©ˆ~*¤®§©]§]..... كلام نواعــم .....لدردشه سيدات المطابخ §]§[©§®¤*~ˆ©

[ام حكم]

http://b66h.com/up/upload/coffee.bmp

صباح البسمات تحملها النسمات..

على انغام فيروز والتمر و القهوه ..

حياكم الله

تفضلووووووو

[عبير القدس]

يسعدلي هالصباح يا احلى ام حكم

[ام حكم]

صباحك ورررررررررد عبير

طمنيني على للوش كيف صحتها ان شاءالله أحسن ؟

[عبير القدس]

و الله الليلة جننتني
صحيت و صارت تبكي شكلها كانت بدها تستفرغ و ما عرفت و ما ارتاحت الا لما استفرغت مرتين
هلا حاسس حالي مو شايفة الضو
صداااااااااااااااااااااااااااااااااااااااااااااااا اااااااااااااااع رهيب

[رندوش]

صباح الانوار والخير على احلى نواعم في الدنيا كلها
الله يسعدكم ويخليكم لبعض حلوين وكتاكيت اللهم لا حسد
فعلا بشتاق لحكياتكم كتير حلوين ما وحده بتعرف شكل الثانيه
بس بتحكي معها كأنها اختها بجد انا فرحانه كتير
عبير كيف للوشه سلامتها الف سلامه اعطيها ليمون وشاي
ممتاز للمراجعه ولا بتعطيها دوا مساكين الاطفال انا بحزن عليهم
لما بيمرضوا بيقطعوا القلب الله يحميهم يا رب
ام السعد كله كيفك كيف السكر معك خلي بالك من نفسك ما تعصبي
كوني كوللللللللللللللل

[ام حكم]

حبيبى قلبي كويس اللي استفرغت

معلش استحملي شوي وان شاءالله كلها يومين وبتطيب هيك الصغار بعين الله

اشربي لك حبة بنادول مع كاسة شاي بنعنع وروقي يا قمر

[عبير القدس]

صباح الورد يا احلى رندوش

يسعدلي الكووووووووووووووووووووول ((K)) ((K)) ((K)) ((K)) ((K))

[ام حكم]

صباح الخير يا أحلى رندوش

يختي عليها وعلى النيولوك تبعها بجننننن بس ليه مغيرة لون الروج أول كان أحلى ههههه

والسكري الحمدالله دايرين بالنا على حالنا وربنا يستر ان شاءالله وبحاول اصير كوووول مع انه صعب بس بحاوووول

والله يديم المحبة والاخوة بيننا يااااااااااااااارب

[عبير القدس]

اخدتلي حبة بنادول و عم بشرب نسكافيه بلاك

[ام حكم]

صحتين وعافية على قلبك يا قمر

[رندوش]

ام سعد الله يخليك يعني اغير الروج شو فكرك احلى
على فكره انا ضد المكياج لاني ما بعرف استخدمه
ويوم احتاج بنتي الصغيره بتضحك علي وبتقلي شو رايك
انا امكيجك ههههههههههههه لانها عكس امها بتموت في
المكياج وعندها مكياج اطفال وبتروح من المدرسه على طول
روج والكحلا واللذي منه ومجنناني مش عارفه كيف اخليها تتركه
الله يهديها ويهدي اللي بيهديها هيك شي !!!!!!

[وعود الخير]

السلام عليكم ورحمة الله وبركاته
صباح الفل يا ورد
البارحة كانالدخول من تاسع المستحيلات للمنتدى
لهيك راح اصبح عليكم
وآخذ جولة سريعة اشوف اللي فاتني
وارجع استمتع معكم بقهوة الصبح ..
سلام

[عبير القدس]

رندوش زي حالاتي
ولا بعرف بالمكياج و لا حاجة:rolleyes: :rolleyes: :rolleyes:

[عبير القدس]

هلا و غلا بمعلمتي وعوووووود
القهوة عم تستناكي بس طلي طلة يا جمييييييييييييييييل

[ام حكم]

أول ست بتقول أنا ضد المكياج هههههه ولو ما بتحطي شوية كحل في عيونك ماسكرا

ما بتعرفي تستخدمي الفرشاة لما تدهني المعجنات سوي نفس الشىء على خدودك يا جميل

بيني وبينك ما في أحلى من الطبيعة بس ساعات المكياج بخفي تعب الوجه لما يكون لونه شاحب وباهت

من التعب مش أكثر

ماشاءالله عليها بنتك كم عمرها الله يخليلك اياها ؟


صباح الخيييييير وعود يعطيكي العافية كيفك يا قمر

[رندوش]

اهلا وعود يسعدك الله
ما تغيبي كتير
صبايا اتفضلوا اليوم عامله مجدره او كشري
وان شاء الله الحلو كيكةالجزر وعصير ليمون وطبعا سلطه خضراء

[رندوش]

ام السعد بنوتي عمرها 10 سنوات تقريبا
فعلا الوجه يحتاج الي اخفاء عيوبه وخاصه انا عندي
مشكله حت العيون انتفاخ بسيط واللون داكن شوي
وحاولة اعمل بالخيار والبطاطا وما نفع معي قال هيك طبيعة
بشرتي داكنه حول العيون ومع التعب تنتفخ المنطقه السفلى
عندك حل بسرعه قوليلي لانه عقدتي

[عبير القدس]

رندوش حبيبتي
بدنا الاطباق مصورة ):K

ام الحكم حبيبتي
ما بتعرفي تستخدمي الفرشاة لما تدهني المعجنات سوي نفس الشىء على خدودك يا جميل


هههههههههههههههههههههههههههههههههههههه
عجبتني

[ام حكم]

صبايا اتفضلوا اليوم عامله مجدره او كشري



رندوش انا مسوية اليوم مجدرة هههههههه سبحان الله البطون قصدي القلوب عند بعضها هههههه

انا وابوسعد بنحب ناكلها مع سلطة بس الاولاد بحبوها مع لبن

[رندوش]

خلاص البنات نصهم عندي ونصهم عندك
بس اعملوا احسابكم القهوه عليكم يا صبايا ههههههههه

[عبير القدس]

حبيبتي رندوش

هلا السواد تحت العيون موجود بالعيلة و لا عندك بس

ازا موجود بالعيلة احيانا بكون عامل وراثي وصعب علاجو او بياخد وقت شوي
و ازا مو موجود عند الام و الاب بيكون على ما اعتقد الو حلوووووووووول باستخدام الزيوووووووووت و مواد طبيعية

[وعود الخير]

ما بتعرفي تستخدمي الفرشاة لما تدهني المعجنات سوي نفس الشىء على خدودك
هههههه
ربنا يسعدك خليتيني اضحك ..
عبير تسلمي يا قلبي .. بس وين القهوة..
رندوش... ليش في احلى من الطبيعة .. شكل سوسو من طينة وعد .. بتموت في المكياج عكسي انا واختها..

ام حكم.. الف سلامة يا قمر كلها يومين وباجيب الرقم ان شاء الله تعالى..

صبايا .. انا اليوم عملت فاصوليا بيضا مع رز بشعيرية .. تفضلوا
واقول لكم سر .. عاملة اضراب من يوم السبت ما طبخت.. مشيتها نواشف
بس سي السيد حمر عيونه قلت يا بنت اطبخي واتوكلي على ربنا..

عبير نسيت اقول لك الف سلامة للوش.. خلي بالك منها الجو متقلب والاطفال بسرعة بيتأثروا.

[ام حكم]

ام السعد بنوتي عمرها 10 سنوات تقريبا
فعلا الوجه يحتاج الي اخفاء عيوبه وخاصه انا عندي
مشكله حت العيون انتفاخ بسيط واللون داكن شوي
وحاولة اعمل بالخيار والبطاطا وما نفع معي قال هيك طبيعة
بشرتي داكنه حول العيون ومع التعب تنتفخ المنطقه السفلى
عندك حل بسرعه قوليلي لانه عقدتي

وصفه للتخلص من السواد تحت العينين هي استخدام زيت اللوز الحلو ويفضل استخدام الاصبع الوسطى والدلك بشكل خفيف وعدم دخوله للعين وهذي كمان وصفة لقيتها برضوا
لازالة الهالات السوداء تحت العينين تستعمل كمادات البابونج ويدهن زيت اللوز مع الحرص الا يدخل الزيت داخل العين

علاج االانتفاخ هو الحصول على قسط اكبر من النوم وفي حالة تعذر ذلك فإن العلاج بسيط و متوفر. قومي بوضع أكياس الشاي بعد تبريدها على العينين لمدة عشرة دقائق، ذلك سيخفف الانتفاخ كثيرا.
تناول الكثير من الملح
إن تناول الأطعمة المالحة يؤدي إلى زيادة استهلاك الجسم من الأملاح، الأمر الذي يدفع بالجسم لتخزين المياه لتعويض النقص ومن ضمن هذه الأماكن منطقة اسفل العين. لذلك التقليل من استهلاك الملح يؤدي إلى اختفاء هذه الجيوب المنتفخة اسفل العينين.

وسلامتك يا عمري الف سلامة ان شاءالله عيون اليهود كلها ولا عيونك

[عبير القدس]

صحتين يا وعووووووووووود

و الله يسلمك يا رب


كل البنات الصغار بيحيو المكياج اما جيل::HH::

[ام حكم]

ام السعد بنوتي عمرها 10 سنوات تقريبا
COLOR][/U]


العمر كله يا رب عموما أكيد بنتك عندها لعبة باربي

بنتي في سنها كان عندها لعبة باربي ويا عيني على ملابس ومكياج وشنط وتكرموا كنادر باربي بتاخذ العقل ههههه

ما اشوف بنتي الا قاعدة كل شوي والتاني بتغير لها وتمكيجها وتقعد تسوي بوجها نفس الشىء

مرحلة الطفولة فيها حركات حلوة كلها براءة خليهم يتمتعوا فيها بكرة لما يكبروا على خير بتغيروا

الله يخلي لك اياهم يا رب

[عبير القدس]

وعوووووووووود بس تعالي و احلى فنجان قهوة


ام الحكم حبيبتي تسلميلي يا رب و تسلمي على عالمعلومات يا قمر

[ام حكم]

خلاص البنات نصهم عندي ونصهم عندك
بس اعملوا احسابكم القهوه عليكم يا صبايا ههههههههه

هذي الساعة المباركة بشرفوووا والله بس مو مجدرة على قوزي وتعالى انتي والنص اللي عندك عندي

بجد راح تكون أحلى لمة

[ام حكم]

ام حكم.. الف سلامة يا قمر كلها يومين وباجيب الرقم ان شاء الله تعالى..

