من أطباقنا الفلسطينية

[Em zaid]

هذا الملف سيكون شامل الاطباق الفلسطينية
من اطباق رئيسية
مقبلات
سلطات
معجنات

رح نبدا بالاطباق الرئيسية

الكفتة بالطحينية

المقادير :
كفتة من عند اللحام( او لحمة مفرومة وبقدونس وبصل مفرومين بماكينة اللحمة)
طحينية
و ليمون

الطريقة:
قومي بتبهير اللحمة وملحيها اذا بتحبي تفردي اللحمة بالصينية او اصابع صغيرة بعد الانتهاء من تشكيلها دخليها الفرن
بعد ما اتزل المي او الدهن اخرجيها وصفي الدهن وكوني محضرة الطحينية
طريقة الطحينية اعصري الليمونة وضيفي الطحينية وحركيها وضيفي الماء خليها سائلة شوي
بعدين ضعيها على الكفتة ورشي شوية زيت على الوجه وضعيها بالفرن
حتى تتتنشف الطحينية يعني يصبح قوامها بين الغليظ والسائل


صنية كفتة وبطاطا

المقادير :
كفتة
بطاطا
بندورة
معجون البندورة

الطريقة:
قومي بتبهير اللحمة وملحيها اذا بتحبي تفردي اللحمة بالصينية او اصابع صغيرة بعد الانتهاء من تشكيلها دخليها الفرن بعد ما اتزل المي او الدهن اخرجيها وصفي الدهن
قومي بتقطيع البطاطا حلقات دائرية والبندورة و ضعيها فوق الكفتة رتبيهم خلي شكلهم حلو
قومي باذابة معجون الطماطم بالماء وملحيه ثم وضعه على الكفته ودخليها الفرن حتى تستوي

وصحة وهنا

وتابعونا

[وعود الخير]

عيني عليك يا ام زيد
تابعي
وكل الأخوات يتفضلن بما لديهن من اطباق فلسطينية شرط ان لا تكون مكررة كثيرا.

[Em zaid]

صنية الباميا

المقادير :
باميا
لحمة راس عصفور
بندورة
بصل
توم
معجون بندورة
وبهارات وملح

الطريقة:
اغسلي اللحمة وذبليها على النار
نقطع البصل والتوم قومي بتقليبه على النار حتى يتذبل
قومي بتقطيع البندورة
ضعي البصل والبندورة والباميا واللحمة وبهري وملحي البهار (فلفل اسود وبهار حلو وشوية قرفة مطحونة )
ذوبي معجون البندورة بالماء وضعي على الباميا ولفي الصنية بالقصدير وادخليها الفرن لوقت ما تستوي يعني حتى تتنشف الماء اتركي قليل من الماء وقبل التقديم ارفعي القصدير وحمريها شوي

وصحى وهنا


الباميا مع الارز

المقادير

لحمة
باميا
بصل
بهارات حب(هال قرنفل وقرفة )
معجون بندورة
رز


الطريقة:
اغسلي اللحمة وضعي بالطنجرة البصل المقسم ارباع وسنين توم و البهارات الحب وشوية زيت قلبي اللحمة ثم قومي باضافة الماء واتركيها ساعة او اكثر حتى تستوي اضيفي الملح قبل ما اتشيليها في 10 دقائق

قومي بقلي الباميا بالزيت واذا ما بتحبي تقليها حطيها بصنية و رشي قليل من الزيت وادخليها الفرن لحد ما تتحمر شوي

صفي مرقة اللحمة من البهارات والبصل وضعي عليها الباميا اذا احتجتي شوية مي زيدي مقدار كاسة واتركي اللحمة معها بعد ربع ساعة ضعي معجون الطماطم واتركيها تغلي 10 دقائق
قومي بقلي التوم وضعيه عليها


تقدم مع الرز

وصحة وهنا
وتابعونا

[Em zaid]

المجدرة

المفادير

عدس صحيح
رز
بصل


اغسلي العدس وضعي عليه ماء وضعيه على النار بعد 10 دقائق امسكي حبة عدس اضغطي عليها اذا طرية حطي الرز طبعا بعد غسله على العدس واجعلي الماء يغمرهم قليلا لمى تغلا المي قصري النار عليها لحد ما تستوي
قطعي البصل جوانح واقليه بزيت الزيتون زيدي الزيت شوي
عند استواء المجدرة حطيها بصحن التقديم وضعي الزيت والبصل عليها
ويؤكل مع اللبن (الزبادي) او سلطة

عمتي بتعملها بالبرغل الخشن
نفس طريقة الرز لكن برغل ويتقطع البصل وبتقليه وبتحط معاه سماق كمان طيبة

وصحة وهنا

[رندوش]

تسلمي اختي ام زيد الله يباركلك فيه
والله الموضوع مفيد ومنك نستفيد

[لبلبة]

ما شاء الله ما شاء الله عليك يا أم زيد


يقول المثل :

إعط الخبز خبازة لو أكل منه


الله يعطيك ألف عافية

[lanloon]

