©ˆ~*¤®§©]§]..... كلام نواعــم .....لدردشه سيدات المطابخ §]§[©§®¤*~ˆ©

[عبير القدس]

الله يخليكي يا رب
انا امبارح زعلت لين و هلا بدي اروح اراضيها حتى بالليل صحت اكتر من مرة عم تبكي فزعلت من حالي

[ام حكم]

حراااااااام عليكي لسه عمرها سنة وسبعة شهور وبتزعليها بدك دبح يالله وانتي مروحة اشتري لها شى لعبة دبدوب تفرح فيها وراضيها بكم بوسة وحضن الام الحنون اللي ما بتعوض والله يخليلك اياها

[عبير القدس]

المشكلة انها اكلت حبة علكة عند اهلي و طلبت مني بالبيت علكة و ما كنت حاب اعطيها المهم انغلبت على امري و اعطيتها الحبتين اللي كانو بالشنطة بس طول امبارح و هي تدور بالشنتة و تبكي و ما بدها الا العلكة فرحت ضربتها مو ضرب يعني نتشتها نتش
و صحيت تبكي بالليل اكتر من مرة مع انها نامت مبسوطة
فمنشان هيك زعلانة من حالي

[ام حكم]

يختي عليها بدها علكة ههههههه بس اوعى تبلعها المهم الاطفال هما هيك بدك

تطولي بالك عليها بكونوا طول اليوم كويسين ولما ييجي الليل تبتدي المشاكل

والنكد بقعدوا يحلمووووا ويعيطو واحنا اللي بنعاني الله يعين

[**ام البنات **]

عبورة ليش يا عمري زعلتي لنوشتي انا زعلانةمنك لا تضربيها عشان خاطري اذا مرة ثانية قالت علكة اديها علكة نعناع شوي قوية على ذوق الاطفال و اكيد ماراح تطلبها ثاني بس ما تضربيها حرام لساها صغيرة

[**ام البنات **]

عبورة بنتي عندا 3 سنين و 4 شهور و لسة ما عرفت شو يعني ضرب اذا بس قلتلها حضرب بتقولي عيب يا ماما الناس بتبوس الناس ما بتضربهم

[عبير القدس]

ام اللزيزات ما شا الله عليكي و على بناتك و الله يخليكم لبعض
بتعرفي انا ما ضربتها بس لما مسكتها من ايدها شديت بلوزتها
وبنتي كتييييييييييييييييييييييرحساسة
حست بالاهانة فمنشان هيك ضلت تبكي

[عبير القدس]

صباح البرد و الورد على الحلوين
شو الاخبار
عنا الجو بالاردن موت برد
برة الهوا كتيييييييييييييير بارد و ناشف

[رندوش]

http://www.lakii.com/vb/smile/1_11.gif (http://www.lakii.com/vb/uploader/smilies.php)http://www.lakii.com/vb/smile/1_11.gif (http://www.lakii.com/vb/uploader/smilies.php)صباح الخير والشمس اللي مليه الدنيا
شكرا صبايا على السؤال وانا اليوم احسن والحمد
لله http://www.lakii.com/vb/smile/1_11.gif (http://www.lakii.com/vb/uploader/smilies.php)
اليوم الجو كتير حلو شمس ودافي لازمه قعده في الشمس
اتفضلوا صبايا على فنجان قهوه بالشمس

[عبير القدس]

شو فو النشاط
اليوم انا جاية قبل الدوام بساعة

[رندوش]

عبير ليه كده ياقاسي انتي بس امسكتيها
انا مجرد ان اطلع فيها بتبكي بسرعه ليه مش عارفه
كيف لو عليت الصوت شوي شوفي شو يسكتها

[عبير القدس]

رندوش
هيني جاي
صبيلي فنجان
و الله اشتأت لأعدات الشمس

[عبير القدس]

و الله يا رندوش ندمانة بس هي استفزتني كتيييييييييييييييييييييييييييييرq)

[رندوش]

الله يسعدك يا رب شو هالنشاط

[عبير القدس]

رندوش هادا مو نشاط
بس لانو جوزي لازم يكون بشغلو الساعة 8 فبوصلني و بكون بشغلي 7.3 مع انو دوامي 8.3
مرة حاولت اطلع الساعة 8 من البيت ضليت واقفة ساعة للقيت تاكسي
فاطلع مع جوزي احسن و اسرع واوفر كمان:) :) :)

[رندوش]

خلاص انا مستنياك على نار الشمس
زي ما انتي عارفه بيتي ما بيتوه على الطريق http://www.lakii.com/vb/smile/1_11.gif (http://www.lakii.com/vb/uploader/smilies.php)بتلاقي وحده
جالسه في البلكونه بتشرب قهوه على طول فوتي ما تستحييييييييي

[عبير القدس]

يا عمي علبلكونة و قدامك اللاب توب و عم تدردشي مع احلى صبايا و عم تتشمسي مين قدك يا عم

[رندوش]

الله يكون في عونك من 7 صباحا حتى 5 مساء
والله تعب هالشغل يكون في عونك

[رندوش]

لاب توب مين يا عم
انا بوصفلك المنظر بس الكمبيوتر تحت الشباك والشمس عليه
واذا جيتي بنقعد في البلكونها ما يهمك بحطلك شمسيههههههههhttp://www.lakii.com/vb/smile/1_15.gif (http://www.lakii.com/vb/uploader/smilies.php)

[عبير القدس]

رندوش انا عارف
بس تخيلت انك قاعدة بالبلكونة و حاطة اللابتوب على رجليكي و بتدردشي :) :)

[ام حكم]

يسعد صباحكم صبايا

ماشاءالله شوو هالنشاط مو زي بعض الناس مكسلة

رندوش احسب حسابي بفنجان انا كمان

[عبير القدس]

هلا و غلا بام حكم
ازيك النهارده
عامله ايه

[ام حكم]

هلا بالست عبير

انا بخيروالحمدالله بس صاحية مكسلة مش عارفة ليه

وانت ازيك وازاي الامورة لين وابوها

[عبير القدس]

ام الحكم
الحمد لله للوش ما صحيت تبكي بالليل
بس صحيت يمكن 4-5 مرات منشان ترضع
و ابو الشباب الحمد لله تمام امبارح راح يسجل بالجامعة و ناسي ياخد معو شهادة التوجيهي:)

[Green eyes]

صباح الورد لكل الصبايا الحلوين
كيف حالكم ؟

[عبير القدس]

هلا ام العيون الخضر
كيف البرد معك

[وعود الخير]

صباح الفل للصبايا
صباح الورد والعافية يا ام حكم
صباح الدفا والعفا ياام العيون الخضر
صباح النرجس والياسمين يا عبير

[Green eyes]

اهلا عبورة والله برد بس احسن من مبارح
طمنيني كيف لين ان شاء الله بطلت زعلانة ؟ :)

[Green eyes]

الله يسعد صباحك يا احلى قمر وعود :)

[عبير القدس]

وعوووووووووووووووود
حبيبتي
يخليليكي اياكي يا رب
شو هالصباحات الحلوة هاي

[ام حكم]

ام الحكم

و ابو الشباب الحمد لله تمام امبارح راح يسجل بالجامعة و ناسي ياخد معو شهادة التوجيهي:)

ههههههههه ما ينلام اللي ماخذ عقله يتهانبه;)



هلالا ام العيون الخضر يسعد صباحك كيفك وكيف البيبي؟


هلالالالا وغلالالالا بأحلى وردة وعود كيفك وكيف الاولاد وسي السيد

وصباحك ورررررررد

[عبير القدس]

ام العيون الخضر
هلا للوش لازعلانة و لاشي
كل مالو دلعها بيزيد

[وعود الخير]

رندوش... ايمتى الومان يسمح يا جميل
والتقي معاك في ظل النخيل.
شمس وبلكونة وقهوة وصبحية.. يادي النعيم اللي فيه يا رورو ... اللهم لا حسد

[عبير القدس]

ام الحكم
شايفة بالله
امبارح بيقولي يا الله شو الشباب مايصين

[Green eyes]

اهلا حبيبتي ام الحكم الحمدلله والله بس المشكلة بضل نعسانة ما عم يصحلي اشبع نوم
معلش عبورة للوش بطلعلها تدلع :) وهمه هيك البنوتات النعومات

[عبير القدس]

شايفة يا ام اعيون الخضر
جوزي بيضل يقول خليها تتدلع بس لو تشوفي لما ابوها يجنننها بتحكيلو
دادي ...........و بعدين (طبعا مع حركة الايد)

[ام حكم]

هادا انتي زي حالات يا ام العيون الخضر نعسانة على طول ههههه

لكن بحالتك اعتقد بتكون طبيعية لأنه الحامل خاصة بالاشهر الاولى بتكون نعسانة وبتحب النوم صارت معي

عبورة خلي لين تتدلع في عزك وعز ابوها هو في أحلى من دلع البنوتات الله يخليلكم اياها يا رب

[عبير القدس]

ام الحكم
الله يخليكي يا رب


ام العيون الخضر في ناس على الحمل بتحب النوم كتييييييييييييير
يعني عادي لا تخافي

[Green eyes]

تسلمولي يارب ام حكم وعبورة والله عنجد بضل نعسانة ومش نشيطة واللي منكد علي انه يوم السبت الجاي ببلش
دوامي في الماستر وبرجع لهم الدراسة خصوصا انه فصل تخرج وفيه مشروع تخرج وبعدها على طول شامل :(:(
يعني باختصار فصل أشغال شاقة :(:(

[عبير القدس]

ام العيون الخضر
اول اشهر الحمل بيكون الواحد مكسل بس عادة بعد التالت بيرجع نشيط كتيييير
انا تركت الشغل بفترة الوحام و رجعت الشغل مرة تانية بعد الشهر التالت و ضليت مداومة عادي لقبل موعد الولادة بيومين