صبايا .. انا اليوم عملت فاصوليا بيضا مع رز بشعيرية .. تفضلوا
واقول لكم سر .. عاملة اضراب من يوم السبت ما طبخت.. مشيتها نواشف
بس سي السيد حمر عيونه قلت يا بنت اطبخي واتوكلي على ربنا..

.

الله يسلمك وجزاك الله خير حبيبتي وعود

وصحتين مقدما على الفاصوليا بس لا تخلي عيون سي السيد تحمر مرة ثانية :D

[ام حكم]

ام الحكم حبيبتي تسلميلي يا رب و تسلمي على عالمعلومات يا قمر

الله يسلمك يا عمري

[عبير القدس]

ام الحكم حبيبتي
ما شاالله اديش عمر بنوتك

[ام حكم]

عمرها 14 ونص بالصف الاول الثانوي يعني بالتاسع عندكم

[وعود الخير]

عبير ليش هالسؤال
عندك عريس لبنت ام حكم.

[ام حكم]

هههههههه وعود حلووة حكاية العريس

تعرفي بنتي ماشاءالله عليها اذا شفتيها بتعطيها عمر أكبر من سنها

العام كنت معها في السوق وحدة من بلدياتنا بتسألني هذي أختك واذا مرتبطة ولا شىء

انصدمت لما عرفت عمرها وانها بنتي

[وَطَن]

صباح الخير ع الحلوين
كيفكن اليوم ..
ميك أب وعرسان ونسكافيه يعنى القعدة حتحلو النهاردةhttp://www.lakii.com/vb/images/icons/17.gif

[عبير القدس]

امبارح روحت على البيت الساعة سبعة المسا و لقيت البيت قايم قاعد و ما كنت تاركتو الا يوم واحد لما للوش مرضت و يا حبيبي على المطبخ قال جوزي حضر عشا و الله لا يوريكو االجلي :D :D :D

و الطامة الكبرى انو حكالي مبارح انو عزم صحابو بالشركة و (2عزابية و واحد متجوز و عندو بنوتة)اليوم على كاسة شاي
بس بدو اعمل مع كاسة الشاي كيكة و معجنات مشكلة و شوية سلطات
و انا بصراحة انجنيت و قلتلو ما في وقت اعمل معجنات و لا اشي و بعدين حكتيلو بيعيني الله و بعمل صينيتين بيتزا اسرعلي و ما بدهم شغل متل المعجنات
قال لأ هم بدهم معجنات و طار عقلي
و بعدين حمل حالو و طلع على نادي اللياقة و لما رجع و شافني بشتغل بالمعجنات انجن و قال خلص اتركي اللي بايدك و بعدين بتكملي بكرة بكرة :eek: :eek:
و انا طبعا انجنيت(امبارح كان يوم الجنون العالمي عندي)شكلو مع موعد الدورة عنجد بنجن:[]: :[]: :[]:
و قلتيلو ما بيزبط اترك العجين و الكمية اللي عملتها لهلا ما بتكفي المعزومين و بخلص الشغل بعد ساعة قام عصب بزيادة و قلي خلص اتركي و بعدين قلتلو خلاص ربع ساعة و بخلص فسكت
و الطامة انو حطتيلو معجنات ليتعشى و قام قلي انا بدي بطاطا مقلية و قمت قليت بطاطا و بعدها للوش صارت تبكي و نط #R#R و قال خلص بطلت بدي اتعشى و اتركي اللي بايدك طبعا انا انجنيت و اصريت و كملت قلي البطاطا و للوش معي و المصيبة الكبرى انو نام بدون ما ياكل لا معجنات و لا بطاطاq) q) q)
عنجد ما عرفت شو بدي اعمل :(*): :(*): :(*):
و بصراحة بطلت اجمع:mad: :mad:
و طبعا طلعت الصبح و البيت قايم قاعد و يا دوب اليوم لما اروح من الشغل الحق ارتبو شوي

فشو رايكم بفلم السهرة الخاص باخد اوسكار صح:-p~

و الله مبارح كنت بدي اعمل خناقة طويلة عريضة لانو جوزي هو الغلطان و هو اللي بيحرد:rolleyes:

و بعدين قلت اهدي يا بنت لانو هلا جوزي بينط و بيقولي خلاص ما في ضرورة لشغلك و انا شغلي ما بقدر استغني عنو يعني بيمسكني من ايدي اللي بتوجعني

[عبير القدس]

هههههههههههههههههه
لا يا وعود لا عريس و لا حاجة
بس لانو ام حكم عمرو ما ذكرت بنوتتها
الله يخليلك اياها
بس يا ام حكم اكيد الكل رح يحكي اختك لانو انتي بعدك صغيرة و ما شا الله بنوتك صبية يعني التنتين صبايا أمامير):K ):K

[ام حكم]

حبيبتي عبير معلش استحملي بس لازم جوزك يراعي انك موظفة في الدوام والبيت كمان

لو احنا في البيت قاعدين ما بنقصر بنسوي أشياء بترفع راس ازواجنا قدام اصحابهم واهلهم

طيب ليس ما يعزمهم مثلا يوم الجمعة بتكوني معطلة وعندك مجال تسوي معجنات واللي بدو اياه

لازم تتفقوا على هاي الشغلات حبيبتي من الاول منعا للمشاكل اسالي مجربة

الله يعينك حبيبتي وما تخلي جوزك مرة تانية ينام وهوا حردان مش كويس لازم تراضيه :)

[ام حكم]

صباح الخير ع الحلوين
كيفكن اليوم ..
ميك أب وعرسان ونسكافيه يعنى القعدة حتحلو النهاردةhttp://www.lakii.com/vb/images/icons/17.gif



صباح الورد يا أحلى وطن

عندنا بالدردشة كل شىء بتحبيه ):K

[عبير القدس]

شايفة بالله عليكي يا ام الحكم
هو عادة بيعزم يوم السبت بس ما بعرف شو اللي صار و عزمهم بنص الاسبوع و دايما بيحكيلي اعملي اللي بيريحك
و عادة لما اصحابو و نسوانهم بدهم يزورونا بيقولهم لحالو خبرونا قبل بوقت لانو مرتي بتشتغل و مش فاضيين (طبعا بيكون يعني الحكي بس بيحكي و هو يضحك)

و بعدين ما بعرف شو موضة الحرد اللي نازلة على السوق ::HH::

[وَطَن]

له يا عبير الله يعينك على هالليلة بس برافو عليكى اللى قدرت تتحملى وسكتتى خصوصا إنه للوش كانت مريضة إن شاء الله ربنا يؤجرك خير..
المهم تكونوا اتصالحتوا بالنهاية ..
ذكرتينى بقصة كانت تيتى دايما تحكيلنا إياها عن رضا الزوج الله يرحمها يارب.. حبيبه قلبى


بعدين بالنسبة لوضوع الميك أب تفضلوا هاللعبة اتسلوا فيها وافتحوها لبناتك لو ما بيعرفوها من قبل
كتير حلوة ومسلية بيكيفوا وهم بيحطوا المكياج وبيشيلوه..
اختارى لون الروج بلاش الأزرق هههه علبة الشدو والبلاشر والمشط ها ليغيروا ستايل الشعر ولونه
وعلبة المحارم للمسح... بعرف مش فاهمين شئ بس لما تفتحوا اللعبة حتفهمونى..
يلا جربوا وشو رأيكم

http://www.mikoworld.com/games/makeUp.swf

[ام حكم]

و بعدين ما بعرف شو موضة الحرد اللي نازلة على السوق ::HH::


الظاهر للوش ماخذة من وقتك وحنانكِ واهتمامكِ كتير وأهملت ابوها

حس بفقدان هذي الاشياء اللي كانت متوفرة له قبل وبلش موضوع الغيرة

وظاهرة الحرد حجة عشان يلفت انتباهك افهميها ;)

والله يسعدكم يا رب

[ام حكم]

ههههههه وطن

اللعبة حلووة كتير قاعدة بلعب فيها

راح ارسلها لبنتي على ايميلها الان

شكرا كتييييييييييير

[عبير القدس]

و الله و انا عم بلعب باللعبة عنجد حلوة
يسلمو يا وطننننننننننننننننننننننننننننننننننن

و الله للوش لانها مريضة بتاخد وقت كتير و بعدين لانو يدوب بنشوفها المسا حرام بحب الاعبها قبل ما تنام
بس عنجد الصغار بيلهو و يا حبيبي و هادا عندي وحدة و هيك........ كيف على خير ان شا الله لما اجيب بيبي تاني ببطل فاضية احكي حكي مع جوزي

بتعرفو لما جبت للوش و كانت كتييييييير تغلبني لتنام و بعدين على أقل صوت بتصحى و لما هاني بس كان بدو يحكي كلمة احكيلو هسسسسسسسسسسسسسسسسس للوش نايمة
و عنجد عقدتو و بعدين فاض الكيل
هههههههههههههههه

[ام حكم]

ههههههههه عشان هيك الله يعييييييييييييييييييينو

[وعود الخير]