سال ريقي على صينيه الباميه يا بنت الناس :D


يسلموا ايديكِ و زيدينا من خبراتك;)

[طيـــف]

امممممممممممممم رهيبه ياام زيد

بدي اعصر مخي واروق واكتب لي كم وصفه
:) مشان جبل النور ماتحكي عني كسوله:)

[small_angel]

السلام عليكم ورحمة الله وبركاته
تسلم ايدكي يا ام زيد على الوصفات بتشهي بس اسمحيلي أضبف طبق فلسطيني بسيط كتير هوه القدره الخليلية........
المقادير:
2 كيلو لحمة
2 كيلو أرز
نص وقية سمنة بلدية
بهار مشكل
حب الهال
بهار جولنجان
ورق غار
الطريقة:
نضع اللحمة في طنجرة الضغط ونغمرها بالماء وبعد الغليان نضع عليها الملح وورق الغار والهال
ننقع الأرز ثم نضع طبقة من الأرز في قعر القدره ونضع فوقها اللحمة ونضع باقي الأرز فوقهم ونضيف مرقة اللحم وباقي البهارات فوقهم و نغطيها ونضعها بالفرن لمدة نصف ساعة بعد النضوج نضع السمنة البلدية فوق الأرز.....
وصحتين وعافيه.......
معلمومة: القدرة عبارة عن وعاء كبير يشبه الطنجرة.......

[هنلي]

تسلميلي يا ام زياد بس اضيف شغله لصينيه الكفته بالطحينيه اذا بدك الطحينيه تطلع مش محببه حطي في الخلاط ماء وعصير ليمون وطحينيه واخلطيهم شويه وبعدها صبيهم فوق الكفته

[moon light 2]

يسلمو هالأيادي يا أم زيد بالفعل موضوعك جميل ومفيد الله يبارك فيكي :-q~ :-q~ :-q~ .

[أناغيـم]

والله يا ام زيد.... في وقتك
يعني انا منزلة موضوع عن البنات والمطبخ ..
وهلأ لقيت موضوعالأكلات الفلسطينية.. موضوع حلو
بس ..
بلاش احسن انت بلديات الماما...
شكرا لك ومنك نستفيد

[ام حكم]

هلا بالجميع ومجتمعين بالجنة بإذن الله:)



يخنة الزهرة
منزله بالفلاحي


المقادير:-


1ك لحمة خروف حمراء
2ك زهره مقطعه ومقليه
بصله مفرومه
حمص مسلوق حسب الرغبه
زيت زيتون
ملح وبهاروكمون

الطريقه:


يوضع مقدار من زيت الزيتون , ويوضع اليصله المفرومه ونتركها حتى تذبل نضيف اللحمه ونسبكها جيدا حتى تنشف الماء ثم نضع الحمص المسلوق والملح والبهارات والكمون ونضع كمية من الماء ونضعها على النار حتى تنضج اللحمه ثم نضيف الزهرة المقليه ونتركها على النار حتى تنضج الزهرة .
تقدم مع الأرز المفلفل .


وتسلمي يا ام زيد على هالموضوع الحلو وعلى طبخاتك المشهية :)

[small_angel]

هلا بالجميع ومجتمعين بالجنة بإذن الله:)



يخنة الزهرة
منزله بالفلاحي


المقادير:-


1ك لحمة خروف حمراء
2ك زهره مقطعه ومقليه
بصله مفرومه
حمص مسلوق حسب الرغبه
زيت زيتون
ملح وبهاروكمون

الطريقه:


يوضع مقدار من زيت الزيتون , ويوضع اليصله المفرومه ونتركها حتى تذبل نضيف اللحمه ونسبكها جيدا حتى تنشف الماء ثم نضع الحمص المسلوق والملح والبهارات والكمون ونضع كمية من الماء ونضعها على النار حتى تنضج اللحمه ثم نضيف الزهرة المقليه ونتركها على النار حتى تنضج الزهرة .
تقدم مع الأرز المفلفل .


وتسلمي يا ام زيد على هالموضوع الحلو وعلى طبخاتك المشهية :)



تسلم ايديكي بموووووووووووووووووووووووووت فيها هاي الأكله

[salsabilaa]

مشكورة عيوني عل ها الطبق الجميل من فلسطين ... نريد المزيد من فلسطين :-M :-M :-M

[احاسيس مرهفة]

غاليتي ام زيد

الله يبارك فيك حبيبتي على الوصفات الرائعة

صراحة تشكيلة اكثر من ممتازة لكل المتحججات اللي مثل حالاتي

ننتظر التكملة عزيزتي

[Em zaid]

