©ˆ~*¤®§©]§]..... كلام نواعــم .....لدردشه سيدات المطابخ §]§[©§®¤*~ˆ©

[**ام البنات **]

وعود و انا اليوم مكسلة اكثر منك يمكن الطش منك الغدوة

[ام حكم]

هلالالالالالالالا ام البنات كيفك يا عمري يسعد لي هالطلة الحلووووة يا قمر


الله وعووود قلاية بندووورة ريحتها وصلت لهوون شوو بحبها ريته صحتين على قلوبكم والحمدالله نعمه الكريم

وصحتين على العرايس مقدما حبيبتي

بالنسبة للصيادية تعرفي ساعات ما بكون عندي سمك أو بكون غالي بالسووق تعرفي بسويها على تونة اذا بتذكري كانت من ضمن أكلات الغزو ههههههه بس بجد زاكية

[**ام البنات **]

ام الحكم الله يسعدك يا عمري و صحتين و هنا الصيادية

[ام حكم]

على قلبك يا ام البنات والله يسعدك دنيا وآخرة يا رب

[وعود الخير]

يسعدك يا ام حكم
والله ذكرتيني بالرز مع التونة والكسبرة الخضرا
خلاص راح اعتمدها ان شاء الله تعالى خاصة وان عندي كمية من علب التونا..
تسلمي لي ياقمر

ام البنات.. صحتين وعافية.. ان شاء الله مأكول الهنا.

[وعود الخير]

عن اذنكم صبايا صار لازم اروح
احسن الجد بلش
دعواتكم.

[**ام البنات **]

افيدونا جزاكم الله خيرا عايزة اعرف الصيادية بالتونة :[MM :[MM :[MM :[MM كيف تعمل

[**ام البنات **]

ربنا يوفقك يا غالية و يفتح امامك ابواب الخير و الرزق من واسع بادن الله

[ام حكم]

شو نسوي يا وعود لازم نخترع أشياء نمشي حالنا فيها

يالللا حبيتي روحي اجتماعك وربنا يوفقك وان شاءالله يكون الاجتماع حلوو على جميع العاملين وتقبضو الرواتب المتأخرة

[ام حكم]

افيدونا جزاكم الله خيرا عايزة اعرف الصيادية بالتونة :[MM :[MM :[MM :[MM كيف تعمل

حبيبتي ام البنات ما بتختلف عن صيادية السمك

نفس الطريقة بس بدل السمك حطي تونة

[**ام البنات **]

اكيد راح تطلع لذيذةاصلا انا بيعجبني الرز كيف ما كان فما ادراك مع التونة تسلمي ي عسل

[عبير القدس]

خلصت الاجتماع

حلقي ناشف من كتر ما حكيت بالاجتماع
و الله الشغل مع الستات بهد هد هلااااااااااااااااااااااااك من كتر ما بيحكو:(*):

ام الحكم حبيبتي
مروحة هلا
روحتي و لا بعدك
و صحة و هنا على المعجنات يا رب
و ما فهمت مين اللي تعبان ................بنوتك
الف سلامة يا رب





ام اللزيزات
كيفك يا قمر و كيف لزيزاتك
شو عاملة اكل اليوم
اكيد اشي زاكي متلك:)

[**ام البنات **]

اهلا بيك يا غالية كيفك يا عمري
لا و الله اليوم مكسلة و لطشت الطبخة من وعود

[عبير القدس]

هلا بام اللزيزات
شو الطبخة اللي لطشتيها من وعود:[MM :[MM :[MM

[عبير القدس]

حاسس حالي زهقانة
مع انو يادوب هلا الستات طلعو من المكتب بس حسيت صوتي راح من كتر ما حكيت

[**ام البنات **]

قلاية بندورة و بطاطس مقلية و عاملة سلطة جزر مطبوخة

[**ام البنات **]

سلامتك يا عمري اشربي شوية ماي و يا ريت مع رشة سكر

[عبير القدس]

صحتين و عافية
و الله انا لو اعمل هيك لجوزي على الغدا بيعملي عرس و بعدين بيقولي كلي لحالك

اما على العشا و بعد ما يرجع من النادي بيحب يوكل صحن بطاطا مقلية وصحن سلطة و صحن شوربة و طبعا و لا لقمة خبز

[عبير القدس]

الله يسلمك يا جميل
هيني بشرب يانسون
طبعا بدون سكر

[**ام البنات **]

هههه و يا ترى مين العريس و مين العروس


ههه لا انا معودة زوجي الي يلاقيه يسمي و يحمد ربناو بقله بلالالالالالالاش دلع

[**ام البنات **]

على ذكره قرب يشرف حضرته أستسمحك احضر للسفرة و ارجعلك يا عسل

[عبير القدس]

خدي راحتك يا قمر((K)) ((K)) ((K))

[عبير القدس]

شو
شكلي لحالي :[MM

[**ام البنات **]

لا اناحاضرة معك

[عبير القدس]

هلا و غلا بام اللزيزات

[**ام البنات **]

هلا عبورة لسه ما خلص الدوام

[عبير القدس]

ام اللزيزات بفكر افطم للوش
و لا شو رايك
بدي طريقة مجربة
في موضوع شامل فيه طرق كتيييييييييييييييييييرة للفطام
شو كانت طريقتك بفطم اللزيزات

[عبير القدس]

لأ حبيبتي لسة باقي حوالي 10 دقايق

[عبير القدس]

يلا مع السلامة يا احلى صبايا
بتوصو على شي قبل ما يجي ابو الشباب و اروح:[MM

[**ام البنات **]

لما فطمت البنات فطمتهم بشكل تدريجي يعني تقريبا اخد معي الفطام شهر و نص حسب الرضعات الي كنت برضعها في اليوم

اول اسبوع لغيت رضعة الصبح و عوضتها افطار كامل

ثاني اسبوع لغيت رضعة الظهر و صارت غداء شهي

ثالث اسبوع لغيت رضعة العصر و اصبحت كاسة حليب مع بسكوت او فواكه مشكلة و زبادي

الاسابيع المتبقية لغيت رضعة الليل رضعتهمي يوم و يوم لأو الي ساعدني اني بفطمهم بكير على رضعة الليل يعني اول ما صار عندهم 6 شهور و بدأوا ياكلوا بالليل لغيت رضعة الليل و كل ام يقوموا بديهم ماء حتى تعودوا و صاروا يناموا للصبح اعملي مع لنوش نفس الشي شربيها ماء باليل لما تقوم اكيد ما حيعجبها الامر في الايام الاولى بس حتتعود و لما تعرف ان الماء فقط هو الي حتشرب ما حتقوم حتنام حتى الصبح

[**ام البنات **]

سلامتك يا عمريحشتقلك كثير من هنا ليوم الاحد ديري بالك على حالك و على الغالية لنوشة الله يحفظها يا رب

[وعود الخير]

السلام عليكم ورحمة الله وبركاته
كيفكم صبايا
ام اللذيذات من عيوني
لفة في المنتدى واجيب لك احلى طريقة رز معالتونة من تحت ديات اختكام مودي..
تكرم عيونك ياقمر..

ام حكم .. يسعد صباحك .. واخيرا حصلت على الرقم والعنوان ... والحمد لله

رندوش.. وطن... صباحكم فل وروئان.

[عرنوش]

السلام عليكم
رجعتلـــــــــــــــــكم
كيفكم يا صبايا
اشتقتلكم ، اليوم دوامت بعد الاجازة زي ما انتو عارفين
عقبال لاولادكم يارب
بدي اشوف الي فاتني وارجعلكم ...
طمنوني شو اخباركم؟؟

[وعود الخير]

http://www.lakii.com/vb/smile/1_11.gif صباح الفل يا احى اخت عريس في غزة
ان شاء الله ربنا يفرحك بعمر وقومتك بالسلامة..

[وعود الخير]

تفضلي يا ام البنات اللذيذات
هذه هي طريقة ام مودي في عمل الرز بالتونة
اسهلللللللل اكلة مرت علي و لذيذة ...و تنفع بالزنقات...تونة..رز..فلفل اخضر حلو....ثوم..طماطم مفرومة.. كزبرة خضراء مفرومة..ملح..فلفل اسود...بهارات مشكلة..بصل..سمنة..كركم ..رشة ليمون
الارز طبعا اطبخيه عادي ابيض..
ضعي سمنة في مقلاة و سخنيها ..اضيفي البصل و قلبيه جيدا ثم ضعي الثوم و قلبيه ثم الفلفل الحلو ثم الطماطم و يترك على النار حتى تذبل..ثم الكربزة و قلبيها و بعدين التونا و جميع البهارات حركيها جيدا و اتركيها على النار لمدة ربع ساعة ثم رشي الليمون فوقها و حركيه ..
صبيها فوق الرز اللي في القدر و اتركيها على نار هادئة و حتى تتسكر.
و عند التقديم اعزلي طبقة التونا و ضعيها على جنب و ثم اسكبي الرز في طبق التقديم و ضعي التونا فوقه ...و يقدم مع الدقوس.

[وَطَن]

صباحوووووووووووووووووووووووووكيفكم اشتأتلكوا... كيفك وعود مبارك يا أخت العريس عقبال سلامتكأم حكم صباح السعد والهناأم البنات صحتين الصيادية بالتونة من هلأعبير اليوم ما عندك دوام.. الله يعينك ع الفطام أنا كمان بلشت مع إبنى لأنى زهئت من الرضاعة وطريقة أم البنات حلوة بس اذا لولو بترضع بالليل كتير يمكن تغلبك شوى..رندووووش وينك يا أمرطيف صباح الخيرجرين آيزبنت الصين بنت الحضاراتكيفكم يا نواعم... صباح الخير..

[وعود الخير]

صباح الورد يا احلى وطن

[ام حكم]

ام حكم .. يسعد صباحك .. واخيرا حصلت على الرقم والعنوان ... والحمد لله



صباح الخير وعود كيفك ؟وكيف أولادك ان شاء الله بخير

تأخرت اليوم كان عندي شغل كتير خلصته ودخلت أصبح عليكم

وتسلمي حبيبتي على الرقم والعنوان وربنا يجيب اللي فيه الخير ان شاءالله ،

ويقدرنا على رد معروفك يا قمر ..

[ام حكم]

السلام عليكم
رجعتلـــــــــــــــــكم
كيفكم يا صبايا
اشتقتلكم ، اليوم دوامت بعد الاجازة زي ما انتو عارفين
عقبال لاولادكم يارب
بدي اشوف الي فاتني وارجعلكم ...
طمنوني شو اخباركم؟؟


هلالا عرنوش صباح الورد حبيبتي

ألف مبرووك لأخوك ومنه المال ومنها العيال

وان شاءالله نفرح فيكي وانت قايمة بالسلامة يا رب :)

[ام حكم]

صباحوووووووووووووووووووووووووكيفكم اشتأتلكوا... كيفك ..


