ..
خطورة : روحي شوفي أشغالك ..
فسفس : أجل مع السلامة .
خطورة : مع السلامة .

والحين أدق على فروشة أشوف وش سوت ..
فسفس : .................................................. ...........
ما حد يرد .. غريبة ؟
أدق على عشوقة و أسألها عن الموقع بالضبط ...
عشوقة : الو
فسفس : السلام عليكم ..
عشوقة : وعليكم السلام ..
فسفس : عطينا الكروكي بالضبط الله يعافيك ..
عشوقة : بالنسبة لك الحين أوصف لك , و كيتكات وفروشة وحلومة وأم قتيبة و فوفو و نمولة وساندي بل 3 و نسومة وملوكة ومهاوي و خنوسة و سنيوريتا و سارونا هذولا كلهم أخذوا الوصف مني وكيتكات قالت راح أوصف لعنودة و كرتونه و كنوفة .. و فروشة راح توصف لأم أحلى بنوتات و خجوولة و وضووحة .... و نمولة قالت أبوصف لخطورة و منوة الروح تراها تبي تجي أخيراً أهلها وافقوا و أم قتيبة قالت الباقين عليّ ..
فسفس : الله يجزاكم خير وأخيراً منوة تبي تشرفنا ... وأم قتيبة يا حليلها ما تقصر .
عشوقة : ايه والله ما تقصر ..
فسفس : أجل ما أطول عليك ... أشغلتك ..
عشوقة : لا عااااادي ..
فسفس : سلاااااااااام .
عشوقة : سلاااااااام.

خليني أرجع أدق عليها يمكن ترد ..
فروشة : اهلين .
فسفس : وش ذا الإزعاج أنت وين ؟
فروشة : أنا بابو ريالين مع بلونه ...
فسفس : وش تسوون ؟
فروشة : مفاجأة ..
فسفس : قولي وما أقول لاحد سرك في بير ..
فروشة : لا ما راح أقول ..
فسفس : شوفي النذالة ليش كذا ؟
فروشة : أنا وبلونه مسئولين عن المسابقات قلنا نروح لابو ريالين عندهم أفكار حلوة ..
فسفس : الله يوفقكم بس ترانا مهب بمدرسة يعني لا تكلفون على أعماركم سؤال وجواب وقضينا " انتهينا " ...
فروشة : أنت وش دخلك احنا اللجنة مهب أنت ..
فسفس : صاااااااادقة و أنا وش عليّ منكم بكيفكم ...
مع السلامة .
فروشة : مع السلامة ..
.................................................. .................................................. ..........
فسفس ودي أعرف وش صار على مناوي و lemoو الزرقاء 90 "زروقه "
وميمي الدلوعة ما ردوا .. أروح ادخل النت أشوف وش الأخبار ...
فتحت الموضوع ووجدت الردود التالية :

مناوي : أنا مع فريق الكشافة ....... وأبغى أجيب معي فطاير نأكلها أول يوم إن شاء الله ..

Lemo : أهلين يا بنات يا حلوات أبجيب مفاجأة بعدين تعرفون ......
وابجيب بعد شغالتي علشان تساعدكم بدالي ..

خنوسة : أنا عليّ كاسات الموية كراتين .. وش رايكم ..

طيوفه : وأنا وش أجيب ما خليتوا شيء ..

ملوكة : و أنا ابجيب لكم الصابون أشكال وانواع ..للأيدي والغسيل ..
وترد عليهم فسفس :
Lemo : ممنوع اصطحاب الشغالات نبي نحس براحة ونبي نتعاون مع بعض
والشغل نبي نقسمه مجموعات والقرار يصدر بعدين إن شاء الله ...

خنوسة : ياليت ما تكون عليك كلها لان العدد كبير ونبغى وحده تكون معك .

طيوفة : وش رأيك تكوني مع خنوسة ؟

"ودمتم على طاعة الله "

والحين خليني أفتح الرسائل الخاصة ...

هذي من كيتكات ...
أهلين .. كيفكم ؟ .. المهم ميمي الدلوعة أعتذرت تقول إنها تعبانه ما تقدر
أنفلونزا وكحة وحالته حالة ..... وشكراً .

وهذي من زروقه : أنا ما أقدر أجيكم إلا يوم الخميس الأربعاء عندنا عزيمة ..

الردود : الى كيتكات قولي لميمي تجي وتبطح عندنا ما فيها شي وإن ما قدرت تتحمل ترجع بنفس اليوم وإلا من بكره الصبح ... المهم لا تحرمنا من شوفتها . .. "ودمتم على طاعة الله "

إلى زروقة : أهم شي نشوفك ولو شوي لا تحرمينا هالطلة الحلوة .....
"ودمتم على طاعة الله "

واااااااااااااااااااااه تعبت ... خلونا نريح فسفس شوي ونروح لفروشة وبلونه نشوف وش يسوون بابو ريالين ........
.................................................. .................................................. ..........
بلونه : فروشة شوفي ترمس الشاهي بعشرة وشكلها حلو مرره !!!
فروشة : هذي أصلية معقولة بعشرة !
بلونه : نسأل الهندي ونشوف ..
لو سمحت بكم هذي ؟...
الهندي : ب 100 ريال ..
فروشة : شفتي صفر محذوف .. فشلتينا اشوه "كويس " إننا ما أخذناها .. وإلا كان تورطنا ..
بلونه : هندي ما يدري وش تقولين ؟
الهندي : أنا فيه معلوم كل شي .. هذا نفر سعودي كله يقول نفر هندي ما فيه يفهم ليس كزا ؟
بلونه : يمه خلينا نهج "نهرب " ...
فروشة : روعني !! خلينا نحاسب بسرعة ..
وجرررررررررري على المحاسب ..
المحاسب : الحساب 225 ريال ..
فروشة : أبو ريالين ندخل نبي نشتري بريالين نطلع بميتين ...
.............. وين البوك ؟ ....... وين راح؟ .... بلونه ما شفتي بوكي " محفظة النقود " ؟ .....
بلونه : لا دوري زين يمكن طايح ..
تعالي ندور عند الترمس اللي بعشرة ههههههههه ..
فروشة : رايقة ما شاء الله عليك دوري معي ..
ويتم البحث عن البوك .........
بلونه : فروشه لقيته "وجدته " تعالي شوفي لا يكون مسروق منه شي
فروشة تفتش بوكها :لا الحمد لله ما نقص شي ...
بلونه : خلينا نحاسب ونطلع بسرعة ...
وحاسبوا وطلعوا وكل وحده على بيتهم ......
.................................................. .................................................. ..........
يوم الاثنين ليلاً :

بحوره و حلومه وعبقرينو بالسوبر ماركت ..

