*شعار وصفة متمزة *برغل ببندورة طبخة حلوة وصحية من مطبخي تفضلوا

السلام عليكم ورحمة الله وبركاته

اليوم رح قدملكم برغل ببندورة ومنسميها مغمومة ولا تشوفو غم بس ما بعرف ليش بيقولولها مغمومة يمكن لانو الواحد بياكل منها كتير وبعد ما ياكل بيتذكر الوزن وزيادته بيقوم بينغم

طبعا قدمتها مع مخلل باذنجان ومخلل لفت وسلطة خس بلبن (هي المفروض تكون خيار بلبن بس ما كان عندي خيار فاستبدلتو بخس اما افكار تحفة )

وهاي سفرتنا اليوم

طبعا لسا ماكنت منزلة الصحون والملاعق لو كنت منزلتهم ما كنت قدرت اصور
المقادير

كوبين برغل خشن (نفس برغل المجدرة )
حبتين بندورة كبار
حبة بصل
حبة فليفلة حمرا
ملعقة دبس بندورة (صلصة طماطم )
ممكن اضافة حبة لكل من (باذنجان – كوسا – قرع اخضر )كمان بيعطو طعم اطيب واطيب ولو كانت فصيلة القرعيات زكية هون ما كنت قصرت بس ما استعملتها ولكن بالعادة بستعملها في موسمها
ملح
كوب زيت
شايفين المقادير حلوة وسهلة

الطريقة
تقشر البندورة وتفرم خشن ممكن تخلطيها بالخلاط بس انا بحسها هيك ازكى
تقطع البصل ايضا خشن
يقطع الفلفل
في طنجرة الطبخ (انا استعمل طاهية الارز بلاقيها اسهل ) يسكب الزيت مع البندورة والبصل والفليفلة والملح ويترك حتى يغلى ثم يضاف دبس البندورة ويسكب كوبين ماء ويحرك الخليط وتترك حتى تتسبك
في هذه الاثناء يغسل البرغل ويصفى
يسكب في الطنجرة ويحرك برفق حتى يتناسق ولا يحتاج اكتر من عشر دقائق وتكون الطبخة جاهزة
وهذه الصورة النهائية للطبق

هاي الاكلة من الاكلات الي بموت فيها وسبحان الله شهودة طالعتلي بتحب هيك اكلات
جربوها طيبة كتير وان ما عجبتكن ابعتولي الصحن انا باكلو
والسلام

اعطيني بسرعة هالطبق ما تتأخري
وبعدين ما تشوفي غم
البرغل ما بيزيد الوزن متل الرز .. من وين اجت المغمومة
وزي ما تعودنا اول رد بياخذ اول طبق

سلمت الاياااااااااااااااااااااااااااااادي
وعلى فكرة انا بموت بسلطة الخس واللبن مع سن توم ورشة نعناع ناشف

طبعا الطبق اولا واخيرا لك لاني بعرفك من عشاق البرغل
بموت بالبرغل كيف ما كان عداكي عن هيك بسامير الركب هههههه

البرغل ما بيزيد الوزن متل الرز .. من وين اجت المغمومة

انا بعر ف يا وعود من وين اجدادنا بيجوبو هالاسامي

وعلى فكرة انا بموت بسلطة الخس واللبن مع سن توم ورشة نعناع ناشف

وانا الي فاكرتها اختراع لانو بعمل الخيار بلبن بنفس الطريقة الي ذكرتيها بس ما كان عندي خيار قمت حطيت الخس

ولا انحرم من هالطلة الحلوة تسلميلي يا وعود كلك زوق

بتعرفي انا اكتر الشي فرحانة على مخلل اللفت لاني صرلي اربع سنين ما اكلتو ولما عرفنا حضرة اللفت الصيني انو غير عن لفتنا الي منعرفو عملت مرطبانين حلوين واليوم على شرف البرغل ببندورة فتحت المرطبان وطلع بموت ع قد مو طيب

صحتين وعافية على قلبك ليش في اطيب من اللفت خاصة لما يكون حامض
يممييي شو اشتهيت صحن لفت هلأ

شهد شكلها بشهى وعندنا زيها بس بالارز

والمغمومه عندنا من ملفوف مخروط وحشوة رز توضع طبقات مرة الحشوة ومرة ملفوف هذة الاكله بسموها مغمومه عندنا

بس شكلها صحى ولذيذ وعود ممكن اذوق من صحنك بس ملعقه الله يخليك

جزاك الله كل خير

شهودة حبيبتي يسلموووووووووووووووووووووو . انا بعشق هالأكلة بالذات..

دايماً بعملها.. يا سلام .. والله شهيتيني ياها لأن صارلي شي كام أسبوع مو طابختها..

ان شاء الله بالهنا والعافية على قلبك انت وشهودة الصغيرة..

على فكرة قصة اللفت ذكرتيني بحالي .. كنا فترة بأوروبا وما كنت لاقي شي من أكلاتنا...

كل شي شكل تاني الخيار، الكوسى ... وكمان بتذكر كيف كنت اشتهي المخلل وما كنت بعرف أعملوا

لحد ما همّيت الهمة وعملت المرطبان المخلوط (( فليفلة وملفوف وجزر وقرنبيط)) يميميمي..
وكمان عملت لفت بعدين لما لقيته

من يد ما نعدمها حبيبتي...

تسلم الايااااااااااااااادي

الله يعطيكي العافية
على الوصفة الطيبة

يعطيك الصحه


بيشهي

مشكوووووووووورة تسلم الاياااااااااااااادي