صباح الورد يا أحلى وطن

الحمدالله احنا بخير دامك بخير ، واحنا اشتقنا لك يا قمرررررررررررر

[ام حكم]

عبوورة

افطمي للوش من هلأ قبل الصيف بلاش يصيبها بعيد الشر عنها نزلات معوية وأن يكون بالتدريج

طريقة ام البنات حلوووة راح تواجهي صعوبة بالبداية ربنا يعيينك ويعين للوش :)

[وعود الخير]

ام حكم.. يعطيك العافية
يا ليتني اقدر اخلص الشغل المتراكم عندي مش بسببي
بس في 2 سافروا وتركوا شغل متراكم من اسبوع
ولازم اخلصه عنهم ..

[**ام البنات **]

السلام عليكم ورحمة الله وبركاته

الله يخليك يا وعود على الوصفة الحلوة و عن جد اشتقنا لطلات الغالية ام مودي ربنا يطمناعليها

[**ام البنات **]

ام الحكم صباح الفل كيفك حبيبتي

عرنوش حمد الله عالسلامة مبروووك الف الف مبروووك لاخوك رسه و عقبال نفرح بيك و بقيامك بالف سلامة يا رب

وطن كيفك يا عمري بشتاقلك كثييير

[رندوش]

صباح الخير صبايا
كيكفم
الف مبروك اخت العريس ان شاء الله يتمم على خير الله
شو طمنينيا عن صحتك
وطن يسعدك الله صباح الورد
ام حكم يا عسل كيفك كيف السكر
وعود هلا حبيبتي شو الاخبار قبضتوا ولا بعدكم
اذا بتعوزي اي مساعده في طوشه اانا مستعده ههههههههه
ام اللذيذات كيفك وين الاطباق اللذيذه

[رندوش]

اليوم فقط انا حاضر غائب
لاني مشغوله الشمس حلوه والتعزيل احلى

[وعود الخير]

يعطيك العافية رندوش..
انا البارحة عزلت وانعزلت
وفوق هيك رحت زيارة مباركة كنت في الرمال المتحركة..

[وعود الخير]

هلا والله بام البنات الحلوات
هلأ اللي انتبهت لردك اعذريني لاني شبه مسطولة اليوم
يا غاليتي لا شكر على واجب .
وام مودي بحق اشتقنا لها ربي يردها بالسلامة .

[**ام البنات **]

رندوش اشتقنالك يا عمري كيفك يا غاالية

[رندوش]

اهلا ام البنات تسلمي يا عزيزتي
والله تعبت من الشغل قلت ما اللي الا المنتدى ارتاح عنده
شو عاملين اليوم

[رندوش]

وعود الله يعطيكي العافيه كان مريتي على
بس كنت شربتك فنجان قهوه مع ليالي لبنان

[**ام البنات **]

عندك حق لما بنتعب ما إلنا الا المنتدى

[**ام البنات **]

وعود شايفة القطار بيتحرك مبرووك و ربنا يعينك لوصول للوزن الي عايزاه بإذن الله

[وعود الخير]

شفت يا ام البنات الحلوات
واخيرا تحرك القطار بس شو عملت قبل شوية
اكلت قطعتين بقلاوة وقطعة شوكلاته .. يعني من الفرحة مش اكتر

تسلمي رندوش البارحة اكلت حبة معمول وقطعة كنافة بالقشطة (فجأة انفجعت عالحلو)..
بس الحمد لله ماشية تمام على ريجيم المية وربنا يسهل ..

[**ام البنات **]

صحتين و هنا ياعمري
ربي يفرحك كمان و كمان بس لا تاكلي حلو كثير بيكفي حلاوتك يا قمر

[عبير القدس]

صباح الخير على الصيايا الحلوات
كيفكن يا أمامير امورة أمورة:) :) :)
وعووووووووود مبروك نزول الوزن
وطنننننننننننننننننننننننننننن و ين هالغيبة يا جميل و الله يعينك وو يعيني على الفطام
رندوش يعطيكي العافية على حملة التعزيل
عرنووووووووووش مبروك للعرسان و عقبال عند الحبايب يا رب(كيف البيبي طمنينا)




ام الحكم يا احلى ام سعد في الدنيا اشتاتلك كتيييييييير


ام اللزيزات يسلمو على الطريقة و الله يخليلك لزيزاتك يا رب



المشكلة هلا انو للوش اصلا ما بترضع الا في الليل لانها يا دوب بس بتشوفني المسا يعني طول النهار ما في رضاعة لاني بكون بالدوام و هي ما بتاخد الرضاعة.
فمش عارف كيف بدي ابلش معها بالتدريج برضاعة الليل

[عبير القدس]

صباح خاص للصبايا الغائبات الحاضرات
ام العيون الخضر وبنت الحضارات و بنت الصين
لا تطولو الغيبة



هلوووووووووووول و شموسة طلو طلة يا حلوات:) :) :)
طيف متل الطيف بتيجي بسرعة و بتروح بسرعة :)

[رندوش]

صباح العبير المقدس الحلو
كيفك عبير شو اخبار للوشه بوسيلي ايدها الناعمه
الله يعينك على الفطام كان بديتي من عمر سنه احسن
لانهم لمايكبروا بتعبوا كتير لانهم بيكونوا واعيين
صبايا مالكم وحده وحده بتنسحبوا اشتقنالكم ما طولوا
الغيبه

[رندوش]

عبير كيف الجو في عمان ربيع ولا بعده برد http://www.lakii.com/vb/smile/21_100.gif (http://www.lakii.com/vb/uploader/smilies.php)

[عبير القدس]

صباح الانوار على رندوش القمر
ازيك يا جميل


و الله مو عارفة كيف بدي ابلش افطمها بس عنجد لانها بلشت تهلكني بالليل بطلت استحمل و الله يعينها يا رب لانو عنجد انا حزنانة عليها من هلأ

[عبير القدس]

الجمعة كانت برد و كنت مفكراها ربيع
يعني الجو بيكون بيجنن لما تكون الشمس موجودة بس لما تغيب الشمس يا الله شو بحس الجو برد

اليوم بيحكو انو الجو حلو الله اعلم شو بيطلع

[رندوش]

ما اجمل الجو عندنا
وخاصه رائحة الزهور من البرتقال والورددددددددد
مصبحه شاعريه على الخالصصصصصصصصص
وبحب الجو هيك لا برد ولا حر

[عبير القدس]

يا عمي بفلسطين اكيد الجو بيجنن
احلى شي الجو الربيعي

[رندوش]

عبير فيه قمر حيطل علينا شو رايك نستقبله استقبال كبير
http://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gif
http://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gif
http://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon16.gif
اهلا بنوته وين هالغيبه ردييييييييييييييييييي بسرعه اشتقنالك

[عبير القدس]

بنووووووووووووووووووووووووووووووووووووووتة
كيفك يا قمرررررررررررررررررررررررررر
اشتانالك كتيييييييييييييييييييير
وين هالغيبة

[رندوش]

عبير وين راحت بنوته انا شفتها منوره
اشتقنالها وين اراضيها يا ترى وكيف قطقوطه

[عبير القدس]

و الله يا رندوش ما بعرف وين بنوتة
يمكن بتلقي نظرة سريعة على اللي فاتها
يلا يا بنوتة طلي علينا و طمنينا عنك و عن قطوط وطمنينا كيف شفتي الامارات

[رندوش]

عبير لي رجعه ان شاء الله بس سوسو لازم تفطر
وهي اجازه اليوم و ان شاء الله لي عوده
سلام للجميع

[عبير القدس]

و لا يهمك رندوش

شو ام الحكم متاخرة اليوم و لا مشغولة:[MM :[MM :[MM

وعوووووووووووووود طمنينا شو صار بالاجتماع

[بنت ارض الحضارات]

السلام عليكم ورحمة الله وبركاته

صباح الخير بنوتات النواعم بنوتة بنوتة
ارجو الله ان تكن جميعا بالف خير وعافية ولامة المسلمين بالمثل..

اشكر لكن اهتمامكن وسؤالكن عني جزاكن الله عني وعن هذه المشاعر الرقيقة خير الجزاء وجعلها في موازين حسناتكن وجعلنا ممن يلتقي على حبه وطاعته دائما انه سميع مجيب..

الجو في الامارات مغبر كثيرا وغائم جدا حتى اني لحد الان لم ار الشمس ارجو الله ان لا يستمر الامر هكذا..

قطوط بخير بارك الله بكن بدات تالف وجود الناس حولها ولكنها ما زالت لا تستطيع النوم الا بوجودي قربها ممسكة بيدها والله المستعان..

اشتقت لكن كثيرا وساحاول الدخول الى الركن للسلام عليكن حسب ما يسمح به الوقت..

احبكن جميعا وقبلاتي لكن جميعا...

[عبير القدس]

هلا و غلا ببنوتة
أشتانالك كتيييييييييييير
بوسيلنا قطووووووووووووووووووط
و ديري بالك على حالك و على قطوط كمان
و يا رب تشمس بالامارات

[عبير القدس]

شو صبايا وينكم

[وعود الخير]

السلام عليكم
حبيت اسلم عليكم
واقول لكم راح اختفي كم يوم

[عبير القدس]

هلا وعووووووووووووووووووووووووووو
كم يوم كتيييييييييييييييييييييييييييييييييييييييييييييييي ييير
ما بنقدر على فراقك كم يوم
خير ان شا الله طمنينا

[وَطَن]

صباح الخير يا نواعمhttp://www.lakii.com/vb/images/icons/icon17.gif
عبير إشتأنالك... أنا كمان زيك إبنى أكتر رضاعته بالليل ، كتير نصحونى استعمل تحاميل مهدئة بيقولوا جربوها وكتير ساعدتهم
علشان يضل نايم بالليل وما يطلب يرضع لحد ما يتعود يعنى تلات أيام تقريبا .. أنا أعطيت إبنى نص وحدة لأنى بخاف من الأشياء هذه بس إنتى إسألى الحكيمة أو الدكتور ممكن يساعدوكى أكتر.. بعدين جربى حطيلها صبرة مرة بلكى تساعد معاكى.. بصراحة أنا إبنى مجننى.. بس هانت إن شاء الله ..
بنوتة حمدالله على سلامتك ويارب الله يهنيكى ويفرحك بلمة الحبايب عن قريب
رندوش ... صباح الفل والزمبق..
وعود يعطيكى العافية وينك.. طمنينى لئيتى
أم السعد صباح السعد والهنا يا نوارة
http://www.lakii.com/vb/images/icons/icon16.gif

هالة
عرنوش....
جرين آيز ...
طيوف....
أم البنات
صباحكم ورد.. http://www.lakii.com/vb/images/icons/icon20.gifhttp://www.lakii.com/vb/images/icons/icon20.gifhttp://www.lakii.com/vb/images/icons/icon20.gif