حلومه : أول شي قسم الشكولاته ..
عبقرينو : لا أول شي العصيرات ..
بحوره : اللي يجي على طريقنا نأخذ منه بس لا تتهاوشون..
حلومه : مسووين زحمة إحنا والعربات ..
بحوره : وش نسووي كل وحده لها حاجة ..
عبقرينو : يا ناس الله يعافيكم لا تمرون من عند السمك ما استحمل ريحتها ...
حلومة : شوفوا الخضار الهندية أشكال عجيبة وغريبة ..... سبحان الله !
بحوره : شوفوا هالبزر هندي ويجنن .. يا حليله .
عبقرينو : هالفلبينيات ليت شعورنا مثلهم الله شوفوا ما شاء الله .
حلومه : اسكتوا فشلتونا كأننا أول مره نجي هنا ..
بحوره : إذا خلصنا من مقاضينا خلونا نروح لقسم الكتب والروايات ..
حلومة : يا سلااااااااام .. أنا بعد من زمان عن الكتب .
عبقرينو : خلاص تلاقوني عند الجوالات وإلا الأشرطة اتفقنا ...
.................................................. .................................................. ..........
أم أحلى بنوتات نزلت مع بنوتاتها للصيدلية إلي بجنبهم "بجوارهم "
أم أحلى بنوتات : لو سمحت أبغى شنطة كاملة للإسعافات الأولية ..
الصيدلاني : لحظة شوي ..
أم أحلى بنوتات : أووووووووه كويس هذي تنفع لألاء وكمان لهاجر ..
وأخيراً لقيتهم ..
الصيدلاني يعطيها الشنطة : تفضلي ..
تحاسب الأخت وتطلع ..
أم أحلى بنوتات : آه نسيت حفاضات وحليب للبنوتات ..
وترجع وتشتري حفائظ وحليب وترجع لبيتهم بالسلامة .
.................................................. .................................................. ..........
عنودة ووضووحة راحوا لمحلات الخضار والفواكه القريبة منهم ..
عنودة : أنا متفقة مع اورفي و كيتكات وبحوره وفوفو إننا نشتري ونتقاسم المبلغ .
وضووحه : إيه بحوره راحت مع حلومة و عبقرينو و اكيد تعبت ...
عنودة : المفروض ما تشتري المشروبات الغازية وهي معنا بالخضار و الفاكهة .. تكلفه عليها .
عنودة : هي مشتهية بكيفها ..
وضووحة : المهم نبي موز وبرتقال وتفاح وعنب وفراولة علشان فرولاية جده
وبطيخ وشمام و خيار وجزر وخس و طماطم وبصل وفلفل بارد و حار و ليمون
بس ............... صح ؟
عنودة : أعتقد . بس نبغى كميات كبيرة .. ..
واشتروا وحمّلوا الهندي للبيت مقابل 5 ريالات .........
.................................................. .................................................. .....
نرجع لفسفس ..
تنزل رد جديد بالمنتدى ...
تم الاتفاق مع اللجنة المسئولة عن الرحلات بتقسيم المهمات إلى :
طباخات , مسئولات عن النظافة , لجنة الترفيه , غسل الأواني , القهوة والشاهي , الضوء والإنارة, الترتيب و إعداد السفرة ,اللجنة الدعوية "الهيئة"
الحلى والفطائر ، .......
كل وحده تختار مع العلم بأن المهام ستتبدل اليوم الثاني ... ولا تنسوا إحضار فرش للنوم ..

"ودمتم على طاعة الله "
هذي رسالة من ميمي :
خلاااااااص ابجي فرصة ما تتعوض ... أنا ابجيب معي عصيدة " أكله شعبية بس ما أعرفها " و فصفص .. سلااااام

هذا الرد من فسفس : مرحبتين بك و يا هلا وما تشوفين شر
"ودمتم على طاعة الله "



انتهت الحلقة الثالثة ولكن لم تكتمل القصة انتظرونا ...

ملاحظة : الكلمات التي بين قوسين هي للترجمة لأنه فيه أخوات لنا من خارج السعودية ..
"ودمتم على طاعة الله "
فائدة : اتقوا النار ولو بشق تمرة ..

[عبقرية زمانها]

رهييييييييييييييييييييييييييبة والله يا " فسفس" ;)

موتيني من الضحك ws:-) ws:-) ws:-) ........ يلا بسرعة نشوف التكملة (K):

[ام احلى بنوتات]

جميله يلا بسرعه كملى شوقتينى



والحمد لله انى افتكرت الحفاضات قبل منروح والا كانت حوسه ............. هههههههههههههههههههههههههههههههههههههههههههه

[بلونه]

فسفس والله حررررررررررررررررررررررررركه

فللللللللللللللللللللللللللللللله


نطلع مع بعض للبر وناااااااااااااااااااااااااااسه

ابدااااااااااااااااااااااااااااااااااااااااااع



انتي كذا :ss:



















فروشه :
المره الثانيه سكري الشنطه زين عشان ما يطيح البوك #R#R





































ملاحظه :
الي ما عندها قمصان ترا عندي درازن :ss: >>>>>>>> ليش فاتحه مكتب تبرعات
بخس بخس بخس

[هاكونا متاتا]

هو هو هو هو

http://www.asmilies.com/smiliespic/jsmilies/027.gif (http://www.asmilies.com)

وخزياااااااااااه وين أسمي

يس القصة حلوة

http://www.asmilies.com/smiliespic/jsmilies/011.gif (http://www.asmilies.com)

[المتميزة 1]

بسم الله الرحمن الرحيم ....

الحلقة الرابعة :
فسفس :صوت مسج من مين ؟ يمكن من ..... أم أحلى بنوتات من زمان ما أرسلت لي أو دقت عليّ أكيد مشغولة مع بنوتاتها الله يوفقها ...
لااااااااا صاااااااااار من عيونه ...
فسفس أنا عليّ الموالح ... أوكيه .
فسفس : الحين عيونه موالح ومناوي الفطائر ... زين والله ما يقصرون ..
نسيت أقول للبنات كل وحده تجيب معها قهوة وشاهي علشان ما نصلح أول يوم أكيد هم ماخذين احتياطهم بس لازم نذكّرهم خليني أنزل رد على الموضوع ... وتفتح فسفس الموضوع وتلاقي ردود من البنات ...
ما شاء الله بهالسرعة ردوا علشان يحجزون المناصب السهلة حركات بنات ههههههه ...
عنودة : أنا مع القهوة والشاهي ... وش قصدك بالضوء والانارة ... شكلك متأثرة ببرامج التلفزيون ! هههههههههههههه .

خجوولة : أنا مع الترتيب و إعداد السفرة ....... بس ما شاء الله عليكم كل شي نظام ......

اورفي : أبغى أكون مع لجنة القهوة والشاهي هذي أسهل شي ... وعليّ الشكولاته مع عشوقة .

عشوقة : أنا يكفيني إني جايبة لكم مخيم ولا كان
بصعوبة تلاقون أيام الزحمة شفتوا كيف أنا مهمة ... هههههه

مع لجنة الغسيل ..

زروقة : بما أني ما راح أجي الا الخميس خلوني مع لجنة الضيوف ..
خلاااااااااااااااااص ..

فسفس والحين إلى الرد .......

فسفس : مرحبا بُه ........... كيف الحلوات ؟....
المهم يا عنودة الضوء والانارة هي إعداد الحطب وإشعال الضوء والمشوي وهالحاجات الحلوة ..
زروقة إيه إن شاء الله إذا جيتي علمناك شغلك ..
المهم لازم كلكم تجيبون قهوة وشاهي خلاااااااااص ..
"ودمتم على طاعة الله "