لازم جوزك يراعي انك موظفة في الدوام والبيت كمان

عبير انا وانت يا جميل في الهوا سوا
من فترة قال لي ان عازماصحابه على كبة ومعجنات وتبولة
طبعا اتصل فيني على الشغل وخبرني .. نيالي ..
واصحابه بدهم المعجنات والكبة سخنة عالساعة 4 وانا شغلي للساعة تنتين ونص
والافندي عارف ان قبل يومين طحنت عجنة كبة
اللي صار روحت مش شافة الضو وبسرعة عجنت وحضرت الحشوة انا والبنت
وقعدت قرصت الكبة وليش تأخرت للساعت 4.5 يا حبيبي الحرب ولعت ..
وبالاخر بيقول لي ليش الكمية قليلة .. اصحابو المحترمين كل واحد روح لمرته كم قرص كبة ومعجنات
طبعا هالحكي عرفته جارتي قالت لي زوج اختي بيقول بحايته ما داق كبه طيبة زي اللي عملتيها وكمان اخذ لاختي واولاده
يعني اولادي ما ذاقوها علشان اصحاب سي السيد ينبسطوا
المهم ما سكتت وقلت له مرة تانية اللي مشتهي الكبة يروح يشتري .. بتعرف اصحابك شو عملوا
طبعا الافندي ما صدق وقال مستحيل يادوب كفتهم
طبعا عملت شي 50 حبة كبة و6 صواني معجنات
و3 صواني بيتزا..
وصحن تبولة وصحن فتوش كمان..
السؤال اللي مجنن سي السيد قال كيف ما شافهم لما اخذوا لنسوانهم ..
يعني انا ينحرق دمي .. وهو بس هذا اللي على باله

يا عبير كلنا في الهوا سوا .. اصلا بس شاطرين يحردوا.
اقول لك بعد خبرة 23 سنة زواج..
اللي بيحرد من حاله آخرته بيرضى لحاله

[ام حكم]

بعييييييين الله يا وعووود

شو نسوي حبيبتي والحمدالله على كل حال

ماشاءالله 23 سنة زواج الله يسعدكم ويديمكم لبعض

انا 20 سنة زواج

مين زوود

[هالة البدر]

بسم الله الرحمن الرحيم ،،

صباح النور والبنور على عيونكم .... أحلى ورد http://www.lakii.com/vb/smile/9_10.gif (http://www.lakii.com/vb/uploader/smilies.php) لأحلى وردات ..


حبيت أصبح لأني مشغول شوي ... والمشكلة إنه لما أفضى الساعة تقريبا" 12.30 أو 1.00 بيكون الدخول صعب كثير للموقع ... إنشاء الله أخلص بكير وأقدر أدخل ....

[ام حكم]

صباح الورد هالة

يعطيكي العافية حبيبتي

[عبير القدس]

اللي بيحرد من حاله آخرته بيرضى لحاله

حبيبتي وعود ما ظنيت :rolleyes:

المشكلة بيكون الحق عليهم و عينك عينك بيطلعونا غلطانين

عنجد احيانا بستغرب من الستات اللي ما بيردو على اجوازهم و بيحردوا على الطالعة و النازلة و كمان هيك جوزها الوحدة ما بيسترجي يزعلها و بيحسبلها الف حساب



شكلو ما بينفع معهم الا العين الحمرة::HH::

طبعا بمزح


بس بتعرفي ما شا الله عليكي حضرتي كل هالاشيا بوقت قياسي ):K و ما عجبو انو تاخرتي عليهم الله يعينك و يعين كل ست على مخ سي السيد بتاعها
ههههههههه


على فكرة مرة جوزي حكا مع صاحبو و قالو في مجال نمر هالاسبوع قلو استنى بدي اسال المداااااااااااااااام ( و مع انها بالبيت و ما بتشتغل) و يااااااااااااااااااي جوزي شو كيف لانو صاحبو بيسال مرتو و بياخد الاذن مع انها و جوزها في كتييييييييييير مشاكل بينهم

[عبير القدس]

شو وينكم
ليكون حردتو انتو كمان :K) :K) :K)


ههههههههههههههههه
بمزح بس طلو شوي
هلا موعد ام اللزيزات لتطل

[رندوش]

مساء الخير صبايا
وعود شفتي اخر الاخبار باين الدنيا بدها ترجع تولععععععععععععععع

[رندوش]

مساء الخير صبايا
وعود شفتي اخر الاخبار باين الدنيا بدها ترجع تولععععععععععععععع

[رندوش]

مش عارفه ليه المنتدى صعب جدا
اعملت كيكة الجزر مممممممممم ريحتها بتجنن
اللي خاطر ما اطبخ المجدره خلاص نتغدا كيكه لذيذهههههههههه

[عبير القدس]

رندوش حبيبتي
طمنينا خير ان شا الله
شو في
اليهود رجعو يقصفوا (الله يهدهم هد هم بيوقفو قصف)
و لا مناحرات الجبهات مع حماس

[عبير القدس]

رندوش
عم نستنى بالطريقة و الصور
شايفة ما احسني ما قلتلك بستنى بالقالب:rolleyes: :rolleyes: :rolleyes: :rolleyes:

[**ام البنات **]

السلام عليكم ورحمة الله وبركاته

http://www.lakii.com/vb/smile/15_28.gif (http://www.lakii.com/vb/uploader/smilies.php)كيفكم يا حلوات شفت القعدة فيها ميك آب قلت لا تنسي حالك يا ام البناتhttp://www.lakii.com/vb/smile/15_1.gif (http://www.lakii.com/vb/uploader/smilies.php)

[عبير القدس]

هلا بام اللزيزات
كيفك و شو الاخبار و كيف لزيزاتك
ان شا الله تمام ):K

[**ام البنات **]

الحمد لله عبورة
و كيفها لنوش ان شاء الله اليوم احسن
يا عمري اكيد لما استفرغت ارتاحت شوي بالليل ديري بالك عليها حبيبت ربنا يحفظها و يحرسها يا رب

[عبير القدس]

الحمد لله اليوم للوش أحسن

[**ام البنات **]

الحمد الله يا عمري
والله هالاطفال لما بيمرضوا ما بنعرف نعمل معاهم ايه ربنا يحفظهم يا رب

[ام حكم]

مساء الخير صبايا

شو هالاخبار اللي سمعناها اليوم عن سجن اريحا شى بسم البدن

حسبي الله ونعم الوكيل فيهم اليهود والخونة والعملاء

والله يسلم من في داخل السجن

هلا ام البنات كيفك وكيف بناتك حبيبتي

شامة ريحة كيك امممممممممم يا سلالالام صحتييييين على قلبكم رندوش

بالله عليكِ الطريقة والمقادير بسرعة عندي كيس جزرررررر بدي اتخلص منه مش عارفة

[عبير القدس]

هلا و غلا بام الحكم
و انا كمان عم بستنى الكيكة من رندوش
بس ما بعرف ليش هربت و ما طلت

[ام حكم]

رندوش الله يكون في عونهم هلأ أهل غزة عايشين على أعصابهم

يارب الطف فيهم وفي إخواننا اللي بسجن أريحا يا رب

[عبير القدس]

ام حكم طمنيني
انا بالمكتب و مو عارفة شو صاير
شو في

[ام حكم]

هاي الخبر يا عبير

اقتحمت القوات الإسرائيلية اليوم الثلاثاء سجن أريحا في الضفة الغربية الذي يحتجز به أحمد سعدات الأمين العام للجبهة الشعبية لتحرير فلسطين.

وقال مسؤول فلسطيني بارز إن القوات الإسرائيلية قتلت حارس أمن وسجينا فلسطينيا في اشتباكات اندلعت عندما داهمت القوات الإسرائيلية السجن. كما تشير التقارير إلى إصابة 18 فلسطينيا آخرين.

وتشير التقارير الواردة من أريحا إلى أن 50 عربة رباعية الدفع وثلاث دبابات داهمت مدينة أريحا بينما حامت فوقهم مروحيتان للتغطية.

وجلب الجيش الإسرائيلي بعد ذلك جرافة عسكرية مصفحة ضخمة إلى موقع السجن.

ونقلت رويترز عن توفيق الطراوي، رئيس الاستخبارات الفلسطينية بالضفة الغربية، قوله إن جرافات إسرائيلية تهدم جدران السجن الخارجية بعد أن حاصرته القوات.

وتفيد الأنباء بأن القوات الإسرائيلية تطالب نزلاء السجن عبر مكبرات الصوت بالخروج من السجن وتسليم أنفسهم.

ويرفض سعدات تسليم نفسه. وتفيد بعض التقارير بأن بعض السجناء المطلوبين أيضا من قبل إسرائيل سلموا أنفسهم.

وقال سامي مسلم محافظ أريحا لوكالة أسوشيتدبرس للأنباء إن معلوماته تشير إلى أن سعدات والسجناء الآخرين لا يزالون في زنزاناتهم.

وتعهد أحمد سعدات، في حوار مع قناة الجزيرة الفضائية، بألا يسلم نفسه للقوات الإسرائيلية التي اجتاحت سجن أريحا مطالبة بتسلمه.

ونقلت وكالة أسوشيتد برس للأنباء عن مسؤول بارز في الجيش الإسرائيلي قوله إن نزلاء سجن أريحا إما أن يسلموا أنفسهم وإما أن يواجهوا الموت.

وقال الكولونيل للصحفيين إن الهدف الرئيسي من العملية هو اعتقال من بداخل السجن. وقال: "الهدف هو اعتقالهم، لكن لا توجد مفاوضات. إما أن يخرجوا وإما أن يقتلوا".

وأضاف أنه من بين 200 شخص داخل المجمع، فقد استسلم منهم 44 حتى الآن.

وأظهر بث مباشر حصري لقناة الجزيرة الفضائية سجناء فلسطينيين يخروجون من السجن ويخلعون ملابسهم ويسلمون أنفسهم للجيش الإسرائيلي.