صيادية السمك

المقادير
سمك سلمون او اي نوع
بصل
توم
فلفل حار
بهارات مشكلة
بشارة ليمون
رز


الطريقة
قومي بتنضيف السمكة جيدا من القشور ثم قطعية متل ستيك قطعيها عريضة
ثم اغسليها بالطحين الملح والماء جيدا اتركيها منقوعة فيهم 10 دقائق
بعدين اغسليهم جيدا ثم مليحهم وبهريهم (ملعقة كبيرة غير ممتلئة بهار مشكل)
اتركيهم على جنب طبعا كوني ناقعة الرز وافضل رز البشاور اغسلي الرز
حمي الزيت مقدار كاسة رشي رشة طحين على الزيت زيت وقومي بقلي السمك على الجهتين
بعد انتهاء القلي خدي قليل من زيت السمك واقلي البصلة المفرومة ناعمة و
التوم وبشرة زنجبيل طازج و القليل من بشارة الليمون وضعي بهارات حب (الهال وقرنفل ) وملعقة صغيرة بهار مشكل

ثم قومي بوضعها على الرز طبعا بعد غسلهم وملحيهم واخلطيهم ضعي قليل من الرز في قاع الطنجرة ثم ضعي السمك بعدين ضيفي باقي الرز
ضعي ماء غمرة الرز واكتر شوي واعصري على الماء قبل وضعها عصير ليمونة
وبعد ان تغلي ماء الرز قصري النار واتركيها تستوي

وصحة وهنا

[وعود الخير]

مجهود تشكري عليه
تابعي

بس اضافة بسيطة للصيادية .. لو اضفت قليل من زيت قلي السمك على الرز بيكون الطعم مركز اكثر.

[سراء]

السلام عليكم ورحمة الله وبركاته
ما شاء الله ما شاء الله عليك يا أم زيد

جزاك الله خيرا :ss:

[بدوووور]

):K ):K
الله يعطيكي العافيه

[فروحةالأمورة]

((K)) يعطيكم العافية ولي عودة

[لم لم]

السلام عليكم
مشكورة اختي على هذه الاطباق واكيد طيبة
وان شاء الله اجربها
والف شكرا لك

تحياتي
لملم

[Em zaid]

سمك محشي

المقادير
سمك
ثوم
بقدونس
فلفل حار اخضر اختياري
بندورة اختياري
ملح
بهار

الطريقة
اغسلي السمك جيدا بالطحين وملح اتركيها منقوعة فيهم تلت ساعة
افرمي البقدونس والتوم والبندورة والفلفل ملحي الخلطة وبهريها واعصري عليها نصف ليمونة
اغسلي السمكة جيدا بهريها وملحيها وقومي بحشيها داخل السمكة وخيطيها علشان الحشوة ما تطلع
وادهني السمكة بالزيت وادهني الصينية بشوية زيت وضعي السمكة بالصنية وضعي مقدار قليل من الماء
تقريبا نصف كاسة شاي
ولفي الصنية بالقصدير ودخليها الفرن حتى تنشف الماء ما تنسيها ضلي طلطلي عليها لانه السمك بستوي بسرعة

و صحة وهنا

نسيت اكتبلكم مع الصيادية الدقوس
افرمي سنين ثوم ناعم اقليها بالزيت وضعي علبة معجون بندورة وضعي مقدار ملعقتين طعام عصير الليمون
وضيفي الشطة وضعي مقدار كاسة ماء كبيرة وملحيها حتى تتسبك وضعيها بجانب الصيادية

[Em zaid]

صينية زهرة بالطحينية

المقادير
لحمة راس عصفور
زهرة
طحينية
وليمون
زيت
وملح
وبهار

الطريقة
قومي بتقطيع الزهرة يعني مو فرم لا متل المقلوبة
اغسليها و اغمريها في الماء واتركي الماء يغلي فقط غلوة وحدة
صفيها واغسليها في ماء بارد
قومي بتمليحها وقليها
قلبي اللحمة على النار حتى ينشف ماؤها
ضعيها على جنب
افرمي البصلة و سنين توم وحوسيهم على النار حتى تصفر البصلة ضيفي اللحمة وملحيهم وبهريهم ثم ضعيهم في الصنية او البايركس
ضعي الزهرة عليهم
اعصري الليمونة ضيفي مقدارثلاث ارباع كاسة الشاي طحينية واخلطيهم ضيفي مقدار كاستين ماء كبيرة ملحيهم
وضعيهم على الزهرة واللحمة لفيها بالقصدير و بعد ربع ساعة ارفعي القصدير واتركيها تتحمر ما تتركيها تتنشف كتير اترمي القليل من الطحينية فيها

وصحة وهنا

[Em zaid]

اهلا بجميع الاخوات و صحة وهنا وشكرا على الاضافات

وعود شكرا على الاضافة انا قلتلهم ياخدوا من زيت السمك ويقلوا البصل ويحطوا الزيت والبصل على الرز

كاتيا بدي اياك اتشمري عن اديك وعلى المطبخ سر
جربي الطبخات
رح ازور موضوعك اكييييد واحكي رايي

[وعود الخير]

ايوا ياام زيد
برافو عليك
بتصدقي ذكرتيني بطبخات كانت غايبة عن بالي .
تسلمي لي وتسلم الأرض اللي انت منها.