والحين نروح للعطارين نشوف نمولة و ساندي بل 3 وبغداااد ...
وش يسوون " يعملو إيه " ؟
.................................................. .................................................. ..........
نمولة : العصر دقت " اتصلت " علي سنيورايتا تقول ما أقدر أروح معكم يبي
يجوننا "حيجي " ضيوف وإلا ودي "عاوزه " بالروحة معكم وناسة ..
بغداااد : خسارة ليتها تقدر .
ساندي بل 3 :خلونا الحين بأغراضنا ترانا رايحين لعطار مهب لملاهي !.
بغداااد : صدقتي .
نمولة : لازم نشري كميات كبيرة عساها تكفي .
ساندي : أفففففففففففف على الريحة .. بصراحة أنا ما أحب أروح للعطارين بس علشاني معكم كل شي يهون علشان نحس بروح التعاون بجد أنا مو مصدقة أننا نبي نخيم مع بعض .
نمولة : لا يا حلوة صدقي و إن شاء الله نطلع دايماً مهب بس هالمره .
بغداااد : أقول خلونا "دعونا " من هالهذره الزايدة "الكلام الكثير " نبي ندور "نريد أن نبحث " على حاجاتنا و نطلع عجلوا .
نمولة : بغداااد الله يعافيك نبغى نشتري حلاو بقر .. الله يخليك .
ساندي : يا قدمك حلاو بقر !! الناس وصلوا القمر و أنت حلاو بقر أقول لا حد يسمعك ..
نمولة : وش فيه حلاو البقر طعمه جنااان ما كبرّ خدودك الا هو ..
بغداااد : حتى أنا يعجبني .. خلونا نشتري بالكيلو أرخص لنا .
بكم كيلو حلاو البقر ؟..
ساندي : وش عرفه بحلاو البقر ؟...
الهندي : what ؟
بغداااد : والله النشبه ما يعرف عربي .
نمولة : اشري له بالحركات يمكن يفهم .
بغداااد : وأنت الصادقة .
ساندي : أنا ما أعرفكم أبروح عند الزيوت والحنا .. فشلتونا .
نمولة : يا بنت الحلال ما حد يعرفك .
ساندي : ولو الحرص واجب .
بغداااد منهمكة وتأشر على الكيس وبيده وحالته حاله ..
الهندي yes : .. 20 SR
بغداااد : شفتوا فهم علي .. أبقوله الحين أبغى 4 كيلو .
وتبدأ الأخت بالحركات ..
الهندي : ok
ويعطيها طلبها .
نمولة : ساندي انتهت المهمة بنجاح تعالي .
ساندي : أص فضحتونا .
بغداااد : شكلي أبقدم على طلب وظيفة مترجم للصم ههههههههه .
ساندي : بنات عجلوا تأخر الوقت بسرعة .
بغداااد : إيه بعد علشان نمّر على البقالة "تموينات " .
نمولة : ما بقى الا نحاسب .
ساندي : بغداااد حاسبي .
بغداااد : عطوني السلال اللي معكم .
وتأخذ السلال وتحاسب وعلى البقالة اللي قدام " أمام " العطار .
.................. يبي يدخلون ................
بغداااد : اصبروا مليان رجال .
يطلع عليهم ولد صغير يبدو أنه ولد صاحب البقالة .
الولد : وش تبغون ؟ " عاوزين إيه "
نمولة : عطيه ورقت الطلبات .
ساندي : ايوه خلينا نخلص .
نموله : كان ودي أدخل بس تدري خذ الورقة وجب الطلبات اللي مكتوبه فيها بس بسرعة .
يدخل الولد ويحضر لهم الطلبات ويرجع ..
الولد : البيض خلص .
بغداااد : أصلاً من قال إننا نبي نشتري بيض منكم ؟
الولد : مكتوب بالورقة .................. و الحساب 56 ريال .
بغداااد تدفع الفلوس و يرجع الولد للبقالة .
بغداااد : نموله ليش كاتبه البيض بالورقة تدرين إن بيض البقالات مهب زين .
نموله : ما أدري .
................ يرجع الولد ..............
الولد : انتظروا ........ يركض وراهم "يجري خلفهم " .
نموله : وش تبغى ؟
الولد : هذي الفاتوره .
نموله تضحك : هههههههههه أول مره أشوف بقالة بفواتير .
بغداااد : لا إحنا بقلاتنا غير .
المهم رجعوا لبيوتهم بعد ما اشتروا حاجاتهم الا البيض .
.................................................. .................................................. ..........
نرجع لفسفس بعد ما تقهوت مع أهلها وكانت الساعة 11 ليلاً من يوم الاثنين
رجعت للجهاز ...
فسفس : والحين أشوف ردود البنات .
تفتح الموضوع وتلقى الردود الآتية :
وضووحه : أنا العصيرات مع عبقرينو .
ولجنة غسل الأواني أموت على هالشغلة وبالبر كمان وناااااسة .

كرتونه : لجنة الضوء .

طيوفة : لجنة الهيئة بس وشو له " ليه " ؟

مهاوي : مع لجنة النظافة ..

حلومه : أنا مع الهيئة علشان نمسك البنات
تركتكم في حفظ المولى .

حلولو : مع إعداد السفرة ... وينك عشوقة من زمان عني ..

أم أحلى بنوتات : لجنة الحلى والفطائر مع السلامة الاء بتبكي ..

فروشة : أهلين أنا مع لجنة الترفيه والمسابقات ..

ساندي : مع أم أحلى بنوتات .

عيونه : مع غسل المواعين مع وضووحه .. علشان نلعب بالمويه ..
بس بررررررررررد ..

أم قتيبة : أنا رئيسة الهيئة ......

سنيوريتا : مع النظافة ... النظافة من الإيمان ...

عبقرينو : مع الحلى والفطائر علشان آكل نصها قبل ما نقدمها لكم .

بحوره : مع الطبخ .

منوة : ابقط مع بحوره الغازيات ..

فوفو : بنات وش رايكم بدل ما نطلع للبر نقلبها استراحة أحسن وأنظف .. هاه وش قلتوا ؟ ... مع لجنة الترفيه و بجيب لكم فراولة و كيكة الفروالة بس إن شاء الله ما تفسد ... وعلك بالفراولة ..

منوة : نسيت أقول أنا مع الضوء .

سارونا : مع أي لجنة بس بشرط ما أطلع برى " خارج " المخيم أوكيه .
ممكن مع لجنة إعداد السفرة !!

نسومة : مع الطبخ ..

كيتكات :مع الضوء ..

خجوولة :مع الحلى ..

كنوفة : النظافة ..

خنوسة : الدعوة أقصد الهيئة ..

نموله : مع ترتيب السفرة .

مريوومه : مع الطباخات ..

بلونه : أنا مع لجنة الترفيه والمسابقات..

Lemo : مع غسل المواعين ..... بس ما فيه لجنة غسيل الأيدي ههههههه ..

بغداااد : مع الشاهي والقهوة ..

زروقه : عليّ البقل " ألاقط " و بسكوت عمر ...

مناوي : مع ترتيب السفرة ..

ميمي : مع الشاهي والقهوة ..

خطورة : مع الطباخات .. بجيب معي فطائر ..

ملوكه : مع لجنة غسيل الأواني علشان أحرس صابوني لا يخلص ..