[رندوش]

اهلا وعود اتفضلي الشمس بتنادي عليك
ام العيون الخضر الله ينجحك يا رب

[Green eyes]

حبيبة قلبي عبورة الله يطمنك طمنتيني انا كنت قلقانة لأنه عندي دراسة وما بينفع اضل كسلانة:)

[Green eyes]

تسلميلي يا رندوش صباحك ورد وفل وياسمين

[عبير القدس]

رندووووووووووووووووووش
بفتح ملف اطباق متجددة لرندوش ما لقيت اشي جديد من فترة
اخر مرة طبقت منو المعكرونة بس مش نفس الطريقة بالزبط(يعني المكونات اختلفت شوي) طبعا جوزي ما بياكل المعكرونة بدون لحمة و لما شا فها كان مرضان و قلي مش مشكلة بحاول اكل لقمتين و صحتين على قلبو تاني يوم اجيت اسخن اللي ضلت ما لقيت شي اتاريه و هو مروح من الشغل الاول و قبل ما يروح على الشغل التاني ميل و اخد باقي المعكرونة و المسا قلي ليش هالأد طابخة عينة بس
قولتلو انو دايما لما اعمل باكيت معكرونة بتحكي كتير شو السيرة
اتاريها بتشهي
يسلمو ايدكي على هالاكلات الزاكية
بس بدنا كمان:) :) :)

[ام حكم]

تسلمولي يارب ام حكم وعبورة والله عنجد بضل نعسانة ومش نشيطة واللي منكد علي انه يوم السبت الجاي ببلش
دوامي في الماستر وبرجع لهم الدراسة خصوصا انه فصل تخرج وفيه مشروع تخرج وبعدها على طول شامل :(:(
يعني باختصار فصل أشغال شاقة :(:(


الله يعينك ويوفقك حبيبتي ام العيون الخضر

[Green eyes]

تسلميلي يا ام الحكم الله يخليكي يارب ويسعدك ويوفق ولادك آمين يارب

[شمس الدجى]

بسم الله الرحمن الرحيم

صباح الفل والورد والبرد ... كيف حالكم اليوم يا صبايا وشو أخباركم...
شو هالنشاط ما شاء الله عليكم من الصبح ...مبارح اندبحت وأنا بحاول أرد عليكم بس الانترنت كان بطيييييييييييء جداً جداً..
طبعاً أنا اليوم جاي على الدوام متأخرة شوي لإني إجيت مع زميلتي بالشغل ساكنه جنبي لإنه زوزي عنده مؤتمر وماخد إجازة 3 أيام عشان المؤتمر فمضطرة أداوم لحالي http://www.lakii.com/vb/smile/4_10.gif من غير شر بس الله ستر لقيت الكهربا مقطوعة بالشغل فهيك أحسن لييييش يا حزركم؟؟ :[MM لإنه عنا نظام ختم بطاقة الدوام فما بين إني متأخرة كيف بالله غير شكل http://www.lakii.com/vb/smile/2_10.gif...

وعود..
كيفك اليوم إن شاء الله بخير...وصباح الفل

عبورة...
هيك بتزعلي للوش حرام عليكي ديري بالك عليها (شوفي مين بحكي آل) محسوبتك بتعصب وبتزعل وحالتها حاله وفي ناس بطبطبوا من وراها يلي هوه زوجي طبعاً..بس والله بحزن على بنوتي لما أزعلها وفعلاً بسير بدي أسوي أي شي وأعطيها أي شي عشان ترضى..

رندوشه...
كيفك اليوم إن شاء الله أحسن .. وياعيني على فنجان القهوة بالهالشمسات الحلوين تتهني حبيبتي..

ام حكم..
كيفك حبيبتي اليوم إن شاء الله بخير..

العيون الخضر..
الله يبعتلك يلي بدك اياه وبتتمنيه يا رب.. وبالنسبة للنعس عادي جداً أنا هيك كنت خصوصاً بالأشهر الأخيرة يعني مرة نمت يمكن من الساعة 7.00 المسا للساعة 9.00 الصبح وعمرها ما صارت معي بحياتي يعني ما بعرف أنام زيادة شوي...

بحكي كتير صح وجعتلكم راسكم...:ss:

[عبير القدس]

صباح البرد و الورد يا شموسة
شايفة البنوتات أديش بغلبو بس بيجننو و بتاكلو أكل:) :) :)

[Green eyes]

صباح العسل يا شموس يا عسل :)

[هالة البدر]

بسم الله الرحمن الرحيم ،،


صباحكم فل وورد وياسمين وعنبر .... ما شاء الله متجمعين عند النبي ....

رندوشه هيني جاي .. فنجان قهوة .... معلش بدي أغلبكم إعمليلي طنجرة قهوة محسوبتك مدمنة عليها ....

وعود خبرينا شو صار مع أناغيم امبارح ,,،،

عبورة حبيبتي عادي تزعلي للوش ... بتعرفي مرات بنرفزو الواحد ويخلوه غصب عنه يعصب عليهم .. مثل ما صار معي امبارح وحسيت بتأنيب الضمير وما عرفت أنام .....:[]L :[]L

أم حكم كيفك حبيبتي .. على فكرة بدي أقلك أنا وشموسه خوات وبعدين كيف الجو عندكم .. أصله أهلي عندكم في زيارة وطولو كثير وكان لازم ييجوا الجمعة الماضي وأختي مسكت فيهم للجمعة أو السبت الجاي ... على فكرة بدي أسألك شو طبيعة شغلك ......

أم البنات ... يا أم البنات ..... بتقوليلي أنا مس شيف ... إذن إنتي شو تطلعي يا حبيبتي .. بتحطيني في جيبت الصغيرة .. ما شاء الله عليكي يا معدلة ...

عرنوش حبيبتي شو أخبارك .. وكيف الحمل معك ...

العيون الخضراء ... كيفك حبيبتي وكيف الحمل كمان معك ... شوفي يا ستي أول 3 أشهر أصعب شي بيبن فيهم كل الوحام والتعب وبعد هيك الحمد لله بيخف كثير ...

[عبير القدس]

هلوووووووووووووول
من زمان القمر ما بان
وين هالغيبة
شايفة الصغار عنجد بزعلو و بحزنو بنفس الوقت

[عبير القدس]

شو هلول
عملتي معجنات عرنوش و لا بعدك

[**ام البنات **]

السلام عليكم ورحمة الله وبركاته

صباحكم وررررد يا احلى وردات المنتدى

[عبير القدس]

صباح الورد لاحلى ام لزيزات بالعالم

[**ام البنات **]

كيفك عبورة وكيفها لنوشة

[**ام البنات **]

رورو اذا فيها قهوة وبلكونة و شمس اعملي حسابي يا عسل لان هنا برررررررد

[شمس الدجى]

بسم الله الرحمن الرحيم

أهله وسهله بام البنوتات اللزيزات ...
صباح الفل حبيبتي .. كيف بنوتاتك الحلوين إن شاء الله بخير...

عبورة..
شايفه الأطفال فعلاً بغلبوا بس والله الواحد ما بقدر يعيش بدونهم يعني أنا ما بسدق أوصل على البيت عشان أشوف بنتي ولما أنزل على السوق بكون بدي أشتري لإلي بتلاقيني شاريه نص السوق لإلها..

[عبير القدس]

ام اللزيزات
الحمد لله انا و للوش بخير
كيف اللزيزات و ابوهم


شموسة
انتي زي حالاتي بكون رايحة اشتري اشي الي و بروح كلو للوش

خصوصا البنات الام و الاب بحبو يجيبولهم كل شي و بحبو يدللوهم سبحان الله البنات بخلو الكل يحبهم

[**ام البنات **]

عبوورة تعرفي جربت بسبوسة سنوايت وطلعت رهيييبة بس خربت الريجيم لاني ما قدرت اقاوم

[هالة البدر]

بسم الله الرحمن الرحيم ،

على فكرة يا بنات صارلي ساعة بحاول أدخل رد وبيعلق معي .....

والله يا عبورة امبارح ما فضيت اليوم بإذن الله تعالى .....



صبايا بدي منكم خدمة ....... بدي أعرف طريقة مربى النارينج ... وكيف بقدر أفرزن عصير البرتقال ....... لو سمحوتو.....

[عبير القدس]

ام اللزيزات
نزليلنا الطريقة و الصور
لانو من ايديكي كل شي بيطلع بيجنن :) :) :)

[**ام البنات **]

شموسة الحمد لله حبيبتي

و الله معك حق بس قولي بنشري السوق كله هههه الله يخليلك بنتك يا رب و تفرحي بيها

[عبير القدس]

و الله يا هلول ما بعرف :confused: :confused: :confused:

[**ام البنات **]

هلول بالنسبة لعصير انا بعصر البرتقال وبعمله فكبيات من بلاستيك و بفرزنه و لما احتاجه اطلعه و الحامض افرزنه في لوحة الثلج المربعات الصغيرة و لما احتاجه اطلع مربع صغير بس و بكده بيحتفظ بنكهته بس عمري ما عملت مربى النارينج

[Green eyes]

صباح الورد حبيبتي هاله الحمدلله اموري تمام انتي كيفك وشوأخبارك؟

[وعود الخير]

ما شاء الله كل هذا حكي..
انا هيك ضعت ..
كملوا دردشتكم وباطل عليكم مرة تانية

[**ام البنات **]

الفراولة كمان بطحنهافي الخلاط و بحط كميات صغيرة في الكبيات و كل ام تعوزي عصير التوت ما عليكي الا تطلع كباية وحدة و تحطي عليها حليب او عصير برتفال و سكر في الخلاط و بتطلع شهية

[ام حكم]

هلالا شمس الدجي يسعدلي صباحك ويعطيك العافية وانا بخير دامك بخير

هلالالا هالة البدر يسعدلي صباحك الجو بالكويت بجننن وخرج طلعات البر عشان هيك أهلك عجبتهم القعدة وبعدين دام عندكم بالاردن برد خليهم شوي عند أختك اللي بالكويت ..
انا يا عمري مديرة مكتب مدير عام الشركة كل شغلي إداري بس الحمدالله مرتاحة كتير بشغلي وما في هالضغط
والله يخليكو لبعض انت واختك االامورة شمس ويرجعلك أهلك بالسلامة
وبجد اذا احتجت أي شىء من الكويت لا تستحي اعتبريني زي أختك الكبيرة وراح ادور لك على اللي طلبتيه من عيوني

ام البنوتات يسعد صباحك كيفك وكيف اموراتك الحلووات ..