[عبير القدس]

حبيبتي وطن
كيفك
أديش عمر ابنك هلا
انا حزنانة على للوش و مش هاين علي افطمها بحس حاسس انها كبرت و بصراحة حاسس انو ما في حليب و كتيييييييييييييير بتغلبني بالليل

[وَطَن]

الربيع فى فلسطين بيجنن عن جد مش مبالغة خصوصا للى ساكنين فى مناطق سهلية أو زراعية يا سلام يا بنات الجو وريحة الطبيعة غير شكل بتعمل refresh للواحد
كأنه مولود جديد.. يعنى بالعرى بترد الروح.. ولا شقائق النعمان روووووووووعة.. شوفوا هاللوحات
اللى أبدعها الخالق سبحانه..

http://holylandimages.com/medium/hi30-016.jpg

http://holylandimages.com/medium/hi30-020.jpg
هنا شقائق النعمان مع قرن الغزال..
http://holylandimages.com/medium/hi30-019.jpg
http://holylandimages.com/medium/hi30-002.jpg
هذه فى منطقة جبال الخليل
http://holylandimages.com/medium/hi91-045.jpg
زهر اللوز شكله تحفة سبحانك يا الله
http://holylandimages.com/medium/hi91-091.jpg
هذه من صحراء النقب
http://holylandimages.com/medium/hi91-108.jpg

http://holylandimages.com/medium/hi91-112.jpg

http://holylandimages.com/medium/hi91-109.jpg
هذه جداول من نهر الأردن
http://www.lakii.com/vb/images/icons/icon17.gif

[وَطَن]

إبنى سنة وخمس شهور يا عبير وعن جد غلبنى كتير لأنه أكتر الرضاعة بالليل يعنى ما فيه نوم ،، كان نفسى أرضعه تلات أربع سنين بس خلاص زهئت يا اختىhttp://www.lakii.com/vb/images/icons/icon23.gif

[عبير القدس]

يا الله شو الصور بتجنن
يلا ان شا الله بيجي يوم و بنزور البلاد يا رب

العمر كلو ان شا الله يعني صغنن أصغر من للوش بحوالي 4 شهور

وطن عنجد فكعت من الضحك
بدك ترضعي الولد 3 اربع سنيين
هههههههههههههههههه
و الله انك رهيبة


زي حالاتي ما في نوم و من الصبح على الدوامq) q) q) q) q)

[ام حكم]

أحلى صباح لأحلى صبابا

كيفكم حبيباتي ان شاءالله بخير

معلش داخلة عالسريع عندي شغل كتير واذا خلصتي بدري بدخل بدردش معكم

بااي مؤقتا

[عبير القدس]

هلا و غلا يا ام حكم
كيفك
خلصي شغل و طلي يا جمييييييييييييييييييييل

[رندوش]

اهلا بالصبايا
كيفك وطن شو اخبار الطحين والسكر خلص ولا بعد موجود
وعود وين العزم ان شاء الله ما طولي الغيبه علينا
ام حكم نحن في الانتظار
بنوته الف حمد لله على السلامه ان شاء الله يبارك لكم في منزلكم
اكيد صعب على قطقوطه تغيير الوقت والطقس بيعين ربنا وبيسهلها ما
طولي علينا

[وَطَن]

سلامتك من الفكعان يا عبير والله جد كنت ناوية بس ما طلع بايدى مليت ..
يلا خيرها بغيرها ههههه ..
الله معك ام حكم ما تطولى الغيبة وربنا يسهلك كل صعب يارب
وانتى يا وعود كام يوم لاااااااا مش مسموح ... ذكرتينى بمسج جوال
تبعد دقيقة بسمحلك
تبعد ساعة برضه بسمحلك
لكن تبعد يوم
sorry بردحلك..http://www.lakii.com/vb/images/icons/icon6.gif

رندوش منور يا قمر السكر موجود بس عاملة خطة تقشف والطحين اجانى منحة كيس من ماما بس
شايلاه لعوزة.. على فكرة اليوم فتحوا معبر غير معبر المنطار علشان البضايع تفوت البلد
يمكن تنحل أزمة الخبز على الأقل ... الله يعين الناس يارب... ويعديها على خير هالأزمة

[عرنوش]

صباحكم فل يا صبايا
انا من الصبح كتبت اصبح عليكم بس مالحقت ابعت الرد
دخت وعني زغللو واتصلت بجوزي ورحت على المستشفى وطلع ضغطي عليان شوي وكتبلي الدكتور اجازة بس انا رجعت على الدوام
المهم انتو شو أخباركم
سلامتها للوش يا عبور
عارفة انا كيف فطمت بنتي لما عرفت اني حامل وكان عمرها تقريباً قد بنتك ، جربت في الأول معاها ملح وقهوة وما نفع شي ، وهي كتير كانت متعلقة بصدري بالذات بالليل تضلها نايمة جنبي وأي حركة بدها ترضع ، لحد ما جبتلها صبرة مرة . وهي مرة واحدة الي داقتها وما رجعت تحاول مرة تانية وصرت بالليل اشربها مي أو حليب في كاسة شيكو واهزها هزتين وضلها نايمة ، ولما تغلبني وبدها ترضع اكون مجهزة الصبرة المرة جنبي احط على صدري وهي على طول يا حرام ما تقبل فيه وعلى طول تاخذ الحليب من الكاسة ، يعني كتير كان سهل ومريح مع انه الكل خوفني عشان كانت كبيرة ومتعلقة كتير بالرضاعة .. فما تهملي هم واتوكلي على الله وافطميها قبل الصيف احسن الك والها .

[عبير القدس]

عرنوووووووووووووووووووووووووووووووووش
سلامتك يا رب
طب ليش رجعتي على الدوام
روحي ارتاحي
بلا ما تعبي حالك




ان شا الله بعمل بطريقتك لانو للوش نفس الشي بتضل بجنبي طول الليل و نفس الشي كل حركة بدها ترضع و ازا من نفس العمر كانت بنوتك بكون احسن و احسن بلكن الله هداها و ما غلبتني

[عبير القدس]

شو أم اللزيزات
بعدك ما اشتأتيلنا:[MM و لا عم بتحضريلنا شي زاكي:[MM

بس بحب اصبح عليكي
سمعت بالنشرة الجوية انو اليوم الجو عندكم شوي برد و احتمال أمطار(شايفة صرت انتبه للدول اللي فيها الحبايب):) :) :)

[عبير القدس]

هلول و رندوش ما طلو بالمرة :[MM
طييييييييييييييييييييييييييييف وينك :[MM
و ام العيون الخضر صارلها مختفية كم يوم:[MM
و الله اشتانالكم



وعوووووووووووووووووووووووود طمنينا:confused:
ام الحكم ان شا اكيد بنشوفك بعد البريك


عرنوش ان شا الله هلا احسن و بلا ما تعبي حالك:) :) :) :)
وطننننننننننننننننننننننننن اشتاتلك:)
رندوش وينك يا جميييييييييييييييييييييييييييييييييل:) :) :) :)

[عبير القدس]

شو وين الصبايا لهلأ

أم الحكم وينك لهلأ يا جميل:) :) :)
ام اللزيزات تاخرتي علينا يا قمر:) :) :)

[عبير القدس]

شو شكلي لحالي

[**ام البنات **]

السلام عليكم ورحمة الله وبركاته

كيفكم يا صبايا

عبورة كيفك يا غالية

[عبير القدس]

هلا و غلا بام اللزيزاااااااااااااااااااااااااااااااات
طولتي الغيبة
كتييييييييييييييييييييييير اشتاتلك
كيفك و كيف لزيزاتك

[عبير القدس]

شو اتاخرتي علينا اليوم

[**ام البنات **]

الحمدلله يا غالية كيفك انت مع فطام لنوشة
تعرفي افطميها مرة وحدة لا تعملي لا مرة و لا شي مع احترامي لعرنوش بس انا ما أأيد هذه الطريقة انت إفطميها اخر الاسبوع يعني الخميس حتغلبك ليلة الجمعة و السبت بس على آخر السبت و الاحد حتكون اعتادت و اديها ماء فقط باليل عشان ما تعوديها على الاكل باليل و ربنا يعينك

[**ام البنات **]

البنات استولوا على الكمبيوتر امبارح سجلتلهم لعبة جديدة و اليوم ما رضيوا يقوموا من امام النت شايفة حكم القوي

[عبير القدس]

ان شا الله ناوية افطمها
على فكرة اخر الاسبوع على خير ان شا الله بتكون مطبقة السنة و تسع شهور

يلا ابو الشباب اجى بتوصي على شي

[**ام البنات **]

ديري بالك على لنوشة يا غالية ربي يحفظها و يحرسها و الى الغد ان شاء الله

[ام حكم]

صباح الخير يا احلى صبايا

كيفكم اشتقت لكم امبارح ما قدرت ادخل لأني كتير مشغولة

واليومين هدول راح أكون كتير مشغولة عم برتب ملفاتي القديم بشحنه على المخزن

وبفتح ملفات جديدة وشغلانة

كل ما أفضى بدخل بسلم عليكم

سلالالالالام

[عبير القدس]

هلا و غلا باحلى ام سعد في الدنيا
لا تطولي الغيبة
بنشتألك كتيييييييييييييير
و الله يعطيكي العافية يا رب

[عبير القدس]

شو وعوووووووووووود القمر عندنا
يا مرحبا يا مرحبا
كل فكري الجميل مجاز
شو السيرة:[MM :[MM
طمنينا

[عبير القدس]

شو وعووووووووووووود وينك :[MM
طلي بس طلة:) :) :)

[وعود الخير]

السلام عليكم
متل العادة يا سعادة حبيت اصبح قبل الغياب
في امور كتيرة وتطورات ومشاكل
ان شاء الله بس يتوفر لي وقت بادخل ادردش معكم ..
ادعولي .. كتروا من الدعاء

عبير الاجتماع يا عيوني متل ما رحتي جيتي .. الوضع على ما هو عليه
وربنا يستر صار لنا شهرين ونص .. والحبل على الجرار..

تحياتي للجميع.

[عبير القدس]

حبيبتي وعوووووووووود
الله معك و يوفقك
طمنينا
هيك قلقنا بزيادة:confused: :confused: :confused:

[هالة البدر]

بسم الله الرحمن الرحيم ،،،


صباح الفل والورد والياسمين ..... اشتقتلكم كثير كثير ... معلش كنت مشغولة امبارح وحتى بالبيت بكسل أدخل لأني بعرفكم بتدخلوا الصبح ...

المهم شو آخر أخباركم إنشاء الله تكونو بألف صحة وعافية يا رب .....