[عبير القدس]

الله يكون بعون السجناء
و الله يهد اليهود الهي
أميييييييييييييييييييييييييييييييييييييييييييييين

[عبير القدس]

الله يكسر اليهود الهي
الكلااب ولاد الكلاب
سجناء و بدهم يعتقلوهم
شو هالاستعباد هاد
شوفو الشعب الفلسطيني بيرعب اقوى جيش و حتى و هو بداخل السجن
الله يكون في عون السجناء

[ام حكم]

آمييييييييييييين

والله منظر بيبكي القلب مش بس العين

السجان ابو بارودة و شوارب منفوشة مشلح و رافع ايديه،

و السجين الأعزل أسد شامخ و يرفض الاستسلام و لو ابيد و رفاقه جميعاً:(

اللهم انك على كل شيء قدير و بالاجابة جدير

[عبير القدس]

و الله شعب الجبارين

[ام حكم]

ربنا يفرجها عليهم ياااااااارب

المهم كيفك كيف للوش عشرة دقائق ومروحة

[وَطَن]

مرحبا
شفتوا شو مولعة البلد عنا فى غزة صاروا خاطفين حوالى عشر أجانب
ولسة اللى بيلاقوه ما بوفروه .. واقتحموا المراكز الأميريكية والبريطانية
والفرنسية واى أجانب مستهدفين.. لأنه من الواضح جدا إنه فيه تواطؤ من المراقبين الدوليين اللى هما من اميركا وبريطانيا لأنهم انسحبوا قبل ما تبلش العملية يعنى طبعا كانوا على علم بالعملية
الله يعديها على خير هالليلة ويستر على الأسرى... ويحفظهم

[ام حكم]

هلا وطن

بجد مسألة التواطىء واضحة جدا وانا سمعت أنه السلطة على علم بالموضوع من قبل ما يحصل !!!

الله يعدى الليلة على خير ويسلم الاسرى يا رب وديروا بالكم على حالكم يا وطن وقلوبنا معكم .

[**ام البنات **]

آميييييييين يا رب
ديروا بالكم على حالكم يا صبايا قلوبنا معكم

[عبير القدس]

يا الله و الله الاوضاع مولعة مزبوط

يا رب يا قادر على كل شيء ساعد شبابنا و أهلنا في فلسطين و اكسر شوكة اليهود انك على كل شئ قدير

[ام حكم]

آميييييييييييييييييييييييييييييين يا رب يسمع منك يا عبير

[ام حكم]

خبر عاجل من الجزيرة

القوات الإسرائيلية تتقدم باتجاه سجن أريحا وتقصفه بالدبابات والدخان يغطي المكان وسعدات ورفاقه يرفضون الاستسلام.

يا رب الطف فيهم يا رب

[ام حكم]

صباح الخير

كيفكم صبايا

صبايا غزة طمنونا كيف الاوضاع عندكم ؟

قرأت اليوم أنه في إضراب شامل اليوم في الأراضي الوطنية الفلسطينية

ربنا وقلوبنا معكم ..

[عبير القدس]

صباح المقاومة لبلد المقاومة

صبايا فلسطين طمنونا عنكم و عن الاوضاع

[عبير القدس]

صباح فلسطيني مني و من كل فلسطيني الى كل فلسطيني


رأيت المجد بين الخلق يُبكيني و كأساً مترعاً بالسم يسقيني
نفضت الكأس في عز و في شمم أنا يا مجد لا تنسى فلسطيني
أنا لو شُققت شفتاي من ظمأ فلسطين التي في القلب ترويني
فلا و الله ما خارت عزائمنا و لكن لوعة في النفس تدميني
أتاني يومها الجلاد في صلف بنار الظلم و الأحقاد يكويني
قذقت السوط في عينيه و انظلقت خيول المجد من صدري لحطيني
أنا لو مت بين الناس تعصف بي رياح القدس .. كالإعصار تحييني
جذوري في تراب الأرض ضاربة أنا في المسجد الأقصى شرايني
فلسطين التي في القلب قد سكنت ستبقى شعلة في التيه تهديني
فلسطيني و لو مزقتمو جسدي فلسطيني بتركيبي و تكويني
جيوش الكون لا تمحو معالمنا و لا تعذيب و التشريد ينسيني
من الأقصى دماء الثأر لاهبة و من- إيلات- حتى أرض- سخنين-
هناك الطفل للأكوان يعلنها و يعلي راية الإسلام و الدين
أنا لو أخرسوا الرشاش في كفي بأسناني أقاتلهم و سكيني
حروف العمر في قلبي أخبئها حروف ستة لو ضعت تحميني
ستلقى لو شققت الصدر عن قلبي على الجنبين محفوراً فلسطيني

[ام حكم]

الله عليكِ يا عبير

كلمات من قوتها وروعتها بجد أثرت فيني خلتني أدمع

يا أمي ويا بيّ وي أختي وخيِّ

لو تعرفوا الغربة ويش سوت فيّ

وطني غالي ومهما بعدت مزروع فيّ

ومصيرنا فيوم نلقى الأحباب

:(:(

[وعود الخير]

السلام عليكم ورحمةالله وبركاته
طبعا لا يوجد ما يقال .. سوى حسبنا الله ونعم الوكيل
الحصار يشتد والخناق يضيق ونحن في غزة في سجن بدون قضبان..

وطن... رندوش... اولادكم راحوا للمدارس والا اضراب.

[رندوش]

صباح الخير على الحلوين احنا ولله الحمد بخير
اما الاضراب فالمدارس ماشيه تمام ان شاء الله
والاوضاع بتهدء ان شاء الله الله يهدهم اليهود واعوانهم
عبير شو هالشعر الحلو عن جد بكيتيني وحزنتيني على نفسي
في بعض الاحيان الكلمات تعبر ما نشعر به يا ريتني شاعره
كان بشيل شوية هم عن قلبي اخخخخخخخخخخخ شو الاوضاع صعبه

[ام حكم]

وعود حبيبتي الله يكون بعونكم والله انا حاسين فيكم

ولا نقدر نسوي شىء الا الدعاء لله عز وجل بأن ينصرنا على أعدائنا

ويفرج همكم عن قريب ان شاءالله

[ام حكم]

صباح الخير رندوش

الله يكون في العون حبيبتي

كل ما اشتدت فرجت ان شاءالله

[رندوش]

صباح ا

[رندوش]

صباح الخير وعود كيف الاوضاع عندكم نمتم الليله ولا ما نمتوا!!!!!!!!!!!!!!!!!!!!!!!!

[عبير القدس]

صباح الخير لاحلى صبايا فلسطين اللي بفلسطين
وعوووووووووووووووود
رندوشششششششششششش
وطننننننننننننننننننننننننننننننننن


و صباح الخير لأحلى صبايا فلسطين اللي بالغربة لاحلى ام حكم

[ام حكم]

هلالا عبير يسعد صباحك حبيبتي

كيف للوش ان شاءالله أحسن اليوم ؟

[رندوش]

اهلا عبير كيفك كيف للوشه ان شاء الله اليوم احسن

[عبير القدس]

الحمد لله للوش اليوم احسن

[وعود الخير]

كيف الاوضاع عندكم نمتم الليله ولا ما نمتوا!!!!!!!!!!!!!!!!!!!!!!!!
آه يا رندوش... بعد اعتقال سعادات الدنيا اسودت في عيوني..
وبعدها بلش قصف المدفعية وكل شوية اقول القذيفة الجاية راح تكون في البيت
حسبنا الله ونعم الوكيل ..


صباح الخير عبورة

[رندوش]

فين الصبايا ما عدت شفت بنت ارض الحضارات وين غايبه

[وَطَن]

صباح الخير صبايا
الحمد لله على كل حال
أولادى راحوا ع المدارس فيه كتير رجعوا بس أولادى لأ..
.. ليكونوا أولادى طالعين فى مسيرة :[MM بحاول اتصل بالمدرسة ما بيلئط الخط..

[رندوش]

الله يكون في عونكم احنا ابعد منكم والصوت قوي كيف انتم
راحوا الاولاد على المدارس ؟؟؟؟؟؟؟؟

[رندوش]

شو مسيره يا وطن اولادك صغار بس تلاقيهم في
المدرسه لان اولادي بعد في المدرسه ما رجعوا

[عبير القدس]

الله بيعين يا وعوووووووووود
الله يكون بعون السعدات و بعون كل الشعب الفلسطيني
شو بدي احكي
النا الله

[وعود الخير]

راحو بس كاتي مش عارفة في جامعة اليوم والا لأ ..

[عبير القدس]

رندووووووووووش
وطننننننننننننننننننننننننننن



اولادكم صغار كتيييير على المسيرات :(*):
ديرو بالكم عليهم
ما تزعلو مني ما هو اضراب اليوم ليش تودوهم على المدارس:confused:

[وعود الخير]

ليش حاولي تاني اتصلي على المدرسة
اولادك بعدهم صغار على المسيرات وتعبها.
معك حق عبير النا ربنا سبحانه وتعالى
كيفها للوش اليوم

[وَطَن]

أولاد شارعنا روحوا كلهم تقريبا.. هل عمى خبرنى إنهم بالمدارس رايح يسأل عنهم الله يبارك فيه يارب.. وطمنى عنهم..
بس إمبارح كتير كانت قوية القذائف الله يعينك يا وعود لسة إنتى أقرب

[وعود الخير]

عبير
ما تزعلو مني ما هو اضراب اليوم ليش تودوهم على المدارس:confused:
يا عيوني انت
الاضراب طلب شعبي مش رسمي وبالتالي اللي ما بيداوم بياكل علقة .... مدرسين آخر زمن.

[عبير القدس]

وعوود حبيبتي الحمد لله اليوم للوش احسن
بس شو رايك لا تودي كاتي على الجامعة
الاوضاع كتييييييييييييييييييييييييييييير مضطربة
و النا الله

[عبير القدس]

هلا عنجد المدرسين بيعاقبو اللي بيغيبو بهيك اوضاعq) q) q)

[وَطَن]

الإضرابات غالبا يا عبير ما بتسكر فيها المدارس والمرافق الخاصة والحكومية
فقط المحلات والأسواق.. ويمكن يكون تعليق دراسة بالجامعات..
أما اولادى البنات بيروحوا على طول بس ابنى أزعر بيعملها ..