[**ام البنات **]

اهلين يا عسل كيفك ام العيون الخضر
وعووود لا تغيبي احن بنشتاق يا قمر

[Green eyes]

صباح الخيرات يا ام البنات :)

[**ام البنات **]

ام الحكم حبيبة قلبي انت
الحمد لله احنا بخير كيفك انت يا ست الكل الله يعينك و يسهل كل امورك يا رب

[Green eyes]

ام البنات مشتاقة يا حياتي كيف بنوتاتك؟

[**ام البنات **]

الحمد الله حبيبتي
تشتاقلك العافية يا قلبي
كيفك انت مع الحمل والعمل الله يعينك يا رب

[Green eyes]

والله يا ام البنات الحمدلله الامور ماشية بس اكيد في تعب وارهاق خصوصا قرب دوامي في الدراسة :(

[عبير القدس]

ام اللزيزات
وين رابط البسبوسة
ان شا الله بدي اعملها لبيت حماي

[**ام البنات **]

تفضلي الرابط يا عسل
http://www.lakii.com/vb/showthread.php?t=176872

[شمس الدجى]

بسم الله الرحمن الرحيم

تسلمي يا ام البنوتات اللزيزات ويخليلك بنوتاتك الحلوين يا رب...

هلول..
شو بدك تسوي مربى يا عيني يا عيني....ما شاء الله عليكي أنشط مني أنا بخاف أسوي أشياء زاكية عشان ما أقضي عليها بتعرفي بخاف على كسماتي آل يعني (حجة بحاجه) ولو إني أسكتي زايدة يمكن 2 كيلو ماخده راحتي كتير لازم أنزلهم بأسرع وقت ممكن...

[**ام البنات **]

صحتين و هنا مسبقا

[عبير القدس]

ام اللزيزات تسلميلي يا رب


شموسة يا عيني عالكسمات ديري بالك على كسماتك
شو أديش الطول و الوزن و انا بقولك ازا لازم تنزلي او تزيديييييييييييييييييييييييييي كم كيلو:[MM

[Green eyes]

عبورة أنا بدي أجاوبك انا طولي 165 ووزني قبل الحمل 54 بس هلأ صار 57 :( وخايفة انصح :(

[عبير القدس]

ام العيون الخضر
ازا وصلتك رح اكلك
شو هادا عنا مانيكان و احنا مو عارفين
ما تخافي كسماتك بيضلو حلوين


انا طولي 170 ووزني قبل الحمل كان 68 و قبل الولادة صار 72

[**ام البنات **]

ام العيون لا تزعلي انا كنت زيك قبل الحمل بنتي الاولى كان وزني 54 و زدت 12 كيلو و انا حامل و صار وزني 66 عملت ريجيم اول ما ولدت و نقصت تقريبا 7كيلو و لما حبلت ثاني مرة زدت 10كيلو ونقصت كمان بعد شوية ريجيم يس الان اظن اني 61 و مش عارفة انزلها

[ام حكم]

هلوووووووووول

لقيت لكِ طريقة عمل مربى النارينج

طبعا النارينج هو نوع من أنواع الحمضيات ...كالبرتقال و الليمون و الأفندي
و الجريب فروت و ما شابه ذلك ..

تجمع قشور النارينج بقدر معين .
تغسل جيدا و تصفى .
توضع في قدر متوسط مملوء بالماء إلى نصفه تقريبا .
تترك على نار فترة من الزمن حتى ينضج النارنج نوعا ما .
يضاف إيه السكر و الهيل و الزعفران لتعديل النكهة .
يترك مرة أخرى على نار هادئة مع تغطية غطاء القدر بفوطة مبللة .
ننتظر حتى يكون الطعم مقبولا و جيدا .
ثم تترك المربى حتى تبرد ثم تعبأ في حافظات بلاستيكية للمربيات .

طريقة ثانية :-

المقادير

6 حبات نارينج كبيرة

1 كيلو سكر

2 كأس ماء

¼ كأس عصير نارنج

½ ملعقة صغيرة حمض الليمون.

طريقة العمل

يغسل النارينج، ويبشر (يكحت) القشر الأصفر الخارجي وينقع في الماء مدة (12-24) ساعة مع تغيير الماء عدة مرات.

أو يبشر القشر الخارجي ويقطع قطعاً صغيرة أو متوسطة الحجم (حسب الرغبة). ويزال اللب منها وتنقع في الماء مدة (12-24) ساعة مع تغيير الماء عدة مرات.

يوضع القشر في قدر نظيف ويغمر بالماء ويترك على النار حتى ينضج ثم يصفى من الماء، ويستعمل في عمل المربى.

يوجد طريقتان لعمل هذا النوع من المربى

الطريقة الثانية:-

1- يصفى العصير ويخلط بالقشر المقطع قطعاً صغيرة ويكال بالكأس ويؤخذ ما يعادله من السكر ويترك على نار هادئة مع التقليب حتى يذوب السكر ويغلي.

2- يضاف إليه حمض الليمون ويترك مدة (15-20) دقيقة، عندما ينضج يرفع من على النار وتهدأ حرارته ثم يعبأ ببرطمان معقم ويغطى ويحفظ.

الطريقة االثالثة :-

يغلى الشراب السكري (الشيرة) ويضاف إليه قطعة صغيرة من الشَّبة بعد سحقها جيداً ويلاحظ رفع الزبد كلما ظهر.

تضاف قطع النارينج وتترك على نار هادئة مدة (10-15) دقيقة.

يضاف حمض الليمون وعصير النارينج ويترك على النار مدة (15-20) دقيقة.

عندما ينضج يعبأ ببرطمان معقم (بعد أن تهدأ حرارته) ويغطى ويحفظ.

[Green eyes]

عبورة يعني ما أخاف؟ يعني إنتي زدتي بحملك بس 4 كيلو؟؟ والله خايفة أزيد ومش حابة يخرب كسمي والمشكلة زوجي بضل يطعميني حتى وانا شبعانة وبيزعل ازا ما أكلت واليوم حكتلو انا بعد الولادة حعمل رجيم لو شو ما سويت لأنه انا قبل الزواج اصلا كان وزني 50 وازا زدت كيلو كنت ينسم بدني
ام البنات خوفتيني يا عمري:(

[**ام البنات **]

لا تخافي:) الست بالحمل بيزيد وزنها ما بين 9 و 15 كلغ و مش عارفة عبورة ودت الباقي فين:[MM

[هالة البدر]

بسم الله الرحمن الرحيم ،،،

أم الحكم والله مش عارفة شو بدي أقلك .... شكرا" كثير كثير غلبتك معي ...

على فكرة لسه بتطلعو البر والا لأ ... لأنه بعرف البر هلأ صار كله خيم على آخر طرز وأفخم عفش ..... زوجي عمته متزوجة كويتي من زمـــــــــــــــــــــــــــان من أيام الغوص ... وهم كانوا ساكنين معهم ... فكثير من اخبارهم بتوصل لعنا وعلى فكرة بيت حماي زيارة عندكم كمان ... إنشاء الله يمكن ناوييين ننزل أنا وزوجي لكن مش عارفين إمتى .. الله يسهل ....

[هالة البدر]

بسم الله الرحمن الرحيم ،،

أم البنات ما شاء الله عليكي ... شهيتيني الفراوله .... الليمون نفس الشيء بحطه في معكبات الثلج وبحفظه ... خلاص نحفظ البرتقال كمان مثله ...

على فكرة البسبوسه فيها كثير بيض ... بالنسبة لي بعملها بطريقتين ولا واحدة فيها بيض وتطلع يممممممممم .. وما بحب البيض كثير في الحلويات مثل الكيك أحط 2 بيضة وتطلع الكيكة احلى من أحلى كيكة إسفنجية حتى إسألوا شموسه ...

لكن مشكلتي ما عندي كاميرا ... لو عندي كاميرا كان كل يوم شفتوا عجائب وغرائب ....

[هالة البدر]

بسم الله الرحمن الرحيم ،،

على فكرة يا أم العيون الخضر .... راح أصير أقلك خضورة أسهل وأسرع ... بتعرفي كل واحدة جسمها غير عن الثانية سبحان الله ... بالنسبة لي كنت في حملي جسمي يضعف كثير والبيبي ياخد كل الوزن .. وكان أكلي ضعيف وأضطر يولدوني في آخر الثامن لأنه البيبي يكون وزنه كبر كثير ... وأولد من هون وأطلع من غرفة العمليات أرجع وزني أقل من قبل لأحمل ... والكل يتعجب مني ... واظل محافظة على وزني ....

لكن بدي أقلك سر .......... المنتدى يا بنات والوصفات الشهية والمعجنات والحلويات والمقبلات ... جابت أجلي ... خلتني أصير مثل الدبة أو الفيل .. والله العظيم إني نصحانه من تحت راس الأشياء الطيبة إللي بتعمولها وأنا كل يوم أطبق شي جديد .... حتى زوجي صار يعملكم دعاية ............

الله يصبرني وأمسك حالي وأرجع أضعف ...........

