تصاميم من نوع آخر ..

**zoba4** · 12-11-2005, 07:46 PM

بسم الله الرحمن الرحيم ..

اليوم وانا جالسه جت في بالي فكرة اني ارسم اشياء من حولي .. فأحضرت شي من المطبخ وشي من على منام أختي الصغيرة والثالث طالعته من الجدار

هذا الموجود بالحواف وحول الابيض التطريز للوسادة

وهذي الرسمة الرابعة بعد ماشفت تصميم ايمان وغرت

أعطر التحايا
اختكم .. زوبا

**إيمان علي** · 12-11-2005, 09:49 PM

واااااااااو ما أجملها يا زوبا، خاصة مفاتيح الكهرباء! شكلها صورة مش رسم ما شاء الله!
أنا رسمت من فترة شيء ذكرتيني فيه.. بدي أتذكر كيف رسمته وأجرب وأوريكم إياه

**إيمان علي** · 12-11-2005, 10:45 PM

ما رأيك بهذا؟ تخيلي حوالي 30 خطوة، كلها سهلة التطبيق، لكن تستغرق الكثير من العمل والوقت!

**..الغدير..** · 12-11-2005, 11:38 PM

ما شاء الله ..أعمال رائعة..يعطيكم العافية..

**غريب الهمس** · 13-11-2005, 12:44 AM

ما شاء الله تبارك الله . .
مبدعة دائما أختي zoba4 . .
رسماتك ماشاء الله رائعة و دقيقة جدا من ناحية الأضاءة وألظلال . .
يبيلها حرفنه . .
بس غششينا شوي

شلون سويتي أنعكاس النور حوالين الفتحات بالصورة الأولى . .

**غريب الهمس** · 13-11-2005, 12:47 AM

أختي إيمان علي . .
رائعة جدا الرسمة . .
وشغلك نظيف . .

**zoba4** · 13-11-2005, 01:58 AM

اهلين اختي ايمان علي ..

تسلمي والله على تواصلك الدائم وتشجيعك في كل مره والذي هو سند للرقي والابداع ..

وبالنسبة لعملك .. والله يجنن ولاعليه اي غبار ..
تقولين 30 خطوة .. قصدك انك اتبعتين درس معين لرسم العدسة ؟ اذا كان كذلك أبي الدرس اذا ماعليك أمر ..
انا برسمي مااعتمدت باي درس مجرد رسم خطوط ومستطيلات ودوائر والتلاعب بها بواسطة خيارات الستايل للطبقات وهذا الي طلع معي .. وتراه كله جاني من الملل .. كنت طفشانه .. شكلي بصير كله طفشانه عشان اطلع باشياء ثانيه خخخ

ومثل ماتعرفين الواحد اذا شاف شي من غيره وعجبه يحب يحاكيه .. لذا حاولت ارسم نفس تصميمك لكن كله طبعا بعفسة من عندي يعني مثل مااتبعت في الرسمات الي فوق .. عشان كذا ماراح تشوفين الرسم طلع نظيف مثلك عشانه خربطه وبدون اتباع خطوات ..

وهذا وضعت صورة من بره ..

دمتِ موفقه ..

اعطر التحايا

**zoba4** · 13-11-2005, 02:01 AM

أهلين اختي الكريمة .. غدير ..

الاروع هو مروركم وردكم الطيب ..

اعطر التحايا

**zoba4** · 13-11-2005, 02:25 AM

اهلا بك اخي غريب الهمس ..

طبعا راي عضو محترف ومتمكن مثلك أهتم وأعتز به ..

بس عاد لاحطيت ببالي لاحرفنة ولادقه بس هي طلعت من نفسها

مثل ماذكرت مجرد حوسة في رسم الاشكال والقص فيها وبعدها حوسه بالستايلات من كل خيار اخذت منه الي يتلائم مع الشكل المطلوب ..

طبعا تدري عني كسولة فبدل ماأطول في كتابة الخطوات حفظت الستايل وحملته ومنه شوف الخيارات

دمت موفقاً ..

اعطر التحايا