[عبير القدس]

الله يحميلكم اولادكم و بناتكم يا رب
و النا الله

[وعود الخير]

الحمد لله يا وطن انك تطمنتي عليهم

عبير في مدرسين ما بيخافوا ربنا.. خليها على الله ..

رندوش.... انا اليوم غرت منك وعملت .






انزلي شوية








عملت









مجدرة.

[ام حكم]

الله يعينكم حبيباتي على هالاوضاع ويعين كل الشعب الفلسطيني

بقرأ كلامكم وقلبي بتقطع ما في غير الدعاء

ربنا معكم

[عبير القدس]

صحتيييييييييييييييين يا وعووووووووووووووووووووووود على المجدرة
انا عملت فريكة لليوم
و المعجنات حطيتهم بالفريزر لانو جوزي ما عزم صحابو q)

[رندوش]

عبير المدارس ما بتضرب في بعض المناطق حسب
والمدارس الخاصه ما بتضرب ليه مش عارفه بس احسن
خليهم بالمدارس اضب الهم من الشوارع واريح لراسناااااا

[وعود الخير]

من وين الراحة لراسنا
سامعة صوت القذائف.. حابين يصبحوا علينا..
يا ستي المساكين عم بيسلوا وقتهم ..

[ام حكم]

ومالها المجدرة يا وعوود امبارح اتغذينا عليها وتعشينا نعمة والحمدالله

امبارح طبخت صينية معكرونة عالسريع من سمة البدن

[رندوش]

صحتين على المجدره كانت لذيذه ما خلينا ولا رزه ولا عدسه
مع السلطه والخسسسسسسسسسس لو باقي منها كان اكلته
اليوم انا بحبها كتير
اليوم انا عامله مكرونه زي ام السعد لاني محتاره ما عندي خضار
فأسهل شي مكرونه اسبجتي وسلطه طبعا بس الحلو مش عارفه شو
يمكن كريب بالفراوله والكريمه الله يسهل

[وعود الخير]

رندوش .. انا ريحت حالي
والحلو بس يوم الجمعة.. بعدين السكر غالي
وطحين ما في عندي وبيقولوا ان الطحين شبه مفقود..

بتعرفي احسن علشان الريجيم بلا معجنات بلا هم ..
وتعالى لهون وين طريقة كعكة الجزر

[رندوش]

وعود صحيح بيقولوا الطحين شبه مفقود في السوق
بس شو العمل الاولاد بدهم كل يوم شي حلو مش ملحقه
بعمل جلي و مهلبيه ورز وحليب ما بيعجبهم لازم حلو كيك وخلافه
اما كيكة الجزر طريقة عزيزتنا عذبة الاحساس ميه ميه رايحه اتشكرلها كتير
لان الضيوف اكلو الصحونننننننننننننننننن ما خلو شي:confused:

[وَطَن]

أنا طابخة خبيزة.. والحلو ممنوع علشان ازمة السكر ومحدش عارف شو
بستنانا وطحين كمان ماعندى الله يستر.. هو بس مفقود السكر يا وعود
كيس السكر صار بأكتر من 200ش. يعنى قرب ع الخمسين دولار كل كيلو سكر بدولار q) q)
وكيلو اللحمة ب40 ش.
وأنبوبة الغاز ب 50 ش.
ورواتب ما فيه.. الله يعين الناس ويصبرهم
الحمد لله إنه الخضرة رخيصة.. حسبنا الله ونعم الوكيل

[عبير القدس]

صباي مع هالاوضاع حاسس حالي بدي افقع بس شوفو اخوي شو بعتلي نكت هلا
سامحوني لاني بنكت و الوضع ماساوي بس خايف افقع من القهر و حبيت اضحكو معي شوي.


كيد النساء

تمكنت أم زكي من العثور على المصباح السحري وبالتالي وفر لها خادم المصباح فرصة 3 أمنيات، ولكن لتحقيق هذه الأمنيات يحصل زوجها على 10 أضعاف كل أمنية تتمناها

وافقت أم زكي وكانت أمنيتها الأولى أن تصبح أجمل سيدة في الكون

أنذرها خادم المصباح السحري بأن زوجها أبو زكي سيصبح أجمل منها بـ 10 أضعاف

قالت الزوجة لا يهم، فسأصبح أجمل جميلات الكون وبالتالي لن يجد من هي أجمل مني

أما الأمنية الثانية فكانت أن تصبح أغنى من في الكون


وللمرة الثانية أنذرها خادم المصباح السحري بأن أبو زكي سيصبح أغنى منها بـ 10


قالت أم زكي ما يهم، ما في فرق بين مال الزوج ومال الزوجة وراح تكون ثروتنا واحدة

أما للأمنية الثالثة فطلبت أن تصيبها أزمة قلبية بسيطة لا تميت ولا تسبب إعاقات


!

!

!

الله يرحمك يا أبو زكي








في مجموعة عجايز طالعين رحلة في باص
اجت وحده منهم واعطت الشوفير كمشة فول سوداني وراحت
انبسط الشوفير وكيَّف
بعد اشوي الا العجوز نفسها راجعة بكمشة تانيه..
صهلل الشوفير وصار يقرط فيهن ..
رجعت نفس العجوز كمان مرة ومعها كمان كمشة ..
فقلها الشوفير ليش مغلبة حالك يا حجة هاتيهم مرة وحدة ....
قالتلو مهو احنا كاعدات ابنوكل سنكرز ورى وهظول كاسيات على اسنانا ...

[وعود الخير]

ورواتب ما فيه
حطيتي ايدك عالجرح يا وطن
تصدقي في البيت ما عندي غير يمكن نص كيلو سكر
خليني اشتري رطل اليوم بيعين ربنا
والطحين سلامتك ولا ذرة...

وزي ما قلت منيح اللي الخضرة رخيصة

[وعود الخير]

رندوش .. صحتين وعافية على قلوبهم ...

عبير... تسلمي على هالنكت.. يا بنتي مالهاالاوضاع نحنا متعودين
صح رندوش..
صح وطن...

[عبير القدس]

بعين الله على الاسعار
و الله الاسعار عنا بالاردن صارت نار و الدخل هو هو
الله يعين الناس
و الحمد لله الخضرة كمان رخيصة بعمان

[ام حكم]

أنا طابخة خبيزة.. والحلو ممنوع علشان ازمة السكر ومحدش عارف شو
بستنانا وطحين كمان ماعندى الله يستر.. هو بس مفقود السكر يا وعود
كيس السكر صار بأكتر من 200ش. يعنى قرب ع الخمسين دولار كل كيلو سكر بدولار q) q)
وكيلو اللحمة ب40 ش.
وأنبوبة الغاز ب 50 ش.
ورواتب ما فيه.. الله يعين الناس ويصبرهم
الحمد لله إنه الخضرة رخيصة.. حسبنا الله ونعم الوكيل


يالله والناس عنا قاعدة بتكب الأكل الزايد بالزبالة أكرمكم الله والبساس مكيفة عليه

الله يعينكم والطامة الكبرى ما في رواتب الواحد شووو يسوي ربكم كريم

[وعود الخير]

تحيا الخضار....

[وعود الخير]

اليوم بدي امر عالسوق وانا مروحة
التلاجة عتبانة وزعلانه ما فيها غير فجل وجزر وقرنين فلفل
والحكومة راح تقبض رواتبها واحنا ما باين في قبضة هالشهر
طيب والحل..
شو ارجع ابسط على باب جامع...

[عبير القدس]

وعووووووووووووود
اديش صارلكم ما قبضتو يعني من كم شهر:confused:

[ام حكم]

لا حول ولا قوة الا بالله

وعووووود حبيبتي الله يخليكي لا تقطعي قلبي أكثر ما مو مقطع

بجد كلامك بجرح قلبي مش عارفة شو اسوي

طيب في مجال للمساعدة امانة عليكي احنا خوات حلفتك بأولادك

اي شىء بدك اياها ما عليكي الا انك ترسلي رسالة خاصة ومن عيوني انا حاضرة لأي شىء

[ام حكم]

اذا الاخوات ما ساعدو بعض ووقفوا جنب بعض وقت الشدة لشوووو الأخوة !

[عبير القدس]

وعوووووووووووووود
حاضرييييييييييييييييييييييييييين للطيبييييييييييييييييييييييين

[وعود الخير]

اديش صارلكم ما قبضتو يعني من كم شهر:confused:
عبير .. فاكرة القصة اللي صارت قبل العيد
يعني يومها اخذنا راتب نص شهر
والشهر اللي بعده شرحه
آخر مرة قبضنا فيها كانت 11/2 وطبعا نص شهر وسلامتك

ام حكم... تسلمي يا قلبي كلمتك عندي بالدنيا كلها ربي يبارك لك ويبارك في اولادك
الحمد لله مستورة.. والانسان اللي بقنع وبيرضى ربنا سبحانه وتعالى بيسهل أموره.

[وعود الخير]

رندوش .. وطن
الاولاد روحوا من المدارس

[عبير القدس]

يعني لهلا ماقبضتو رواتب شهر 1 و 2 و اكيد 3 :confused: :confused: :confused:

[وَطَن]

يا صبايا عادى إحنا متعودين على الوضع لسة كان فيه أوقات أصعب.. ربنا معانا دايما الحمد لله
وآخرتها فرج بإذن الله
الله يفرجها يا وعود والله ما عارفة شو بدى أقولك بس ما تنسيش إننا إخوات ...
شو هالنكت يا عبير ههههههه تبعت العجايز عجبتنى ...

[وَطَن]

أولادى ما روحوا يا وعود..
تسلمى يا أم حكم يا غالية ..