[رندوش]

شكرا ام زيد الله يخليلك زيد
أكيد شقي مثل زيدي الله يعينك عليه
مجهود كبير يا ام زيد كان الله في عونك
والله زكرتينا بالاكلات انقرضت من بيتي تسلمي

[فلسطينية]

يسلموووووووووووووو دياتك يا ام زيد
اتعلمت طبخة جديدة منك وهي الزهرة بالطحينية :ss:
بس اكون فاضية بكتب طبخاتي ::JH::

[Em zaid]

صينية الدجاج والبصل


نضفي الدجاج واغسليه افرمي كمية من البصل فرم خشن ضعي الدجاج على البصل وبهري وملحيها وضعيها في صينية و ضعي مقدار فنجان مليان زيت وضعي القليل من الماء ولفيها بقصدير ودخليها الفرن ساعة زمن وتؤكل مع الخبز




مرقة البطاطا و الارز

المقادير
لحمة
بطاطا
معجون بندورة
وبصل
وبهارات وملح
وارز

الطريقة
اغسلي اللحمة وضعيها غلى النار وضعي عليها البصل والتوم واعواد فرنفل وهال حب وشوية زيت

قلبيهم ثم ضعي عليهم الماء واتركيهم يستوا قبل ما اتشيليهم ب 10 دقائق ملحيهم
قطعي البطاطا مكعبات واقليها ربع قلية او بدون قلي
بعد استواء اللحمة صفي الماء وضعي البطاطا على اللحمة وماؤها
واتركيهم ربع ساعة بعدين حطي معجون البندورة و بعد 10 دقائق اطفي عليها
تؤكل بجانب الارز الابيض وممكن تعملي نفس الطريقة مع خضار مشكلة


السبانخ


المقادير
لحمة او دجاج
سبانخ
بصل
وارز

الطريقة
اسلقي الدجاج او اللحمة
اغسلي السبانخ جيدا وافرميها بعدين حطي عليها شوية ملح وافركيها شوي علشان تنزل ماؤها
وبعد استواء اللحم او الدجاج صفيهم اذا كانت لحمة بعد ما اتصفي المي اتركي اللحمة فيها واذا دجاج انشلي علشان اتحمريه افرمي بصلة وذبليها
ضعي البصلة والسبانخ على المرق اتركيها تغلي تلت ساعة واطفي عليها
تقدم مع الارز الابيض

وصحة وهنا
وتابعونا

[Em zaid]

يا اهلا فيك يا وعود
قوليلي ويييييييييييين اضافاتك
شاركي معي في اكلاتك


رندوش اهلا فيك
يعني انت اسمك ام زيد
كل الي اسمهم زيد طيبين وامورين

اهلا فلسطينية عم استنى مشاركتك

[Em zaid]

نسيت اقولكم وقت الاكل اعصري على السبانخ ليمون وكلي وصحة وهنا

[أناغيـم]

واوة ام زيد نسيت شغلة .... يوبي .. i'm so happy

[الايوبي]

موضوع غاية في التميز
الشكر موصول لكل من ساهم فيه
جزاكم الله خيرا جميعا
الوصفات بعطيها لام الاولاد تعملنا الوصفات هذه
ومشكورين جميعا مرة اخرى

[وعود الخير]

أخي الكريم ..
يمنع دخول الرجال كما هو موضح اعلاه
ونعتذر منك.

[Em zaid]

المفتول

المقادير
برغل وسط
طحين قمح ناعم مخلوط بقليل من الطحين الابيض
بقدونس
بصل
بهارات مشكل
عين جرادة مطحون او صحيح
زيت زيتون
معجون بندورة
حمص حب
دجاج

الطريقة
رح اكتبلكم طريقة الفتل
قومي بغسل البرغل وعلى طول صفيه من المي واتركيه ينفش شوي
احضري ماء ودوبي فيه شوية ملح
احضري شي واسع متل سدر واله جوانب
انثري برغل ورشي عليه مي وبعدين رشي عليه طحين
وقومي بلف يدك بحركة دائرية واستمري رشي مي وطحين حتى تتشكل المفتول في اصغر من حجم الكسكسي
بعدين حطيه بالطنجرة الخاصة بالمفتول ضعي بالطنجرة مي والمفتول على الشبك
يعني رح ينطبخ على البخار
افرمي بصلة ناعمة وبقدونس ناعم وبهريهم وملحيهم وحطي عين جرادة
حطي مفتول البصلة والبقدونس والبهارات بعدين مفتول وحطيهم على النار يستوي
هلا بتكوني سلقتي الجاج صفيه وحطي على ماء الدجاج حمص حب ومعجون بندورة
واتركيه ربع او تلت ساعة
وبعد ما يستوي المفتول ضعي بسدر ورشي عليه زيت زيتون وافركيه كله مع بعض
ضعيه بصحن التقديم وشربيه بالمرق والحمص
وضعي صحون من المرق بجانبه

وصحة وهنا

[وعود الخير]

يسلموا على المفتول
بتعرفي في غزة بدل البرغل الناعم بيستعملوا السميد
وبدون تحيز المفتول كثير طيب ..
ويا ليت مع الجرادة شوية شفلفل احمر ناشف .. يا سلام.
لك تسلمي شهيتيني اعمل مفتول .

