♥ متميز♥ التسقية على الطريقة الشامية و بنفس حلبي

**Rino** · 31-12-2007, 05:54 PM

الطريقة التقليدية لهذا الطبق تختلف قليلا عن طريقتي اليوم فأهل دمشق كانوا قديما يعملوها بخبز عادي غير محمص و لا يزال الكثير منهم يتبعوا نفس الطريقة لكن مرة دقتها عند صديقة لي كانت محمرة الخبز و عجبتني فقلت لنفسي ليه لأ التطوير و التجديد حلو أحيانا اتفضلوا و شوفوا كيف عملت التسقية ( فتة الحمص ) اليوم

المقادير:
2.5 رغيف خبز شامي مقطع إلى مربعات ومحمر بالزيت
2.5 كوب حمص مسلوق
3- 4 كوب لبن زبادي
2 ملعقة كبيرة طحينة
3-4 حصوص ثوم مهروس
ملح – كمون – بابريكا
ملعقة كبيرةمن السمن ( يفضل السمن الحموي )

بعد ما نحمر مربعات الخبز بالزيت نصفيه تماما و نضعه في صينية أو جاط بايركس أو أي وعاء بتحبي تقدمي التسقية

نتبل الحمص المسلوق و الساخن بملح و ملعقة كبيرة من الكمون و ملعقة بابريكا وبالمناسبة أنا بحب أسلق الحمص بنفسي و ما بحب الجاهز

[u[/url=http://www.momeen.org/up]

[/url

نخلط اللبن مع الطحينة و الثوم المهروس و شوية ملح و نحاول أن ندفئ اللبن قدر الإمكان ممكن بالمايكروويف العملية تدفئة مو طبخ

نضع الحمص على الخبز المحمص مع الإنتباه لأنو مرق سلق الحمص لازم يكون قليل جدا حتى نحافظ على قرمشة الخبز أما إذا كنا عم نستعمل خبز عادي فرح نحتاج إلى ترطيبه بكمية من مرق سلق الحمص حتى ما يكون ناشف يعني حوالي نصف كوب مرق

نضع اللبن على الحمص و مباشرة نضع على الوجه السمن الساخنة جدا ( سخني السمن من دون ما تحرقيه)

لازم تكوني سريعة و تكون كل المكونات ساخنة بنفس الوقت لأنو هالأكلة مو طيبة إذا بردت
http://www.momeen.org/up/uploads/5fcb6e8c71.jpg

زيني الوجه بالصنوبر المحمر بس أنا حطيت لوز لأنو أولادي ما بيحبو الصنوبر رشي رشة خفيفة من البهار( السبع بهارات ) و كليها بألف عافية و لا تنسي تقدمي معها المخلل و تشكيلة حلوة من الخضروات أنا عندي مخلل رائع عملته بتشكيلة من اللفت و القرنبيط و الملفوف طعم رائع و لون رهيب شوفي الصور و احكمي بنفسك
[l=http://urwww.momeen.org/up]

[/url]
http://www.momeen.org/up/uploads/01f2b00994.jpg

يا الله مين الشاطرة اللي رح تجرب أول

**ام ليانة** · 31-12-2007, 07:25 PM

تسلم الايادي رينو على التسقية ... احنا بنسميها فتة حمص وبنطحن الحمص مع اللبن والطحينة والليمون

طبق اكتر من رائع ........... طالع من ايديك تحفة

الله يعطيك الصحة والعافية ويشفيكِ وما ننحرم منك ولا من اطباقك الرائعة

وصحن المخلل لوحده حكاية ... انا طماعة بدي طريقة المخلل

جزاك الله كل خير ... اقر عينك باولادك يا غالية

**ام صائب** · 31-12-2007, 07:59 PM

براااااااافو رينو
بتشهي كتير حلوة
وانا حزرت بالدردشة أنها فتة حمص

ما شاء الله عليك
طبق رائع

على النص بيني وبين ام ليانة والباقي يدبرو حالهم ههههههههه

يسلمو ايديك حبيبتي

**Rino** · 31-12-2007, 08:09 PM

أم اللول و أم صائب أحلى طبق فتة لعيونكون يا غاليات و أنت أم اللول شو رأيك ابعتيللي العنوان و أنا ببعتلك مرطبان مخلل كبييييير
و عا فكرة كمان بالشام في كتير بيطحنو الحمص مع اللبن و بيسموها ( تسقية ببدوة ) بس أنا بحس بتصير كتير تقيلة و بتغلب لهيك ما بحط حمص مطحون
نورتو حبيباتي

**awwo34** · 31-12-2007, 08:25 PM

يسلموا....أنا بضفلك اضافة تعلمتها من أختى المقيمة بتركيا و هنن هنيك بيقطعوا الخبز بالمقص مربعات و بعده بيحطوه بجاط كبير مسطح مو غويط و يرشوا عليه شى تلات ملاعق زيت زيتون و يقلبوه و يدخلوه الفرن و بعدو بيقلبوه مرتين تلاته لحتى يتأمر شو رأيك؟؟؟الطعمة بتكون رائعة و القرمشة أكوس

**Rino** · 31-12-2007, 09:31 PM

awwo34 تسلمي حبيبتي على مرورك و فكرتك معقولة كتير على الأقل بنتجنب مضار القلي بالزيت الغزيرتسلميلي يا قمر

**lone~ly** · 01-01-2008, 05:40 PM

تسلم الايادى رينو
تحفه فنيه
شغل معدلات ما شاء الله
وانا راح على
اخدوه ام اللول وميمو
ريته صحه وهنا

**لبنان وحبايبه** · 01-01-2008, 07:57 PM

رنرون الله يسلم يداك حبيبتي....شي بيشهههههههههههههههههي والله..

الله يعطيك العافية يا عسولة انت

**em omar** · 02-01-2008, 04:12 AM

تسلم ايديكي عا الطبق الرائع

**أم أيموني** · 02-01-2008, 08:27 AM

ماشاء الله .. منورة يا Rino يا غالية..

شو هالتسقية هاي يا عمي.. الله يسلم إيديك وعينيك يارب.. شكلها بيشهييييييييييييييييييييي..

بعدين شو مين راح تجرب.. انا بدي ياه ع السريع بدون إنتظار ..

أنا بضيف لها لحمة محمسة بالسمنة .. وصنوبر ..

الله يبارك لك يارب..