[ام حكم]

الله يخليكي وعوود حبيبتي أرسلت لكِ رسالة خاصة

وطن الله يسلمك ويخلي لك أولادك يا رب

[رندوش]

صبايا احنا اتعودنا على الاوضاع التعبانه لو اتغير الوضع
ساعتها اقلقوا علينا خلاص خدنا اخد على اللطامممممم
شوفوا اللي ماخد قرش كافيه واللي ماخد 100 مش كافيه
شو هالمعادله الصعبه صح
بيعين الله ربنا معنا احسن من كل شي وما من شده الا بعدها فرج
ان شاء الله

[رندوش]

اولادي ما روحوا خلاص قبض عليهمممممممم
ام حكم تسلمي يا عسل انتي
عبير والله ضحكتيني على السنكرز كل ما اكله حتزكرك هههههههه

[عبير القدس]

الله يفرجها عليكم يا رب و يحميلكم ولادكم و يعطيكم ليرضيكم
أمييييييييييييييييييييين








صبايا بنوتة الها كم يوم ما طلت شكلو سافرت على الامارات:[MM

[وعود الخير]

عبير
ماقبضتو رواتب شهر 1 و 2 و اكيد 3
عبير بتقدري تقولي اني قبضنا راتب شهر ا بس على قسطين
وهلأ باقي لنا شهر 2 وطبعا 3 ..
ومتل ما قالت وطن .. مرت علينا اوقات اصعب من هيك
وما بنقول غير الحمد لله رب العالمين

[عبير القدس]

رندوش حبيبتي
ان شا الله هلا بيرجعو و بيعملولك مظاهرة بالبيت:)

[وعود الخير]

بنوتة موعد سفرها اليوم ان شاء الله تعالى ربنا يهينها ويسعدها

رندوش.. ابني الكبير روح بس التاني ما بعرف عنه..
ووعود قلت لها خليك في البيت علشان هي مسائي.

بنات بتعرفوا شو عملت
نزلت للحديقة ورحت تمشيت فيها مع الجنايني
صار يعرفني بانواع الزهور والنباتات ومع رذاذ المية يا سلام
واعطاني وردة ريحان قدسي (قرنفل غزاوي)
نسيت كل شيء وارتحت وهيني ارجعت..

[ام حكم]

وعود يا قلبي

بنتظر ردك لا تتأخري علي

[وعود الخير]

رديت يا ام قلب كبير.... يسعدك ربي.

[عبير القدس]

واعطاني وردة ريحان قدسي (قرنفل غزاوي)



ان شا الله بننزل يوم على فلسطين و بتعطيني الوردة يا وعوووووووووووووووووووود يا قمر

[ام حكم]

رديت يا ام قلب كبير.... يسعدك ربي.

الله يبارك فيكي وبأولادك يا وعود

والله انت اللي قلبك كبير احنا شو بنيجي جنبك

الله يسعدك دنيا وآخرة :)

[عبير القدس]

يسعدلي لمتكم الحلوة يا احلى صبايا

[وعود الخير]

صبايا .. ولو انتم الخير والبركة
وانا معكم بارتاح اكتر من اي وقت تاني.
بكفي شعوركم واحساسكم الصادق..

رندوش... كمان شوية راح اعيط في كلينكس في البلد والا مفقود.

[عبير القدس]

وعوووووووووود يا قمر
و الله و انتي معنا نحنا بنرتاح كتيييييييييييييييييييييييييييييير و الحمد لله

[ام حكم]

اشتكتلها كتير . كلت ادوك عليها تلفون واتخرف معها شوى .

كلت لحالي يا زلمة اعكل

ما دام هي بكلبي لأيش البعزكة وكثر المصاريف

فلسطيني بيحب

شو رأيكم قلنا نغير جو شوي :)

[عبير القدس]

هههههههههههههههههههههههه
ام الحكم حبيبتي
حاولت اغيرلكم الجو قبل شوي وما زبطت معي ان شا الله بتزبط معك

[ام حكم]

صبايا [FONT=Tahoma]رندوش... كمان شوية راح اعيط في كلينكس في البلد والا مفقود.


لشو الكلينكس امسحي بكمكِ بنفع ههههه

الله يخليكم لي يا احلى خوات في الدنيا ولا يحرمنا من بعض آمين

[ام حكم]

هههههههههههههههههههههههه
ام الحكم حبيبتي
حاولت اغيرلكم الجو قبل شوي وما زبطت معي ان شا الله بتزبط معك

لا بالعكس تغييرك للجو حلووو كتييير بس انا كنت شوية مشغولة

الله يسعدك :)

[عبير القدس]

يسعدلي اياكم يا رب و يخليلي اياكم و يعطيكم ليرضيكم
قولو اميييييييييييين

[وعود الخير]

عبورة وام حكم
ربي يسعدكم بصراحة




احلى نكته




كانت







نكتة قميص النوم... فضلت اضحك عليها ساعة وكل ما تيجي ببالي باضحك

شو وين رندوش... ارن عليها والا بلاش بعزكة المصاري.

[وَطَن]

ههههههههه
ولا تبعت البدوى يا ام حكم بتجنن لأنى بعرف وحدة حقيقي عملت هيك هههههه
وبلاش بعزكة يا وعود وخلى الطابك مستور
طب شوفوا بالمصرى بقى ....


أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
طبعا جاتنى المسج ع الإيميل من وحدة مصرية صاحبتى

[ام حكم]

آميييييييييييين يا عبير

وعووود تخيلي قميص نوم طويل ومبطن هههههههههههه

وبلاش بعزكة مصاري دام هي بكلبك:D

[ام حكم]

ههههههههه
[
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا[/FONT][/COLOR][/SIZE]


[/SIZE]

هههههههههههههههههههههههههههههههه

الله يلعن هيك رومانسية هههههههههه

بجد عم تحكي وطن وحدة سوت زي النكتة :(*):

[عبير القدس]

وعووووووووووووود شو هي نكتة قميص النوم:[MM


وطن و شو هي نكتة البدوي:[MM :[MM

[عبير القدس]

وطن الوحدة تروح صايمة احس لها من التعذيب النفسي

[وَطَن]

بجد عم تحكي وطن وحدة سوت زي النكتة :(*):
بجد يا أم حكم هادى كانت جارتنا زمان كانت سلفتها جاية من أبو ظبى وجايبالها قميص نوم أسود
وماما عندها مكنة خياطة وشاطرة فيها قامت جايبة القميص لماما بدها إياها تبطنه لأنه ما فيها تلبسه هيك خجولة كتير أصلها هههههههه
نكتة البدى هى نفسها نكتة القميص يا عبير

[ام حكم]

وعووووووووووووود شو هي نكتة قميص النوم:[MM


وطن و شو هي نكتة البدوي:[MM :[MM




عببببببببير ما بتعرفي نكتة قميص النوم هههههههههههه هادي انا حكيتها

شوفي يا ستي

بدوية جاب لها زوجها قمصان نوم

سألها وينهم ؟

قالت عند الخياط بطولهم وببطنهم :D

[عبير القدس]

ههههههههههههههههه
و الله المكتب كلو ضحك معي

[ام حكم]

بجد يا أم حكم هادى كانت جارتنا زمان كانت سلفتها جاية من أبو ظبى وجايبالها قميص نوم أسود
وماما عندها مكنة خياطة وشاطرة فيها قامت جايبة القميص لماما بدها إياها تبطنه لأنه ما فيها تلبسه هيك خجولة كتير أصلها هههههههه



اموووت انا بالخجل عاد الوحدة مفرووض تخجل من كل الناس الا زوجها هههههههههههه

[ام حكم]

ههههههههههههههههه
و الله المكتب كلو ضحك معي

اسمعي هاي

نذل واقف بالباص ضحك لبنت ضحكتله

غمزها غمزته أشر لها تنزل نزلت قعد محلها ههههههههه

[وعود الخير]

وطن... ربي يسعدك
مش قادرة ابطل ضحك والكل بيطلع فيني وبيقولواانجنت هذه والا شو قصتها
وطبعتها ونازلة اعطيها لزميلتي المخطوبة اليوم خطيبها عازمها على الديرة..

[عبير القدس]

ههههههههههههههههههههههههههههههههه
هادا نذل عنجد

[وَطَن]

ههههههههه الله يسعدك يا أم سعد

إن شاء الله دايما مبسوطين وبتضحكوا من القلب ..

[ام حكم]

الله يسعدكم حبيباتي كلكم

صدقوني حبيت اغير جو الكآبة اللي احنا بالذات عايشين فيه دون عن باقي الجنسيات
والحمدالله على كل حال

وقبل ما اروح خذوا هالنكتة اضحكو عمره ما حد حوش

وحدة اشترت جوال وما علمت زوجها بدها تفاجئه دخلت الحمام واتصلت عليه وقالت :

اهلين حياتي

قال : هلا حبي اتصلي بعد شوي أخاف البقرة تطلع من الحمام ههههههههههههههه

شفتووو زلام آخر زمنq)

مع السلامة حبيباتي اشوفكم على خير ان شاءالله

[وعود الخير]

مع السلامة يا ام حكم ربنا معك
شو عبورة.... خلصت ضحك والا بعدك.

[عبير القدس]

هههههههههههههههههه
ما بعرف من وين بتجيبي هالنكت


بس على فكرة الجال في هاي النكنة انذل من اللي في نكتة الباص

[وَطَن]

هههههههه
الله معك يا أم حكم.. ويجعل السلامة طريقك

[عبير القدس]

وعود بعدني ما خلصت ضحك
و لهلا عم بضحك على حالي و الفلم اللي عملو جوزي في
امبارح لغى العزومة:(*): :(*): :(*):

[وعود الخير]

بدي افهم الرد اللي كتبته وين راح
على كل ولا يهمك عبير .. ربنا يعوض عليك بتعبك

بدي اروح اجتماع
بس بدي اقول لكم نكتة
في واحد لقال لمرته بشو عم بتفكري
قالت له نفس اللي بتفكر فيه انت
قال لها وجع بقبلك بدك تتجوزي علي.