فسفس : و أنا مع لجنة الطبخ .......
وأشكركم بس لا تنسون كل وحده لازم تجيب معها مشط و أعواد أسنان و مرايه و علوك ...
والرز قالت مريوومه وبلونه وميمي راح يشترونه ...
طيوفه : الهيئة علشان يحطون لنا دروس دينية و يصحونا للصلاة وكذا ..
فوفو : البر أحسن بكثير من الاستراحات إحنا نبي البساطة والوناسة ..
"ودمتم على طاعة الله "
.................................................. .................................................. ..........
نشوف الحين نموله وهي تتصل على أم جيرانهم ...
نموله : أخاف الوقت متأخر ... لا هي تسهر ...
نموله تنتظر حد يرد : ...................
بنت صغيره : مين وش تبغين ؟
نموله : وين يوووووه " جدتك "... أبغاها ضروري ..
البنت : تنكب المرقوق لجدي .. "أكله شعبيه مشهورة عند أهل القصيم وحائل " ....
نموله : إذا خلصت خليها تتصل علي ..
البنت : ايه أصلاً إحنا عندنا كاشف تونا مركبينه جديد ..
نموله : لا تنسي ..
البنت : هذي يوه جت ..
أم الجيران : هلا نموله وشلونك ؟
نموله : الحمد لله عسى ما أشغلتك ؟
أم الجيران : لا عادي أنت آمري بس ..
نموله : أبغى تنكتين كليجا و تنكتين معمول كبار .. بكره إن شاء الله ضروري ..
أم الجيران : إن شاء الله الصبح أرسل حمودي ولد بنتي بهن ..
نموله : مشكورة الله يعطيك العافية ..
أم الجيران : سلمي على الاهل ..
نموله : إن شاء الله مع السلامة ..
أم الجيران : مع السلامة ..
.................................................. .................................................. ..........
يوم الثلاثاء الصباح :
فسفس أول مره تصحى بدري وتفطر مع ماما وبابا
وجري على الجهاز ...
وتنزل الترتيبات الأخيرة :
عبقرينو + وضووحه = العصيرات .
كرتونه + سارونا = المناديل .
نموله + ساندي + بغداااد + سنيورايتا = توابل و بيض.
حلومه + عشوقه +اورفي = الشكولاته ..
عنودة + حلولو + ساندي + مريوومه = الحلى .
مهاوي + فسفس = مكسرات .
بلونه + ميمي + مريوومه = الرز .
بحوره + منوة = الغازيات .
نموله = كليجا ومعمول .
خطوره = حنيني .
مناوي + خطوره = فطائر .
عيونه = موالح .
فوفو = كيكة الفراوله + علوك فزاوله + فراولة .
Lemo = مفاجأة
خنوسه + طيوفه = كاسات مويه .
ملوكه = صابون .
ميمي = عصيدة + فصفص .
زروقه = البقل " ألاقط " +بسكوت عمر ...
وبالنسبة للجان كالأتي :
لجنة الطبخ = بحوره + نسومة + مريوومه + خطوره + فسفس .
القهوة والشاهي = عنودة + بغداااد + ميمي + اروفي .
إعداد السفرة = خجوولة + حلولو + سارونا + نموله + مناوي .
النظافة = مهاوي + سنيورايتا + كنوفة .
الضوء = كرتونه + منوة + كيتكات .
الهيئة = أم قتيبة + طيوفه + حلومه + خنوسة .
الحلى والخرابيط = أم أحلى بنوتات + ساندي + عبقرينو + خجووله .
الغسيل = وضووحه + عيونه + lemo + ملوكه + عشوقه .
الترفيه = فروشه + بلونه + فوفو ..

"ودمتم على طاعة الله "


وبكذا انتهت الحلقة الرابعة أنا عارفه أنها مش ولا بد بس انتظرونا الحلقة الجاية إن شاء الله ... أول يوم في الرحلة ....

فائدة : " ربِ اشرح لي صدري و يسر لي أمري "


"ودمتم على طاعة الله "

[حلى قهوه]

هههههههههههههههههههههههههه


كل حلقه احلى من الثانيه


يللا بسررررعه كملي

[ام احلى بنوتات]

هههههههههههههههههههههههههههههههه


جميله يلا اكتبى الباقى


عايزين نشوف الرحله شكلها ايه

[كتكوتة الصغيرة]

حلوه مره القصة كل حلقه احلى من الثانيه تسلمين يا فسفس

[المتميزة 1]

اهلين بالحلوات ..
يعني لازم دعايات و إعلانات علشان تدخلون ... q)
كتكوته انتظري اسمك في الحلقة الجاية ... :D
اشكركم على الردود الحلوة من أحلى ناس ..
وفقكم الله جميعاً ..
"ودمتم على طاعة الله "

[النمله المبرقعة]

وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااووووووو

وش ذا الفــــــــــــــــــــــــــله >>>>>>>>>> ياريته صددددددق والله فــــــــــله


مشكوووووووووووره فيلسوووووووفه على ذا القــــــــصه الرووووووووووووووووووعه



(((( شكلك تصلــــــــحين تولمييييين رحلة برررررر ماخليتي شئ ماااااااقلتيييييه )))


باااااااااااااااااااانتظاااااااااار الحلقه القااااااااااااااااااادمه

[حنين الروح]

حلوووووووووووووووه ):K ):K

ننتظرك :D

[ابيكم بسالفه]

خووووووووووووووووووووووش قصه يالفيلسوفه..

بس مو حاطه لي احداث واجد ليش............. كثري كثري من احداثي زين..

عالمعموم الموضوع رووووووووووووووووووووووووووعه نفس راعيه..

[عنودة قطر]

بصراحه شي خيااااااااااااال معليش حبيبتي ضغط المواضيع الواحد تطلع عيونه على مايقرى ويرد عالناس والا مو ناسيتك يحليلك حاطتني بالكشته كااااااااااااان زيييييييييييين نكشت بس انتي شي شي بسالج هل لج محاولات شعريه او ادبية من قبل رووووووووووعه مخماشاءالله

[المتميزة 1]

أنا شغلتي أجمّع البزورة و أخربط عليهم ...
ولي محاولات من الصغر بس وقفت وهي أول قصة أكتبها بعد انقطاع سنوات .....
ما تجووون الا بالدعوة .....
عموماً نورتونا يا حلوات ........

"ودمتم على طاعة الله "

[عنودة قطر]

لافديتج مو دعوة00بس انا مااعرف اقرى كل المواضيع دفعه وحده يضيعون مني مالقاهم والبنات لااله الا الله عليهم كل شوي منزلين سالفه

بس حلو استمري فتحتي شهيتي للقصص>>بس انا اكتب الرومانس

[المتميزة 1]

باين عليك إنك رومانسية ...
أنا عكسك تماماً أحب القصص الاجتماعية ..............

"ودمتم على طاعة الله "

[طيف الظل]

):K
هههههههههههههههههههههه
والله يالفيلسوفة ما شاء الله عليج خيالج واسع ودمج عسل
لاعدمناك يارائعة

[عبقرية زمانها]

الحمد الله حطيتيني مع الحلى والفطائر أصلي جيعانة :D
يلا كملي نبي نشوف أول يوم في الرحلة أكيد حيكون <<<<< فللللللللللللللللللللة ):K
وعلى فكرة : اشتريت العصائر ;)

[كنافه بالقشطه]

انتى فعلا فيلسوفه جميله قوى قصتك بس اوعى توقفى الحلقات



انا فى انتظار باقى الحلقات

[المتميزة 1]

بسم الله الرحمن الرحيم

الحلقة الخامسة :
يوم الثلاثاء ليلاً ...

فسفس : أدخل على الموضوع أشوف أخبار البنات ....

كنوفة : فيه حد هنا ؟

عبقرينو : أنااااااااااااااااا جيت بنات كيف استعدادكم للرحلة ؟

كنوفة : كل حاجة كويسه ... ازيك ؟

مناوي : ممكن أسولف معكم ..... أنا جاهزة ومتحمسة حتى ما أقدر أنام ..

كنوفة : طبعاً ممكن ... كمان أنا ما أقدرش أنام ....

عبقرينو : تمااااااااااااااااام ...... وش رايكم تروحون تنامون أحسن ورانا رحلة من الفجر ... ...

مناوي : أبشركم أنا اشتريت قميص جديد خاص للرحلة ...
و الفطائر جاهزة حتاكلوا أصابعكم وراها ..

عبقرينو : أنا اشتريت بنجابي علشان إذا نمت ما تطلع البلاوي ما أعرف أنام بالقميص ... والعصيرات بانتظاركم يا حلوات ..


كنوفة : نشوفكم بكره إن شاء الله ......... مع السلامة .......
ناموا كويس ..

مناوي : فسفس تقول لازم الكل الساعة 6 ونص بالمحطة ...
وآخر حد للانتظار الساعة 7 ... عُلم ؟

عبقرينو : أنا إن شاء الله أصلي الفجر بالمحطة هههههههههههه من الفرحة .