[Em zaid]

وعود اهلا فيك الصراحة المفتول بشهي وطيب
لكن اول مرة بسمع انه بسميد
ايا سميد بستعملوا الخشن وكيف بنقعوا في المي
وهل اطيب من البرغل وبختلف طعمه ولا طيب متل البرغل
مممممم هلا انا اشتهيتوا

[Em zaid]

وعود عندي سؤال
بقدر افتل المفتول واتركهم بالتلاجة و تاني يوم اهبلهم اطبخهم ولا بعجنوا

[وعود الخير]

في غزة بيستعملوا السميد الناعم
بيحطوه السميد في الطشت وبيرشوا عليه الطحين المخلوط (أبيض+ قمح) وبعدينم بيرشواالمية عادي..)
بتقدري تفتلي من الليل... وترشي طحين على المفتول وبتخليه بره ..
والصبح بتنخلي الطحين عنه وبتهبليه عادي
شوفي الطريقة يا ستي
اول مرة بتحطي المفتول في المفتولية لمدة تقريبا ساعة
وبعدين بترفعيه عن النار
وبتحطيه في طشت وتصبي عليه ماء دافيء وشوية زيت وبتتكريه يتشرب..
وبعدين بتفركيه بالايد
وبترجعي ترفعي نص كمية المفتول علىالنار وبتكوني فارمة كم راس بصل حسب كميةالمفتول وبتدقيها مع فلفل حار وجرادة وفلفل اسود وشوية ملح
بتحطي البصل فوق نص كميةالمفتول وبتحطي بقية المفتول فوقها وبتتركيها قدر نص ساعة لحتى يستوي المفتول كويس
وبعدين بترفعيه عن النار..
بجد مافي اطيب من هيك .. واكيد رندوش راح تفيدنا اكثر بصفتها غزاوية اب عن جد.. راح اطلب منها تدخل الموضوع ان شاء الله تعالى..
وفي الخدمة لأي استفسار..

[Em zaid]

يسلم اديك وعينك يا كل الخير انت كنت بدي ارد على الرسالة وتنح الكمبيوتر
بس عندي كمان سؤال
هادي الطريقة الي كتبتيها للمفتول بسميد ولا للتنين السميد و البرغل
لانه احنا لمى نعمله بنطبخه مرة وحدة بدون مي بس لمى يستوي بنفركه بالزيت


وعود من مرة قوليلي وين احط المقبلات والسلطات الفلسطينية في هاد الملف ولا بركنك

[(راما)]

أنا عندي طريقة اسهل ،،
انا شخصيًا بعملها،، ):K










بشتري مفتول الشام و بعمله على طول :D
شو رايكم:mad:

[وعود الخير]

ولك كسولة انت يا دعاء.. هو في اطيب من مفتول البيت..

ام زيد.. عيوني هاي الطريقة بتنفع مع البرغل والسميد.. وانا تعلمتها من حماتي
لأن الوالدة رحمة الله عليها كانت بتعمله مرة وحدة..
بس لقيت ان نعمل المفتول على مرتين كثير اطيب.. جربي

اما عن المقبلات شو .. رايك .
اعملي ملف باسم مقبلات فلسطينية.. وعلى ركن المقبلات.. سر..

[Em zaid]

دعاء شو هل حكيييييي هيك رح اتخربي البنات ويجيبوا الجاهز
لا لا معدلة انت روحي جربي افتلي بطلع غير شكل

وعود ان شاء الله بجرب طريقتك والله يرحم والديك ووالدي ويسكنهم فسيح جناته

[جهاد القلوب]

تسلمي اختي ام زيد الله يباركلك فيه
والله الموضوع مفيد ومنك نستفيد
وخصوصا الكفته مع الطحينيه لان جوزي كتير بيحبها وانا ما عمري عملتها :-Y

[فلسطينية]

يسلمو دياتك يا ام زيد
والله نفسي اشاركم بس ما باليد ولا حيلة
على كلا انا لحد الحين ولا مرة جربت افتل انا لما بدي بخلي الوالدة الله يخليها وينصح بدنها هي بتفتلي
بس احنا بنفتله على سميده القمح يعني مثل البرغل
وامي لما بتفتل بتعمل كمية وبتنشفة وايمتى ما بدنا بنوخد منها
بس بيني وبينك انا بشوف الطازة ازكى

وبعدين معك وعود شكلك بتحبي الفلفل الغزاوي كل شي فلفل :ss:

<<<<<<<<ما بتوكل فلفل الا بالاعياد وراس السنة :D :D :D

[>>* شروق* <<]

جزاكم الله خير الجزاء موضوع كنت ابحث عنه وايضا كنت اريدة من تجاربكم

لكن خسارة كنت اتمنى ان اجد طرق المقبلات الفلسطينه اشهى مقبلات في العالم

ومن يد فلسطينه شاطرررة واتمنى مواصله الموضوع

فته باذنجان مع لحمة مفرومة
روق عنب بالزيت
صفيحة لحم
ومعجنات

انتظظركم بالطريقه الأصليه لها
بدون اضافات خارجية الطريقه الفلسطينه 100% واسال الله ان يرد لكم بلادكم :(