[عبير القدس]

هههههههه


يعطيكي الهافية مقدما حبيبتي
و ان شا الله بيصرفولكم راتب شهر 2

[عبير القدس]

ام اللزيزات وينك لهلا:[MM :[MM :[MM :[MM

[وعود الخير]

شو عبورة ..
موعدها لام اللذيذات ..
وين بقية الصبايا

[هالة البدر]

بسم الله الرحمن الرحيم ،،،


كيفكم اليوم صبايا إنشاء الله تكونو بخير وعافية ... بنشغل كثير ولما بفضى بيكون النت q) q) q) بيعلق كثير ...

وعلى السريع قبل لا يعلق .....

شو هالنكت الحلو هاي ... وطن تبعت الخطوبة فقعتني من الضحك وبعتها على طول .....

الله يكون بعونكم يا حبيباتي والله شي بيبكي هالأوضاع إللي عندكم ... وإحنا قريبا" واصلين لهالمرحلة واصلين ... عاجلا" أم آجلا" ...

[وعود الخير]

هالة... يا ميت هلا
نور المنتدى بطلتك الحلوة
شو اخبارك

[عبير القدس]

q) q) q) q)
بعت رد طويل عريض و طار


على كل
وعوووووود
شو خلصتي الاجتماع:(*):
و عادة موعد ام اللزيزات بيكون قبل هيك بتلات ساعات
فحسيتها تاخرت قلت خليني ازكرها بلكن تطل علينا:[MM



هلووووووووووووووول
يعطيكي العافية يا رب
بهادا الوقت دايما بتلاقي من كتر الضغط الموقع بيفصل

و يا ستي شكلو الوضع بالعالم كلو من سئ لأسوأ

[عبير القدس]

وعوووووووووود
اي ساعة بيخلص دوامك

[وَطَن]

ههههههههه شوف المفترى بشو بفكر.. يارب أضل فاكراها علشان احكيها لزوجى...
منورة هلول وينك لهلأ.. منيح اللى عجبوكى النكت.... الله يفرجها على الجميع يارب..

[عبير القدس]

شايفة يا وطن مش قليل


ام الحكم
شو رجعتي و لا بعدك يا جميل:) :) :)

[**ام البنات **]

السلام عليكم ورحمة الله وبركاته

كيفكم يا صبايا اليوم اتأخرت عليكم الكهربا كانت مفصولة عندنا وقلبي كان غليانq) من الصبح عايزة اطمن عليكم يا صباياغزة كيفكم و كيف اصبحته يا غاليات

[**ام البنات **]

الحمد لله كلكم مجمعين و مبسوطين الله يديم عليكم الفرح يا رب و تجمعه عند النبي:)

[عبير القدس]

كيفك يام اللزيزات يا قمر:)
اشتأنالك ياجميل:)
ازا التاخير علينا بسبب انقطاع الكهربا مو مشكلة بنسامحك هالمرة:) :) :)







كيفك و كيف لزيزاتك

[عبير القدس]

شو وين رحتى يا ام اللزيزات

[ام حكم]

هلا عبير هلا حبيبتي رجعت بس كانت عندي وحدة زميلتي وكنا قاعدين نحش في بعض الناس
عندنا بالشركة مقهورين منهم بالاخر قلت لها يا بنت الناس ملناش دعوة فيهم هههه

ام البنات هلالا حبيبتي كيفك وكيف بناتك ؟

[عبير القدس]

ام حكم
خلصتو حش و لا لسة:(*):
ما قلتينا شو اتغديتي معكرونة :[MM

[ام حكم]

خلصنا حش

اتغذيت معكرونة وكنت مسوية سلطة خضار غفيت لي نص ساعة صحيت جوعانة :(*):

رحت أكلت تفاحة وبرتقالة وكان جاي على بالي حلو رحت أكلت حبة كتكاتws:-)

وهلأ جاي على شيبس مش عارفة شكلي بتوحم ههههههههههههههه:eek:

عبير شو طابخة اليوم فريكة صح:[MM

[**ام البنات **]

الحمد الله يا غالية بيسلموا عليكي عبورة سعيدة ان لنوش بخير

ام الحكم حبيبة قلبي كيفك و كيفهم اولادك و ابو الشباب ان شاء الله كلكم بالف خير

[عبير القدس]

شو يا ام الحكم شكلو بدك تزيدي وزنك:[MM
شيبس و شوكولا و فواكة و معكرونة
يا ريتو الف صحة و عافية


شو وين راحت ام اللزيزات و الله اشتاتلها

[عبير القدس]

ام حكم حبيبتي ليكون بتتوحمي عنجد:[MM :[MM :[MM :[MM

[ام حكم]

هلا ام البنات بخير والحمدالله دامك بخير حبيتي

عبير لا والله بس مش عارفة ساعات بيجي على بالي شغلات وزي ما انت عارفة

لأنه مش مسموح لي آكل هالشغلات يوميا بكون زي المفجوعة

وحكاية الحمل لا خلاص كبرنا يا عمري الموضوع حصل قبل 7 شهور بس الحمدالله ما كمل

لأنه لو كمل بكون خطر على وعلى البيبي يا ستي نعمة الكريم ولدين وبنت الله يخلي لي اياهم يا رب

ويعطيكم اخو للوش يا رب ويعطي كل واحد محروم

[**ام البنات **]

تشتاقلك العافية عبورة و انا كثير اشتقتلكم بس المنتدى لسه بيفصل مرات و لتفتح الصفحة بتكون اختك q) q) q) q) q) q) اتعصبت

ام الحكم ديري بالك على صحتك يا عمري و الله يخليك ويحفظك يا رب:)

[عبير القدس]

حبيبتي ام الحكم كلو الا صحتك
و الله يخليلك العيال و ابو العيال يا رب و يخليكم لبعض

[ام حكم]

ام البنات تسلمين حبيتي والله يبارك فيك وبأولادك يا رب

عبورة تسلمي يا رب ويخليلك حبايبك يا رب

[عبير القدس]

هلا بام اللزيزات
من زمان ما طليتي

[**ام البنات **]

عبورة امبارح كنت ناوية اعمل الشوكليت موس لعيونك حبيبتي
و حضرت جميع المقادير و فنفس الوقت كنت باستمع لبرنامج صحي عن انفلونزا الطيور و سمعت تحذير بعدم اكل اي شيء معمول ببيض نيء:confused: :confused: و خفت و قلت نصبر شوي و اتأكدي اني حعوضها لك بحاجة حلوة عن قريب بإذن الله:)

[عبير القدس]

ام اللزيزات يخليلي اياكي يا رب
و ما بتقصري يا قمر

[**ام البنات **]

هاليومين الشمس حلوة كيفه الجو عندكم يا صبايا

[عبير القدس]

صبايا ابو الشباب كمان شوي جاي و مروحة على خير
بتأمرو بشي قبل ما اروح

[عبير القدس]

و الله يا ام اللزيزات الجو بيتقلب كتييييييييير يعني اسبوع دفا و بعدين يومين برد كتيييييييييير
منشان هيك بهالجو بتكتر الامراض

[**ام البنات **]

سلامتك يا عمري
لا تنسي بوسيلي لنوشة و ديري بالك عليها وعلى حالك
((K)) و اكيد على ابو الشباب الله يخليكم لبعض

[عبير القدس]

صباح الخيريا قمرات

[عبير القدس]

قطفوا الزهرة..
قالت:
من ورائي برعم سوف يثور.
قطعوا البرعم..
قالت:
غيره ينبض في رحم الجذور.
قلعوا الجذر من التربة..
قالت:
إنني من أجل هذا اليوم
خبأت البذور.
كامن ثأري بأعماق الثرى
وغداً سوف يرى كل الورى
كيف تأتي صرخة الميلاد
من صمت القبور.
تبرد الشمس..
ولا تبرد ثارات الزهور!

[وعود الخير]

السلام عليكم
صباح الفل والكلمات العذبة اللي بنسمعها من احلى عبير واحلى قدس
راح اقرأ وارجع

[ام حكم]

صباحكم نرجس وعنبر صباح أحلى من السكر صياح العطر والكادي صباحكم مسك ومبخر

كيفك عبووووورة وكيف للوشhttp://www.lakii.com/vb/images/icons/icon16.gif

[ام حكم]

الله ما أجمل كلماتك يا عبير تسلم ابديك

صباحكم معطر بذكر الله وعووووووووود

[عبير القدس]

هلا و غلا بأحلى وعوووووووووووووووووووووووود

ما عندنا خبز ولا وقود.
ما عندنا ماء.. ولا سدود
ما عندنا لحم.. ولا جلود
ما عندنا نقود
- كيف تعيشون إذن؟!
* نعيش في حب الوطن!

[عبير القدس]

هلا و غلا باحلى ام سعد بالدنيا

أين تعيشون إذن؟
* نعيش خارج الزمن!
الزمن الماضي الذي راح
ولن يعود
والزمن الآتي الذي
ليس له وجود!
- فيم بقاؤكم إذن؟
* بقاؤنا من أجل أن
نعطي التصدي حقنة،
وننعش الصمود
لكي يظلا شوكة
في مقلة الحسود!

[رندوش]

صباح الخير صبايا
كيفكم شو عبير مصبحه مشعوره سلامتك حبيبتي شو
اللي حصل انشعرتي فجأه هههههههههههه

[ام حكم]

تذكرت في هذه اللحظة كلمات محمود درويش عندما قال ...

سجِّل

أنا عربي

سلبتَ كرومَ أجدادي

وأرضاً كنتُ أفلحُها

أنا وجميعُ أولادي

ولم تتركْ لنا.. ولكلِّ أحفادي

سوى هذي الصخورِ..

فهل ستأخذُها

حكومتكمْ.. كما قيلا؟!!

إذن!

سجِّل.. برأسِ الصفحةِ الأولى

أنا لا أكرهُ الناسَ

ولا أسطو على أحدٍ

ولكنّي.. إذا ما جعتُ

آكلُ لحمَ مغتصبي

حذارِ.. حذارِ.. من جوعي

ومن غضبي!!

