صور من حوش بيتنا بإلتقاط نجماوي

**صديقة الزهور** · 09-01-2006, 09:24 PM

بسم الله الرحمن الرحيم

السلام عليكم ورحمة الله وبركاته

كيف حالكم اخواتي حبوباتي & اخواني

كل عام وأنتم بخير

وعيدكم مبارك

صورت كم صورة جديدة مثيرة نادرة < لزيادة الحماس

رغم ان اشتراكي في النت خلص الا دخلت لكم من التلفون العادي

لازم اعايدكم

ماهانت علي العشرة

صور من حوش بيتنا المبجل زين اني صورتها قبل لا يجي الخروف

اقتحم السور اللي حجزه اخوي فيه وطلع للزرع وأكل الشجر واعدم شكلها

طلعت بالصدفه الا الاقيه متلبس قاعد يتمشى في الزرع

رحت له اركض خاف مني وانحاش آنا ماصدقت حد يخاف مني رحت وراه الاحقه

جاه اخوي من قدامه ورجع علي ماعاد عبرني بعد ماشاف اخوي والله بغيت اتهبل

تخيلي مخلوق مثل الدب القطبي قاعد يلاحقك دخلت للبيت وآنا أصيح يمااااااااااااه

الحين لو شفتو الزرع ماتصدقون انه اللي في الصور مع العيد خربها علينا ذبحه حلال

اول مره جيته قلت له من الخباله ميوووو كان منزل راسه رفع راسه وطالعني بنظرات

عيونه لونها زيتي وصغار والله خوفني كأنه ينتقدني ويقول انا خروف مو قطوة

المهم عن كثر الهذره < اذا مسكت خيط لسالفه صعب افكه

ملاحظة عدد الصور 12 صورة < درزن

تفضلوا

(1)

(2)

(3)

(4)

(5)

(6)

(7)

(8)

خواتي يحسبوني غيرت الالوان في هالصورة رغم اني مابدلت فيها شي سبحان الله الخالق المبدع

(9)

(10)

(11)

(12)

انا وخواتي كل وحده اختارت صورة تقول هي الأحلى

ونبي تصويتكم

لا تنسوني من رأكم ونقدكم

اختكم

نجاجيمو

**شفق** · 09-01-2006, 09:59 PM

:: وعليكم السلام ورحمة الله وبركاته ::

وانتي بخير نجّوووم

دخلت على السريع
وكنت بطلع
بس لفت انتباهي موضوعج
فقلت ارد عليه

المهم

ما شاء الله الصور عجييبه

وأنا صوتت لآخر صوووره
وكنت محتاره بينها وبين رقم 5

تسلم هالأنامل اختي
والله يعطيج العافيه

ابدعتي في التقاط اجمل الصور

قبل لا انسى
حرااام هالجمال وهالحوش الحلو
يدمر من قبل خروووف
شكله حاس أن نهايته قربت
وقرر انه يترك بصمته في هذا العالم

(( عيدج مبارك ))