[عبير القدس]

هلا هلوووووووووووووووووول
كيفك يا قمر:) :) :)

[رندوش]

صباح الخير على الصبايا الحلوين
كيفكم صبايا
الله يعينكم على اعمالكم ويكون في عونكم
وعود شو في قلقتيني
ام سعد كان الله في العون
عبير كيف للوشه
هاله هلالالالالالالالا اشتقنالك سلامي للشموسه

[هالة البدر]

بسم الله الرحمن الرحيم ،،

الحمد لله يا عبوره مشتاقة والله .... وهلكانه من التعب ... في الشغل والبيت ... الله وكيلك ما بعرف أقعد بشقي حالي غير شكل ... امبارح طلع براسي أعمل صفيحة على الساعة 6.00 المسا .. قمت عملت العجينة وحضرت كل شي والساعة 8.00 كانت جاهزة وسخنة على الأكل ...

[رندوش]

ام ا اللذيذات كيفك وين الاطباق اللذيذه يا عسل
اليوم انا عامله محشي كوسا
بنطبخ اي شي مش محتاج خبز لان الخبز عزيز كتير

[رندوش]

صحتين على قلبك يا عسل الصفيحه بس كان بعتيلنا
شي حبه على الماشي حتى نحكم عليك معدله ولا لالالالالالالالالالالالا

[عبير القدس]

هلا رندوشة
ازيك يا جميل
الحمد لله للوش احسن شوي
بس الله وكيلك صوتي يا دوب قادر يطلع شكلو لفحة هوا مرتبة و التهاب حلق يمكن ان شا الله اليوم رح اروح على الدكتورة و اشوف شو مالي:confused:
و صحتيييييييييييييييييين على المحاشي :) :) :) :) انا عاملة ورق عنب يعني كمان بلا من الخبز




هلووووووووووووووول
نحنا الستات بنحب نغلب حالنا و صحتين وعافية على السفيحة و انا بقول من وين اجت الريحة اتراهيها من عندكم
المهم انتي كيفك و كيف بعلك و اكيد ما بنسى فيصل و يسرا
شو اخبار شموسة الها زمان ما طلت

[طيـــف]

:)

بونجووووووووووور

كيفكم صابايا

اليوم صايبني حالة ضجر
مع حنين واشتياق لكم
فقرررررررررررررررررررت اطل عليكم يااحلى طله بحياتي انتو

[عبير القدس]

هلا طييييييييييييييييييييييييييييييييييييييييييييييييي يييف
ازيك :) :) :) :)
كيفك و كيف الشغل
وين هالغيبة

[طيـــف]

هلا والله عبوره

انا بخير ومشتاقه لكم كتير والله

بس ماحدا يسالني كيف الشغل

لاعت نفسي من الضغط يل انا فيه

اوووووووووف صار عندي ضجر من احساس المسئوليه وبدي اتمرد واكون موظفه مقاسعة عن ادائي الوظيفي
ههههههههههههههههه كيف اللغه بس

كيفك عبوره وكيف لنوووش ان شاءالله بخير


خليني اقولكم ع اختي واضحكم اوكي


انا واختي اتفقنا نتحدي بعض ونشوف مين اسرع تنزل عشره كيلو من وزنها

المهم قلنا الاول تنزل هي الفائزه والجائزه عباره عن مبلغ 200 د.ك

المهم انا وهي بلشنا سوا

هي نزلت كيلو وانا نزلت 3 كيلو

بعدين هي وقف وزنها وانا الحمدلله ماشي

بعدين زاد وزنها! صارت تلطم!

طلللللللللللللللعت حامل
فقعت من الضحك عليها

قلت لها مرا تانيه لاتحددددي بشي انتي مش قددددددددددددددددددددده:D

[عبير القدس]

هههههههههههههههههه
و الله ضحكتيني


شو عاملة ريجيم
و الله انا لازم انزل
بلاطين القماش ما بتبيني مليانة
بس يا حبيبي بناطيل الجينز/الليكرا وضعي فيها مأساوي
عنجد اقل شي لازمني انزل 10 كيلو

على فكرة مرة قراتلك انو مرة مدربة السباحة لالك كانت تستخدم بذور الكتان و نزل وزنها كتيييييييييييييييييير:(*): :(*): :(*): :(*): :(*): :(*):

[طيـــف]

اه والله ياعبوره
كتير مدحتتتتتتت بذرة الكتان
بس بالطريقه يل هي استخدمها
تطحن وتحطيها مع الاكل
حتى بنت اختي جربتها ومدحتها

بس انا ماتقبلت طعمها مع انه طعمها جداااااااااااااا عادي

[عبير القدس]

طب يا طيوقة شو الريجيم اللي انتي هلا بتعمليه
ليكون بس تخفيف:[MM :[MM :[MM

[طيـــف]

اه والله بس تخفيف

الصبح بتلاقيني متل هولاكو

بس العصر لما اروح النادي خلللللللص بنكسر كل شي بالضبه
وبختهمها بتفاحه باكلها بالطريق وانا راجعه من النادي

بس انا حاسه ماعم يفيدني شي الا الرياضه هي يل مساعداني كتير
حتى بشرتي تغيرت كتيرر علي الرياضه

[عبير القدس]

ههههههههههه
و الله ما بعرف من وين بتجيبي هالتشابيه


انا لما كنت اروح عالنادي زاد وزني شي 3 كيلو خلال شهرين
كان 65 و بعدين صار 68

كم ساعة بتضلي بالنادي و بتلعبي على المشين و لا بس ايروبيكس

[**ام البنات **]

السلام عليكم ورحمة الله وبركاته
طيف طيووووووفة حمد الله عالسلامة يا قمر
اشتقناااااااااالك كثييييييير كثيييييييير
صار بدك عضض لانك بتغيبي علينا
هههههه الظاهر اني انعديت

[طيـــف]

بضل بالنادي ياستي ياااموره

تقريبا اربع ساعات بروح على الخمسه بطلع ساعات تسعه او تمنيه ونصصصصصصص
بلعب ايروبكس
وكلاسات مختلفه حسب الجدول
وريبندوز
وسبببنغ
وبوت كامب
وفوتل
Boady fit
وATB
ABS
واكواااااا طبعا مع شوي سباحه
و ساعات بدخل رقص شرقي

[**ام البنات **]

عبورة صباح النور يا عسل كيفك يا عمري

[**ام البنات **]

وعووود يا عمري ربنا يسهلها عليك يفرجها يا رب لاتغيبي طمنينا عليكي يا عمري:)

[عبير القدس]

هلا بام اللزيزات
كيفك اليوم و كيف لزيزاتك
الله يخليكو لبعض و ما يحرمكو من بعض ابدا
شو صرتي تلعبي معهم باللعبة الجديدة على الكمبيوتر و نسيتينا:[MM :[MM :[MM :[MM :[MM
شايفة حكم القوي:) :) :)



طيف
4-5 ساعاااااااااااااااااااااااااااااااااات كتييييييييييييييييييييييييييييييييييييير و الله
ما شا الله هادا رياضية من الدرجة الاولى
طيب بعد كل هالتعب و الرياضة ما بتجوعي بالمرة

[**ام البنات **]

بضل بالنادي ياستي ياااموره

تقريبا اربع ساعات بروح على الخمسه بطلع ساعات تسعه او تمنيه ونصصصصصصص
بلعب ايروبكس
وكلاسات مختلفه حسب الجدول
وريبندوز
وسبببنغ
وبوت كامب
وفوتل
Boady fit
وATB
ABS
واكواااااا طبعا مع شوي سباحه
و ساعات بدخل رقص شرقي

::) :) :) (*)::(*): :(*): :(*): طيوفة بعد كل ما ذكرتي لغيت العض اكيد ما لاقي شي امسك فييييه:confused: :confused:

[طيـــف]

هههههههههههههههههههههههههههههه ضحكيتيني ياام البنات
لاوالله في عندي كتير خير الله من اللحوم متوفر
ههههههههه قال مافي شي

ام البنات عضك رح يكون متل البسلم ياقلبي والله

[طيـــف]

عبوووووره

شفتي كيف الكل بقول لي هادا معتقل مش نادي
بس قولي لانه المكان كتير حلوو وراقي مشان هيك بتستمع فيه
وبعدين كبير ثلاث طوابق وكل شي مختلف فيه مشان هيك بتحبي تعدي اطول وقت ممكن

اما قصه مابجوع
لا ء بجوع وبجوع كتير

بس من التعب والهلك مابهون لي اكل بخاف من بعد التعب يل بشوفه

ان جعت بالنادي باكل خيار وتفاح لانه النادي اصلا بقدمو لنا فيه تفاح اخضر وخيار
ونسكافيه


بتعرفو صار لي اربع ايام رح اطق على بيتزا
ونفسي اكلها وضميري مأأأأنبني على اكلها بقول لاء يابنت
كل ماشتهي بيتزا باكل تفاح واقول اعوذ بالله من الشيطان
هههههههههه

بس جد انا كتير عندي ضغط نفسي يعني لولا الرياضه يل بسويها هي يل مهونه علي ومنفسه علىييي ولا كان طقييييييييييت

[**ام البنات **]

هههههههه ضحكتيني عبورة
لا يا عمري اكيد بلعب معاهم ب بالدور و بنوتي شاطرة وما بتخلص لعب حتى تفوز و انا انتظرq) q)

[**ام البنات **]

الله يخليك طيوفة بهزر معاكي يا عمري:)
ربنا يحفظك يا رب و يحرسك و تضل على طول حلوة لانك اكيد حلوة و يعينك و يوفقك فشغلك:)

[عبير القدس]

شايفة يا ام اللزيزات
شكلو طيوووووووف ما فيها اشي ينعض عنجد:(*): :(*): :(*): :(*):
طيوووووووووووف ما جاوبتي ما بتجوعي بعد كل هاللعب

[طيـــف]

عبير على فكره
الكل ماخد فكره انه لعب الرياضه ممكن يزيد الوزن

انا صار عندي تمزق بالاربطه في ذراعي

ووقفت الرياضه بناء على طلب الدكتور لمده شهر
ومع هيك برضو نزل محيط الجسم مازاد!
مع اني وقفت رياضه
ولما بقول للدكتور وبضحك كنت خايفه ازيد

قال لي الدكتور اللي بتركك الرياضه وبزيد وزنها
او بتزيد على الرياضه
هي بتكون بتلعب شي غلط

يعني اما يكون التمرين كتير شديد وقوي عليها
او بتمرن الحركات بشكل خاطىء مشان هيك بتيجي النتائج عكسيه


حتى هو قال لي مبين انه مدرباتك منتبهين عليكم مضبوط لما انتي عضلات جسمك حافظة على قوامها ومازادت

:) قلت في بالي يادي العناء يل احنا فيه يارب

[طيـــف]

حبيبتي عبوره
والله بجوووع وبرجع معدتي بتكرررر من الجوع

بس بقولك بشرب نسكافيه كتير وبسد النفس
وباكل تفاح
لحد مايطلع الصبح

بقوم الساعه6 الصبح

بسررررررررررعه بشغل الشواي وحممممممممممص الساندويشه
:)



ام البنات الله يسعدك ياقلبي انتي ويجبر بخاطرك حبيبببببببببببببببببببببببببتي والله كلك عسووووله وكلامك متل الشهد

[عبير القدس]

حبيبتي طيف
انا سبب زيادة وزني لما لعبت الرياضة انو بعد الرياضة كنت كتييييير اجوع و كان في مطعم تحت النادي فاخلص النادي و انزل اخد وجبة و اروح:) :) :) :) :) :) :) :)

[طيـــف]

يختي عليكِ!