[marocaine]

very good you are the best:-Y

[>>* شروق* <<]

ياكافي وينكم :(

[فتاة البحيرة]

تسلمي يارب على هالأكلات الروعة .. :)

[Em zaid]

اهلا شروق يا مرحبا نورت
والحمد الله الاكلات عجبوك جربيهم ومتاكدة رح يطلبوهم دايما

بالنسبة لفته باذنجان مع لحمة مفرومة
هل قصدك المسقعة ؟
بتكون طبقة باذنجان مقلي بعدين لحمة مفرومة وعليهم صلصة حمرا

صفيحة اللحمة

تحضير اللحمة
اغسلي اللحمة وضعيها على الغاز مع ماء وبعد ان يصبح
لونها بني ضعيها في مصفاة واغسليها ورجعيها على الغاز مع نصف كاسة ماء
انا بعمل هيك علشان زنخة اللحمة تروح
وبعد ان تنشف الماء بكون فارمة البصل فرم متوسط بقليه لحاله
حتى يدبل منيح بعدين بضيفه على اللحمة ببهر اللحمة بالسبع بهارات
وبعصر نصف ليمونة عليهم وبحط رشة سماق
وبطفي النار بكون فارمة حبات البندورة فرم وسط بضعهم على اللحمة
بعد ان اطفي الغاز
وهيك اللحمة جاهزة
بتكوني مقطعة العجين كرات صغيرة وتاركاها ترتاح
امسكي كرة اعرديها بين اصابعك بعني يصير شكلها متل صحن صغير
ضعي الحشوة ثم افرديها ان شاء الله فهمت علي
ما تفرديها كتير خلي الها حواف وما تكون كتير رفيعة اطيب
وصحة وهنا

بالنسبة للعجين كل وحدة عندها طريقة
متلا عمتي بتعملها طحين وماء وخميرة وشوية ملح

والوالدة بتعملها متل هذه الطريقة
والتنتين طيبين
لكن الاولى اقرب من طعم الخبز
والتانية معجنات
http://www.lakii.com/vb/showthread.php?t=118665

واهلا فيك اختي
وبالنسبة للمقبلات انا فعلا كنت بدي اعمل ملف لكن كسلت وانشغلت
والاخوات في ركن المقبلات ما شاء الله كل شي بكتبه فقط اعملي
بحث واذا ما لقيتي الي بدك ياه احكيلي ولا يهمك بكتبلك ياه

[>>* شروق* <<]

الله يجزاك خير ام زياد


لكن ياليت تعطيني عجينتك الخاصه للصفيحة


وبالنسبه للطلب انا مااقصد المسقعه لاااااا اقصد الفته اللي فيها روب وصنوبر وخبز محمص :(


وورق عنب بالزيت بطريقه فلسطينيه وجزاك الله خير

[جريحه الحب]

جزااااااااااكم الله كل خير على الاطباق الرائعه

[ام البنين1977]

ويت هالموضوع كان متخبي يا ام زيد
اديش بدي احكيلك الله يجزيكي الخير
اكثير اكثير اكثير
لا و كمان بديتي بالكفته بالطحينيه
رح اعملها ان شاء الله

[ام مودي]

جميل جدا يا ام زيد..رائع و كتر من رائع..يسلمو ايديكي يا رب

[بنت بلدي]

بسم الله الرحمن الرحيم


اعتقد ان الشيش برك اكلة فلسطينية و انا مصرية و اكلتها عند صديقة لي من حوالي 10 سنوات
لكن كنت بحبها جدا
يا ريت تساعدوني في الحصول علي طريقتها
و لكم جزيل الشكر

[Em zaid]

اهلا مشكورين على المرور
وصحة وهنا على قلوبكم

ام البنين صحتين مقدما

ام مودي يا ميت هلا


الاخت بنت بلدي
الركن فيه وصفات الشيش برك
اعملي بحث بتلاقي كتير روابط
اذا ما عرفت قوليلي بعطيك ياهم
واهلا فيك

[وعود الخير]

السلام عليكم

وعودة لاطباقنا الشعبية

شيخ المحشي بالثوم
المقادير:
كيلو ونص باذنجان بلدي
راس ونص من الثوم
كيلو بندورة
بهارات
ملح
فلفل اسود
زيت للقلي
الطريقة
نختار الباذنجان البلدي المتوسط الحجم او الصغير
نرفع الكاس الاخضر مع ترك جزء منها مع الباذنجانة كي يحفظها متماسكة
نقشر الثوم
نغسل الباذنجان ونقوم بثقبه بعدة اماكن برأس السكين
نحشي الثقوب بالثوم
نحمي الزيت ونقوم بقلي الباذنجان نص قلي مع تقليبه
نرفعه من الزيت ونضعه في طنجرة او صحن فرن
نغمره بعصير البندورة ونرش الملح والبهارات حسب الرغبة
نضيف قليل من الماء المغلي
ونرفعه على النار حتى تتعقد الصالصة
نتذوقها ان كانت بحاجة لمزيد من الملح
نرفعها عن النار ونقدمها مع الرز الابيض المفلفل

