تطبيـقي لكبـة البـرغل من مشـرفتنـا وعود الخيـر رائعه بالصـور...مع كبـة بطاط..

**ام بـدوري.** · 09-07-2007, 05:39 AM

السلام عليـكم

كبـة البرغـل من مشـرفتنـا العزيـزه وعود الخيـر
انا معتمدتها من رمضـان اللي فات مع انـي ماكنت مسجله بالمنتدى ومكتفيه بالقراءه
ماشاءالله كبتج روعه يا وعود
زوجـي يحبها من السنه اللي فاتت
وخالاتـي دايما يطلبوها مني ولله الحمد
وتصدقين ان امي اعتمدت طريقتج

الصراحه تبيض الوجه وطريه من الداخل ومقرمشه من الخارج
طريقتها
كيلو برغل مغسول ومنقوع في كوب ماء دافيء
انا اتركه 3ساعات
واغطيـه
وكل نص ساعه تقريبا اقلبه
بعد ماينقع ويخلص اضيف له راسين بصل وسن او سنين ثوم
ونص كيلو لحم مفروم
وفلفل اسود
وملح وبهارات مشكلـه
وكمون
ومااضيف كركم ابدا
ومن عندي اضفت لها اجي نو موتو
وطلعت رائعه
وفرمتها بالمفرمه فرمتين
وشكلتها
وانا اشكلها بللت ايدي بماء بارد جدا وثلج و4ملاعق نشا
وحشيتها بالحشو المعتاد
لكن ملاحظه:
هالمره نسيت قبل مااقلي كم حبه من الكبه امسح شقوقها بالماء البارد
وبانت شقوقها
لكن بعدها قليت كم حبه ومسحت الشقوق بالماء البارد
رووعه يابنات جربوها
ومعاها بالطبق كبة بطاط
يالله شنو روووووعه
طعمها جنان
ومقرمشـه
مقاديـرها
5 حبات بطاط مسلوقه جيدا
1كوب رز مسلوق
ملعقتين طحين
ملعقة نشا
بهارات
كركم
فلفل اسود
اجي نو موتو
كمون
خلطت المقادير وفرمتها بالمفرمه فرمتين
وشكلتها وحشيت نص الكميه باللحم ونصها بالدجاج
وجمدتها بالفريزر حق رمضان ينعاد علينا انشاءالله بالخيـر والبركات
وخذيت كم حبه وقليتها وصورتها لكم
انشاءالله تعجبكم الصور
واسفه انها موواضحه لانها من كاميرة التلفون...

**طيـــف** · 09-07-2007, 10:08 AM

متيمززززززززززز بلا شك ياام بدوري

بارك الله فيكِ حبيبتي

**NoooNAA** · 09-07-2007, 10:55 AM

الله يعطيج العافيه أختي وتسلم الايادي على هذي الكبه الرائعه ......

**أم أيموني** · 09-07-2007, 02:27 PM

تطبيق رائع ..

الله يعطيك العافية..

**ام بـدوري.** · 09-07-2007, 07:32 PM

مشرفتنا طيـف
نونا
ام ايموني
مروركم هو المميـز
اسعدتوني بردودكم

**hms123** · 09-07-2007, 08:21 PM

اله يعطيك العافية

**ام بـدوري.** · 10-07-2007, 01:09 AM

الله يعافيـج اختـي
مشكوره على مرورج

**khdiga** · 10-07-2007, 02:41 AM

تسلم الايادى
بس انت قلتى(الحشوة المعتادة)ايش هيا
لانى ماعرف الكبة الا من الكتب
وبعدين قلت انت حطيتيها فى الفريزحق رمضان بعد القلى ةالابدون قلى(لاتضحكى)
اللهم بلغنا رمضان ونحن بصحة وعافية

وبعدين قبل القلى تحطيها بالدقيق والا ؟؟
اعذرينى لاسئلتى الكثيرة
بس فكرة التجميد بتجنن
خصوصا الى بيكون لوحدو فى رمضان يعنى ماعندك بنت تساعدك مثلى
وكمان عطينى فكرة
انت بتجمدى كل شى حق رمضان والاكيف فقط لنستفيد

جزاك الله خيرا

**ام بـدوري.** · 10-07-2007, 03:34 AM

كتبت بواسطة khdiga

تسلم الايادى
بس انت قلتى(الحشوة المعتادة)ايش هيا
لانى ماعرف الكبة الا من الكتب
وبعدين قلت انت حطيتيها فى الفريزحق رمضان بعد القلى ةالابدون قلى(لاتضحكى)
اللهم بلغنا رمضان ونحن بصحة وعافية

وبعدين قبل القلى تحطيها بالدقيق والا ؟؟
اعذرينى لاسئلتى الكثيرة
بس فكرة التجميد بتجنن
خصوصا الى بيكون لوحدو فى رمضان يعنى ماعندك بنت تساعدك مثلى
وكمان عطينى فكرة
انت بتجمدى كل شى حق رمضان والاكيف فقط لنستفيد
جزاك الله خيرا

حيـاج الله اختـي خديجه

وانا اسمي خديجه بعد يعني سميتي المهم
الحشوه بطريقتي انا
بصل مفروم يحمر عالنار الى ان يذبل بدون زيت فقط برش الماء عليه بين فتره واخرى
بعد مايذبل البصل
نضيف اللحم المفروم والبهارات والكمون والصنوبر واخليهم ليما تطلع زفرة اللحم وبس
احشي الكبب بالحشوه
واجمد الكبب بالفريزر بدون قلي طبعا
ومااحط دقيق وقت القلي
بس وانتي قاعده تكببي الكبه وتحشيها تبللين ايدج بماء بارد وثلج ونشا تقريبا 4ملاعق
ووقت اللي حابه تقليها
تمسحي شقوق الكبه بالماء البارد
وانا دايما اجمد الكبب قبل رمضان بشهرين تقريبا
اعاده الله علينا وعليكم اجمعين
واي سؤال انا حاضره وبالخدمه
وجربيها وخبريني شنو بيصير معاج