وترد فسفس : مرحبا ليش ما نمتوا بسررررررررررررررررررررررررررررعة كل وحده على سريرها .....
"ودمتم على طاعة الله "

عبقرينو : أنا أقول لكم مع السلامة ... إلى اللقاء ....
مناوي أتوقع إنها نامت ...

و تغلق فسفس النت وعلى غرفتها ...
ماما فسفس : زين أول مره تنامين بدري ...
أخت فسفس : لا شكلها غلطانة........ تونا بدري الساعة 11 ......
فسفس : أقول اطلعوا أبنام ...
و لأنها صاحية بدري و انكرفت بالشغل راحت بسابع نووووووووومه .
.................................................. .................................................. ..........
فسفس تصحي مع آذان الفجر وبسررررررررررررعة تتوضأ وتصلي ...
ماما فسفس : ياليتك كل يوم كذا ...
فسفس : يمه أكيد كل شي جاهز ؟
ماما فسفس : ارتاحي حمّلنا الأغراض بالسيارة بعد ما نمتِ ...
فسفس : الله يعطيكم العافية ...
أخت فسفس : ما تستحين تقابلين البنات بقميص !!!!
فسفس : عاااااااااااااااااااااادي متعودين على بعض ومتفقين نلبس قمصان .
المهم أنا مستعجلة لا تعطلوني ...
وتصلي الأخت وبسررعة تلبس القميص وتلف شعرها و تأخذ شنطتها ....
فسفس : وين الكاميرا ؟ بسرررررررررعة عجلوا وينها ؟
ماما فسفس : من تبي تصورين ؟
فسفس : أبغى أصور هاجر وآلاء وقتيبة إذا سمحوا أهاليهم .
صح تذكرت أنا حاطتها بالكيس ... ماما مع السلامة .
وتسلم على ماما و تركب السيارة ويمشوون .
.................................................. .................................................. ..........
نشوف الحين حلولو و أختها الميسم :
الميسم : حلولو بسرعة تأخرنا .... ماما عصبت ...
حلولو : وين نظارتي الشمسية ما شفتيها ؟
الميسم : حطيتيها أمس بالشنطة ...
ماما حلولو : مهب لازم نظارة عجلي بس تأخرتوا على الناس ..
الميسم : أبروح أجيب الحلى من الثلاجة ... تعالي شيلي معي يا حلولو ..
حلولو : أصبري أصلح نقابي ..
ماما حلولو : خلاص زين تهبلين بس بسرعة .
الميسم : حلولو تعاااااااااااااالي ساعديني ...
حلولو : جيت ..
حلولو والميسم مصلحين 5 صواني حلى ...
الميسم : أنا في أي لجنة ؟
حلولو : مادري عنك ليش ما دخلتِ على الموضوع و اخترتِ مع البنات ..
الميسم : صوت بوري السيارة ... عصب علينا ..
حلولو : مع السلامة يمه .
الميسم : مع السلامة تأمرين على شي ؟
ماما : حافظكم الله مع السلامة ...
.................................................. .................................................. ..........
والآن مع أم أحلى بنوتات ....
أم الحلوات : يا لهوي الوقت سريع وأنا ما خلصتش ....
آلاء بس يا بنت ارحميني شويه ..
هاجر حبيبتي تعالي البسي سريع أقوام ...
وتلبس البنوتات و تأخذ معها شنطة كبيرة مره وثانيه أصغر شوي كأنها تبي تهاجر ...
شنطة الإسعافات فين هيا ؟ ........ الحمد لله انتهيت ..
على السيارة حبايبي .. مش عاوزين نتأخر على كنوفه ..
.................................................. .................................................. .........
مناوي : وأخيراً جاء هاليوم ...
و تقرأ أذكارها و شوي من القرآن الكريم ...... و تأخذ صوانيها وعلى السيارة
مصيبة ........... السيارة ............ كفرها "العجلة " مبنشر ...