بتعرفي انا بطلع من النادي جنب النادي بالضبط
مطعم لبناني فيلا فيروزز بشهييييييي ورائحه ياعيني
وجنبه كمان حلويات لابجيت
بتلاقيني بنحووووول بس برضو بقول لحالي اعوذ بالله
:)

[عبير القدس]

هههههههههههههههه
عنجد موتيني من الضحك
بتتعوذي من الشغلات الزاكية
هههههههههههههههه

[**ام البنات **]

هههههه يا ريت:III: كلمة اعود بالله من الشيطان الريجيم تجيب مفعولها معايا من جهة الاكل كنت خسيت من زمااااااااان:) :)

[عبير القدس]

ام اللزيزات شو عاملة اليوم اشي لزيز

[**ام البنات **]

اليوم ان شاء الله صينية مكرووونةاتفضلوا يا صبايا

[عبير القدس]

صحة و عافية يا ام اللزيزات على المعكرونة.
هيني بالطريق:) :) :) :)

[ام حكم]

مساء الخير صبايا

عبورة اشتاقتلك العافية يا رب

رندوش كيفك يا عمري

وعود كيفك طمنينا عن أخبارك أول بأول وربنا يسهل عليكي

ام البنات كيفك يا حلوووة وصحتين على المعكرونة

طييييييييييييييييييييييييييف مش معقوووول

وانا بقول ليش منورة الشاشة اتاريه نور طيوفة

بجد بحسدك على ارداتك القوية في الريجيم عقبالي يا رب

شو اسم النادي اللي بتروحي عليه شكله مشجع وكيف الأسعار ؟؟؟

طبخت مسقفة بادنجان ضل شوية من الحشوة قمت كورت بطاطا وحشيتها ولفيت الصينية بالقصدير وعلى الفرن على طوووووووووول تفضلوووووووا صبايا اللي على باله ما يحرم حاله

كل ما افضى بحاول ادخل واشوف اللي فاتني

سلالالالالالالالالالام

[عبير القدس]

نورتينا يا احلى ام حكم
و يعطيكي الف عافية يا رب

شو شكلك ناوية عالنادي متل طيووووووووووووفة
صدقيني طيف بتروح عالنادي حبا في الرياضة مو بحاجة لريجيم بالمرة اسأليني انا((K)) ((K)) ((K))

[ام حكم]

الله يعافيك عبووووورة

انا يصراحة ما عندي وقت للنادي بفكر لما انزل عالاردن اسجل بنادي فرصة
بس اذا الاوقات عجبتني وبتاسب طبيعة عملي مع اني ما أظن
ليش لأ أهو نوع من تغيير الروتين

[عبير القدس]

و الله و انا كمان بحب النادي كنوع من كسر الروتيييييييييييييييين
بس ما في وقت
متل ما بتعرفي دوامي للخمسة و يادوب اوصل بيتي الساعة ستة و يادوب الحق شغل و كل هادا و بيبي واحد كيف لو اكتررررررررررررر


هلأ عادة لما تنزلي على الاردن أديش يتقعدي بالاردن

[**ام البنات **]

انت تنوري عبورة

يا هلا بالغالية ام حكم كيفك يا غالية

المنتدى صارلوا تقريبا ساعة ما بيفتح معي حتى عصبتq) q) q) q)

[عبير القدس]

هلا بام اللزيزات
هيني اربت أوصل
:) :) :) :)

[بنت ارض الحضارات]

السلام عليكم ورحمة الله وبركاته

مساء الخير بنوتات النواعم احلى البنوتات بنوتة بنوتة
ارجو الله ان ينعم عليكن جميعا بالصحة والعفو والمعافاة والعافية في الدين والدنيا والاخرة ولامة المسلمين بالمثل..

منذ مدة وانا احاول الدخول ولكن دون جدوى والحمد لله انه تم اخيرا
اشتقت لكن كثيرا عسى الله ان يجمعنا في دار خلده ومستقر رحمته كما جمعنا هنا على حبه وطاعته ولامة المسلمين بالمثل..

وعود ارجو الله ان يعينك وييسر امرك ويفرج كربك ويفتح لك ابواب فضله انه القادر على اكثر من ذلك قدير ولامة المسلمين بالمثل..

طيوف حبيبتي اشتقنا لك.. لو انني امارس كل هذه الرياضة لصار وزني ناقص كذا اعانك الله ويسر امرك وانالك كل ما تتمنين وزيادة ولامة المسلمين بالمثل..

ام البنوتات اللذيذات الزاكيات ارجو ان تمنتعني عن وضع اشيائك الزاكية لاني احاول ان اخفف وزني وكما تعلمين مع اكلاتك اللذيذة لن يتبق اي امل في انزال الوزن :[]L :[]L :[]L :) :) :) :)

ام حكم اعانك الله ويسر امرك وهنيئا مريئا الغداء الذي اشعر ان رائحته وصلتني..

هلول حبيبتي هنيئا مريئا الصفيحة ارجو الله ان يجعل عملك وجهدك في ميزان حسناتك ولامة المسلمين بالمثل..

عبورة حبيبتي اعانك الله على فطام للوش ابدأي باخلاص النية والله المستعان وقبلاتي للوش..

كل البنوتات النواعم ادعو الله لكن بالستر والعافية في الدنيا والاخرة ولامة المسلمين بالمثل..

بنوتات انظرن هذا الرابط
http://www.lakii.com/vb/showthread.php?t=183429
ارجو منكن اعداد اسئلة لي (بس خليكم حـُنينين علي :) :) ) حضرنها حتى يحين دوري في البدء بالمسابقة..

لي عودة ان شاء الله تعالى..

[عبير القدس]

هلا و غلا ببنوتة
اشتأنالك
كيفك و كيف الامارات معكم
شو اخبار قطوط
ان شا الله تعودت شوي على الناس اللي حواليها
انبسطو كتييييييييييييييير
هلا رايحة اشوف الرابط و ارجعلك يا جميييييييييييييييل:) :) :) :)

[عبير القدس]

بنوتة
ما قلتيلنا اديش وزنك:[MM :[MM :[MM
مو منشان شي بس منشان نحضر اسئلة على الوزن:) :) :) :)

[عبير القدس]

شو وينكم يا صبايا:[MM :[MM :[MM

[ام حكم]

مساء الخير عبوووورة كيفك حبوبة

الحمدالله امبارح أهل زوجي كتبوا عقد الشقة الجديد اللي حكيتلك عنها بس الدور الارضي طلع تسوية

والشبابيك كتير مرتفعة بطلنا عنها واخذنا الدور الأول أحسن دعواتكم تكون قدم السعد علينا يا رب


وعليكم السلام بنوتة كيفك بالغالية اذا بعدك بالامارات تفضلي على الغداء الكويت قريبة :)

وتسلمي يا رب وان شاءالله مجتمعين في الجنة .

[عبير القدس]

مبارك مبارك مبارك يا احلى ام حكم
ان شا الله بيجعلها قدم السعد يا رب
هيك احسن الواحد بيجمد الفلوس بدل ما تضل تنصرف يمين و شمال
على الأليلة لما ترجعو لعمان ان شا الله بيكون الواحد عندو بيت
و الله فرحتلك من كل ألبي
بس شو بدنا احلى حلواااااااااااااان يا جميييييييييل:) :) :)

[ام حكم]

الله يبارك فيكي حبيتي وعقبال عندكم يارب واذا كان عندكم بيت ملك يعطيكم كمان وكمان يا رب

عزيزة وغالية يا ام للوش شو بدك نحليكي كنافة ولا وربات ولا من عند كلاج عمر :D

انت بس أشر يا جميل :)

[عبير القدس]

و الله فرحتلك من كل البي
يا ستي الحلوان اعتبريه وصل
و الله فرحتك بالشقة احلى حلواااااااااااااااااااااااااااان

يا ستي الله يخليكي على الدعوة الحلوة
و الحمد لله على كل حال بيتنا ايجار و الحمد لله:) :) :)

[ام حكم]

تسلمي يا عمري وان شاءالله ربنا يعطيكم ويقدركم على شراء بيت ملك يا رب

بعت لك رسالة خاصة عبورة شوفيها :)

[**ام البنات **]

اهلين بنوتة كيفك يا عمري اشتقتلك كثيييير:)
انت كمان انضميت لشلة المقاطعةq)
خلاص و انا ما حنزل اطباق حتى اطمن نكم حصلته الوزن المناسب:confused:
:[MM بس ما قلت وزنك كم و احضرلك الاسئلة

:) :) :) ام الحكم مبروووووووك الف الف مبروووووك يا عمري يا رب يجعل مدخلها مدخل رزق و خير و صحة و تفرحي و تتهني بيها ان شاء الله

[ام حكم]

الله يبارك فيكي يا عمري وعقبال فرحتك بأولادك :):)

[عبير القدس]

صباح الخير على الحلوييييييييييييييييين

[عبير القدس]

ام سعد حبيبتي
الله يجعل ايامك سعد بسعد و يخليلك سعد و حكم و بنوتك و ابو الشباب يا رب و يعطيكي ليرضيكي و يفتحها عليكي وين ما لفيتي وجهك.
امييييييييييييين

امبارح ما قرات الرد لانو اجت على المكتب ضيفة مفاجئة و ضلت لاجى ابو الشباب يروحني

[عبير القدس]

وعووووووووووووووووووووووووود
ما دامك هون
طلي طلة يا جميييييييييييييل
عنجد اشتانالك


و احلى صباح لاحلى وعووووووووووووووود

[وعود الخير]

السلام عليكم
معلش صبايا
الوقت ضدي
وعم باحاول القي نظرة على الركن قدر استطاعتي
وان شاء الله راح احاول اليوم افرغ نفسي شوية
تحياتي للجميع
واكيد بدي شي ساعة اقرأ اللي فاتني

[طيـــف]

صباح الخير ياصبايا

ام الحكم الف الف الف مبروك عبته الهنا والخير يارب
:)



عبوره صباحك ورد


ام هدووووووول بنوته
عاش مين شافك ياقمر
شو هالاخبار صرتي بالامارات؟ م شاءالله قريبه علينا:)

[طيـــف]

صباح الورد والورد الغالي المتغلي ياوعود الهنا

[عبير القدس]