شيخ المحشي
المقادير:
كيلو ونص باذنجان
نص كيلو لحمة مفرومة مدهنة
4 رؤوس بصل كبيرة
كيلو ونص بندورة
ملعقتان سماق
بهار
ملح
سمنة او زيت للقلي
الطريقة:
نتبل اللحمة بالبهارات والملح ثم نضيف لها فنجان ماء ونتركها تغلي حتى يجف الماء
نضيف لها السمنة ونقليها على نار خفيفة
عندما تقرب اللحمة من النضج نضيف لها البصل المفروم ونتركه ليذبل فقط مع المحافظة على لونه مع التحريك المستمر
نترك الحشوة لتبرد ونضيف لها السماق
نغسل الباذنجان جيدا ونجففه وننزع الكاس الاخضر مع ابقاء جزء منه ليحفظ الباذنجانة متماسكة
والآن سنقور الباذنجان ولكن بالعكس أي سنبدأ من الاسفل
نقطع قطعة رقيقة جزئيا من اسفل الباذنجانة ونتركها معلقة بالباذنجة لتكون غطاء للحشوة
بعد ان نقور الباذنجان نقوم بحشوه ومن ثم قليه نص قلي
نآخذ اللب الخالي من البذور ونغسله جيدا بماء مملح ثم نعصره ونضعه في كعب الطنجرة
والآن نقوم بترتيب الباذنجان بشكل عامودي ويكون مكان الحفر (التقوير لأعلى)
نضيف عصير البندورة مع ماء مغلي يكفي لغمر شيخ المحشي
نرش الملح والبهار ونرفع فوق نار متوسطة ونتركه يغلي حتى ينضج شيخ المحشي
يقدم مع الرز الابيض المفلفل
ملاحظة:
لا تقومي بتقوير الباذنجان رقيقا اتركيه يكون سميكا
يمكنك حشو الباذنجان بالكفتة النيئة
هناك طريقة حديثة استخدمها انا وهي شق الباذنجان طوليا لقسمين
قلي الباذنجان ثم ازالة البذور بالسكين
رص شرائح الباذنجان في صينية فرن ووضع الحشو في الفراغ ثم اضافة عصير البندورة ووضعه في الفرن حتى ينضج

[وعود الخير]

الاخت بنت بلدي تفضلي هذا الرابط لام الافكار
http://www.lakii.com/vb/showthread.php?t=126690&highlight=%C7%E1%D4%ED%D4%C8%D1%DF

وهناك المزيد لو فقط كتبت كلمة شيشبرك..

[سيدة الأحزان]

شكرا يا احلى بنات على هذي الطبخات الحلوة و اللذيذة

[وعود الخير]

الاخت شروق
كتبت مجموعة مقبلات وسلطات فلسطينية اصلية بدون تعديلات لكن للأسف ضرب الكمبيوتر عندي
ان شاء الله تعالى بس الاقي وقت فراغ راحاعيد طباعتها .. تكرمي

سيدةالاحزان.. ابعد الله الأحزان عنك ... مرورك اسعدنا واهلا وسهلا بك .

[وعود الخير]

تفضلي يا اخت شروق



مقبلات من فلسطين


سلطة الفجل بالبندورة

- رأس فجل كبير وثقيل نوعا ما كي نضمن انه من النوع الجيد

- ثلاث حبات بندورة

- متوسطة الحجم

- نص ليمونة

- زيت زيتون

- ملح



الطريقة اغسلي راس الفجل جيدا وقشريه ان كانت القشرة صلبة

ابشريه بمشرة خشنة

افرمي البندورة الى قطع متوسطةالحجم

اخلطي البندورة مع الفجل المبشور

اضيفي عصير الليمون ورشي الملح ثم اضيفي زيت الزيتون واخلطي جيدا



سلطة البندورة والبطاطا

اربع حبات بطاطا متوسطة الحجم

4 حبات بندورة

ربع فنجان عصير ليمون

ملح – زيت

راس ثوم

ربع فنجان طحينية



اغسلي البطاطا وزاسلقيها مع وضع ملعقة ملح صغيرة مع ماء السلق

تقشر البطاطا بعد النضج وتفرم الى قطع متوسطة الحجم

تغسل البندورة وتفرم

يقشر الثوم ويدق مع الملح

نضع الطحينة في صحن ونضيف لها الملح وعصير الليومن والقليل من الماء البارد ونمزجها جيدا

نضيف مزيج الطحينة إلى السلطة زنحركها بخفة ثم نضيف زيت زيتون ..

هذه السلطة تقدم عادة مع الأسماك او الدجاج واللحوم المشوية.