[ام حكم]

[QUOTE=رندوش
اللي حصل انشعرتي فجأه هههههههههههه[/QUOTE]

صباح الخير رندوش

أصابتني عدوة الانشعار ههههههههههههه

[عبير القدس]

هلا برندوووووووووووووووووووووووووووووووشة
ازيك يا جميل
مش مشعورة و انتي الصادقة بس اندليت على شعر حلو و عجبني قلت خليني انكش مخاتي عليكم من الصبح:)

طول أعوام الخصام
لم نكن نشكو الخصام
لم نكن نعرف طعم الفقد
أو فقد الطعام.
لم يكن يضطرب الأمن من الخوف،
ولا يمشي إلى الخلف الأمام.
كل شيء كان كالساعة يجري
بانتظام:
هاهنا جيش عدو جاهز للاقتحام.
وهنا جيش نظام جاهز للانتقام.
من هنا نسمع إطلاق رصاص..
من هنا نسمع إطلاق كلام.
وعلى اللحنين كنا كل عام
نولم الزاد على روح شهيد
وننام.
**
وعلى غير انتظار
زُوجت صاعقة الصلح
بزلزال الوئام!
فاستنرنا بالظلام.
واغتسلنا بالسُخام.
واحتمينا بالحِمام!
وغدونا بعد أن كنا شهودا،
موضعاً للإتهام.
وغدا جيش العدا يطرحنا أرضاً
لكي يذبحنا جيش النظام!
**
أقبلي، ثانية، أيتها الحرب..
لنحيا في سلام!

[عبير القدس]

تسلميلي يا ام حكم على الشعر اللي بيجنن
):K ):K ):K ):K

[رندوش]

صبايا يا حلوين والله فكعت من الضحك
لو معي حد كان كال اني مجنونه المسكينه اخ يا كلبي وجعني
من الضحك الله يسامحكم
ويسعدكم الله ويخليكم

[وعود الخير]

بنات باخاف فيض القلم لو عرفوا عن المواهب اللي عنا يقتحموا الركن
ما شاء الله عليكم
كل وحدة اشعر من التانية
صح رندوش
وينك وطن .. عم يتغزلوا في الوطن الصبايا

[ام حكم]

كلبي وجعني




سلامت كلبك من الوجع كلب اليهود ان شاءالله :D

يسعدك دنيا وآخرة يا رب

[عبير القدس]

رندوش

على مين بالزبط فكعت ضحك:[MM :[MM :[MM :[MM


وعود حبيبتي
اللي بيسمع بيقول تاليفنا نحنا يا دوب نقلنا:(*): :(*): :(*): :(*):

[رندوش]

عبير فكعت من الضحك على النكت الحلوه وخاصه
المخطوبين

[عبير القدس]

رندووووووووووش
امبارح ام حكم حطتلنا كم نكتة بتجنن



شو مبارح وين كانو ولادك
طلعو مسيرات ولا

[رندوش]

عبير قرأتهم و كلبي كان واجعني على الاولاد بس
كانوا مداومين في المدرسه لانهم مدرسه خاصه ما
بيروحوهم خلاص كبضوا عليهمممممممممم

[عبير القدس]

يسعدلي اللي كبضو و اللي ما انكبضو و كلبك كمان:) :) :) :) :) :) :) :)

[رندوش]

صبايا بستأذن صار لازم اروح
سلامي للجميع نفر نفرررررررررررررررررر

[عبير القدس]

شو رندوش
بكييير
و بعدين لوين رايحة
ليكون عند خواتك:[MM :[MM

[ام حكم]

مع السلامة رندوووش

ديري بالك على كلبك حبيبتي :D

[وعود الخير]

رندوش راحت تزور اخوها.... الغالي.

[عبير القدس]

شو رجع من عمان:[MM

[وعود الخير]

بنات اليوم في اجتماع مصيري
بين لجنة العاملين ومجلس الادارة بعد صلاة الظهر ان شاء الله
ومحسوبتكم طبعا في لجنة العاملين..
انا شو قلت راح اشتري قنبلتين وحزام ناسف
يا في قبضة يا بووووووووووووووووووم
وعلي وعلى أعدائي..

[وعود الخير]

شو رجع من عمان:[MM

ليش اخوها كان في عمان
قبل شوية كنت بادردش معها ما قالت لي ..

[عبير القدس]

ههههههههههههههههه
وعود اوعي هلا بيهجمو عندكم مكافحة الارهاب
و يا ستي الله يجيب اللي فيه خير
وروق يا عسل


كنت بفكر اخوها بعمان عم يدرس شكلو خربطت يمكن ابن اختها و الله شكلي بطلت اجمع
هههههههههههه

[عبير القدس]

ان شا الله يا وعود يكون في قبضة اليوم و حبة مسك كمان

[عبير القدس]

انا اليوم رح اغيب عنكم بحدود ال 3 ساعات
عم نعمل تقيييييييييييييييييييييييييييييييييييييم للمتدربات

[ام حكم]

يعطيك العافية يا وعود وان شاءالله يكون في قيضة اليوم وتنسبطووو حبيبتي

هلأ واحد زميل لي بالعمل عزمنا على خطوبة بنتووو اليوم بالليل عقبال عند اولادكم صبايا

[عبير القدس]

ام الحكم يا قمر عقبال عند ولادك يا رب

[هالة البدر]

بسم الله الرحمن الرحيم ،،،،،


صباح الفل والورد والياسمين .... مشغولة كثير اليوم حبيت أمر أصبح وإنشاء الله لما أفضى برجع ..

[ام حكم]

تسلمي عبورة يا عمري

هالة صباح الوورد يا فمر يعطيك العافية حبيبتي بتحب اساعدك انا اليوم فاضية شغل خفيف

[عبير القدس]

هلا بهلوووووووووووووووووووول
كيفك يا قمر

[وعود الخير]

عقبال ما نبارك لك بتخرج سعد يا ام حكم
وفرحتك بالحلوين...


عبير... اذنك معك يا قمر
انا معكم بساعتين كمان وبعدها..
ما بعرف...

قبضة اليوم والاسبوع الجاي شكله ما في بس لازم تتوضح الامور.. بصراحة هالوضع صار مهزلة.
ويا ستي الرزق على رب العباد.

[وعود الخير]

اهلين هالة
انا اليوم شبه فاضية (نوع من الاضراب)
بتحبي آجي اساعدك شوية.

[هالة البدر]

بسم الله الرحمن الرحيم ،،

يا عيني يا عيني علي .. نيالك يا هالة إذا أم حكم ووعود بدهم يساعدوكي ....

على فكرة وعود شو أخبار طيف وينها ... ما عم بتبين ... طيب ما بتقدر تدخل من البيت على الأقل نطمن عليها ...

[ام حكم]

الله يسلمك يا وعود وعقبال ما تفرحي بتخرج كاتي وتفرحي بأولادك يا رب

هلوول تستاهل يا جميل

على فكرة من حوالي اسبوع طيف بعتت لي مسج حلوووة كتير عالموبايل اذا بتذكري يا وعود

تبعت كلت لحالي بلاش بعزكة مصاري دامها في كلبي ههههه هاي من طيوفة الله يسعدها ضحكتني يومتها

[وعود الخير]

طيف بخير بس مشغولة كتير في عندهم معرض ماخذ كل وقتها
وعلى فكرة يا ام حكم
بعتت لكاتي مسج عن شركة الاتصالات الفلسطينية بس مش فاكراه كويس..

طيف يا هالة اسم الله عليها كتير حليانة ونحفانة .. البنت هالكة حالها في الشغل وان شاء الله بتدخل المنتدى وبنطمن عليها.

[هالة البدر]

بسم الله الرحمن الرحيم ،،،

ما شاء الله عليها .. طيب تحكيلنا سر الحلاوة والضعف :[MM :[MM .... على العموم الحلو بيضل حلو يعني هي أكيد حلوة طيوفه .... إنشاء الله بنفرح فيها قريبا" .....

[ام حكم]

عقبال عندي انحف يا رب

بجد شو نفسي اشوف طيوفة مع اني قلت لها مري علي وانت مروحة من الدوام لكن طنشتني ههههههه

مع انه الكويت زي ما انتو عارفين صغيرة كتير ومش راح ياخذ المشوار منها 10 دقايق بالسيارة

والله يعيطها العافية دام عندهم معرض أكيد بكونوا مشغولين كتييير

ان شاءالله هيك يوم نشوفها وهي قاعدة بالكوشة يا رب ..

[وعود الخير]

يارب.


ام حكم كمان شوية بتقول مع السلامة بس ما عرفنا وين الغدا هالاسبوع

وانا بعد نص ساعة راح أودعكم ..
وام اللذيذات باقي وقت لتدخل
سلام يا احلى صبايا

[ام حكم]

وعود بنتي امبارح بالليل زارتها خالتها وأول يوم بتكون كتير تعبانة ما تقدر تتحرك

وما بحب اتركها لوحدة بالحالة قلت لأبو سعد اليوم في البيت فقام وصى على معجنات مشكلة من كافتيريا الشويخ اذا بتسمعي عنها ملينا من الطبايخ بكرة ان شاءالله ناوي اطبخ صيادية

[**ام البنات **]

صباح الخير يا اغلى الصبايا
اليوم الكل مشغول ما شاء الله عليكم الله يعينكم يا رب

[وعود الخير]

صحتين وعافية
صيادية .. بتعرفي شكلي راح الطش الطبخة منك
بس لو لقيت سمك..

اليوم كسلت وعملت قلاية بندورة وبطاطا مقلية وكان في حمص وقلت لهم بس هذا الغدا واللي مو عاجبه يصوم.
طبعا كنت ناوية اعمل عرايس .. مش اشكال باعملها على العشا.

[وعود الخير]

واخيرا.,.... نورت
طلت ام اللذيذات
كل الهلا يا قمر منور

[**ام البنات **]

ده نورك يا ست الكل كيفك يا غالية

[وعود الخير]

تسلمي يا ذوق

[**ام البنات **]

صحتين و هنا على الكل