[ام حكم]

العفو هلووول ولو احنا بالخدمة

والبر اللي بتحكي عنه مزبوط حبيبتي بتكون على شكل مخيمات كشخة وآخر طراز بس في مناطق محددة أما برنا احنا اذا بتعرفي بر مشرف بكون كله عائلات فلسطينية وجنسيات مختلفة بس كله عرب

وبجد بتنوروا الكويت انتو وبيت حماك وبلكي شفناك يا جميييييل بتكون أحلا فرصة

[هالة البدر]

بسم الله الرحمن الرحيم ،،

بنات بدي أسألكم شو اخباركم مع الدجاج ... عما تجيبوا دجاج والا لأ (انفلونزا الطيور) ... امبارح حضرت برنامج خلاني أموت من الخوف ... خوف يصير المرض وباء وينتشر ... الله يستر ..

على سيرة الدجاج .. اليوم طابخة مرق بطاطا ودجاج مشوي بالفرن ورز أبيض بالشعيرية ...

[هالة البدر]

بسم الله الرحمن الرحيم ،،

أم الحكم بدي أسألك لسه النوادي زي ما هي والا تغيرت .... على فكرة أنا مو حابه أروح هناك ... بيقولو إنها تغيرت كثير .. وأنا حابه تضل صورة بيتنا هناك والحارة مثل ما هي في فكري ... خايفه أروح وأنصدم وألاقي كل شي تغير ... أما زوجي بيقولي إذا رحت هناك ما حرجع ... بقله ok خليك هناك وأنا برجع ...

[**ام البنات **]

صحتين و هنا هلول
اناعاملة لوبياء اتفضلوا

[ام حكم]

نوادي شوو قصدك حبيتي البحرية ؟؟ بدك الصراحة الكويت تغيرت كتييييييييييييير صار أغلبية السكان هنود وينغلاديش ومش عارفة شووو عزاب وصعايدة بجد وييييييين أيام زماااااااااان

يعني اذا رحتي على بيتك وحارتكم راح تلاقيها مدينة بومبي ولا سوهاج :D

زوجك بنظر الها من الناحية الاقتصادية والعمل بدك الصراحة بتظل أحسن من الاردن بالنسبة للمعاشات وربك يسهل ان شاء الله

[هالة البدر]

بسم الله الرحمن الرحيم ،،

والله يا أم حكم .. زوجي بحكي هيك من العاطفة وما أظن إنه نقدر نرجع نعيش هناك ... سدقيني بيكفي إنه الواحد هون بيحس حاله ببلده وبين أهله هاي عندي بتسوى الدنيا والفلوس كلها .. وبعدين كثير بسمع من أختي وأخت زوجي إنه الحياة الإجتماعية هناك صارت معدومة لأنه أغلب الناس أو العائلات تشتتت وصارت الحياة أصعب من أول بالنسبة للإيجارات والمدارس ...........

بالنسبة إلي بيكفي الجو ... وأن صرت أحب البرد وما أطيق الشوب ولا الرطوبة أبدا" أبدا" ...

[هالة البدر]

بسم الله الرحمن الرحيم ،،

يزيد فضلك يا أم البنات ..... صحتين وعافية ...

[وعود الخير]

احم احم .. نحن هنا
شو اعمل الشغل مش راضي يخلص ..
زهقت بجد.....
نفسي افضل معكم.

[**ام البنات **]

وعود و احن كمان ما بنستغنى عنك يا ست الكل

[ام حكم]

بسم الله الرحمن الرحيم ،،

والله يا أم حكم .. زوجي بحكي هيك من العاطفة وما أظن إنه نقدر نرجع نعيش هناك ... سدقيني بيكفي إنه الواحد هون بيحس حاله ببلده وبين أهله هاي عندي بتسوى الدنيا والفلوس كلها .. وبعدين كثير بسمع من أختي وأخت زوجي إنه الحياة الإجتماعية هناك صارت معدومة لأنه أغلب الناس أو العائلات تشتتت وصارت الحياة أصعب من أول بالنسبة للإيجارات والمدارس ...........

بالنسبة إلي بيكفي الجو ... وأن صرت أحب البرد وما أطيق الشوب ولا الرطوبة أبدا" أبدا" ...


آآآه يا هالة جيتي عالجرح سلامتك هايني عايشة لوحدى طبعا زوجي واولادي بالدنيا كلها بس لا اخت لا اخوو لا خالة ولا عمة الله كريم شو نسوي مضطرين نعيش بالكويت ورانا حمل كبير زوجي مسئول عن اهله ووزي ما قلتي كل شىء غالي يعني بدك تعيشي بالكويت ما في توفير كله رايح

طالعة الان استأذن

مع السلامة صبايا

[وعود الخير]

آه يا ام البنات كيفك وشو اخبارك
نوغة طلبت مني اشتري لها مربى علشان تعمل المافن وكمان بدها كب كيك
بس للاسف لغاية الآن مش محصلة قوالب كب كيك في غزة.

[**ام البنات **]

حبيبتي مو لا زم يكون عندك قوالب ادا عندك كبايات تستحمل لحرارة و حجمها صغير مكن تعمل فيها العجين بعد ما تدهنيها زبدة و ترشيها بشوية دقيق

[عبير القدس]

شو هادا مجتمعين من وراي
شو هالخيانة



لا عم بمزح


و الله لمتكم بتفتح النفس

وعود حبيبتي شو صار بالمعجنات اللي عملتها نغومة
ام اللزيزات افكارك بتجنن زيك
هالة مسترسلة من وراي

[**ام البنات **]

مضطرة اسيبكم يا بنات
رايحة اعمل خلية نحل غير شكل بحشوة نوتيلا اممم كثير لذيذة
ادا الله راد اصورها و احطها بركن المعجنات

[عبير القدس]

ام االلزيزات
عم نستنى
http://www.lakii.com/vb/smile/6_23.gif (http://www.lakii.com/vb/uploader/smilies.php)

[هالة البدر]

بسم الله الرحمن الرحيم ،،

الصراحة يا بنات إنه مربى المارينج لواحدة زميلتي في الشغل .. أعطيتها الطريقة وبدها طريقته لما بنعمل مربى وبتظل الحبة مثل ما هي كاملة وعند التقديم بنرش عليه سكر ناعم ... إللي بتقدر تساعدني بتكون مشكورة إنها محتاسة وبدها الطريقة ....


عبورة إسمي اليوم شوي فاضيه ... حبيت أكون معكم اكثر ... وأزهقكم .

وعود الله يعطيكي العافية ...

أم البنات ما شاء الله خلية نحل .. طيب ابعتيلنا شوي ..

[عبير القدس]

صبايا شوفو ما أروع حديث النبي عليه الصلاة و السلام

قال رسول الله صلى الله عليه وآله وسلم:

الحمد لله الذي تواضع لعظمته كلُّ شيء، الحمد لله الذي استسلم لقدرته كلُّ شيء، الحمد لله الذي ذلَّ لعزَّته كلُّ شيء، الحمد لله الذي خضع لملكه كلُّ شيء

من قال هذا الدعاء مرة واحدة، تكتب له 1000حسنة ويرفع به 1000 درجة، ويوكل الله له 70000 ملك يستغفرون له إلى يوم القيامة.
من يسمع هذا الدعاء يعلمه لغيره ……والدال على الخير كفاعله

[هالة البدر]

بسم الله الرحمن الرحيم ،،

آآآآآآآآآآآآآآآآآآآآآآآآآآآآآآخ .... دخت قد ما شفت وصفات حلوة من معجنات لحلويات ....... إلخ .. وكل واحدة بصير بدي أعملها .... ومرات بتصير بدخل المطبخ بعمل صنفين أو ثلاثة مع بعض .... ومرات بتصيبني حالة عكسية ... ما بدخل المطبخ أبدا" ... لكن اليوم متشجعة كثير ونفسي مفتوحة (ما أنا على طول نفسي مفتوحة) ...

[هالة البدر]

بسم الله الرحمن الرحيم ،،


..................عليه أفضل الصلاة والسلام ...............

[وعود الخير]

اوووف المنتدى صاير صعبوكل شوية بيفصلعلى كل انا سمعت ان كان في في البيت معجنات بس ما شفت تأخرت في الشغل وعلى ما وصلت كان التتار قاضي على كل شيء بس كانوا عم بيقولوا انهم طيبين ونوغة ما قدرت تدخل اليوم علشان طلبت منها تعزل المطبخ وتعيد نظام غرفتها علشان نعمل مكان لوعود الصغيرة تلعب بدل ما تكركب الصالة بألعابها.

[عبير القدس]

هلوووووووول
ما قلتيلي بخصوص الجاج و البيض و انفلونزا الطيور:[MM

[عبير القدس]

وعود حبيبتي فرخ البط عوام يعني نغومة معلمة متل امها
الله يخليكو لبعض و يعطيكو ليرضيكو و يفرحكو يا رب

[وعود الخير]

شوفي طالما ما في اعلان رسمي اشتري وتوكلي على الله
اليوم بدي اشتري دجاج وبيض .. ويا ستي اللي ما مات من اليهود بيموت من دجاجة. هههه

[عبير القدس]

ههههههههههه
و الله يا وعود ضحكتيني من كل قلبي


و انا كمان لهلا ما قاطعت لا البيض و لا الجاج

[وعود الخير]

هالة ما راح اصدق لاشوف بعيني
لازم تعمل المعجنات قدامي علشان اطمأن
بنتي وباعرفها خيبة في المطبخ
لو سألتيها شو بتكرهي بتقول لك الطبيخ.
بس من يوم اشتركت في المنتدى يعني في تقدم عم تعمل حلويات صحيح محروقة بس اسمها حلويات
صار عنا رندوش متخصصة في الكفتة المحروقة وأناغيم تخصص بسكويت محروق.