سلطة القرنبيط او اللفت

لفت او زهرة (القرنبيط)

ليمون

زيت زيتون – ملح

بندورة

نشطفالخضار ( الزهرة او اللفت الصغير) ثم نسقطها في ماء مملح ساخن ونسلقها قليلا حتى تطرى

نرفعها من الماء الساخن ونضعها في ماء بارد لدقيقة او اكثر

ان كان لفت نقوم بتقشيرة ومن ثم نفرم الخضار الى قطع متوسطة الحجم

\نضيف البندورة المفرومة

نرض ملح ثم نضيف عصير الليمون والزيت

نقلب ويقدم ساخنا مع المقالي و اللحوم..



متبل الباذنجان والبندورة

باذنجان حسب الرغبة ويفضل الخالي او قليل البذور (العجمي)

ثلاث حبات بندورة لكل كيلو باذنجان

راس ثوم

ثلث فنجان طحينة

ثلث فنجان عصير ليمون

ملح – زيت زيتون

بعد ان يتم شوي الباذنجان نقشره ونهرسه بالشوكة او يد الهاون الخشبي

نقشر الثوم وندقه مع الملح ويضاف للباذنجان

نضع الطيحينة في صحن ونقوم بسنها مع عصير الليمون وملعقتان من الماء البارد وبعض الملح

نضيف البطحينة للباذنجلن ونضيف قليل من اليزت ثم نضيف البندورة المفورمة لقطع متوسطة

نضع التبل في صحن التقديم ويزين بالقدونس المفروم ناعم او شرحات من البندورة او حبات الرمان.



سلطة البصل

2 بصل كبير

ملعقة كبيرة من السماق

ملح

4 عروق نعناع

يقشر البصل ويفرم على شكل هلال

يرش عليه الملح ويفرك حتى يذبل

يضاف اليه السماق ويخلط جيا

يوضع في صحن التقديم وفوقه عروق النعناع



سلطة الزعتر الأخضر

تشطف اوراق الزعتر الاخضر جيدا

يفرم راس بصل ناعم

يخلط البصل مع الزعتر الاخضر المفورم

يرش بالملح وزيت الزيتون وقليب من الليمون او السماق



متبل الكوسا

كيلو كوسا

فنجان من اللبن الرايب او اللبنة

نص راس توم

ملح

زيت زيتون

تغسل الكوسا وتنزع القمعة ثم نسلقها بقليل من الماء الساخن ختى تنضج

توفع من ماء السلق وتترك لتبرد ثم تهرس قليلا

يقشر الثوم ويدق بالهاون مع اضافة نص ملعقة صغيرة من الملح

تخلط الثوم مع اللبن ويحرك جيدا ثم يضاف للكوسا

يوضع في صحنالتقديم مع رشه بالنعناع الناشف



* ممكن قلي الكوسا بدل سلقه.



متبل البطاطا

كيلو بطاطا

نص فنجان طحينة او اقل

كمية من عصير الليمون بقدر كمية الطحينة

ملحزيت زيتون

نص راس ثوم



تسلق البطاطا وتقشر ثم تهرس جيدا حتى تنعم

تسن الطحينة مع الليمون والملح والثوم المهروس وملعقتان او اكثر ماء بارد حتى يمتزج الخليط جيدا

يضاف للبطاطا المهروسة وتمزج جيدا ويضاف ماء من فنجان الى فنجانين حتى تصبح متوسطة الليونة

توضع في صحن التقديم وترش بزيت الزيتون وتزين بالبقدونس الناعم او النعناع

[بنبونة]

تسلم إيدك وعودة سلطات رائعة ( مقبلات ) كلها فواتح للشهية
بأعمل معظمها لكن اللفت جديد على ما بأعلهوش إلا مخلل فقط
و الفجل أنا بأعمل السلاطة الخضراء بتاعتنا العادية ومعاها الفجل الأبيض أو الأحمر مبشور
و بيعطيها طعم جميل وعلى فكرة معلومة كده على الماشى الفجل مفيد جدا لمرضى السكر
بيساعد على خفضه مثل البصل

[وعود الخير]

تسلمي ليه يا غالية يا للي كلك رقة وذوق..
وصحتين وعافية على قلبك هاي التشكيلة شعبية بدون رتوش حضارية جديدة يعني بالعربي طريقة فلاحي من ايام ستي وستك ربنا يرحمهم برحمته ويرحم اموات المسلمين

[Em zaid]

وعود تسلم اديك
طيب شو رايك تفتحي موضوع في ركن المقبلات
وتنقلي هدول ونحنا من كمل على الوصفات

[وعود الخير]

فكرك يا ام زيد نعمل هيك
وبعديها ملف للحلويات
فكرة ممتازة
لك تسلمي يا بنت جنين..

[rose05]

salam Alikom all my sisters Iam from palastine and all the food you wrote so so good and remind me with my mother and her delicious food

[أناغيـم]

وين اللبن امه...
وين المخشي...
وين... نسيت.

[أناغيـم]

آه تذكرت....

وين العكووووووووووووووووووووووووووووووب
بدي عكوب...