***موضوع متميز**نوعين من السلطه واحد تركي والتاني سلطة خبازه مشاركه بسيطه مني

بسم الله الرحمن الرحيم

كيفكم يا مشرفات ويا صبايا ان شاء الله الكل بكون مليح
اولا
هاي سلطه تركيه كتير بحبها في مطاعم تركيا بسيطه كتير وزاكيه كتيرررررررررر

المقادير

2 حبة بندوره
2 حبة خيار
1 ضمه نعنع صغيره
1 بصله صغيره يلي في الصوره كبيره قسمتها من النصف هههههه
عصرة ليمون
رشة ملح
كمشة جوز مدقوق
120غم دبس الرمان ترى دبس الرمان انواع في شي مش زاكي استعملي دبس الرمان التركي الاصل
3 ملاعق زيت زيتون

الطريقه

افرمي البندوره +الخيار+البصل+النعنع فرما متوسط الحجم
اخلطي الدبس مع الزيت مع الليمون مع الملح واضيفها للخضار وحركيها
رشي الجوز على سطح السلطه
الف صحه وعافيه يا رب

السلطه التانيه
سلطة خبيزه مكوناتها بسيطه جدا

المقادير

2 حبة بندوره
2 حبة خيار
2 عرق بصل اخضر
ضمة خبازه طريه تكون او استعملي الورق فقط
5 طلوق نعنع اخضر
120 غم جبنه بيضه
4 ملاعق زيت زيتون
سماق
ملح
عصير ليمون

الطريقه

قطعي الخبازه وضعي عليها السماق+الزيت +الملح +الليمون
قطعي البندوره +الخيار +النعنع +البصل الاخضر
اضيفي الخضار على الخبازه وحركيها
قطعي الجبنه مكعبات ثم اضيفيها على السلطه ورشي على السطح رشة سماق

والف صحه وعافيه يا رب

ماشاءالله عليكِ ام انس

كل طبق أحلى من التاني

يسلموا ايديك حبيبتي

بما اني اول رد

مش طماعة بدي سلطة الخبيزة بس
لأنها غريبة علي شوي وبدي أجربها

يسعد صباااااااااااااااااااااااحك يسعدك ربي ما اجملك بتجنن هالوصفااااااااااااااات والله بفرح لما بشوفلك ايا شي بجد انتي راااااااائعه وانا مبسووووطه بس لأني اتصبحت بوشك الحلووووووووو رايحه جيب صحن ومعلقه وأجي ماتروحي

الله يعطيكى الف عافية يارب

وتسلمى على الوصفة الجميلة الرائعة تبارك الله

والف هنا وعافية على قلوبكم يارب

سلمت يداكِ عزيزتي على السلطات الشهيه والرائعه

تسلم الايادي يا ام انس سلطات بتشهي منظرهم لا يقاوم امممم ماشاء الله

ماشاء الله شكلهم بيشهي
انا بحب الجوز كتير
وين ميكون
تسلم ايديك يارب ومايحرمنا من اطباقك

تسلم الايادي رووعه
بصراحه بحياتي ماحطيت الخبيزه على السلطه بس بجرها مو غلط ومنكم نستفيد

الله يسلم ايدياتك يارب

روووووووعة ماشاء الله عليكي

ألف صحة وهناء على قلوبكم