[وعود الخير]

يا ستي .. انا الدجاج عندي بيتصدر اغلب الطبخات اولادي ما بحبوا اللحوم اغلب الوجبات دجاج او حبش .. اللحوم نادرة جدا عندي يعني في المحاشي او القدرة
والمنسف واللبن امه .. والهمبورجر طبعا
يا خبر صارت القائمة طويلة ..

[عبير القدس]

هههههههههههههه
بسكويت محروق بسيطة بس الكفتة المحروقة :[MM هاي هي المشكلة ومو من مبتدئ من شيف درجة ممتازة
وينك يا رندوش

بعدين حرام يا وعود تظلمي اناغيم
هلا ما دام اكلو المعجنات اكيد طيبين :) :) :)

[عبير القدس]

وين الصبايا راحو:[MM
وقت البريك
يعني غدا
يعني اكل
النتيجة زيادة وزن:(*): :(*): :(*):

[Green eyes]

عبورة انا موجودة :)

[عبير القدس]

ام العيون الخضر
النت كتيييييييييييييييييييييير بطيء

[عبير القدس]

صبايا
امبارح طبخت صينية باميا لليوم و بكرة ان شا الله و عملت سلطة ملفوف(احمر و اخضر) و شوربة بروكلي
بس حيرانة من هلا شو بدي اطبخ لبعد بكرة:[MM

و اللي جاي على بالها بامية(بلحمة خروف)تتفضل

[Green eyes]

اة والله كتيير كتيير جنني

[Green eyes]

م اروح سلام حبيبتي بشوفك بكرة
سلام لكل الصبايا الحلوين

[عبير القدس]

مع السلامة يا قمر و ديري بالك من الزحاليق
((K)) ((K)) ((K)) ((K))

[عبير القدس]

الفلسطينية عندنا يا مرحبا يا مرحبا
كيف الصحة
طمنينا على حالك
ان شا الله كويسة

[عبير القدس]

ام الحكم وينك
لهلا ما رجعتي
بدنا نسال شو تغديتي:[MM

[ام حكم]

مساء الخير عبير شوف لوحدك

الصبايا روحوا

[عبير القدس]

ام اللزيزات
بنستنى في الاكلات الزاكيات
شو صار بخلية النحل اللي بالنوتيلا

[ام حكم]

هلا عبير

تغذيت زي غداكم اليوم صينية باميا بلحمة خروف وكنت مسوية فتوش من امبارح جهزته ولما رجعت البيت قليت الخبز

[عبير القدس]

صحتين وعافية ام الحكم
هادا مش بس القلوب عند بعضها كمان العقول و البطون:) :) :) :) :)

[ام حكم]

ههههههههه ايوه القلوب والبطون الله يديمها محبة :):)

خلصنا من هم اليوم تنشوف شو طبخة بكرة محتارة

[بنت ارض الحضارات]

السلام عليكم ورحمة الله وبركاته

مساء الخير بنوتات النواعم ارجو الله ان تكن بالف خير وعفو وعافية ولامة المسلمين بالمثل..

ما شاء الله تبارك الله بالكاد استطعت ان اقرأ الذي فاتني جعلكن الله ممن يجتمعن على حبه وطاعته في الدنيا والاخرة ولامة المسلمين بالمثل..

قطوط نامت الان والجو بارد وممطر والريح سريعة لذلك انتهز الفرصة لاذهب للتسوق من السوق القريب..

هنيئا مريئا الغداء والعشاء والحلو يا قمرات..

هالة عبورة العيون الخضر ام الحكم شموسة وعود الخير والبركة وكل البنوتات احبكن جميعا في الله وارجو الله ان يجمعنا في جنان خلده ومستقر رحمته ولامة المسلمين بالمثل انه القادر على ذلك قدير..

لي عودة ان شاء الله...
ادعو لاهلنا في العراق وللمسلمين في كل مكان...

[عبير القدس]

ام حكم حبيبتي
انا الحمد لله صينية الباميا لليوم ونص بكرة:confused:

[عبير القدس]

هلا بنوتة
شو اخبارك
الله يعينك هلا الجو برد و مطر و ريح و بدك تطلعي تتسوقي
بعين الله
مين بتتركي عند قطوط لما تطلعي من البيت

[ام حكم]

السلام عليكم ورحمة الله وبركاته

هالة عبورة العيون الخضر ام الحكم شموسة وعود الخير والبركة وكل البنوتات احبكن جميعا في الله وارجو الله ان يجمعنا في جنان خلده ومستقر رحمته ولامة المسلمين بالمثل انه القادر على ذلك قدير..

لي عودة ان شاء الله...
ادعو لاهلنا في العراق وللمسلمين في كل مكان...


آميييييين

حبيبتي بنت الحضارات أحبك الله الذي أحببتينا فيه ويعلم ربي كم أحببتك فيه

والله يخليلك قطقوط وديري بالك من البرد والريح تتدفي كويس والله يحفظك ويرعاكي

[بنت ارض الحضارات]

السلام عليكم ورحمة الله وبركاته

اهلا عبورة الله المستعان..
اتركها نائمة واستعين الله على تركها وحدها فانت تعلمين نحن هنا في الغربة ليس من جار او اهل تستعينين بهم والله خير وابقى والحمد لله رب العالمين..

لي عودة ان شاء الله بعد ان اعود من السوق اذا شاء الله لي السلامة..
ادعو لاهلنا في العراق وللمسلمين في كل مكان...

[ام حكم]

ام حكم حبيبتي
انا الحمد لله صينية الباميا لليوم ونص بكرة:confused:

ظل عندي تقريبا صحن باميا وبصراحة مو جاي على بالي اليوم أطبخ لأنه ورايا مشوار بالليل وبفكر اديها شوربة عدس وفيليه دجاج بجهزه بالليل وبكون جاهز للقلي لما ارجع البيت مع سلطة وخلالالاص

[**ام البنات **]

عبوورة العجينة تختمر

ام حكم صحتين و هنا ان شاء الله

بنوتة الك وحشة كبيرة وين بتغيبي و كيفها قطقوطة

[ام حكم]

على قلبك حبيبتي ام البنات يسعد مساكي

[**ام البنات **]

انا كنت زيك بنوتة لما كانت بنتي صغيرة ادا عاوزة اروح السوق كنت استنى بنتي تنام و اترك امامها المصحف الكريم و ربنا هو الحفيظ الستار و كنت ارجع و هي لسه نايمة الحمد لله

[عبير القدس]

بنوتة الله يحفظ بنتك و يحميلك ياها يا رب

ام اللزيزات عم نستنى

ام الحكم و الله الطبخ اسهل:) :) كلو غلبة و تعب بس بهون لما الكل ياكل و ينبسط

[عبير القدس]

صبايا
انا تاخرت بالرد مو منشان شي بس كل ما بدي اضيف شي الموقع بيفصل ما بعرف شو مال الموقع:[MM :[MM

[**ام البنات **]

الله يخليكي يا عمري و يحفظلك لنوش يا رب

بالنسبة لخلية ما بق الا شوي وابعثها للفرن بكرة الصبح ان شاء الله طلي عل ركن المعجنات

[عبير القدس]

ام اللزيزات ان شا الله بكرة من اول ما اجي رح ادخل اركن المعجنات اكيد رهيب و لزيز متلك

[عبير القدس]

ان شا الله كمان ربع ساعة او اكتر شوي مروحة:)

[عبير القدس]

صبايا
ان شا الله بكرة بدي اشوف الجهاز
مش عارف شو مالو
الخلل منو و لا من الموقع

[**ام البنات **]

عبورة ديري بالك على حالك يا عمري ما بعرف المنتدى ليييه بطيء و بيفصل

ملتقانا غدا ان شاء الله

[عبير القدس]

عنجد المنتدى اليوم عل قلبي من كتر ما فصل

[ام حكم]

أَصْـبَحْنا وَأَصْـبَحَ المُـلْكُ لله وَالحَمدُ لله ،
لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد،
وهُوَ على كلّ شَيءٍ قدير ،
رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ،
وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه،
رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ،
رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.

[عبير القدس]

أَصْـبَحْنا وَأَصْـبَحَ المُـلْكُ لله وَالحَمدُ لله ،
لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد،
وهُوَ على كلّ شَيءٍ قدير ،
رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ،
وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه،
رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ،
رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.


اللهم أمين

[عبير القدس]

صباح الخير على الحلوين
شو اخباركم يا حلوات حلوة حلوة
رايحة مشوار على ركن المعجنات و راجعة على طول

[ام حكم]

صباح النور عبير

كيفك حبيبتي وكيف لين الامورة وان شاءالله ما تكون غلبتك اليوم:)

[وعود الخير]

أَصْـبَحْنا وَأَصْـبَحَ المُـلْكُ لله وَالحَمدُ لله ،
لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد،
وهُوَ على كلّ شَيءٍ قدير ،
رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ،
وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه،
رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ،
رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر
تسلمي يا ام حكم

صباح الورد يا صبايا

[وعود الخير]

إلى المعجنات مع عدم التطبيق لدواعي أمنية

[عبير القدس]

صباح الخير يا احلى ام حكم
و صباح الورد يا معلمتي وعوووووود

رحت زيارة خاطفة للمعجنات لاشوف خلية النحل لام اللزيزات
و ما شا الله عليها بتجنن و شكلها لزيز يا عمي ما بيطلع من ام اللزيزات الا كل لزيز((K)) ((K)) ((K)) ((K))

[رندوش]

صباح الخير والخيرا ت
صباح احلى دعاء من اعز اخت شكرا ام حكم على الدعاء
كيفك عبير ووعود شو الاخبار
لي عوده بس اقرأ ما فاتني

[عبير القدس]

صباح الورد يا احلى رندوش اقراي اللي فاتك بتمعن :[MM :[MM :[MM

[طيـــف]

صـــــــــ

[طيـــف]

صــــــــــــــــــــــــــــــــــــــ

[طيـــف]