صباح الورد يا الززززززززززززززززززززززززززززززززز طيف
هلا و غلا وعووووووووووووووود عم نستنى تطمنينا

[ام حكم]

صباح الخير يا احلى صبايا

عبورة تسلمي يا رب رديت عليكي حبيبتي :)

وعود صباح الخير يعطيكي العافية يا رب وربك بفرجها ان شاءالله المهم الصحة


طيييييييييف صباح الخير يا قمر معلش امبارح اتصلتي وكان مديري موجود ومعجوقة كتير وما عرفت احكي معك منيح.
وزي ما اتفقنا بانتظارك يا جميل اليوم العصر وانتي مروحة اتصلي عشان اعطيكي عنوان الشركة
بس استحملي شوية التكييف عندنا خربان والمفروض يتصلح اليوم بس القطعة غير متوفرة لغاية الان مع انه الدور ارضي شغال وكل شوي الجماعة اللي تحت بقاهروا فينا هههههه بس لا تشيلي هم عندي شباك :)

[عبير القدس]

يا عمي احلى ام حكم و الززززززززطيف مجتمعين مع بعض
شو رايكم اجي لعندكم :[MM

[ام حكم]

يا رييييييييييييت عبوووووووورة

الله كريم بس لازم اشوفك أو على الاقل أكلمك لما انزل عالاردن ان شاءالله :)

[عبير القدس]

أم حكم حبيبتي
أكييييييييييييييييييييد يا قمر

[هالة البدر]

بسم الله الرحمن الرحيم ،،


صباح الفل والورد والياسمين ....... وأنا كمان أم حكم ما بدك تحكي معي لما تنزلي الأردن ..:[MM :confused: :confused:

صباح الأنوار للجميع ......

رايحه أعمل لفة أشوف إللي فاتني ....

[الفلسطينبة]

السلام عليكم يا صبايا يا حلوين كيف حالكم و اللة انا اشتقتلكم كتير كتير
اولا بحب اعيد على كل الامهات وعلى امي بمناسبة عيد الام وبعيد حالي كمان
ثانيا الف مبروك يا ام الحكم على البيت الجدبد وتشوفو الخير على وجه انشاء اللة بس ما حكتيلنا وين اشتريتوه في اي منطقة احنا اشترينا شقة في عرجان بين النزهة و المدينة الرياضية و الحمدللة كانت شروة موققة و البيت كتير مليح
ثالثا طيوف نيالك اذا كنتي بتحبي الرياضة انا نفسي اضعف بس بدون رياضة لاني كسولة كتير وما بحب اتحرك عن الكنباية بس في ايام العطل كنت قبل ما احيل اطلع انا وجوني نمشي يوم السبت والاحد ساعة كاملة مشي سريع وهاي هي كل الرياضة الي بعملها بس كانت فايديتني كتير ما بضعف بس حافظة على وزني وكنت اكل كل شئ
بس هلا بعد الولادة حابت اضعف علشان الكرش يروح بس الكل بيحكيلي انو مع القيصرية الكرش ما بيروح ابدا وانا والحمد للة مش قصيرة 152 سم والوزن قبل ما اولد 71 بس هلا مش عارفة كام صرت

[الفلسطينبة]

سامحوني كنت حابة ادردش معاكم بس الحلو صحى وبلش ينوص الي بسمعة بفكرة ميت من الجوع مع انو راضع قبل ساعة

سلام يا حلوين

[ام حكم]

[QUOTE=هالة البدر]بسم الله الرحمن الرحيم ،،


صباح الفل والورد والياسمين ....... وأنا كمان أم حكم ما بدك تحكي معي لما تنزلي الأردن ..:[MM :confused: :confused:

QUOTE]


يا هلالالالا أشرقت الانوار يسعد صباحك هلوووول

ولو يا عمري اكيد راح يكون بيننا اتصال ان شاءالله

انا قبل لا اسافر ان شاءالله بدي آخذ جميع ارقامكن يا حلوووات :)

[عبير القدس]

هلا بهلووووووووووووووووووووول
شو بتغاري:[MM :[MM :[MM




الفلسطينية عندنا نورتينا يا قمر
كيفك يا قمر و كيف اسامة ان شا الله ما بغلبك(قال يعني في بيبي ما بغلب)ههههههههههههه
يا ستي و انتي بالف خير يا احلى ام صغننة و عقبال ما تفرحي بيعد الام و انتي قريبة من الاهل و الحبايب

[هالة البدر]

بسم الله الرحمن الرحيم ،،،


أم حكم هلأ والله عرفت عن البيت ... إنشاء الله ألف ألف مبروك .. وإنشاء الله تكون عتبته خضرا عليكم ...

وعنجد بدنا الحلوان ......

يا اللا إمتى مفكرين تنزلو عنا .....



عبوره q) q) طبعا" بغار يا حلو .... بتعرفوا بإذن الله بنجتمع كلنا مع بعض .. يا الله شو حابه أشوفكم وجها" لوجه ...

[طيـــف]

ام الحكم

ام سعودي حبيبتي ولو عادي ياقلبي انا عارفه الدوام وضرف الدوام

خلص باذن الله اليوم رح امر عليكِ حبيبتي

بس اطلع من الدوام بتصل فيكِ
بعدين لاتشيلي هم محسبوتك مابتحب التكيييييييييف بالمراااا
بكررررررررررررررررررررررره اسمه وشكل التكيييييييف

:) فيعني رح اقعد وابربح عندك:)

[طيـــف]

فلسسسسسسسسسسسسسسسسسسسسسطنيه
اهلا وسهلا ياحبيبتي حمدلله على السلامه ومبروك الف مبروك الذريه اصالحه

اسم عليه بجنن متل الملاك ياعمري وهو نايم

بس شدي الهمه وحاولي تحبي الرياضه بس شوي مشان تشد لك اثار الحمل:)

[طيـــف]

عبوره حسبي الله عل اليهود
مبارح طول اليوم افكر فيكِ وبالكلام يل دار بينا
:) جد يالله شو حبيبتك وارتاح لك قلبي
:) عبوره ياريتك عنا قريبه كان مريتك ورحنا نشرب قهوه مع ام الحكم سوا

هههههههه مشان مديرها يرمينا من الشباك
:)

[هالة البدر]

بسم الله الرحمن الرحيم ،،،


طيوفه عندنا ... يا مرحبا يا مرحبا ... وينك من زمان هالقمر ما بان .... كل هاد عشان نشتقلك ...

مشتاقين من غير هالواسطة يا قمر ..

[عبير القدس]

و الله يا طيف و انا كمان حبيتك كتييييييييييييييييييييييييييييييييييييييير
متل ما قالت هلووووووووووووول
نعمل لمة كلنا سوا للمرة الاولى منشان نكون كلنا متفاجئيييييييييييين ببعض
طبعا مفاجأة حلوة ان شا الله

[هالة البدر]

بسم الله الرحمن الرحيم ،،،


بنوته عزيزتي ما فهمت إنتو بإجازة أو إقامة دائمة في دبي ....

وبالنسبة للمسابقة خبرينا مسبقا" لنحضرلك الأسئلة والأجوبة :) :) ....

[هالة البدر]

بسم الله الرحمن الرحيم ،،،،،،


وعود حبيبتي شو أخبارك وين هالغيبة ... :[MM :[MM ... إنشاء الله بتتحسن الأوضاع إلنا وإلكم يا رب ..

[عبير القدس]

وبالنسبة للمسابقة خبرينا مسبقا" لنحضرلك الأسئلة والأجوبة :) :) ....



ههههههههه عجبتني الاسئلة و الاجوبة

[هالة البدر]

بسم الله الرحمن الرحيم ،،


رندوشه يا عمري ... كيف الحال .. يا ريتنا قراب على بعض كان بعتلك شوي من الصفيحات ... وبعدين بعتلك مسج بالموبايل ما بعرف إذا وصلك واللا لأ ...


أم البنات حبيبتي .... على فكرة مو طبيعي إللي بتعمليه فينا على رأي بنوته ... الوزن بطلوع دائم .... يعني بيكفي إنه نطلع على الصور ونشاهدها بننصح على الشوف .. كيف لما نجرب ...

[هالة البدر]

بسم الله الرحمن الرحيم ،،

عبوره شو عاملين اليوم بمناسبة عيد الأم .. وأنا بحب أسميه عيد الأسرة أحسن ...

يمكن آخد الأولاد اليوم العصريات وأروح مركز هيا الثقافي عاملين مهرجان للأطفال بالمناسبة ... بس خايفه سوسو تفلت مني وتضيع ... :) :) عنجد والله ويمكن ألغي الروحة عشانها لأنها ما شاء الله بتغطس بين الناس ...

[عبير القدس]

حبيبتي هلوووووووووووووول
و الله يا دوب اوصل البيت الساعة 6 المسا
يعني ما في طاقة و جوزي طالع مشوار مع صحابو بعد الستة


بس ديري بالك عليها لانو عنجد بينخاف على الصغار
و ازا بتغطس بالناس بلا من هالروحة احسنلك

اطلعو المسويات عند اهلك أريحلك

[طيـــف]

أهلييييييييييييييييييييييين هلولللللللللللللللله

كيفك حبيبتي

انا والله مشتاااااااااااااااااااااااااقه لكم كتير كتير بس يختي شو اعمل مافي وقت كل شي ركضه بالعمر

:) بس الله يعلم شو غالين وبقلب مكانكم
:) بس شو قصة المفاجاه عبوره

ياريت نسوي لكم ملتقي :) شورايكم بالافكار

[طيـــف]

لا تبخل على والدتك بقراءة هذا الدعاء



وقضى ربك ألا تعبدوا إلا إياه وبالوالدين إحسانا

اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك



اللهم ألبسها العافية حتى تهنئا بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين




اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم و أقر أعينها بما تتمناه لنا في الدنيا

اللهم إجعل أوقاتها بذكرك معمورة

اللهم أسعدها بتقواك

اللهم اجعلها في ضمانك وأمانك وإحسانك

اللهم ارزقها عيشا قارا ، ورزقا دارا ، وعملا بارا

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقها عند كبر سنها وانقطاع عم! ! ! رها

اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى به عنها

اللهم تقبل توبتها ، وأجب دعوتها

اللهم إنا نعوذ بك أن تردها إلى أرذل العمر

اللهم واختم بالحسنات أعمالها..... اللهم آمين

اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها

اللهم ورضها علي! ! ! نا ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم آمين
اللهم آمين
اللهم آمين

وصل الله على نبينا محمد وعلى آله و أصحابه ومن تبعهم باحسان الى يوم الدين

[**ام البنات **]

السلام عليكم ورحمة الله وبركاته

صباحكم ورد و عسل يا وردات و عسولات المنتدى:)

[عبير القدس]

اللهم اميييييييييييييييييييين

[عبير القدس]