مناوي : ليش ما فحصتها أمس توك تتذكر ؟ وش نسوي الحين ؟
"الحديث مشفر " ..............
مناوي : خليني أكلم سارونا إذا هم ما مشوا يمروننا ...
سارونا : أهلين مناوي وصلتوا ؟
مناوي : لا ما مشينا الكفر مبنشر ...
سارونا : إحنا بعدنا ما مشينا نمركم ؟ بس إحنا راح نرجع بنفس اليوم .
مناوي : ما أدري أخاف نتورط .. ما نلاقي حد يرجعنا ...
سارونا : خلي " دعي " فلان1 يصلحها و يجيبها للمحطة ويرجع فلان 2و يأخذها
مناوي : فكرة حلوة بس أخاف ما تصلح ...
سارونا : كلها كفر مبنشر الأمر سهل ... أنتم جاهزين إحنا طلعنا ..
مناوي : جزاك الله خير إيه خلصنا ...
........ وبعد 5 دقائق مرت سارونا مناوي وراحوا مع بعض على أساس السيارة يصلحونها ويوصلونها للمحطة الساعة 11الظهر ...
.................................................. .................................................. ........
هذي ابرز الحوادث خلينا نشوف الحين البنات اللي وصلوا المحطة .. الساعة 6 وربع ...
وصل فروشة , حلومة , عشوقة " طبعاً هي القائد" وجابيه معها عشقشق فسفس , كيتكات , أم قتيبة , مهاوي وملوكه جايين مع بعض , خجووله , وضووحه , كرتونه , طيوفه
اورفي , عنودة , فوفو , بحوره , خنوسه , عيونه , نسومه , عبقرينو , سنيورايتا , ساندي , نموله , بغداااد , خطوره , مريوومه , منوة , بلونه , lemo
ميمي , ... نزلوا من السيارات ودخلوا مسجد النساء علشان يسلمون على بعض ...
أم قتيبة : زين جيتي يا عشقشق ...
عشقشق : تبغيني أفوت هالجمعه الحلوة ؟!
خطوره : زين خليتينا نشوفك ..
عشقشق : الله يسلمك ..
عشوقة أدق على حلولو ليش تأخروا ...
عشوقة : الو حلولو وينكم ؟ تأخرتوا علينا ..
حلولو : حنا بالمحطة بس ما حد جاء !!!
عشوقة : أكثر البنات جوا و هذانا بالمصلى أدخلي علينا ..
حلولو : هذاني نزلت ..
عشوقة : نستناك .
................
وصلت أم الحلوات وكنوفه و آلاء كانت نايمة بالسيارة بس هاجر
نزلت معها ... سلموا على البنات ..
فسفس : هاجر ما شاء الله أحلوت أحلى من أول بكثير ...
أم الحلوات : تسلمي هذا من ذوقك ..
جوال عشوقة يرن ...
عشوقة : هلا وينك ؟
حلولو : دخلنا المصلى ما فيه حد ..
عشوقة : أنتم في أي محطة ؟
حلولو : محطة .......
عشوقة : لا مهب هالمحطة المحطة اللي بعدها على طول على اليمين ..
حلولو : يعني من أولها ضايعين ؟
عشوقة : بسررررررررررررررررررررعة .
حلولو : إحنا جيناكم ..
وتسكر الخط ...
عشوقة : يا بعد قلبي حلولو مضيعين ..
كيتكات : لا يكونوا بعيدين !
عشوقة : لا المحطة اللي قبلنا بشوي ..
توصل سارونا ومعها مناوي .. ويسلموا على البنات ...
وبعد دقائق توصل كتكوته الصغيرة و حنين السبيعي و هاكونا متاتا ...
فسفس : اهلين وش جايبكم خابرتكم معتذرين ؟...
كتكوته : لا وراكم وراكم وين ما تروحون ..
مهاوي : مرحبتين بالحبايب ..
ويسلموا على البنات وهم متفاجأين ....
هاكونا : مفاجأة صح ..
منوة : أكييييييييييييييييييييييييييييييييييييييييييييد ...
حنين : حبينا نسويها لكم مفاجأة ..
بلونه : مفاجأة تجنن ..
هاكونا : أنا كنت مرتبطة بس أجلت كل شي علشانكم ..
حنين : وحنا كنا نبي نسافر وبالغصب أقنعت أهلي والحمد لله وافقوا يأجلون السفر .
فسفس : نورتونا ..
كتكوته : أنتم اللي منورين .
طيوفه : بدوا بالمجاملات ..
تدخل حلولو وأختها الميسم ..
حلولو : السلام عليكم ..
عشوقة : و أخيراً ...
يردون وعليكم السلام ... ويسلمون على بعض ...
عشوقة : الساعة 7 إلا ربع ومناوي وسارونا ما جوا ...
نموله : أنا أدق عليهم .... وتطّلع الجوال ويدخلون ...
خنوسه : ليتك من زمان طلعتيه هههههههههههه .
مناوي وساونا يسلموا على البنات ...
فسفس : زين كلكم منضبطين على الموعد يا عيني على الدقة ..
نسومه : شفتي ما حد قدنا ..
عبقرينو : علشاننا مشتهين ..
Lemo : ليش تأخرتوا يا حلوات ... لو صابرين ربع ساعة كان رحنا عنكم ...
مناوي : صارت لنا سااااااااااااااااااااااالفة .. الله يجزاها خير سارونا لحقتا في الوقت الضايع ..
ميمي : خييييييييييييييييييييييييييير وش صااااااااااار ؟
وتبدأ مناوي وتقص عليهم القصة ...
الميسم : موقف صعب على الصبح ...
فوفو : والله حاله . هههههههههههههه
أم قتيبة : بنات تأخرنا عجلوا بسرعة الله يعافيكم ..
أم الحلوات : حقيقي تأخرنا أوي .
كيتكات : أنا رحت لسيارتنا ..
وكل بنت ركبت سيارتهم وعلى المخيم وطبعاً في المقدمة عشوقة ..
والمخيم كان قريب من المحطة .... وبعد ما وصلوا لقوا كل شي جاهز ...
وبدؤوا البنات بالنزول وكل وحده معها أغراض الدنيا ...
وبع ما رتبوا االاغراض وهم يسولفون ويضحكون ...
جت الساعة 8 و 5 دقائق .....
فسفس : وين لجنة الطبخ الفطوووووووووووووووور ..
بحوره : أنا معك وباقي نسومه و مريوومه و خطوره وبس ...
فسفس : اللي جايين جدد لازم نوزعهم وش رايك ؟
بحوره : 4 زيادة .. وحده بالضوء و 2 بالطبخ ووحده بالقهوة ..
فسفس : ندااااااااااااااااااااااااااء إلى الأعضاء الجدد نبغى 2 بالطبخ ووحده بالقهوة ووحده بالضوء ....... مين بسرعة ..
هاكونا : أنا الطبخ .
فسفس : تعالي صلحي الفطور معنا ..
حنين : أنا القهوة ...
فسفس : مع عنودة وبغداااد و ميمي واورفي ..
عشقشق : مع الضوء .
فسفس : مع كرتونه و منوة و كيتكات .
الميسم : مع الطبخ .. إهي إهي الله يعين على البصل ..
كتكوته : باقي أنا مع الغسيل ممكن ؟
فسفس : أكيييييييييييييييد ممكن ...
بحوره : الطباخات وينهم ؟
نسومه : من أولها طبخ !!!...
هاكونا : أجل من يوكلك ؟
الميسم : خلوها اليوم نواشف ...
فسفس : فوفو وش رايك تصيرين معنا بالطبخ لان العدد كبير والطباخات شويين ؟؟
هاكونا : شوفيها جالسة على الكرسي وتبغينها تطبخ ؟...
فوفو : قلت لكم خلوها استراحة أحسن .
كتكوته : شوفي والله البر أحسن بمليون ألف مره ...
فوفو : بس أوسخ .
فسفس : نتحمل علشان الوناسة .
بحوره : أصلاً العشاء على لجنة الضوء مشوي ..
فروشة : إحنا يا بنات الترفيه راح نساعدكم وش رايكم ؟
فسفس : يا زين الناس اللي تساعد تسلمين يالغالية .
Lemo : الكرتون اللي هناك واللي بالمطبخ رجاءاً لا حد يجيهم هذي مفاجأة ..
الميسم : اليوم يوم المفاجأات ..
فسفس : على المطبخ يا حلوات .....

ويدخلون المطبخ لإعداد الفطور يا ترى وشوا فطورهم ؟
وش يسوون بعد الفطور ...... وش هي مفاجأات lemo ؟

انتظرونا في الحلقات القادمة إن شاء الله ...
فهناك مفاجأات حلووووووووووووووووووووة ...
أتمنى إن الحلقة أعجبتكم ..


فائدة : اللهم أعز الإسلام والمسلمين و أذل الشرك والمشركين ودمّر أعداء الدين ... آآآآآآآآمين .

"ودمتم على طاعة الله "

[ام احلى بنوتات]

جميل قوى الجزء الرابع يا فسفس



يلا عايزين بقيت القصه بسرعه


الآء وهاجر بيسلموا عليكى

[حلى قهوه]

هههههههههههههههههههههههههههههه

والله كانك جالسه معانا انا واختي وامي


ترى حنا زي كذا دايما

وابدعت بهذا الجزء يا فسفس

[عنودة قطر]

يعطيج العافيه يافلسفه00حوار حلو00ننتظر الباقي بس اخاف ننشف دمج ويصر مسلسل مكسيكي!!!مو كشته ههههههههه

[اورفي]

ههههههههههههههههههههههههههه

يا رهيبه
يا فسفس
مع أنك حطيتيني في القسم اللي ما أطيقه

بس والله أنك رهييييييييييبه

لا تتأخرين نزلي الباقي بسرررررررررررررررعه

[مملكة الفهد]

فسفوسه <<<<<<<<<< دلع فيلسوفه

ماشاءءءءءءءالله عليك روووووووووووعه ابداع وخيال واسع
تفووووووووو ماشاءءالله <<<<<<< علشان ماتقولين اني نظلتك انا طالعه منهاا

ننتظر الابداع القادم ........... طووووووووووووووووووط

[المتميزة 1]

السلام عليكم ورحمة الله وبركاته
بسم الله الرحمن الرحيم ...