صبــــــــــــــــــــــــــــــــــــــــــــــــ ـ

[طيـــف]

صبـــــــــــــــــــــــــــــــــــــــــــ ـــا

[طيـــف]

صبـــــــــــــــــــــــــــــــــاح

[طيـــف]

صبــــــــــــــــــاح الخير
وصبــــــــــــــاح الورد
وصبــــــــــــاح الرضا
وصبــــــــــاح الهنا
وصباح الصبــــــــــــاح

ع عيون احلى واغلي اخوات

:)اشتقت لكم موووووووووووووووووووووووووت
اشتقتو لي؟

[Green eyes]

صباح الورد والفل ام الحكم وعبورة ووعود وطيف وام البات وكل صبايا المنتدى اللي لسه ما وصلوا :)*

[ام حكم]

طيييييييييييييييييييييييييييييييييف يا وحشة

صباح الوررررررررررد والانوار

روحي يا شيخة الهي يصبحك بأنوار النبي

وينك من زمان ومبروك عالترقية

وليش ما رديتي عليا لما اتصلت عليكي :)

منوررررررررر يا قمر


هلالالالا صبايا

وعود الخير يسعدك صباحك حبيتي

رندوش صباح الورد لأحلى ام مثالية بالدنيا

[ام حكم]

ام العيون الخضر يسعد صباحك حبيبتي

[طيـــف]

هلا والله ام عيون صباحك فل باذن الله


حبيبببببببببببببببببببببببتي ام سعد
ااااااااااااااااللــــــــــــــــــــــــــــــــ ـــــــه يسعدك ويفرح قلبك على الصباح الغالي والدعوات يل متل الشهد

حبيبتي انتي والله يوم ماتصلتي فيني كنت نايمه لسه راجعه من الدوام ونايمه
والله يبارك فيكِ بتعرفي يختي رقونا مشان يكرفو علينا:) :)
والصبح كل شي يالله يالله الوقت يكفي

بس ولا يهمك الك عندي هلاء بتصل فيكِ

[وَطَن]

صباح الخييييييييييييييييييييييييييييييييير
بسم الله ما شاء الله
كيفكم يا منورات ..http://www.lakii.com/vb/images/icons/icon20.gif
أم حكم
أم البنات
رندوشة
عبورة
http://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gif
http://www.lakii.com/vb/images/icons/icon19.gifhttp://www.lakii.com/vb/images/icons/icon19.gif
http://www.lakii.com/vb/images/icons/icon19.gif
http://www.lakii.com/vb/images/icons/icon20.gif

[وَطَن]

طييييييييييييييييييييييييف منووووووووووووووووووووووووووووورةhttp://www.lakii.com/vb/images/icons/icon20.gif

[طيـــف]

وطوووووووووووووووووووووووووووونه حبيبتي الغاليه

نوووووووووووووووووووورك والله ياقمر
الله يسعدك ويجبرك بخاطرك

كيفك؟ طمنيني عنك وعن اولادك؟ ان شاءالله بخير

[وَطَن]

صباح الورد والفل ع الحلوين وحشتينا يا كمر إنتى يا طيف...http://www.lakii.com/vb/images/icons/icon18.gif
وينك يا وعود غطسانة يلا ... صحصحhttp://www.lakii.com/vb/images/icons/icon24.gif

[عرنوش]

صباح الخير
كيفكم ياصبايا
امبارح كنت يادوب افتح اشوف شو عم تتحدثوا وما الحق ارد الا يفصل الموقع
كأني لمحت اسم الفلسطينية وينها شو اخبارها لسة ما ولدت
طيوف حمد لله على السلامة نور المنتدى
ام الحكم ، بنوتة ، عبورة ، خضورة ، هلول ، شموس ، رندوش ، وعود ، نغوم ، ام البنوتات ، وكل كل الصبايا الله يعطيكم العافية والصحة يارب .. شو أخباركم

[عبير القدس]

طيف هنا
يا مرحبا يا مرحبا
انا دايما بقول طيف متل الطيف بتيجي بسرعة و بتروح بسرعة



وطن يا اغلى وطن
كيفك
وين هالغيبة



ام العيون الخضر هلا و غلا كيفك اليوم وشو الاخبار شكلو الجو حلو و ما في زحاليق((K)) ((K)) ((K))

[وعود الخير]

مين طيف طبعا ما اشتقنا لك
الا الشوق قتلنا بانتظارك.

[وَطَن]

الحمد لله يا طيف الولاد تمام اليوم طلعوا مبسوطين ع المدرسة وهادى من الحالت النادرة طبعا لأنه كل يوم واحد لاااااااازم يززززززززززنhttp://www.lakii.com/vb/images/icons/15.gif على الصبح بس اليوم الحمد لله
كانوا مبسوطين يارب على طوووووووول
والله بجد يا طيوفة مو مجاملة أبدا كتيييييييييييييييير فرحت لما شفتك موجودة وحشتينا يا بنت الناس

[وعود الخير]

عاش مين شافك يا وطن
يا عمي وطن عم تتغلى وتدلل بيطلعها مش وطن.

[عبير القدس]

طيف
مبارك على الترقية بس وين الحلوان:[MM :[MM

[طيـــف]

وطن الف حمد وشكر لك يارب
الله يخليهم الك يارب ويحميهم يااااااااااااااااااااااااااااااااارب


عرنووووش
صباح الشهد
:) بشري فقست البيضه ولا لسه:)
الله يوقمك بالسلامه يارب ويبارك لك بذريتك:)

[ام حكم]

هلا والله ام عيون صباحك فل باذن الله


حبيبببببببببببببببببببببببتي ام سعد
ااااااااااااااااللــــــــــــــــــــــــــــــــ ـــــــه يسعدك ويفرح قلبك على الصباح الغالي والدعوات يل متل الشهد

حبيبتي انتي والله يوم ماتصلتي فيني كنت نايمه لسه راجعه من الدوام ونايمه
والله يبارك فيكِ بتعرفي يختي رقونا مشان يكرفو علينا:) :)
والصبح كل شي يالله يالله الوقت يكفي

بس ولا يهمك الك عندي هلاء بتصل فيكِ



الله يخليكي يا رب والله يعينك حبيبتي على الشغل والحال من بعضه

بيعطوا زيادة ولا ترقية وهات يا شغل بطلعوها منا بالعافية وساعتها الواحد

بتمنى أنه ما أخذها بعين الله

بانتظارك حبيتي لما تفضي من شغلك :)

*
*


هلالالا وطن يسعد صباحك

هلالالا عرنوش صباحك ورد ويعافيكي يا رب

[طيـــف]

عبوره
عيوني الك ياحبيبة قلبييييييييييييييييييييييييييي
ولو بس حلوان:) تدددلي شو بنفسك

بس لي بتحكي بجي بسرعه وبروح بسرعه
الا قولي يارب بضل بينكم ومابروح والله لايغير علينا يارب

[رندوش]

اهلا طيف http://www.3z.cc/sml/32/1_asmilies-com.gif (http://www.3z.cc/sml)
وطن وين هالغيبه اشتقنالك http://www.3z.cc/sml/32/1_asmilies-com.gif (http://www.3z.cc/sml)



عرنوش انا كتبت ردود اليوم وما لاقيتها شو العمل تعبت
يسعد الله هاللمه الحلوه يا حلوين
طيف وين الحلوان للترقايه يا بخيلهههههههه

[طيـــف]

وعوده
ضرتي حبيبتي وعيوني
الله يسعدك ويجبر بخاطرك يارب

شوي شوي رح نغني لام كلثوم من الاشواق:)

[عبير القدس]

عرنوووووووووش
امبارح فقدتك وين غطيتي و ما بينتي
طمنينا كيف الحمل معك

[وَطَن]

أهلييين عرنوش
منورة وعود
كيفك أم العيون الخضرة الله يئومك بالسلامة ويرزقك بالذرية الصالحة يارب
هلا عبورة أنا هو مشتاقة لحياتكم الحلوين
طيب يا صبايا ما فيه أخبار عن بنت الصين

[طيـــف]

رندووش الورده

انتتتتتتتتتتتتتتتتتتتي بس تدللللللللللللللللللللللللللللللي واطلبي ياغاليه ولو
والله اشتقت لكم بالاكتر

بعدين شو وين الحلوان

ياصبايا انتو نسيتو ولا شو؟
هي الترقيه يل صارت بالصيف بس هلاء طلب مني تكليف رسمي في اعداد هيكله جديده
وعليها تم تسكين الترقيه بمحلها:) واعلي شوي;)
يعني الترقيه وحده هي هي يل بالصيف بس هلاء تكليفها اكتر صار
:)

[طيـــف]

صح والله
وين بنت الصين
وين هاله
وين لبلبه ووين لنلون وين ام عمر الغاليه وين دعاء شو اخبارها صحيح؟

وين حبيببببببببببببببببببببببببببتي اللي مانسيتني ابدا ابدا ابدا بس انا قصرت بسوالها الغاليه نور لكِ
وينهم احباب قلبي وينهم
:)

[طيـــف]

نسيت صحيح اخبركم
انه ساندريلا ام خالد
حامـــــــــــــل:) اول مبارح حكيت معها وبشرتني
:) هلاء بتشوف ردي عليكم وبتصل فيني

[وعود الخير]

شو قصة الترقية ..
مش باركنا لطيف من زمان وعملنا لها حفلة مطنطنة

شو ضرتي في ترقيات من ورا ضهري.

[وعود الخير]

دعاء قرب تولد ربنا يقومها بالسلامة...
وبنت الصين .. من زمان عنها .. يمكنالشمس عندها وقاعدة تتسلى معها
وام عمر (ام سمية بخير والحمد لله)
وبنوتة الامورة .. انا مفتقداها.