هلا بام اللزيزاااااااااااااااااااااااااااااااااااااااااااا اااااااااات
صباحك فل و إشطة يا جميييييييييييييييل:) :) :)

[Green eyes]

صباح الورد والفل والياسمين لكل البنات الغالييييييييين :)

[**ام البنات **]

آمين يا رب

[عبير القدس]

ام العيييييييييييييييون الخضر
وينك من زمااااااااااااااااااااان
اشتانالك
كيفك حبيبتي و شو اخبارك و اخبار الحمل و كيف الدراسة طمنينا

[Green eyes]

حبيتي عبورة وأنا كمان اشتأتلكم كتييييييييييييييييييير كتيييييييييير
الحمل الحمدلله ماشي الحال بس دراستي مغلباني شوي لأني منزلة 12 ساعة ومضغوطة كتير
مومصدقة ويمر هالفصل على خير ان شاء الله
طمنيني عنك وعن لنلون وكيف زوجك في الجامعة؟

[**ام البنات **]

خضوووووورة حمد الله عالسلامة يا غالية
وين غبت عنا ما اشتاقتلنا يا عسل
كيفك يا عمري
اشتقتلك كثييير
و كيفك مع الدراسة و العمل و الحمل الله يعينك يا غالية
يااااااه شو سعيدة اني شفت اسمك اليوم لاني و الله كثيييير انشغلت عليك

[ام حكم]

هلا والله بالفلسطينية هلا بام أسامة الله يبارك فيكي يا عمري وعقبال ما تفرحي باسامة ومبروك لكم ايضا البيت الجديد

احنا بيتنا اذا بتعرفي منطقة الذراع جنب مستشفى الحياة والله يخليلك اسامة يا رب ويعينك على تربيته

- هلووول الله يبارك فيكي حبيبتي وعقبال ما تفرحي بأولادك

- طيووووووووف بتنوري حبيبتي بانتظارك يا قمررررررررررر

آمييييييييين ، تسلمي على هالدعاء الجميل جعله الله في ميزان حسناتك
بجد مؤثر جدا وأنا أقرأه صورة امي الله يرحمها قدام عيني :(

- هلالا ام البنات صباح الخير حبيبتي

والى جميع الامهات كل عام وانتن بخييييييييييييييير

اولادي مسوين لي مفاجأة اليوم بالليل بعرفها وبكرة بحكيلك عليها :)

[Green eyes]

تسلميلي يا ام البنات الله يخليكي يا عمري
الله اعلم كم أنا مضغوطة بس بعين الله
طمنيني عنك اشتأتلك كتييييير كتييييير :)...............الله لا يشغلك بال يا رب :)

[**ام البنات **]

عبورة كيفك يا عسل

طيوف شايفة الصباح ما احلاه بطلتك

هلووول كيفك يا عمري خلصت ريجيم و لا لسه لاني قررررت ما انزل اطباق حتى تخلصوا ريجيم

فلسطينية كيفك يا غالية و كيفه أسامة الله يحرسه و يخليه و يحفظه ديري بالك عليه

ام الحكم كيفك حبيبتي

وعود الله يهونها و يفرجها ليك يا رب اشتقنالك يا قمر

[ام حكم]

هلالالالالالالالا بالعيووون الخضررر

عاش من شافك يا جميييييييل منورة

كيفك وكيف البيبي :)

[عبير القدس]

الحمد لله تمام ام العيون الخضر
انا و لللوش الحمد لله تمام
بس يا حرام جوزي كان عندو اشكالية بعدد الساعات لانو الجامعة متل ما بتعرفي نا بترضى تسجل اأقل من 12 ساعة و منشان هيك سجل جوزي من2 - 6
بس الله لا يسامحو المدير انجن انو كيف يسجل بالجامعة و ما رضي يعطية مغادرة 3 مرات بالاسبوع بس لمدة نص ساعة يعني ساعة و نص بالاسبوع
و صار يدق على الدوام و صار بدو يطلعلو شغل المسا
فراح جوزي على التسجيل و طلب يلغي محاضرة الساعة 2 و ما رضو الا يسقطو الفصل كلو لانو ممنوع ينزل بس 9 ساعات
ان شا الله ازا لقي وظيفة تانية رح يتفق معهم من البداية انو بدو يكمل دراستو
و الحمد لله على كل حال

[Green eyes]

يا أهلا فيكي حبيبتي ام الحكم الحمدلله بخير طمنيني عنك كيف امورك ان شاء الله تمام؟

[**ام البنات **]

خضووورة احن الحمد الله بخير يا عمري
و الحمد الله اني اطمنت عليك الله يهونها عليك و يعينك يا رب

[Green eyes]

عنجد عبير؟؟؟؟؟ الله لا يسامحه المدير اتوكلي على الله ان شاء الله ربنا بفرجها وبتحسن الحال

[**ام البنات **]

عبوووورة
حاستك لسه مقهورة من هالمشكلة
بيعوض الله خير حبيبتي
<<و عسا ان تكرهوا شيئا و هو خير لكم <<
المهم ان زوجك يداوم كما الاول و احسن و ما يحسس المديرانه فيه شيء تغير
و اكيد ربنا حيعوضه خير باذن الله و في اقرب وقت

[عبير القدس]

شو هاللمة الحلوة اليوم الكل طل بس ضل تطل المعلمة وعوووووووووووووووود
و الله يفتحها عليكي وعووووووود

ام اللزيزات انا بخير ازيك النهارده و ازاي لزيزاتك


بنوتة طلي و خبرينا اديش الوزن :[MM مو منشان شي بس منشان نحضر اسئلة يا جميييييل:) :) :)
شموسة ليش غايبة من كم يووووووووم:[MM :[MM

[بنت ارض الحضارات]

السلام عليكم ورحمة الله وبركاته

بنوتات النواعم احلى البنوتات مساء الخير والنور لعيونكن جميعا بنوتة بنوتة

وزني 70 كيلو يا بنوتات يا قمرات ولكن كما قلت لكن (خليكم حـُنينين شوية :) :) :) )

ام البنوتات اللذيذات الزاكيات لا تزعلي يا قمر فانا اشعر بانني فيل يمشي على قدمين وانا مستعدة لاية ترضية :) :) :)

هلول حياتي انا هنا في اجازة قصيرة تنتهي باذن الله في 14 نيسان وبعدها اعود الى قواعدي ان شاء الله..

العيون الخضراء الحمد لله انك بخير اعانك الله ويسر امرك ولامة المسلمين بالمثل..

فلسطينية اعانك الله على هذا الامتحان فهم زينة وامتحان وجعله في ميزان حسناتك..

طيوف زوريني لو كان في الامكان :) :) :)

ام حكم مبروك الهدية مقدما..

وعود اعانك الله ويسر امرك ولامة المسلمين بالمثل..

لي عودة ان شاء الله تعالى..

[**ام البنات **]

ما شاء الله عليك ربا يحرسك صار لازمنا 70 سؤال
بس و لا يهمك عندي كتاب جميل اسمه 100سؤال و جواب من جزئين يعني صاروا 200 راح احطلك اصعبهم هههه قصدي اسهلهم

و انا مش زعلانة كنت بهزر معاكم ترقبي وصفتي الجديدة في ركن الحلويات

[عبير القدس]

انا جيت
و لا يهمك يا بنوتة بس يجي دورك بنبعتلك اسئلة اد ما بدك و الله يوفقك يا رب و تطلعي الاولى:) :) :) :)

[عبير القدس]

شو ام اللزيزات
محضرتيلنا مفاجأة في الحلويات :[MM خليني اروح ابص بصة و هلا برجع:) :) :) :) :)

[طيـــف]

يالله ياصبايا

نشوفكم انا هلاء بدي احضر حالي واطلع اروح ازووووووووور ام الحكم

:) تفضلو معي مين بتحب امرها

شوفو ادعو لام الحكم لاتنصدم
لو ماردت عليكم اليوم اعرفو هي مصدومه مش بوعيها:):D:D:D:D:D:

[**ام البنات **]

عبووورة تأكدي اني حنزلها قبل نهاية الدوام و هي لعيونك يا عسل بدل التشوكليط موس

[**ام البنات **]

يا بختكم يا بنات يا ريتني قريبة كنت لحقتكم
ربي يزرع فقلوبكم المحبة

[عبير القدس]

طيف اكيد ام الحكم رح تنصدم لما تلاقيكي بعدك بيببي و بتجنني (اسم الله عليكي)
بدي اوصيكي بوسيلي احلى ام سعد بالدنيا
بالتوفييييييييييييييييييييييييييييييييييييق يا رب

[عبير القدس]

تسلميلي يا ام اللزيزات
يا الله شو بحبك يا جمييييييييييييييييييييييييييييييييييل:) :) :) :)

[عبير القدس]

ام اللزيزات
من هون لاروح بضل افكر شو ام اللزيزات عاملتلنا:[MM :[MM :[MM
و بقول يلا كم كيلو زيادة ما رح تفرق :(*): :(*): :(*): بدبحني جوزي على العيد هيك هيك:(*): :(*): :(*): :(*):

[ام حكم]

مرحبااااااااا صبايا كيفكم يا قلبي

مش طيف اتصلت عليا وأخذت العنوان وهي بالطريق الان

اخاف هي اللي تنصدم لما تشوفني ههههههههههه قد ما انا دبة :D:D

دعواتكم لا يصير فيها شىء وابقى انا المسؤوولة :D

[**ام البنات **]

ام الحكم بالتوفيق لاتنسي عضيلي اياهاعضة محبة هههه

[**ام البنات **]

عبورة تفضلي و اتمنى يعجبك يا عمري
http://www.lakii.com/vb/showthread.php?p=1828296#post1828296
تفضلوا يا بنات و لاتخافوا هذا الحلي ما بينصح و مفيد

[ام حكم]

بناااااااااااااات

يا ربييييييييييييي شو حلوووووووووة طيوووووووووووووووووف

بتجنننننننننننننن بجد انصدمت ما كنت اتوقعها هيك حلووة وأمورة ولا جسمها بجنننننننننن

متناسق ماشاءالله عليها هلأ طلعت من عندي

عبورة حبيبتي وصلتني بوستك بتجنننننننننننن

ان شاءالله اذا ما اجتمعنا في الدنيا نجتمع في الجنة قولوا آمييييييييييييييين

[ام حكم]

ام الحكم بالتوفيق لاتنسي عضيلي اياهاعضة محبة هههه

ولا يهمك المرة الجاية راح اعضها لك لأنها تستاهل العض وخصوصا من خدودها الحلويييييييييييين ههههههه

[**ام البنات **]

آآآمين

سعيدة لاجلكما يا غالية وانا متوقعاها بنوتة حلوة زي العسل تتاكل اكل
ربي يحفظها و يرزقها بابن الحلال الي يسعدها و يقدرها
و يخليلك اولادك و ابو الشباب و يفرحك بيهم يا رب

[ام حكم]

تسلمي حبيبتي وادعوا لك بالمثل ان شاءالله

[أناغيـم]

مرحبا
شو مين اللي شاف مين
كيفكم نسيتوني اكيد بس انا ما نسيتكم
ام حكم اذا انت هون ردي علي

[أناغيـم]

طبعا تحياتي وسلامي للجميع بدون ذكر اسماء علشان ما انسى حدا منكم
اليوم فقط رجعت خدمةا لنت للبيت
عرنوش شو ولدت والا بعدك
وطبعا صعب جدا اقرأ كل اللي فاتني
علشان بدي ادرس والا شو رايكم بلاش دراسة وخليني معكم ..