الحلقة السادسة :
ودخلوا الطباخات خيمة الطبخ ..
هاكونا : يا سلام عليكم الحين مسويه لكم مفاجأة وهذي آخرتها طبخ على طول حتى ما أمداكم ترحبون فيني ....
مريوومه : يا بنت الحلال خذي الموضوع برحابة صدر ... عااااااادي ..
نسومه : بالعكس أحسها ونااااااااااااااااااااسة ..
خطورة : يا أختي أصبري بس اليوم وبكره إن شاء الله نغير وبعدين أنت اللي مختارة الطبخ !!
هاكونا : وش فيكم علي تراني امزح ..
بحوره : وش درانا عنك نحسبك صادقة ..
هاكونا : وش دعوه ؟ تراني قرمه سنعه "نشيطة " أعجبكم ...
فسفس : ياله عاد ورينا يا حلوة شطارتك ....
خطورة : طيب وش نبي نسوي مع النواشف "المعلبات " ؟
بحوره : شكشوكه وعلى فكره جايبه معي كبده طازجة توني ماخذتها من القصاب ...
الميسم : حلو أموت على الشكشوكه بس ما راح أقطّع بصل خلااااااااااااص .
بحوره : بنات الله يعافيكم بسرعة علشان يتهضم قبل الغذا ..
فسفس : صادقة واللي تبي قفاز تراني جايبه معي .
مريوومه : وشو له "لماذا " ؟
فسفس : أنا متعودة ما اشتغل إلا بقفاز علشان أحافظ على نعومة يديني ..
لا تصدقون علشان الحساسية ... وأنظف بعد ..
الميسم : ايه الله يعينك والنظافة هي صدق أنظف ... بس وين خطورة ؟
هاكونا : ما دري لا تصير هجت "هربت " ..
نسومه : لا ما تسويها وإذا سوتها يا ويلها مني ..
تأخذ بحوره البصل وتقول : بنات من راح تساعدني بتقطيعه ؟
فسفس : ما قدر لان عيوني تتعب و أصدع مع الريحة القوية .. بس أنا علي الطماطم من تساعدني ؟
الميسم : طماطم بلا شك ...
نسومه :مع البصل والله يصبرني ...
تدخل خطورة ....
خطورة : وش رايكم ؟
بحوره : على بالك احنا بمدرسة لابسة مريله ومغطيه شعرك هههههههههه..
خطورة : لا حبيبتي علشان الريحة ما تطبع وهنا ما نقدر نتروش "نستحم " ..
فسفس : بس خطيرة مره على اسمك ...
نسومه : ليش ما قلتِ لي علشان أجيب المريله حقتي هاه ؟
خطورة : زين أني أنا تذكرت علشان أذكرك ..
وتبدأ بحوره تقطع البصل ..
خطورة: أنا مع الطماطم ...
هاكونا : لا حبيبتي وتخليني مع البصل أنتِ اللي ماخذه احتياطك ..
خطورة : علشانك استحمل البصل ..
هاكونا : تسلمين يا قلبي بس أنا أمزح ..
خطورة : والله ما تقطعين البصل .. أنتِ مع الطماطم ..
نسومه : بنات عجلوا ساعدونا ..
ويبدون بالتقطيع ..
مريوومه : نبغى كميه كبيرة علشان تكفي للكبده ..
تدخل فروشة ومعها بلونه ..
فروشة :ليش ما ناديتونا " ندهتو لينا " ؟
فسفس : يا هلا والله تعالوا الله يحيكم على الطماطم ..
بحوره : على بالي إنك تمزحين ..
بلونه : لا ما نمزح أنا مع البصلات ..
فسفس : فروشة الله يحفظك صيري مع البصل لان الكبده ما فيها طماطم
والبصل محتاجين كمية كبيرة ..
فروشة : خلاااااص بسم الله عطوني سكين زينه ..
نسومه : خوذي ... بس وش رايك بخطورة ؟
فروشة : شفتها قبل شوي رايقة ما شاء الله عليها !...
ويبدون البنات بالشغل ...
نروح الحين للجنة القهوة والشاهي :
.................................................. .................................................. ..........
عنودة : الحين ما يحتاج نصلح قهوة وشاهي لأنهم جاهزين بس الله يعين بعدين ...
اورفي :طيب وش رايك نجهزهم ...
حنين : ايه ياله يمدينا "يكفي الوقت " ..
ميمي : أنا ابروح اجمع الشواهي ..
بغداااد : القهوة الحين ما يحتاج ........ نخليها مع الحلى ..
اورفي : بس فيه بنات ما يشربون شاهي لازم القهوة مع الفطور ..
حنين : صح وش اللي يضرنا لو حطيناهم كلهم ..
عنودة : خلاص أنا ابجهز البيلات "كاسات الشاي " وفنجاين القهوة ..
حنين : أنا اجمع القهاوي.
بغداااد : أنا جايبه معي كاسات بلاستك الصغيرة البنية للقهوة والكبار الورق للشاهي ..
اورفي : لا طعمهم بالبلاستك ما ينفع ..
عنودة : صادقة أحسن شي بالفناجيل .
ويبدون بالشغل ..
.................................................. .................................................. ..........
الساعة عشر ونص الفطور جاهز و كل شي تمام ...
ولجنة إعداد السفرة ما قصروا جهزوا كل شي على أحسن حال ..
ويبدون البنات يأكلون ...
منوة : بنات ما تحسون أن طعم الشكشوكه ما دري وش يبي ..
خجولة : لا تونا ما بدينا نأكل بس خليني أذوق وتأخذ خبزه طعمها خانسه "قليل الملح " ..
بحوره : حاطه فيها ملح يا خطورة ؟
خطورة : ايه والله ..
نموله : وش لون شكل علبته ؟
خطورة : علبة تمر صغيرة ...
نموله تضحك بقوة ...
بلونه : وش فيها البنت عسى ما شر ..
نموله ما تقدر تتكلم من شدة الضحك ..
خنوسة :رشوا عليها ماء يمكن تسكت ...
أم الحلوات : فيه إيه يا نموله !
نموله : حاطه بدل الملح سكر ناعم هههههههههههههههه
ويبدون البنات يضحكون على خطورة ..
خطورة : أنا وش دراني شكله ناعم مره .. ظنيته ملح .
حلولو : يا خسارة الشكشوكه بس ..
وبعد ما كلوا وخلصوا بنات إعداد السفرة قاموا ينظفون مع مهاوي وسنيورايتا وكنوفه ...
.................................................. .................................................. ..........
بعد ما أذن الظهر قامت أم قتيبه تقول : بنات وقت الصلاة ياله عجلوا توضوا علشان نصلي جماعة ..
ويتوضون البنات وبدوا يصلون والإمام أم قتيبه ..
وبعد ما خلصوا ألقت أم قتيبه كلمة عن الغيبة لمدة 10 دقائق .
وعندما انتهت قاموا لجنة الطبخ ودخلوا خيمتهم علشان الكبسة ..
بحوره : انتبهي لا تحطين شي بدل شي يا خطورة ..
خطورة : خلااااااص أنا ما راح أحط شي أبقطع معكم و أطلع ..
وأذن العصر وصلوا والإمام أيضاً أم قتيبه والقت الكلمة طيوفه عن صلة الرحم وأبدعت في ذلك جزاها الله خير ..
والساعة 5 ونص الغذا جاهز و بعد ما تغدوا ذيك الكبسة اللي أكلوا أصابعهم وراها قاموا بنات الغسيل يشوفون شغلهم و لان الجو دافئ قعدوا يلعبون بالماء ومرت عليهم أم قتيبه وهاوشتهم : ما تخافون يخلص وبعدين نتورط ؟
حسوا البنات بغلطتهم وأعتذروا لها وكملوا شغلهم ......
.................................................. .................................................. ..........
مناوي تدق على أهلها علشان تسأل عن السيارة والحمد لله صلحوها وجابوها ..
.................................................. .................................................. ..........
ساندي : ما شاء الله عبقرينو البنجابي روعة ..
عبقرينو : تسلمي هذا من ذوقك ..
سارونا : واستر بعد عند النوم ..
حلومة : يا ليتني لبست البنجابي حقي استر لي .. بس ما شاء الله عليك عبقرينو بحق وحقيقي ..
.................................................. .................................................. ..........
كتكوته وليمو " أخوات " ....
كتوكته : ما عندك نيه تفتحين الكرتون ؟!..
ليمو :لا اصبري شوي ..
كتكوته : كلمي على مشمش شوفي هي ما غيرت رايها ..
ليمو : وليش ما تكلمينها أنتِ ؟
كتكوته : أنا ما عندي رصيد إلا 15 ريال ..
ليمو : خذي كلميها ..
وتأخذ جوال ليمو ..
كتكوته : الو مشمش ما غيرت رايك ؟
مشمش : سلمي أول .
كتكوته : السلام عليكم .
مشمش : وعليكم السلام , كيف الوضع عندكم ؟
كتوته : وناسه لا يفوتك ..
مشمش : صدق وإلا تستهبلين ؟
كتوكته : من جد تعالي والله تستانسين .
مشمش : صعبة أبصوم .
كتوكته : اليوم ما بقى شي على بال ما تجين المغرب أذن وبكره إن شاء الله مهب لازم الدنيا مهب طايره ..
مشمش : من هذي اللي تصارخ ؟
كتكوته : هذولا البنات راكبين دبابات ومتحمسين .
مشمش : يا حليلكم الدعوة فيها دبابات ... حمستوني ..
كتكوته : لا وأزيدك من الشعر بيت نبي نسوي مسابقات بعد المغرب إن شاء الله و العاب حلوة نبي نستهبل .. تعالي بس وخلي عنك الدلع ...
مشمش: خلاص أنا أبدق عليه يجي يأخذني بس إن شاء الله يوافق ..
كتكوته : لا هو ما يرد لك طلب بس عجلي ..
مشمش: خلاص ابجي إن شاء الله ..
كتوكته : مع السلامة ..