[ام حكم]

انا اللي فتحت السيرة يوم قلت لي في موضوع أطقم الشاي وباركت لها هههههههه

معلش أجت متأخرة والصبايا فكروا ترقية جديدة

[طيـــف]

لا والله ياوعود
ولو انا اخفي عنك شي ياحبيبة قلبي انتي

صح كلامك الله يفرح قلبك وقت ماسويتي لي حفله التهنئه الرائعه هي نفسها ماغيرها

بس هلاء تكليفها ومهامها بشكل اوسع فقط

[طيـــف]

ام سعد
شفتي فاذن انتي كنتي غايبه عنا وقتها
ام سعد كيفو ابنك بالجامعه شو صار معو؟

[Green eyes]

عرنوش حبيبتي الله يسعد صباحك يارب
وطن الغالية تسلميلي يارب الله يسلمك يا عمري
طيف بالرغم اني مو كتير بعرفك بس حبيتك من كلام الصبايا عنك ويلا احكيلنا وين هالغيبة البنات كانوا مشغولين عليكي وفرصة سعيدة اني صبحت فيكي :)

[ام حكم]

ايوه عشان هيك

والله يا طيف الحمدالله ابني كويس وماشي حاله والان هوا في سنة ثانية وربنا يوفقه

كان عنا بعطلة الربيع وسافر من اسبوع تقريبا .

[Green eyes]

ام الحكم يارب يوفق ابنك وتشوفيه بلباس التخرج والتميز :)

[Green eyes]

وين بيدرس ابنك يا ام الحكم؟

[ام حكم]

ام الحكم يارب يوفق ابنك وتشوفيه بلباس التخرج والتميز :)

الله يسلمك حبيبتي وان شاء الله نبارك لك وانتي قايمة بالسلامة وحاملة الصبي بين ايديك:)

[رندوش]

طيف ما تزعلي خلاص واصل الحلو وعليه التحلايه احلى طبق
حلويات لعيون الصبايا ما يهمكhttp://www.saadeddin.com/shop/images/koki2.jpg

[ام حكم]

وين بيدرس ابنك يا ام الحكم؟


عندكم في الجامعة الاردنية - هندسة حاسوب

[ام حكم]

طيف ما تزعلي خلاص واصل الحلو وعليه التحلايه احلى طبق
حلويات لعيون الصبايا ما يهمكhttp://www.saadeddin.com/shop/images/koki2.jpg

رندووووووووش

وانت اللي موصيتني ما تروحي قسم الحلويات والمعجنات

وخليكي في الدردشة والمقبلات q)

ههههههههه الله يسعدك راح أخذ حبة عشان تحلاية طيوفة وبس

[عرنوش]

عبورة أنا هون ما غطست ولا شي بس النت تعبان زيييي ، شو أخبارك كيفها لين
خضورة حبيبتي انا الحمد لله الحمل ماشي حاله بس الانفلونزا هادتني
انتي شو أخبارك

طيوف .. حبيبتي شو أخبارك نورتينا ياعسل
لا لسة ما فقست :[]L ادعيلي يطلع كتكوتي عسل زيك

رندوش شو أخبارك يا قمر

وطن وين هالغيبة ، الله يخليلك اولادك يارب ، احنا امبارح واليوم عكسك اتصبحنا بزن بنتي سخنانة ومش قادرة والمشكلة عندها امتحان الشهر بالعافية خليتها تروح الله ينجحهم يارب

ام البنوتات .. شو هالخلية يا لزيزة انتي خلتني هيك :(*): :(*):

ام الحكم .. الله ينجح ابنك يارب ويرجعلك اياه بالسلامة

[طيـــف]

العيون الخضر
الله يحبب فيكِ خلقه يارب

تسلمي والله من طيبك وطيب الصبايا الغاليات
والله يعلم انا كمان بحبكم وبعزكم من سويداء قلبي:)

[طيـــف]

حبيبتي عرنوووووووووووووووووووووووش الله يقومك بالسلامه يارب
ويرزقك بالعسول من حفظة القران يارب

[طيـــف]

ام الحكم الله يوفقه ويحميه يارب

صح الطلاب كانو موجودين باجازه الله يوفقهم يارب
بس ماعليكِ بدل حبة التحلاية الك اتنين ولو كم ام سعد عنا

[عرنوش]

آمين يارب
بس حبيتها من سويداء قلبي ، يا فصيح انت:)

[طيـــف]

رندوووووووووووش

انتي تحلايتنا وحلانا الغالي

هو في اطعم ولا احلى منك:)

شكرا على الصحن يل بشهي ع الريق

بس شو نسينا الرجيم ولا شو:)

[طيـــف]

شايفه ياااا عرنوش
بعجبك:) ساعة اللزوم بنفصح ونعبر
:) بعدين خلينا الدعوه بالفصحه مشان توصل اسرع;)

[ام حكم]

ام الحكم الله يوفقه ويحميه يارب

صح الطلاب كانو موجودين باجازه الله يوفقهم يارب
بس ماعليكِ بدل حبة التحلاية الك اتنين ولو كم ام سعد عنا




تسلمين يا احلا طيوفة والله يسعدك دنيا وآخرة

*
*

عرنوش الله يخليك يا رب على هالدعوة الحلوة

وربنا يهونها عليك بالولادة وتقومي بالسلامة ويرزقك الذرية الصالحة آمين

[Green eyes]

تسلميلي حبيبتي ام الحكم وان شاء الله بتشوفيه مهندس أد الدنيا يارب الله يفرحك فيه

[Green eyes]

طيووف بأي بلد انتي ؟ ؟

[طيـــف]

العيون الخضر انا فلسطنيه مقيمه بالكويت:)
ان شاءالله يارب بسنمع اخبار حلوه عن قومتك بالسلامه يارب
:)

ام سعد ابنك باي جامعه؟ يمكن يكون زميل ابن اختي ويطلع زيتنا في دقيقنا

[طيـــف]

سلام خاص جداجداجداجدا
لاخت الغااليه ام البنات
يالله ماطيبك وماطيب كلامك متل البلسم الله يسعدكِ ويحميكِ يارب

وكمان مش رح انسى الورده يل نورتنا
شقررررررررررررررديه وبقولها انا هنا هنا هنا:D

[ام حكم]

ام سعد ابنك باي جامعه؟ يمكن يكون زميل ابن اختي ويطلع زيتنا في دقيقنا




هوا في الجامعة الاردنية طيوفة يا رب يسهل يا رب يمكن يطلعوا زملاء :D


ام العيون الخضر الله يسلمك حبيتي ويقومك يالسلامة ياااارب

[Green eyes]

طيوف اهلا فيكي حبيبتي وبأهل فلسطين كلهم :)

[طيـــف]

ابن اختي في جامعه الزيتون ولا الزهراء هيك اشي

العيون الخضر وفيكِ ياحبيبتي ماقلتي لي
وانتي من وين.؟

[ام حكم]

ابن اختي في جامعه الزيتون ولا الزهراء هيك اشي




ايوه هاي جامعات خاصة الله يوفقه يا رب وتفرح فيه أهله وهوا متخرج ولابس الروب وخالته واقفة جنبه عشان تتصورمعه :)

[وعود الخير]

طيب خليكم مع ضرتي وكالعادة .. راح اتفرغ للهم اللي ما بيخلص
عبورة قربت اخلص الميزانية وناوية بكرة اقدمها لهيك بكرة ما راح تشفوني..
بيكون عندي مناقشة..
سلام يا احلى صبايا
وتوصوا بضرتي منيح.

[عبير القدس]

يا عمري بشوفكم كلكم ماخدين راحتكم من وراي:[MM :[MM
و الله لمة بتفنح النفس
تأخرت عليكم
طبعا مديرة بالانابة :[MM مين قدي
عم بمزح بس هالكم يوم بشتغل منسق استشارات و منسق تدريب و سكرتيرة و مساعدة ادارية و محاسبة فاحيانا بكون شغل كتير و احيانا ما في شي :) :) :)

[Green eyes]

حبيبتي طيوف اهلا فيكي وبكل أهل فلسطين الغالييين

[طيـــف]

وعود قصدك انا اتوصي فيهم قد مانا مشتاقه لهم


ام سعد اللهم امين يارب يسمع منك ييارب ويفرحك باولادك ويفرح كل ام بذريتها يارب

هو انا بس رح اتصور معها
يمكن البس الروب عنه:)

[طيـــف]

عبوره احكي لي شو اخبار لنلووووش ؟
الله يعطيكِ العافيه صايره الجوكر :) بس الجوكر الربحان طبعا

[Green eyes]

حبيبتي طيووف انا في الأردن

[Green eyes]

عبورة حبيبتي شكلك مسغولة اليوم

[طيـــف]

اهلا وسهلا فيكِ ياعيون الخضر

انتي اردنيه؟ ولا فلسطنيه؟

[عبير القدس]

طيف شو هالاسئلة زكرتيني بطلبات التوظيف
مرة رحت اقدم لجامعة حكومية منشان اكون مشرفة مختبر
سالو مكان الولادة و قلت عادي
و سالو مكان ولادة الاب و حكيت ماشي
بس لما سالو مكان ولادة الجد كتبت بالبنت العريض على الورقة الرجاء دمج الاسئلة الثلات الاولى و استبدالهم ب انت اردني و لا فلسطسني:) :)
و كتبت فلسطينيييييييييييييييييييييييييييييييييييييييييييي يييييييييييييييييييييييييييييي

[Green eyes]

طيوف انا نص بنص يعني ماما فلسطينية وبابا اردني بس كل شي فيي طلع فلسطيني شكلا ومضمونا وعادات وحكي حتى بابا شكله فلسطيني :)

[طيـــف]

تشرفنا فيكِ حبيبتي كلنا مسلمين واخوه وكل الناس خير وبركه

[ام حكم]

كان اردني ولا فلسطيني

كلنا أهل وحبايب

عبورة يعطيك العافية

طيوفة شو رأيك اليوم بالجو برا شكله مغيم يعني يمكن تمطر

[هالة البدر]

بسم الله الرحمن الرحيم ،،


صباح النور والبنور على أحلى أحلى أحلى بنات في الدنيا .........................