[أناغيـم]

شكلي لحالي
ماشي
استودعكم ا

[ام حكم]

هلالالا اناغيم كيفك حبيتي وكيف الماما
ولو معقووولة ننسى أحبابنا انت بالقلب يا عمري
طيف أجت اليوم زارتني بالعمل هاي القصة وما فيها :)

[أناغيـم]

شكلي لحالي
ماشي
استودعكم الله وسلموا لي على طيف.

[ام حكم]

الله يسلمك حبيبتي

سلمي على الماما :)

[أناغيـم]

انا هون
كيفك يا ام حكم
نيالك شفت طيف عالطبيعة انا عم بشوفها عالصور
كيفها .. وشو اخبارها..
وان شاء الله راح اسلم عالماما..

[ام حكم]

هلا حبيبتي

ماشاءالله عليها طيف بتجنننن الله يحماها لشبابها يارب
وصحتها الحمدالله كويسة لما أجتني كان عندها موعد مع طبيب الاسنان .

[**ام البنات **]

اهلين نغومة كيفك يا عسل و كيفها الدراسة معك
انت دايما بالقلب يا غالية فيه حد ينسى اعز الحبايب

[ام حكم]

صباح عذب كعذوبة وصفاء احلامنا

صباح محمل بعبير الازهار وشذى الورود وعطر الياسمينا

http://img.123greetings.com/eventsnew/emar_spring_flowers/8184-003-14-1052.gif

[عبير القدس]

صباح الخير يا احلى صبايا
عم حاول ارد من الصبح بس مش راضي يكتب بالعربي فهلا قصتي قصة كل ما بدي اكتب رد بدي ادخل على المفاتيح العربية و اكتب و بعدين انقل ما بعرف ليش

[عبير القدس]

و احلى صباح لاحلى ام سعد بالدنيا
يهنيالكم يا ام سعد انتي و طيوفة
شوفتو بعض و اكيييييييييد انبسطتو خصوصا
اللي بشوف ولاد بلدو بالغربة اكيد بينبسط
يا ستي كيف شوفتيها
................قمرررررررررررررررررررر
المهم وصلتك البوسة و لا لأ

[ام حكم]

هلالا عبووورة يسعد صباحك اللي أحلى من العسل

كيفك يا عمري وكيف للوش

ايوه كتير انبسطنا امبارح وطيوفة ماشاءالله عليها بتجنننننن عسل ودمها كتير خفيف

وزي ما قلتي الواحد بنبسط كتير لما يشوف أحد من بلده بالغربة وخاصة احنا اللي عايشين بالكويت

بعد التحرير صرنا شوية مو زي الاول

ووصلني البوسة بتجنننن تسلمي يا رب:)

[عبير القدس]

يهنيالكم

و الله يبسطكم

[ام حكم]

تسلمي وربنا يسعدك دنيا وآخرة

[ام حكم]

شووو طابخة اليوم عبووووورة

انا طبخت فاصوليا حمرا وجنبها رز ابيض بشعيرية

[عبير القدس]

مش عارف مال الجهاز شرت معي
لا بيكتب عربي و لا ما يحزنون

حبيبتي ام حكم امبارح شويت جاجة بالفرن و فلفلت جنبها رز بسمتي )و حطيت معو فطر و لحمة مفرومة و لوز و صنوبر
يعني بالزبط مو عارفة شو هالاكلة بس الحمد لله عجبت ابو الشباب و ضل منها لليوم

[ام حكم]

سوي restart لجهازك يمكن يضبط معك

وصحتين على الاكلة انا ساعات بسوي وبخترع أكلات وبتطلع زاكية

[وَطَن]

صباح الخير يا نواعم نعومة نعومة.. وحشتمونى يا أمرات...
كيف الأخبار مين سمنت ومين نحفت.. مين غابت ومين إجت
أحلى سلام لطيف اللى نورت الصفحات من جديد.. يا بختك إنتى وأم حكم وعقبال
ما نشوفك إحنا كمان يارب.. ونلتئى كلنا يوما ما..
نغومة http://www.lakii.com/vb/images/icons/icon17.gif منورة يا أمرمر

[ام حكم]

صباح الخيييييير يا أحلى وطن

انا سمنت عجبك ههههههههه

وان شاءالله نشوف بعض كلنا عن قريب

[وَطَن]

هههههه.. وأنا كمان يا أم حكم سمنت والله زايدة شئ تلاتة كيلو والحبل ع الجرار:(*):

[عبير القدس]

انا جيييييييييييييييييت
و ما ستنيت شباب الصيانة يعملو صيانة و يعيدو تنزيل اللغات قمت بحبشت بالكمبيوتر و قلت يا بتصيب و يا بتخيييييب



وطن ازيك يا جميييييييل
انا زدت يمكن 2 كيلو:(*): :(*): :(*):
فخلص العيلة بتضحي في على العيد(بدل 6 خرفان بيضحو ببقرة):) :) :) :) :) :)

[ام حكم]

هههههههههههه فكعتوني من الضحك

هاظا كلنا دبات ههههه الله يستر ما يصير زلزال بالمنتدى:D

[وَطَن]

ههههههههه زلزال يا أم حكم زلزال...
ام حكم يا حبيبتى هو إنتى مش عارفة ليه المنتدى بيعلق كتير مهو من الأوزان
اللى شايلها على أكتافه المسكين..
ومبارك البيت يارب يجعله خير وسعد عليكوا ...

[ام حكم]

ايووه صح كلامك وانا بحكي ليش يا ربي كل شوي وهوا معلق وساعات بفصل الله يعينه:D

والله يبارك فيكي حبيبتي وعقبال ما تفرحي بأولادك يا رب

شوو وين الصبايا اليوم

عبوررررررررة

وعووووووود طمنيينا عنك

طيييييييييييف يا أحلى طيييييييف

رندوووووووووش

هلووووووووول

شموووووووس

العيون الخضر

عرنوووووش

ام البنات

بنوتة

عرنووووش

اناغيم الاموررة

الكم وحشة بالقلب

[هالة البدر]

بسم الله الرحمن الرحيم ،،،


صباح النور والبنور على عيونكم يا أحلى بنات .... كيفكم اليوم إنشاء الله تكونو بخير وصحة وعافية ...

وينكم اليوم شكلكم مشغولين كثير .... وأنا معاكم ... الله يعطيكم العافية يا رب ..

أم حكم ما قلتيلنا عن لقاء الأحبة امبارح .... كيف طيوفه ... قوليلنا بالتفصيل الممل ....

[وَطَن]

هالو هالة كيفك يا أمر.. وحشتينا ونورتينا يا مشغولة..

[ام حكم]

بناااااااااااااات

يا ربييييييييييييي شو حلوووووووووة طيوووووووووووووووووف

بتجنننننننننننننن بجد انصدمت ما كنت اتوقعها هيك حلووة وأمورة ولا جسمها بجنننننننننن

متناسق ماشاءالله عليها هلأ طلعت من عندي

عبورة حبيبتي وصلتني بوستك بتجنننننننننننن

ان شاءالله اذا ما اجتمعنا في الدنيا نجتمع في الجنة قولوا آمييييييييييييييين


هلوووول صباحك ورررد ويعطيكي العافية حبيبتي

هذا ردي امبارح واذا بدك بالتفصيل راح اقولك ههههههههههه

اتصلت علي وين عنوان الشركة قلت لها لما توصلي السيتي سنتر اتصل علي وانا اوصفلك اي شارع واي لفة

لما وصلت اتصلت علي وقعدت اشرح لها لحد ما عرفت قلت لها صفي سيارتك وانا مستناكي يا جميل

المهم اول ما اجت بالاحضان وهات يا بوس طبعا مع صوت عشان الاكشن هههههههههه

وكان في بوسة من عبير وصلتني

قعدنا بالمكتب وضيفتها عصير برتقال وقعدنا ندردش ونطلع على بعض وعلى اجسام بعض زي كيف لما يرحوا النسوان يخطبوووو لأبنهم هههههه

وسبحان الله طلعت بتعرف زميلتي اللي بالشغل كانوا بنفس المدرسة وبصف واحد شوفوا كيف الدنيا دوارة

وكل وحدة تحكي للتانية يالله كتييييير متغيرة وطيف تحكي لها انتي ما كنت هيك انت كتير تخنانة وزميلتي تقول لها وانت كتير ضعفانة وهات يا كلام ههههههههههه

ما طولت كتير لأنه كان عندها موعد مع طبيب الاسنان ، وان شاءالله الزيارة التانية بتكون في البيت أحسن خصوصا انه بيت اختها قريب من بيتي :)

[عبير القدس]

وعوووووووووووود اشتانالك
وينك لهلا


ام الحكم حبيبتي و انا و الله فكعت من الضحك
هههههههههه
منتدى الاوزان الثقيلة

كتييييييييييييييييييييييييير مشغولة مع ستات المشاريع
و الله علو قلبي
بعد كل هالتدريب بتطلع تقول الاكل مو زاكي دايما و القاعة مو مريحة كنها الوحدة جاية تشم الهوا مو تتدرب
و كل هاد لانو التدريب و الخدمات كلها مجانية

سبحان الله كل شي مجاني دايما الناس بسترخصو



هلووووووووووووووول كيفك ياقمر

[ام حكم]

يعطيكي العافية عبببببير

معك حق اللي بلاش كتر منه ومال عمك ولا يهمك عندنا من هالشغلات كتييييييييييير

بعين الله

[طيـــف]

بخخخخخخخخخ انا جييييييييييت

يالله خليها تخرب مضبوط بالوزن التقيل
:)



ام الحكم كيفك ياحبيببببببببتي
والف الف الف مليون شكر على الضيافه الرائعه فعلا مبارح كانت من اجمل الساعات يل عرفت فيها اغلي اخت

بس خليني ااااااااااااااااااااااااكلها لام الحكم

ولكم هاي بتضحك عليها لا دبه ولا يحزنووووون عندها شوووووووي زياده صح
بس من اثر الاولاد الله يخليهم لها بسسسسس شو شباب :) وقمر مشاءالله عليها

طبعا افشناااااا لنلون على عمتهال:)