ليمو : وش قالت ؟
كتكوته : الحمد لله اقتنعت ..
.................................................. .................................................. ..........
البنات عندهم 5 دبابات كل 2 راكبين واحد ..
فوفو و كرتونه , خجولة و سارونا , ساندي وكنوفه , حلولو والميسم ,
عبقرينو و نموله .. والباقي يشجعون يعني سباق أول فريق يصل هديته إنه هو اللي يفتح كراتين ليمو ...
و حلولو والميسم في المقدمة ...
بس للأسف من السرعة انقلب الدباب وطاحوا ... حلولو جتها خدوش ومخوش بسيطة أما الميسم ما صار لها شي ..
وبسرعة إلى شنطة أم الحلوات إسعافات أولية ... وتعقيم ولصق وحركات
وكدمات " سلامات حلولو ما تشوفين شر "
ومع ذلك هم الفريق اللي فازوا ...

وبعد ما صلوا المغرب والقت الكلمة خنوسة ... جابت ليمو كراتينها ..
ليمو : تتفضل حلولو بفتح الكرتون الأول ...
وبتشجيع من البنات قامت حلولو مستحيه ..
ومسكت الكرتون و أفتحته وقعدت تضحك ...
يا ترى وش طلع فيه ؟


كراث وجرجير وبصل أخضر وبقدونس ....
ليمو : وش رايكم بالمفاجأة الأولى ؟
الميسم : الله يستر من الكرتون الثاني !
ملوكه : بس غريبة ما طلعت الريحه !
ليمو : لأني لافته بجرايد ولزقته بشطرطون " لصق الكراتين " ...
كنوفه : ياله بأ خلينا نشوف الكرتون التاني فيه إيه ؟
وتقوم الميسم وتأخذ الكرتون وتسمي بالله وتفتحه ...
وش طلع فيه ؟




كتيبات ونشرات وأشرطة دينيه ....
ليمو : وزعيهم على البنات لو سمحتِ ...
ويبدون البنات يدعون لها ..
أم قتيبه : إيه هذي المفاجأات مهب الكراث والبصل !
وبعد المغرب قامت لجنة الحلى والفطائر بتجهزهم ...
وبدو البنات يأكلون والكل انهبل على حلى حلولو وفطائر مناوي لأنهم عمل بيت مهب جاهز ..
وطبعاً نموله صاحبة الكليجا والمعمول رفضت تقدمهم لحكمة....... ما هي ؟
تعالوا نسألها عن السبب ..
نموله : إذا أكلوها اليوم مع الحلى خلوا العشاء وبعدين بكره وش يأكلون ؟
فعلاً كانت حكيمة ...
وحنيني خطورة كان روعة وما ننسى عصيدة ميمي والمكسرات أجلوا أكلها لبكرة وكيكة فوفو لذيذه بس أكثر البنات ما لحقوا عليها ...
وهم يأكلون دخلت عليهم مشمش والبنات صرخوا مع بعض من الفرحة ورحبوا فيها الين "حتى " قالت بس ..


يا بنات يا حلوات المغامرة لم تنتهي وبقى احكي لكم عن قصة البنات والضياع والتغريز من اللي ضاع وشلون ؟
والمسابقات ....... و ش صار على زروقه وسارونا .. كل هذا في الحلقة السابعة انتظرونا إن شاء الله ...
مع السلامة ..


فائدة : إذا أويتِ إلى فراشك سبحي الله 33 مره واحمدي الله 33 مره وكبريه 34 مره فهذا خير لك من خادم ...

اشكر كل اللي قرأوا القصة وجزاكم الله خير .ٍ.....

"ودمتم على طاعة الله "

[حلى قهوه]

مشكوووووووووووووره حبيبتي فسفس


بس انا قراتها وانا مستعجله


باقراها الصباح ان شاءالله برواااااااقه ):K

[ام احلى بنوتات]

جميله يا فسفس



انا مستنيه الباقى

والف سلامه على حلولو

[حلى قهوه]

هههههههههههههههههههههههههههههههههههههههههههههههههه ه


ترى قرات القصه كامله


تجنن ماشاءالله

والهديه خطييييييييييييييييره احلى هديه عشان الكراث


بس انقهري ماني مخليتك تاكلين منه ((K))


ام احلى بنوتات الله يسلمك ان شاءالله

ومشكووووووره على شنطة الاسعافات ):K

[المتميزة 1]

يا عيني على النذالة ليش كذا q) ..........

تسلمو يا حلوات القصة مو حلوة بس مروركم هو الحلو .... W:

"ودمتم على طاعة الله "

[النمله المبرقعة]

واااااااااااااااااااااااااااااااااااااااو روووووعه ........ز

بس بصرااااااااااااح وش راااايك تجيبيبن طبااااااااااااااخااااات مساااااكين خااااااااااااااسوا في المطبخ




واحنااااا نجلس او ناكــــــــــــــــــل بسسسس >>>>>>>>>>>>>>>> وحده عجاااااااااااااااااااااااازه




بس والله الدبااااااااااااااااااااااااااب روووووووووعه


.... مشكووووووووووووووووووووووووووووووووووووووووووووووو وووووووووووووووووووووره

[حلى قهوه]

بس والله الدبااااااااااااااااااااااااااب روووووووووعه


ايه روعه

بلاتس ما ذقتي الطيحه q)

[نسمة الخريف]

اعذريني تأخرت في الرد أنا قريت كل الحلقات و كلهم رووووووووووووووعه و ما شاء الله عليكي فسفس مبدعه و شكراً لأنك حاطتني في كل الحلقات تقريباً و إن شاء الله دائماً أكون في كل الحلقات عشان أونسكم هههههههههه بس أنا ما شفت الموضوع إلا دحين عشان كذا تأخرت في الرد اعذريني و أنتظر الباقي يلا استعجلي يا مؤلفتنا العبقرية ws:-) ws:-) ملاحظه : لا تصدقوا أنه أنا من شله الطباخات أنا ما أعرف أطبخ إلا حلووو ههههههه بس إن شاء نتعلم على أيدك فسفس هههههههه ws:-) ws:-)

[أم تأبط شراً]

الله خيال رووووعه

يعطيك العافيه اختي فسفس

دمتي لمن يحبك وأنا أم تأبط شراً منهم

[اغلا فراشه2]

مشكـــــــــــوره خيتي روعـــــــه
الله يعطيك الـــــــــــف عافيه

[أم النورين]

جزاك الله خيرا

[amoOora KSA]

اهئ اهئ اهئ ابي اروح معكم