سلام خاص يا جدع لطيوف .........

والحمد الله على السلامة ..... يا جاي من الشغل ... وحشانا الإبتسامة .... وشك والا القمـــــــــــــــــــــــــــــــــر .. الحمد الله على السلامة ...... الحمد الله على السلامة ...... (معلش قلبت راغب علامه )....


شو يا طيوفه وين هالغيبة اشتقنالك يا قمر ..... كل هذا شغل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المهم شو اخبارك ... وشو عامله .... وإنشاء الله خف الشغل شوي ...

إجابة سريعة سريعة .......

[طيـــف]

عبوره حبيبتي بعرف مشان هيك حبيت اتزاكي واسأل بلف ودوران :)

شفتي بالله:) بس صراحه عجبني ردك احكوها ع بلاطه احسن:)

لانه بصراحه مع احترامي الشديد لاهل الاردن كتير بسمع عن التفرقه يل عم تصير نظراً لاختلاف الاصول مع انه الجنسيه وحده ومفروض في مسواه طبقاً للتجنيس صح؟.

بنت خالي لانه مكتوب بجواز ابوها محل الميلاد غزه! ماطلع لها بالجامعه قالو لها بس كليه متوسطه!

[Green eyes]

تسلمو ام الحكم وطيف الله يبارك فيكن يارب

[طيـــف]

ام سعد صح والله من الصبح بقول فيها شتا السما مغيمه
بس الجووووووووو رائع رائع قولي كافي اليومين يل فاتو انقصفنا من البرررررررررررررد

[طيـــف]

هلووووووووووووووووووول
والله انتي احلى قمررررررررر يااحلى كروانه
شوهالترحيب الغير شكل


خلصت شغل خلووووووووووويص بس نص ونص
يعني صرت اتبع مبدأ الاستهبال واكبر عقلي واطنش شوي
:) صريحه صح

[عبير القدس]

ام العيون الخضر حبيبتي
صديقتي الروح بالروح كركية:(*):
و جوزي اردني .............. بمزح بس حكيو و تصرفاتو و كل اصحابو اردنية بس عنجد بحبهم و بصراحة بحسهم كتيييييييييييييييير طيبين
تخيلي انو زرت اصحابو اللي بالمفرق و اللي بالغور(الله وكيلك 3 عائلات) و اللي بالسلط بس ضل اللي بالشوبك و اللي بجرش و اللي بمعان

[هالة البدر]

بسم الله الرحمن الرحيم ،،،


صباح الخير والخيرات والليرات ..........

بنوته .. أم البنات .. عبوره .. أم حكم .. وعود .. وطن ... عرنوش .. رندوش .. خضوره ... أناغيم ... وبنت الصين إللي اشتقنالها .. ومين كمان .. شموسه .. وكمان مرة طيوف ... إذا نسيت حد السماح ...

أكبر أكبر .... وردة http://www.lakii.com/vb/smile/1_15.gif (http://www.lakii.com/vb/uploader/smilies.php) إلكم كلكم

[Green eyes]

طيف انا مابحس بالتفرقة مابعرف ليش يمكن لأنه ما بهمني هالشي حتى انا زوجي فلسطيني والله ربنا بيعلم أديش بمووت بالفلسطينية همه حبايبي الغاليين ...امي فلسطينية ...زوجي فلسطيني ...ابني فلسطيني ...شفتي كيف همه حبايبي الغاليين

[ام حكم]

لانه بصراحه مع احترامي الشديد لاهل الاردن كتير بسمع عن التفرقه يل عم تصير نظراً لاختلاف الاصول مع انه الجنسيه وحده ومفروض في مسواه طبقاً للتجنيس صح؟.

بنت خالي لانه مكتوب بجواز ابوها محل الميلاد غزه! ماطلع لها بالجامعه قالو لها بس كليه متوسطه!





صحيح كلامك طيوف في منها هالشغلات

لكن في عندنا واحد من غزة سجل بنته في نفس الجامعة بس تعليم موازي يعني القسط مضاعف

بالعربي ما بنقبلو الا في جامعات خاصة ويا عيني على الاقساط والله يعين الاهالي

[طيـــف]

حبيبتي العيون الخضر
واحنا كمان بنحبك وبنحب الاخوه الاردنين

بس انتي خلص انحسسسسسسسسبتي علينا منا وفينا ومالنا غنى عنك ياقمر

[هالة البدر]

بسم الله الرحمن الرحيم ،،

يا حبيبتي يا طيوف .. طنشي العمر بيخلص والشغل ما بيخلص .... المهم الصحة والعافية ....

ونصيحة من أختك مهما عملتي وقدتي أصابك العشرة شمع ... بيضلهم محسسين الواحد إنه مقصر ... سياسة يا حبيبتي ...

[ام حكم]

صباح الخير هلوووووول الله يسعدك حبيبتي ما أحلا صباحك :)

[Green eyes]

تسلمي حبيبتي عبورة انا بصراحة كل اللي بشوفني بفكرني فلسطينية حتى زوجي اختارني وهو مو عارف اني اردنية لأنه كان جازم اني فلسطينية والإنسان بقلبه بعدين كلنا بيجمعنا دين واحد وهادا الشي كافي

[طيـــف]

ام سعد
هيك انتي قلتيها بالتعليم الموازي

يعني الساعه بخمس جنيه والحسابه بتحسب

لولا انه دفع مادخلت البنت!
حتى الجامعات الخاصه بياخدو بس متل ماقلت بمبدأ ادفع اول

[Green eyes]

تسلمي حبيبتي طيف والله العظيم لو تشوفي ني وتشوفي تصرفاتي وعاداتي وطبخي وكل شي فيي بتحكي اني فلسطينية

[هالة البدر]

بسم الله الرحمن الرحيم ،،،

والله يا طيوفه بالنسبة لأهل غزه وأي حد معه وثيقة بتعرفي إنه في أي مكان في العالم مظلومين مو بس في الأردن .... وصدقيني إنه الفلسطينية هون ماخدين حقوقهم وزيادة ... أما بالنسبة للوظائف الحكومية لو نيجي للمنطق إنه الأولوية للأردني الأصل صح واللا لا ... وصدقيني لو رحتي فلسطين وعشتي هناك وإنت جنسيتك فلسطينية وأصلك من أي بلد راح تفضلي الفلسطيني الأصلي على غيره ....

وبعدين كل بلد فيه المنيح وفيه العاطل حتى إحنا كمان ....

وعلى فكرة زوج أختي شموسه الصغنونه أردني كركي ... لكنه فظيع بالتعليم والأدب والأخلاق والمعاملة ... بيجنن .. الله يخليهم لبعض ...

[عبير القدس]

ام العيون الخضر
هلا لون عيونك خضر عالماما و عالبابا :[MM :[MM :[MM :[MM

هههههههههههه
بمزح و الله كل الناس خير و بركة

[هالة البدر]

بسم الله الرحمن الرحيم ،،،،،

صباح الفل يا أم حكم .... إنتو إللي صباحكم أحلى من السكر ..

على فكرة Time Out بدي أروح أحكي مع إللي سافروا وقالوا عدولنا q) q) ..... وبرجعلكم ....

[Green eyes]

والله يا عبورة لا ماما ولا بابا عيونهم خضر(عيونهم بني غامق ) لكن أجداد بابا عيونهم خضر وطلع اغلبنا انا واخواني عيونا خضر

[عبير القدس]

هلووووووووووووووووووووووووول متل ما ودعتي تلاقي
ام العيون الخضر سبحان الله انا قلت اكيد حلوة متل الماما:[MM :[MM :[MM
ههههههههههه
بمزح
ما شا الله عليكم و الله يحميكم

[Green eyes]

حبيبتي عبورة ماما ما شاء الله عليها (مو لإنها امي ) بيضا وشقرا :)

[ام حكم]

هلوووووول خليهم يختي الجو حلو بالكويت والجمعة قربت ولازم فيها طلعة بر وهش ونش ههههه

الله يرجعهم بالسلامة يا رب

ام العيون الخضر كلمات عجبتني أهديها لك ....

أبحث عن لغة حب

لم يعرفها العالم

لأجل حبك

أبحث عن كلمات حب

لم تعرفها سوى المراعي

وأشجار الليمون

كلمات خضراء بلون الزيتون

بلون عينيكِ

:):)

[**ام البنات **]

http://www.lakii.com/vb/smile/8_5.gif (http://www.lakii.com/vb/uploader/smilies.php)

انا بقول شو هالصباح الحلو
اتاري حبيبة قلبنا عندنا
يا اهلين و مرحبتين بالغالية
كيفك طيووووووووووفة كيفك حبيبة قلبي
اشتقتلك اشتقتلك اشتقتلك كثيييييير كثييييير كثييييير
و اشتقت لعضضك هههه بس لا تخافي رندوش قايمة بالازم معي من هالناحية هههه
كيفك حبيبتي وين هالغيبة الله يعينك يا غالية فشغلك و و يوفقك كمان و كمان و تكوني من المتفوقات المتميزات دنيا و آخرةيا رب

http://www.lakii.com/vb/smile/9_17.gif (http://www.lakii.com/vb/uploader/smilies.php)شايفةح تى وردتي من فرحتها بعودتك بترقصhttp://www.lakii.com/vb/smile/9_17.gif (http://www.lakii.com/vb/uploader/smilies.php)

[**ام البنات **]

صباح الفل و الورد على الحلوات آسفة بس اشتياقي لطيوفة حبيبة قلبي نساني اصبح عالكل
كيفكم يا قمرات كيف اصبحتوا مع البرد